‏مقطع صوتي من ابو فضة الحميداوي

‏مقطع صوتي من ابو فضة الحميداوي

#محرم_الحرام_1447هـ_
الليله الثامنة

لسان حال مولاتي رمله بمصاب مولانا القاسم بن الحسن (صلوات الله عليهم)

#####

راح وخذه وياه الروح
وبده حناني عله الگاع
من القلق بـيـه شــصار
بخطواته حسيت اوداع
يمه صـحـت رد الوليـد
بس الولد مـنـي ضاع

تخط اجدامه وشو مشيول
اشماله أوليدي گلبي يگول
وين الضحكه وين الطول ... اشماله وليدي

لاتگلولي انـذبـح ابـنـي وفـرحـتـي
صحته جاسم يمه هاي اول ركضتي
فــدوة گـلـولي عــدل جـبـتو الـيـه
ربـي لاترحم سبب حزني وكسرتي
###

جابـو ألـي ودم فـوگـاه
وبروحي ما ادري شصار
وبحضني حطيته ونام
تذكـرته اول ما صــــار
مخربين الرسوم اشلون
وبگلـبـي شـبـوها النار

ما راح ابچي ولا ما انوح
بس گولو ضلت بــي روح
شوفو وليدي ما مذبوح .. شوفو وليدي

هذا ابني القاسم وشوفو شحلاته
امسحت دمه وباوعو تخبل صفاته
چانت امنيتي يشيل اولاده حضني
شدعي عالطف باگ گدامي حياته

####

يمه الولد گلبي يصـيـح
مالي على فگده عـيـون
ثياب العرس جبت وياي
يرجعلي مذبوح اشلـون
ميته واحاچي بمذبـوح
وگبل الولد ميـتـه كــون


عريس ابني اشلون يموت
اشلون بدمه بنصنه يفوت
يخبل طوله وهم مبخوت... يخبل طوله

لو انازع ابتسم لو اشــوف عـيـنـه
العمري يخلص لـو اسمعنه ونـيـنـه
اشلون اقنع روحي مات ابني يوادم
چا بعدهي الحنه نيشان عله ادينه

####

بالخيمه حطيته وصار
القاسم تره اگبال العيـن
وبروحي اقنع بس ليش
يبچي بقه يمي حسـيـن
اجمل شباب الطـف راح
يا رمــلـه الـمـن تبقـيـن

ما عــنـدچ بــس هــذا وراح
وگــفـتـه ورد يــــمــچ طـاح
روحي اقتنعي ولزمي اصفاح ... روحي اقتنعي


ما اصدگ مـنـذبـح ابـنــي وحـنـانـي
يگلي ها يمه اضــل لولــيــدي اتانـي
ادري ما يقبل يشوف دموعـي تـنـزل
شبيدي عالطف طگني بعيوني وعماني

#####
✍️ ابو فضة الحميداوي

#قصائد محرم الحرام 1447 هـ
الليله التاسعه
عندما وقع مولانا علي الأكبر صلوات الله عليه لسان حال مولانا سيد الشهداء صلوات الله عليه ...

######

صاحو علي طاح و طحت
من اسمعت هذا الخبر
چاا ما نهض لسه اشعجب
ما شيب اوليدي وكبر
ماتت گبل عندي زلم
بس انته كاسرلي الضهر

دربي- متيه دربي
من گالولي طاح اوليدي
اركض - صوبك رايد
وصوب اخيامي رحت شبيدي

اوليدي اركض وابچي
وين امچانه بس دلوني
اوصلتك بس شوصلتك
رايح حيلي وماهي عيوني

اوصلت يمك والجدم يتعثر علي ما اگدر
اشوفك شابع ادموم
گلت گوم وما گمت ياغالي يهظمك حالي
من اگلك يلولد گوم

=======

تباوعلي يا لب الگلب
بالگوا اشم گمت الهوا
بعيوني ضلمت كربله
حرمتني منك نينوى
مو گدرك اتضل عالترب
ما ترهم اتراب وضوه

احچي وريح گلبي
هاي السكته تموت روحي
اگعد يابو الغيره
انه بشيبي ويطلع نوحي

الوادم صوبي تباوع
حالي يبچي حته اعدانه
يلا گوم اوليدي
گوم ارجع للخيمه ويانه

جاي اگلك گوم بس حاچيني عليك اونيني
وصل حتى اليكرهون
زينب اتاني نرد للخيمه يگلبي وضيمه
لطمت عليك العيون
=======
گمت اشبر بطولك علي
ابچي گمت يبني واعد
وبصفك بطولي نمت
كبرو گلت عندي الولد
ومن خدك امسح بالدمه
اوليدي كبر لا ينحسد


احسب - چنت لعمرك
يكبر گلت اوليدي بعيني
تحله - صرت وروحي
تفرح من انته تحاچيني

تالي - هيچي تسوي
تخلي حسين بكبره يحدب
شيگضي - هاي الساعه
ليش بروحي جاي تعذب

يالهواشم صحت الحگو اوليدي بعد ما بيدي
حيله ولاكو ضل راي
راد مـاي وگـتـله لا ما اگـدر يـبـزري اتعذر
ما صح يبني الماي

======
اصبرت ورجعت عله الخيم
تلگيني يا زينب گلت
راح الولد راح الولد
بنص الحرم يبني گعدت
انعي يزيـنـب للـولـد
وخلوني ابچي ناشدت

انعي - زينب انعي
وخليني ابچي راح الأكبر
گعدن - يمي وابچن
اچبيري رايح گلبي اتكسر

اوليدي - بنصهن جبتك
وامسح دمك گمت بخدي
اگعد - اصرخ اگعد
لتموت انته وابقى لوحدي

راح اعز كل الولد يا زينب اريـدن انحـب
واطلع كون اله الروح
اتگابلت انه خواتك وامك ونمسحه دمك
مناوب صرنه بالنوح

======
✍️ ابوفضة الحميداوي

#قصائد محرم الحرام 1447 هـ
الليله العاشرة

حديث مولاتي الرباب عن ولدها عبد الله الرضيع (صلوات الله عليهم )

#####

العطش فزز عزيز الروح
وگلتله: فدوة يبني نام
الولّيلة گمت وأدعي
بعيدة إن شاء الله السهام
التريده يبني لا ما صِحّ
وما صِحّ للعطش جرّبه
البلگماط أشيفهمه بهاي
العطش خيّم على الخيام

غير الطفل لو فزّ من النوم
يشرَبونه ماي ويرضع، يگوم
بس ابني من ذنيه محروم

بكاروكه حطّيته وأهزّ بيه
العطش أهون، گمت أحاچيه
ولا السهام، يبني، الحال تدريه

ترفه ورقيقة يبني رگبتك
خوفي ييّمه أعليك
گطعته گلبي، يوليدي، شفتك
تحرّك عطش بيديك

###

يبني، الما طحت بالگاع
من حضن لحضن تنشال
عزيز إنته عل كل أهلك
ما هيه احچاية التنگال
يا أم تنطي ابن للموت
يبزّر العافية؟ اعذرني
ما أقبل يذبحونك
يبني ولبت الدلال

ينطون ذول أسهام مو ماي
ما أريد تمشي، اعذرني بهاي
إنت وحيدي وذولي أهواي

مت عيني، يبني، أهواي تعبان
تنام بعطش وتفزّلي عطشان
ما شفت مثلك هيچ رضعان

يا أم تريد ترضع ابنها
وما در ييّمه وسفه الحليب
حالك كسرني وشيّب دليلي
بعدك رضيع وصاير غريب

##

الأعزّ منك خذك للموت
وإلّا ما قبلت أتروح
خذاك وإنت تضحكلي
وگلبي بزّني قبل الروح
الچِنت منه أخاف عليك
صار وچِنت اتاني ترد
رباب اتلگي ابنچ هذا؟
بس ابنچ تره مذبوح 💔

ردّاك ابوك وطفن الثنين
راح الولد، المن تتانين؟
گتله: رضيعي، انطيني يحسين

يَل ما سمعت اسمي بلسانك
وما ضگت تعبك لا حنانك
مو ماي، دم صار بلسانك

النيّة يشربك ماي ويردّك
ردّك تصبّ اوليدي أدموم
اشماله الزمان ومنّك حرمني
يَل لِسّه بعدك ما مفطوم

###

انجمعت بطولي ويّا النار
وعلي السجاد گال انفر
بحچة شارده من النار
أجيتك ما ردّت أعبر
تخيّل شارده ويمّك
گعدت تنعي للرضعان
بحضني حاطّه المذبوح
وبطولك گعدت أشبّر

يمّك گعدت ولازمه اصفاح
للولد ريت تموت الأرواح
يمدلّل أمّك، چذب ترتاح

الكاروك عفته، يمّه، للنار
خل يحترگ من عگب ما صار
شيفيد، يبني، وذبحوا ازغار؟

تموت بحزنهه الربّت بزرها
وتالي بزرها بنبله يموت
عليك الرباب بخدّها دمعها
ويخلص عمرها، تون بسكوت

###

أهزّ بحضني، بس خالي
لگيته وفرفحت روحي
الچِنت أتباهى يمهن بيك
هسه اگبالهن نوحي
اشجاب الرمح يمّ راسك؟
راسك لايگ لحضني
ما لحگت، الولي، عليك
شصار؟ وصرت مذبوحي؟

بالگلب، يبني، افراگك يدوس
متروس حضني أدموع، متروس
من يوم موتك، واكره الطوس

چي ما شربت الماي جابوه
يغثوني، رادوا يمي خلوه
مو إلنه، لا، للخيل ينطوه

محد يحسّ بگلبي وغربته
بس إللي فگدت مثلي الولد
شيحمل گلـبها الذبحو ابنها؟
وگعدته، يبني، بس ما گعد...

####
✍️ابوفضة الحميداوي

مولاتي رقية صلوات الله عليها

==================

عذاب ..
طفله وعشت * عذاب ...
عگب الحضن * تراب ..
ودرب الهجر ...
ودرب الهجر ما بي ضوه

غريب ..
چفي صفه * غريب ..
بلا خنصر * الحبيب ...
وحشه السمه ...
وحشه السمه بلايه لوا

حگي اموت ...
الچان تارس ناضري
حسين يا طعم الحياة
حگي اموت ...
الهزله خشنت خاطري
والدلال بروحي مات

دلالي أگبالي اشوف يموت
بعد شنهو اكثر يعور
ابني احلام ابوي يعود
والحافر يجي ايطشر
الذبح ما خله راحة بال
ولا نضرة الشفت تجبر

#####

تنام ..
بگاع الحرگ * تنام...
الما الها ابو * وخيام ...
وكل محترگ
وكل محترگ يألمه الحرگ

سلام ....
ما ضل بعد * سلام ..
شفنه تشب * خيام ...
وعطر الخيم
وعطر الخيم ما ينشهگ

بابا وين
بروحي يتردد سوال
يكبر اشما انضرب
بابا وين
يكثر بجيت الحبال
والدمع يبقى يصب

احن لشبگت الضامي
من اصد اطفال واتحسر
ب عماتي اشبگت كلهن
خصوصا لو ردت انجر
اختلفت حته شبگتهن
لن طعم الحرگ اثر

###

يموت ...
الماله ضهر * يموت
وسوگ قصر * يفوت
وردنه يضل ..
وردنه يضل ناگع دمع

دلال ...
شابع بچي * الدلال
بلا خنصرك * حبال
صارت بدي
صارت بدي وانه انسمع

امشي وين
واليشبوگوني بحبال
والعدو بيده السياط
امشي وين
وانه محتاره وانوح
گلبي يغلي وجدمي شاط

اصد صوب الخيم بليل
وشيب بكل جهه يخضر
جابو ماي بس يا ماي
ما يروي وصدگ يكسر
صحنا من العطش مساع
وهسه الگطرة ما تعبر

####

يروح
لدرب السبي *يروح
ويم الهزل *ينوح
الماله حضن
الماله حضن نومه غفل ..

يطيح
من ناگته * يطيح
العنده ابو * ذبيح
يضل ينولي
يضل ينولي الفوگ الهزل


الگلبه حار
وماييه نار ابلا كفيل
شيشرب ويبرد تره
الگلبه حار
وناسه ما ترحم يتيم
ولاتهم دمعة مره

عگب حضنك بعد لليوم
محد يملي اعيوني
شربو خيلهم ياحيف
گبالي وانه عطشوني
لاهمه الخذو روحي
ولا ارتاح خلوني

====

✍️ابو فضة الحميداوي

‏مقطع صوتي من ابو فضة الحميداوي

ذكرى شهادة مولاتنا الصديقة الطاهرة فاطمة الزهراء عليها السلام

#################


أَيْقَظْتِنِي مِنْ غَفْلَتِي، قَدْ صِحْتُ فِي الْعَزَاءِ
رُحْمَاكِ، جِئْتُ خَائِفًا، سِلَاحِيَ الْبُكَاء

أُمَّاهُ، نَادَى ضَامِرِي: يَا فَاطِمَ الزَّمَان
أَنِيرِي لِي بَصِيرَتِي، يَا رَحْمَةَ السَّمَاء

اماهُ فاطمه...
جيت ودموعي نادبه
اماهُ فاطمة ...
رزقيني حسن العاقبه.
أماهُ فاطمة ...
خليني جمره ولاهبه

مولاتي بدمعي للحسين
سجليني باكي الحسين
وخليني ملكَه ياحسين
ملكَ ياحسين

••••••••••••••••••••••

كَسَوْتِ قَلْبِي رَحْمَةً وَعُدْتُ مِنْ ضَيَاع
وَلَا مَتَاعَ قَدْ بَقَى فحُبُّكِ المَتاع

مُزجَاةُ هَذِي خِدْمَتِي هلَّا قَبِلتِها
تَصدقِي برحمةٍ فمِثلي لا يُباع


اماهُ فاطمة
ما عندي شي بي افتخر
اماهُ فاطمة
بس خدمتي لذت العمر
اماهُ فاطمة
الخدمة متاعي للگبر

للدنيا ماكو اي صديق
والمنبر اغله من رفيق
لو لحضه بعده ما اطيق
عن منبر الحسين

•••••••••••••••••••••••

ذِكْرَاكِ وَرْدِي الأَفْضَلُ صَنِيعَةُ السَّمِيعِ
تَبْنِي عَبْدًا قَدْ أَتَى وَلَيْسَ لِي شَفِيع

رُحْمَاكِ أُمٌّ لِلْمَلَا ، وليسَ لِي سِواك
طَرْفٌ خَفِيٌّ اُنظُرِي لِعَبْدِكِ الْمُطِيع

اماهُ فاطمة
بعالمكم اني اتعلمت
اماهُ فاطمة
من خير اديچ اني اشبعت
اماهُ فاطمة
ولذت خدمتي شيبت

ولو يبرد گلبي اعتنيچ
تنقذيني بلزمة من اديچ
بكل عمري متكل عليچ
وعلى الحسين

•••••••••••••••••••••••

ما لِي صديقٌ في الورىٰ فَصَاحبي الحُسين
مُذ كُنتَ طفلًا باكيًا ، قد صِرتُ في أنين

تَاللّهِ ما لي غيرُكُم يا كهفي الرّحيب
آلَ مُحَمَّدٍ بِكُم قـد ضَاءتِ السَّنين

اماهُ فاطمة
من الدنيا لو مره خفت
اماهُ فاطمة
شمليني بنضره صحت
اماهُ فاطمة
ما اريد اگول اني ضعت

نار الخدمة الي جنان
ودمعاتي حرزي والأمان
بعالم فاطمة الحنان
مملوء بالحسين

.......................
✍️ابو فضة الحميداوي

لسان حال
قبل خروج ضعن مولانا سيد الشهداء تره ام البنين في المنام ان الحسين يقتل وتستباح حرمته وتسبا حرمه
فتستيقض مذعوره متعبه وتذهب إلى الحسين ...
###

حاچته ومهظومه گامت بيه تشبگ
ما اصدگ بالحلم بس بيك اصدگ
حسين يمه شفت خيل ادوس صدرك
وشفت وادم بالمخيم يبني تحرگ

ريت اعيوني ما شافنه
حلم يأذي و يكسر گلبي..
بس چذبته حلمي وجيتك
سولف يبني وخفف تعبي..

غربه وضياع
حلمي وداع
هذا الوداع يعور الگلب...

ما تمشي اريد
خوفي وحيد
تضل ويغدروك الغرب..

يمه حسين
####

جابت الماي واجته وهيه تنحب
اشرب من ايدي دخيلك يبني اشرب
يا عزيز الزهره وامدلل گلبهه
الناس باچر ما ترحمك بيك تنهب

بيك تسلب هاي الوادم
شفت بحلمي وريجك ناشف..
ولازم طفلك بيدك ميت
وچان اوريده زغيره ونازف..

وامه تريد
يرد الوحيد
سالم يرد من الذبح...

ما تدري مات
حلو الصفات
وصارن صفاته بس جرح...

يمه حسين

######
وجاوب حسين الوفيه وحمره عينه
صدگ حلمچ يم اخوتي يالحنينه
تشابگو والدمع ينزل على المواجع
وسألته عن زينب اخته عن سكينه

وجاوب زينب تأخذ راسي
وترحل والوادم يسبوها...
وتدخل سوگ الما يرحمها
وچلمات الغربه يسمعوها...

وراسي غريب
ماله مجيب
وگدامي ضربوها الحرم..

يمه العذاب
فوگ التراب
ينامن بناتي بلا خيم..

يمه حسين

####
تگله كلهه تهون عندي اله انتم
فدوه انه ولدي يبني انروح الكم
اخذ اخوتك ضحى بيهم وانتم ابقو
يا اولاد الزهره احنه خدم عدكم

عدنه عزيزه زينب اختك
وما اقبل بالغربه تصير..
ترخص روحي وما يسبوها
خل يسبوني وتبقى بخير..

انه اروح
لغربه وجروح
وزينب تضل تشبع هنه..

حتى استراح
من اشبع رماح
وفدوة الك كل الضنه...

يمه حسين

#####
✍️ابوفضة الحميداوي

لسان حال مولاتنا العقيلة زينب (صلوات الله عليها)
##################

تعبانه واريد اليوم اشكي لهلي عن تعبي
مو انتم هلي يحسين شو عنكم بعد دربي
اليموت بموتته يرتاح بس وياي ما صارت
مدفونه بغرب والشام بعده يحرگ بگلبي

فارغ ضريحي من اليزورون
ولد السبوني بصحني يمشون
لاكو لاطم لادمع العيون
هاي السنه مهضومه يم عون

تزمط بيا ناس المدفونه بغرب تزمط بيا ناس
وعدواني حراس من تالي الوكت عدواني حراس

#####

هلي من الهظم مليت من الغربه خلصوني
تحملت الجرن كلهن بس بهاي اسمعوني
اليسبونه بحياته تهون بس صعبه سبي الميتين
ما رحموني اهل الشام حتى بگبري بچوني

كون اليموت يموت گلبه
ولا ينهظم من حچي الغربه
مو ضال بين الغرب صعبه
وعن اخوته مبعدين دربه

الماله خوان يضل ماخوذ حگه الماله خوان
ويريد عوان اليبچي بكل صباح يريد عوان

#####

كل يوم اليمر كل يوم يسبيني ضلام الليل
لهسه الشام احس يگول من عدنه نريد تشيل
بت الزهره اخوي حسين ولا زاير صفه لگبري
متت من عندي شيردون وليش الشام بيه يعيل

ما يخلص من الغربه اليموت
وماكو بضريحي ولا صفه صوت
الهاظمني ماكو زاير يفوت
مگطوع گلبي موش البتوت

ولازاير الفات لزينب يا هلي ولا زاير الفات
ما يخلص المات ما دامه بغرب ما يخلص المات

####

احشم بالبقى من اهلي واعرفه يفزع لعمته
صدگ تبچي علي خدام وكل واحد علت ونته
بس دمع الغرب يبقى مو دمع اليطيب اجروح
افزع عمتك تعبت وغيرك ما بشر صحته

صحت عله اليطيب الخواطر
يالمهدي عمتكم تناطر
اضلم ضريحي اليوم صاير
بس خافيه يهدمونه باچر

ما بين الأجانب لسه وبعد ما بين الأجناب
لا هاد لا طاب جرح السبي لاهاد لاطاب

######
✍️ابو فضة الحميداوي

الدنيا غيمت من حزنهه
وانفتح جرح الثواكل
الهوه ضج بالبواچي
وضهر كل الكون مايل
هناك لن تسمع منادي
ونبرته تبچي المآذن
سمعو يهل الله اكبر
ماتت التسوه قبايل

ماتت زينب
ومات وياها السبيَ
وتبچي فوگها العبي
ماتت زينب
يلا يا گلبي استمع
المن تضم الدمع... ماتت

ماتت وماكو واحد صـاح يـمـه
ولاكو تشيع جنازه ولاكو لطمة
ولاكو صوت لبواچي ونوح حرمه

ماتت زينب
======.
اعليهه حتى الصخر يبچي
الميته ياگلبي العقيلة
ابچي للمكسورة خاطر
فشله منهه اليبقى حيله
طيعني ياگلبي فـدوة
وانكسر لأجل الغريبه
الليله مو مثل الليالي
الليله ما منعدها ليله

ماتت زينب
وبعد شيفيد الحچي
عليهه ما يكفي بچي
ماتت زينب
وبيدها آثار الحبل
ابچي گلبي ولاتمل... ماتت

التبچي سكته ودمعها كله عفه
لأنـعـه ليـهـه نعاوي حيل كلفه
نازف وفشله جرحي عليهه يشفه

ماتت زينب
=====
الماتت وهيه أتلأفت
بلكي واحد يحضر الهه
ياقرايه التكفي ليهه
ويا بچي اليوفي فضلهه
الخير الهاذه البيه انته
چان لأجله الثمن زينب
وياها يادمعة التجازي
وياحزن اليخف حملهه

ماتت زينب
وهيه تنطر چف اخو
بهل الوفه لتضن اكو
ماتت زينب
وهيه مكسور گلب
اجنازه ما بين الغرب... ماتت

للينازع يـصـيـر الماي جـنـه
وهيه تصرخ اخوي انحرم منه
ماتـت وهــيـه ونه بضهر ونه

ماتت زينب
=====
العدهه هيچ اخوان كلفه
هيبه من تمشي الجنازه
مو تموت وماكو اهلهه
وللـچـتـاف اتصير عـازه
ماتـت ومشتاگه زيـنـب
عله الگـبـر تنكتب لازم
واليحـس لازم بغــربه
تحضـره ياگـلـبي اعـزازه

ماتت زينب
وهيه مشتاگه وتحن
وناگع ادمـوع الردن
ماتت زينب
وهيه تصرخ ياهلي
بالجنازه حضرو الي... ماتت

ياااا نهـيـبـتـه هايه الله اكـبـر
ماتت وصوب اهلهه بقت تفتر
وگالت الماله خوا بكلشي يعثر

ماتت زينب

====
✍️ ابوفضة الحميداوي

بعد ان جائو بالنياق الهازله لسان حال مولاتنا رقية مخاطبتاً ابيها قائله..

=========
جابو الناگه
وانه مشتاگه
وصاح حادينه
واجب افراگه

وردت اگولله
هاي الي الهزله؟!
وخفت من صوطه
وصوتي لا يعله

بويه تدري وداعك ملح بجفوني
بس شسوي غصب عنك من اخذوني
يا وداعي بأشاره وصمت ودعتك
وترست بويه ضهر الهزل بعيوني

وحنيتلك وي صعدت النوگ
ومغلوبه احس لو جفني مطبوگ
ما ردت اضيع لحضه ما اشوف
جسمك يا اعز مخلوق مسحوگ

###
برغم احزاني
ما نخيت اني
علي مو سهله
دمع ولياني

خفت من دمعك
وخفت لا اوجعك
وخوفي موتني
وقدرت وضعك

بويه لاكن غدرني حنيني وصحتك
اعذر رقيه يبويه بحبل ودعتك
ياغريب الربه ضل يعور گلبي
وشكثر مرني صوطه لاچن عاذرتك

وابچيت الك يا سود العيون
اگبالك سبيه امشي يردون
بالسبي ماكو عذر يا بوي
زغيره چبيره ما يفرقون

####
يا گلب بنته
الدوم عاذرته
بويه لا تهتم
المهم انته

كلشي الك طايح
الهزله والصايح
ارتاح من همك
والحچي الجارح

گصر نفسي بتعبنه وردت احضانك
بدمعي اروح وخيالي لهذاك امچانك
مبلل بدم حنينك رمال الصحره
وشوغة روحي بويه بچي نسوانك

ون الغـريـبـه يـبـچـي النياگ
ومشتاگ يشبگ صار مشتاگ
والشبگه توجع تره المضروب
والوجـع بـيـه مــدري تنباگ

####
ليلي وأحزانه
ما نسيت أنه
ليلة الحادي
الجيت عوانه

جيت اشربنك
فشله أعوفنك
بالضمه وأشرب
وعالي ضل ونك

بويه تذكر مشيتي الگبل گدامك
تغيرت حتى هايه وحگ آلامك
غيرو كلشي لاكن بقالك حبي
ولسه شوگي يردني لحنين ايامك

من چنه مثل أرموش وأنام
ولو لحضه تبعد ترد محتام
والخله بنتك صابره عليك
آخر لقاء بنص الخيام

#######

✍️ابو فضة الحميداوي

‏مقطع صوتي من ابو فضة الحميداوي