«Ей, иман келтіргендер! Аллаға бойұсыныңдар және пайғамбарға бойсұныңдар. Амалдарыңды жойып алмаңдар!». Құран Кәрім, «Мұхаммед» сүресі, 33 аят.⤵️

Қайырлы таң болсын! Баршаңыздың күндеріңіз қайырға толсын! Сәттілік серіктеріңіз болсын! Алла баяндылық сыйласын! Әмин!

Соңғы уақытта әлеуметтік желілерде «пәленше әшғари екен», «түгенше матуриди екен» деген сөздерді жиі естіп қаламыз. Кейде бұл атауларды біреуді айыптау немесе «тура жолдан тайған» деп көрсету үшін қолданатындар да бар (әсіресе сәләфит-уахаббиттер). Бірақ, мәселенің байыбына барсақ, бұл екі мектеп (яғни, Әшғари мен Мәтуриди) — Ислам әлемінің ғасырлар бойы қалыптасқан рухани қорғаны мен ғылыми негізі болып келген. Бүгінгі таңда кейбір білімсіз сәләфиттер Әшғари мен Мәтуриди ғалымдарына сын айтуда батылдық танытуда, тіпті Құран оқуды білмейтін дінге кеше келген сәләфиттің Имам Мәтуриди сынды дін ғұламасына тіл тигізіп жатқанын да кездестіруге болады. Осыған орай, заманымыздың ірі ғұламасы Имам Юсуф әл-Қардауидің бұндай көзқарастың қателігін әшкерелейтін сөзін ұсынамыз. Үмбеттің бірлігі мен діни мұрамыздың қадірін түсіну үшін бұл мақаланы аударып бөлісуді жөн санадық.⤵️

Өзгеден көрген жақсылықты ұмытпау, жасалған игілікке ілтипат білдіру – адам бойындағы көркем мінез бен тектіліктің белгісі. Нағыз мәрттік пен адалдық – біреудің шапағатын сезінгенде, оған алғыспен жауап беру. Пайғамбарымыз (с.а.с.) бізге адамдардың жақсылығына алғыс айтуды бұйырып, мұны Аллаға деген шүкіршіліктің ажырамас бөлігі етті.

Әбу Саид әл-Худриден (р.а.) жеткен хадисте Пайғамбарымыз (с.а.с.): «Адамдарға алғыс айтпаған жан Аллаға да шүкір етпейді» (Тирмизи), – деген. Тағы бір сөзінде: «Алла Тағалаға ең көп шүкір ететін пенде – адамдарға ең көп алғыс айтатын адам» , – дейді. (Табарани)⤵️

Ирак жерінен шыққан әсем әуезімен танымал атақты қари Роъд Мұхаммед әл-Курдидің оқуы. "Бақара" сүресі.