Деймін да!
Қазақты бөліп жатыр.

Бүгінгі таңда көлеңкелі күштер Түркия халқын "діндарлар" мен "дінсіздер" қылып, екіге бөліп тастады. Түркиядағы дінсіздердің (атеисті бар, басқасы бар) мұсылман діндарларға деген дұшпандығы соншалықты, діндар болып саналатын қазіргі өкіметтің жетістіктерін мойындамайды. Өткенде, өздерінің ұлттық өнімдеріне қарсы байкот жариялау керек деп ұрандап жатыр.

Ойлап қараңызшы, қазіргі Түркияның діндар өкіметі:
- 2-3 мың шақырымдық гиппердыбысты отандық ракеталар,
- Әлемде санаулы елдерде ғана бар пилотсыз әскери ұшақтар,
- Пилотсыз дрондар,
- Ұшақтар тасымалдайтын алып кеме,
- танкі,
- тіпті өзінің отандық ПВО-сына дейін жасап алды. Ресейден алған ПВО-ны Сириға орналастыруда. Қазір Түрік елі НАТО-ға мүше елдердің арасындағы ең күшті елдердің бірі саналады.

Бірақ сонда да комменттеріне қарап отырсаң түрлері жаман. Өткенде Түркиядағы бір көше репортажында бір азаматшадан: "Стамбулдағы көпірді кім салды?" деп сұрап жатыр, сөйтсе анау азаматша: "өкінішке орай, АКП жасады" деп қояды. АКП - қазіргі биліктегі Ердоғанның партиясы. Айналайын-ау, кім жасаса да бәрібір емес пе? Бәріңе ортақ отан үшін жасап жатыр ғой. Қуансай! Мейлі діндар бол, мейлі атеист бол, сол Түркия үшін жасап жатыр емес пе!

Өткенде тағы бір видео көріп қалдым, дінге қарсы бір түрік (немесе түбі армян, я, түбі еврей де болуы мүмкін) сәлде киген қарияға көшеде тиіскен. Оны көрген басқа бір дінге жақындау түрік әлгі қарияға тиіскен түрікті тұмсықтан ұрып құлатты. Екі ортада бейшара қария сасып қалып, жаңа ғана өзіне тисіп жатқан дінсізге қолын созып тұрғызбақшы, анау пәтшағар оны аяғымен теуіп жатыр. Мұнша масқаралық бола ма!

Бұны неге айтып отырмын?

Тура біздің елді де солай бөліп жатыр, ағайын! Қазір тек әлеуметтік желіде ғана қырылып жатсақ, 40-50 жылдан кейін "дінсіздер" мен "діндарлар" болып көшеде қырылысатын боламыз! Бұл өте қауіпті!

Қазіргі біздің елде пайда болып жатқан "тәңіршілдер", "шыңғысханшылар", "арабқұл деушілер" бұлардың бәрі сіз бен бізге белгілі біреудің проектісі. Олар Түркияны қалай осылай бөлген болса, бізді де солай бөліп тастамақшы. Бірақ, өкінішке орай кейбір қараңғылау біреулер мұсылмандықтан безіп, сол көлеңкелі күштердің проектісі болғандардың сөздеріне көбірек иланып жатыр.

Мысалы, бізде айдаладағы "араб ұлтына" деген дұшпандық бар. Неге? Айдаладағы өз басымен қайғы боп жүрген ұлт қой! Нең бар ода? Жоқ, бізде кейбіреулер "антиарабизмді" насихаттап отырады. Неге? Өйткені, еврейлердің саясатын қолдайды. Мұны қазақ жастары білуі керек. Олар бізді арабқұлдар дейді, ал өздерінің еврейқұлдар екенімен шаруалары жоқ. Неміз бар айдаладағы бір ұлтта? Өзімізді дұрыстайық та!..

Сол себепті, біздің елдегі ұлттың қамын ойлайтын ойшылдар мен жазушылар, журналистер т.б. елдегі мұсылманшылықты сақтап қалуға ат салысулары тиіс! Мұсылманшылық дегеніміз, арабшылдық деген сөз емес. Мұсылманшылық ол - өзін мұсылман санайтын барлық ұлттың мәдениеті. "Қазақия" мемлекетін о баста мұсылман қазақтар құрған! Ол тарихи шындық. Мұсылманшылық мәнсух болса, бүкіл өткен қазақтың ойшылдары, жазушы, ақындары, бір сөзбен айтқанда қазақтың қаймақтары мәнсух болады! Тарих мәнсұх болады. Бұл бұл ма! Халық "дінді жақтаушылар" мен "дінге қарсы болғандар" болып екіге бөлініп, елдің арасында алауыздық туындайды! Бұл үлкен қауіп!

Шешім

Сондықтан, атеист болсаң да, діндар болсаң да бәріңнің қаның бір, қазақсыңдар, соны ұмытпау керексің! Көлеңкелі біреулердің елді бөлуіне жол берілмеу керек!

Елдегі діндарлар діндар еместердің таңдауына құрметпен қарай білулері тиіс. Олардың ішіне атеистер, агностик т.б. кіріп кетеді. Атеистер де діндарлардың таңдауына құрметпен қараулары тиіс. Дінде зорлық жоқ. Кім құдайға сенсе де өзі үшін, сенбесе де өзі үшін. КІм мұсылман болса да өзі үшін, мұсылман болмаса да өзі үшін. Бізге айту ғана парыз. Һидаят Алладан.

Сондықтан, халық арасында ұлтты сеніміне, ұстанымына қарамастан бір-бірін құрметтеуге үйрететін саясат жүргізілу керек деп есептеймін.

Осы орайда, ренжісе де айтайын, тәңіршілдерді қазақ ұлтының тарихына, әдебиетіне жолатпау керек! Байқағаным, беттері бүлк етпей тисе терекке, тимесе бұтаққа деп, өтірікті шындай, шынды құдай ұрғандай бұрмалай салатын әдеттері бар. Онсыз да қазір қай тарихқа сенерімізді білмей дүбәра боп қалдық. Тарихты нағыз тарихшы маман - деректерді бұрмаламайтын, фактіге сүйенетін тарихшы ғалымдар, нағыз түркологтар жазуы керек. Көлденең атты әркім тарих жайында сөз сөйлеп, елді адастырмаулары тиіс деп есептеймін.
Назарларыңызға рақмет!
#деймінда #жарияой #қазақ #ел #бірлік

Ислам және економика: Сәләм саудасы.
—————-
«Сәләм» саудасы дегеніміз, сатушының алдын ала төленген сомаға өзінде жоқ белгілі бір затты белгілі уақыт ішінде қамтамасыз ететіндігіне келіскен сауда түрі.
https://islam.kz/kk/questions/sauda-sattyq/sharigattagy-salam-saudasy-jaiynda-tusindirip-otsenizder-2380/

Мен неліктен «сәләфизмнен» кеттім? (2-бөлім). Ізденпаз жігіттің сәләфиліктен кетуінің қажырлы да, ұзақ сапары.
https://islam.kz/kk/articles/aqida/arturli/men-nelikten-salafizmnen-kettim-2-bolim-4843/

Атеизмнің түрлері:
https://islam.kz/kk/articles/islam-jane-gylym/21-gasyrdagy-ateizmnin-jana-turleri-antiteizm-agnostikalyq-ateizm-tb-4845/

"ДОМБЫРАНЫ ХАРАМ ДЕУШІНІҢ НАМАЗЫ ҚАБЫЛ БОЛМАЙДЫ" деген сөз қаншалықты рас? Осы сауал соңғы күндері жиі сұралып жатқан сауалдың бірі. Ол жайында толығырақ жауап жазып сайтқа бөлісуді жөн санадық: https://islam.kz/kk/questions/qulshylyq/namaz/dombyrany-haram-degen-adamnyn-namazy-qabyl-emes-degen-soz-qanshalyqty-durys-2381/

Бәленің бәрі Кашмирде болған терактіден кейін басталды. Үндістандықтар ол терактіден Пәкістан тарапын айыпты санады. Оқығаным бойынша, Пәкістан жағы тағылған кінәні мойындамай, жан-жақты тәуелсіз тергеу жүргізуді ұсынды.

Алайда сиырға табынатын үнділер ол ұсынысты қабыл етпей, Пәкістанға әскери операция ұйымдастыратын болды. Одан бұрын судың аузын бекітіп, ата жауын сусыз қалдырды. Оған қарсы Пәкістан өкіметі мұны соғыс деп қарайтынын және кез-келген шабуылға дайын екендіктерін айтты.

Сонымен араға екі апта салып, Үндістан қарулы күштері кеше әуеден соққылар жасап, соғысты бастап кетті. Олар тек террористердің мекендерін бомбылағандықтарын айтып, әлем жұртшылығын сендіріп бақса да, Пәкістан өкіметі ол мәлімдемені жалғанға шығарды. Үнділердің ұшақтары бес-алты елді-мекенді бомбылаған, бір бомба мешітке түскен, 8 не 26 адам қаза тапқан, жаралылар да аз емес.

Оған жауап ретінде Пәкістан әуе күштері және Пәкістан ракета атар ПВО-сы үнділердің 5 әскери ұшақтарын атып құлатқан.

Ақпарат көздеріне қарағанда, құлаған ұшақтың үшеуі Францияда жасалған екен, екеуі Ресейдің Су-30МКИ, МиГ-29 ұшақтары деседі.

Пәкістанға Түркия елі әскери көмек көрсетуде. Бірақ, Пәкістанның өзі де әскери жөнінен осал емес.

Кім жаман?

Қарап отырсақ соғыс шығарып, әлемнің тынышын бұзып жатқандар кілең мұсылман еместер. Бірақ сонда да кім жаман, мұсылмандар жаман. Кім террорист, мұсылмандар террорист.

Алысқа бармай-ақ, осы өткен 20 және 21 ғасырлардағы соғыстарды алайықшы, бәрі мұсылман еместердің, яғни, кәпірлердің ісі. Бірақ сонда да, неге екені белгісіз, мұсылмандар кінәлі. Оның неге олай екендігін айтпасақ та белгілі шығар, әсіресе Ғазза соғысынан кейін көп адамның көзі ашылды ғой #деймінда

Үндістанның шүйлігуінің де артында кім тұрғанын болжауға болады. Әйтпесе, халқы кедей тұратын Үндістанға қазір соғыс керек емес еді. Ол жөнінде кейінірек айта жатармыз. Пәкістан жағы әлі де ымырамен шешейік деп жатыр. #жарияой
____
#пакистан #индия #бейбітшілік #әлемде #соғыс #болмасын