[ مصابين ]
الرادود #علي_بوحمد
للشاعر #عبداللطيف_خالدي

https://youtu.be/qxX7e5l5dto

الليالي الفاطمية ١٤٣٩ هـ
الحسينية الزينبية - كرستيانستاد السويد

فكري مِـحـتـار .. بمصاب الزچيّه
نِــســأل الـنـار .. عن هاي الرزيّه
-
(١)
صافن اُو چفيني حَسرَه اِتصافِگن
عـالـذي صـار اُو جـره لاُم الحَسَن
الـنـار تِسعَر مُـفـتَـرَض بالكافرين
ليش إجَـت مِتلهفه الجنة عَـدَن؟

تِــســتــعــر دار .. للباري اُو نبيّه
نِــســأل الـنـار .. عن هاي الرزيّه
-
(٢)
نِقره بالتاريخ وانشوف اِشكِتَب
النار هـيَـه النار بس كِلِ العَجَب
چان “بَـرداً” من إجـه يم الخليل
بَس على بِنت النبي هاج اللَهَب

شنهي الاسـرار .. بـالـنـار السِريّه
نِــســأل الـنـار .. عن هاي الرزيّه
-
(٣)
النار تِـتـرك بالگلب ذكرى اُو اَثَر
عِـدهـا عِشره لَچِن عِشرَتها كِدَر
مِثل ظِل اُو رافُگت زينب سِنين
اِمنِ المدينة اِلليلة الحادي عَشَر

نــفــس الآثـار .. بارضِ الغاضريّه
نِــســأل الـنـار .. عن هاي الرزيّه
-
(٤)
النار اَشَد عالحُره من ضَرب السيوف
بالأخص لـو جـارت اعليها الـظـروف
الـسـيـف يِگطعله نَـحَـر بس اللهيب
اِشسوه بِـالايـتـام مِن وَج بالطِـفـوف

تِـسـحـگ اِزغار .. جمر الـعـالوطيّه
نِــســأل الـنـار .. عن هاي الرزيّه
-
(٥)
والأشـــد والله نــيــران الـگـلُـب
عـالـعـفـيـفـة لمن اِتصير اِبغُرُب
حگها تِـتـنَـفَـس جَمُر بِنتِ الكرام
لو يِـسـيـره الإبـن مَرجانه تِطُب

الـزمـن يِــنــدار .. والـحُـره سِبيّه
نِــســأل الـنـار .. عن هاي الرزيّه
-
(٦)
واحنه عِشنه ابـنـار بس نـار الـزَمَـن
اِنتاني مُصلِح يِظهر اُو يِمحي الفِتَن
نِقبُض اعله الـجَـمُـر وانصيح اِبنداء
“عـجـل الله فـرجـك يبن الـحـسـن”

صـاحـب الـثـار .. يِنهيهه القضيه
نِــســأل الـنـار .. عن هاي الرزيّه
-

عبداللطيف خالدي
٣١-١-٢٠١٨ مـ

مـا يِـهـمـنـي الي حِـچـه اعليّه ابـكلامه
ما تِـهـدِنـي اُم الـحـسـن يوم الـقـيـامـه
اليخدم الزهره حِرَز صك النجاةْ
اسأل الله ما اَزِل وابقى اِبثَباتْ
كل حياتي نِذِر بيْد اُم الحسن
-
(١)
أحـمـد الله مـن رِزقـنـي ابهل دِرايـه
اُو چَـلَـبِـت من زُغـري بِحبال الولايه
ثــابــت اِن شــاءَ الله آنــه لـلـنـهـايـه
والـيـلـوم اِمخلي كِـل حَـچـيّـه ورايـه

مـا يِـهـمـنـي لـو شِــفِــت هَـم اُو اَذيّــه
والـمُـهـم عِـنـدي الـرِضـا مـنِ الـزچـيّـه
الخدمة عندي “الباقيات الصالحاتْ”
اسأل الله ما اَزِل وابقى اِبثَباتْ
كل حياتي نِذِر بيْد اُم الحسن
-
(٢)
أبـد مــا خـايـف ولا واگــف الـوَحـدي
بـالـنـوايـب “فاطمه” حِـرزي اُو وِردي
خلها كـل هـاي البشر تُـوگـف اِبضدي
اِشعدها هيّه و اُم حَسَن بِحماي عندي

واثــق الــزهــراء مـا تِـتـرِك عَـبِـدها
آنـه خـادمـهـا واظـل اَخـدِم وِلِـدهـا
هالخِدامه تِمحي كِلِ السيئاتْ
اسأل الله ما اَزِل وابقى اِبثَباتْ
كل حياتي نِذِر بيْد اُم الحسن
-
(٣)
إي مُـغـالـي اُو بـالـعـزا عِندي كرامات
واشـعـر اهـوايـه قليله “اْثـلَـث روايـات”
لـوَن بـيـدي بـالـسـمـه اَرفع شـعـارات
خَـلـي حتى الطير يِـذرف منها دمعات

اَدُگ رايـه و اكــتــب اعليها وَضِـعـهـا
“فـاطـمـه الـزهـراء مصيوبه ابضلعها”
اُوياي اَريدن تِبچي كِلِ الكائناتْ
اسأل الله ما اَزِل وابقى اِبثَباتْ
كل حياتي نِذِر بيْد اُم الحسن
-
(٤)
اِشـتـسـوه اِيـدي لَوَن ما الطُم عليها
لو كِـسـرت اِضلوعي همِ اِشويَه ليها
آنه مَـمـنـون المجالسها امـن اَجيها
والله يِعمي اِعيوني مِنِ اِيشِح بَچيها

آنـه مـمـنونـچ لأن جِـبـتـيـنـي خـادِم
اِبـكـيـفـچ اِتـريـديـنـي مُـلا ولا لاطِـم
عندي حاجه وِحده آنه ابهل حياةْ
اسأل الله ما اَزِل وابقى اِبثَباتْ
كل حياتي نِذِر بيْد اُم الحسن
-
(٥)
اِمتاني تِطلع روحـي واركظ عالمنيّه
رايـد اِبــعـيـنـي اَشـاهـد هـالقضيّـه
گـالـوا ابـيـوم الـحـشـر بـيـن الـبـريّـه
الـزهـره تِختار ابـعنايـه الـجـعـفـريّـه

الـفـاطـمـي مَـزفـوف للجنة اِيتِفَضَل
والي عـاداهـا مَقرَه “الـدَرْكِ الأسـفـل”
والله هنياله الحِظه ابهل مَيِّزات
اسأل الله ما اَزِل وابقى اِبثَباتْ
كل حياتي نِذِر بيْد اُم الحسن
-
(٦)
شنهو عُذرَه من يِجي بالحشر باچر
كلمن استهزئ عليّه ابهل شعائر
يِكسِر الخاطر واشوفه اِيدير ناظر
يوگف اگبال الزچيّه ابراس حاسر

لَــوَن ذوقــك ما رُهَــم ويّ شـعيره
بـالـك اتـسـولـف ولو چلمه زغيره
اِسأل أول من مَراجعنه الثِقاتْ
اسأل الله ما اَزِل وابقى اِبثَباتْ
كل حياتي نِذِر بيْد اُم الحسن
-

عبداللطيف خالدي
٢-٢-٢٠١٨ مـ

يا علي .. اِمـسَـح ادموع اِعتذارك والرزيّه
يا علي .. انته غالي اُو حِزنَك اِيأذي الزچيّه
-
(١)
يا علي اُو بس العلي يدري اِبـجـروحـك
بـيـدك اِتـواري الـزچـيَـه مدري رُوحَـك
مِـن تِنام اعله الـگـبُـر فـاطِـم تِـلـوحَـك
وِ ابـلِـحِـدهـا هِـيّـه تِبچيك اُو تِـنـوحَـك

يا علي .. لا تِظِن تِفصلها عن حِـزنَـك مِنيّه
يا علي .. انته غالي اُو حِزنَك اِيأذي الزچيّه
-
(٢)
يا علي والي رُفَـع سـبـعـه اعـلـه سـبـعـه
اَدري صـعـبـه الغالي من تُـوگـف تِوَدعَه
فـاطـمـه يـا ابـا الحسن وَنّــك تِـسِـمـعَـه
و اَشد عِدها اِمنِ الضِلِع من تِجري دَمعه

يا علي .. خِـفـف اِونينك يـحـمـاي الحميّه
يا علي .. انته غالي اُو حِزنَك اِيأذي الزچيّه
-
(٣)
نِـدري نـازعـت الـنَـفِـس سـاعـة دَفِنها
اُو صِـرِت تِتحَسَر على الـزهـره اُو زِمَنها
والله روحـك حـگـهـا لـو يِسعر حِـزنـهـا
وابـخيالك صـورة مِن حُـمـرَة مَـتِـنـهـا

يا علي .. اُو حگ مَتِنها اللاحِتَه اِسياط الرِديّه
يا علي .. انته غالي اُو حِزنَك اِيأذي الزچيّه
-
(٤)
الـدار مِـن بـعـد الـزچـيّـه نِـدري مو دار
مَگبره لـمّـن تِـصـدها اُو مَـيْـتَـه الانـوار
الـبـاب آه الـبـاب خَـلَـه اِبـفِـكـرك آثــار
لِـسـه تِعكس عينك انته صـورة من نـار

يا علي .. ساكنه ابـروحك بُقَت نـار السريّه
يا علي .. انته غالي اُو حِزنَك اِيأذي الزچيّه
-
(٥)
نِدري وَحـشَـه اُو منزلك أشـبـه اِبلِحدَك
لا أنـيـس إلا الـدَمِـع يِـجـري اعله خدك
حـاشـه لتظنها تِـتـركـك لحظه وَحـدَك
فاطمه اِبـأنفاسك ابكل شـهـگـه عِندَك

يا علي .. اُم حَسَن مثل النَفَس ساكنه الريّه
يا علي .. انته غالي اُو حِزنَك اِيأذي الزچيّه
-
(٦)
ما نِـقـيـس اُويّه البَشَر جمرة مُـصـابـك
اُو لا حِزِن يُوصل عُشُر مِنِ الي صـابـك
تِـكـفـي هاي اُو منها ما يِخلص عذابك
“آخــر الأســبــاط” مَـيِّـت تحت بـابـك

يا علي .. المِحسِن ابعينك نِظرتَه اعله الوطيّه
يا علي .. انته غالي اُو حِزنَك اِيأذي الزچيّه
-
(٧)
أمُــر واحــد بــعــد مـا نِـقَـدَر نِــحِــسَــه
اُو تِسكت الأصوات عِنده اُو تبقى خَرسَه
“مـخـزن الأسـرار” حـيـث الباري قُـدسَـه
اِگبالك الـطـاغـي اِجه اِبـرجله يِـرِفـسَـه

يا علي .. اِشسوت اِبگلبك يبو الحمله الوصيّه
يا علي .. انته غالي اُو حِزنَك اِيأذي الزچيّه
-
(٨)
اليطفي نـار الثار غـايـب يِجي أمـره
بيده ياخذلك قِـصـاصـك من الزُمره
المهدي من يِظهر نشوف اُوياه بُشرَه
يِصلُب الجِبتين بيده فـوگ شِـجـرَه

يا علي .. كلنا نِدعي “عجِّل الطلعه البهيّه”
يا علي .. انته غالي اُو حِزنَك اِيأذي الزچيّه
-

عبداللطيف خالدي
٩-٢-٢٠١٨ مـ
كربلاء

[ نسأل النار ]
#باسم_الكربلائي
للشاعر عبداللطيف خالدي

https://youtu.be/yPBiegtw7Wo

الليالي الفاطمية ١٤٣٩ هـ
حسينية المرحوم داود العاشور - البصرة

اِخذوني ويّاكم
ماريدن أبقى .. اِبغُرُبتي .. والدَمِع ما جَف
آنـه وبَـنـيـنـي .. خَدمكم .. لو وصلنه الطَف
اِخذوني ويّاكم
-
(١)
سيدي يالفَضَلتني اعله البريّه .. اُو چِنت اَخِدمَك
لا تخليني غَـريـبـه من تِـسافِـر .. ابـداعـت اُمَـك

هذا الغياب
مـا يـرحـم ابـگـلـب الـمُـحِـب
صدگـني اْمـوت اْمـن اَنتِحِب
أم البنين ابغيبتك .. تِصبَح سراب
ابهذا الغياب

ابداعت الزهره
اِرحم دِليلي .. وِ اخـذنـي .. جِثة بـالتابـوت
اُم الـبـنـيـن ابـ .. غِـيـابـك .. والله راح اتموت
اِخذوني ويّاكم
-
(٢)
من زُغُـر سِـنـك تِـشـرفت اِبـخِدِمتـك .. يَبِن فاطم
لو مِشيت اُو ما خَذِتني ابحال گلبي .. الله عالم

اُم البَنين
مـعـروفـه آنـه ابـهـل لَـقَـب
اُو مِن تِرحل انته مو عَجَب
اِينادوني بِغيابك ترى .. اُمِ الحَنين
اُم البَنين

يا أمل عُمري
متعوده اشوفك .. واحـوفـك .. من زُغُـر سِنك
لـتظنهـا سهله .. تِــروح اُو .. اَنـحُـرُم مِـنَـك
اِخذوني ويّاكم
-
(٣)
اُويـاك اِخـذنـي والله عمري ابلايه زينب .. ماله قيمه
اُو عـيـنـي ما مِتعلمه تِـفـگُـد حتى لحظه .. هل يَتيمه

اَحضَر سِتار
لـو حـاقـد اِلها يِـقـتِـرِب
مَـتـنـي قَبلها يِـنـضِـرِب
وابخيمتي اجمعها هيّه .. اويّ الزِغار
اَحضَر سِتار

ويّ أبو فاضل
اِبـنـي نِـحـامـي .. خِدِرها .. اِلآخـر الأنـفـاس
اشما نِبذِل اِحنه .. فَضِلكم .. انتوا فوق الراس
اِخذوني ويّاكم
-
(٤)
ابكربله لمّن اَجي والقاك حـايـر .. اَنسى صَبري
اِبدالك اتلگه السَهَم يبن الزجيّه .. وسـط صدري

گبلك اَروح
اتعنى لو جاك الشِمِر
آنــه اْبِــدالــك اَنِّــحِــر
وبجسمي خلها تِجتِمِع .. كِلِ الجروح
قبلك اَروح

آنه وِ اْبنيني
خِدامك اِحنه .. اُو تِـدلل .. يا أبو الأكبر
واصغر هديّه .. نِــقَــدِم .. اِبحُبَكِ المَنَحر
اِخذوني ويّاكم
-
(٥)
اِنـچـان اَبو فاضل طِـلـع من المدينة .. اويّ العقيله
اُوياها اَطلع بالسبي وابعيني اَخدِم .. هـالـجـلـيـله

كِلِش صَعُب
وِ اگبالي لـبـوة حيدره
بالگيد تِمشي اِميَسَره
بِنتِ النَبي صارت وِسَف .. بيد الغُرُب
كِلِش صَعُب

بِالسبي اَطلَع
لو ربي قاسِم .. اَظَـلـن .. اُو ما يِجي حَتفي
اِبـدال العقيله .. يخوها .. يِـنـضـرب چَـتـفـي
اِخذوني ويّاكم
-
(٦)
لو وِصلنه الشام والشامت يِنادي .. وين أهلها
آنه اَكـفـلـهـا واصير اْبـدال اِبني .. الي كِفَلها

اشرايد يَزيد؟
لا تِحچي ويّه بِت علي
خل حَچيّك اويايه اِلي
ما همّني كل هاي الشِماته .. لو تِزيد
اشرايد يَزيد؟

مَصرع اُولادي
الله اْبـحِكِمتَـه .. جِـعـلـهـا .. عِبره وِاتفَهمَك
لو يِنطُق الدَم .. يِـزول اُو .. يِنتهي حُـكمَك
اِخذوني ويّاكم
-
(٧)
ظـلـت ابـإيـدك بـعـد يـبـن الـزچـيّـه .. و انـتـه آمــر
اُوياك اروحن لو اظل بارض المدينه .. اُو گلبي شاجر

بس گلي وين
وابكل ارض الگه صوَر
بيها شِمِر گـاطِـع نَحَر
حتى ابوسط داري صدى .. اِينادي حُسين
بس گلي وين

ابگه مِنتظره
يـمـكـن إلاهـك .. يِعجِل .. رِدِتَـك لـيّـه
وياك اشاهد .. العقيلة .. ماهي مسبيّه
اِخذوني ويّاكم
-

عبداللطيف خالدي
١١-٣-٢٠١٧

بـاچـر مِـن تِـجـي الـزهـره .. واچفوف ابني بيديها
اجيها وبيدي راس اْحسين .. واشاركها ابـنواعيهـا
-
(١)
باچر بالحشر والناس .. توگف بـيـد رب الناس
مِحتاره اُو تِدير العين .. مَشغولة فِكِر واحساس
اَجي واسمع نِداء ايگول .. هلا ابأمِ الگمر عباس
اَجي للمحشر اْبدمعه
مِـشتاگـه واظـل انعه
ادور فاطمة البضعه
اُو نعيم الجنة عندي ايصير .. لـمّـن اَعـتـنـي ليها
-
(٢)
ابخشوع اگصدها للزهره .. اُو دموعي ابعيني سچابه
اجـيـها جَـيّـت الـمـلـچـوم .. مِـنِ اْغـــيـــاب احـبـابـه
اگـابُـل فـاطـمـه و انـعـه : .. آ يـحـسـين وامـصـابـه
اگلها والدَمِع مـا جَـف
تمنيت آنه برض الطف
ابنحري يگطع المرهف
ولا عـيـنـچ يا اُم حسين .. حـال اْحسين يِعميها
-
(٣)
تمنيت آنه برض الطف .. يالبَضعه چنِت اَحضر
ويّ اُولادي اُوگف سور .. لـمّـن تِـهـجِـمِ العَسكَر
قَبُل عـبـاس اُمه اتروح .. فِدوه النحر ابو الأكبر
للمحشر اَجـي بـشـهـود
راسي اْمهَـشِـمَه العامود
اَنـطـي اْبدال وِلدي اْزنود
فِـداء اْحنه ولا زينب .. عدوها اِبـغَـيّـه ياذيها
-
(٤)
قبل لا اَحـضـر المحَشَر .. ابفكري چانت اُمنيّه
اذا مـا يِـنـگِـطِـع نحري .. اُو دَمي اِيسيل جاريّه
اطـلـع مِـن قَـبُـل زيـنـب .. واصيرن آنـه مَسبيّه
والله يالزچيّه اُوفي
لِبنيتِچ اصيرن فَي
خـلّـه يَنزل اْبجَتفي
كَعب الرُمِح، طگت سوط .. اُو زينب لحد اِيجيها
-
(٥)
سلام الله على اچفوفِچ .. الشلتي بيها چف ابني
يـزهـره وبس إله الكون .. يِدري ابحالتي اُو حِزني
ما تِشغلني جـنـه ونـار .. اليهمني راضـيّـه عـنـي
امـسَـح فــوگ راس اْبـنِـچ
واخَفِف يا ام حسن حِزنِچ
دِخـيـلـچ هَـوِّدي وَنِّــچ
حاشى الباري يا زهراء .. اعـدائـچ يِـخـلـيـهـا
-

عبداللطيف خالدي
٨-٣-٢٠١٧ مـ

بغيابك ادموع الجِفِن تِحلالي
أُم البِنين وانته دوم اِبـالـي
-
يالمِبتِعد اِرحم جِفِن تَرسه اْغياب
صعبه يِعيش السافروا عنه اْحباب
أم البنين وعيني دوم اِعله الباب
اِبكل رَمشه اَحلم رَديت .. لاچن تِخيب آمالي
-
مشتاگه لو لحظه تشوفك عيني
يمتى يـ روحي امن البُعُد تِلفيني ؟
انته التِهمني وما تِهمني اْبنيني
يَحسين إلك فدوه اْنروح .. ويِكفي تكون اِگبالي
-
يمتى تعود امن السَفر لاحبابك؟
أَقبَل أموت اُو لا أعيش اْغيابك
يوميّه اگعد يا حبيبي اِبّابك
وانظُر “عَليله" بالدار .. مشتاگه لك يالوالي
-
تِدري الِيتاني ما تِرُحمَه الفَرگه
لـيـلـيّـه يِحلَم من يِصير المَلگه
ظلّت إلي يحسيني بس هالشهگه
لو ما تِرِد هاي الروح .. تِتلاگه ويّ آجالي
-
عِشت ابأمل من المخاطر تِسْلَم
ولارض المِدينة تِرجعِ وتِتنَعَم
لاچِن ذِبحني من نَعَه “بِن حَذلم”
يا أهلَ يَثرِب لحسين .. راسه اْعله رُمح اِيلالي
-

عبداللطيف خالدي

[ يا علي امسح دموع اعتذارك ]
#باسم_الكربلائي
للشاعر عبداللطيف خالدي

https://youtu.be/Y6MY0TSlGY8

الليالي الفاطمية (ع) ١٤٣٩ هـ
هيئة شباب علي الأصغر - كربلاء

‎يالرايد أكثر تِفتِهم .. ومن عقلك الشك ترفعه
‎وعن “الإمامة” لو رِدِت .. اِتزيل الحُجُب والأقنعه
‎والمَطلب الي ينعرض .. بحساسك انته تِسمعَه
‎للـ “الهادي” اسمع واتعظ .. من “الزيارة الجامعة”

‎أَئمةٌ دُعاةْ
‎وقادةٌ هُداةْ
‎وسادةٌ ولاةْ
‎وذادةٌ حُماة
-
‎من الإمام اِخذ العِلِم .. وافهم معاني هالدُرَرْ
‎منه تنول المعرفه .. مو غيره من هاي البَشَر
‎وهاي “الزيارة الجامِعَة” .. تحمل مضامين وصُور
‎اتعلمنه من نِحجي ابأدب .. ويّه الإمام المُنتظر

‎لَهُم جَرى الإيابْ
‎بِهِم غدى الحِسابْ
‎فصلً إلى الخِطابْ
‎هُم معدنُ الكِتاب
-
‎من تعتني يمه وتِجي .. لازم تترجم هالعلم
‎وهذا الضريح التنظره .. يِحمل مهابة وطَلِسِمْ
‎معنى القداسة اتنزلت .. وظهرت لنا بهيئة جِسِمْ
‎ذات الإمام امن العَرِش .. بيها الضوّه وما تِنعِدِمْ


‎حربٌ لحربِكُمُ
‎ُسِلمٌ لسِلمِكُم
‎ُأمرٌ لأمرِكُم
‎وغايتي بِكُمُ
-
‎اسأل إلهي ابحاجتي .. وارفع إيدني للسِمَه
‎يمتى تحقق غايتي .. وتشفيها روحي الهايمه
‎من أقره هالمقطع أحِسْ .. روحي ابحزنها اتكلمه
‎عائذ انا بقبر الحسن .. وقبر الوديعة فاطمه

‎بالأرضِ والسماءْ
‎للهِ أصفياءْ
‎والبابُ للدُعاءْ
‎طوسٌ وكربلاءْ
-

عبداللطيف

اشعدها غير احزان تِحچي ابليلها ؟
(زيـنـب) وآيـة دَمِع تـرتيلهـا
-
(زينب) الآيــة الأبــد متفسِرَتْ
ومن زُغرهه عالمُصاب اتعلِمَتْ
تِغْضَبْ اجهنَم إذا (زينب) بِچَتْ
وكل ملائكة السمه تِبچيلها
-
لا تِظِن تِرتَاح (زينب) لا تِظِنْ
كُبرَت اُو ويّاها يكبر هالحِزِنْ
چَن رسول وبس گِضَه عُمره يوِّن
وإلها جبريل الحِزِنْ يُوحيْلها
-
من زُغرهه وشافت اشصار وجَره
ونُظرت أُمها والضلوع اِمكَسَرَه
لاحَت ابعيناها مِحسِن عالثره
والزمن أكثر بعد يِحچيلها
-
من بعد ضلع الوديعه الي انكِسَر
لا تِظِن تـرتــاح من جُـور الدَهَر
ابليلة القَدر اُو (علي) راسه انطُبَر
وراح والدها اليحامي ادخيلها
-
تالي عِد (المُجتبى) من نِظرِتَهْ
بالحقد جُعده إجتله وسَمِتَه
شاهِدَت يِقذِفْ يحسره جَبدِتَهْ
لاچِن ادموعه عليها ايسيلها
-
عِد بني هاشم عزيزة امدلـله
راحت ابهيبتها وادي الكربله
لاچِن أعظم ما جرى وكل البله
تفقد أخوتها وهَظُم يجريلها
-
تنظر احسين وقعد فوگه الشِمِر
ابسيفه راس الدين وَسفَه يِنِحِر
وعَشرَة اخيول اعتِلَت فوق الصَدِر
الله يلعن هالرجال وخيلها
-
والخيم بالنار ذيچ اموجرّه
وزينب ابهاي المصايب حايره
تنظر ايتام ونِسّه اتفُر بالعَرّه
وبعبايتها تِحامي اِعليلها
-
تشهد املاك السماء السابِعِه
ما مثل (زينب) صِدگ واحد نعى
عاشت ابكل لحظه أعظم فاجعه
الباري وحده اليعلم ابتأويلها
-

عبداللطيف خالدي

هاي اول مره اودعك وآنه مَسبيّه
وانـتـهـى هذا الـشَـمِـل
من طِحِت يا ابا الفَضِل
آنه فوگ الناگه وانته جِثه مرميّه
وآنه مَسبيّه
-
(١)
هـا يَـ نـايـم .. عـالـشـريـعـة
ما تريد اِتـودِع اخـتـك يا ذخـرهـا؟
هـيَـه لحظه .. على الـنـاگـه
ومن بعدها يِختفي اِبصحره اَثَرها

خويه كل خوفي اشيصير ابهل وِداع
آنه ما مِـتـعـوده اَمشي اِبنُص ضباع


قـاتِـلـك رايد يِذلني اُو عاقد النِيّه
الـحُـرَه تِطلَع وَي نَـذِل
من طِحِت يا ابا الفَضِل
آنه فوگ الناگه وانته جِثه مرميّه
وآنه مَسبيّه
-
(٢)
چِنِت اَسمَع .. عَنِ الغُربه
بس عـرفـت الغُربه مُـرَّه مِن شِفِتها
يا كـفـيـلـي .. مِن اَوَدعَك
كُون اَودْعِ اُوياك كِل لحظه عِشِتها

في أمان الله يا حـامـي الخِدِر
في أمان الله اُو يِسبيني الشِمِر


آخ يا خيمة دلالي الساتره اعليّه
يِشبِهَك دَمـعـي اليِهِل
من طِحِت يا ابا الفَضِل
آنه فوگ الناگه وانته جِثه مرميّه
وآنه مَسبيّه
-
(٣)
رِدِت اَنـزِل .. مِنِ الـنـاگـه
واشـبُـگ الرايه الرُبَت عِد راعي نَخوه
لَچِن صَعبه .. اِشلون اَرجَع
الـنـاگـه مِـرتـفـعـه وآنـا ما بـيّـه گـوَه

حـتـى لو عـاونـي بِـركـوب الهِزيل
السوط يِسبُگ يا كفيلي چَفْ عِليل


ابعدد ضربات الِسياط اِختنگت الرِيّه
روحي مَچتوفه اِبحَبِل
من طِحِت يا ابا الفَضِل
آنه فوگ الناگه وانته جِثه مرميّه
وآنه مَسبيّه
-
(٤)
خويه عـايـن .. عـاليتامـه
حتى لو عينك سهم صكها اُو عِماها
شوف سِكنه .. من اِجتلك
خـايـفـه لَـنْ حـرمـلـه يِـركـظ وراهــا

طفلة يا عباس ماذيها الـزمـان
ما تِريد الماي بس رادت أمـان


السوط يلحگها يخويه اُو تِحتمي بيّه
حگها تِبچي اُو تِنذِهِل
من طِحِت يا ابا الفَضِل
آنه فوگ الناگه وانته جِثه مرميّه
وآنه مَسبيّه
-
(٥)
يعني اَيِّــس .. ما تـردلـي؟
وامشي كـل هذا الطريق ابـلايـه عباس
بس شجاوب .. لو وصلنه
الشام والشامت ينادي ابوسط هالناس

ضربوا بدفوف الشماته للسَحَر
اُويانه مسبيّه اَجت اِختِ الگُمَر


اعليّه كل شامت يخويه ِيضحك اِبغيّه
اَهـون اعـلـيّـه الـقَـتِـل
من طِحِت يا ابا الفَضِل
آنه فوگ الناگه وانته جِثه مرميّه
وآنه مَسبيّه
-
(٦)
من اعوفك .. يعني اختك
من بعد كل الـمَـهـابـه تُـطُـب ديوان
والله صعبه .. يبو فـاضـل
يِضحك اعليّه رِجِس، كافر، اُو سكران

خويه بـالـديـوان آلامـي تِـزيـد
تِضحك اعليّه الخَدَم ويَّ العبيد


آنه بنت اكرام تالي اجي هل جيّه
تـدري بـالـحُـره تِـذِل
من طِحِت يا ابا الفَضِل
آنه فوگ الناگه وانته جِثه مرميّه
وآنه مَسبيّه
-

عبداللطيف خالدي
٣١-٣-٢٠١٨

🔵 [ *أملك مصحف* ] 🔵

🔸🎤 أداء | *ملا محمد بوجبارة*

🔸📝كلمات / *الشاعر عبداللطيف خالدي*

https://youtu.be/89uLlO2pRRg

•الهندسة الصوتية:- *حسام يسري*

•مونتاج:- *مهدي مزرعة*

خلّه تـاريـخ الـدَجَـل يِـخفيها
المهم بـاريـهـا راضي اعليها
يِكفي من عَرشه كَنِز مِهديها

هالهديه امن السِمَه
كَنِز اِسمه "فاطمه"
-
ما يِهِم لـو چـذب اِبـوَصفَه القلَم
اُو رفع شان اُو مَنزِلَه مِنِ الصَنَم
العلم يِبقى اشما تِهِب رِيح العلم

الدين يا حُـرَه شِهَد
اويه النبي گلبچ صُمَد
-
الـديـن يِـشـهـدلِـچ على هـذا الـوِفَـه
اُو بادي فَضلِچ يا خديجه اُو ما خِفَه
يلي حـاميتي اُو نِـصرتي المصطفى

انتي بس تستاهلين
لَـقَـب "أم المؤمنين"
-
يلي من دارچ شعاع الله اْنبِلَج
اُو مِنچ انتي يِنتِقِل نور الحُجَج
طه لحظه اِبعِشْرِتِچ لا ما اْنزِعَج

يا أصيله اُو بِت أصِل
يِزهي تـاريـخِـچ فِضِل
-
باقي ذِكـرِچ يا خديجه بالزَمَن
اُو سيرِتِچ تُبقى رُغم حِقدِ الوَثَن
والله يِكفي بِنتِچ انتي اُمِ الحَسَن

لو اِلِـچ بس هالأمـر
اِيعلي گدرِچ بالحشر
-

عبداللطيف خالدي

خلني ابچي
اشـقـيـمـة ادمـوعـي اذا اخـفيها
خلني ابچي
اِحسين يستاهل حياتي اَبچيها


لا تِعاتبني اُو تِگلي ، ما تِنِفعَك هل مجالس
آنه كِل عُمري المجالس ..

اِحسين ماسح فوگ راسي
لا تِظَن يِشغلني حَچيّك، ثابت اِبوجه الوساوس


اٌمي رِضعَتني دَمِع
الهسبب دوم انَفِجِع
اُو قالت اِبإذني وصيّه :
يبني لا تِتعب اَريدك بالمآتم شِبِه فارس
ثابت اِبوجه الوساوس


اُو صاحِبَك بالدنيا هذي
اليِمشي وابگلبه حِمَل أخلاق عابِس

ثابت اِبوجه الوساوس

نَـزّل هـالمسيّه
بـارينه هـديـه
وابـدار الزجيّه .. حَل نورك
-
(١)
حـيّـاك .. اْمن العَرِش عالدنيّه تِظهَر
حـيّـاك .. اِبــجـيِّـتَـك والله تِــبَــشَّــر
حـيّـاك .. الـكـون هـالليله يـَ شُـبَّـر
مَـنـشـوره بـالـفـرحـه اعـلامـه

يا نـور .. والـقُـمَـر ماخِذ خِصاله
يا نـور .. بـاعِـثَـك رَبـنـه تـعـالـى
يا نـور .. نَـوَرِّت بـيـت الـرِسـالـه
ابوجهك شهرنه اِكتملت اَيامه

هلالك .. من يِهِل
فَرحنَه .. يِـكتِمِل
تِضَوي .. هالشَمِل
نورِ العِترَه


يا فرحة اُو بِلا حَدْ
نِـزلـت يَـم مُـحَـمَـد
واحـزانـه اِتِــبَــدَد .. حَل نورك
-
(٢)
مَـولـود .. جـايـب اُوياه الأماني
مَـولـود .. حِملِتَه السَبعِ المَثاني
مَـولـود .. اُو طه يِستَقبِل تَهاني
اِبميلادَك اِكـتَـمـلَـتِ اَفراحَه

هَليْت .. اُو زاهي بِـالأرجاء نـورك
هَليْت .. يِحضَر الخير اِبحُضورَك
هَليْت .. يِـظـهَـر العيْد اِبـظُـهـورَك
ظلمه العُمُر وِانته مِـصباحَه

والـورود .. تِـنـفِـرِش
والآيـات .. تِــنِــقِــش
تَـحيات .. لِـلـعَـرِش
يبن الزهره


يــا سِـبـطِ الـنـبـوه
العينك عُمري فِدوَه
حقها ابعيني غَشوَه .. حَـل نورك
-
(٣)
جِبريل .. وَحي اِحساسي اُو غرامي
جِبريل .. وَصِـل اِلــيَــثــرِب سَـلامـي
جِبريل .. فَـرحِـتـي اِبـمـولِـد اِمـامـي
وجه الحَسَن شعّت اَنواره

سُبحان .. ربّـــك الـكـمّـل خِــصــالــك
سُبحان .. اُو نَــزّلــك آيــة ابــكـمـالـك
سُبحان .. بـالـمَـهَـد زاهــي جـمـالــك
وجهك سِطَع للنبي اِبداره

الـضِوَه لاح .. بـالـمَـهَـد
يَـمِـصـبـاح .. لـلـسَـعَـد
النجم جاك .. وِاستِعَد
فوق اِجفونَك


يــا دُرة ثَـمـيـنـه
نِزلَت بـالـمـديـنـه
اْمن الباري لأمينه .. حَـل نورك
-
(٤)
مَعروف .. ما يِـرِد چَفِّ الـيِـگِـصـدَه
مَعروف .. حـاجِـتَـك تِـلـگاهـا عِـنـدَه
مَعروف .. يِـشـبَـه اِبــأفـعـالـه جَـدَه
غُوث الطَريد اُو حامي كِل طالب

مَبخوت .. كِـلمَن اِتعنى الـمَـضـيـفَـه
مَبخوت .. اِبـسِـجِـل دار الله يِضيفَه
مَبخوت .. اِلـقَـبَّـل اِچـفـوفَـه الشَريفَه
إي وِالـنِـعِـم بِـديـار اِبِـن غَالب

كـرامـات .. لِـلـزَمَـن
مَضيفه .. جَن وَطَن
حبيبي .. يا حَسَن
قُرْبَك جَنَه


چَــفّــك رحــمــة الله
تِرضي اُو يِرضي الله
يـالـذِكـرَك تِـجَـلـى .. حَـل نورك
-

عبداللطيف خالدي
٥-٦-٢٠١٧ مـ

ضـايـع ابصحراء عُمري وانته للضايع أمـان
حارت ابعقلي المسائل
انته حلال المشاكل
يالحسن
-
(١)
شـايـل اهمومي اُو عَـذابـي
اُو ظَهري گـوَّس مـن مُصابي
بِـدوي گـاطـع أرُض عَميّه .. اُو نَـوَخِـت عِـنـدك رِكــابــي

سـولـفـوا عنك وِ اجـيـتَـك
اِعليك گـالـوا لو نِـخـيـتَـك
مـن قـبـل لاگــــول تِـكـفـه .. اِبـوجـهـي فـاتـح بـاب بـيـتَـك


وآنه خُـطـارك اجيتك احتمي مِنِ الزمان
يالذي اتجير القوافل
انته حلال المشاكل
يالحسن
-
(٢)
مـا نِـفَـع بيّه اِصـطـبـاري
عِـفِـت مـن اَجلك دِيـاري
اَدري ما موت امن اجيلك .. اُو زادي حُـبَـك بـالـصـحـاري

يِسوى كِـل تَعبِ التِعَبتَه
كِل دَرُب لجلك گِطَعتَه
اشعُر اِبـفـردوس اَخـضـر .. لَـوَن بـس وَجـهـك لِـمَـحـتَـه


چني بالمعراج آنـه اِمـن الفيافي للجِنان
اِتكسِرَت بيدي السلاسل
انته حلال المشاكل
يالحسن
-
(٣)
الأفئدة ابلا طُوع تِهوَه
تِدري دارك دار نَـخـوَه
عَسَل تِشرَب من مَضيفك .. اُو بالشَكل فنجان قهوه

شِفنَه هـاي الدنيّه صَحرَه
اُو كِل وَرِد مَـيِّـت نِـنِـظـرَه
يـالـحـسـن بـس المدينة .. ابدارك اِنشاهِدها خَضرَه


شاعر آنه بس مضيفك يِعجَز اِيوصفَه اللِسان
تِركظ اِگبالي الأيائل
انته حلال المشاكل
يالحسن
-
(٤)
سيدي يـبـن الأكـارِم
يا فَرِع مِن آل هَاشِم
ما أريـد الدنـيّـه كلها .. خلني عِـنـدَك أبـقـى خـادِم

يالحسن اَبقى اِبـجوارك
اَكــنِــس ابچفيني دارك
اِبمجلسك خادمك آنـي .. اُو خادم الكل شَخُص زارك


اليِخدِمَك حاز الكرامه اُو بالقيامه عِندَه شان
مني اِقبَل هالقلائل
انته حلال المشاكل
يالحسن
-
(٥)
أجي مو خايف مهالك
بالقيامة جِدمي سالِك
أدخل الجنة اعله حُبك .. واگعد اِبصدرِ الأرائك

الجنة مـا رايـد خَمُرها
يالحسن عيني سِحِرها
وَجهَك اِگبالي امن اشوفه .. يِسوى عيني ويّ نَظَرها


من حُسُن وَجهَك تِلاله اُو شَع وسط عيني الجُمان
حاشى ما أقصِد أفاضِل
انته حلال المشاكل
يالحسن
-

عبداللطيف خالدي
٣١-٥-٢٠١٨ مـ

يا دنيّه مــو كــافــي اْغياب
ذابِـحـنـي اِفـراگ الأحـبـاب
من راحوا كِل ليلي اِنياح .. يمتى اِمنِ الآلام اْرتـاح
-
(١)
اَنـا حــيــدر اُو زِماني ما رِحَــم بِــيّــه
جَرِح راسـي اَقـل مِـحـنَـه اِحصَلت لـيّه
ذابِـحـنـي الـ الـغـيـاب اُو جـاثِـمِ اِعـلـيّـه
اَخـــذ طـــه اُو سِلَب فاطِم مِـنِ اِيــديّــه

مِــن راحـوا خَـلّـوا بـالـروح
مو بَس ذِكرى اُو هَم وِجروح
فَـرگـتـهُـم اَشبَه بِـ اْرماح .. يمتى اِمنِ الآلام اْرتـاح
-
(٢)
عـايـش عالـ حِـزِن وآلامـي مـا تِـرحَـم
فَگِد اَحبابي نار اُو بالگلُب تِــلــهَــم
مــا هَـمـنـي غَـدُر سـيـفـه لِـبِـن مُـلـجَـم
الـمـاذيـنـي عِـيـالـي البعدي تِـتْـيَـتـم

اَحبابي اُو مِـن اَفگِدهُم
اَيـتـام اُو مَـحَـد عِـدهُـم
وِاحساس الفُرگه الذبّاح .. يمتى اِمنِ الآلام اْرتـاح
-
(٣)
اُولادي وَاْصِـد بِـعـيـو نُـهُـم جَــمــرَه
جَـمـرة فَــرگــتـي لـو جَمرة الـطـبـره
الله اِيـعين كِــل واحِــد فُـگـد ذُخـرَه
يِعيش اِبلا علي وامـفارگ الـزهـره

مِن اَرحَـل عَنهُم اَعلَم
يِستَفرِد باُولادي الهَم
وَ اظلم يِگلُب هل مِصباح .. يمتى اِمنِ الآلام اْرتـاح
-
(٤)
كِــل واحِــد عـلـيـه الـدِنـيّـه تِـتـعَـدَه
اُو بَعَد عيني شُـعـاع النايــبــه اِتبَدَه
اِبني الـمُجـتـبـى مِـن تِغــدُرَه جُـعـدَه
يُـمـنَـع يِـنـدفِـن يــا دنـيّـه عِـد جَـدَه

يــا دنـيّـه اُو اِبــنِ الأكــرام
اِبنَعشَه اْسهام اْعداه اِتنام
مِن نَعشَه يِتعالى اْصياح .. يمتى اِمنِ الآلام اْرتـاح
-
(٥)
آنه اْمن الـ نَـبـي روح اِبـــ جِسِم واحِد
اُو مِثلي اْحسيــن والله ابهل اَمُر شاهِد
يَـعـنـي لــو وِگَــع وِاتـعـنـه لـه حــاقِــد
معناها الشِمِر فـوگ الـنِـبـي گــاعِــد

نَـحـرِ الـفـايـض مِـنـه الـنـور
اِبسيف إبليس اِيظَل مَـنحور
بِلسانه گلب اِختَه ناح .. يمتى اِمنِ الآلام اْرتـاح
-
(٦)
الطُبَر روحي اُو دِفَـن بِـيّـه جَرِح أكبَر
الـمَـهــيـوبـه العقيله اِبنيّتي تِـتـيَـسَـر
بـعـد مَـذبَـح اَخــوها لِـلـعِـدَه تِـظـهَـر
اِلـيِـسبيـهـا اعـلـه كـيـفـه بيها يِتأمَر

بِنت اجواد اُو مِن تِـنذَل
تِصعَد وَسفه اعله الهِزَل
ثُوب العِزَه اعله الطف طاح .. يمتى اِمنِ الآلام اْرتـاح
-

عبداللطيف خالدي

لَمَن طاح ابوسط محرابه دامي حامي جاره
أطـفـال الـرِسـالـة صاروا أيـتـام اُو حـيـاره
ابجرح حامي الحميّه
اِنـفـتَـح بـاب الـرزيّـه
عاليتامه
-
(١)
صُبي مَدمَـعِـچ يـا عـيـنـي اَعبار
على المطبور هـامـه حامي الجار
علي الجنة اُو سِجَد خاشع بالأذكار
اُو غَدِر إبليس جاله اِبسيف من نار


اِبوَكِت ما چان يتلو حيدر اِبـ “ياربـي يـارب”
انطُبَر راسه يويلي اُو شيبته اِبدَمه اِتِخَضَب
يـويـلـي ابهل مِسيّه
اِنـفـتَـح بـاب الـرزيّـه
عاليتامه
-
(٢)
أبـو الأيـتـام لاچـن جـور الأيـام
تِصير اُولاده مِنِ اِيـطـيـح اَيتام
اليتيم ابدنيّته ايعاشرها الآلام
خنشوف الزمن لـ ايتامه وشضام


كِل واحـد يِـشـوف اِبـدنـيـتـه ألـوان هَـمَـه
وَحدَه بالسبي اُو واحد نَحَر اُو واحد اِبسَمَه
اِبوَكِت مَـيروح ضيّه
اِنـفـتَـح بـاب الـرزيّـه
عاليتامه
-
(٣)
الحسن يا بو الحسن دمعه اعله خَدَه
اُو نِشوفك تِنظُر اِبحسره اعـلـه چبده
سولفله ابـمـصـابـه اُو غَــدِر جُـعـدَه
اُو عَن نَـعـشـه الغريب اِبـوَطَـن جَدَه


نَـفِـس ذِيـچ العصابة الـطَـبُـرَت يا حـيـدر الهام
اِبـ جُـثـمـان الغَريب اِتـصَـوِبـه بِـ اْنبال وِ اسهام
على الـنَـفـسِ الزكيّه
اِنـفـتَـح بـاب الـرزيّـه
عاليتامه
-
(٤)
زيـنـب آه زيـنـب بـنـتِ الأشـراف
اِليِحلفون اِبخِدِرها كِل الأطراف
سِترها الچان ما يِنشاف، يِنشاف
اُو بَعد عِز الهواشم بيد اَجلاف


اَعني اِبـكـربـلـه لَمّن شِمِر يِـذبَـح اَخوها
على الـنـاگـه چـبـيـره زينبك لـو رَكِبوها
سِتِر هـاشِـم سـبـيّـه
اِنـفـتَـح بـاب الـرزيّـه
عاليتامه
-
(٥)
لــتـبـاوع يـحـيـدر صــوب نَـحـرَه
ترى اِبـسيفه الشِمِر باچر يِـنِـحـرَه
اِحـسـيـن اِبكربله مَـحَـد يِـنُـصـرَه
اُو تِجي الخياله تِلعَب فوگ صَدرَه


يَـمَـن تِـسـگـي البَشَر يـوم القيامه كـاس كَوثَر
اِحسينك ضامي بالصحره اُو عليه الخيل تِفتَر
ابـمُصاب الغاضريه
اِنـفـتَـح بـاب الـرزيّـه
عاليتامه
-

عبداللطيف خالدي
٢-٦-٢٠١٨ مـ