اللهُ أكبر .. طُبِّرَت اللهُ أكبر
وا لــهــفــةً لـولِـيِّ الله
والشيبُ مصبوغٌ بِدِماه
اللهُ أكبر
-
(١)
عجيب .. غريب
قُـرآن ربنه الناطِقُ اُو سِـر مُحكم الدين
يطيح .. جَريح
مَطبور هامه اِبسيف مبعوث الشياطين

اِبچي يا هل أتى
طاح أعظم فتى
اِمخضبه هامِتَه
آه يبو حسين


والشيبُ مُحْمَر .. وَيلتي والشيبُ مُحْمَر
وصـيُّ طـه وا ويـلاه
والشيبُ مصبوغٌ بِدِماه
اللهُ أكبر
-
(٢)
إمـام .. حَـرام
تِنزِف دِمـاءَه اُو تِنزِفِ اْدمـوع اليتاماه
يِروح .. جروح
اِتخلي اليتيم اِبدال “بابا” اِينادي ويلاه

والأرض تِـنـرِجِـنْ
لـو يَـتـيـمَـك يِئن
تِدري هذا الحِزِن
ايزيد بـلـواه


والقلَبُ يُكسَر .. يا علي والقلَبُ يُكسَر
بأيِّ عـيـنٍ سـوفَ تَراه؟
والشيبُ مصبوغٌ بِدِماه
اللهُ أكبر
-
(٣)
أنـيـن .. حَـنـيـن
تِدرون زينب لـو تِـوِّن يِكسِر بَچيها
تِـحـيـر .. تِـصـيـر
وَردة اُو غِصِنها ذابل اِبطيحة وِليها

يِـكـفـي مِـتـألـمـه
ما نِـسَـت فـاطـمـه
اُو جَرِح حامي الحِمَه
اِشسوَه بيها


لَبوَةُ حَيدر .. نـائـحـه لَبوَةُ حَيدر
يـتـيـمـةٌ لأبٍ تَـنـعـاه
والشيبُ مصبوغٌ بِدِماه
اللهُ أكبر
-
(٤)
يموت .. تِفوت
أيام عُمر المُجتبى اِبلوعات وِ اْبهَمْ
الوِداع .. ضَياع
اِبنِ الـرِعَـه الأيتام من بعده اِيتِيَتَم

اِبعينه ميِّت صُبِح
اِبـدمعِتَه يِنفِضِح
اِبوَكِت شاف الجَرِح
يسيل بالدَمْ


دَمعٌ تَحَدَر .. بالأسى دَمعٌ تَحَدَر
والحزنُ قد أضحى مأواه
والشيبُ مصبوغٌ بِدِماه
اللهُ أكبر
-
(٥)
سِـتـار .. خِـمـار
نايم وسط اولادك اُو تِلفُظ الأنفاس
سيوف .. تِشوف
باچر بناتك والشِمِر بيده گِطَع راس

اِحسينك اُويّ الدَهَر
راح اِيـشـوف الأمَـر
بـعـد گـطِـعِ النَحَر
ابخيل يِنداس


أعضاهُ تُنثَر .. بالفلا أعضاهُ تُنثَر
فَـكـيـفَ تَـرنـوهُ يتاماه
والشيبُ مصبوغٌ بِدِماه
اللهُ أكبر
-

عبداللطيف خالدي
٢-٦-٢٠١٨ مـ

خدمة الامام الحسين (ع)
تحية طيبة ،،،

سأتشرف بنشر قصائد العزاء على سيد الشهداء (ع) خلال الفترة القادمة، امتناني الكبير لِمَن سيُلبسني ثوب الفخر بقراءته لهذه الأبيات .. فهو المُتَفضِل وأنا الممنون.

تقبلوا عزائي واحترامي

-
عبداللطيف

شسولف لك يجابر
ودليلي ابهمه حاير
يِعيش اِبالي عاشر
يجابر
-
(١)
أنا الـبـاقـر واسـولـفـلـك غِـصَـص مِـن لـوعـة الذكرى
چِـنِـت بـالـطـف طِـفِـل لاچــن طِـفِـل آلامـه مـو كُـبـرَه
عِـشِـت وَيّ جدي عَـشـر اْيام، اُو عَشرتها صدگ مُرَه
تـالـيـهـا اْنـذِبَـح عَطشان اُو گِـطَـع شِمِر الخَنَه نَحره

طِـفِـل وِدموعي سَكْتَه
اِركَضِت يَمه اُو نِظَرتَه
شِفِت جدي اُو ذَبِحْتَه
يجابر
-
(٢)
شِفِت كل الجَرَه بالطَفّ اُو مَصارع أهلي انظُرها
كِـل مَـنـحَـر تِـرَك بِـيّـه مـآسـي صَعبه اَحـصِـرها
يـجـابـر كَـسِّـرَت ظـهـري قـضـيـه لـمّـن اذكـرهـا
نَفِس چفِّ الذِبَح لِحسين الـرُقيّه اْگبالي يِسطُرها

شِـفِـت لـمّـن ضربها
كِـسَـر والله گـلُـبـهـا
يِـگـابـلـهـا اُو يِسِبها
يجابر
-
(٣)
تِظَل ابّـالـي ذِكرى اْخيام، مِـتـوَجـره اْبـلَـهـيـب النار
خـوف اُو رُعُـب يا جابر، عَليل اُو نِـسـوَه وَيّ اْزغـار
محتارين نِـفُـر يا صـوب خـيـل اُو حـاوطـت اْلاكتار
الجمر مِتناثِر اِعله الگاع اُو خَـلّـه اعله الجِدَم آثار

لهيب اُو خيّم تِـسعَر
طلعنه انـحـوم بالبر
الأعادي اْعلينه تِفتَر
يجابر
-
(٤)
يـجـابـر لـيـلـة الوِحشَه ذِبـحَـت چـم طِـفِـل بينه؟
شِـفـنـه الـرُعُـب يا جـابـر بِـشـمـاتـت اَعـاديـنـه
الـتِـعَـوّد كِـل لـيـالـيّـه يِـنـام اِبـمـحَـجَـر اِحسينه
هسه اِيغَمُض اجفانه اُو يِجي شِمْرِ اِبوَسَط عينه

دِموعي اِبحَسرَه تِنصَب
وَسَـط اَطـفـال تِـنـحَـب
اِبجلوس اِتصلي زينب
يجابر
-
(٥)
الـكِـفِـلـهـا اِبـرُگـبِـتَـه الـعـبـاس عـالـنـاگـه يِرَكبوها
يـا جـابـر حِــجــاب الله اِبـكـل خِــطــوَه يِـسـبـوها
سِبونا اُوياها لرض الشام اُو تِدري اِبيْش عَذبوها؟
مـو بــالـسـوط مِـتـألـمـه اِبـحَـچـيـهـم والله ضِربوها

يَزيد اِبكِل جَساره
يِسب اَهلي الغياره
نَسِل هاشم حياره
يجابر
-

عبداللطيف خالدي
٢٧-٨-٢٠١٧ مـ

(١ محرم)
-

عَـشْـرة أيـام اِبـمُحَرَم
منها أفـهـم قيمة الدَم
مُختَصَر دين الله نِفهَم .. وا حسيناه
-
(١)
گـبَـل لا أبـدي شِـعـري اَشـكُـرِ الـديّـان
بِعثلي اِحسين مُنقذ سَـوّه مِني اِنـسـان
مِـثِـل جَـدَه اِجــه يِـتـصـدى لـلـطِـغـيـان
اُو رِسَم دَمه اِبـمُـحَـرَم لـلـبَـشَـر مِـيـزان

ثَـــورِتَـــه ثـَــورة هِــدايــه
اُو نحره راسم لـي حِكايه
اْمــن الـبـدايـه اُو لـلنهايه .. وا حسيناه
-
(٢)
عَـشِـر اَيام بـيـهـا اِحـسـيـن نَـوّرنـي
كِـل چـلـمـه حِـچـاها اْدروس عَـلَمني
اِله دَيْـن اِبـرُگُـبـتـي اُو دوم يِحضرني
يَعني لِـلـقـيـامـة اْمـصـابـه يِـشغلني

اِبـذِكـرَه يُبقى العقل هايم
يـعـنـي لـو بـالـجـنـة لازم
اَعــقِــد اِعـلـيـه الــمــآتــم .. وا حسيناه
-
(٣)
فِـدالـي اِحسين عُمرَه وآنه شِـنـطـيـتَـه؟
تِـظِـن يِـكـفـي دَمِــع لــو آنـه اَهـديـتـه؟
لا لَـتـظِـن عِــشِــر مِــعــشــار وَفـيّـتَـه
اذا نَحري اِبـصُـبُـح عـاشـور گصيتَه

اِحسين سَـوّه العُمري مَـعنه
اُو قـيـمِـتـي مِـرتَـفـعَـه مِـنـه
لِـلـهِـدايـه اِسـمَـه جِـمَـعـنَـه .. وا حسيناه
-
(٤)
الدمع لا مـا يِـكـفِّـي الـحِـزنَـه وآلامه
كُـون ابـهـل شـعـائـر نِـرفَـع اَعـلامـه
فِـداء الـصدره ذاك الهِشموا اِعظامه
الـبَـشَـر وِ الـجِـن نِشاهِد كلها لطّامه

الـدنـيـا كِلها اِتروح فِـدوه
منهو غـيـر اِحسين يِـسوه
خِـدمِـتَـه تِــحــتــاج نَـخـوه .. وا حسيناه
-
(٥)
الحِـزِن واحـد لَـچِـن اَشكاله تِـتـنَـوَع
كِـل صـورة تِـتَـرجِـم حــادثــه اَفـجَـع
اذا مَـتـنِ الـعـقـيـلـة اِبـسـوط يِـتـلَـوَع
بـالـزنـجـيـل كون اْمـتـوني تِـتـگـطَـع

كِـل شَعيرة تِنطي لَمحَه
بِاختصار اِلنه تِشِرحَه
عن گلُب يِتعالى جَرحَه .. وا حسيناه
-
(٦)
اِذا آخـــر مُــحــرم آنـه بِــي أحـيّـه
اَريـدن حاجه وحـده اِتصير مَقضيّه
اِبخِتام المَجلِس اَدعي حاضره النيّه
اُو تِـطـلَـع روحـي وآنـه بالـحُسينيه

مِـن حياتي اِلحَد مماتي
اِسمه تـارِس ذِكـريـاتـي
حـاضـر اِبـأربـع جِهاتي .. وا حسيناه
-

عبداللطيف خالدي
٢٨-٨-٢٠١٧ مـ

(٢ محرم)
-

ها هُنا أَرضُ الرزايا، وحِكاياتُ الحُتوفْ
أوقِفوا الضَعْنَ فإنا قَدْ وَصلنا للطُفوفْ
قد وَصلنا للطُفوفْ
-
(١)
هـاي الـگـاع هِيّه والـقـلـب حَـوّم
وِصلت إلها واشمن بيها رِيحة دَم
يهل بيتي الأمر مفروغ واْمحَتَم
كُون ابهل أرض اشلائي تِتْخَذَم

يا سَـلـيـلاتَ النبيِّ، ها هُـنـا أرضُ الحِمامْ
اِهبِطُوا الأرض بِرِفْقٍ، واجنحوا نَحو الخِيامْ
وانزِلوا فيها ضيوفْ
-
(٢)
نِـزلوا اْمنِ الـهِـوادِج يـا بنات النُور
الأمان أيام يِـبـقـى، والـزمان اِيدور
باچر لو وِگـع كِـل هـاشمي مَنحور
منو غير الشِمر حول الخِيام اْيدور ؟

لَيلُكُم يُمسي عَدُواً، لو أتى دُونَ كَفيلْ
يا رَبيباتَ الدلالِ، فَبِكُم يُشفى الغَليلْ
بعدما تُدمى السُيوف
-
(٣)
أَرِض كَربُ وبلاء الهادي أخبرني
بيها ابن الخنا بالسيف يِنحرني
جِثة اعله الأرض والخيل تِنظُرني
تِـركُـض وبـحـوافِـرهـا تِكسرني

وكـأنَ الـخـيـلَ جالت، فـوقَ جِـسـمِ الـمُرسلين
وبكسرِ الصدرِ صوتٌ، في السما يَنعى “حُسين”
وعلى العَرشِ يَطوف
-
(٤)
نـامـوا اْبهل خِـيّـم يِحفُظكُم الديّـانْ
تِجي لِيلة الوحشه، بس رُعب واشجان
إذا صـوت ارتـفـع واتجَمِعَت عِـداون
ما تِـغـفَـه الـعـيـون وبالـخِـيّـم نـيـران

أنـتُـمُ الـيـومَ لـديـنـا، بِـسَـلامٍ وأمــان
وغـداً بالسَبيِّ يَحدو، رَكْبَكُم سَوْطُ سِنانْ
ولكم دمعٌ ذَروفْ
-
(٥)
إذا مَـوعِـد سَبيكم يا خـواتـي حَل
صِعدوا اْبكِل شُموخ ورِفعَه عالهِزَل
واذا فـوق الـمَـتِـن هالسوط يِـتْـنَـزَل
من تَحْتِ الـمَـقـانِِـع هالدَمِع يِـنـهَـل

لـو بَقى جِسمي صريعاً، دامـيـاً في كربلاء
مَعَكُم في السَبيِّ رأسي، ويرى حالَ النِساءْ
وعلى الحالِ لَـهـوفْ
-

عبداللطيف خالدي

(٣ محرم)
-

رسالة ابطعم اِلفراگ
أبـو وِ البنته مشتاگ
كـتـبـهـا مِـنِ اْلِعراگ
للمدينة
-
(١)
بـسـم الله اَبـدي اِحچايتي
اُو حِـبـر الـرسـالـه دَمعتي
من “الحُسين اِبنُ علي” لرض المدينه

بَـعـد الـتـحـيّـه والسلام
مِـنِ الإمـام اِِلـبِـت إمام
يا فاطمه مِشتاگه لچ روحي الحِزينه

وابـگلبي تِغفي عِلَه
والغرُبه لا مو سَهله
بس هل وَرَگ يِحِملَه
للمدينة
-
(٢)
ما ادري اَحـچـي ابـيـا خَبَر
اُو كِل قِصَه مِـنِ الْثاني اَمَر
مو انتي روحـي الي صُفَت بَعدِچ عليله

اِحسينچ غِدَر بيه الزَمَن
والـغُـربَـه صارتله وَطـن
مِـتـزاحـمـه اِبگلبي مـشـاعـر هَـمْ ثِجيله

و الي اِرتـفـع جَلاله
اتـمـنـى هـالـرسـالـه
تِـوصَـلِـچ اِبــعُـجـالـه
للمدينة
-
(٣)
يـا فاطمه اُو بُعدِچ صُفَه
مِـثـل الرياح الـعـاصِـفَـه
كَسّر جناحي اُو ما بُقَه كل حيل بيّه

يِكفيني فـاگِـد فاطِمه
وارجع واعوفن فاطِمَه
يبنيتي هذا اَمر القَدر اَجرع رِزيّه

والـيِـفـتِـقِـد حَـبـيـبـه
اِيعيش العُمر عَجيبه
اُو گلبي رِسَل نَحيبه
للمدينة
-
(٤)
اَصفِن وانـا اَكتِب اِلچ
يِمكِن وَكِـت ما تُوصَلِچ
هاي الرِساله الشِمِر سيفه اِبوَسَط نَحري

اِبـوكـتِ الـتِـلِـزمـيـن الوَرَگ
حافر على صـدري اِنطِبَگ
يالچِنِت اَحِضنِچ سامحيني اِنكِسَر صَدري

بِــمــراكـظ الــحــوافِــر
جسمي وسطها صاير
اُو جِفني يِـديـر الناظِر
للمدينة
-
(٥)
يا بِنت اَجَـل واشرف نَسَب
مـا راح اَسـولـف بالـعَـتَـب
اُو ما رايد اَختِم هالرساله اِبأي نهايه

مِن يِرجَع اِلـيَـثـرِب ضَعَن
سِئليهم اُو سِمعي المِحَن
اُو تِختِم كلامي من تِسولف هل عبايه

سِـئـلـيـهـم اُو سِمعي آلام
نِـسـوه اُو عليل اُو ايـتـام
خل تِحچي عَن ضيم الشام
للمدينة
-

عبداللطيف خالدي
١٣-٩-٢٠١٧ مـ

(٣ محرم)
-

حوار
بين اْلحُسين اُو بِـنـتَـه فاطِمَه
مو بالحچي، بالدَمعه نِفَمهَمه
-
(١)
اِلليله مِـيـعـاد الـحِـزِن والـنـوح والآه
فقط مسموح ابحضور التِبچي عيناه
للفُگد غـالـي عُذُر
تِـذرف اعيونه جَمُر
ابگلبه چن ضغطت گبُر
اُو يِنظُر اْحسين اُو عَليله اْتصيح ويلاه

وِداع
بس الفُگدله غالي يِعرُفَه
هَمسِ العليله “بُويه خايِّفَه”
-
(٢)
اليِمتِلِك مِثلك يَـبـويـه وابغلاتَك
كل نَفَس يِتنَفِسَه جِزء اْبحياتَك
يا أماني اْمنِ الزِمَن
عِندي احضانك وَطَن
لو مِشيت ابهل ضَعَن
اِشعندي مِنَك غير سجادة صلاتك؟

تروح
ودارك تِصيرن بُويّه چن سَقَر
مـاخِـذ معاك الجنّه بالسفر
-
(٣)
يا اَرَق مِنِ الوَرِد يالشايله اْسمي
دَمعة مِن عينچ تِهَدِم رُكُـن عَزمي
آنـه اَخْـبَـر بِـالـغِـيـابْ
عِشِت مِن گبْلِچ مُصابْ
اَشْـبَـهِـچ بَس الـعَـذابْ
اْبزُغري خلف الباب شِفتِ اْمصاب اُمي

يِتيم
مِـثْـلِـچ يبنتي والدَمِع حِدَر
ويّ جَدِتِچ گلبي ترى اْنكِسَر
-
(٤)
بُويه مِن هِسَه اَحِسْ بالفاجِعَه اْتهِل
وابضعنكم جم جَرِح ملچوم يِخْتِل؟
بويه رحمه بالتِوِّن
لا تِخليني اْبحِزِن
لو غُمَض مني جِفِن
اَنظر اْثـلاثـيـن ألِف چتّال مِجْبِل

أخاف
واتخيّل اْبّـالـي اِلك صِوَر
سيف اُو دِمه وِتراب عالنحر
-
(٥)
يالچِنِت اَغفه اعله حِضنَك وابرِداءك
هِسه نجمه تايهه اُو تِبچي السماءك
وين ما اَنظُر وَاْصِدْ
الحنتي اِيموت الوَرِدْ
آه يـا جَــرحِ الفَگِدْ
بُويه تِـجـرحـنـي مآسي "كـربـلاءك"

اَشوف
حِلم اْمن اشوفه بويه اَختِنِگ
چم خيمه بالطف وِسفَه تِحتِرِگ
-

عبداللطيف خالدي
ليلة ٣ محرم ١٤٣٨ هـ
٤-١٠-٢٠١٦

#يالعايش_بأنفاسي - My Soul
-
⁦ ⁩ https://youtu.be/7tpu9Hv0QII
-
أداء
⁧ #علي_بوحمد ⁩
كلمات
⁧ #عبداللطيف_خالدي ⁩ ⁩
-
⁧ #محرم ⁩ 1440 هـ
⁦ #Muharram ⁩ 2018

"أنا منك وإليك" سيدي يا حسين.
-

(١)
انته الـهـوا الأتـنـفـسـه
يالعايش ابـأنـفـاسـي
هذا الگلب مثل الصخر
لو ما چنت بحساسي

يمالك رِقّي عِشْت آنه اعله بابك
اُو تِعود خدي بس يِغفه اِبتُرابك
آنه العايش وَسَط صـحـراء ميْتَه
حُسين اِتعَطَف اعليّه اِبسَحابَك

يا حبيبي يا حسين
نور عيني يا حسين

-
(٢)
دلـيـنـي مِن ويـن اَتِجِه
آمـرنـي وآنه ابـأمـرك
ابـكيفك آنـه بس المهم
خليني ابقه ابـكِـتـرَك

بـالـتـريـده تِـدَلـل وِانـتـه تـامِـر
يبو الأكبر اَنـا ابكل لحظه حاضر
تِريد ابمجلسك اَفرشلك اِسماط
لَـوَن رايدني ناعي اعله المـنـابـر

يا حبيبي يا حسين
نور عيني يا حسين
-
(٣)
ابـيوم الحشر يا سـيـدي
مَشبوحه صوبَك عيني
اِبشوق انتظر لمّن تِجي
اُو تِـلـزِمـني مِنِ اِيميني

وحـگ الـخـلّـد ابـهـل دنـيّـه ذِكراك
اُو جِعَل جِن اُو اِنس يحسين تنعاك
خِـدَمـتَـك مـو لـجـل جــنّــات والله
خِـدَمـت اُو نِـيِـتـي انـحـشُـر ويّـاك

يا حبيبي يا حسين
نور عيني يا حسين
-

عبداللطيف خالدي
٢٩-٦-٢٠١٨ مـ

(٤ محرم)
-

اِخذوني ويّاكم
ماريدن أبقى .. اِبغُرُبتي .. والدَمِع ما جَف
آنـه وبَـنـيـنـي .. خَدمكم .. لو وصلنه الطَف
اِخذوني ويّاكم
-
(١)
سيدي يالفَضَلتني اعله البريّه .. اُو چِنت اَخِدمَك
لا تخليني غَـريـبـه من تِـسافِـر .. ابـداعـت اُمَـك

هذا الغياب
مـا يـرحـم ابـگـلـب الـمُـحِـب
صدگـني اْمـوت اْمـن اَنتِحِب
أم البنين ابغيبتك .. تِصبَح سراب
ابهذا الغياب

ابداعت الزهره
اِرحم دِليلي .. وِ اخـذنـي .. جِثة بـالتابـوت
اُم الـبـنـيـن ابـ .. غِـيـابـك .. والله راح اتموت
اِخذوني ويّاكم
-
(٢)
من زُغُـر سِـنـك تِـشـرفت اِبـخِدِمتـك .. يَبِن فاطم
لو مِشيت اُو ما خَذِتني ابحال گلبي .. الله عالم

اُم البَنين
مـعـروفـه آنـه ابـهـل لَـقَـب
اُو مِن تِرحل انته مو عَجَب
اِينادوني بِغيابك ترى .. اُمِ الحَنين
اُم البَنين

يا أمل عُمري
متعوده اشوفك .. واحـوفـك .. من زُغُـر سِنك
لـتظنهـا سهله .. تِــروح اُو .. اَنـحُـرُم مِـنَـك
اِخذوني ويّاكم
-
(٣)
اُويـاك اِخـذنـي والله عمري ابلايه زينب .. ماله قيمه
اُو عـيـنـي ما مِتعلمه تِـفـگُـد حتى لحظه .. هل يَتيمه

اَحضَر سِتار
لـو حـاقـد اِلها يِـقـتِـرِب
مَـتـنـي قَبلها يِـنـضِـرِب
وابخيمتي اجمعها هيّه .. اويّ الزِغار
اَحضَر سِتار

ويّ أبو فاضل
اِبـنـي نِـحـامـي .. خِدِرها .. اِلآخـر الأنـفـاس
اشما نِبذِل اِحنه .. فَضِلكم .. انتوا فوق الراس
اِخذوني ويّاكم
-
(٤)
ابكربله لمّن اَجي والقاك حـايـر .. اَنسى صَبري
اِبدالك اتلگه السَهَم يبن الزجيّه .. وسـط صدري

گبلك اَروح
اتعنى لو جاك الشِمِر
آنــه اْبِــدالــك اَنِّــحِــر
وبجسمي خلها تِجتِمِع .. كِلِ الجروح
قبلك اَروح

آنه وِ اْبنيني
خِدامك اِحنه .. اُو تِـدلل .. يا أبو الأكبر
واصغر هديّه .. نِــقَــدِم .. اِبحُبَكِ المَنَحر
اِخذوني ويّاكم
-
(٥)
اِنـچـان اَبو فاضل طِـلـع من المدينة .. اويّ العقيله
اُوياها اَطلع بالسبي وابعيني اَخدِم .. هـالـجـلـيـله

كِلِش صَعُب
وِ اگبالي لـبـوة حيدره
بالگيد تِمشي اِميَسَره
بِنتِ النَبي صارت وِسَف .. بيد الغُرُب
كِلِش صَعُب

بِالسبي اَطلَع
لو ربي قاسِم .. اَظَـلـن .. اُو ما يِجي حَتفي
اِبـدال العقيله .. يخوها .. يِـنـضـرب چَـتـفـي
اِخذوني ويّاكم
-
(٦)
لو وِصلنه الشام والشامت يِنادي .. وين أهلها
آنه اَكـفـلـهـا واصير اْبـدال اِبني .. الي كِفَلها

اشرايد يَزيد؟
لا تِحچي ويّه بِت علي
خل حَچيّك اويايه اِلي
ما همّني كل هاي الشِماته .. لو تِزيد
اشرايد يَزيد؟

مَصرع اُولادي
الله اْبـحِكِمتَـه .. جِـعـلـهـا .. عِبره وِاتفَهمَك
لو يِنطُق الدَم .. يِـزول اُو .. يِنتهي حُـكمَك
اِخذوني ويّاكم
-
(٧)
ظـلـت ابـإيـدك بـعـد يـبـن الـزچـيّـه .. و انـتـه آمــر
اُوياك اروحن لو اظل بارض المدينه .. اُو گلبي شاجر

بس گلي وين
وابكل ارض الگه صوَر
بيها شِمِر گـاطِـع نَحَر
حتى ابوسط داري صدى .. اِينادي حُسين
بس گلي وين

ابگه مِنتظره
يـمـكـن إلاهـك .. يِعجِل .. رِدِتَـك لـيّـه
وياك اشاهد .. العقيلة .. ماهي مسبيّه
اِخذوني ويّاكم
-

عبداللطيف خالدي
١١-٣-٢٠١٧

(٥ محرم)
-

عمي من تِمسَحلي راسي
أشعُر ابـروحـي الـمـآسـي
واسمع اْتنادي ابهضيمه .. يا حميده
-
(١)
مِن طِلَعت اويّه الحَرَم .. لحظه ما شِفْتِ الأَلم
اُو ثَغري يا عمي اْبتِسَم .. مِن نِصَبْتِ اْلنَه الخِيَّمْ

والـدي اَدري اْبـسَـفَـر .. اُو طَـوَّلِ اُو مـامِـن خَبَر
لاچِــن اليِكفي النَظَر .. ابعيني انـظـرلك يـَ عَـمْ

لو بِچيت اِتگلي بِنتي
اُو بيدك اتواري دَمِعْتي
دمعتچ عندي عظيمه .. يا حميده
-
(٢)
وحدي جَيت الكربله .. لا أبـو اُو لا عـايـلـه
لاچِـن انـا امـدلِـلـه .. وما شِفِت لحظة بله

ولو نبض بيّه الحَنين .. وما غُفتلي ابليله عين
اْبحِجْرَك أغفه يا حسين .. چَــن أُبـوي اَتمَثلَه

اُو مِن أصِـد يمك رُقـيّـه
تِهمِس آهاتي اْلي بِيّه :
الوالد اعله ابنيته خيمه .. يا حميده
-
(٣)
عِـشِـت ويّـاك اْبأمان .. وما خِفِت مِنِ الزمان
اْتقاسَمِت مِنك حنان .. وَي بَـنـاتَـك بالـمِـثِـلْ

لاچِـن اِلليله اَنظُرَك .. اْبحزن واضِح مَنظرَك
منهو كاسر خاطرك؟ .. يا سِبِطْ خَيّرِ الرُسِلْ

چَفَّكِ اْبراسي قِرالي
أيِّـسي مَيْرِدلِچ الغالي
انتي من هِسَه يِتيمه .. يا حميده
-
(٤)
يـا حـمـيـدة والـفَـخَـر .. والِدِچ هوّ اْنتِصَر
واْبـسَفِك دَمـه اْستُمَـر .. شَرِع الله وعِترِتَه

وِالـكِـسَـر قَـلـبـي اَمُـر .. مِن رِموه اْمنِ القَصُر
جِسمَه دامي ومِنكِسُر .. اُو خيل وِسفه جَرِتَه

والِـدِچ أدّه اْمـتِحانـه
اُو سَلَمِج بيدي اَمانه
صِبري عالقصة الأليمة .. يا حميده
-
(٥)
اِليِتِم عمي صَـعُـب .. اُو لو نِسى أمره الگلُب
مِجبِلين اِحنه الحَرُب .. ومدري شنهو الي يصير

لو طِحِت دامي النحر .. اُو حافر اْبصدرَك عُبَر
وين يا عمي الـمَفَـر ؟ .. بيمن اِحنه نِستِجير ؟

گلها وادموعه جِريّه
تِطلعين اِنتي سِبيّه
صيحي باصوات الظليمه .. يا حميده
-

عبداللطيف خالدي

(٦ محرم)
-

انصارك اُو نِثبِت رُغـم كل الـمِـحَـن
ما همنه لو بالسيف واحدنه اْنطِعّن
لا ما نِـذِل هـيـهـات
تتعالى هل صرخات
-
(١)
الله سبحانه ذخـرنـه ابـعـالـم الـذر لـلحسين
اِنصير انصاره اُو نعينه يوم ما يِحصَل مُعين
جـيـنـه للدنيّه اُو عهدنه يِـكـبُـر اِبرُغم السنين
عالعهد باقـيـن اِحنه وِالـطـفـوفـك جـاهِـزيـن

مـا نِـتِـركَـك وحـدك
اُوياك توگف جُندَك

طفّك جِمعنه وِ احنه للكلفه كفو
بيدينه يوگع والله يحسين العدو
بـايـع حياته الـفـات
تتعالى هل صرخات
-
(٢)
احنه انصارك اِجـيـنـه اُو مـا تِخوفنه الجِموع
مو گـلـب شِـلـنـه محبتك سيدي بـيـن الضلوع
من اِجينه الـطـفّـك اِحنه أبـد ما مرنه الهُجوع
ما نخاف اُو خل تِزيد اعلينه بالحومه الجموع

إي وحـق اِيمينك
اِحنه والله انعينك

يِشهد علينه الباري لـو گلنه القسم
تِخسى تِمُر اعداءك اِبصوب الخيم
اعليهم نِشِن غارات
تتعالى هل صرخات
-
(٣)
حـاشـى والله ما نِـتِـركَـك اُويانه ما تُبقى غَريب
الدنيّه كلها ابـعـيـده عـنّـه وانته بس اِلنه القريب
اختار منهو اِتريده ناصِر الأمرك احنه نستجيب
اِتـريـد شـوذب ولا مُـسـلـم لو اِبن ظاهر حبيب؟

مِنه اصغر واحد
اِگباله يِركع قائد

شايب، شباب، اُوياك ما همنه العُمُر
سـمـعـاً و طاعه لو گِـلِـت اِلنه الأمُـر
اِلـنـه بُــقَــت ثـارات
تتعالى هل صرخات
-
(٤)
نـرفـع الــراس ابـمحبتك مـو فـقـط قـصـة أجُـر
رِدنَه نِـحـضَـر بـالـقـيـامـة وانـتـه يحسين الذُخُر
اهناكه بالمحشر نجيلك ابهامه مهشومه اُو صَدُر
حـتـى جـدام الــخــلائــق نِـنـعُـرُف مِـن هـل أمُـر

نِمشي تحت انظارك
اِحنه كلنا انـصـارك

ابـيـوم القيامة سـيـدي هـذا العِشِگ
بِي تُخمُد النار اُو مِنِ الحُب تِحتِرِگ
تِــتَــرجــم الآيــات
تتعالى هل صرخات
-
(٥)
اِنضحي اِحنه بالنفوس اُو نِرسم اِبدمنه الفِداء
يُـبـقـى بـالأجـيـال والله يِــرتــفــع هــذا الـنـداء
لــك لــبــيــك حــبــيــبــي والـــولاء اِلــكــربــلاء
احنه بس اِحسين عِـدنَـه الـغـيـرَه مـا عِدنَه ولاء

تِضوي رغم الظُلمه
سـيـدي هـل خِدمَه

تِسري مَحَبْتَك سيدي ويّـه الدِمَه
يِشهَد علينه ابهل اَمُر رب السِمَه
يِبدي حـيـاتـه المات
تتعالى هل صرخات
-
(٦)
احـنـه انـصـارك نِـوَرِث هـل مـفـاخـر لـلـخَـدَم
والـ لِـزمـهـا امـن البريّه حـاشـى والله مـا نِـدَم
اشـمـا تِـهِـب الـريـح والله نُبقى نـرفـع هل عَلَم
اِحسين ثابت حُبه عِدنَه اُو يسقط اگباله الصَنَم

نرفع الرايه ونصيح
يا لـثـارات الـذبـيـح

سِكنت حروفك سيدي ابوسط الگلُب
هذا الـعـهـد والله غـيـرك مـا نِـحِـب
وابمجلسك صيحات
تتعالى هل صرخات

-
عبداللطيف خالدي
٢٥-٩-٢٠١٧ مـ
لندن

(٧ محرم)
-

يا فُرات ابگلبي كِلمه .. والها لازم تِستِمِع
ما اسولفها اْبلِساني .. اِفتِهِم حچيِّ الدَمِع
-
(١)
آنه زِينب رِدَتْ اَجيلك اُو جابني اْبحزنه العليل
يا نَـهَـر يِـجرحنـي مـايـك والجَرِح جَوّه الدِليل
من اَمُر يَمَك اَشاهد جِربَه تِبچي اعله الكفيل
حايرَه اُو تِبچي اعله راعيها الطعين المِنصِرِع
-
(٢)
خـالِـقَـك رَبـنـه تـعـالـى تِروي لو تِضمه البَشَر
ليش ويَّ اْخواني مايك يـا نَـهَـر رُوجَــك غِـدَر
ليش مـا حَـذَّرت اَخويه خَلفه چَـتّـالـه اْنسِتَر ؟
جوده طاح ابساعة الي اچفوفه يَمَك تِنگطِع
-
(٣)
تِـدري يــا نَـهـر الـيـتـامـه تِنتظر جُـودَه يِـرِد ؟
يعني مِن طاح اعله شطّك بِالخيَم مات الوَرِد
چنت اَظِـن بَعدِ المَصيبه مايك اِيبات اْبـلِـحِـد
والعجيبه الـبَـحَـر مَـيِّـت والبُقَه حَـيِّ النَبِع
-
(٤)
ما دريت النار وَجَّـت بالخِيَم شُـو ما اِجيت ؟
ما شِلِت ماي اعله روجك اُو لا جَمُر يَمك طُفيت ؟
انته مُلكِ الـزهـره أُمنَه يا وسـافـه ما اْستِحيت
يِبقى اْبنها اعله الشريعه ضامي گلي اْبيا شَرِع ؟
-
(٥)
ما اريد اَحچي اْبعتابك، والعَتَب بالآخره
من تِجي الكوثر تِشوفه لازِمَه چَف حيدره
وانت يالحارم اَخويه الماي تِبدي المَعذَرَه
اُو نِترك امرك للجليل وهوَ يُنظر بالوَضِع
-

عبداللطيف خالدي
ليلة ٧ محرم ١٤٣٨ هـ

(٨ محرم)
-

يا أجمل حـلـم غافي
كافي نـومـتـك كافي
يا ذِكرى مِنِ احبابي بافراح اُو حِزِنها

اُمــك لـو تِـخـلـيـهـا
تِـذبَحها بـواچـيـهـا
يا جـاسـم الأم ما تعيش ابغير اِبِنها
-
(١)
يـا سـلام الله اعله طـولـك يبني جاسم
اِبـزُغُـر عمرك وِ اْلك تِخضَع هل مَلاحِم
يـبـنـي يـالـشـايـل مـهـابـة آل هـاشِـم
مـا يِـلـوگ المِثلك اِيـگُـص نَحرَه صـارِم

مو عِجبَه ترى اْمجادَك
وارِثــهــا مِـنِ اَجـدادَك
إي والذي ارگاب الكُفُر سيفه طِعَنها

اُمــك لـو تِـخـلـيـهـا
تِـذبَحها بـواچـيـهـا
يا جاسم الأم ما تعيش ابغير اِبِنها
-
(٢)
يبني كـل اُم تِـرفـع الـراس اِبـوَلَـدهـا
اُو بالأخص لو هاشمي يِعلى مَجِدها
العِدها مِـثـلـك خيمة وانته الها عَمَدها
لو رِحِت منها دَگـلـي اشـيُّـبـقَـه عِدها؟

يَـبن المُجتبى والله
تِسكِن بالگلُب عِلّه
موت الـوَلَـد يِتساوى عِد اُمه اِبدَفِنها

اُمــك لـو تِـخـلـيـهـا
تِـذبَحها بـواچـيـهـا
يا جاسم الأم ما تعيش ابغير اِبِنها
-
(٣)
أكبر اْمن اْجـروحـي يبني حِـلِـم عِرسَك
يعني ليل احلامي يِبدي اِبموت شَمسَك
ما حِصل عِـريِّـس يبني وَضـعَـه نَفسَك :
اِبـثوب عِـرسَـك خـيـل عِـدوانـك تِدِهسَك

يبني زَفِتَك عِجبَه
بيها نِعقِدِ النُدبَه
مـوتَـك نهاية فَرحتي اْبصوتَه عِلَنها

اُمــك لـو تِـخـلـيـهـا
تِـذبَحها بـواچـيـهـا
يا جاسم الأم ما تعيش ابغير اِبِنها
-
(٤)
گـوم يا عِـريّـس خـَ اْتـزِفَـك عَمامك
اِظهَر اُو خل يِرتِجِز بيدك حُسامَك
ليش نايم يبني گوم اِشلَع سِهامَك
اِبّـاب خيمتنه تـرى واگِـف اِمـامَـك

يبني اْمغَمِض اِعيونَك
و اعـمـامَـك يِـتـانـونَـك
ارفعلي راسي من تِدافع يبني عنها

اُمــك لـو تِـخـلـيـهـا
تِـذبَحها بـواچـيـهـا
يا جاسم الأم ما تعيش ابغير اِبِنها
-
(٥)
ادري مـوتَـك چـان للـباري اُو نبيّه
وِ اْجعَلِت نَـحـرَك دِرِع لِـبنِ الزچيّه
لاچن الشاغِلي بـالـي ابهل مسيّه
اِخـلاف عينك آنه راح اطلع سِبيّه

بس ما تِـرمِـش اِعيوني
عـالـنـاگـه يِـصَـعـدونـي
اِربات الخِدِر درب السبي يِصبَح وَطَنها

اُمــك لـو تِـخـلـيـهـا
تِـذبَحها بـواچـيـهـا
يا جاسم الأم ما تعيش ابغير اِبِنها
-

عبداللطيف خالدي
١٧-٨-٢٠١٧ مـ

هوسات ليلة ٧ محرم
-
(١)
الــزِلِــم يِـنـقـاس بـالأفـعـال .. اِبـكلامه لا تِظِن يِنقاس
الشُجاع اِتـشـوفه مِـن يِهجِم .. ما يحتاج دِرع اُو طـاس
لـذلـك بـالـطـفـوف الـروس .. خِضعَت من إجه العباس

مِن خَـزرة عينه اِيـخَـوفـهُـم
-
(٢)
غـصـبـاً مـا عـلـيْــه الـجـيـش .. جِــدام الـگُـمَـر يِـركـع
واذا واحـد يِـــحِـــس نَـفـسـه .. شُجاع اُو ما قِبَل يِرجع
اذا مــــا يِــنــقِــطِــع راســــه .. يِـرِد للجيش يِـتـبَـرگَـع

زارع بيهم خُوف اُو رَهبَه
-
(٣)
ابـيوم الـسـابـع الـعـبـاس .. سِمَع مِـن سِـكـنَـه طَلبَتها
قـالـتـلـه يـعَـمـي الـروح .. العَطَش يا ابا الفضل فَتها
طِـلَـع جَــرِ النَهَر مَـذلـول .. اُو جـابـه إباب خـيـمـتـهـا

عَمِچ يسكينه اُو تحت اَمرِچ
-

عبداللطيف خالدي
١٦-٩-٢٠١٨
لندن

(٩ محرم)
-

يمه اسم الله اعله روحـك يا علي الأكبر
والـــدك گـلـي مِـتـتْ
وانه ابـهـاي اِتحيِّرتْ
مدري ابچي مدري افرح فِكريِّ اِتحيّر
يا علي الأكبر
-
(١)
فِــدوه يُـمـه .. لـيـش نـايـم
والله ما اذكـر أبـد لحظه عِـفـتـنـي

هـا يالأكبر .. صِدِگ تِرحل
اُو بيّه يِنهش كل مِسه يوليدي حِزني

مدري اَفـرح واسمي صار “اُم الشَهيد”
مدري ابـچـي و ادري مـا تِـرجـع اكـيـد


اِحسين شِفتَه من اِجاني بالثره اِتعَثَر
ابـلوعة احزانه شِفِتْ
وانه ابـهـاي اِتحيِّرتْ
مدري ابچي مدري افرح فِكريِّ اِتحيّر
يا علي الأكبر
-
(٢)
تِدري صَعبه .. آنه أبقى
بالظلام اُو چان وَجهَك مَصدَر النور

يُمه تِـقـبَـل .. مِن غيابك
گلُب اُمَك يبني بعدك والله مَكسور

هـا يالاكبر هيچي جـازانـي الزَمَن
اِبـدال حِضني الگبر صايرلك وَطَن


أكبر اِمن احلامي جَرحَك والحِزِن اَكبر
اِگبالي لو وين اَلتِفِتْ
وانه ابـهـاي اِتحيِّرتْ
مدري ابچي مدري افرح فِكريِّ اِتحيّر
يا علي الأكبر
-
(٣)
آخ يُــمــه .. اِشگد جروحك
كِل مَحل ابجسمك اَنظُر اَثَر طَبرَه

بيدي اَمسَح .. جَرِح راسك
بلكت اِبـإيدي يَــيُـمـه الجَرِح يِبرَه

اِرحم اُمَك والله ذابحني السكوت
عسى قبلك آنـه يـالـغـالـي اَموت


يالسِكوتَك چنّه سيف اُو بالگلُب طَبّر
مو دِمَه اِدموع اِنزَفِت
وانه ابـهـاي اِتحيِّرتْ
مدري ابچي مدري افرح فِكريِّ اِتحيّر
يا علي الأكبر
-
(٤)
الأم غـريـبـه .. اِبـلا اِبـنـهـا
چنها مُصحف لاچن اَخذوا منه آيات

اِتعيش غُربَه .. اُو مو غَريبه
اِتموت ساعة تِستِمِع طاري الولد مات

آنه ليلى اُو عمري صاير بس ظلام
يـا علي الأكبر تـرى الـفَـرگـه حَـرام


صايمه اُو بالدمعه يبني آنه اَتفَطَر
باقي يمي لو رِحِت؟
وانه ابـهـاي اِتحيِّرتْ
مدري ابچي مدري افرح فِكريِّ اِتحيّر
يا علي الأكبر
-
(٥)
علي الأكـبـر .. يا حـبـيـبـي
أكبر اَفراحي اُو صِرِت اَكبر دموعي

اِشعندي غيرك؟ .. اُو لَوَن لازم
اِتـمـوت يبني اِندِفِن جَـوَه ضـلـوعـي

روح يـبـنـي اِلـك مِـشـتـاق الـنَـبـي
اُو خـلـي اُمَـك تِستعد عِدها سَبي


لـو چِـنِـت ويّـايـه يِـخـسَـه الشِمِر يِتأَمَر
سور وِ ابوَجهه اُوگفِتْ
وانه ابـهـاي اِتحيِّرتْ
مدري ابچي مدري افرح فِكريِّ اِتحيّر
يا علي الأكبر
-

عبداللطيف خالدي
٢٧-٨-٢٠١٧ مـ

كـربـلاء كـربـلاء يرتفع هذا النداء
-
(١)
كِــل جَــرِح يِــلــتِــئِــم بَـسْ جِـراحِـچ مـا تـهـيـد
لــــلأبـــــد تِـجـري دَمْ اُو كِل سَنه الحَسره تِزيد
كـــربـــلـــه وِ الـعَـجَـب بـيـچ مـا حَــل الـوَعـيـد
اُو ظَـل اِبِن فــاطـمـه نـايـم اِبـ حَـر الـصَـعـيـد

بالـعـراء بالـعـراء ظَل ثلاثه بالعَراء
-
(٢)
كــربــلــه و الـعَـقِـل حـگـه يُبقى مِـنـذِهِـل
اِمـصايِبِچ بـالـفِـكِـر چَنها نـار اُو تِـشـتِـعِـل
اِبـتُـربِـتِـچ ما كِــفَــه بس رِجال الـتِـنـقِـتِـل
بـالـسَـهَـم يِـنـرِمـي يا وِسَـف مَنحَر طِـفِـل

للسماء للسماء رِمَه دَمَه لِلسماء
-
(٣)
كــربــلــه و الـگـمُـر مِـن طِلَع من خيمته
لـلـعَـذِب مـو حَـرُب راح يِـتـرِس جِـربِـتَـه
بس وِسَف هـالـعِـدَه بـالـظـهـر مِن غِدرِتَه
بَـــتِّـــرَت يَــمـنِـتَــه واگـطَـعِـتـلَـه يِسْرِتَه

واللواء واللواء وِ انطُبَر راعي اللواء
-
(٤)
يــا وِسَـــف كــربــلــه مِن وِگع حـامـي الخِدِر
الجيش إجه اُو بـاللهَب هـالـمُـخـيّـم يِـسـتِـعِـر
مـو عَـجَـب هالـنِـسَـه اِبـليل وَحـشَـه تِـنـذِعِـر
مِـن بَــعــد بو الفَضِل صارت اِبـإيـد الـشِـمِـر

أدعياء أدعياء الحرم بـيْـد الأدعياء
-
(٥)
حـاشـى مـا تِنخُمِد هـالـمـآسـي و الأنـيـن
بـــاقـــيّـــه كـربـلـه اُو ما تِـمـوتـهـا السنين
تِــنــدعــي اِبـكل عَزا وابيقين المُؤمنين
يِـظـهـر الـ مُنتَظَر يـاخـذ اِبـثـار الحُسين

هالعزاء هالعزاء المهدي صاحب هالعزاء
-

عبداللطيف خالدي
٢٩-٩-٢٠١٨

توضيت اِبـعَـذِب بحرك
وُگفت اُو قِبلتي الگبرَك
صـلاة الـحُـب اَصليها اُو نـويـت اِبـإسمك النيّه
-
(١)
اِلـــرايـــد اِيـصـلـي صــلاة الــحُــب اَگِـلَـه
اِبـلا “حُـسـيـن” الـنـيّـه بـيـها اِتـصير خِـلَـه
الـدمـعـة رُكــن اُو لـلـوضـوء اهيّه الـتِـكَـمـلَـه
اُوگـــف اُو طَـــف كــربــلــه خـلـيـهـا قِـبـلَـه

اِخـشَـع وِاهـمـس الـچـلـمـه
أصـــلـــي اِبـنـيَّـةِ الـخِـدمَـه
اشـمـا طال الـعُـمُـر يارب مَحبتَه تِـنـغِـرِس بيّه
-
(٢)
وَجَـهِـت وجهي الـضريحك يا بو الأكبر
اِبـــعَـــدد طــبــراتــك اگــول الله اكـبـر
شــرعــاً اِبـديـن المحبه دَمـعـي يِـجـهَـر
واَقـره بـعـد الـفـاتـحـة، سـورة “المنحر”

بِـسـمِ الدَمعه والـحـسـره
“سُـبـحـان الـذي أسـرى”
مِن طَـف كربله اُو حِـزنَـك سِكَن بالروح طاريّه
-
(٣)
حتى لـو بِـاخـفـات اَدعـي في قـنـوتـي
ابلا شعور اسمك اگوله ابعالي صوتي
اِبـجاهك اَرسِـل يا حُسين آنـه دَعُـوتـي
رايـد ابـهـاي الـخِـدامـه يِـجـي مـوتـي

اذا عِـزريـل الـي يِحضَر
يِـقـبُـض روحـي عالـمِنبَر
واثـق من اَجـي المحشر اجـي والروح مرضيّه
-
(٤)
أركــع اُو اذكُــر ركــوعــك يَـ بِـن حـيـدر
حـيـن اِجـيـت الأبـو فـاضـل مِـن تِـطَـبَـر
انــظُــرَك خـاشـع لَـچِـن وَضـعـك تِـغَـيّـر
گـمـت مِـنـه ويـلـي بس ظـهـرك تِـكـسَـر

والـفـرگـه اِشـيداويها
تِـكـسِـر ظـهـر راعيها
سـلام الله على قـلـبـك يِـعـايـن جِـثَـه مَـرمـيّـه
-
(٥)
اَسـجـد اُو فِكري اِبـمُصابك سيدي اِيطول
مِـنـعِـقِـد والله الـلـسـان اُو عــاجــز اِلـقـول
مِـن طِـحِـت فـوگ الوَجِه سـاجـد هـالخيول
ليش خـلـوهـا اعله صـدرك سيدي اِتـجـول؟

مـا يِكفي گـطِـع نَحرك؟
لازم يِـنـكِـسِـر صـدرك؟
جِسِم آخر بِنت مُرسَل طَـريـح اِبـشيبه مدميّه
-
(٦)
قبل لا اخـتِـم صلاتي اِبـدَمِـع مَـخـنـوگ
بـالـتَـشَـهُـد الــهَــج اُو دلالــي مَـحـروگ
اِنذهلت اَركان الصلاة اُو يِبسَت اِعـروگ
اِمنِ “الشهادة الثالثة” رِكبَت على النُوگ

اعـمـال الـبَـشَـر كفّه
اُو دمعة زينب اِبـكفّه
تِصلي اِبــنــيّــة الوَحشَه يويلي اُو هيّه مَحنيّه

-
عبداللطيف خالدي
١٠-١٠-٢٠١٧ مـ
الكويت

اِبِـن اَشـرف عَشيره
ولا واحــد يِــجــيــره
ابوسط حَـرِ الظهيره
يهاشم
-

[ زلمكم ذبحوها ]
الرادود #علي_بوحمد
للشاعر #عبداللطيف_خالدي

https://youtu.be/Ufqxort_vro

ليلة ١٢ من شهر محرم الحرام ١٤٤٠ هـ
حسينية المرحوم داود العاشور - البصرة