للمجاراة...

البداية #عاقل_بن_صبر

إفهم و دَوِّن يا (معسكر تداوين)
وإشرح (لصحن الجن)قبل إجتياحه

فحوى الرساله من خلال العناوين
سرى (المجنح) والنبأ في جناحه

#الشاعر_صالح_الوايلي

صار النصر يامرتزق قاب قوسين
لاجل الحسم كلن مجهز سلاحه

اللي بصحن الجن قدهم مجانين
انجئ بنفسك مافي الكبر راحه

#الشاعر_نضال_حميد

ملكة سبأ جاها النبأ من فلسطين
والهدهد اتكلف بنقل الصراحه

مأرب تحرر جاني العلم ذلحين
قولوا لاخو نوره يسلم سلاحه

#أبو_يوسف_القاري

مازال صحن الجن والجن واعين
ماقد تشافت بعد تشكا جراحه

جني معاق وجن من دون رجلين
ضربه بها الشيطان سلم سلاحه

جاهز يسلم لو بغيتوه ذلحين
مادام عاد العفو فرصه متاحه

#زيد_الخراشي

سيل العرم وصال ياناعب البين
يامن يبى يسلم يسلم سلاحه!!

القوم ماهم فالسباحه خبيرين
والسيل مايرحم غشيم السباحه

#الشاعر_عبدالكريم_مقبل

هي واحده والمعتدي بين ثنتين
اما ويستسلم وسلم سلاحه

ولا يذوق الويل من حين لاحين
والموت من ماسوف يلقاه راحه

#فارس_المعزبي

(المرتزق)هو (والتحالف)مساكين
أخزاهم الجبار في كل ساحه..!!

النصف قتلى والبقيه (مكاوين)
مايعرفوا من راحة الناس راحه..!!

#الشاعر_صالح_حسين_ابوأحمد

الـبدر تـمم فـي مـعسكر تـداوين
والـقى نيار عمقت من جراحه

يابن السعودي والامارات لا وين
مالك مفر والردع هبت رياحه

#عبدالله_العباد

قل للعراده من ركن بالسلاطين
يمسي ويصبح مثل ثور الذباحه

كنز الرجال ولا كنوز الملايين
ماعد معاه الا يسلم سلاحه

#شاعر_بلاد_الروس

سجل لهم تاريخ بكل الدياوين
من فالمجمع قد سمعنى صياحه

لاوين من عاب البلاد بس لاوين
يكفي لعب بالموت ماهيش سياحه

#ابوالصماد_عبدالحكيم_ابوهاشم

ضربة (تداوين)ما وراها مكاوين
إلا جماهم وافهموها صراحه..!!

يا المرتزق ما ينفعوك المغاوين
اسأل رجال العلم واهل السماحه..!!

#سلطان_خضران

بالله بانكســــر قرون الشياطين
والنصر للاسلام في كل ســاحه

والقدس موعدنا غداً يافلسطين
قولي لبن يامـين يسـود صباحه

#عبدالرحمن_أحمد_المنيعي

مارب مرحب فاتح أكبر دياوين
لجيشنا في كل قرية وساااااحه
طرد العدو اكبر هدفهم وناوين يجندلو حلف العميل الصبااااحه

#فتى_همدان

حيا الرجال الصامده في الميادين
في كل جبهة ماربية وساحه

قد قالها هاشم لهم في الدواوين
الحوثي اقبل من يسلم سلاحه

#أبو_وايل_بديل

طاحت على مارب طموح الشياطين
من يوم ما اطلق للمجنح صراحه

وصنع الامريكي حرق في تداوين
واعلن على العالم نهاية صلاحه

وقل لصحن الجن جات الميامين
تأدب الباغي وتغنم سلاحه

#أبو_مازن_الشريف

يامارب التاريخ جاك الملايين
تطرد قوى المحتل من كل ساحه

قريب تتحرر ونسترجع الدين
من قبل ما الغازي يلملم جراحه

#شاعر_بيحان_أبوليث

ياصالح الصماد ياسيد حسين
ماقد شرحتوا بان واقع صراحه..

واليوم يامارب لشرح الميامين
افهم .. وترجم للجنوبي فلاحه

#أبو_خالد_العفيف

اهلا بجيش اليمن اهلا بكل الميامين
مارب ترحب في كل ميدان وساحه

حيا بكم ارحبوا على الراس والعين
مـن غـيركـم يداوي لـمارب جـراحه

#أبو_خالد_الطويل

هبت جنود الله في نصرت الدين
نقاذ للامه م̷ـــِْن الانبطاحه

والله ايدهم بعزة وتمكين
ليس الهدف مارب وهذا المساحه

#عبدربه_الحداد_البيحاني

جينا على الناموس والعزوالدين
تطهيرشامل مانخلي مساحه

ومعركة بدر العضيمه وحطين
اليوم نرويها على كل ساحه

#أيمن_الدرويش

يا هاجسي خط الخبر والعناوين
واحجز على كل المواقع مساحه

جانا النبأ ذي يفرح القلب والعين
من دمعها تعبير بأرقى فصاحه

#محمد_المنصور

الوعد وعد الجن فوق الملاعين
وانصار رب العرش في كل ساحه

بالقتل والتنكيل فوق المهانيين
كلن شحذ عزمه ووجه سلاحه

#إتحاد_الشعراء_والمنشدين

https://t.me/aboyahyaalshami

المجاراة بعنوان العرس الجماعي لعدد٧٢٠٠ عريس وعروسه برعاية الهيئة العامة للزكاة .

البداية #ابوعيسى_هيسان

سبعه آلاف فرحتهـم تسر الخواطر
طابت افراحهم والكل دامت سروره

عشت يا موطن الايمان ماضي وحاضر
مشهد اليوم خلى الشعب يثبت حضوره

واشهد انه وقع ملطام بين الصوابر
في وجيه العدى واحفاد موزا ونوره

#ضيف_الله_سلمان

شعب الايمان في ما يرضي الله يبادر
شعب جسد هدى القران في خير صورة..

شعب كسر بوعيه راس ام الكباير
وانتصر بالقيادة رغم حجم الخطورة

والتحالف مودف بس,عاده يكابر
الله اكبر,على ذا الحلف ما أكثر دبوره

#ابومنار_العشي

دار عمار بن ياسر بالإفراح عامر
كل مره وله من حلّة السعد صوره

رغم الآلام عاده ذي يزف البشائر
والحياه استمرت فيه وأعلن حضوره

قال يا حزن غادر هاهنا شعب صابر
يتبع البدر يستاضي من افياض نوره

#ابورواسي_ارحب

ياحراوه جباكم بالمجمع وصافر
والوديعه جباكم والمسمئ شروره

حفلكم كان صدمه للزمان المعاصر..
من وسط يوزلاندا لاطرف سنغفوره.

اسأل الله يجعل وضعكم وضع سابر.
ياذرا خير من في الأرض قاموابثوره

#الياس_المقدشي

المسيرة هدى القرآن وحي الضماير
منها الشعب قد شعشع وضوى بنوره

من ثمار الزكاه شفنا الفرح والبشائر
في بلاد اليمن والخير بادي ظهوره

المسيرة بناء، عزة، كرامه، تكاثر
أمن وايمان والتاريخ تشهد سطوره

#ابو سياف_البيحاني

فرحة النصر هلت وازهرين المزاهر
ترجمة فرحةالعرسان في خير صوره

هو لنا عهد مستقبل وماضي وحاضر
نتبع نهج ال البيت من وهج نوره

انتصارات في الميدان والوضع سابر
والزكاه اثمرت والخيرنقطف زهوره

#شداد_حميد

مشهد اليوم تاريخي يهز المشاعر
كل واحد بهذا اليوم حسو شعوره

سبعه الاف هذا اليوم فارح وسامر
كل واحد معرس دام ربي سروره

واحسبو تسعه اشهر با يزيد التكاثر
نصف هذا العدد ناتج تشوفو ظهوره

#أبو_إسماعيل_الجابري

دق طبل الفرح ياشعبنا وانت صابر
وِارسِلوا للعدو اليوم فديو وصوره

راهـنوا أمس في تركيعنا كل فاجر
من أرادوا ظلام الدين واطفاء نوره

مكر ربي بطل لافعال خاين وماكر
ذي أراد القوي للارض يبدي ظهوره

#الشاعر_ابوزيد_النعمي

ألف مبروك للعرسان من كل شاعر
زاد في العرس الجماعي شعوره

تحت راية أبو جبريل كل البشاير
دمت يا سيدي والشعب دايم سروره

الزكاة الزكاة اليوم يا كل تاجر
في مشاريعها الإسلام يسطع بنوره

#الشاعر_ابوالعز

اسعد الله مساكم يا غلا كل شاعر
طابت ايامكم كلن يخلد شعوره

اليمن مبتسم و الدار بالخير عامر
والهنا تم و الاحسان مدد جسوره

اسال الله يجعل فرحنا دوم غامر
للحراوة نبارك دام كلن سروره

#عبدربه_الحداد_البيحاني

سبعه آلاف كلن وضعه اليوم سابر
كل واحد سبر وعده وزانت اموره

فضل لله وابوجبريل شبل الاكابر
صاحب الراي ياشعب اليمن والمشوره

اشهد انه بهديه قد قطع مل دابر
يالله ان البشاير كل ساعه تزوره

#عبدالحكيم_ابوهاشم

الف مبروك من لسني بأاسم العشاير
من تعرس هنيئاً له ودامت سروره..!!

سجلوا في (جبين الدهر) يا كل شاعر
سبعه الاف متعرس في احسن شعوره..!!

وانشـروها على العالم بكل المصادر
يعترف من يعادينا وزادت شروره..!!

#عبدالله_حسين_مسعود

حيها الله امه ما تهاب المخاطر
امة الحق والقران امه صبوره

رغم كثر التحالف ذي علينا يحاصر
رغم تلك الجروح العاليات الخطوره

با نعرس وبا نفرح وتسلا الخواطر
با نكبر شعار الحق صوتاً وصوره

#الشاعر_ابو_حمزة_ماجد_نشير

كبـــري يالبــــنادق هللـــي يالمعــابر
خلي المعتدي فالحرب يفقد شعوره

واغرقي يالبوارج واحرقي يالطواير
خبري كــــل غازي مايفيـــده غروره

هلت افراحنــا والحـــزن والهم غادر
وانتزعنا غرور المعتـدي من جذورة

#بلال_الصوفي

عرس ماله شبه ياصاحبي أو مناظر
فوق ما هاجسي أمسى يعبر شعوره.

سبعة أعوام فيها حلف سلمان عاثر
وسبعة آلاف متزوج يحقق سروره

رغم عدوان معدوم القيم والضماير
شعبنا بان مثل الحقل فاتش زهوره

#نجيب_العوسة

احمداللي لشعبي خصه بخير وافر
الهداية ونور البدر ذي شع نوره

زاد فينا التآخي رغم كل المخاطر
واصبح الشعب يعرف كل انسان دوره

وابن سلمان بالخيبة قريبا يغادر
واكتسر قرنه الخاين ودسنا غروره

#ابوحمزة_السواري

الف مبروك ياشعب الاسود الكواسر
سبعه الاف والميتين تمت سروره

والزكاه اثمرت ياشعب ليمان بادر
من يبادر بها رابح وماخاب شوره

واتحيات ممسا الغيث همال ماطر
للعلم قايد احرار البلاد الغيوره

#إبتسام_شرف_المحطوري

السيد البدر نعمه للوطن خير زاخر
مهتم باالشعب ويقدم عليه الضروره

تحصين ابناءارضي أمر واجب ونادر
ماحد فكر لذا الموضوع او حس دوره

بفضل ربي هدى فينا علمنا المثابر
ربى رجاجيل تستشعر وتنهي الخطوره

#إتحاد_الشعراء_والمنشدين

https://t.me/aboyahyaalshami

المجاراة عن نهاية العدوان بإذن الله في جبهة حرض .

البداية للشاعر #بسام_شانع

نجد يُقضي عليها مثل مقضى الغرض
لا قُبُل حجّه انقضّت ل(نجد) انقضاض..

(حرّض المؤمنين) الملتقى في (حرض)
ينقلوا هنجر المنفذ جنوب الرياض..

#ضيف_الله_سلمان

احشدوا كل من في جوف قلبه مرض
الدوا عند (مالك) و(الشداد الغلاظ)..!!

ينقرض مثل ذي قبله طغى وانقرض
والنهاية بدايتها فنا وإنقراض..!!

‌‎#محمد_هزاع_البهلولي

جيشنا واللجان الشعبيه من فرض
عهد تحرير شامل ..(فاقضِ ما أنت قاض)

لا هدف قد تحقق له ولا له غرض
ما له الا الشرار المنتشر والشواض

#عزيز_الردماني

جيش الانصار مثل السيل لا قد نهض.
تكتب امجاد جُنده بالخطوط العراض.

قل لسلمان ماله في اليمن أي حظ.
ما معه غير اويس٢ ولا شواظ.

#شداد_حُميد

ارسلوهم بميري بس والمفترض
يدعموهم بحفاضات لجل الحفاض

خصمهم جيش حافي من عليه اعترض
ما يجد له اثر يا اهل الفخوذ العراض

#امين_التركي

قوة الله با تقلب سماهــــــــم ربض
ماتقاس المعارك بالطــــوال العراض

والنهاية شنيعـــــــه يالذي ما اتعض
بايرا لو هو اكبر سمسري في عكاض

#ابوقصي_العويري

دقو الخصم واللي في لواه اعترض
سيلكم يالنشاما سيل لافاض فاض

خلّو المرتزق ياكل غصون القرض
لجل يعرف عليش أصبح من أهل الرياض

#عبدربه_الحداد_البيحاني

حقنا حق شرعي والجهاد افترض
من هدى الله جينا ياجحافل عكاض

مجلس الامن والتنديد ينبت قرض
دام ماشي من الباري علينا اعتراض

#علي_مغلي

المجاهد هدى الله جوف قلبه نبض
بايصون المدينة مثل صون الحياض

قل لورع التحالف ان هذه حرض
من بغاها انقرض والمنايا عراض

#سيف_حسن_العامري

اوامـر الله واضحه والله عرّض
ارباحها با ايات مافيها اعتراض

واعظم فروضه ذي على انصاره فرض
تحرير مـكه والمدينـه والرياض

#يحيى_الوحيشي

‌‎ساعة الحرب غدرا بلغوا من فرض..
في حرض حربه العمياء بدون افتراض..

با ندخل عبيده في فرون القرض..
يخرجوا لحم مشوي فحم مابه بياض..

#الشاعر_ابوعساف

بركوهم على جمر السمر والقرض
خلهم في عذاب الله يبطوا رباض

الجهاد المقدس واجب ومفترض
وإن فتحنا نقلنا الإتحاد لعكاظ

#ابوهكام_الحشيشي

من تسلف جيوشه من دول واقترض
لجل غزوي قلوله بالخطوط العراض

اليمن رملها يا حلف جمر القرض
من تقدم حرق فيها بدون اعتراض

#صالح_حسين_ابواحمد

نشرب الدم مثل الماء ذي في القرض
نجعل اجنادهم تدخل بنوبة مخاض

حد مولي وحد موته تجاهه عرض
سوء عقباه واشجعهم كما ديك باض

#علي_محمد_المحاقري

ما اتعض والنبي هـذا الـعـدو ما اتـعـض
الكيل طفح والمنايا باتوصلك لا عكاض

الـيـمـن بـالـبـراكـيــن والـمـسـيـر فَـرَض
أمر واقـع وحتمي دون أدنـى اعـتـراض

#فايز_ابوحسن

فاضت الأرض والبحر العميق افترض
فوق حلف المرض دمدم عليهم وفاض..

زحف صد الكرض وافشل جميع الغرض
مابقي في حرض غازي وخائن نهاض

#عبدالحكيم_ابوهاشم

بلغـوا حلف واشنـطن من المفـترض
بايجي يوم يتوقف وهو ليس راض..!!

ما فهم يوم ما عفاش خرج وانتفض
مــا نفـع حلفـهم كـلاّ ولا الانتفاض..!!

#زيد_الخراشي

ضل واعرض وغره من حياته عرض
واردته جند ربي واردين الحياض

كيف يولد جنين الحلف وقد اعترض
من ورى بغي سبع سنين جاه المخاض

#أبو_بحر_علي_أحمد_مطر

قيل من يطلب الجن ارتشح و ارتكض
جيش هادي مشتت في ركاض الركاض

جيش للبيع ما واحد رفض و اعترض
بيعة الرخص تمت في نوادي عكاض

#الشاعر_ابو_حمزة_ماجد_نشير

حكمنا هو الهي فوق من يعترض
بعد حكم النفاذ ماشي لحد اعتراض

ابعدو صورة الواقع عن المفترض
واكشفو بالحقايق عالم الافتراض

#ماجد_عبدالله_القادري

انتهى العدوان واحنا بالتقدم من حرض
بعد مانصرخ ونهجم وسط ابها ء والرياض

الجهاد واحب حقيقي لليماني مفترض
بانصلي الفجر لازم في ربى جامع عكاظ

#حسين_الدهمس

مدبر وقع في نار حمراء في حرض
من بعـد ماذاق الوجع بالحقد غاض

والعاصــفة رجــعـت لنامـلها تعُــض
والحقد ينبع من دبي حـتى الرياض

#الشاعر_جبر_المهدمي

بنك سلمان فلّس والرصيد انخفض.!.
وابن زايد رصيده دايماً باانخفاض!!

في حرض حلف امريكا لنفسه فرض!!
بالنهايه وسوء الخاتمه افتراض!!!

#ابو_حنشل_قاريه

حجه الموت لازول جيشها لانتـفـض
اهل حجه صواريخ مالـهـا اعـتـراض

ودف الحلف ودف في نفق وانخفض
في حرض قد تربّط ربط مالـه نقـاض

#ذوالفقار_سفيان

المجـاهـد بعون الله علـيـهـا فـرض
نصـر جبـار ربـانـي شـديـد البـياض

والخبر بايجي لاالحاج يحيى عرض
للمشاهـد وللـتـنكـيل والإنقـضـاض

#مناع_شريم

احترق في حرض زحفه ولا عد لفظ
والهدف والغرض حذاء دبي والرياض

شعبنا قد رفض لكل الوصايه رفض
قد دحض للدقون الخايضه والعراض

#ابومقبل_الشعيثي

ياحرض صاحب الحكمه لانفسه فرض
خط للحريه والعز دون اعتراض

النهايه تطعمهو حموظ القرض
والمجاهد يحقق للوجيه البياض

#الكرار_الجبر

هذه نهاية حقيقية وواقع فرض
نقاتل الكفر والباطل بدون إفتراض