⭐️ "Бізнес — заўсёды больш, чым грошы. Калі вам патрэбныя толькі грошы — рабіце нешта іншае".

Уладзімір Грыгорык — бізнесовец, заснавальнік і кіраўнік GVA Lighting, мецэнат, сябра Згуртавання беларусаў Канады, актыўны грамадскі дзеяч, выступіў з натхняльнай прамовай на I Беларускім бізнес-форуме ў Вашынгтоне.

▫️Па меркаванні Уладзіміра, бізнес мае светлы і цёмны бок. Кіраўнікі і ўладальнікі бізнесаў маюць раскошу быць незалежнымі, не справаздачыцца перад іншымі. Маюць шанец самарэалізавацца і зрабіць свой унёсак у паляпшэнне грамадства. Фінансавая бяспека дае магчымасць пабудаваць будучыню для сябе і сваёй сям'і, пакінуць спадчыну і быць шчодрым.

▪️Але ёсць і цёмны бок. Які? Глядзіце ў прамове Уладзіміра Грыгорыка з #ForumWashington на нашым ют'юб-канале (з беларускімі субтытрамі). Пішыце ў каментарах, ці згодныя вы са спікерам.

🙌 Шчыра дзякуем Уладзіміру за актыўны ўдзел у I Беларускім бізнес-форуме ў Вашынгтоне!

🔥"Месца, дзе ідэі сустракаюць грошы!".

Вынікі і ўражанні ад I Беларускага бізнес-форуму ў Вашынгтоне, меркаванні ўдзельнікаў і арганізатараў — глядзіце стрым на ют'юб-канале АВВА.

На #ForumWashington у беларусаў была магчымасць даведацца, як паспяховыя бізнесоўцы з беларускімі каранямі праходзілі свой шлях за мяжой і канкрэтна ў ЗША, падняць пытанні легалізацыі, атрымаць стос кантактаў для супрацы, дамовіцца аб сустрэчах і будучых партнёрствах.

Сваімі ўражаннямі ад удзелу падзяліліся:
▫️Мікалай Мурзянкоў, бізнесовец, дарадца i прадстаўнік АВВА ў Каліфорніі.
▫️Віктар Шаўчук, уладальнiк MGM Wine & Spirits (Мінеапаліс, Мінесота), сябра АВВА.
▫️Сяргей Вакульчык, кiраўнік Moulding Base (Сакрамэнта, Каліфорнія), сябра АВВА.
▫️Раман Стэфановіч, адвакат, дырэктар нон-профiт арганiзацыi US HELPS CASE, сябра АВВА (Бэй Эрыя, Каліфорнія).
▫️Надзея Нортан, актывістка беларускай дыяспары ў ЗША (Сан Францыска).

⚡️Пашырайце свае магчымасці разам з АВВА! Запрашаем да ўдзелу ў нашых форумах: бліжэйшая буйная бізнес-падзея для беларускай супольнасці — III Беларускі бізнес-форум у Вільні 9 сакавіка. Рэгіструйцеся па спасылцы.

"Мая прамова і надзея сёння ў тым, што я магу натхніць кагосьці зрабіць першы крок, не баяцца. Бо вы баіцеся толькі да першага кроку, а потым гэта ўсё ўжо проста працэс".

Віктар Шаўчук, бізнесовец з беларускімі каранямі, уладальнік і генеральны дырэктар MGM Wine & Spirits (Мінеапаліс, Мінесота, ЗША), сябра Асацыяцыі беларускага бізнесу за мяжой, выступіў з натхняльнай прамовай падчас I Беларускага бізнес-форуму ў Вашынгтоне.

▫️Бізнесовец падзяліўся сваёй гісторыяй пераезду ў ЗША і тым, як ён прыйшоў да адкрыцця свайго бізнесу. Паказальна, што не апошнюю ролю ў тым, каб зрабіць першы крок, адыграла не толькі падтрымка бізнесу з боку фінансавых структураў ЗША, але і сапраўднае сяброўства.

Гісторыю Віктара глядзіце на нашым ют'юб-канале. А ў гэтым плэйлісце дасяжныя ўсе матэрыялы ад спікераў #ForumWashington.

⭐️ Запрашаем да ўдзелу ў форумах АВВА: бліжэйшая буйная бізнес-падзея для беларускай супольнасці замежжа — III Беларускі бізнес-форум у Вільні 9 сакавіка. Рэгіструйцеся па спасылцы.

⚡️9 красавіка адбудзецца III Беларускі бізнес-форум у Вільні — ключавая падзея АВВА ў Літве ў 2024 годзе. Далучайцеся!

У праграме:

▪️Размаўляем пра праблемы з атрыманнем літоўскага ВНЖ з уладамі Літвы (чакаецца ўдзел кіраўніцтва Дэпартманету па міграцыі, літоўскіх парламентарыяў і прадстаўнікоў міністэрстваў).
▪️Бізнес-панэлі з міжнароднымі экспертамі і прадстаўнікамі бізнес-асацыяцыяў Літвы.
▪️Фінансавыя магчымасці і практычныя парады па развіцці бізнесу ў Літве ад экспертаў і прадстаўнікоў літоўскіх банкаў.
▪️Нэтворкінг і супольныя дыскусіі, магчымасць камунікацыі з прадстаўнікамі літоўскіх афіцыйных органаў і бізнес-асацыяцыяў.

Дыскусійныя бізнес-панэлі па пытаннях:

▪️Ці ёсць месца для Беларусі ў рэгіянальнай гандлёвай і дзелавой супольнасці, і якія дэмакратычныя перадумовы для гэтага? Беларусь не з'яўляецца чальцом СГА і выключана з глабальных ланцугоў стварэння коштаў і рэгіянальнай эканамічнай супрацы. Ці можна гэта змяніць і як? Ці бачаць краіны ЕЗ Беларусь як рэгіянальнага эканамічнага партнёра пры дэмакратычных зменах у краіне?

▪️Бізнес-міграцыя беларусаў у Літву: бягучае становішча і перспектывы. У Літве жыве больш за 70 000 беларусаў, але літоўскія ўлады сцвярджаюць, што нацыянальныя пытанні бяспекі маюць першаснае значэнне. Як гэта ўплывае на беларускі бізнес у Літве? Якія змены чакаюцца ў бліжэйшай будучыні?

▪️Фінансавыя магчымасці і практычныя парады па развіцці бізнесу ў Літве. Якія магчымасці і абмежаванні існуюць для бізнесу з беларускімі акцыянерамі ў Літве? Як палепшыць доступ да фінансавання? Як дасягнуць літоўскага і балтыйскага рынкаў?

⏰ 9 красавіка
📍Канферэнц-зала гатэля Marriott Vilnius (Rinktinės g: 3, Vilnius).
Мовы івэнту: ангельская, беларуская, літоўская (сінхронны пераклад).

👉 Рэгіструйцеся на ўдзел па спасылцы.

Прыходзьце на #BusinessForumVilnius разам са сваімі калегамі і партнёрамі!

🔻"Нам патрэбна закласці моцны маральны падмурак нашых працоўных і палітычных каштоўнасцяў".

Мікалай Мурзянкоў, вядомы беларускі бізнесовец, заснавальнік і дырэктар кампаніі Iomico, сябра і дарадца АВВА, прадстаўнік Асацыяцыі ў Каліфорніі, выступіў з натхняльнай прамовай на I Беларускім бізнес-форуме ў Вашынгтоне.

Мікалай быў рэзідэнтам Парку высокіх тэхналогій, а ў 2020-м годзе з'ехаў з Беларусі праз пераслед. Ён рэлакаваў сваю дзейнасць і вялікую сям'ю ў ЗША, дзе дапамагае стварэнню беларускай бізнес-супольнасці.

▫️Бізнесовец падзяліўся гісторыяй поспеху свайго бізнесу ў ЗША і распавёў, як у гэтым яму дапамагае вера.

"Любоў — гэта не слабасць, не пасіўны стан, наадварот, гэта адзін з самых моцных стратэгічных інструментаў у бізнесе, палітыцы і ва ўсім сусвеце. Гэта стратэгічная зброя, якая знішчае варожасць і зло, усталёўвае мір, заможнасць, дабрабыт і дастатак ва ўсіх сферах жыцця".

Цалкам прамову Мікалая Мурзянкова з #ForumWashington глядзіце на нашым ют'юб-канале.

"Мы верым у патэнцыял беларусаў і будзем стаяць на вашым баку ў гэтыя цяжкія часы, працаваць разам на лепшую будучыню, будаваць крытычна важную эканамічную экасістэму".

Амбасадор Эрын МакКі, памочніца адміністратара ў Бюро Еўропы і Еўразіі Агенцтва ЗША па міжнародным развіцці (USAID), выступіла на I Беларускім бізнес-форуме ў Вашынгтоне з прамовай, поўнай падтрымкі і салідарнасці з беларусамі, і падкрэсліла важнасць развіцця прыватнага бізнесу ў пабудове дэмакратыі.

"Жывая рынкавая эканоміка — гэта надзейная прыкмета дэмакратыі і няма лепшага спосабу паказаць, што дэмакратыя працуе, як свабода зарабляць і мець магчымасць абіраць, з кім і як ты будзеш весці бізнес. [...] Беларусы прадэманстравалі, што яны хочуць больш моцнага рынку, які будзе арыентавацца на прыватны сектар".

🙌 Шчыра дзякуем прадстаўнікам урадавых структур ЗША за актыўны ўдзел у #ForumWashington, а таксама за падтрымку АВВА ў развіцці моцнай беларускай бізнес-дыяспары свету.

"Паасобку мы не можам зрабіць шмат, але калі мы разам - толькі нябёсы абмяжоўваюць нас".

Алесь Аляхновіч, дарадца Святланы Ціханоўскай па эканамічных рэформах і віцэ-прэзідэнт Асацыяцыі беларускага бізнесу за мяжой, выступіў на закрыцці I Беларускага бізнес-форуму ў Вашынгтоне.

▫️Нагадаем, што агулам у падзеі ўдзельнічалі больш за 150 чалавек. Сярод іх — беларускія бізнесоўцы з ЗША і Канады, прадстаўнікі Дзярждэпартамента ЗША, Дэпартамента гандлю і USAID. На панэльных дыскусіях уздымаліся пытанні падтрымкі беларускага бізнесу з боку ЗША, развіцця нашай бізнес-дыяспары і вырашэння фінансавых праблемаў беларускіх бізнесоўцаў.

Пра вынікі форуму глядзіце на нашым ют'юб-канале. А ў гэтым плэйлісце дасяжныя ўсе матэрыялы ад спікераў #ForumWashington.

Запрашаем да ўдзелу ў форумах АВВА: бліжэйшая буйная бізнес-падзея для беларускай супольнасці замежжа — III Беларускі бізнес-форум у Вільні 9 сакавіка.

🔴 Праграма і рэгістрацыя на #BusinessForumVilnius.

🤍❤️🤍 З Днём Волі, сябры!

Сёння беларусы па ўсім свеце святкуюць гадавіну абвяшчэння Беларускай Народнай Рэспублікі (25 сакавіка 1918 года). Гэтая падзея ўвасабляе для нас нязломны дух продкаў, якія нястомна змагаліся за свабоду і незалежнасць Беларусі.

Мы ў АВВА лічым, што толькі аб'яднаўшыся і скіраваўшы ўсе нашыя намаганні да адной мэты, мы зможам у будучыні святкаваць Дзень Волі ў Беларусі.

▫️АВВА — адна з арганізацый, якая робіць усё магчымае, каб паказаць прыклад аб'яднання. Беларускія бізнесоўцы стварылі Асацыяцыю, каб супольна вырашаць праблемы, лабіяваць інтарэсы беларусаў за мяжой, дзяліцца досведам, падтрымліваць адзін аднаго. АВВА ўжо аб’ядноўвае шмат бізнесаў і іншых сумленных ініцыятыў, будуе і імкнецца пашыраць супрацу з дыяспарамі і беларусамі па ўсім свеце.

▫️У Бібліі сказана, што Іісус маліўся Богу: "Да будуць яны адзіны, як мы з табой адзіны".

"Разам, у адзінстве яны будавалі, не гледзячы на супрацьстаянні ворагаў, і прыйшла перамога, поспех і добраславенне".

Так, толькі агульныя каштоўнасці, мэты і давер адзін да аднаго могуць аб'яднаць людзей у эфектыўныя супольнасці, якім пад сілу змяніць свет.

Далучайцеся да АВВА, падтрымлівайце тыя ініцыятывы, якія вам падабаюцца і якім вы давяраеце, стварайце свае. Толькі не спыняйцеся!

🫶 Са святам! Жыве Беларусь!

⚡️Першы Беларускі бізнес-форум у Вашынгтоне — як гэта было? Глядзіце цізер міні-фільму пра гістарычную падзею для беларускай бізнес-дыяспары.

Мы хочам выказаць шчырую падзяку прадстаўнікам медыя, блогерам, i ўсім, хто асвятляў I Беларускі бізнес-форум у Вашынгтоне. Дзякуючы нашай супрацы важныя ініцыятывы для беларускай бізнес-супольнасці становяцца бачнымі для шырокай аўдыторыі.

Калі вы прапусцілі навіны пра форум, раім азнаёміцца з наступнымі матэрыяламі:

▪️Голос Америки: «Никто до этого ничего подобного не делал»: Белорусы из разных стран мира собрались на форуме в Вашингтоне.
▪️Еўрарадыё: Ціханоўская, ABBA, людзі з дзяржструктур ЗША, вынікі (відэа).
▪️Радыё Свабода: Ціханоўская на Беларускім бізнэс-форуме ў ЗША.
▪️Позірк: Беларусь будзе часткай глабальнай эканомікі, а не расійскай.
▪️АВА: Першы беларускi бізнес форум у Вашынгтоне. Практычныя вынiкi. (стрым).

Дзякуем за інфармацыйную падтрымку форуму:
@belarus_economy
@belsat
@GolosAmeriki
@pozirkonline
@radiosvaboda
@RealnaiaBelarus

Дзякуем @dmv_productions за дапамогу ў відэаздымках падчас форуму.

#ForumWashington арганізаваны ABBA пры падтрымцы Дэпартаменту Гандлю ЗША. Дзякуем прадстаўнікам урадавых структур ЗША, нашым партнёрам і сябрам за супольнае годнае правядзенне I Беларускага бізнес-форуму ў Вашынгтоне, а таксама за падтрымку Асацыяцыі ў развіцці моцнай беларускай бізнес-дыяспары свету.

⭐️ Запрашаем да ўдзелу ў форумах АВВА: бліжэйшая буйная бізнес-падзея для беларускай супольнасці замежжа — III Беларускі бізнес-форум у Вільні 9 красавіка.

👉 Праграма і рэгістрацыя на #BusinessForumVilnius.

Далучайцеся да АВВА (запоўніць анкету). Разам будуем моцную бізнес-дыяспару беларусаў свету!

📢 АВВА і Згуртаванне Беларусаў Канады падпісалі мемарандум аб супрацы!

Дамоўленасць аб нашай супрацы — гэта адзін з вынікаў I Беларускага бізнес-форуму ў Вашынгтоне, які прайшоў 1 сакавіка.

⚡️Восенню гэтага году АВВА прыме ўдзел у Сустрэчы беларусаў Паўночнай Амерыкі, якую ладзіць ЗБК. Івэнты для бізнес-супольнасці, інфармацыйная падтрымка, кансультацыі, абмен карыснымі кантактамі, падтрымка ў пытаннях акрэдытацыі патэнцыйных сяброў — гэта тыя накірункі, у якіх @belcanalliance і АВВА будуць дапамагаць адзін аднаму як партнёры.

Згуртаванне беларусаў Канады (Belarusian Canadian Alliance) было заснавана ў 1948 годзе. Місія арганізацыі — захаванне беларускай культурнай і гістарычнай спадчыны і прасоўванне беларускай мовы, а таксама падтрымка і садзейнічанне дэмакратычным зменам у Беларусі.

Партнёрства — адзін з накірункаў працы АВВА і мы вельмі цешымся, калі важныя ініцыятывы яднаюцца ў агульнай справе. Упэўненыя, што наш супольны досвед і падтрымка адзін аднаго дапамогуць нам працаваць яшчэ больш эфектыўна на карысць беларусаў і будучыні вольнай Беларусі.

🙌 Яднаемся і рушым наперад разам!

🤍 Віншуем са Святам Вялікадня тых, хто адзначае!

Хай гэтыя цёплыя дні напоўняць вас дабрынёй, светлай энергіяй для рэалізацыі планаў, стваральнымі ідэямі.

Верым, што беларускі народ пранясе святло сваіх сэрцаў праз цемру і выйдзе з яе пераможцам. Разам з надзеяй на лепшае!

Добрых святаў, сябры 🫶

Количество индивидуальных предпринимателей может сократиться вдвое. Советник Тихановской пояснил, как режим продолжает уничтожать бизнес

Советник Светланы Тихановской по экономическим реформам Алесь Алехнович считает, что режим последовательно усложняет жизнь частному бизнесу.

«Новые правила существенно ограничат перечень видов деятельности, которыми может зарабатывать индивидуальный предприниматель. Те, кто не попадет в этот список, должны будут перерегистрироваться в качестве юридических лиц до 31 декабря 2025 года или прекратить свою деятельность с 1 октября 2024 года».

Пока что окончательного списка разрешенных видов деятельности нет. Сообщалось, что туда не войдут оптовая торговля, туристические и юридические услуги, организация и проведение культурно-развлекательных мероприятий, а также некоторые услуги в сфере IT. По предварительным подсчетам, количество индивидуальных предпринимателей может сократиться почти вдвое — с 263 до 143 тысяч.

Напомним, «Палата представителей» приняла законопроект «Об изменении законодательства о предпринимательской деятельности». Когда документ одобрит «Советом Республики» и Лукашенко, многим предпринимателям придется перерегистрироваться или прекратить работу.