القصيدة (مُحاورة) بين السيدة زينب وأبي الفضل العباس عليهما السلام
عند استشهاده على ضفاف نهر العلقمي في كربلاء.


مدري اگلك لا تجيني مدري اگلك اي تعال
شـلون اركـض لـلمـخيـم لـو افـلن هالحبال
━━━━━━⊱⧪⊰━━━━━━─
​يا كفيل اختك يخويه من بعد عينك تـهت
عـالـنـهر عـينـي تـدور والـدموع اتـنـاثرت
وانـه مـسـلـوبـة خـدر وعـيـلتي اتـعـلـعت
والشمر يـمي يـصيح حـرم ما بيكم رجـال
━━━━━━⊱⧪⊰━━━━━━─
يـا عـقــيـلـة اعذريني آنه غرگان بدمــة
وعيني من سهم العدو خويه صارت مظلمة
انـه مـطـروح وعـلـي عـيـني هـاي مـورمـة
شـلون أوصـل لـلخيم وآنه طايح  بالرمال؟
━━━━━━⊱⧪⊰━━━━━━─
طـايـح وتنزف دمـوم وفـوگ گـاعك منـتهي
عـنـي غـمـضـت الـعـيـون يـا ضواي و ملتهي
انـه مـسـبـيـة وصـرت بـعد عـينك مـنـهو إلي
بـيـنـك وبـيـن الـخـيـام نـار تـحـرگ بـالـخـيـال
━━━━━━⊱⧪⊰━━━━━━─
آه يـا زيـنـب يـخـويـه اسـمـعـچ مـن سـيـرتـي
لـو عـلـي طـاحـت سـمـاي ما يطيح خـيـمـتـي
گـطعوا چـفوفي النـواصب وستباحوا عـيـلتي
والسـهم صاب المـخـيـم و الـعـقيلة بلا مـحال
━━━━━━⊱⧪⊰━━━━━━─
يـا أمل كـل العوايل شلون اعـوفك عـالتراب
مـنهو لـلنسوة يـعود ويـحرس اباب الخراب
ظلمة صارت كل حياتي والوكت سدالي باب
هـم يـعود الـزمن بـیـنه ونلتقي بيوم الوصال
━━━━━━⊱⧪⊰━━━━━━─
ادري تـنـتظرين جـيتي وﷲ مـگطوعتلي ايد
وانـي مـطروح بـنـزيفي والـعـدا تـگـرب تبـيـد
يـا عـقيلة اعـتذر مـنچ نـومتي بـمصرع شهيد
عـذري مـنچ مـا اگـوم ودمـي صـار آنـه المثال
━━━━━━⊱⧪⊰━━━━━━─
تمت بقلم خادمة آل البيت هاجر الكربلائيه
https://t.me/Abasssabah

القصيدة الأصلية/دگت اجراس الخدامة
القصيدة المشابهه/يـاگمر يضوي الدروب
━━━━━━⊱⧪⊰━━━━━━─
حسين يا قمة طموحي بيك تصفالي السنين
ذكـرك وذكـر ابـو فاضل بالگلب صاير يقين
يـا طبيبي بـكل جروحي يـا مـلاذ الحايرين
اقـسمت وآنـه احبك يـا عـهد بـاقي السنين
صرختي بيـن الملا .. حبك بروحي غلا
​يـا أبـاعـبـدالله          يـا أبـاعـبـدالله 
━━━━━━⊱⧪⊰━━━━━━─
نـور وجـهـك مـن نـشـوفـه يـنجلي كـل الظلام
نحچي بسمك يا حسين وبسمك يطيب الكلام
انـتَ رايـة عـز تـرفـرف تـعلـن بـحـبـك صـيـام
نـنـتـظـر لـحـظـة لـقـاك ونـبتدي مـسك الـختام
عشگي لا ماينوصف .. بـيك يحسين انعرف
يـا أبـاعـبـدالله                يـا أبـاعـبـدالله
━━━━━━⊱⧪⊰━━━━━━─
انتَ صرخه بالحقائق هزت عروش الظُلم
عبرت بحور النزيف وجيتنا بفيض القِسم
يا نبع يروي عطشنا ياللي أنتَ أطهر اسم
عايش بدم الوريد وصرت الي أعظم حِلم
بخدمتك عز وفخر .. حسين وبطول العمر
يا أباعبدالله                يا أباعبدالله
━━━━━━⊱⧪⊰━━━━━━─
يا گمر يضوي الدروب بعتمة الليل الطويل
ننحني لجلك نواسي جرحك بدمع المسيل
مـا نصوم مـن المحبة لـو يمر بينه رحيل
بالشرايين انتَ عايش يا أمان المستحيل
انتظر نظرة عطف .. تمسح بروحي النزف
يـا أبـاعـبـدالله                يـا أبـاعـبـدالله
━━━━━━⊱⧪⊰━━━━━━─
يا تراب الطف نذرته دموع بعيون الغريب
ما يطفي النار هايه غير طاريك الحبيب
افتديك بكل حياتي يا مصابي والنصيب
من قبل كون الخلائق چان حبك للمشيب
يـا فخر هـاي الزلم .. يـا رمـز كـل القيم
يـا أبـاعـبـدالله                يـا أبـاعـبـدالله
━━━━━━⊱⧪⊰━━━━━━─
​مـن حـياتي نـور عـينك هـو بـس هـذا الـمراد
أنـتهي بـخدمة مـصابك وأعـلن بـهذا الـجهاد
اطلب الـنظرة الأخيره لـو فـنى هـذا الـعناد
يـا مـهجتي وأغـلى نـاسي يـا مـسيري للرشاد
نـختم بـدمعة حـزن .. نـنـتـظـر يـوم الـدفن
يـا أبـاعـبـدالله                يـا أبـاعـبـدالله
━━━━━━⊱⧪⊰━━━━━━─
تمت بقلم خادمة آل البيت هاجر الكربلائيه
https://t.me/Abasssabah

القصيدة للأمام الحُسين عليه السلام
القصيدة الأصلية/حيَ على الشراب
القصيدة المشابهة/حيَ على الضياء
━━━━━━⊱⧪⊰━━━━━━─
حيَ على الضياء
جَانم دمي فداء
حيَ على السدد
جَانم حُسين مدد
حيَ على المنير
مولانا يا نصير
حيَ على الولي
جَانم حُسين علي
يا سيدي الحُسين
يا رحمة العالَمين
يا سيدي الحُسين
يا فخر المخلصين
يا سيدي الحُسين
يا مَهجة الصابرين
يا حُسين حُسين حُسين
حُسين مولاه      حُسين مولاه
حُسين مولاه      حُسين مولاه
      حُسين مولاه مولاه
━━━━━━⊱⧪⊰━━━━━━─
تمت بقلم خادمة آل البيت هاجر الكربلائيه
https://t.me/Abasssabah

القصيدة لسان حال أبي الفضل العباس (عليه السلام) وهو يخاطب أخته السيدة زينب (عليها السلام)


يزينب طمّني هالبال هـذا العهـد ما انـساه
آنـه كـفيلچ بالخطر والكون يـشهد مـعناه
━━━━━━⊱⧪⊰━━━━━━─
مـادام يختي آنـه عدل والـراية بـيدي اتلوح
الخوف ما يوصل إلچ والدمعة بيها اجروح
غـيري يضحي بـدمعته وآنـه أضحي بالروح
هذا العهد ما انـساه .. والكون يشهد معناه
━━━━━━⊱⧪⊰━━━━━━─
​يـاحـرة لا تحني الـظهر وبروحـي آنه أفداه
بس نظـرة من عينچ الي  والجیش كله أفناه
عن دربچ أبعد كل خطر واليگرب أگطع يمناه
هذا العهد ما انـساه .. والكون يشهد معناه
━━━━━━⊱⧪⊰━━━━━━─
تطلبـين مـاي إيـمـرّ نـهر بـس خاطرچ مـا أثـنـا
أجـلـبـلـچ الـگـطـرة بـعـزم والـفَي بـفـيـاي أبـنـا
حـتى العـطش يـم الـخيم ما يوصل وآنـه ويـا
هـذا الـعهد مـا انـساه .. والـكون يـشهد مـعناه
━━━━━━⊱⧪⊰━━━━━━─
​يا اختي لـو طاح العلم بـدمّي أظل آنه أروي
مـا عـوفچ بـنار الـعده بالـروح بـيدي أفـدي
كـلمة شـرف عباس آنه أو وعدي راح أوفـي
هـذا الـعهد مـا انـساه .. والـكون يـشهد مـعناه
━━━━━━⊱⧪⊰━━━━━━─
يـا زينب إيـمـانچ جـبـل مـا تـنـحـني هالقـامـه
وآنـه الكفـيـل بـخـدمـتـچ مـا تطـلبـيـن ايـتامـه
والـنـصـر بـيـدي بـنـيـتـه عـزّ وفـخـر بـاجدامـه
هـذا الـعهد مـا انـساه .. والـكون يـشهد مـعناه
━━━━━━⊱⧪⊰━━━━━━─
بيميني شلت آنه اللوه ويساري طاحـت عالگاع
والـهام مـن فـوگ الـعَـمد طـاحت ابـليـا اذراع
شوفينـي من عند الخيم مذبـوح وبلايه اوداع
هـذا الـعهد مـا انـساه .. والـكون يـشهد مـعناه
━━━━━━⊱⧪⊰━━━━━━─
تمت بقلم خادمة آل البيت هاجر الكربلائيه
https://t.me/Abasssabah

من رد المهر سابح ابدمه
زینب سمعته وطلعت ابهمه

دگ رجله وغده بلراس یومی
های ادموم اخیچ مو ادمومی
یزینب گومی لحگی حسین گومی
عفته والسیوف اعلیه لمه

من ظهری وگع واجروحه کثره
واخاف من المثلث فات أمره
شعب گلبه وطلع من خرز ظهره
طاح اعله الارض والشمر یمه

گبعت روحهه وللحومه راحت
آه اشلون خویه حسین صاحت
چم مره اعله وجه الگاع طاحت
ومن توگع تنادی اهنا ییمه

بس شلفایده من اوصلته
زینب والأمر فايت لگته
اویلی والشمر گاطع رگبته
اشلون اتحظنه واتحبه وتشمه

دارت للبقیع ابصوت عالی
تنادی ام الحسن یمی تعالی
یایمه بگیت ابغیر والی
راحو کل هلی وشملی اشیلمه

دارت للغری وصاحت یحیدر
احضر مثل ما للغیر تحضر
ادخیله یاعلی وحملی تگنطر
وکلهه اتصیح لحگینی یعمه

عزیز_الفیصلي

#اللهم_عجل_لوليك_الفرج
https://t.me/Abasssabah

#شور كعديه

حسين يابويه يا بويه يا بويه

**

بويه حرگو كل خيمنه وشارده الصوب النحر
محد يحامينه بويه وعمي مرمي اعله النهر
بنيتك ومرعوبه اجيتك خدي يا وسفه انسطر
گوم لا تتركني اريدك واستمع هذا الخــــــبر

جيتك بدمع اليتيـــــمه
طاحت الخيمه يخيمه

حسين يابويه يا بويه يا بويه

****

جيتك ونار بعباتي وگلبي مچوي من الشـــتم
ياهو يفزع حيره والله وهالبقينه بـــــــــلا زلم
بهيمه نركض مدري ألمن مدري ليوين العزم
المهم ما ظل مهم بويه منذبح وانتــــــه المهم

خلو بوجهي علامــــــه
يا سلامه انته السلامه
حسين يابويه يا بويه يا بويه

*

وين اهلنه الناس اجونه وبس يتامى بكربله
بويه ريتك لا شفتني حـــــــال طفله امعلعله
هيمه تشمرني اعله هيمه وانه جنت امدلله
وين اروح الله واكبر رمح شايل حرمـــــله

والشمر وحباله بيده
وانه بالحومه وحيده
حسين يابويه يا بويه يا بويه

****

وين اجيك وانت ميت والحـــــــــــوافر داستك
وانه اشيل چفوفي وادعي ربي سحگو نعمتك
سهام ورماح وحجرهم والسيوف اتلگــــــتك
والله صلفه تحز وريدك ؟ ما تعرفك ذبحتك ؟

والنهر باقي ابمكانه ؟
عطّشاك    وعطّشانه

حسين يابويه يا بويه يا بويه

***

كلنه جينه وصرنه يمك وانته راسك علرمــح
شلون تحچي وي اليتامى ماله صوت المنذبح
خلنه يمك علترابه حسين يـــــــا وجه الصبح
ارد اغطيك بعباتي وبلكي اضمد چم جـــــرح

بلكي تگعدلي ثواني
والله انه بنيتك آني

حسين يابويه يا بويه يا بويه

***

بويه راح نروح منك وانتـــــه جثه امدده
يلي فوگك خيل داست صدرك الله يساعده
انته تبقه اعله الوطيه وانه اروح أمگيده
وذاك عمي بلا چفوفه وعلشريعه الوحده

علهزل رحنه ومشينه
الله   وياك   انتهينه
حسين يابويه يا بويه يا بويه


رعد الفريــــجي 
    محرم الحرام
https://t.me/Abasssabah

أبا الفضل يا فارساً لا يلين
تُذِلُّ المنايا ولا تستكين
فأنت الحسام وأنت اللواء
وأنت الثبات وأنت الإباء
وقد كنت جيش الفدا للحسين
وقد كنت جيش الفدا للحسين
تفانى أبوك لنصر النبي
وذي لا فتى شاهدٌ في السنين
وأنت نظرتَ بعين الوصي
وأعطيت للدين في الطف عين
ففاضت علينا تُبِلُّ الصدى
وتروي العطاشى بكأسٍ معين
أيا بدر هاشم ليث العرين
سلامٌ عليك من المؤمنين

ليله حزن
ليله استشهاد ابي الفضل العباس عليه السلام
عظم الله أجورنا وأجوركم بهاذ المصاب 💔

☜ بـسمـه تعـالى ☞

الـقصـيدة : شدت لهـاشم شيله
اداء : سيد فاقد الموسوي
كلـمات : سيد محمود الموسوي

♧♧♧♧♧♧♧♧♧♧♧♧

أم البنين الليلة .. شدت لهاشم شيله
بدوية منها والنعم .. شدت لهاشم شيله
خيطت رايات الزلم .. شدت لهاشم شيله
صاحت يعباس الشهم .. شدت لهاشم شيله
طشرها يبني ولا تلم .. شدت لهاشم شيله
والرايه دگها على النجم .. شدت لهاشم شيله
عباس معروف حيله .. شدت لهاشم شيله

♧♧♧♧♧♧♧♧♧♧♧♧

حي الله زلمة كربلا .. شدت لهاشم شيله
عباس خير المرجله .. شدت لهاشم شيله
بالحرب طاريك حله .. شدت لهاشم شيله
من حيدر الثاني هلا .. شدت لهاشم شيله
خلفة خلفه معدلة .. شدت لهاشم شيله
وين اليعدل الميله .. شدت لهاشم شيله

♧♧♧♧♧♧♧♧♧♧♧♧

عباس بيك انه افتخر .. شدت لهاشم شيله
يبني يخيال الشگر .. شدت لهاشم شيله
يا هيبة طولك ع النهر .. شدت لهاشم شيله
يالتارس الشيله عطر .. شدت لهاشم شيله
يحسين تأمرني أمر .. شدت لهاشم شيله
فك صدرك وصليله .. شدت لهاشم شيله

♧♧♧♧♧♧♧♧♧♧♧♧

ام البنين الطاهره .. شدت لهاشم شيله
خلفة مثلج مره .. شدت لهاشم شيله
ولدج نشامة حيدره .. شدت لهاشم شيله
خلفتي سبع الگنطره .. شدت لهاشم شيله
شالع الباب بخيبره .. شدت لهاشم شيله
والده السبع نمشيله .. شدت لهاشم شيله

♧♧♧♧♧♧♧♧♧♧♧♧

يا رباي يا غيرة هلي .. شدت لهاشم شيله
بيكم مراجل من علي .. شدت لهاشم شيله
ولگابلاكم يبتلي .. شدت لهاشم شيله
بالحومة رفعوا الراس الي .. شدت لهاشم شيله
صيحوا ييمه تدللي .. شدت لهاشم شيله
عَ الراس اخونه نشيله .. شدت لهاشم شيله

♧♧♧♧♧♧♧♧♧♧♧♧

امك وتدعي من الگلب .. شدت لهاشم شيله
حي الله ابو ملگه الصعب .. شدت لهاشم شيله
عباس هيبة من يطب .. شدت لهاشم شيله
فرسان هاشم بالحرب .. شدت لهاشم شيله
تغلب وما تنغلب .. شدت لهاشم شيله
عياله گبل العيله .. شدت لهاشم شيله

♧♧♧♧♧♧♧♧♧♧♧♧


https://t.me/Abasssabah

القصيدة الأصلية/طـب الحـسين الكربلة
القصيدة المشابهة/طب العباس المشرعة

عباس عباس عباس عباس
طب العباس المشرعة
عباس عباس عباس عباس
شال بچفوفة مدمعة
عباس عباس عباس عباس
يا حيف نزف الأربعة
عباس عباس عباس عباس
وچفوفة يمة امگطعة
عباس عباس عباس عباس
مـن مشه طاح اعله النهر
عباس عباس عباس عباس
اشلون ومگطوع النحر
عباس عباس عباس عباس
محروگ ومن شمس الظهر
عباس عباس عباس عباس
جَرَد ثيابة اشمسرعة
عباس عباس عباس عباس
بالشمس وعيونه اتلوح
عباس عباس عباس عباس
عطر الوفه منه ايفوح
عباس عباس عباس عباس
يا طيحه اتفت الروح
عباس عباس عباس عباس
عباسي طاح ابمصرعة
عباس عباس عباس عباس
طاح الگمر عالشَطين
عباس عباس عباس عباس
ما ينوصف دمع حسين
عباس عباس عباس عباس
يا ويلي ما يبقة الزين
عباس عباس عباس عباس
واركض ترا اني هارعة
عباس عباس عباس عباس
للنهر راح وما رجع
عباس عباس عباس عباس
وعيونه تارسها الدمع
عباس عباس عباس عباس
وبسيفه راسه ينگطع
عباس عباس عباس عباس
والشمر ايده مذرعة
عباس عباس عباس عباس
من وگع حيلي آنه طاح
عباس عباس عباس عباس
يا ويلي مو جرح اجراح
عباس عباس عباس عباس
اعله النهر مات ارتاح
عباس عباس عباس عباس
من ضيمك اني امجرعة
عباس عباس عباس عباس
يا ضوه عيني اللي انطفه
عباس عباس عباس عباس
والظَهَر بعدك هالغفه
عباس عباس عباس عباس
من رحت شفت آنه الجفه
عباس عباس عباس عباس
چنت آنه بيك امدرعة
عباس عباس عباس عباس
يا خوية ظهري انكسر
عباس عباس عباس عباس
من شفت چفك عالنهر
عباس عباس عباس عباس
يا غيرة الله بالخطر
عباس عباس عباس عباس
والنذل حالي ما رعة
عباس عباس عباس عباس
يا ويلي اريدن خوتي
عباس عباس عباس عباس
من رحت ضاعت عيلتي
عباس عباس عباس عباس
بعدك ترا آنه بونتي
عباس عباس عباس عباس
واطفالي كلها امروعة
━━━━━━⊱⧪⊰━━━━━━─
تمت بقلم خادمة آل البيت هاجر الكربلائيه
https://t.me/Abasssabah

سࢪ العفاف

عفتچ زينة الچ مو كثرة الوان
شـيفيد التبرج يغوي الإنسان
━━━━━━⊱⧪⊰━━━━━━─
موش انتِ التدور عيون بالسوگ
يا درة وتـلالـي بـغـيــر طـابــوگ
يا بـنـت الغـيور الـعنـده مـنطوگ
يا خـيمة شـرف مـا هـزها ميزان
━━━━━━⊱⧪⊰━━━━━━─
حشمة وشيب اهلچ تاج عالراس
يا شمس الصبح ما تدري بالياس
يا مـعدن صلـب ما يقبل مساس
يا عـفة ووقـار بـوسط الأوطان
━━━━━━⊱⧪⊰━━━━━━─
مـو لفة المـعاني وثـوب مخيوط
عـفـتچ بالثـگل مــا تـنـزل خيوط
اصيلة ومن نسل ماتعرف اشروط
ستـرچ ضـي يـضوي ويـن ما چان
━━━━━━⊱⧪⊰━━━━━━─
يا خيـط الضياء بـظلمة الليل
يا عـزة نفـس ما نِـزلـت بـميل
يا هيـبة شـموخ الما تهد حيل
​يا بنت الأصول الطاهرة الشان
━━━━━━⊱⧪⊰━━━━━━─
يا لـيـل الكـرامـة بـعـز الـقـمــار
يا طهر الـمـنـارة يـغـيـظ هالـنـار
يا سـر الـعـفـاف الـيزهي محـتـار
يـا رزن الــعــقــل بــكـل الــزمــان
━━━━━━⊱⧪⊰━━━━━━─
تمت بقلم خادمة آل البيت هاجر الكربلائيه
https://t.me/Abasssabah

القصيدة لإبي الفضل العباس بن علي بن أبي طالب عليهما السلام
━━━━━━⊱⧪⊰━━━━━━─
يا كاسر ظهر         عباس
عنوان الفخر         عباس

يا راعي العلم          عباس
يا هيبة زلم           عباس
منك والنعم         عباس
حيرت الشمر       عباس

يا شيخ العرب        عباس
فززت الحرب         عباس
تتحدى الصعب      عباس
بجفوفك فخر        عباس

ياحار وبطل           عباس
متخاف الأجل        عباس
بيمينك نزل           عباس
تتلاگه الخطر         عباس

سيفك يرتعد           عباس
والخايف سجد       عباس
جودك ما يحد       عباس
يا جود ونهر         عباس

محلا وگفتك          عباس
تزهي بطلتك          عباس
فدوه لخطوتك         عباس
تكسرهم كسر         عباس


هيبة انتَ ودرس       عباس
تهرسهم هرس         عباس
يا ضي الشمس          عباس
يا كافل خدر             عباس

ياراعـي الوفـه      عباس
بيك الـمعرفـه      عباس
يـا كـل الصـفه     عباس
وأنـوار الـقدر         عباس

━━━━━━⊱⧪⊰━━━━━━─
تمت بقلم خادمة آل البيت هاجر الكربلائيه
https://t.me/Abasssabah

فزاعيات

طاحوا عالثرة والدم وصل وين
او زيـنب بـقـت تـترقـب حـسين
والـقاسـم بـقـى يـديـر بـعيـونـه
والـرضـيـع مـدمـه بـيـن الايدين
(ظلت بس عجاج الخيل ما شفت)
━━━━━━⊱⧪⊰━━━━━━─
وصـلتله ولـگَته الجسم مگطوع
وعل الأكبر عيون تفيض بدموع
وشافت جاسم مخضب وعالگاع
وچـفوف الرضيع اتگول مفجوع
(بچت عين المخيم والدمع سال)
━━━━━━⊱⧪⊰━━━━━━─
تلاگت زينب بدمعة وحسرات
تـفـتش عـالنزل وي الـمـمرات
ماشافت حبيب بگلبه الأنفاس
ولا شافت جسد يستر الخيمات
(گوموا يا اهلها حسين عافاها)
━━━━━━⊱⧪⊰━━━━━━─
تـفتر بالخيم والمدمع يسيل
تـدور على الأهـل وليلها ليل
ولا واحد بقه يمسح الدمعات
ولا خـيـمـة بـقه بيها أثر حيل
(طاحت هالخيم من طاحت اخوتها)
━━━━━━⊱⧪⊰━━━━━━─
  غدت ذيچ الوجوه مخضبه عالغبرة
  والأكـبر مـنـذبح جـاسم حـفر گـبره
وعبد الله بـسهم نحره انخطف بالحال
وزينب والنسا عاشن بـ ألف حسرة
(دنياها اظلمت من طاحوا الساده)
━━━━━━⊱⧪⊰━━━━━━─
يا ليل الفگد خيم على الـخـيـام
بـعـد ما ظل أمل ينشد ولا أحلام
نـهاية هـالـدرب أگـضيها بـالونات
وعلى فراگ الأهل تـتـعـلّـگ الآلام
(بقا رِيح المصايب ع الخيم سـاري)
━━━━━━⊱⧪⊰━━━━━━─
تمت بقلم خادمة آل البيت هاجر الكربلائيه
https://t.me/Abasssabah

عظم الله لكم ولنا الاجر
بذكرى استشهاد سيد الشهداء
ابا عبد الله الحسين عليه السلام
انت المعزي يا صاحب الزمان 💔

طلعنه بليل خويه ندور عليك
وعثرنه بلجثث من جبنه طاريك

طلعنه بليل وحده دالي الاخره
بشفايف ذابله ورياك مره
وتكسر بلصدر يحسين عبره
كلنه حسين من نوصل نخبره
نكله الماي هذا وجينه نرويك


حرنه حسين خويه شلون نلكاك
جثيره الموته بطف ظاله وياك
ويا جثه النگظهه نكول لا ذاك
گبل مانمشي ردنه حصل دواك
عسه دمع الحزن يبن امي يشفيك


اجيناك بدمع والحسره والآه
وگلنه حسين هسه هنا نلكاه
نعرفه المحبس وماهو عله يمناه
والخنصر بعد مسلوب وياه
وعلامتنه صفت هاي العرف بيك


يخويه تعثرت ببني وكلت لاه
اعوف حسين زحمه وبقه وياه
اودع حسين وبني بردتي الگاه
اذا خاله يظل ماجيب طارواه
وكلتله بردتي يوليدي ارد ليك


هواي الموته يمك ظلمه  وندوس
بس طعنات بيها وسلامه الروس
بس جسمك نعرفه سهام متروس
وراسك علرمح مبيوع بفلوس
وصلتك بلدمع يبن امي احاجيك


ابو سلام الجابري

#اللهم_عجل_لوليك_الفرج
https://t.me/Abasssabah

ياخــــــويه يحسيـــــــن
......................................
اخلاف عينك... طلعنه
وبالهــــــــيمه... ركضنه
ومحـــــــــد... رحمـــنه
ياخــــــويه يحسيـــــــن
....................................
گبال عينك... سلبـــونه
وبحـــبالهم.... جتفــونه
وعل ناگـــه... صـعدونه
ياخــــــويه يحسيـــــــن
.....................................
وغصبـــــن....علينـــــه
ياخــــــويه... انولـــــينه
للشـــــــام... انسبينــــه
ياخــــــويه يحسيـــــــن
.....................................
ومحـــــــــد.... بقـــالي
ومـن عگبه.... دلالــــي
يصيــر هذا.... حــــالي
ياخــــــويه يحسيـــــــن
.....................................
ويهَ الشماته..... شلـــون
تمشي ياخويه... ام عون
ذولـــــــه... المايرحمون
ياخــــــويه يحسيـــــــن
.....................................
وشاگف بناتك.. عنهـن
ياخــــــويه.... ويطگهن
وبســـوطه.... ضربهــن
ياخــــــويه يحسيـــــــن
....................................
تطشر يحسين... ضعنــه
وبعـــد شيلمــه... إنــــــه
وبعيد الــدرب... الـهلـنه
ياخــــــويه يحسيــــــــن
.......................................
عطشــــــنه.. ومـــارونـه
وبخيلهلـــهم.. خوفونـــه
وشتمـــــــــوا.. ابــــــونه
ياخــــــويه يحسيــــــــن
......................................
صـــــاحوا... خــــارجيه
ياعمـــــــة.... رقيــــــــه
وعيــــنهـم.... عليـــــــه
ياخــــــويه يحسيـــــــن
......................................
سلبـــوهـن.... بنــــاتك
گوم وافزع.... لخواتـك
يالحلـــــوه.... صفــاتك
ياخــــــويه يحسيـــــــن
.....................................
شور : لطم عل الـراس
.....................................
كلمـات : علـي هـــادي
https://t.me/Abasssabah

يحسيـن ميته زلمـنه
ومحد بقه من اهلنه
ياخــــــويه فزعلـــنه
ياخـــــــــويــــــــــــه

بالهـــــــــيمه تطشر ضعنه بالهـــــــــيمه
بـــــلا خيمــــه بقــــينه بــــلا خيمـــــــه
هضيميه تطلع زينـــــــب هضـــــيمـــــه
...............................................................
حــرگـــــوا خيمنــه
ياخــــــويه وطلعـنه
بالهـــــــيمه ركضنه
ياخـــــــويـــــــــــــه

طلعنــــه مـن الخـــيــــمه طلعنــــــــــه
ركضــنه بالصحـاري ياخويه ركصنــــــه
ومحـــــــــد رحمـــنه ومحـــــــد رحمنه
................................................................
اول يخويه تـــــالــي
يصير هذا حــــالــي
مـــــن بــعـد دلالــي
ياخـــــــــــويــــــــــه

ضـاع الدلال مـن بعدكم ضـــــاع الدلال
بالحبــــــال گيدونه خـويــه بالحبــــــال
صفه الحـال سبيـــــــــه صفـه الحـــــال
................................................................
محتاجـــه فــــزعــه
حسين كسروا ظلعه
ومحـــــــــد يسمــعه
ياخـــــــــــويـــــــــــه

ابن البتول سحگـوا صــدره ابن البتـــول
ابن الرسول لانصار ولا معين ابن الرسول
بالــخيــول طشــوا جسـمـه بالـخيـــــــول

.................................................................
✍️ علي هادي الضالمي
https://t.me/Abasssabah

هذا مو عباس سبع الگنطرة
هذا كل الكون طايح على الثرى *٢ المستهل
الكون كله اليوم مگطوع الجفوف
هذا مو عباس طايح بالطفوف *٢
والزجية تعنت تنوح او تطوف
مالگت عباس شافت حيدرة
دنّگ الموت القبض روح الكفيل
باس دم الهامة والمدمع يسيل
ايگلة اجيتك نادم او عندك دخيل
ارجوا من حامي الدخيل المعذرة
من وگع عباس فاگد يمنته
هية گاع الطف اتعنت تلاگته
والسهام البنحر من صابته
هيَمن دم السهام امطبرة
بالحرب محد مِلَكْهاي الخصال
ياهو من جف يمنته تخاف الجبال
والأسد من يزئر بسوح القتال
صاب جف السيف والسيف انبره
عجبة من طاح الگمر بجنب النهر
ماطلع عباس واتلگه الگمر
والمُهر شايل جبل فوگ الظهر
مافطر گاع الطفوف بحافره
من وگع عباس فوگ المشرعة
هدم أركان آل أمية ابمصرعه
لاجفوف او گام هاي الفاجعة
والبطل معروف عند الزمجرة
https://t.me/Abasssabah

رضوان اللّٰه تعالى عليك يا شهيد

"وَلَا تَحْسَبَنَّ الَّذِينَ قُتِلُوا فِي سَبِيلِ اللَّهِ أَمْوَاتًا بَلْ أَحْيَاءٌ عِنْدَ رَبِّهِمْ يُرْزَقُونَ"

يعينه الله البــاقـر بهـاذه المصـاب
اليــوم يدفــن والــــده جوه التراب
...............................................................
ليلـــه ابــو الصــــادق تهـــدم حيــله
كســـرت الــــوالــــد ثجيلـــه ليـــلـه
وعــــلَ الســـجـــــــاد دم يبجيــــلـه

وعَليـــــــه اليــوم شداهــا النگاب
يعنه الله البــاقـر بهـاذه المصـاب
..............................................................
مــن بعد ذاك التعــب ذاك الــدرب
مـــات السجــاد مشلـــــوع الگــلــب
صـاح بيويه البـاقـر فراگــك صعـب

من بعدك حياتي تخلص بلعذاب
يعنه الله البــاقـر بهـاذه المصاب
..............................................................
يعيـن الله البــاقـر عــله مصيبتـــــه
بعينه شـــاف السجـاد مردوا جبدته
الحيــل ماهـو الحيــل ذب عمامتـه

راح كل الحيــل مني اليـوم خاب
يعنه الله البــاقـر بهـاذه المصـاب
..............................................................
اليــوم مــات مسمومـــاً زيـن العبــاد
ليـــلـه كـــل شيعـه تنصبلك حـــداد
والجميع اليوم يتردي ثـوب الســـواد

وللبقيع إليـــــوم نتمنــى الذهاب
يعنه الله البــاقـر بهـاذه المصـاب
................................................................
مــات مسمـــــومـاً عليــلُ كـــربــلاء
اليــوم وأي البــاقـــر نصبــلك عـزاء
اليوم كــل الشيعه ضجــت بــالبكاء

تصيــــــــح وتــــرد بالجــــواب
يعنه الله الباقـر بهـاذه المصاب

................................................................
✍️ تمت بفضل الله وتوفيقه
كلمات : علي هادي الضالمي
https://t.me/Abasssabah