جلمات المعاتب گضن
وانت على طبعك ذاك

سنين ..
وانه السهر حصتي

ذاك الزمن شيعيدة ؟
تذكر من چنت شتسوي
أسوي وياك
خيالك ما مسوي بگدي التريدة

منها وَبعد صام الگلب يابزر گعدة گلبي..

كلشي حسبته بحياتي،نفترگ ماحسبت..

لا يا شريط العمر يمرايتي تهدي
شيسوي هذا الگطن ع الليل متبدي
شيسوي هذا الحزن شيريد من عندي
ايام ذاك الوكت من اصفن عليهن
ابچي من اباوع صور ضاحك چنت بيهن

البارحة تلاگينا لكن ما نبض
ولا علت دگته على شوفك لا ركض
بيا وكت ملگاك ميفززني هيچ
وأنتَ ذاك الچان يخنگ لو عرض

الذنب ذنبي شگد چنت مابية خير
من بعد وجه الله وجهك عابدة
شجرة مالك راي يم ذيچ الطيور
ترضى ما ترضى على غصنك صاعدة
غرفة بيك مخاد ما مصفوطة زين
يعني قبلي هواي وادم گاعدة
گوم زيح الكفرك يا بينروس
متون عندك يم صنمهم ساجدة

هذا اني ماگلك صَعب
والشاطر الما ينغلب
وياك جنت ابيض گلب
بس الله راد يفضحك
مامستعد اسمع چذِب
ولاحچيك يبرد گلب
ولا حچيي راح يصلحَك

القصيدة الجانت تذكرني بيك
شگگتها وبعد ما تعنيلي ..

انا الكط الراوية وبمشتهاي
وتنحني العيطه علي بعثوكها
هذا انا من صباي والناس المعاي
ما تميز الحوم من غرنوكها
ناس ما تعرف تحط ذيج على هاي
حتى ما تندل مكان حلوكها

وكمت ما ادري اروح لوين
اطب للبيت احس شلون الـ ملاگيك
غلطتي بكل مكان ببيتنا محاچيك.

صفر وانطيتك التربيع
ضليت الصفر ، ماردت فايدتي

فرصة حياتك چان ملگاي
وهسة بگباحة تسولف وياي
انه نغلبت وگتلك هواي
وانت اللي مثلك عيب ينعد

ما سديت بابي بوجهك
اهلي شيوخ
بيبان العتب ما نعرف نسدهن
تبعدني شعجب ؟
مو جنت عكازات حتى بنومتك
يم راسك تمدهن

ليل ويستحي التايه يدگ الباب
اطلع شوف روحي ببابك شعدها

إذا ينسى الفجر خيط
الشمس أنساك
وأبطل كل حزن وأتعمد
الونسة
بس أعرفها روحي شما تمُر
أيام
تظل تبجي على طيفك
وأبد ما تنسى

ابچي يمّك
حتى زين تشوف روحي
حتى تقراني بوضوح
يا حبيبي
لا تظن الدمعة ماي
الدمعة روح