🔞Берденовтың партиялас әріптесі Бейбіт Әлібековтың пікірінше, бұл тапсырыспен жасалған қастандық. Айтуынша, қызметтік шешімдеріне байланысты Берденовке қоқан-лоқылар түскен көрінеді. Яғни, әкім орынбасары қаладағы құрылыс саласын қатаң бақылауға алып, заңсыз салынған ғимараттарды сырмақ болған. Демек, аталмыш қастандық - «ренжіген» ірі кәсіпкерлердің құйтырқы ісі…

👍 ❤️ Telegram | 🧐 Instagram | ❤️ Youtube

🔞Руслан Берденовке жасалған қастандық жайлы жаңа деректер пайда болды. Бұған дейін қылмыстың себебі – қызғаныш деген тұжырым шыққан болатын. Яғни, Ернар Жиенбай жұбайын Берденовтен қызғанып кек алмақ болған-мыс. Алайда, бұл тұжырым расталмады. Себебі, Жиенбайдың жұбайы Берденовты танымайтындығын және ешқашан көрмегенін мәлімдеген.

Тергеудің пікірінше, қылмысқа жеке жанжал себеп болғанға ұқсайды. Яғни, Ернар Жиенбай тікелей Берденовтың қол астында жұмыс жасаған. Бірақ, бірнеше күн бұрын қызметінен босатылған екен. Демек, Жиенбай жұбайы үшін емес, жұмысынан қуылғаны үшін кек қайтармақ болған…

👍 ❤️ Telegram | 🧐 Instagram | ❤️ Youtube

🔞ҰЛТТЫҚ ҚАУІПСІЗДІК КОМИТЕТІНІҢ ҚЫЗМЕТКЕРІ ӨЗІНЕ ҚОЛ ЖҰМСАДЫ

Астана. 21 сәуір күні «Рахат» тұрғын үй кешені ауласында ер адамның мәйіті табылды. Анықталғандай, марқұм 43 жаста. Ұлттық қауіпсіздік комитетінің (КНБ) қызметкері. Сыртқы барлау қызметі директорының бірінші орынбасары болған. Деректерге сенсек, марқұм өз пәтерінің терезесінен секіріп кеткен екен. Тергеу амалдары жалғасуда.

❗️21 сәуір – триллерге толы күн болды…

👍 ❤️ Telegram | 🧐 Instagram | ❤️ Youtube

🔞Полиция мен әкімдік тарапы БАҚ пен әлжеліде тарап жатқан «қырындау» тұжырымын жоққа шығарды. Оқ атқан Ернар Жиенбайдың жұбайы Берденовты танымайтындығын және ешқашан жолықтырмағанын мәлімдеген.

Тергеу тұжырымы бойынша, Жиенбай мен Берденовтың арасында араздық туған. 10 күндей бұрын болған жиналыста Жиенбай басшылық тарапына дөрекі сөйлеп, кереғар пікір білдірген көрінеді. Нәтижесінде, Берденов оны жиналыстан қуып шыққан екен. Сөйтіп, әкімдікке қарасты «Тұрғын үй Шымкент» мекемесін тексеру туралы тапсырма беріп, басшысы Жиенбайды қызметінен босатып жіберіпті.

Ызаланып қалған Жиенбай әкім орынбасарынан кек алуды ұйғарады. Аңшылық мылтық пен 10 дана оқпен қаруланып, әкім орынбасарын өлтірмек болғаны анық. Бірақ, 3 оқтан артық ата алмаған. Себебі, оқиға кезінде Берденовтың көлік жүргізушісі қаскөйді көлікпен қағып түсірген екен.

❗️Соңғы деректер бойынша, Берденов отадан кейін өзіне келген екен. Алайда, жағдайы ауыр.

👍 ❤️ Telegram | 🧐 Instagram | ❤️ Youtube

🔞ЖАНАРМАЙ ҚҰЮ БЕКЕТІНЕ ҚАРУЛЫ ҚАРАҚШЫЛЫҚ ЖАСАҒАН

Қостанай облысы, Әулиекөл ауылы. 21 сәуір күні жергілікті сот шешімімен 41 жастағы ер адам сотталды. Іс материалдарына үңілсек, оқиға 2025 жылы қаңтар айында болған. Айыпталушы қалпағын басып киіп, бетін шарфпен ораған күйде жанармай құю бекетіне пышақпен шабуыл жасайды. Сөйтіп, кассадағы 33 мың теңгені қолды етіп кеткен.

Айыпталушы сот барысында қылмысы үшін кешірім сұрап, келтірілген шығынды толық өтеп беріпті. Сондай-ақ, оқиға кезінде масаң күйде болғанын айтып ақталған. Нәтижесінде, жәбірленуші тарап кешірім берген екен. Алайда, айыпталушы бәрібір жазасыз қалмады. Сот шешімімен, 41 жастағы ер адам 3 жыл 6 айға қамалды.

❗️Жәбірленушілердің кешіргеніне қарағанда, өтелген сома 33 мың теңгеден көп-ау…

👍 ❤️ Telegram | 🧐 Instagram | ❤️ Youtube

🔞ПОЙЫЗДА БОСАНЫП, ШАҚАЛАҚТЫ ТЕРЕЗЕДЕН ЛАҚТЫРЫП ЖІБЕРГЕН

20 сәуір күні «Қызылорда - Астана» бағытында қатынайтын пойызда жан түршігерлік оқиға орын алды. Пойыз құрамы Қарағанды қаласында тоқтағанда, вагонды шолған жолсерік қан іздерін байқаған. Ал, дәретхана едені толығымен қанға малынған болып шыққан. Нәтижесінде, купелердің бірінен қансырап жатқан келіншек табылыпты.

Анықталғандай, келіншек пойыз дәретханасында босанған. Сөйтіп, пойыздың жүріп бара жатқанына қарамастан, сәбиін терезеден айдалаға лақтырып жіберіпті. Сақшылар нәрестенің мәйітін тапты. Тергеу амалдары жалғасуда.

❗️Ең құрығанда, дәретханаға тастап кетпеді ме?!

👍 ❤️ Telegram | 🧐 Instagram | ❤️ Youtube

🔞ЕР АДАМ ҮСТІНЕ ЖАНАРМАЙ ҚҰЙЫП, ӨЗІН ӨРТЕП ЖІБЕРДІ

Қостанай. Көп қабатты үйдің ауласында әлдебір ер адам өзін өзі өртеп жіберді. Деректерге сенсек, оқиға 21 сәуір күні болған. Ер адам жүк салғышынан канистрды алып, көлігіне отырады. Сөйтіп, үстіне жанармай құйып, өзіне от қойып жібереді. Алайда, бірнеше секундтан соң, жалынға шарпыған күйде сыртқа атып шығады. Нәтижесінде, кездейсоқ куәгерлер отты сөндіріп, өмірін құтқарып қалды.

Қазіргі таңда, «пироман» ауыр хәлде ауруханада жатыр. Денесінің басым бөлігін күйік шалыпты. Полиция іс қозғап, оқиғаның мән-жайын анықтауда. Кугерлердің сөздеріне сенсек, ер адамның мұндай бассыздыққа баруына «баянсыз махаббат» себеп болған көрінеді. Яғни, сүйіктісі ара қатынасты тоқтатқысы келіпті.

❗️Аман қалса, әлпеті мен денесінің кейіпі бұзылды. Болашақта махаббатын жолықтыру ықтималдылығын қиындатты. Махаббат үшін күрескен дұрыс. Бірақ, махаббат үшін денсаулығың мен бақытыңа қарсы күрескен дұрыс емес.

👍 ❤️ Telegram | 🧐 Instagram | ❤️ Youtube

🔞ЖҰБАЙЫН БАЛТАМЕН ҰРЫП, САУСАҚТАРЫН ШАУЫП ТАСТАҒАН

Қызылорда облысы, Шиелі ауданы. Жергілікті аурухананың жансақтау бөліміне 42 жастағы әйел түскен. Жәбірленушінің екі қолының саусақтары шабылып, басының маңдай сүйегі жаншылыпты. Анықталғандай, бұл күйеуінің қастандығының салдары болып шықты. 44 жастағы ер адам жұбайын соққыға жығып, балтамен қолының саусақтарын шауып тастаған. Сөйтіп, балтамен басынан ұрған екен. Ер адам құрықталып, изоляторға тоғытылды. Тергеу амалдары жалғасуда.

❗️Деректер бойынша, қаскөй жергілікті мектепте 21 жылға жуық биология пәніне сабақ берген. Бес баланың әкесі. Балаларының анасына мұндай қатігездік танытуының себебі әзірге беймәлім.

👍 ❤️ Telegram | 🧐 Instagram | ❤️ Youtube

🔞ЖҮК КӨЛІГІ 6 ЖАСТАҒЫ БАЛАНЫ БАСЫП КЕТТІ

Астана. Әль-Фараби көшесінде орналасқан көпқабаты үйдің ауласында қайғылы оқиға орын алды. «Dongfeng» жүк көлігі велосипед айдап келе жатқан 6 жасар баланы басып кетті. Ауруханада дереу жеткізілгенімен, бүлдіршін есіне келместен қайтыс болды. 38 жастағы көлік жүргізушісіне қатысты тергеу амалдары жүруде.

❗️Қауіпсіз жер жоқ. Балаларымызға мұқият болайық!

👍 ❤️ Telegram | 🧐 Instagram | ❤️ Youtube

🔞МИНИСТРЛІКТЕР ҮЙІНІҢ АЛДЫНДА ЕР АДАМДЫ КӨЛІК ҚАҚТЫ

Астана. 25 сәуір күні Министрліктер Үйінің алдында жол-көлік оқиғасы болды. Кадрға үңілсек, рұқсат етілмеген жерден жолды кесіп өтпек болған ер адамды «Nissan» көлігі қағып, бірнеше метрге ұшырып жібереді. Нәтижесінде, жәбірленуші есінен танып қалған. Қазіргі таңда, ер адам ауруханада жатыр. Өміріне қауіп жоқ. Жүргізушіге қатысты тексеру амалдары жүргізіліп жатыр.

❗️Жәбірленушінің өзі кінәлі екені айдан анық. Бағдаршамның жасыл түсі болсын, жаяу жүргіншілер жолағы болсын – оң мен солға қарап өтіңіздер.

👍 ❤️ Telegram | 🧐 Instagram | ❤️ Youtube

🔞13 ЖАСАР НЕМЕРЕСІНЕ АЗҒЫНДЫҚ ЖАСАҒАН «АҚСАҚАЛ»

Жамбыл облысы, Андас батыр ауылы. Полицияға келіншек шағым түсіріп, 13 жасар қызының азғындық құрбаны болғанын хабарлаған. Оқиға 2024 жылдың 20 сәуірінде болған екен. Ал, айыпталып тұрған адам – келіншектің қайын атасы. Айтуынша, ересектер жоқ кезде «ақсақал» үйге кіріп, жасөспірім қызды зорламаққа тырысқан. Байғұс ана учаскелік инспекторға жүгінгенімен, ешқандай нәтиже болмапты.

Ал, жасөспірім қыздың мінезі күрт өзгеріп, тұйықтала бастаған. Бірнеше рет қолын кесіп, өзіне қол жұмсауға да тырысыпты. Осы жылдың ақпан айында асылып қалмақ болған. Бірақ, анасы дер кезінде байқап, өмірін құтқарып қалған екен. Осы себептен, қайын атасына қатысты полицияға кезекті рет арыз түсіріпті. Нәтижесінде, облыстық полиция департаменті қылмыстық істің қозғалғанын мәлімдеді.

❗️Жасөспірім – ересектердің жанжалының құрбаны болмаса болғаны. Тергеушілер мұқият тексереді деп үміттенімін.

👍 ❤️ Telegram | 🧐 Instagram | ❤️ Youtube

🔞ӨЗІНІҢ ЖҮК КӨЛІГІНДЕ АСЫЛЫП ҚАЛҒАН ЕР АДАМ

Қарағанды облысы, Ақшатау ауылы. «Балқаш - Қарағанды» тас жолында орналасқан кафенің автотұрағында тұрған алысқа қатынайтын жүк көліктен, 41 жастағы ер адамның асылып қалған мәйіті табылған. Деректер бойынша, марқұм Ақтөбе қаласының тумасы. Полиция оқиғаның мән-жайын анықтауда.

❗️Сұмдық…

👍 ❤️ Telegram | 🧐 Instagram | ❤️ Youtube

🔞ЖЕҢГЕСІН БОПСАЛАҒАН ПЕДОФИЛДЕР СОТТАЛДЫ

Ақтөбе. Жергілікті сот шешімімен, екі жігіт ауыр жазаға тартылды. Іс материалдарына үңілсек, екі күдікті ағасының әйелін бопсалаған. Яғни, жеңгесінің көңілдесі бары екенін біліп қойып, ешкімге тіс жармау үшін 5 млн. теңге талап етіпті. Алайда, келіншек дереу полицияға арызданып, қайын інілер құрықталған екен. Тергеу барысында, басқа сорақы қылмыстың беті ашылды. Анықталғандай, екі жігіт ағасының жұбайын бопсалап қана қоймай, сол ағасының қызын бірнеше жыл бойы зорлап келген. Жасөспірім қыз қорыққанынан, 8 жасынан бері көріп жүрген қорлығы жайлы тіс жармай келіпті. Алайда, «ағатайлар» тұтқындалған соң, анасына ағынан жарылған. Сот шешімімен, екі қайын іні өмір бойына бас бостандықтарынан айырылды.

❗️«Таң қалу», «шошу» және «абдырау» деген сезімдер жақында ұмыт болады-ау…

👍 ❤️ Telegram | 🧐 Instagram | ❤️ Youtube

▪️ БӨШКЕДЕ БІР АЙ ШІРІГЕН МӘЙІТ | №197

Көпқабатты үйдің ауласында жүрген тұрғындар түсініксіз көріністің куәгері болды. Дабыл қаққан полиция көліктері, топырлаған сақшылар. Ал, әлдебір екі адам қақпағы скотчпен оратылған үлкен бөшкені көтеріп келеді. Сорақысы, бөшкені тасыған бағытта түсініксіз сасық иіс мүңкіп тұр. Түсінгендеріңіздей, бөшкеде адамның шіріп бұзылып кеткен мәйіті жатыр. Бұл тек қатігез қылмыс жайлы оқиға емес, ашындыратын әділетсіздік жайлы оқиға. Бұл 197-ші қылмыстық іс. Ресей.

🎞 Сілтеме: https://youtu.be/xUJVZX4FbLc