نعي يوم الأربعين من صفر
عندما وصل الحادي الى مفترق طرق ، طريق يؤدي الى كربلاء وطريق الى المدينة ، جاء زين العابدين ع الى عمته زينب ع يسألها الى اين نذهب
نادت بلسان الحال:

مشتاگه لرض الغاضرية
عندي عتب لهل الحميه
واشجي الزمان شعمل بيه
للشام وداني سبيه
_____
وصلت الى قبر الحسين ع القت بنفسها من على ظهر الناقة :

يـ فياينا لو عز الفياي
ضامي عسن لا يهنه الي الماي
لا تون ونك يمرد جلاي
حيلي انهدم من فركتك هاي
___
صاحت يعگلي ونور عيناي
بنتك رقيه موش وياي
يحسين انه مشدوهت الراي
جيت اعتذر منك يرجواي
__
انه رايحه ونار بدليلي
يامن يوصلني لجفيلي
من الشام خويه باد حيلي
بالون كضه نهاري ويه ليلي
___
خادم اهل البيت عليهم السلام
الشاعر عبد العظيم الابراهيمي

استشهاد الإمام علي بن موسى الرضا (ع)

روحي طير تحوم يم گبر الرضا
نار شوگي لمرقده تچوي اللظى
للانيس اخذوني
بگبره اكحل عيوني
نار شوگي لمرقده تچوي اللظى
____________
الما مچوي الشوگ گلبه ما يعرف بحرگتي
والله كل ليله التمر اغفى وافز بدمعتي
ارد اذب حمولي يمه تعبتني دنيتي
ما ارد لداري خالي الا بيدي حاجتي
حاجتي كل عام اجي لزيارته
وكون يضمني الرؤوف برحمته
بالعجل ودوني
بگبره اكحل عيوني
نار شوگي لمرقده تچوي اللظى
_____
عطر شباچه ارد اشمه ريتي بعازة هوه
ياهو ياخذني لضريحه گلبي بالفرگة انچوه
جروح عندي هواي وادري زيارته هي الدوه
بزينب الحره احلفه وعمه شيال اللوه
ادعي ودموعي اعله خدي ساجمة
يا الهي بجاه اخته فاطمه
لا تخيب ضنوني
بگبره اكحل عيوني
نار شوگي لمرقده تچوي اللظى
_____
گالو اليگصد لمشهد الله يگتبله أجر
كل اجر ما اريد منه بس اشم عطر الگبر
الشيب اخذني واحس كامت تگصر سنين العمر
اخذوني للسلطان ازوره بعد ما ظل كل صبر
لطوس حادي الشوگ بجروحي حده
مضيع اداوي ولگيته بمرقده
بجرحي لتخلوني
بگبره اكحل عيوني
نار شوگي لمرقده تچوي اللظى
_____
هاجس يراود خيالي ودم يبچي عيني
خوفي من گبل الزيارة والاجل يلفيني
بالگبر من اظل وحدي والترب غاطيني
راح اگلهم شوگ خلصت للرؤوف سنيني
عن زيارة گبره لو كضني البعد
بلكي هو يزورني وسط اللحد
فراگه غير لوني
بگبره اكحل عيوني
نار شوگي لمرقده تچوي اللظى
_____
عندي وياكم امانه يالتزورون الامام
إنچان ما مقسوم ازوره ارد اوديله سلام
اخذو وياكم دموعي تكفي عن كل الكلام
إلسهر نايم بعيني وزاعل جفوني المنام
لا يلوم الما يعرف جروحي
شوفت الگبه اشتريها بروحي
خلهم يلوموني
بگبره اكحل عيوني
نار شوگي لمرقده تچوي اللظى
_____
الشاعر عبد العظيم الابراهيمي

موشح في استشهاد الرسول الاعظم (ص)

الامة بعدك ضيعت منهاجها
ونفخت سموم الحقد بسراجها
________
اسراج للأمة عفتها عترتك
من ظلام الفتن تحفظ امتك
لچن هالامة يـ طه خانتك
وبدل حيدر صار الاول تاجها
__________
الثاني والاول يـ طه بغيبتك
ضربوا بعرض الجدار وصيتك
البايعت وياك حيدر باعتك
وما رعت تنزيل لا معراجها
_________
الچانت أصاحبك يـ طه غدرتك
أذت الزهرة بفعلها وأذتك
لدارك اتعنت وداست عتبتك
حرگت الباب وتعرفه الواجها
________
الگالك تهجر وسط ذاك الجمع
عصر فاطم وانكسر منها الضلع
چان حسه بالحرب ما ينسمع
يصير سعفه بهوى گبال افواجها
_______
بذوي القربى وصيتك ؛ الهم تود
ولو موصيهم فلا زادت حقد
عترتك ما بين ممرود الچبد
وبين التگطع السيوف اوداجها
________
والمصيبه الچانت تفر بالحرب
ضاعت وضيعت عالامة الدرب
گامت اتدور بسد اسمك غُلُب
وكل فتن هالامة من انتاجها
_______
الشاعر عبد العظيم احمد الابراهيمي

استشهاد الرسول الاعظم (ص)

يل شلت نعش المختار خل الزجية تحضره
اخر وداع الها اليوم خليها تشتم عطره
__________
عالنعش شبگت فاطمة المظلومة
وصاحت يبو ابراهيم انا المهظومة
وسفه الترب وجهك يغطي رسومه
وفوك امي جرحك گلبي زاد همومه
معقوله ما تحجي وياي انا يبويه الزهره
___________
لو رحت بعدك بويه من يفگدني
ولو ردت انوحك ياهو اليساعدني
جانت يبويه شوفتك تسعدني
هسه الهظم بعدك غده يهددني
نعشك يشيلونه اليوم وانا استعد للعصره
_________
يا بويه فت گلبي لهيب مصابك
مو فاطمة ؛ يتمت كل احبابك
گبل الممات وخانتك اصحابك
ونار الحقد باجر تشب ابابك
وباجر يجتف الكرار حبل الوصية وصبره
________
انگلبت عليك الامة يا هاديها
وبـ ذوي القربى ما جن موصيها
: ياذيني كلمن بضعتي ياذيها
الهم گلت تدري المحن تلفيها
تنفخ سموم واحقاد طفت سراج العتره
___________
يا والدي ومن البچي منعوني
ما اهل دمعي لفركتك رادوني
شينشف عيوني ينور عيوني
صاروا عصابه ومن فدك حرموني
لازم تعرف الاجيال هاي الحقيقة المره
__________
خادم اهل البيت ع
الشاعر عبد العظيم احمد الابراهيمي

نعي لسان حال السيدة الزهراء (ع) بعد هجوم القوم على دارها :


يبو ابراهيم داسوها ثنيتك
وما راعو حرمتك باهل بيتك
گبل لا تندفن نكرو وصيتك
يبويه تشوفني بهالحال ريتك
________
يبويه انكسر ضلعي ونزف دمي
وخذو مجتوف من داري ابن عمي
تمنيتك يبو ابراهيم يمي
وتسمع شكوتي وحزني وهمي
________
يبويه الگوم عگبك ما رعوني
بحقد للدار ذاك اليوم اجوني
احرگو بابي يبويه وشتموني
وجنيني سگط مني من اعصروني
________
اون بهداي بويه بهدوت الليل
اونين المنهظم يرادله حيل
اضم كسر الضلع عن حامي الادخيل
گبل دمعي اشوفن مدمعه يسيل
________
الشاعر عبد العظيم احمد الابراهيمي

شوط كربلائي استشهاد الامام الحسن العسكري (ع)

وينه العنده دمعه اليوم .. يگصد بيها سامره
يم العسكري المسموم .. يلگه المهدي والزهره
_____________
يالعندك دمع مضموم هذي ساعة الدمعة
من توصل لسامراء تسمع ونت البضعة
على الما تمم اتلاثين لازم گلبك تفجعه
عمره ثمانية وعشرين
ما تمم تره اتلاثين
اعليه حگ لو عمينا العين
مظلوم الحسن مظلوم يالتنشد گضه عمره
____________
يا شيعة الحسن مظلوم وكل طاغي اليجي يسجنه
بعهد المعتز الملعون والمهتدي اعليه لعنه
وسجن المعتمد يشهد اندس سم الچبد منه
چبده من السم اتگطع
هاشم ليش ما تفزع
تاخذ ثارها مربع
من زمرة بني العباس چم دم تطلب العتره
____________
من اول ربيع يلوج من السم المرد چبده
يتلوه ثمن تيام اعله العتره غدت شده
وصارت شيعته بحيره المن تتجه بعده
لمن حان توديعه
حيره صابت الشيعه
المن تنطي البيعه
تگول اللي يصلي اعليه واجب نتبع امره
__________
المهدي بعمر خمس سنين نحى من الصلاة عمه
وصلى اعله النعش والناس كلها بيه مأتمة
ونعشه تشيع اعله الروس وكل الشيعه ملتمه
وكل سامره مفجوعه
وكل شيعي جره دموعه
الحسن يستاهل اللوعه
ويدرون بغيابه اليوم تبدي الغيبة الصغرى
___________
صح مات الحسن مسموم وبالهم خلصت ايامه
لچن ما ظل بلا تغسيل ولا رضوهن عظامه
ولا داست عليه الخيل ولا حرگوهن خيامه
محد مثل ابو اليمه
توزع عالترب جسمه
وزينب طلعت تلمه
مدري بيا گلب شافت اخوها المنگطع نحره
____________
الشاعر عبد العظيم احمد الابراهيمي

تجليبة في استشهاد الامام الحسن العسكري

على مصابك تهل عيني يبو المهدي
وگبل چبدك يريته السم مرد چبدي
______
يحگلي انحب وون واجري الدمع والطم
على مصاب الامام المرد چبده السم
عليه وجه السمه بهذا المسه مغيم
وبدار الوحي حادي الحزن يحدي
__
صوت الناعية بدار الوحي ينعه
من بيت النبي اليوم انطفت شمعه
لارض سامره كصدت جدته البضعه
وتنادي وينه اليواسيني بولدي
___
وينه اللي على مصابي يواسيني
لو سم لو چتل خلصوا تره ابنيني
لچن كل البچي والنوح لحسيني
ابو السجاد جرحه بكل گلب يدي
____
مصايبهم تلوعني وتبچيني
والدمعه ابد ما فارگت عيني
وينه اللي يون يا شيعه لونيني
بكل ونه اجر يوم الحشر عندي
__
انا والمهدي هاي الليله نتشارك
بعزانا ويبني اگله ما وصل ثارك
امك يابو صالح تنطر اخبارك
وتنشد يمته ثارك يالغبت يبدي
__
سل سيفك واخذ ثار اهلك بزودك
يلموعود يمتى توفي بوعودك
الك منذوره شيعه وكلهم جنودك
وصيح بصوت انا حامي الحمه جدي ____
الشاعر عبد العظيم احمد الابراهيمي

شكوى الصديقة الزهراء (ع) بعد حرق الدار

نارُ نمرودٍ بداري سُعّرت
وبها مهجةُ طه احترقت
عَهدُهُ لَمْ تَحفَظوهْ
بئسما خلفتموهْ
_____________
اليدعي صحبة محمد .. سامع بحگي شيگول
گال : فاطم بضعة مني .. يعني جزء امن الرسول
يغضب الباري لغضبها .. ويرضى من ترضى البتول
ما سمعنا الصحبة تغدر .. وهايه مو من الأصول
قَدْ أتَى بَعدَ اللُّتَيا والّتي
قَائلاً : خَلّفتُ فيكم عترتي
قَدْرهُ ضَيعتُموهْ
بِئسما خلّفتُموهْ
____________
چان ابوي ابابي يوگف .. حتى ينطيكم علم
يعني باب الزهرة بابي .. وموضع انزول الكَلِم
وگفته اعله الباب حجة .. الباب لازم ينحشم
من محمد ما خجلتو .. بحرگه يشباه الزلم
روحه لله مذ إنْ صَعَدَتْ
دينكم جلبابُهُ قدْ سَمَلَتْ
بَابُه أحرقتُموهْ
بِئسما خلّفتُموهْ
___________
الما سمع طه اوصيته .. وخله هالحجة عُذر
بالكتاب لهل قضيه .. يلگه ايات شكثر
آية القربى توضح .. طه ما رايد أجر
راد للعترة مودة .. مو حرگ باب وكسر
يا لِهونِ الدَهرِ هل مثلي تُسبْ
وهَي خَيرُ النّاسِ من أمٍ وأبْ
مَنْ هَدَاكمْ تَشتُموهْ ؟!
بِئسما خلّفتُموهْ
____________
الصاحب يوافي لصحيبه .. هاذي فطرة من الأزل
مو يصير بظهره خنجر .. گبل لا يلفي الأجل
چان ربكم قبل ابويه .. اللات والعزى وهبل
( الأصل غلاب) يبقى .. صدق من گال المثل
لاقى ما لاقى مِنْ الجَهلِ أبي
مثلُهُ ذاقَ الأذى أيُّ نبي
كمْ وكمْ آذيتُموهْ
بِئسما خلّفتُموهْ
____________
راح الاگي الهادي باجر .. ويمه اسولف قصتي
بدمعتي أردْ أشتكيلة .. كسر ضلعي وسطرتي
بويه بس غمضت عينك .. هموم مطرت دنيتي
السمو انفسهم صحابة .. بويه داسو عتبتي
عندما ألقاهُ أُبدي شكوتي
يا أبي قد غصبوني نِحلتي
قولُهُ خالفتموه
بِئسما خلّفتُموهْ
___________
الشاعر عبد العظيم احمد الابراهيمي

لسان حال مولاتي زينب (ع) تخاطب النار التي احرقت باب الزهراء (ع) :

شتريد النار .. تطلبنا بثار ؟!
يوم اعله الزچية
يوم اعله السبية .. شتريد النار
_________
ارد اسأل النار الدوت بيها الباب
اتآمرت ليش اعلينه وي الاعراب
باب الزچية حرگته ليا اسباب
يا ما وگف طه اعله هاي الاعتاب
يا نار ؛ الدار .. دار المختار
دار الله ونبيه
وحماي الحمية .. شتريد النار
______
زينب أنْا وگلبي بلهيبچ شاجر
بكل نايبه فعلچ علينه حاضر
اليوم ويه امي وبخيامي باچر
ذنبچ ولا يختلف عن الحافر
كون تخجلين .. هاي أم حسين
بت سيد البرية
وصديقة وزكية .. شتريد النار
______
يتجازى بالنار احنه ندري المذنب
باب الزچية ليا ذنب نار يشب
ما شفتي خلفه الزهره لاذت تندب
شعتذر.. ما گلتي النبي من يعتب
طاوعتي شلون .. چف الملعون
يا عظم الزرية
اعله الهادي اوصيه .. شتريد النار
______
ما خذتي من نار الخليل العبرة
وبرْد وسلاماً صرتي يم الزهرة
ملعونه أنتِ وكل هذيج الزمرة
بحرگت الباب احرگتي گلب العترة
بچف الشيطان .. فلان ابن فلان
وفلانه الدعية
مصدر كل اذية ..شتريد النار
______
ويوم الج ثاني اشد كل ايامي
يوگع حسين وتحرگين خيامي
اركض لخويه والجمر بجدامي
والكاه صريع اعله التراب ودامي
اعميها العين .. ولا اشوف حسين
تحت الاعوجية
ويعاين عليه .. شتريد النار
______
الشاعر عبد العظيم احمد الابراهيمي

لحن شتريد النار

قصيدة (حنان الوالدة ) لسان حال السيدة زينب(ع) بعد استشهاد الصديقة الزهراء(ع)

بلله شيصبر گلبها الفاگده
ومحد يعرض حنان الوالده
شمعت الدار انطفت .. والعقيلة اتيتمت
ومحد يعوض حنان الوالده
_____
زينب تنادي يبويه بگلب مدمي
راحت عيوني تره من راحت امي
چانت من تگلي يمه يزول همي
بلايه شوفتها يريت عيوني تعمي
نكسر الخاطر بگينه خلافها
الما شفت بين البشر بوصافها
دارها وحشه صفت .. والعقيلة اتيتمت
ومحد يعوض حنان الوالده
_____
من ادخل لحجرتها تخنگ صدري عبره
اگعد بمحرابها واصرخ يزهره
يا ورد ما أگصر بهالدنيا عمره
ضلعج بگلبي احس يايمه كسره
چلمة اليمه تكض بلساني
يا جرح گلبي وجرح خواني
الكلها حنيه مشت .. والعقيلة اتيتمت
ومحد يعوض حنان الوالده
_____
لفرگتج يم الحسن ما تكفي ونه
الله لا ينطي الگبر غطه المحنه
شعنده ويانه الدهر طشر شملنه
اخذ امنه شبعد ظل عدنا من اهلنه
من بعد عين الحنينه الغاليه
چن گلبها الدار ظلت خاليه
الدار والبيهه بچت .. والعقيلة اتيتمت
ومحد يعوض حنان الوالده
_____
يمه البنيه تضيع بلايه امها
لو مشت سيف الدهر يذبح حلمها
چنتي راحة روحي شو صرتي المها
تبدت سنيني دمع وشلون المها
لگبرج انا واخوتي تعنينه
يم هلا ما گمتي تتلگينه
روحي يم گبرج نعت .. والعقيلة اتيتمت
ومحد يعوض حنان الوالده
_____
وحدي عفتيني شعجب والدنيا مره
بكربلة تنتظر گلبي جروح كثره
راح اشوف حسين والخيل اعله صدره
وعالشريعه ينكسر ظهري ويه ظهره
راح اصير ابين اخوي الضامي
وبين نيران التشب بخيامي
محنتي بفگدج بدت .. والعقيلة اتيتمت
ومحد يعوض حنان الوالده
_____
الشاعر عبد العظيم احمد الابراهيمي

موشح في استشهاد الامام علي الهادي (ع)

جينه سامره نريد اخبارها
يا شمس هاي الطفت انوارها
__________
گصدت الارواح صوب اهل المجد
وحول دار الهادي ملتم الحشد
وگفت اعله الباب واتدور نشد
ليا سبب ما حيت بخطارها
__________
بين ندب الناعية وصوت العويل
وبين الدموع العله عتبه تسيل
ياهو اليخبرنا ويبرد الغليل
عترت الهادي محزنه اديارها
_________
لن ابو محمد اجه يهل دمعته
حافي واعله الراس ماهي عمامته
بموتت الهادي يخبر شيعته
وغدت تبچي ازغرها واكبارها
_________
الهادي آهات ومآسي شكد جرع
ولهذا العسكري مفرع طلع
صوت هز سامره من عنده انسمع
امصيبته بيا دمعة تبرد نارها
_________
من بعد ما غسله ولف الچفن
گبل ابوه بالگبر يتمنى اندفن
بهالمصيبه اتذكر الطف الحسن
يوم دارت على حسين اشرارها
________
يل على الهادي تنوح وجبدته
اذكر مصاب الذبيح وغربته
ليا سبب بالخيل داسو جثته
باچر من الباري شنهو اعذارها
_________
الشاعر عبد العظيم احمد الابراهيمي

موشح لقضاء الحوائج ببركة مولانا موسى بن جعفر الكاظم (ع)

بحاجتك بغداد اگصد ليها
موسى ابن جعفر الك يكضيها
_________
يل كثر همك وكبرت محنتك
اگصد لباب المراد بدمعتك
ما ترد الا بيمينك حاجتك
الصعبة عندك سهله عد راعيها
____
ابو طلبة ما يردلك طلبتك
لون گتله اعليك زينب عمتك
گبل لا تطلع تجيك بشارتك
خالية جفوفك حشه يخليها
_
لو وصلت الباب قَبّلْ عتبته
وانخه الهي بجاه موسى وغربته
الـ عالجسر ظلت غريبة جنازته
همومي حرت منين الك ابديها
_______
يا الهي بجاه موسى وجبدته
ولوعة المعصومة يوم مصيبته
بلهفة الشيعة التتاني طلعته
حاجتي لغيرك ولا احجيها
___
بجاه ساگه الرضته گيود الحديد
وغربته بسجن الرشيد اللارشيد
اليوم من باب الحوائج حاجه اريد
الروح تشكي ومحد يشچيها
____
انا يا باب الحوائج معتنيك
يا اسد بغداد سائل بين اديك
عندي نخوه وانت غوث الينتخيك
همومي كثرت وانت اعلم بيها
_________
خادم اهل البيت ع
الشاعر عبد العظيم احمد الابراهيمي

ملمع في استشهاد الامام موسى بن جعفر (ع)

هَلْ كَاظِمُ الغَيظِ الَذِي مَسْجُون ُ
أمْ إنّهُ المَسجونُ ذا هَارونُ
صَارَ سجنُ اللاّرَشِيدْ
خَلْفَ قُضبَانِ الحَدِيدْ
______________
يسائل عن امام الرافضة السابع
هذا النور من بيت الوحي ساطع
رغم جور الزمان وسطوة الطامع
السجن كدامه والسجان ظل خاضع
طامورةٌ ذي اللب فيها يحيرُ
صارت له عرشٌ وصار اميرُ
فَوقَ هَارُونٍ يَسيدْ
خَلْفَ قُضبَانِ الحَدِيدْ
__________
گضه عمره ظلام بوسط طاموره
شمس خلف السحاب وما حجب نورة
ملايين ابن جعفر نكصد نزوره
اوينه اللارشيد اوينها قصوره
فَالكَاظِمْيَةُ نُورُهَا وَهَّاجُ
مَا عَادَ مِنْها خَائبٌ مُحتاجُ
إنَّ فِيهَا مَا تُرِيدْ
خَلْفَ قُضبَانِ الحَدِيدْ
__________
بملكه وكل كيانه وسطوته هارون
قلق عايش نهار وليل من مسجون
سجان ويخاف من السجين شلون
لان يدريه امام وبيده امر الكون
هو راهبُ الرهبانِ والطغيانِ
ووريثُ طه من بني عدنانِ
صَمتُهُ مثلُ الرَعِيدْ
خَلْفَ قُضبَانِ الحَدِيدْ
____________
يظن هارون وبظنه يظل واهم
بگيود الحديد يگيد الكاظم
الظلم گيد ويصير برگبة الظالم
يجي يوم الندم ما ينفع النادم
يـومٌ بـهِ لا تَـنْفَعُ الأعْـذَارُ
إنْ كَانَ خَصمُ الظَالمِ المُختَارُ
مَنْ لَهُ يومَ الوَعِيدْ
خَلْفَ قُضبَانِ الحَدِيدْ
______________
يظل موسى بن جعفر كعبة ونطوفه
وهارون اللعن ما فارگ حروفه
برض بغداد گبر الكاظم تشوفه
خالي ما ترد الگاصده جفوفه
ما مَاتَ مُوسَى والعَطاءُ دليلُ
كَهفُ النَجاةِ إلى الإلهِ سبيلُ
إنَّهُ غوثُ الطَرِيدْ
خَلْفَ قُضبَانِ الحَدِيدْ
____________
خادم اهل البيت ع
الشاعر عبد العظيم احمد الابراهيمي

نعي استشهاد الامام موسى بن جعفر الكاظم (ع)

وين الوفي والبي شهامة
يكصد لرض طيبه بسلامة
ويصيح حيهم يا نشامة
ويم هاشم يذب العمامة
ويفرع ويكشف الهامة
ويكثر عتبهم والملامة
تنامون يصحاب الوسامة
مسموم ابنكم يا عمامة
فوگ الجسر نعش الامامة
لسيوفكم مامش علامة
____
حيهم يحلوين الشمايل
يالزودكم جازي الحمايل
تره هاي ساعات المراجل
ينام برغد وسفه العايل
وابنكم گضى وبيده السلاسل
_______
خادم اهل البيت ع
الشاعر عبد العظيم احمد الابراهيمي

قصيدة بحق الإمام موسى بن جعفر الكاظم ع


ياغريب شحال كلبك بالسجن
وانت لعيالك بكل مغرب تحن
______________________
يل نهارك نفس ليلك بالظلام
متت وانت بصدرك شكد ظل كلام
كل نفس بي تشم دخان الخيام
بحسره لمصاب الجره بالطف تون
__________________
جرحك يشابه سجودك هم طويل
جرح غربه وعالكلب كلش ثكيل
للطفوف ولهلك دموعك تسيل
وتشعر بموتك لمنْ ليلك يجن
_______________
رايد تشم عطر كبر المصطفى
وتكصد حسين بكلب ينزف وفه
تكله زينب بقت عالتل واكفه
ليش ما تكعد تحامي ام الحزن
_______________
بيا ذنب تنحرم من عيالك
وحْدك وفاركك حتى خيالك
لا ولد لا اخو اليدري بحالك
بليل غربه شلون كلبك يطمئن
_______________
شلون عشت بظلمه واصلا انت نور
بيا ذنب ظلمتك عُبّاد القصور
ما درو بالوكت عالظالم يدور
ناجي من النار اليضدك يضن
_______________
ياغريب اوطن لليكصد غريب
ياطبيب الناس اذا شح الطبيب
ياحبيب لكل بشر فاكد حبيب
تنطي وبهاي العطايا ما تمن
________________
خادم موسى ابن جعفر ع
الشاعر عبد العظيم احمد الإبراهيمي
07831432744

قصيدة بحق الإمام موسى بن جعفر الكاظم عليه السلام
على لحن قصيدة باسم الكربلائي (يابو فاضل)

يا غربتي     صار سجن الطاغي داري
ياغربتي      تشابهن ليلي ونهاري
ياغربتي      والدمع ما يطفي ناري
        ياغربتي
_____________
بين ثكل الكيد وافراك الحبايب
غربه عشت العمر والدلال ذايب
عمري من ينعد على كد المصايب
والله بي ياناس شفت انا العجايب
من قيودي    اتذكرت كيد السبيه
من قيودي     ضكت جرح الغاضريه
من قيودي     يبين بوجهي انكساري
         ياغربتي
_____________
شلون تغمض عيني وانا بروحي عاشر
ساهر ودمع الجفن وياي ساهر
ينرسم بعيوني منظر للحوافر
والعليله اسمعها تصرخ لا تسافر
لا تسافر    صرخه حسيت بألمها
لا تسافر    بسجني واستشعر هضمها
لا تسافر    دمعي وي دمعتها جاري
        ياغربتي
_____________
حزني مو من السجن والمر عليه
حزني كله بسبب يوم الغاضريه
احنه ما عدنا مره تمشي سبيه
آه يا زينب صرختي بكل مسيه
يابو فاضل     صاحت وبذني اسمعتها
يابو فاضل     طيحة ايدك مو كتها
يابو فاضل      منها كل حزني ومراري
         ياغربتي
________________
بغربتي ومكيده جفيني السلاسل
يضرب السندي ولا اكدر اقاتل
اتذكرت غربة حسين ابلا بو فاضل
يكله ترضه اختك تظل بلايه كافل
عالشريعه ينظر وأيده اعله ظهره
عالشريعه ينادي بس مخنوك صدره
عالشريعه كطعو يميني ويساري
ياغربتي
_______________
انا صح بالسم تكطع وصل جبدي
وهم بقيت بغربه وحدي مثل جدي
لجن ما ذبحو كبال عيوني ولدي
وخيم محتركه بالنيران عندي
كلبي ضامي ياهو من هالناس مثلي
كلبي ضامي لجن مو للماي لهلي
كلبي ضامي بالدمع خلص حواري
ياغربتي
_______________
خادم أهل البيت عليهم السلام
الشاعر عبد العظيم أحمد الإبراهيمي

قصيدة تروي قصة الإمام موسى بن جعفر الكاظم عليه السلام


يالتناشد ليش نلطم عالصدر
ويا امام النعشه ظل فوك الجسر
-----------------------------------
كون ما تدري عليمن هالدمع
وكلب كل شيعي عليمن منفجع
يالتناشد راح اخبرك واستمع
حتى تسمعني تحزم بالصبر
__
اليوم مفجوعين ونزيد النحيب
لكاظم الغيظ اليسمونه الغريب
كل شي بالعالم على مصابه كئيب
والجمر كلبه على الكاظم جمر
___
غربة خلص عمره من سجن لسجن
تون حيطان السجن لمن يون
يجي الليل ويبدي لعياله يحن
واعلة عينه النوم ابد لا ما يمر
____
بسجن ابن شاهك كضه سنينه الامام
ليله ونهاره غدن نفس الظلام
لوصفه بالطامورة ما يكفي الكلام
والحروف لوصف حاله تعتذر
___
نحل جسمه من ثكل كيد الحديد
بركبته وبجفوفه وبرجليه كيد
رادو يذل للرشيد اللارشيد
واخر الحل شافوه وياه الغدر
____
وكتب لابن اسويد حانت ساعتي
ملتقانه الجمعه بلغ شيعتي
عالجسر خل تستعد لجيتي
الفرج كرب للفرج خل تنتظر
___
وبرطب مسموم وافاه الاجل
بغربته لا من عمام ولا اهل
جنازته مرمية ابن خير العمل
لحاله حتى الحجر كلبه ينكسر
____
هذا قطرة ابحر من المر عليه
المات وكيود الحقد بجفوف اديه
باب حاجه وما يرد اليعتنيه
كل عسر يم بابه يتحول يسر
___
خادم موسى بن جعفر الكاظم عليه السّلام
الشاعر عبد العظيم احمد الإبراهيمي

نعي

كانت بنت للإمام الكاظم عليه السلام فاطمة المعصومه تشابهت في مصيبتها مع فاطمة العليله بنت الامام الحسين عليه السلام لسان حالها تقول

كلبي مثل كلب العليله
متاني يرد بلكت خليله
بس صارت الغيبه طويله
والدمع ما بطل مسيله
****
انا اهلي كلها وياي بالدار
لو ردت شي يصيحون الف صار
واعلينه رايح راد خطار
مصابي سهل كدامها صار
بالباب تكعد ليل ونهار
فوك المرض بيهه الوكت دار
فكدت ابوها وكل الاطهار
من تون المن تون تحتار
*****
خادم موسى بن جعفر عليه السلام
الشاعر عبد العظيم احمد الابراهيمي

نعي

لسان حال الإمام الكاظم عليه السلام في السجن

مشتاك لهلي الفاركتهم
عدلين بس محروم منهم
جنت انتظر لمت شملهم
وبالدار ارد واكعد بنصهم
******
بطاموره ظلمه العمر عشته
جم مره بيهه الموت شفته
وجرح السبي من الكيد ضكته
شما يحز كلبي تزيد ونته
******
زينب التشبه علي الكرار
توكف بنص ديوان الاشرار
شما يجي ابالي الموقف انهار
ويا دمعه اهلها لزينب احتار
*****
خادم موسى بن جعفر عليه السلام
الشاعر عبد العظيم احمد الابراهيمي