📜 القصيدة: يلفادينه بخضابه
🎤 أداء: مسلم الوائلي
🖋 كلمات: أحمد الشميساوي
~~~~
يا أبا عبد الله يا أبا عبد الله
~~~~
بسمك صرنه نتغنه يامن حضرتك جنه
يزهي اعله الخلگ يحسين ضريحك شو شمس جنه
يلي فازع بنحره عليك گلوبنه موجره
شمة ريحة الشباج تسوه الدينه والزهره
وبيوم القيامه نصيح حين الي يجازونه
ما نرغب بكل لذات ويحسين خلونه
~~~~
يلفادينه بخضابه گلبك وشوسع بابه
حگنه بكل زمان نصيح آه يحسين ومصابه
غيرك أبد ما نهوه كون نروحلك فدوه
بزيارتك يا مولاي عشنه ايامنه الحلوه
شما نمشيله ما نوفيه ولا حگ قطره من دمه
شكرا من گلب ولسان يا ربي اعله هلنعمه
~~~~
الله لا ينسينه فضلك يا ابو سكينه
مرفوعين دوم الراس مجلسكم مخلينه
يا أطهر عشگ بلكون فدوه عزازي الك يرحون
ما تستاهل انته دموع نبجي عليك كون عيون
دخيلك يلمتت لناس يلفازع بعبد الله
ثبت بلگلوب الشوگ يلثبتت دين الله
~~~~
لوله عيونك متيهين شكرا يا حلاة الدين
خلصنه العمر مولاي نبجي بمجلسك يحسين
يلما بيك شي سالم نحرك فضله علوادم
الدنيه وما اريدنهه بس نصبني الك خادم
انته وماكو غيرك راح يستوطن بدلالي
يا محله السوالف بيك طاريك شگد غالي
~~~~
أي والعل عرش خطاك ما نرتاح إلا وياك
بجينه عليك حسين كون ومن صدگ نهواك
يلجسمك موذرينه بفي شيبتك خلينه
حته بكل وكت مولاي جمرات الخيم بينه
حرگه ارزقني يا مولاي وبجي شما بشر ينعه
الدمعه التطيح عليك ما تتقارن بدمعه
°°°°°°°°°°°°°°°°°°°°°°°°°°°°°°°°°°°°

📜 القصيدة: تذكرةعشاك
🎤 أداء: مسلم الوائلي
🖋 كلمات: علاء عبد

عندي تذكرة عشك محتاج اسافر بيهة
سفرة لعيونك لجن من يا مدينه ابديهة

وين ابحر شراعي ما يندل الساعي

عندي تذكرة عشك عندي تذكرة عشك
****
درت كل مجلس اعليك وضرف وبنصه خليت
. رماد خيام علويه

ييوسف فاطم هواي تعبت منالحجي الجاي
شبعد يمطول الجيه

متى تفك للفرج باب. يمهدي شطول الغياب
يريد اثار راعيه

كاتب رساله بدمعتي بس المن انطيها
ياماي يافي ياشمس يمك تـــوديها
كل ماشفت مهره الفجر كلت انت راعيها
وكل ما شفت طفله عطشت كلت انت ترويها

شبت بكلبي الخيم محتاجك اطفيهة
سفرة لعيونك لجن من يا مدينه ابديهة
****
يا حلم المساكين يعش بحضرة حسين
عليك تفرفح الفقره

الم نشرح يملكلك يقران الفجر ذاك
نسمعه بنبره الزهره

يمهدي نحبك نصيح عشك وادم فلاليح
نقره الندبه عل فطره

ربوني عل فطره هلي والخدمه عل نيه
شباج جدك من نزوره نشربه ميه
كل الهوه المابي علي مايدخل الريه
والمايلوذ برايتك معروف تاليه

يا غيره الله طلعتك عايش على طاريها
سفرة لعيونك لجن من يا مدينه ابديهة
****
شنو حساسك يمولاي من تمر على الماي
وتذكر عمتك بهيمه

هم تحضر تشابيه وتسمع جدك يصيح
خذوني وعفو الخيمه

عذراً لو جرحناك وقرينه اعلى السبي ذاك
وذكرنه المجلس وضيمه

نذكر تفاصيل الجرح وكليبك نكسره
كلهم عزاز المشكله يا موقف نعبره
من اخر اودع لعلي والباب والعصره
ونقرالك ارباب العلعل بدمع والحسره

الطف اكبر من الذكر من ياكتر نلغيها
سفرة لعيونك لجن من يا مدينه ابديهة
****
أجيتك مثقل ذنوب غرت جدمي الدروب اريدگ تستر أعليه
تايه ماعرف وين وجيت المجلس حسين يمهدي احچيلك البيه
أبچي واغتسل شوگ وگص ذنبي منلعروگ ورد عمري اعلى راعيه

اعذرني لوكل جمعه يمك عرضو اعمالي
والله يامولاي طيشي يدوم حسبالي
الحمدلله عل خدامه الصلحت التالي
ودموع مجلس فاطمه اليخلد افعالي

هاذي ساعت خدمتك من يادموع اوفيها
سفرة لعيونك لجن من يا مدينه ابديهة
****
يمولاي نملت جور برخص الماي النحور عجل ورفع الرايه
الا من ناصر تصيح الكرامه تكوم وطيح واليعثرونها هوايه
الملح شارد من الناس المكابر تحلم بياس ومحد ياخذ حچايه

عجل يبن خير العمل مولاي ملينه
الرايات كثرن سيدي وشتبهن علينه
وكلمن يطلع معجزه لبياض جفينه
وهواي عدنه اعورگلب مولاي موعينه


هاذي صهلت مهرتك ودور براعيها
سفرة لعيونك لجن من يا مدينه ابديهة
****

قصيدة | نشتم هوى العباس
أداء | مســلم الـوائـلي
كلمات | قاسم رضا
***
اذا ضاگ الهوى بينه واجينه اندور انفاس
اتأذن يا رسول الله نشتم هوى العباس
عشگناه وكبرنه واذا يخلص عمرنه
نشتم هوى العباس نشتم هوى العباس
***
جننه حبه وغرامه
شيخ الأدب والوسامه
من زغره يفرض .. وبگلبي ينبض
حنيه ما صح مثلها

ياهو احله منه واحبه
وبگلبي معشوگ احسبه
بس هو وحده .. وما اهوه بعده
كل شده بس عنده حلها

حگنه اندوخ وبي محتارين
من طين الكافل مخلوقين
عباس يموت بدون حسين
واحنه انموت بدون العباس

عفت كل الفرح لهله واجيت بدمعة العين
اشكرك يا رسول الله خوش انطيتنه اثنين
حجيناك بكسرنه واذا يخلص عمرنه
نشتم هوى العباس نشتم هوى العباس
***
لعيونه ذبنه وسهرنه
همنه بگمرنه وكبرنه
من گلبه نسمع .. حنيه تطلع
عيشني حلم الطفوله

لم الجمال بصفاته
حيرني مدري شحلاته
شيخ المحنه .. وغيرة زلمنه
الما فارگ عيوني طوله

منك ناخذ غيره وايثار
هم يبجي البجيت سابع جار
امي تسمي العباس الحار
فضله التارس كل الناس

اذا عفت الگمر لحضه احير بفيض الجروح
احب الكافل وزعله اشد من طلعت الروح
بحنان جفوفه صرنه واذا يخلص عمرنه
نشتم هوى العباس نشتم هوى العباس
***
صلى الله بسمه وتجله
وصار الگمر احله قبله
قبلة عشگنه .. وخيمة سترنه
وصاحبنه ونحب نصونه

ما عندي بس عندي هوه
يسوه العشگ والله يسوه
علمني اخدمه .. وهيمني بسمه
وما عشت لحضه بدونه

من عينك ينگط حب واحساس
كافل اخته الما دنگ راس
ما يشبه واحد من الناس
بس عباس اليشبه عباس

احبك يا رسول الله لأن علمني مولاي
اذا يعطش گلب حبك يروي بكاسك الماي
يصليلك دمعنه واذا يخلص عمرنه
نشتم هوى العباس نشتم هوى العباس
***
عين الزجيه ونظرها
وصلت جبدها وگمرها
علمنه الأمثل .. وبعمره مازل
فسر كتاب الله كله

جم مرسل من الله نازل
غيث الخيم يابو فاضل
بعيوني يحله .. وما عدنه مثله
كل الخلايق تجله

لو موجود بفاجعتك جان
ما يگدر يتصداله انسان
والطبگوا عالزهره البيبان
گدامه يضيعون الانفاس

امس لبنيتك الزهره لون فازع الخيال
ذاك الي دفع بابك يصير اگباله تمثال
يأدبنه ويلمنه واذا يخلص عمرنه
نشتم هوى العباس نشتم هوى العباس
***

📜 القصيدة: هل من توبة يا مولاي
🎤 أداء: مسلم الوائلي
🖋 كلمات: ابو حميده الشويلي


عالضايعين انه انحـسب
لـحـد يحبني ولا احــب
ليلي وانهاري اويه الذنب .. حرام

ذبيته كــل عمـري الـمـضه
جـيت وعُـيوني امغـمـضه
گلبي استحه وطالب رضه .. وغرام


انه اسف .. استحيت وگتلك ..حُسين
انه اسف .. و الـوذ ابـخـتك .. حُسين
لاتـهـدني .. اريـدن حُـبــك .. حُسين
انه اسف .. امس جي عفتك .. حُسين


بس لا اخسرك وامشي الضياعي
وشيرجعه گلبي عليك
مو حلوه مني كل مره اعــوفـك
وترجع تلمني بإديك


رحمتك تلمع اگبالي و اسد عيني
اضيعك انه جنـدوب و تــدلـيـني

هل من توبه يامولاي

....................

لاتكشف اوراقي لان
اعمالي ابد ماينحجن
سّــود مـلفاتي الزمن .. وطفيت

جنـت انه عـايش ملتـهي
بشي مايخصني ومو الي
الـفي رحمـتك يابـو علي .. اجيت

انه راجع .. واجر بروحي .. حُسين
انه راجع .. اريد اجروحي .. حُسين
حزن وحُب .. اعيش ايامي .. حُسين
انه راجع .. وشفت جف يوحي .. حُسين


جـفـك يـأاشــر ااتـگـرب يـگــلـي
وبي خمس اصـابع اشــوف
وجف دامي اشوفه وبلايه خنصر
خلاني كــلشي اعــوف


اشوفن جفك الدامي يــدنـييني
اضيـعك انه جندوب و تــدليني

هل من توبه يامولاي

.........................

امن الدنيه هاي اشحصلت
امن الناس كلشي ماشفت
بـس ابخدمتك من صرت .. جبير

حبك هدم عمري هدم
رد وبناني وصرت اسم
كل هذا وانت ابلا هدم .. احير

منو غيرك .. قبل بالمثلي .. حُسين
منو غيرك .. بعبيده ايدلي ..حُسين
انه ضايع .. ولگاني المجلس ..حُسين
منو غيرك .. تعــال يگلي .. حُـسين


ياهو اليــخلي باله عـليه
ويلفي واحد عصاه
وياهوه مثله يقبل عدوه
بالحر قبل من اجاه


اريـدن حـر الك ثـاني تـسويني
اضيعك انه جندوب و تــدليني

هل من توبه يامولاي

...................

ارجـوك لاتستبدله
گلبي منو غيرك اله
خلي يضيع بكربله .. ويروح

خلي يروح اويه المشن
وعافن خدرهن والضعن
اعيونك عليهن غمضن .. جروح

عله خدرك .. تـــدور اعـيونك .. حُسين
عله خدرك .. وتشوف اضعونك.. حُسين
سوه طلعن .. يركضن حيره .. حُسين
عله خدرك .. تحير اضنونك .. حُسين


جروحو حميتك بركضة بناتك
وعينك ترسهه التراب
والخيل اجتك ياهو ليشيلك
مـوتـني هذا المصاب

منها والحزن غطه سمه اسنيني
اضيعك انه جندوب و تــدليني

هل من توبه يامولاي

..................

لاجلي انت نايم عالترب
جدا الا الـلطم عــالگلب
وللموت خل دمعي يصب .. واصيح

اتـخـيـل ابـالــي الــهــظــم
من حاوطك جيش الخصم
ابـن الـنـبـي ومـاتـنــرحــم .. ذبيح

اجت اختك .. تدور عنك .. حُسين
اجت اختك .. تريد تحضنك .. حُسين
لجن انت .. ذبيح وعاري .. حُسين
اجت اختك .. تنوح الحزنك .. حُسين


هاي المصيبه الخلتني ارجع
و اصـرخ اويلاه حُسين
وتبقه المصيبه زينب غريبه
وشافتهه بالحومه عين

غريبه ام الخدر صارت عمت عيني
اضيـعك انـه جنـدوب و تــدليـنـي

........................

📜القصيدة: باب زينب
🎤 أداء: مسلم الوائلي
🖋 كلمات: موسى حميد المحمداوي


بلكي الله تتعطل يالغروب
بيك اعله زينب تنسد البوب
اللوعه تنشاف الـ بالگلوب
چا بس عليچ اتطول الدروب

الوگفه اعله بابچ زينب انريد
بابچ ترى ايغير المواليد
وتهيد بيش گلوبنه اتهيد
عزّت عَلَيْ جيت المواعيد

لا اني اجيت اويه اليزورون
ولا غرّبت ويّه اليغربون
كون الجنايز يمچ … اتهون
بتابوتي اگلهم زاير ام عون

ناذرلچ اوصل بيّه عطّاب
واوگف لحد ما يتعب الباب
الماضَم ملامح حزنه النگاب
هذا الضريحچ صارله اصواب

محتار اسكت بگلبي؟ بالعين؟
وين اني والماشين الچ وين
هم انعم الله ويمي الحسين
چا هسه ضايع بين الاثنين

يهدني الدمع وتكضني الاحلام
وتاخذني من الشام للشام
اليوم بفرگتچ ينحسب عام
ومن نلتقي يمر مسرع اجدام

عذريني مثل العام ما جيت
روحي اعله بابچ واني بالبيت
نوّمت ليلي و وحدي ضليت
خاف الحزن يحسبني مليت
****
لم بلزغار اضيع الكبار
تحتار زينب والله تحتار
شبو خيمنه عكبك بنار
بعدك ياخويه تدري بلدار
****
ما صارت كبل ياناس زلم تركض وره مريه
والتهضم بعد اكثر هاي المره علويه
جتك خيلهم يحسين تكدر تسحف شويه
يانيم على التربان يلماشارب اميه

يحسين موشحنانهة النوك
عمدن علينه طبن السوك
****
موخوش حداي حادي النوك. مو خوش حداي
بار الماي يبو ريج يابس بارد الماي

****
وعلي من الناكه اذب روحي اذا ما توكف الناكه
الك يحسين من رديت بس رديت مشتاكه
****
طبينه القصر يحسين
بس شلون طبينه
كلهة عيونه على الروس
وانت عيونك اعلينه

📜 القصيدة: چزه الشوگ الضريحج
🎤 أداء: مسلم الوائلي
🖋 كلمات: ابو معصومة الفريجي
~~~~
غريبة زينب    غريبة زينب    غريبة زينب
~~~~
جزه الشوگ الضريحج والگلب ضل يحسب أيام
ما عايشها هاي اللوعه بس الباجي بالشام
الموت وما ازورج لون يهون
اذا هاي السنه ابقى وغيري يرحون
اباب الساعه اريد اوگف يبت الزهره ساعات
وتخيل ضعن مسلوب من هذا الدرب فات

أمشي أبو الأكبر عليج
هالسنه خليني اجيج
~~~~
ارزقيني اذرف دموعي وبلل ذيج الاعتاب
ووگف منكسر وايد اعله ظهري وايد عالباب
حته وانتي ميته الغربه بحذاج
غريبه ومحد من اخوانج وياج
عادك كل سنه تمر كون وحدج ما نخليج
نبجي الغربتج وانتي عله ابن امج نبجيج

ابابج انقيم العزاء 
انحس نفسنه بكربلاء
~~~~
اجيج بدمعة عيوني وهظمها وضيگ الانفاس
وروحن يم عزيزت گلبج الماتت عله الراس
هظمها فراگ ابوها وحرگ الخيام
التون وما هدت من دون الايتام
من الطف لحد الشام اتباوعله وتون حيل
من فارگاها ابوها تنوح وابد ما نامت الليل
ما نامت الليل تبجي اعله ابوها
سمعوها تبجي وبالراس اجوها

گولي شتردين بسج تبجين
تريدين حسين هذا البطشت
جانت بانيه الآمال وتارس لونها الملگه
شالت شوفها اعله الراس بس شو ردت امدنگه
احتارت حيرت العباس من حسين اجه يشبگه
احتارت حيرت السجاد فوگه الخيمه محترگه
صاحت حرامات هالنعمه تنداس
يا بويه والشام لاحگني عالراس

باسته وما منها صوت
هيه شبگه وهيه موت
~~~~
ما اريدن اموتن هسه خايف عندي تقصير
يزينب بس ازورج من أرد شيصير خيصير
ازورنج وموتن گلبي يرتاح
عادك يم غربتج شابع انياح
بقت يمج يبت حيدر وريدنج تقبلين
تحسبيني ويه زوارج عليج بداعت حسين

عام كامل منتظر
انطيني اذن يم الصبر
~~~~
امنيه كل شائق بگلبه الخيم لسه توج نار
شوكت ننصب مواكب وعله دربج تمشي زوار
والرايات كون عليها مكتوب
سلام الله اعله ضعن الراح مسلوب
هله بزوار اخت حسين يمته اسمع يصيحون
ماضل شي بعد لشام وصلتوا مرقد ام عون

هاي عندي بهل حياة
امنية من الأمنيات
°°°°°°°°°°°°°°°°°°°°°°°°°°°°°°°°°°°°

📜 القصيدة: زينب كلبهة رايد اعزازه
🎤 أداء: مسلم الوائلي
🖋 كلمات: عباس طالب السعيدي

يحسين..(زينب )گلبهه رايـــد إعزازه
يحسين..تحضرني لو تنشال الإجنازه
هايه آنا زينب هاي..عطشانه وإنت الماي
_
يابو الأكبر فدوه إخذني..متوني مثلك تعبتني
لانا ميته ولانا عدله وهاي حيره
عيونك المشتاگتلهن..غمّضِت يلا شفتهن
ردْت المهن عرضت بعيني الحصيره

مو الا إترد مثل إيام الحلوه الراحت
لو بس تحضر وتگللهم زينب ماتت
شيل جنازة زينب يل خايف تلچمهه
وانت إتلچمك حتى الدمعه المنك طاحت

لليوم..أسمع صدى ضلوعك وره العاشر
لليوم..وي كل نِفَس يكسرهن الحافر
لآخر نِفَس ويّاي.. عطشانه وإنت الماي
_
للجنازه إشما أريدك..أستحي من خنصر إيدك
وأختنگ خنگة رضيعك وآنا ميته
ردتك إتشيعني ردتك..ولا تجي گتلك عذرتك
چي إجيت بلايه راسك وجهي درته

شفتك مره إبلا راس وصار ازرگ متني
هالمرة بشوفة نحرك للشام إتردني
لو ترجع مامذبوح إولا صدرك طافح
لو تبقى إمطشّر والوادم خل تدفنّي

مذبوح..ماريد أشوفك يا بعد عمري
مذبوح..بحوافر الخيل إنحفر گبري
سالم أريدك جاي.. عطشانه وإنت الماي
_
بالحلم مره التقينه..وگتلي جسمك لامّينه
ليش چا من ردْت أشبگك تاه جسمك
بالصدگ لو لامّينك..بالحلم چا شابگينك
عطر چنك تنحضن بس إمن أشمّك

يتلاگـــــون الموتى وكلمن وي إخوانه
بس العطشان شلون إيلاگي العطشانه
حضّرت الشيله لجسمك خاف يطشرونه
مشتاگتلك وآنا أدري إمطوّل ملگانه

تابوت..جابولي وإبّالي إجه الكافل
تابوت..هاي الحياة بلايه أبو فاضل
بوجهك لگيت الراي.. عطشانه وإنت الماي
_
من عرفت الموت يحله..لليريد إيشوف خِلّه
گلْت أموتن حتى أشوفك يا خليلي
من عرفت الموت ملگه..گلْت أغمّض حتى أشبگه
ولو خاف إيطيحن إضلوعه بشليلي

گالولي المسحوگ وبالخيل إمطشرينه
إلا إتغمضين إعيونــــچ يــلا إتشوفينه
گلتلهم خاف إيشوف اللون ال بمتوني
گالوا ضمّي إمتونچ عنّه إمن إتلاگينه

عريان.. گتلي وجبتلك شيلة الزهـــره
عريان..خشنه عباتي وجسمك إتعوره
بيهه التراب إهواي.. عطشانه وإنت الماي
_
عشت غربه بكل مصيبه..هسه ميته وهم غريبه
يا غريب وتفهم إختك غربه غربه
راح أجي إتراب إبجبهتي..مو إتگلي ياهي إنتي
ومن أگلك زينب آنا إتگلي صعبه

گتلك دير إعيونك عن تابوتي وعنّي
خاف إتلچمك إيد الدفّان اليدفنّي
أسمع بيك إتحاچي العباس إتلگاهه
ماعندي إچفوف إيگلك يحسين إعذرني

عباس..گتله إعله ملگاي وطفه ضيّه
عباس..گال أدري بس چفوفي ماهيّه
ردتك شمس وفياي.. عطشانه وإنت الماي
_

📜القصيدة: للكاظميه تعنوا المشايه
🎤 أداء: مسلم الوائلي
🖋 كلمات: محمود الموسوي

زوار هلااا. للكاظميه تعنوا المشايه
****
هلا بليرهب اصيارة هلا بلينطي البشاره
هلا بشيخ الشيم
عجيب الكاظم مراده مضيفه هيبة الساده
علم وابن العلم

مولانا يالشايل كرم كلك اعزوبيه
وزعت من باب السجن مولاي حريه
كل زاير بشاره اخذ هنياله علجيه
وكل شده صعبه بحضرتك معناها مكضيه

تنذب جفافي بحضرتك ياهبية الساده
واليشمر اعكاله طلع هم ياخذ مراده

وتصيح هلااا. كل زاير اتعنه وكصد بالرايه
****
الك يا سيد الغيره مشو ديره وره ديره
تعنو حضرتك
كلف يالرتيك خضره تدير الكون بالحضره
جبيره بهيبتك

هيبه وصفاتك من علي غيره وزعل شايل
والراد منك حاجته ايحلفك ببو فاضل
كل حاجه يم بابك كضت يالتشبه الكافل
جفك حنين وبيه كرم ما رجعت سائل


انت الاسد وابن الاسد من حيدر افعاله
انت العضيم وبالسجن يخوف اخياله

خيال. هلااا طولك حنين وكاسرنه فيايه
****
ضوه وشع بالسجن نوره يرهب حته بلصوه
عضيم انت وعلي
الك نتعنه مشايه كتبنه اسمك عله الرايه
فداك انا وهلي

بسمك يمولاي الخدم خل تدعي ليليه
يراب عجل بلفرج هاي احله لطميه
يابو الرضا وبزيارتك فزعتنه شيعيه
ركضتنه علشباج الك جنهة اربعينه

صرختنه الك ياسيدي المشايه نحيها
وزيارتك ترهب صدك غير انت راعيها

ضواك هلا يالهدمت طاغي الزمن بحجايه
****
يخيال الشهم حيله السجن لورايد تشيله
شمرتك حيدره
تهز جبال خزراتك اذا صليت صولاتك
تشمر خيبره

صوتك يهز سابع سمه من تقره قرانك
يالصبرك يكسر السجن حيرته سجانك
قل لا فتى الا علي من ينطق السانك
موسى وسجد هارون من شافه بطوفانك

انته الامير البالسجن راهب يسمونه
انته شبيه لحيدره وخزراته وعيونه

يازود هلاا وفايه نبقه لحضرتك وفايه
****
وحك حسين والساقي الك هذا العهد باقي
خدم يابو الرضا
نشك الكاع والغيمه ندك عله الشمس خيمه
زلم المرتضى

لو دارت الدنيا وعلي نتعارك وياها
هاي المواكب كل سنه بالخدمه تلكاها
رايتنه رايه حيدره والمهدي شالهة
والخدمه خيمه ومن تطيح انطيح فوكاهة

خدام الك يابو الرضا وبينه وعلي غيره
ويم بابك اتطيح العكل لو طاحت بحيره

خدام هلااا. خلينا خدام وخدمتك غايه
****

📜 القصيدة: بلحب والمشاعر
🎤 أداء: مسلم الوائلي
🖋 كلمات: علي أكبر الغرابي
~
بالحب والمشاعر طشينه البشاير
الليله بمولدك يحسين طشينه البشاير
~~
فرحه شعبانيه والمشاعر بيه
.. هب هواها العالي
الليله يا محلاها والفرح غطاها
.. بمولدك يالغالي
واسمك اعله الساني لحضه ما جافاني
.. وبيك شاغل بالي

وبصيارك لگينه فرحه ودمعه بينه
الليله بمولدك يحسين طشينه البشاير
~~~~
يالجمالك نوره تارس المعموره
.. وضوه كل ايامي
انه لو معيونك ما صرت مجنونك
.. وابقه بالحب ضامي
انه يامه ويامه عايش اعله احلامه
.. يا سفير احلامي

يالماكو بجمالك خليني اعله بالك
الليله بمولدك يحسين طشينه البشاير
~~~~
يا ربيع ايامي واكبر من احلامي
.. وبالعشگ مجنونك
الدنيه وشما بيها انته المحليها
.. من جمال عيونك
يا ربيع انفاسي يالملكت احساسي
.. انه اضيع بدونك

يا شوگي وغرامي بسملتي وكلامي
الليله بمولدك يحسين طشينه البشاير
~~
عالم الحب ثاني من عرفتك واني
.. ضاع بالحب لوني
كلشي بيه يريدك هاك اخذني وبيدك
.. امسح اعله عيوني
حنه بين الوادم يا حسين الخادم
.. رايد يسموني

وبهاي الهويه بيها الگه الزجيه
الليله بمولدك يحسين طشينه البشاير
°°°°°°°°°°°°°°°°°°°°°°°°°°°°°°°°°

📜 القصيدة: يابو علي يالغالي
🎤 أداء: مسلم الوائلي
🖋 كلمات: أحمد الشميساوي
~~
يابو علي يابو علي يابو علي يالغالي
~~
يا نغمة شفافي حبيتك وكافي
غيرك ولا اريداً بس العباس
اي لا وحگ شيبك يلما خلص جيبك
هو الله من جيسك رازقها الناس

من امده گليبي لو بطل يشوفك
اهمني بس فدوه يا ربي ما عوفك
~~~
مادام الك هايم ما اريداً الوادم
يالحاشه ما تطرد يا شيخ الكون
حيلي فده الحيلك حته أكثر ابجيلك
ارزقني يا ربي بكل وجه عيون

صليتك ابشفتي وبحروفك اتوضه
احسبني اليعجبك بس المهم ترضه
~~
رد روحي يا روحي وترس دوه جروحي
علمني بغيابك اشتاگ شلون
يا واهسي الأكبر عذبني حته اسهر
وفقني حته اگدر اعبدلك جون

فدوه ومنو الغيرك يستاهل الفدوه
يالدنيه من دونك لا والله مو حلوه

°°°°°°°°°°°°°°°°°°°°°°°°°°°°°°°°°°°°
نهني العسكري ونرفع تهانينه
لأبو القاسم وابو الحسنين والينه
بفرح ميلادك النورين عامينه

يالمهدي منور دنيانه
~
عله اعناد النواصب خل يسمعون
يظل دايم فرحنه شما يعيلون
نصف شعبان عيد ومولد الميمون

والباري امبارك مولوده
~~~~
وعد من ربنه للمهدي القيادة
امان يصير بالدنيه وسعادة
أمل كل شيعي هذا واعتقادة

كل ظالم يهدم بنيانه
~~
من يظهر المهدي تكمل الأفراح
وكل هم ينجلي لو بسم زينب صاح
الغايب وبطلعته كل گلب يرتاح

گرب يومه حجاي الحگ
~~~
الليله بصفنتي ومحتار حرت شكتب منين ابدي
اجيت محزم بهوسات غير الفرح ما عندي
إلهي بجاه زينب كون تعجل فرج للمهدي

والنوب الفرحه شمحلاها
°°°°°°°°°°°°°°°°°°°°°°°°°°°°°°°°°°