📜 القصيدة: ليش هيج وياي اخوتي
🎤 أداء: مسلم الوائلي
🖋 كلمات: محمد الغزي
~~
ليش هيج وياي اخوتي
~~
عشت كل يوم ميته وعوفوا الشلون
صارت من كثر ما ضيمي زايد
خلص گوه العمر بليش بالوين
هلج والناس ما ترحم الفاگد
اغمض روحي صاحت لا تغمضين
يغمض عينه بس الگلبه بارد
من الف هنيال كلمن مالها اعزاز
من تموت ما تترجه واحد

عودت روحي اعله ضيمي ورافگت كسرت الخاطر
من اكل عمري الفراگ وباجر يذبني اعله باجر
گمت اگل للبي محنه لا تخاوي ولا تعاشر

خيعون كلمن مالها اعزاز
يشيل النعش حي الله جناز
~
شلونج بعد زينب لحد يگول
ما ترهم شلونج ويه اختكم
هلي خلوها سكته الصارن هواي
لتنشدون عني ولا انشدكم
بعد شيفيد خلصت طلعت الروح
هلي مامش شماته هنانه يمكم
ردتكم بس عذر لناس لو يوم
اردن بي يخوتي اعله فگدكم

يا هلي خلوها سكته البيه ما اريد انه اگوله
النشد مو منها لله للمغثه الناس سوله
شلون تحرگ گلب زينب نعش اختهم ما يجوله

يگولون هاي شكثر تصبر
توصل الموت ومحد يمر
~~~~
اريد ارتاح يمكم كافي يحسين
محد صار بيه الصارن وياي
زينه الموش زينه الشامت بعيد
حجي الوادم لختكم ما ترك راي
التمر من يمي ربي ادخيلك اتصيح
كلشي ولا يصير الصاير بهاي
تالي اتصير تجوتها الحياطين
هاي جزات كلمن تعبت هواي

عوزكم مو عوز عوني وعوزكم ياكل بجبدي
فراگكم تعتگ لجمته ومن جديد فراگ يبدي
التكتل انتم موش اخوتي مره اخوتي ومره ولدي

الما تنتجي اعله امتون اهلها
الحيطان هم ما تنتخي الها
~~
سوالف بيه ما تنگال فد نوب
وحجي هوايه وتعب ما بيه حيله
هلي الرايدني احجي الغاث ام عون
خل يگعد وخل يفرش شليله
الدره اخته اتعذبت جا ليش ما گام
لمن سمع زينب تشتكيله
طحت طيحت العيب ابيت الشيوخ
والبي عيب محد يعتنيله

طيحتهن ليله ليله ويوم يوم وما يخالف
وطيحت تعب التعبته وطيحت ذيج السوالف
ميته بس مستحيه كلش محد بفاتحتي واگف

هاي الهواي خوان عدها
تكسر الخاطر فاتحتها
~~~
هلي ردتوني احجي بزينب شصار
ما اضمهن بعد مو مال ضمه
اگلكم يا هلي اعله الناس شتگول
هلي بزينب حجي ما بيه اهظمه
شمسويه ويه اخوتج ليش عافوج
محد جابته اجدامه اعله حرمه
هسه اخوان مالج مالج اولاد
ما معقوله ابن ما يلحگ امه

ذني صارن بيه منكم من جفاكم من هظمكم
هسه گولولي يخوتي انه اختكم موش اختكم
هيه هاي اجزات تعبي والدلال الدللتكم

شيعني وين الجاي صدفه
جناز زينب ما تعرفه
°°°°°°°°°°°°°°°°°°°°°°°°°°°°°°°°°°

ليش هيچ وياي أخوتي | مسلم الوائلي | 1446هـ
https://youtube.com/watch?v=F-PeUfc3ZcA&si=1mNb7OAcAGKL_vlG

📜 القصيدة: وين المهدي
🎤 أداء: مسلم الوائلي
🖋 كلمات: علاء عبد
~~~
وين اكتبلك ... تعال
حين التبجي ... الرجال
فعلم همها ... جبال

نتلاگه وين بيا درب .. نتلاگه وين بيا درب
~
يالمهدي بيا ساعه ويا صدفه وليله
يا شارع مريت ارد اگعد وشكيله
تمارك ما اعوفك لو يصلب شوفي
يا باب الما ضاگت دگه من جفوفي

بيا ندبه الفجر .. بيا مجلس تمر
يا ليلة قدر .. رد شايل الجود

ذنبي معطلك .. راي اخر الك
ثارك لو هلك .. مليت الوعود

ارسم ملگه ... بعيد
حلمي بجيشك ... شهيد

نتلاگه وين بيا درب .. نتلاگه وين بيا درب
~
وين انت بهالحظه وساكن يا ديره
حيرتنه بلم رايد يعبرله جزيره
ما انزلهن واوميلك لأخر شوفي
الباني اعله الغار ينسج بيت اعله جفوفي

لا شوگي طفه .. ولا خف الوفه
دين وعاطفه .. متلهف عليك

صبراً يا جرح .. رايات الفتح
وصدرك ينشرح .. لازم يمر بيك

دارت بينه ... بجفاك
ضايگ صدري ... الهواك

نتلاگه وين بيا درب .. نتلاگه وين بيا درب
~~~
ملئت جوراً سيدي لا نملك صبرا
احداً احداً نصرخ من ثقل الصخرا
فالموت يلون احلام الأطفالي
والدين غريباً من هول الأفعالي

كوكب من ألم .. وبعينه سهم
غابه من العدم .. يا حجة الله

دم اعله الورد .. وايديهم تقد
قمصان الحمد .. يا حجة الله

وين المهدي ... سؤال
گال الشامت ... محال

نتلاگه وين بيا درب .. نتلاگه وين بيا درب
~~
أمن بالرجعه متانيكم ومناطر
تعبني سؤال ومكسور الخاطر
كل واحد مسموم يرد كامل باجر
حسين شلون يرد من بين الحافر

ضلعه وكسرته .. وسهمه وشوفته
وخيل الداسته .. من يرجع شلون

يالشوفك حلم .. وجفك يلزم
من بين النجم .. وتكحل العيون

مرنه وگرب ... يعيد
ليش هلالك ... بعيد

نتلاگه وين بيا درب .. نتلاگه وين بيا درب
~~
كل جمعه اصدق مولاي وادعيلك
يا حرز المظلوم تلاحگنه دخيلك
محتاجك متعوب وغارگ بهمومي
واحسبلك أيام وخلصت نجومي

اكتب عالشجر .. وبماي النهر
ارسم عالگمر .. ومتاني ملگاك

كل نسمة هوه .. وكل گمره وضوه
نركضلك سوه .. ننتظرك هناك

دعوت مضطر ... دعيت
لحظه انشوفك ... يريت

نتلاگه وين بيا درب .. نتلاگه وين بيا درب
°°°°°°°°°°°°°°°°°°°°°°°°°°°°°°°°°°°

📜 القصيدة: كلمن تطالب دين
🎤 أداء: مسلم الوائلي
🖋 كلمات: قاسم رضا
~~
يا راعي الثار .. شيل الفقار
~~~
كل لحظه الك تنعاد نفس المصايب
وعينك تشوف حسين ما ظله صاحب
صبرك عبر مولاي سبع العجايب
يوم الشفت نظرات شام النوايب

گوم راويهم زماط العيله
رد ضعن هاشم ورجع حيله
دوس راس الگال عن الساده
ماكو خيال ويعدل الميله

وخدامك هاي .. تفزع مولاي
~~
ليمته الصبر مولاي واهلك گضوها
هد نادي يا زهراء وهلك عدوها
بعينك شفتها الخيل من عصبوها
وحال الضباب ابين زينب وخوها

ما يبرد گلب زينب غيرك
افزعلها غيوم ومطر خيرك
الموت بيدك موش كلمن يومه
بكيفك اخذ الثار وبتقديرك

كلها اتانيك .. نتأمل بيك
~~
كلمن تطالب دين حضرت زلمها
بس هاشم الهل يوم ما رف علمها
شيرد دلال ام عون شيبرد ألمها
لا عدها اخو تنخاه ولا تشكي لامها

گوم رف راية حسين العاليه
وصيح هاي اخت الحسين الغاليه
لو خلق ربك اضعاف الوادم
الدنيه من دون الهواشم خاليه

ثارك يا حيد .. طلاب يريد
~
لو نظره لو بس طيف نلمح خيالك
نتحزم بعباس ونهد بدالك
ما يطفي نار خيام جفن البجالك
شنضحي ما نوفيك ضيعت عيالك

يا اعگال الكون يا خيالها
گوم رد لأرض الحسين اعيالها
وصيح يهل العالم بكل صوتك
ليش بس حسين محد شاله

ما شارب ماي .. ما فوگه افياي
°°°°°°°°°°°°°°°°°°°°°°°

كلمن تطالب دين | مسلم الوائلي | 1446هـ
https://youtube.com/watch?v=I6glzem5GaY&si=TWxzWxAxRup3_bqY

📜 القصيدة: حب النبي
🎤 أداء: مسلم الوائلي
🖋 كلمات: علي السيلاوي
~
يا رسول الله .. صلى الله عليك وآلك
~~~
هله يا هله بجيت الضوه
خليت لجروحي دوه
حب النبي ما ينوصف
كل عاشگ بعشگه ارتوه

يدگ الگلب بسم النبي
كل دگه يا طه هتف
ماكو مثل حنيته أبد
للعالم بجوده انعرف

انه الما احب غيره نذرت العمر
ابو الزهره الغالي حنين شكثر
يحگي بميلاده اهوس واجي
اليبايع هنياله بفرحنه يمر
~~~
گضه العمر بالمعرفه
گلبه شكثر شايل وفه
رغم الظلم رغم الزمن
ما مره ابو القاسم جفه

شايل جرح بس ما حجه
الدين الله ضحه ابضعته
نفرح اله واجب تره
نور سمانه بجيته

يرحمه من الباري يبو فاطمه
محمد يالأسمه يشع بالسمه
نظل بي نتباها يشيخ الزلم
فخرنه وهيبتنه يحل موزمه
~~~~
صلوا على خير البشر
يالوجهه احله من الگمر
حته الخصم يشهد اله
ما مره من سائل عبر

يمطر كرم غيره وشيم
قمه التواضع عالخلگ
معزب كفو نعم الأبو
باب الله بابه ومنغلگ

نعيش بفي خيره وتحت خيمته
منو المثله يحاتي ويحب امته
سترنه ويهدينه نعيش ابهنه
يأول بالثايه تظل كلمته
~~
سبحانه رب اللي خلق
واجب عليه نقره الفلق
من بسمته الكون ازدهر
بگلب المحب ما ظل قلق

من هيبته ومن خلقته
خضر ورد حته الصبخ
يله بفرح نستقبله
مية هله العاشگ صرخ

نريده ويهوانه فلا نفترگ
انتوحد خلانه وعرفنه العشگ
اذا مو هو اصلاً عبدنه الصنم
نضيع ودلانه اعله درب الصدگ
°°°°°°°°°°°°°°°°°°°°°°°°°°°°°°°°°°°

حبُ نبي | مسلم الوائلي | 1446هـ
https://youtube.com/watch?v=i_sh0UJ4raQ&si=qibpw9Ma2tshWWVr

📜 القصيدة: هذا الماكو بالدنيه بجماله
🎤 أداء: مسلم الوائلي
🖋 كلمات: كرار حسين الكربلائي
~
هاليله هاليله .. ميلاده هاليله
عشگ الگلب جاي .. اهلاً يمولاي

هاليله .. هاليله
~~~
هذا الماكو بالدنيه بجماله
شوگي وحبي يا عالم حلاله
عن عين الحسد گلبي قراله
صلاة اعله النبي المختار وآله

انولد اجمل إنسان ضوه وماكو مثله
اعله خذه الگمر نام يگله انت احله

ميلاده ميلاده .. بي فرحت الساده
يا صاحب الراي .. اهلاً يمولاي

هاليله .. هاليله
~~~~
احب سيد خذاني بشوگ عيناه
انسه الدنيه من اتلاگه وياه
كلشي يشوف وجهه يصيح الله
اذب هذا الگلب لو راد ينساه

ترس گلبي طيبه وعشگ من عرفته
علي الأكبر اكبر وطن بيه شفته

بعيونه بعيونه .. ساحرني بعيونه
سكتلي مبجاي .. اهلاً يمولاي

هاليله .. هاليله
~~~~
هله يعيون الحسين وحلمها
امك ليله يا دنيه التلمها
الهواشم فرحت ونشرت علمها
اجاها الأكبر وكشخة زلمها

اذا تعطش الروح دمعتي تكتبك
كلمتين اگلك احبك احبك

وبروحي وبروحي .. مملكتك بروحي
وكت العطش ماي .. اهلاً يمولاي

هاليله .. هاليله
~~~~
خذت من طيبتك طيبت صفاتي
بيه تعيش من أربع جهاتي
الك فدوه حياتي يا حياتي
اظل وياك اكبر امنياتي

بشر ما ردتها ردت ابقه يمك
اموت اعله حبك اموت اعله اسمك

محبوبي محبوبي .. بس انت محبوبي
يالخيرك هواي .. اهلاً يمولاي

هاليله .. هاليله
°°°°°°°°°°°°°°°°°°°°°°°°°°°°°°°°°°°°

هاذا الماكو بالدنيه بجماله (ميلاد الاكبر) | مسلم الوائلي | 1446هـ
https://youtube.com/watch?v=AdJQyjqgvz0&si=WBQ1vC0WtfOtI_Wc

📜 القصيدة: أشراق الأمل
🎤 أداء: مسلم الوائلي
🖋 كلمات: علي الأكبر الغرابي
~~~
بنصف شعبان اكتمل
موعد اشراق الأمل

هل عله الكون جماله
.. هل عله الكون
~~~
من بزغ فجره وطلع للناس ضيه
شموع للفرحه علگنه بهالمسيه
والليالي الفرحناها سويه
صار اسمها الليالي المهدويه

والليالي المهدويه احله ما بيها سوه
تلتم العشاگ كلها حدر ظل ذاك الضوه

وهب نسيم اهل العشگ
بگلب كل عاشگ صدگ

هل عله الكون جماله
.. هل عله الكون
~
هاليالي تختلف بيها المشاعر
لأن اسم المهدي بيها ويانه حاضر
ماكو شي من الخيال وماكو باجر
واقعيه احلام اليحب من يسافر

وهيه سفره من المشاعر للعشگ وأهل العشگ
هيه ليله والله خصها بس لليحب من صدگ

وهاليالي من العمر
لليحب والينتظر

هل عله الكون جماله
.. هل عله الكون
~~
عشنه ليله من العمر وشلون ليله
ليله بيها العاشگ امتاني خليله
ليله بيها الحزن أعلن عن رحيله
فاز كلمن للفرح مشدود حيله

الليله مو مثل الليالي الليله ما تشبه أمس
منها باجر عله الدنيه موعد اشراق الشمس

وعمت أجواء الفرح
وليل الأحزان انذبح

هل عله الكون جماله
.. هل عله الكون
~~~~
هل شهر شعبان بأفراحه علينه
بده بنور حسين والعباس بينه
ويا جمال الأكبر الضوه المدينه
آيه طبق الأصل من آية نبينه

وعلي السجاد بجماله كمل أدوار الفرح
وبكثر ما لهفه شايل گلب الحسين انشرح

واحله مابي هالشهر
ينختم بالمنتظر

هل عله الكون جماله
.. هل عله الكون
°°°°°°°°°°°°°°°°°°°°°°°°°°°°°°°°°°°°°°°°

📜 القصيدة: كل عام وانت بخير
🎤 أداء: مسلم الوائلي
🖋 كلمات: سيد معتز الحسيني
~~~
كل عام وانت بخير يا مهدينه
~~
بالولايه مولدك طش هيله
والفرح فرحان هاي الليله
اليوم ظهر حسين ينشد حيله

بجيتك يالمهدي گرت عينه
كل عام وانت بخير يا مهدينه
~~~~
وياك نفرح حلم يا محبوبنه
بجيتك جوري فرشنه دروبنه
كافي من تمطر تحن گلوبنه

الشوفتك يبن الضوه حنينه
كل عام وانت بخير يا مهدينه
~~
جم بحر يا موسى راد يشوفك
جم نذر يحلم يحني جفوفك
هواي ناس تريد بس انعوفك

ما نعوفك كل وكت نادينه
كل عام وانت بخير يا مهدينه
~~~
غايب ومحد يلاوي ذراعك
مر يملاج الهوه بصناعك
جم بحر يحلم يشوف شراعك

انصلي يمته وانت التأم بينه
كل عام وانت بخير يا مهدينه
~~~~
اليوم مفتوحه الفرح بيبانه
شيعتك من الگلب فرحانه
السهره تحله لو جنت ويانه

ظل مكانك خالي يا والينه
كل عام وانت بخير يا مهدينه
~~~
البعيد اعله النظر ينسونه
جذبه هاي اليبعد يتانونه
بمولدك يم الگمر يلگونه

اليوم جيتك جم علگ شدينه
كل عام وانت بخير يا مهدينه
°°°°°°°°°°°°°°°°°°°°°°°°°°°°°°°°°°°°

📜 القصيدة: لهم دينهم ولي ديني
🎤 أداء: مسلم الوائلي
🖋 كلمات: ابو حميده الشويلي
~~
تره الغربه بدرب مولاك راحه
~~
يا گلبي المو يم حسينك
همه بدين وانت بدينك
بعد جمرك عن الماي

رافگ بس الي يبجونك
همه اللي راح يفيدونك
صاحبلك واحد بجاي

ضيع روحك من الناس التبطي
وضحي السيدك يا گلبي كلشي انطي
انزع كبريائك يا گلب مولاك
ظل عريان جسمه ومحد مغطي

عيش الدمعه بحساس
وخلي بظهرك الناس
ضوگ الغربه مولاك 
ظل بلايه عباس

درب الخدمه رايدله مناحه
تره الغربه بدرب مولاك راحه
~~~
يا گلبي وما حاجه احشمك
ريحني شما يكثر همك
همك كون ضعون حسين

غربني وعيشني الآمه
واتقرب بس الخدامه
وخر عني المرتاحين

اتعب للتحبه ومن صدگ اخلص
ومن تبجيله كون يطيح منك فص
اذا ما تصدگ بعشگك تظل خسران
الخدمه اتعم يگلبي والثبات ايخص

خدمكم وادم هواي
وينه اليبقه وفاي
وينه الگلبه محروگ
عله الما شارب الماي

واطلب من عزيز امه السماحه
تره الغربه بدرب مولاك راحه
~~
يا گلبي الما يجرح عوفه
حس بروحك شام وكوفه
وخلي الحسره اتگودك دوم

لا تهتم گتلك جم مره
خلي همومك لأبن الزهره
بس لحسينك عيش اهموم

عيش اهموم اول ليله بالغربه
عوف السهله حب حسين بالصعبه
تره الحب مو نفاهه وحاجه ومراداد
الحب يريد واحد منكسر گلبه

كافي وعوف الأحلام
خلي يكتلك الشام
لا يطفه الجمر بيك
وبعدها مجمره الخيام

عيش بليل ما يطلع صباحه
تره الغربه بدرب مولاك راحه
~~~~
يا گلبي اتعلم من جرحك
مو كلشي بهالكون يذبحك
خلي جروحك بس اخيام

من تسمع خيمه ابجي عليها
وحرگني حته اشعر بيها
ولجمني شما تسمع شام

بس عالشام خلي تگودك الحسره
هناك الغربه يا گلبي الف تقره
الما عدها هوادج تختل من العين
بس الشام ديره معيده مو صحره

هناك الماله خوان
يدخل گوه ديوان
وين ابن الدعي هناك
شامت گلبه فرحان

هناك العالي جف الناصي لاحه
تره الغربه بدرب مولاك راحه
~~
يا گلبي الخدمه اجمل صعبه
لازم بيها تحس الغربه
حته ابين اهلك والناس

دير بالك من كلشي يعثرك
خلي الحسره تحوم بصدرك
صدر حسين هناك انداس

فز عيش المصيبه يا گلب وافهم
امام بكبره لجلك صدره اتهشم
شلون ترد جزائه الظل ثلث تيام
بلا تجفين ومغسل جروحه الدم

طايح وانت هم طيح
والطم بالعزه وصيح
حسين بكربله احتار
وجدمه يعثره الريح

صدره للحوافر صار ساحه
تره الغربه بدرب مولاك راحه
°°°°°°°°°°°°°°°°°°°°°°°°°°°°°°°°

📜 القصيدة: افراگك صعب
🎤 أداء: مسلم الوائلي
🖋 كلمات: حسن حمود السعيدي
~~~
حسين .. حسين .. حسين .. حسين
~~~
اجيت ودمعتي بعيني يخوي ويا اعز ناسي
اجيت وروحي مهظومه من جدمي لحد راسي
انه الجانت اتباريك تذكر خويه لو ناسي
احسك تيهت يحسين وادعي يجذب احساسي

روحي المهظومه تريد الملگه
ليش تأذيها بهاي الفرگه
المغرب مرسومه وياه الخنگه
اذكر موتك بس ما اصدگه

افراگك صعب هاظمني
وموتك كلف لاجمني
يحسين ... يحسين
~
يبن امي شسولفلك اجيتك والگلب جمره
اجيتك عيني متعوبه وعباتي من الشمس حمره
عيوني الما لفاهن نوم يبسن جنهن الصحره
ارد اشكيلك البيه الركض والطيحه والعثره

گوم تلگاني وشوف عيوني
من اصعد عالناگه يشتموني
بت حيدر انه ومن عرفوني
جاب السوط وطگ امتوني

گوم انتفض لاگيني
ام الخدر حاجيني
يحسين ... يحسين
~
گبرك مو مثل ملگاك اگعد يا ابو المروه
ليش اعله الگبر اندار كون اندارلك فدوه
يلما تسأل عليه جنك عايف الخوه
اريدن توگف اگبالي وعيني بشوفتك تروه

ما يتحمل گلبي افراگه
واهس بيه مال املاگه
گوم ونزلني من الناگه
مو تعبانه بس مشتاگه

خويه الهزل تعبتني
السوگ وقصر ودتني
يحسين ... يحسين
~
كلشي محسبه أله خويه بس ما جانت أبالي
ضعني التارسينه اخوان رد اخلافكم خالي
انه ام الخدر وام عون ابقه بلا اسم تالي
وي جتال اخوتي امشي وراسك خويه انه اگبالي

ما لحگت ابجيلك تعذرني
جتال اخواني الحادي بضعني
من تعثر ناگه يرد يطگني
من احبال البيدي يجرني

وسفه بحبل جروني
ومن اعثرت طگوني
يحسين ... يحسين
~~~~
يا ذاك القصر هظمه من طبتله اخيتكم
افتر تالي بالديوان ما جني عزيزتكم
اگعدوا الخاطر الخوه ما اريد انه فزعتكم
شتايم بالقصر تدرون يل مو حلوه نومتكم

راس بطشت جابوا النه
وفوگ الطشت ماتت بتنه
احنه الحزن والهم عدنه
اطبول وفرح منهم شفنه

ذاك القصر أذاني
شتم وطعن بخواني
يحسين ... يحسين
°°°°°°°°°°°°°°°°°°°°°°°°°°°°°°°°°°°°°°°

📜 القصيدة: انا المشتاگ
🎤 أداء: مسلم الوائلي
🖋 كلمات: علي الأكبر الغرابي
~
يوميه بدمعي الحار
اكتب وامسح واحتار
مرسالي .. مرسالي

عشت وادري العمر سفره
بنيت من الدمع حضره
انا المشتاگ .. انا المشتاگ
~~
انا ذاك البعده عايش بنتظارك
.. وذبحني انتظارك
وانت ذاك الماله صاحب بس زمانه
.. وتعيش انكسارك

فدوه سامحني اعترفلك من جديد
ذنبي خله عيونك اتسافر بعيد

اسف عالجروح المني مولاي
اسف لأن ذنبي معطلك هواي
تجيني وانا يمك خطوه ما جاي

انا بذنبي اتعافيت
وتمسح بيدك ضليت
بذنوبي .. بذنوبي

عجيبه المثلي وتعذره
بنيت من الدمع حضره
انا المشتاگ .. انا المشتاگ
~~~
يمته ما متعوب اشوفك يا ابو صالح
.. واضيع بسؤالي
يمته من ديره اعله ديره ما اشوفك
.. تخلص الليالي

ها يالمعطش عيوني شگد عليك
مره وحده امنيتي بس تفتحلي اديك

تمر يمته اعله باب عيوني وارتاح
واشوفك للحزن ما لابس اوشاح
ولونك نفسه لونك بعده ما راح

دمعاتي بهذا الحال
تنزل مثل الشلال
بعيوني .. بعيوني

واخط من الألم ذكره
بنيت من الدمع حضره
انا المشتاگ .. انا المشتاگ
~~
الليل للعاشگ محطه وسافرتلك
.. يغالي بدمعتي
والمسافه البين عينك وانتظاري
.. ملامح صفنتي

بلكت الله وينفتح للملگه باب
وتطلع احلام انتظارك مو سراب

ادورك وارجع بنفس المواعيد
لحد ما تاكل بوجهي التجاعيد
تمر يمته واشوفك فرحت العيد

لا تحرمني اترجاك
من عطفك لو ملگاك
يالغالي .. يالغالي

يموت العاشگ بهجره
بنيت من الدمع حضره
انا المشتاگ .. انا المشتاگ
~~
الدنيا كلها بعيني صحره وفي وجودك
.. يخيم عليه
روحي عطشانه وتريدك ماي زمزم
.. ترويها ليه

انا صح ما شفتك وعشت الخيال
شلون اذا حاجيتني وگتلي تعال

يبعد المالهن غيرك تصاوير
يا يوسف زمانك والوكت بير
مو يعگوب گلبي وگلبي شيصير

جم جمعه وجم مكتوب
جم مره عيوني اذوب
بغيابك .. بغيابك

ردت طيفك ولو مره
بنيت من الدمع حضره
انا المشتاگ .. انا المشتاگ
~~
اسئل ومن حقي اسئل يا ابو صالح
.. عليمن دمعتك
يمته تخلص كل معاناتي بغيابك
.. وتخلص غربتك

يا حبيبي الما يصح مثلك حبيب
ليش حمره عيونك وعايش غريب

حلم كون افتهم بعيونك شضام
من باب الزجيه الباب الخيام
واخاف احجي ويفز بجرحك الشام

گالولي وگلت شلون
ما ظلت بيك عيون
من نوحك .. من نوحك

جرح عاشورك شكبره
بنيت من الدمع حضره
انا المشتاگ .. انا المشتاگ
°°°°°°°°°°°°°°°°°°°°°°°°°°°°°°°°°°°°°°