📜 القصيدة: ابجوا عليها ولا تقصرون
🎤 أداء: مسلم الوائلي
~~
آه يم الحسن .. آه يم الحسن
~~~
ابجوا عليها ولا تقصرون
من اللطم طيحوها المتون
امكم غريبه امگابله الباب
اتشاگف بديها من اليدفعون

الليله امكم ذابلات عيونها
آه يالتحبونها
.. لا تضمون الدمع

زهرة الله اليوم ذابل مايها
جيش كامل جايها
.. يريد من عدها ضلع

دفعوا الباب وتشاگف بيدها
وخافت اعله وليدها
.. لا يطيح من الدفع

مصيبه جيش كامل عله حرمه وحيده
مصيبه غارگه بدمها وزلمها بعيده
~~~~
امكم غريبه معاشره الآه
من كل گلب تطلعله ويلاه
جذوع النخل كلش ثگيلات
طبگن عليها وصاحت احاه

جذوع من هاي الثگيله الحاده
فوگ ضلع الوالده
.. والكسر فوگه كسر

من الحرگ يا ناس الله يعينها
ياكل بجفينها
.. آخ يا حرگ الجمر

بالعبايه مجلبه ويدفعونها
مايلات متونها
.. تگوم گوه وتنهطر

عجيبه مره بعتبة بابها يدفعونها
عجيبه من المدافع مايلات متونها
~~~~
الليله هاي تريد الدموع
وين الدليله اعله امه مشلوع
يا ناس هم تدرون شيصير
البسمار من يطب بالضلوع

رمح جنه وما رحم بضلوعها
ولا تهز دموعها
.. حرمه ما عدها ولي

براس محسنها انطبر بسمارهم
طفل بيمن غاثهم
.. ابطن امه وينولي

هشموا راس الولد گدامها
ورده محد شامها
.. لا والمدلل علي

غريبه طفل ما شاف الضوه يذبحونه
غريبه اگبال عين الشالته يطيحونه
~~~~
الله يساعد گلب الحسين
يشوف امه تشهگ من الونين
يعدل ضلعها ويرجع يطيح
شيعدل المگسوم نصين 

وزينب بشيلتها فزعت فايره
تصيح يمه وحايره
.. تهدي وتشد يا جرح

والحسين يگلها يمه اصوابج
وحگ حوبت بابج
.. يروحلج فدوه الذبح

يا نواعيها وبجيها العايله
ما تعنت ثاكله
.. ولا يخلصها الصبح

نحيبه الفگد امه الحسره تاخذ روحه
نحيبه تموت بس تعيش دوم جروحه
°°°°°°°°°°°°°°°°°°°°°°°°°°°°

📜 القصيدة: امي راحت
🎤 أداء: مسلم الوائلي
🖋 كلمات: علاء عبد
~~~
شلي بسنيني امي راحت
الدنيا من عيني بلحظه طاحت

كون اموت وياها
ما احمل فرگاها
امي راحت .. امي راحت
~~
ميته امي شيقنع الروح
ما نرضه خطار اتروح
ردها لينه الحنينه يالتراب

عطر الهدم مابي صوت
ما رضه يلمنه التابوت
من عمرها واثرها وجرح الغياب

گبر واحد يلم هذا الوفه شلون
جنازه تملح اجتاف اليشيعون

ييمه شما يدگ خطار عالباب
يطلع من ثنايه الطوف عطاب

يمه ظلمه الديره
واليتامه بحيره
امي راحت .. امي راحت
~~
يمه الهوه يحرك الثوب
ونركض نشمه بكل صوب
نسئله ونگله مشت وين

فراگ الأم يهد الحيل
وما يرحم ايتام الليل
وحدنه گعدنه بالونين

نركض عله امجانج وكت الغروب
ويلمنه الحزن متعوب متعوب

بيش تقنعه اليدور عله امه
يشوف الدنيه كلها بعينه ظلمه

نار تدوي بروحي
ومن يسكت نوحي
امي راحت .. امي راحت
~~~~
يعين الله ابونه بهل الحال
من صد عالضلوع شگال
ونظرها بكسرها والآلآم

دافن اعز ما بالروح
وميرد الحباب النوح
بجاها بسماها والأحلام

ابونه القالع الباب العجيبه
انكسر ما يگدر يشيل الحبيبه

الله يعين گلبه الهذا المصاب
كلفه تهيل التراب اعله الحباب

يمه گبرج وينه
بيا كتر دلينه
امي راحت .. امي راحت
~~
فراگ الأم يشيب الراس
ومحد يلومه من الناس
بحسرته ودمعته نعاها

ما تلتذ بصب الزاد
بعيونك الدنيه ارماد
خساره وحياره وراها

تحس روحك غريب بلايه عنوان
وما تبرد جروحك وين ما جان

وجهك ما يضم فگد الحنينه
فراگ الوالده مبين علينه

وين وجهه يديره
جنه دافن ديره
امي راحت .. امي راحت
~~
بيت ام حسن فارغ صار
يطلبنه بيش البسمار
خذاها وضواها تغيب

محسن وگع گبل الصوت
بيا ذمه يا دين يموت
دمعها وضلعها تعيب

حرگت نارهم بيت الرساله
وشب قرآنها ولفظ الجلاله

ضعف صوتها وصاحت يفضه
الحگيني اصبحت بالضلع رضه

ورتجت عالطوفه
وطاح ابنها اتشوفه
امي راحت .. امي راحت
~~
مو عيب دمع الرجال
من يبجي لأمه التنشال
دمعته وحسرته يعذرك

اخر وجه تصفن بي
وبيدك تراب تغطي
تشمه وتضمه اعله صدرك

فراگ الأم يخلقك بشر ثاني
تكبر من وره الدفنه بثواني

بعد ما تترس عيونك مدينه
من تفارگ عيون الحنينه

ما تكفي دموعي
كون اكسر ضلوعي
امي راحت .. امي راحت
°°°°°°°°°°°°°°°°°°°°°°°°°°°°

📜 القصيدة: اذن ييمه
🎤 أداء: مسلم الوائلي
🖋 كلمات: عباس طالب السعيدي
~~~~
عينج غمضت والشمعه طفت
... وانباگ الهوه
هاج اخذي العمر بس كون الگبر
... ننزل بي سوه

والأم اذا ماهيه شيخلص الغروبيه
يمه يمه
~~~~
اذن ييمه وهاي اول ليله
الگه اعله المصلايه بس الشيله
مو حيله بذراعه الولد والميله
من يدفن امه هنا يبين حيله
وره الجنازه من صحت
گلت عسه امي تلتفت
وترد عليه مثل گبل
اذا عليها سلمت

لو ضل جم شهر جا محسن كبر
... ونگله هله
حاسبته نهر وحزام الظهر
... عازه الكربله

تالي انگطع ترجيه شيخلص الغروبيه
يمه يمه
~~~~
ما صدگت ميته وگلت مو هيه
حد ما لگيت دموعي يم رجليه
المكسور ضلعه وهو ابو الحنيه
لا ايد التگوده ولا عوجيه
طحت وديها جلبن
ضلوعي جن اتكسرن
گمت ييمه الوحدي
وشوف اديج اتحركن

من گد ما طحت حسبالي متت
... وحتاروا هلي
لو ما عندي طف جا گلبي وگف
... وشلون بعلي

لازم اكو مسبيه شيخلص الغروبيه
يمه يمه
~~~~
محتاره يمه وطولج الله يعينه
تكضين ضلعج محسن تخسرينه
تكضين محسن ضلعج يسحگونه
وبسمارج يهد حيلج موصينه
ييمه من اجه النعش
بديت اموت من العطش
بديت احس بكربله
وشوفج بليل اهدعش

باب من اندفع جن گلبي انشلع
... ونرض عظمي رض
حسينج بجه وعليه انتجه
... من گد ما ركض

حيل وصبر مابيه شيخلص الغروبيه
يمه يمه
~~~~
كون التموت امه والمدللته
وي فاتحتها تنصب فاتحته
الشايلها فوگ متونه ابنها وميته
جانت تسع تشهر عدل شايلته
الربه من اذكره والسهر
اخلي ايدي اعله الظهر
واذا ظلام اجه وخفت
اگول ابو الفضل گمر

مو دم اليمر بعروگي جمر
... والوادم غرب
يا يمه الحزن لو شفت المتن
... باجر ينضرب

طول الوكت محنيه شيخلص الغروبيه
يمه يمه
~~~~
كون اليموت يرد عدل گد ملگه
جا خلص ابنادم من اول شبگه
لونج نفس لوني ونفسها الحرگه
ومتوني هم تشبه عيونج زرگه
وراج اموت وراح اضل
مشيتي والحمل ثگل
ردت علي يگلي
الگطع الگلب يمه وصل

كلما گابلت وجهي تفاجئت
... بي دم وحرگ
ثاري الطف بده وابنج وحده
... رايح لسحگ

وانه احترگ ليليه شيخلص الغروبيه
يمه يمه
°°°°°°°°°°°°°°°°°°°°°°°°°°°°°°°°°°°°

📜 القصيدة: اصعب حال
🎤 أداء: مسلم الوائلي
🖋 كلمات: حيدر سامي السعدي
~~
دمعه وتبدت روحه…يم زهرته المذبوحه
غربه وعلي بأصعب حال …ما چنه ذاك الخيّال
الما يلتفت لجروحه

~~~
سيد الايام انضام و دارن عليه الايام
دورة رحى بعافيته

ما ينكسر لاچن آه كسروه من الزهراا
والسكته غطت صيته

هدو عله داره بنار و استوحدو ام الدار
و حرگو گلب ذريته

ما چانت اباله تدور ينشاف ساكت مكسور
وتنداس حرمة بيته

حرمته يشوف يولوها … و حدود الله يعبروها

و الجاني يسمعه يصيح …و إن فاطمه عصروها

يگلوله هاي الزهره …يگلهم ضلعها نكسره
جاي وعرف المن جاي…يكسر علي يريد بهاي
و بأعز ناسه يلوحه

~~~
صوت الحطب بالنيران…يتكسر وهيّن چان
هالصوت كاشف سره

لاچن وراه اصعب صوت…منه علي اتمنه يموت
والصدمه تختم عمره

صوت الضلع صوت جروح…والرايد يسمعه بروح
ياخذ غصن ويكسره

هيج الضلع من انصاب….و إتخيل شثگله الباب
وشصار بيها الزهره

الحايط كاسر إگفاهه…وطفلها الميت اوياهه
تحاول بابها تدفعه… و يرد يطيح فوگاهه

باب وزلم متحزمه…و يا حيل عند الحرمه
مو مره عصروها امرار …. وشسوه بيها البسمار
چم مره بي مجروحه
~~~
الدخان ما لاگي امچان…يصعد مطر للنيران
والماي چف ما شاله

ومسومره وجوه ازغار…ما تدري المن تندار
و امهم باصعب حاله

نار واحر من هالنار … دمعة عيون الكرار
من دره بحال اطفاله

و ما بين كل هذا الموت …. يا فضه گوه بلا صوت
طلعت من أم عياله

صاحت فضه لحگيلي … خلص گلبي و خلص حيلي
تراني امصوبه كِلي … إعله هونج فضه تچيلي

و بينج يفضه و بيني … آنه انسطرت بعيني
بس خوفي حيدر ماريد …. يسمع عَليه مدو إيد
سر عيني موتي يبوحه

~~~
غربة علي اتدلي التاه … مفرود محد وياه
و لداره محد غاير

سيد سماوات الذات…ينچتف و الله هيهات
بيد الذي مو طاهر

يا من هوان الايام…يتفرج الخاص وعام
بگيود حيدر عابر

والزهره مجروحة عين…ومكسور منهه الضلعين
وطلعت وراه اتناصر


وآه يا طلعة الزهره …. عد حيدر أشد كسره
چا شيصير بي باچر … بطلعة زينب الحره

ما تطلع بهيبتها … زينب ركض طلعتها
مثل امها مابيها الحيل….و تريد اخوها من الخيل
تتنخه بي وتنوحه
~~~
الصبر الجميل هنا وين … ياهو أجمل من أم حسين
واعليها يجمل صبره

حاكم زمانه و مظلوم … بساعات صاير محكوم
لدفنة حبيبة عمره

الله يا ذاك الليل … توديعها والتغسيل
و الچفن و آخر نظره

و اليُمه البصوت حسين … و الگبر و الحيل منين
لهيل الترب عالزهره

جرح بس صاحبه يحسه … و علي من فاطمه شينسه
وره سنين و يسألونه … ويگلهم چن غفت هسه

دايم عزاها بگلبه … والغربه نفس الغربه
هذا علي وفاطم هاي …. العطشان ما ينسه الماي
ولا يكضي نشده ونوحه

📜 القصيدة: نفسي على زفراتها محبوسة
🎤 أداء: مسلم الوائلي
🖋 من اشعار الامام علي (ع) في رثاء فاطمه الزهراء عليها السلام
~~~
يا فـــــــــــــــــاطمه. يا فـــــــــــــــــاطمه
~~~

نفسي على زفراتها محبوسة
ياليتها خرجت مع الزفرات

لا خير بعدك في الحياة وإنما
أبكي مخافة أن تطول حياتي

....
مالي وقفت على القبور مسلما
قبر الحبيب فلم يرد جوابي..

أحبيب مالك لا ترد جوابنا
أنسيت بعدي خلة الاحبابي

قال الحبيب وكيف لي بجوابكم
وأنا رهيب جنادل وترابي

أكل التراب محاسني فنسيتكم
وحجبت عن أهلي وعن أترابي

فعليكم مني السلام تقطعت
مني ومنكم خلة الأحبابي

.....
كنا كزوج حمامة في أيكة
متمتعين بصحة وشباب

دخل الزمان بنا و فرق بيننا
إن الزمان مفرِّق الأحباب

يا فـــــــــــــــــاطمه. يا فـــــــــــــــــاطمه

.....

📜 القصيدة: غركـــــــــــــانكـم
🎤 أداء: مسلم الوائلي
🖋 كلمات: حيدر شايع


غرگانكم ماطلع من شط الحزن ضل گاعد ابيبانكم
غركـــــــــــــانكـم. غركـــــــــــــانكـم

طير ونوى يحط بغصن وانتم چثيره اغصانكم

بالماي يطفى المحترگ وانا احترگت بمايكم

چيه ماشرب عطشانكم



متانيتكم ومايعرف يتاني.

امشي لصحن واشتاگ للثاني

يم الرضا وگلبي يحن للكاظمية

لسامره اطب وللنجف تصفالي نية
................
لصوب البقيع من التفت
وجداني يصرخ ياهلي تخلص وباجر جايكم

غركـــــــــــــانكـم. غركـــــــــــــانكـم

مو بس نساكم تنسي مسبية حتى دياركم

بسرداب غيبتكم اطب ياهلبت الگالي اثر

جم عين تعبت جم گلب من طول الغياب انكسر

ملفوفه رايتكم تضل لو تنفتح

يمتى ترد غيابكم

غركـــــــــــــانكـم

وبكربلا.. احتار اعطش واروى وابرد واشتعل

احتار احب لو انكتل

ماكو وكت

والدمعه اذبها اعله الطفل لو ع الكهل

ماكو وكت

وجفوفي نيتها اللطم والنوگ اجت!!

والحيره الطم لو اشد ايدي بحبل

غرگاان

والحيره ادور ع البجي

لو اطلب بذنبي انقبل

غرگاان

غرگان والحل مو سهل

بالـ ياحـسين اذبل عمر

واشرب حنان ومرجله بـ ياابالفضل
..................

انذبح واتعلم احب ابجي ويهز گلبي الذنب

وانا ادري بالدمعه الجذب ماتنمسح بردانكم
غركـــــــــــــانكـم. غركـــــــــــــانكـم

فتحولي گلبي وخلي احس بالنايم بحر الشمس

وانطوني نار خيامكم

غركـــــــــــــانكـم. غركـــــــــــــانكـم

سديته گلبي وماردت مفتاح مو مفتاحكم

ماعندي عادة بهالعمر غير البجي

وزلة لسان بغيركم كل الحجي

حتى الحجي البيكم اجه من الطافكم

شكد حلوه اضل محتاجكم

شكد حلوه احط خدي اعله ذيج اعتابكم
غركـــــــــــــانكـم

وكل اليصير وياي محد يدري بي بس انتم
وشباجكم

غركـــــــــــــانكـم. غركـــــــــــــانكـم

اعصب عيوني وع العطر اندل اجي الـ بيبانكم

غركـــــــــــــانكـم. غركـــــــــــــانكـم

اتمنى اصيرلكم عبد يتنفس بدخانكم

واتمنى يعميني البجي

ومايرجع لعيني النضر.

الا بمسح قمصانكم

وارضيكم واسجد شكر
واشتم ورد بستانكم
اتمنى اضل غرگانكم
.................

📜 القصيدة: شلونك انته
🎤 أداء: مسلم الوائلي
🖋 كلمات: عباس طالب السعيدي


طولك من حسبتة الموت بعيني شفته
شلونج تكلي يحسين. كلي شلونك انتة

بجيت بجيت. مو لان ثكلت كعدتي
بجيت بجيت. حته اشربك من دمعتي

شلونك انـــــــــتَ شلونك انــــــــــتَ
.............................

مثل العطر يحسين طيح على گدي
هو انا جم مذبوح بلــدنيا عنــدي
خليني كبل الخيل بهدومك ابدي
وانگل دمعتي وياك گوة على خدي


كلتلهم موش يوخرونك

حتى اشبع شوف من عيونك

شابكني وبابي تمنيتك

وعلية هواي يدفعونك

احلا عذيبي عطرك. من عمري علة عمرك

ضلعي شفته مكسور جي مالحته ضهرك

غفيت غفيت انا ميته وكلت نمتي
بجيت بجيت حته تشرب من دعتي

شلونك انـــــــــتَ شلونك انــــــــــتَ
.............................

مستحيه منك حيل والفشله ديره
انه بجفن انشال وانت بحصيره
ياخذني شوفي عليك كلما اديره
ثاريها هاي حسين كلها العشيره

كالو محسن طاح وعفته
كتلهم كلشي ولا انــــت

محسن فاتحته اكبر منة
حسين اكبر من فاتحتة

كون تضمك امك على الخيل التهضمك
بس انت ضوه هواي تنشاف من اضمك

خذيت خذيت من ضواك اخر شمعتي
بجيت بجيت حته تشرب من دعتي

شلونك انـــــــــتَ شلونك انــــــــــتَ
.............................

غير اليريد يموت تبجيله كل عين
شو انه والعدلين نبجي عله الحسين
كتله على كيفك طيح ما عندك ايدين
فز بعلي العباس وانطاني جفين

كتله اسهام اصوب حسيني
كال اتلكاها بنص عيني

كتله الزاد البينه والبينك
كال ام عون البينه وبيني


حسين اتكربلها ها خيرج يكلها
كالت ياهو عباس. كال الدنيا كلها

لكيت لكيت بي وفهة بكد غربتي
بجيت بجيت حته تشرب من دعتي

شلونك انـــــــــتَ شلونك انــــــــــتَ
.............................

كلما يجيني الموت ويشوفك هنا
ضل يعتذر ويصيح ايوا حسينا
وصاني الله وكال لو يمهة تلكا
كله التريده يصير والموت انسا

موت الله يروح ورد ليه
جي شافاك مجلب بيه

شلعن كلبي عيونك يمه
بيهن طفلة بلا ترجية

ذب صوتك بذاني يلتارس مچاني
فارغ يرجع الموت لو يمك لكاني

مشيت مشيت. الباجر وكلتي عطشي
بجيت بجيت حته تشرب من دعتي

شلونك انـــــــــتَ شلونك انــــــــــتَ
.............................

ماتت واليشيعون شافو وداعة
جيبي اليوخر حسين عن امه ساعه
كالته زينب گوم يمبجي كاعة
اختك وراها اركاض وانت متاعة


شد حيلك يالحيلك عازة
تعبانه من اركاض اجنازة

چا باجر شيركض زينب
كلب المذبوحين اعزارة

ما زعل عليكم. اركض مو بديكم
هسه زغيرة وهواي اعثر وي مشيكم

رضيت رضيت. انسبي وتكبر ركضتي
بجيت بجيت حته تشرب من دعتي

شلونك انـــــــــتَ شلونك انــــــــــتَ
.............................

📜 القصيدة: ما نبايع بس علي
🎤 أداء: مسلم الوائلي
🖋 كلمات: كرار حسين الكربلائي


يا محمد .. ما نبايع بس علي

.......................

والله نعمه اليلهج بإسمه لسانه
يعني عد والدته محفوظه الامانه
الشيعي من يشيل اسمه من اذانه
ما تگلي بالله شيخلي بمكانه
للنهايه يبقه حبنه الاولي
.......................

هالغيور اليغضه ماعنده غيره
علي عندي يسوه اهلي والعشيره
بالقيامه الما شهد حيدر اميره
لو نبي هم نلگه بجهنم مصيره

عالولايه بزغري ربوني هلي
.......................

غير حب حامي الحمه ينعد مذله
المسلم بحبه تره دينه يكمله
بالشهاده الثالثه دين الله كله
غيرنه چلمة علي مربيتله عِلّه
حتى لو مُوت .. يبقه صوتي يعتلي
.......................

شيعه احنه لخط علي نبقه نتابع
للولايه نوقع بعشرة اصابع
ما سمعنه الگال عنه هو رابع
خلهم يموتون غيره ما نبايع

يا علي انصيح .. والشدايد تنجلي
.......................

ايدي لو رادت تسالم ناصبيه
قسم بالزهراء اگطعهن اديه
تبقه روحي رافضيه رافضيه
وگلبي ينبض بالولايه الحيدريه

حيدريه .. خل يموت الجاهلي
.......................

بالحشر حامي الحمه يوگف محامي
هو ساقي الكوثر اشلون ابقه ضامي
من يسألوني ولا احير بكلامي
الجنه مضمونه بعشگ حيدر امامي

بالقيامه .. غيره ماعدنه ولي

📜 القصيدة: واويلاه اه يحسين
🎤 أداء: مسلم الوائلي
🖋 كلمات: المرحوم ملا عطيه الجمري

.......................
يحسين حادي اظعونّا عزّم على الشّيل
ومــن الـصّـبح دنّـوا لـنا نـوق الـمهازيل
مـاشوف انـا يحسين غير اجبال لهموم
تـتـرادف اقـبـالي يـخـويه مـثل لـغيوم
مـن حـنَّة الأيـتام صرت ابحال ميشوم
واحـنا حـرم تـدْرون مـانسلك بلا كفيل
.......................

جـيف الـحريم ابـغير والـي تقْطع البيد
و الـشّـام يَـبن امّـي عـلينا دربـه ابـعيد
مـشي الحريم ابليل فوق الهزَّل امجيد
لـوعـثرت الـنّـوق الـهـوادج لازم تـمـيل
.......................

مـحمل اسـكينه لـو تـزَلْزَل من يجي له
ولـو طـاح مـن عدْنا طفل يا هو يشيله
و حــادي الـظّـعن تـرويعنا يـبرّد غـليله
و هَـلـبرّ لَـقفر مـا تـقطعه الاّ الـرّجاجيل
.......................

و حرْق الخيم يحسين ما خلّى لنا حال
و احـريـمكم ذوّب قـلـبها فـقـد لـرجال
و الله مَـضـل الـنا جـلد لـرْكوب لـجمال
و مـا غمّضت عيني و لاساعه من الليل
.......................

يـردونـا انـسافر يـبعد اهـلي و نـخلّيك
يـالـيت مـن قـبل الـسّفر نـقعد نـواريك
هـذا لـفراق اُو ويـن يَـبن امـي انلاقيك
لَـتـقول خـلّتني الـعزيزه ابـغير تـغسيل
.......................

لَـتـقـول عــنّـي سـافـروا مــا ودّعـونـي
شـالـوا خـواتـي و لـلـقبر مــا شـيّعوني
يــــا لـيـتـهم ويّـــاك بـالـبـر يـتـركـوني
ولاروح حـسره امـيسّره فوق المهازيل
.......................

حنت الناكه على حالي وعاينتي بلاولي
وصاحت عله النوك هونج هاي زينب بت علي
وصبح المصباح الاكشر والهزل جابوهة
وحزمت زينب بهلهة والاهل ما جوهة
ليش وحدهة العزيزه يخوتي التخلوهة
والضعن ينراد والي وادم ايبراونه

📜 القصيدة: الله يساعد ام حسين
🎤 أداء: مسلم الوائلي
🖋 كلمات: ابو فايز الرافضي

الله يساعد ام حسين  طاح الباب فوگاها
،،،،،،،،،،،
باب من الجذع  بالنار  محروگه
فوگ الزهره والضالم صعد فوگه
ضلوع ام الحسن بالسحگ مطبوگه
مجتف  حيدر وملجوم وياها
الله يساعد ام حسين  طاح الباب فوگاها
،،،،،،،،،،،،،،،،،،
طاح المحسن وطاح العمر كله
ضيع علي روحه وجرحه يندله
راحت فاطمه الجانت مثل ضله
الشايل خيبر ابلا روح شالاها
الله يساعد ام حسين  طاح الباب فوگاها
،،،،،،،،،،،،،،،،،،
بسمار  الجذع  والنار  تاذيها
فاطم بالحرگ ذبلت معانيها
شمت حيدر ورد النفس بيها
برموشه الخذاها الشيب غطاها
الله يساعد ام حسين  طاح الباب فوگاها
،،،،،،،،،،،،،،،،،،
ماتت فاطمه ابلجمتها موجوعه
وغسلها علي ومانشفت ادموعه
من شاف الضلع ضل لازم ضلوعه

مو جوه الگبر بالروح دفناها
الله يساعد ام حسين  طاح الباب فوگاها
،،،،،،،،،،،،،،،،،،
دفناها  ورجع  للبيت  يتعثر
حجرت فاطمه يدخلها مايگدر
وجها من القهر والحسره يتغير
وصط المگبره ام البيت خلاها
الله يساعد ام حسين  طاح الباب فوگاها