📜 القصيدة: اسباع الهواشم
🎤 أداء: مسلم الوائلي
🖋 كلمات: محمود الموسوي
~~
الهواشم هاي ساعتها
ترف بالحومه رايتها
يبو القاسم .. يبو القاسم
~~~
حيهم اسباع الهواشم رفوا بذاك اللوه
علي والحمزه ومحمد طبوا الحومه سوه
ظلمت ليل المعاره وهاشم توزع ضوه
علي يوگف السبعه بيده والنبي يوگف الهوه

الحومه طباها النبي
بالقتال الطالبي

السباع بسيفه سكتها
الهواشم هاي ساعتها
يبو القاسم .. يبو القاسم
~~
جان ابو القاسم عيونه تفيض نار بخزرته
ضربته تعادل عباته وعلي جان بيمنته
بيضه جانت راية الله بلون وجهه ولحيته
محمد يگابل حسامه الما يثني بطگته

هذا ابو القاسم نزل
لو علي خير العمل

دخيل الله اعله غيرتها
الهواشم هاي ساعتها
يبو القاسم .. يبو القاسم
~
عركه صارت والهواشم وي محمد غايره
علي طب اعله اليمين وحمزه طب عالميسره
ظلت الخياله تركض والرگاب مطشره
صاحوا دخيلك محمد هذا يوم الأخره

لن محمد يبتسم
حيدر مخلص الزلم

طبگ يسره اعله يمنتها
الهواشم هاي ساعتها
يبو القاسم .. يبو القاسم
~~~~
علي جان بگد محمد بالحرب يذبح زلم
والله جان يصيح طه وحيدر بنفس الاسم
وجان يكتب من ضواهم سوره سماها النجم
يعني لو صحت الهواشم صيحوا كلهم والنعم

خلي صوتك يعتلي
ونعم من شارب علي

دخيله الفطر كعبتها
الهواشم هاي ساعتها
يبو القاسم .. يبو القاسم
~
هاشم تحب المراجل همه وجه الله وظهر
من علي وهيبة محمد الله نزلها الصور
عدهه زلمه هواي يرهب كون يوگف عالنهر
شيل جفك لآل هاشم باجر تخلف گمر

دخيل هيبة حاجبه
من محمد شاربه

شحلاته اللبس ريشتها
الهواشم هاي ساعتها
يبو القاسم .. يبو القاسم
°°°°°°°°°°°°°°°°°°°°°°°°°°°°°°°°°°°

مشاهدة "اسباع الهواشم | ملا مسلم الوائلي | 1444 هـ" على YouTube
https://youtu.be/gp2I_uoF9ek

📜 القصيدة: روحي
🎤 أداء: مسلم الوائلي
🖋 كلمات: عباس طالب السعيدي
~~~~
يبويه المن عفتني
وانه زغيره بعدني
.. اريدك  .. اريدك

الگلب غيرك شعنده
مثل ماي وتبده
.. اعله ايدك .. اعله ايدك

روحي شگد وراك اتصيح
ضلعي مو دمع ويطيح
.. اريدك .. اريدك
~~~~
العمرها اثمنطعش گوه
ابوها يموت مو حلوه
الدنيه بلا ابو شتسوه اليتيمه اتخاف

عرفت اموادعك فرگه
من طولنه بالشبگه
لحت گلبي وگلت حگه الكسر ينشاف

تبجي شفتك .. من شبگتك
وايدك من ضلوعي شو ما وخرتها
باوعتلي .. شبيه گلي
گتلي عينج گتلك امورمه شفتها

اجلب گوه وامشي
مثل دمعه اعله رمشي
.. حضنتك .. حضنتك

خنگني هوايه صدرك
خيم محترگه عطرك
.. سئلتك .. سئلتك

عطرك كله حرگ اخيام
وجهك بي طفل ما نام
.. اريدك .. اريدك
~~
اشوفك محترگ دمك
شما زينب اجت يمك
تتبده وعلي ايلمك جرح بهداي

احنه اگبالك وعينك
دايرها عله حسينك
المسافه البينه والبينك لگيت الماي

يمك احنه .. وما شفتنه
من كثر ما عينك اعله حسين طاحت
الحضنك انته .. بسرعه جبته
گتلك شدعوه وگلتلي الخيل غارت

خفت طيفك يجرحه
شگول اعله اليذبحه
.. مصيبه .. مصيبه

اربي وتالي باجر
الربه اتسحگه الحوافر
.. غريبه .. غريبه

بويه كون ابدل الروح
وابني يبقه ما مذبوح
.. اريدك .. اريدك
~~~~
الصوته شوف شايفته
سكته شلون فاتحته
نفس ما مره لايحته ولا مگطوع

العدل اكثر حجي يجرحه
من انسولف بذبحه
مشينه براسه يم رمحه الگلب مشلوع

بويه گلي .. ياهي مثلي
تدري ابنها ينذبح وتريده يكبر
وانه ميته .. وتكبر اخته
ومثل ثوب حسين زينب راح تنجر

مره يجرون بيها
تراجي اتگول اديها
.. هظيمه .. هظيمه

واوخر عيني عنها
بحبل عالناگه جنها
.. يتيمه .. يتيمه

زغيره وانه اگول شلون
تكبر حته اگلها ام عون
.. اريدك .. اريدك
~
الموت شما اجه يعبرك
جي گاعد علي بظهرك
استحه يگلك خلص عمرك يماي العين

خذاها الرخصه من حيدر
رجع گال انه ما اگدر
إلا يگوم ابو الاكبر حبيبي حسين

صاح صايح .. وانته طايح
روحك اخذها فشل وحسين گاعد
خل اخبرك .. الفوگ صدرك
مو نفس باجر شمر نازل وصاعد

عليِ جفك تديره
وتباوع عالحصيره
.. اشوفك .. اشوفك

گلتلك طوله نعمه
يطشرونه وتلمه
.. جفوفك .. جفوفك

گتلك عازت ابني الناس
گتلي گولي يا عباس
.. اريدك .. اريدك
~~~~
اخاف اتموت يالغالي
وأفز من شوفت اخيالي
عدل شيموتك ابالي يخلگ الليل

برگبتك يا رسول الله
شفت دم اسمه عبد الله
عله اگماطه السهم صله وعثر بالخيل

صوتي رايح .. وانته رايح
وانه اجلب بيك مثل التوه يمشي
لو عفتني .. وجف سطرني
وندفع من هسه بابي وطاح كلشي

الك بالدنيه عازه
يالمثگل الجنازه
.. عليه  .. عليه

اذا طول رحيلك
الم محسن وجيلك
.. بديه .. بديه

عيني زرگه جنها امتون
زينب ماكو عدها عيون
.. اريدك .. اريدك
°°°°°°°°°°°°°°°°°°°°°°°°°°°°°°°°°

📜 القصيدة: آخر امنيه
🎤 أداء: مسلم الوائلي
🖋 كلمات: علي الأكبر الغرابي
~
جانت آخر امنيه ابيناتنه
الموت ياخذ روحنه اثنيناتنه
ولو كسر فيه العمر .. گبر وبصفه گبر
امنيه اثنيناتنه .. امنيه اثنيناتنه
~~~
واحد سولف الواحد 
عن امنيته وشرايد
وخلينه الدمع شاهد .. علينه
انه وفاطمه الزهره
واليوجعنه والعشره
صغنه من الألم ذكره .. بدينه

سلامات ...
عليِ لا تخفي موضوعج سلامات
عزيزات ...
يبعد العافيه دموعج عزيزات
علي مات ...
منهد ما كسروا ضلوعج علي مات

صرت اگلها واعثر بجلماتي
العذر لله وليج يا مولاتي
وامنيه بعد العذر .. گبر وبصفه گبر
امنيه اثنيناتنه .. امنيه اثنيناتنه
~~
بين االشهگه والشهگه 
وبين احساسي بالفرگه
تذبح واهس الملگه .. صفنتي
مثل الشمعه گمت اذبل
وهيه اتگلي لا تزعل
فدوه العينك التخجل .. دمعتي

طفه البيت ...
منهد ما شال راعيه طفه البيت
وتبديت ...
نفس يم باب كل ريه تبديت
وتمنيت ...
يرد ذاكه الزمن بيه تمنيت

هذا حالي للنشد عن حالي
الشيب تارس حته رمش اخيالي
ورغم كل هذا انتظر .. گبر وبصفه گبر
امنيه اثنيناتنه .. امنيه اثنيناتنه
~~
كلمن سولف برايه
وكلمن دمعته ولايه
وجانت آخر احجايه .. حجتها
باجر يا علي شلونك
لو باگ الهجر لونك
الله يساعد عيونك .. وكتها

يبو اتراب ...
متت من صاحت الزهره يبو اتراب
عله الباب ...
عفتلك يا علي ذكره عله الباب
ولا طاب ...
ضلعي ولا برد كسره ولا طاب

جانت آخر امنيات دموعي
كون يندار الوجع بضلوعي
وكون من بعد الكسر .. گبر وبصفه گبر
امنيه اثنيناتنه .. امنيه اثنيناتنه
~~~
وجه المغرب ولونه
للسالفته بعيونه
ليل الفاگد شلونه .. مصيبه
الما ماتت سوالفها
ودوم بروحي شايفها
تمسح دمعتي بجفها .. الحبيبه

يگولون ...
من طبع اليحب يندل يگولون
بالعيون ...
كلما صرنه نتأمل بالعيون
حلم كون ...
اموت وياها لو تقبل حلم كون

وسولفتلي الزهره بس بعيونها
لأن جان التعب ماخذ لونها
يا علي بعد الصبر .. گبر وبصفه گبر
امنيه اثنيناتنه .. امنيه اثنيناتنه
~~
شويه شويه احس بيها
تبرد كل محاجيها
وبين من بواجيها .. هجرها
من عدها وبديت اشعر
بالگوه النفس يعبر
وحسيت الدمع يجبر .. كسرها

شجه الموت ...
واخذ من عندي غاليتي شجه الموت
بلا صوت ...
دفنت احلامي وام بيتي بلا صوت
سوه انموت ...
انه الجانت امنيتي سوه انموت

انه من يوم الدفنت الغاليه
الدار وشما بيها وحشه وخاليه
والهجر آخ الهجر .. گبر وبصفه گبر
امنيه اثنيناتنه .. امنيه اثنيناتنه
°°°°°°°°°°°°°°°°°°°°°°°°°°°°°°

📜 القصيدة: حامي الجار
🎤 أداء: مسلم الوائلي
🖋 كلمات: سيد سعد الذبحاوي
~~
ندري الجار يفزع لو سمع جاره
علي محد فزعله من احرگوا داره
عالطاهره البضعه .. فزعوا فرد فزعه
~~
علي حامي الحميه واسمه حامي الجار
لجن محد حماه وطفه ذيج النار
دار المصطفى هالدار مو اي دار
بيها فاطمه ومستودع اسراره
~~~~
وصه الباري يا هالناس بالجيران
وما معذور اذا ما شاهد النيران
اشتم حتماً الحرگوا وطب دخان
شيريد يگول ما مقبوله اعذاره
~~
هضل وصياح جيف الجار ما يسمع
وعلي جان الهم الأبسط أمر يفزع
حامي الجار جاره شلون ما يطلع
ويعلن للوصي وفاطمه استنصاره
~~~~
حته الي سمع منهم بعد فتره
خاطر فاطمه محد اجه يجبره
شبيها الناس فضل المرتضى تنكره
جليس الدار ضل محد اجه وزاره
~
العنده امصاب جيرانه يواسونه
واصحابه عله امصابه يعزونه
الداره مو يدخلون ويضربونه
ويخلون من دم عينه تتجاره
~~~
منهم كل اجر والدها ما راده
راد اتحفظه هاي الناس بأولاده
بس هالبضعه تالي عليها يتماده
جان اعله الأقل يحمون آثاره
~
حته من البجي والنوح منعوها
وسف بره المدينه الزهره طلعوها
تحت ظل شجره تنعه وتالي گطعوها
وما بطل جفنها دموعه واعباره
~~
امه شلون امه الرضت بالمنكر
هناك بيا عذر للهادي تتعذر
المثل فاطم ضلعها شلون يتكسر
وتصيح بصوت وينه الياخذ بثاره
°°°°°°°°°°°°°°°°°°°°°°°°°°°°°°°°

حامي الجار | مسلم الوائلي | حسينية بيت الزهراء | 1443 هـ
https://youtube.com/watch?v=Et7TC2_eBtc&feature=share

📜 القصيدة: راحت اويلاه
🎤 أداء: مسلم الوائلي
🖋 كلمات: علي مالك الموسوي
~~~
أماه يا زهراء         أماه يا زهراء
~
باجر اگعد بين روحي وبين عيني
ما تجيني امي العزيزه وما تجيني
حسين بعد اختك تگابلني ارد اموت
حته بيني وبينك يخلص ونيني

اويلاه راحت اويلاه
حسيناه ماتت حسيناه
يجي الليل وانه ألزم الباب
بعد آه زينب بعد آه

وين شمعة علي ليش تبجي السمه
ضيم هذا الگلب بيج يا فاطمه
~~~~
گاعده ابجي وحاطه دموعي بشليلي
هلبت الله اتگوم ويردلي دليلي
ياهو اباوع بي يصيح شلون بينه
حته ابونه ايگول مات وياها حيلي

غريبات ضلن غريبات
حنينات يبجن حنينات
بعد هاي ما تنطب الدار
عشگ مات حيدر عشگ مات

بيش يشفه الجرح ضاع منه الدوه
آخ گمت اختنگ راح ذاكه الهوه
~~~
شالعين گلوبنه وهم هاي زينه
والفراگ يتعب الناس الحنينه
فاگدين المرحله مضيعين كلشي
يعني اي واحد يگول ابجي بجينه

للعيون شنحط للعيون
يتعبون اهلي يتعبون
وانه بهاي يا حيرة البال
يردون لو ما يردون

دوم ما ظل صبر كون يگضي العمر
وين ذيج الهله موت وابقه انتظر
~~~~
يمه والله البيت ما مرتاحه اطبه
حته من نگعد نحس بالبيت غربه
كونج اتشوفين ابوي شحال روحه
من الصبح لليل حيدر كاض گلبه

بده يموت حيدر بده يموت
والبيوت مهجومه البيوت
والخوان جنهم مجاتيل
ولا صوت نسمع ولا صوت

غاب وجه الصبح جاي لينه الرمح
ضيم توه ابتده انوب يبدي الذبح
~~~
يا مسيت العافيه عليكم يهلنه
امي ماتت ليش ما وياها متنه
يوم كامل خلص وزينب بواجي
سوو حل يخوان زينب مو تعبنه

گضه الحيل زينب گضه الحيل
واجه الليل تعبت واجه الليل
وانه شلون مسكينه يا روح
علي دخيل يمك علي دخيل

گوم بويه علي شوف كسرة هلي
هاذ گلب اليحب بالشوگ مبتلي
~~~~
علي بويه شلون بيك شلون بيه
رايحه ابجي عليك وانته ابجي عليه
وكت حيدر دنگ وما شال روحه
علي تعذب من وره فراگ الزجيه

آخ يصيح حيدر آخ يصيح
گام يطيح ويلي گام يطيح
بيده الدين واگف والتكوين
وي الريح مايل وي الريح

موت حيدر بعد راح ذاك الصدگ
موت وي فاطمه ذاك گلب اليدگ
°°°°°°°°°°°°°°°°°°°°°°°°°°°

مشاهدة "راحت اويلاه | مسلم الوائلي | عزاء الطفوف | 1444هـ" على YouTube
https://youtu.be/EK5r_YGFK_4

📜 القصيدة: سيدنا العطشان
🎤 أداء: مسلم الوائلي
🖋 كلمات: علي مالك الموسوي
~~~
واويلا  واويلا .. سيدنا العطشان
~
طايحه ومن عمت عيني عليها
وهاي زينب جا شصاير بيها
~~~~
كلشي بالطف زينب مبجيها
وهاي زينب جا شصاير بيها
شبت النار وكلت رجليها
وهاي زينب جا شصاير بيها
~~~
هيبة الله انحط حبل بيديها
وهاي زينب جا شصاير بيها
وصله وصله تعاين الواليها
وهاي زينب جا شصاير بيها
~~
تحجي بس محد تره يحاجيها
وهاي زينب جا شصاير بيها
كلها دارت بالطفوف عليها
وهاي زينب جا شصاير بيها
بجت زينب والشتم ماذيها
وهاي زينب جا شصاير بيها
~~~~
كلها دارت بالطفوف عليها
وهاي زينب جا شصاير بيها
نعمة الله بكربله امبديها
وهاي زينب جا شصاير بيها
وين يگضيها التموت اعزازه 
وآخ لو لعيونهم تتوازه
والله يا ناس الأخو نعتازه
جنازه عدله وكاتلتها جنازه
تحجي بس محد تره يحاجيها
وهاي زينب جا شصاير بيها
وبجوا زينب لازم نواسيها
وهاي زينب جا شصاير بيها
~~
كلشي مر بزينب بليل اهدعش
حرگ وصياح وگطع روس وعطش
وسهم ما يستحي العبد الله غبش
والحسين بكبره للخيل انفرش
شمعه شمعه الوكت ضل يطفيها
وهاي زينب جا شصاير بيها
~
ركضوا وركضت وطاحت خايفه
حرمه ليش عليها هدوا طايفه
ضلوع شتريدون زينب شايفه
جفوف روس وحته خنصر عايفه
وفوگ كل هذا النذل سابيها
وهاي زينب جا شصاير بيها
~~
تعبوا زينب وعدمن تشتكي
حته بالطف منعوا عليها البجي
ماكو واحد عدهه خاطر تنتجي
ضاله وحيده المره بطرگ البجي
وطيحوا جفين من راعيها
وهاي زينب جا شصاير بيها
~~~~
عفيه زينب عالصبر گلبج حنين
شلون طلعت خويه جلمه رايحين
وادري شنهي الهاضمج وشهل ونين
لمت حسين واجوا طشوا حسين
زينب انشوف الدمع عاميها
°°°°°°°°°°°°°°°°°°°°°°°°°°°°°

📜 القصيدة: قانون الخدم
🎤 أداء: مسلم الوائلي
🖋 كلمات: هاني الناشي
~~~~
حسين يا مولاي .. حسين يا مولاي
~~~
يالتسوه التعب يا عشگ الگلوب
والمذنب يجي يم رجلك يتوب
الهظم دلالي نحرك لاجمه تراب
موش من النحر مذبوح مگلوب

الگلبه بي ألم تشبه الخيم .. جمرته
جرحي يا هوا صاير الدوه .. لجمته

هذا قانون الخدم ماكو بديله
العنده غير حسين ما عنده وسيله
انه فتره مفارگك توجعني روحي
الله يدري شصاير بگلب العليله
~~
كلشي بهالحياة يمرنه ويروح
بس انته الوحيد التارس الروح
الوادم كل جرح تنساه وترتاح
وانه عاشگ نحر كل يوم مذبوح

كلشي ما شفت بس الك متت .. حبيبي
ألطم بحزن وازرگ الجفن .. يشيبي

گلي من يا صوب اگلب ذكرياتك
من العطش لو من المراكض بناتك
عابر النسيان وجهك بالمحنه
نجي كلنه ذنوب وتلمنه بعباتك
~~~
شنو شمنطين الك ونطيتني هواي
يالحدر الشمس ماخذني لفياي
يا ربي العطش يا ماي يرويه
كون من الگصص يفزعلك الماي

حيره خنصرك مدري منحرك .. يتعبك
ما لگه سند والشمر صعد .. يعذبك

ماكو حيهم سلبوا شيخ العشيره
منين ما نقراها سالفتك جبيره
يا گلب يتحمل الصار بحبيبه
راسك انشال برمح وانته بحصيره
~~
الگلب البي عشگ ما يحمل اثنين
وعين بلا نظر ما تنحسب عين
اكو وادم تشوف وعمية گلوب
واكو وادم عمت من بجي الحسين

الگلبه محترگ بنبضه ينسحگ .. ويلزمه
الگه بي جمر باقي من خدر .. يلجمه

وانه بالكاروك اسود لبسوني
وذنوا بسمك بأذاني و وزروني
ضوگوني تراب گبرك وشتراني
شگد ضعت وبابك امجلب لگوني
~
وفيت وبالوفه تنهاب الأخوان
رويت الگاع وانته بنحر عطشان
تشييعك سهل بس شحة امتون
الهظيمه الفاتحه يسونها نسوان

هدمك انسلب وشترى التعب .. دليلي
گطره ما ضگت هواي تعذبت .. يحيلي

انه اول عاشگ يصحيه جنونه
وانه اخر لون يمك ينسه لونه
اليحبك ما بجه من ماتوا اهله
بكثر ما يبجن اگبالك عيونه
°°°°°°°°°°°°°°°°°°°°°°°°°°°°°°°°°

مشاهدة "قانون الخدم | مسلم الوائلي | محرم 1444 ه‍ـ" على YouTube
https://youtu.be/PZK7vYEnN50

📜 القصيدة: سمه أحلامي
🎤 أداء: مسلم الوائلي
🖋 كلمات: أحمد الهلباوي
~~~
حسين حبيبي حسين
~~
سمه احلامي .. وضوه ايامي
وعشگ روحي .. واغله امنياتي

جرح عشته .. ودواي انته
وعزائي .. الحد مماتي

كل بشر ينعرف سيدي من السانه
ينكشف معدنه بالحجي وعنوانه
وانه ما تجري بلساني غير حروفك
هذا البصدري بسمك يدگ شريانه

كلمن طريقه وحده .. وحياته عنده
بنفاهه تگضي وتفوت
وانه نصيبي دمعه .. الحبيبي وانعه
بغرامه حد ما اموت
~~
ضوه عيوني .. وشمس لوني
ودمع شوگي .. وموطن غرامي

عشگ روحي .. ونعي جروحي
ولحن نوحي .. وصمتي وكلامي

يا حبيب الزجيه انته ربح سنيني
من اصيحن دخيل ادري ما تنطيني
گالوا اهل الكهف ما نسوا ثامنهم
وصرخت حاشه ينساني المربيني

هذا يقيني واقره .. بدليلي عبره
البواجي حصني الحصين
عندي العشگ عقيده .. وهواك اريده
وخيامك الگلبي دين
~~~
احن وانعه .. واهل دمعه
بسمه الخدمه .. طاير دليلي

صرت مجبر .. اجي واحضر
لعد بابك ..  وصرخ يويلي

ويلي عالطايح وحيله رايح منه
يسمع اصياح بنات النبي ايندبنه
ويلي عالماله بالناس اخو يتجيله
ويلي عاللي سگه الخيل اليدوسنه

ماكو بخيامه رايه .. ومصيبه هايه
وخواته المن تروح
نار المصيبه تدمي .. وجمرها يعمي
العقيله طلعت تنوح
~~
عشگ خدمه .. ورزق نعمه
وحلاة اسمه .. بگلبي هدايه

احن لجله .. فلا مثله
أله ولهله .. الحب والعطايه

هيجي من الله احبه واحب تعزيته
الدنيه تاخذني والگاني بحسينيته
الله خالقني ونطاني الج يا زهراء
حته اواسيج واواسي علي بذريته

درب العشگ يعتني .. ورفيجي حزني
وطريجي كلش طويل
وانحب عله السبيه .. بالغاضريه
وضعنها مابي كفيل
°°°°°°°°°°°°°°°°°°°°°°°°°°°°°°°°

مشاهدة "سمه احلامي | مسلم الوائلي - سيد مهدي البكاء | الفاطمية 1444" على YouTube
https://youtu.be/lxbwSbCcKDE

📜 القصيدة: الليلة جمعة
🎤 أداء: مسلم الوائلي
🖋 كلمات: حسن الترابي
~~~
الثار الثار ابو صالح .. الثار الثار
~~~~
الليله جمعة ونقره ندبه الليله
وندعي للمهدي الفرج تعجيله
يجي للحره وحملها يشيله
يعاون السجاد ويتجيله
تره ثگل النايبه هد حيله
~~~~
يرجع العبد الله جايب مايه
وفوگ گاع الطف يمد افيايه
يوگف بنص كربله يدگ ثايه
وتلتم العيله ويسوي قرايه
ويطبر الهامه ويطيب الدايه
~~~
الله ربه مخلي كلشي بأيده
يرجع وطف المنايه يعيده
يروح لحسين ويغسل وريده
وسهم البصدره يطلعه بهيده
ويلحگ النوگ بعبايه الزينب
فوگ عرش الله يحطها وينحب
يگلها يا عمه اجيت بمطلب
طول اغيابي العذر يا زينب
~~~~
شما بعد يوسف يجي اليعگوبه
يمسح اثار النهار غروبه
المهدي ثار الطف يجي مطلوبه
يلطم اعله حسين ويشگ ثوبه
وترجع اهدومه الأمس مسلوبه
~~~~
يجي بصينيه وشمع لأم جاسم
يسوي حنه وبيها تحضر هاشم
وتعله هلهولة عرس للقاسم
يحضر العباس بيده الصارم
يهوس ويتلاگه ويه القائم
~~~~
يروح لزهره بعلم عباسه
يگلها يا يمه ويفيض احساسه
الكسر ضلعج إلا اكسر راسه
والحرگ بابج إلا احرگ ساسه
°°°°°°°°°°°°°°°°°°°°°°°°°°°°°°°°°

📜 القصيدة: سيد الحب
🎤 أداء: مسلم الوائلي وموسى البولاني
🖋 كلمات: مؤمل مزهر
~~
سيد الحب ابا الفضل
~~~~
شفتك گمر وسط البشر سريت
آيه جمال وعالأرض مشيت
من روحتك خويه شكثر بجيت

اول كفيل بلا زند
يا ضامي وبصفك نهر
مو من عطش ميت تره
عاف الشمس مات الگمر
~~~
متكبر عليك الرمح يجور
وراسه حطه براسك ويدور
والدم طلع من هامتك يفور

عيونك البيهن حرت
معقوله انته من البشر
يشما اوصفك قصرت
هنيالي انه اخت الگمر
~
جن رايك الما يختلف ثبات
هيجي سهم عينك يظل يبات
شاف السهم بعينك الحياة

رمشك مثل خيط الشمس
وحاجبك بيض الهند
يالمنولد للواقعه
شلون الورد جاب الورد
~~~
انته الوتد وعله الأرض بقيت
طولك جبل يا ابو الفضل عليت
بان انكساري من شفت هويت

لمن مشه براسك رمح
مثل الخشب من ينكسر
يالواگف بريجك رمح
بعباتي ظل واگف جمر
~
يا سيد الحب والعشگ حلال
يلما شفت منك فقط دلال
راسك اجاني من صحت تعال

يا كتله من العاطفه
وكتلة غضب بالمعركه
عنصر كفر وعله النهر
بسيفك تجي وتفككه
°°°°°°°°°°°°°°°°°°°°°°°°°°°°°°°

مشاهدة "سيد الحب | الرادود مسلم الوائلي والرادود موسى البولاني" على YouTube
https://youtu.be/Hs-lNp8Vg-o