السلام عليكم احبتي الكرام
ارجوا متابعتي عبر الانستكرام
11ha_7
https://instagram.com/11ha_7?igshid=YmMyMTA2M2Y=

الحساب الرسمي ل عباس الوائلي
اشوفكم بالانستكرام احبتي 🌹

📜 القصيدة: يا محمد هدت الخياله
🎤 أداء: مسلم الوائلي
🖋 كلمات: علي مالك الموسوي
~
يا محمد هدت الخياله
يا محمد هدت الخياله
~~~~
يا محمد هدوا علينه برعب
منين ما نشرد يگطعون الدرب
ترضه يمحمد بخيتك تنضرب
وراح اسولفلك بشلعان الگلب

وأرد اگلك شرد اگلك بالحسين شحاله
ويا محمد هدت الخياله
~~~
خويه حال حسين شحجي وشرد اگول
خاف اسولف ولجم ضلوع البتول
خويه بالطف مدوا العريان طول
حته كلها ادوس بحسين الخيول

حته اصبعه انگص يخوي جماله
ويا محمد هدت الخياله
~~~
يا محمد كلشي سووا بينه
خوب هاي من الشتم ملينه
وانه محتاره انطي وجهي الصوب اخوي
لو اوخر السوط عن سكينه

هضمه واحد يحدي بي جتاله
ويا محمد هدت الخياله
~~~~
هسه غير انذبحوا اخواني الكبار
ادري جا شمسويه الأطفال الزغار
طفله خمس اسنين مشوها اعله نار
غير ذني الحرگوا عليهن الدار

وراس الحسين اعله زينب شاله
يا محمد هدت الخياله
°°°°°°°°°°°°°°°°°°°°°°°°°°°°°°°°°

📜 القصيدة: محد ظل وياي
🎤 أداء: مسلم الوائلي
🖋 كلمات: محمد الموسوي
~~~
زينب وينج طاح حسينج
.. لازم ظهري وجاي
خلصوا ناسي وي عباسي
.. محد ظل وياي

طاح الكافل .. جيتج مايل
محد ظل وياي .. محد ظل وياي
~
هاي اول مره امشي مدنگ وظهري انكسر
عالنهر عفته يزينب طايح حزام الظهر
راح اخيج يعني زينب كلشي راح
اسهام كله واعله طوله شفته طاح

شگد بجاني من وصاني
.. بيجن علويات
وكل شويه يباوع بيه
.. وغمض عينه ومات

شبيها جدامي .. متيها اخيامي
محد ظل وياي .. محد ظل وياي
~~
داير زنوده اعله ضهره و وجهه داير للخيم
شما يفك عينه الخيمجن سدوا عيونه بسهم
شما ادنه اعله المخيم تعتنيه
الخيل كلها اعله الفرات ادني بيه

الخيل تريده جفوفه بعيده
.. وهو بصف الماي
يهظم موته رايح صوته
.. جي صايحلي هواي

فوگاه عابر .. حافر حافر
محد ظل وياي .. محد ظل وياي
~~~
يكسر الخاطر لگيته خويه وبصفه طحت
عالتراب خدوده طبعن من كثر ما ملتفت
انگطعت انفاسه كثر ما حاوطوه
ولموا الخيل اعله جسمه وطشروه

بالنص صاير وعسكر داير
.. جسمك يالعباس
محد يمك وينزف دمك
..وضلوعك تنداس

طفوا عينك .. وانه حسينك
محد ظل وياي .. محد ظل وياي
~~~
مات يا زينب عضيدي والحجي اليهظم بده
خويه صاحولي الشماته حسين ظل الوحده
عله حسينج جيش كامل ظل يصيح
بعد ساعه ويم اخيك هم تطيح

ويذبحوني وفوگ امتوني
.. تركض نفس الخيل
گايم طايح بالدم سابح
.. حسينج مابي حيل

ما ظل غالي .. وحدج تالي
محد ظل وياي .. محد ظل وياي
~~~
شيخسر الموت ويگعده ويرجع يكض اللوه
وألزم ايده ويلزم ايدي وللخيم نرجع سوه
كون اشوف الماي بيده وهو جاي
ليش اشوفه يموت ضامي وبيده ماي

كون الكافل يرجع شايل
.. فوگ امتونه الجود
كون انشوفه بيده اجفوفه
.. وذيج الهيبه اتعود

مو گدامي .. ميت ضامي
محد ظل وياي .. محد ظل وياي
°°°°°°°°°°°°°°°°°°°°°°°°°°°°°°°°°

📜 القصيدة: دافن اهل گلبي
🎤 أداء: مسلم الوائلي
🖋 كلمات: عباس طالب السعيدي
~~~~
جيت اعثر بدربي
دافن اهل گلبي .. بالتراب
ياهو الصبر مثلي
لو ميت احسلي .. بالتراب

شناسي انه يمهم .. امشي وارجعلهم
بالتراب .. بالتراب
~~~~
اصعب موقف عاش وياي
گبر العطشان عليه ماي
.. ومبلل اترابه
انه الشلعوا گلبه اعزاز
هم دفان وهم جناز
.. مو هين امصابه

مامش متن واتعطل عن الدفن
بلكي يگعدون
طر الفجر وانه احجي بصف الگبر
هسه يگومون

الغالي عله اعزازه
يجلب بالجنازه .. وره الناس
يگضيها بس ردوا
من عندي كلشي اخذوا .. وره الناس

مو بديه احبهم .. امشي وارجعلهم
بالتراب .. بالتراب
~~~~
اصعب موقف مر عالروح
من تدفن بيدك مذبوح
.. ومطشره ضلوعه
اجمع بي منا لليل
گد ما صدره مطشره الخيل
.. بالمنحر دموعه

ما يلزم جسمه من خيول الزلم
بي شمسوين
طول العصر ادفن بس خالي الگبر
جا شمخلين

مثل العطر جسمه
ما ينكض اشتمه .. يالهواي
خلصت بجي عيني
وما خلص حسيني .. يالهواي

يمه اخوته كلهم .. امشي وارجعلهم
بالتراب .. بالتراب
~~
ليش حسين بلا تابوت
لا تشييع ولا زاتوت
.. حته البجي سكته
لا فاتحته اطبها الناس
لا واگف بيها العباس
.. وزغيره فاتحته

ضيمي من امس شدفن من عدها الشمس
واهلي يتانون
كلما گلت راح اگضي خنصر شفت
ظل ما مدفون

مطشر ضوه الجنه
يا حيره شدفننه .. صدگ هاي
من اجمعت ظهره
لاگاني دم صدره .. صدگ هاي

خطوه لو عفتهم .. امشي وارجعلهم
بالتراب .. بالتراب
~~
امشي واسمع صوت هناك
هاي جفوفي ادفنها وياك
.. لا تبتعد عني
يا دفان اخذ الجفين
فدوه ادفنهن يم حسين
.. بلكي الله يشبگني

وتعثرت بجفوفه ويمهن طحت
وي عمي شلون
والجف نگع بالدم جن توه انگطع
من گتله ام عون

الطوله جبل وسفه
بزغر گبر كفه .. صحت ليش
شاورني من گبره
سلملي عالحره .. صحت ليش

گال اخذني الهم .. امشي وارجعلهم
بالتراب .. بالتراب
~~
رديت الزينب تعبان
عطشان ودافن عطشان
.. گوه انگل اجدامي
گالت جا يبني اشنساك
لو جايب عبد الله وياك
.. مو تدري بي ضامي

گتله الولد كبران ومو بالمهد
ما رد وياي
گالت علي حاجيني شبيهم هلي
لو شربوا ماي

ما شربوا اميه
جي انتي مسبيه .. يگولون
اخوانج بهيمه
وسئلوا عله الخيمه .. يگولون

حيره شرد اگلهم .. امشي وارجعلهم
بالتراب .. بالتراب
°°°°°°°°°°°°°°°°°°°°°°°°°°°°°°°°°

📜 القصيدة: هذا لطمنه كل سنه
🎤 أداء: مسلم الوائلي
🖋 كلمات: محمد الموسوي ومحمود الموسوي
~~~~~
هذا لطمنه كل سنه .. عله حسين وولاده
~~~~~
المفروض كل يوم الدمع
... عله حسين وولاده
واللطم لازم ينسمع
... عله حسين وولاده
وسحگت الخيل اعله الضلع
... عله حسين وولاده
طايح جبير الساده
... عله حسين وولاده
~~~~~
دارت الخيل اعله الخيم
... عله حسين وولاده
يا ناس والحيل انهدم
... عله حسين وولاده
عباس ويلي اعله السهم
... عله حسين وولاده
والقتل صاير عاده
... عله حسين وولاده
~~~~
يا ناس طگ گلبي وعلي
... عله حسين وولاده
وي ظهري مايل محملي
... عله حسين وولاده
يا غربتي بديرة هلي
... عله حسين وولاده
وعله الهظم معتاده
... عله حسين وولاده
~~~~
نلطم اجينه من السبي
... عله حسين وولاده
نسوان تبجي بموكبي
... عله حسين وولاده
وتراب متروسه العبي
... عله حسين وولاده
و زينب اجت نشاده
... عله حسين وولاده
~~~~
تبجي المواكب والسمه
... عله حسين وولاده
تواسي الزجيه فاطمه
... عله حسين وولاده
كربله شبيها محزمه
... عله حسين وولاده
ملتمه جيش وقاده
... عله حسين وولاده
~~~~
ردينه والمدمع يهل
... عله حسين وولاده
ويانه بجينه الهزل
... عله حسين وولاده
كلساع ويجرنه الحبل
... عله حسين وولاده
والسبي هذا الراده
... عله حسين وولاده
~~~~~
سوينه مجلس بالدرب
... عله حسين وولاده
تشتمنه يا ديره النطب
... عله حسين وولاده
ما ينحمل حجي الغرب
... عله حسين وولاده
والحرگ وين اضماده
... عله حسين وولاده
~~~~
نسوان ذني اجمعن
... عله حسين وولاده
وبين الگبور اتوزعن
... عله حسين وولاده
لطمن وكلش جزعن
... عله حسين وولاده
وتراب گبرك ناده
... عله حسين وولاده
~~
ردينه من ظيم القصر
... عله حسين وولاده
ظل ينحب اتراب الگبر
... عله حسين وولاده
گولات سوينه وشعر
... عله حسين وولاده
كثروا اللطم وزياده
... عله حسين وولاده
~~~

📜 القصيدة: ماظل كلشي بعباس
🎤 أداء: مسلم الوائلي
🖋 كلمات: حسن الترابي
~
شبگته وكله دم .. لجمني ونلجم
يمك وتصيح الناس
ماظل كلشي بعباس
زينب خويه .. زينب خويه
~
يزينب من رحتله
عثر جدمي وصحتله
گلت بلكي الله هاي احلام

سكت ما گام اليه
شبگته وهد اديه
خفت مو هوه من ما گام

ما گام وشاف يا هو الجاي عد راسه
ما گله حسين هذا الطاح احساسه
نايم والخيل ركضت حيل بنفاسه

وصدره الهيبه اتثلم بيدي من گعدته
هزيته وحاجيته وگلي ياهوه انته

اخوك انه اشعجب .. گلتله ونگلب
گوه يشم الأنفاس
ماظل كلشي بعباس
زينب خويه .. زينب خويه
~
شگلج من وصلته
عرفته وما عرفته
تغير كلشي بي يم عون

لگيته بلايه جفه
وأريد يگوم احلفه
لجمته وما گعدلي شلون

خلصت الگاع كلها اركاض انشد وين
گالوا عالماي بس الماي صاير وين
وعداي تصيح راح يطيح فوگه حسين

مديت ايدي وگتله اگعدلي تعبني الخوف
حرك روحه ومد ازنوده ما عنده جفوف

ندهته وما حجه .. شهگ شهگه وبجه
بالحافر يختي انداس
ماظل كلشي بعباس
زينب خويه .. زينب خويه
~~
طحت كل حيلي يمه
بجيت وردت المه
العده ما يرجع يصيحون

بعد بالحومه شلك
اخوك وما گعدلك
بجيت وگاموا يضحكون

ردت ارجع ليج بس اعداي يهوسون
بجينه حسين عالعباس ويضحكون
هزيته اردود ردته يشوف شيگولون

مثل اوليدي اتهشم بيدي من هزيته
واحد حشم واحد شتم ما حاجيته

انشتمنه وما گمت .. طحت فوگه طحت
مو انته البيك انجاس
ماظل كلشي بعباس
زينب خويه .. زينب خويه
~~~
انطبع خدي اعله خده
شيگومني وأهده
كسرني الما كسرته بيوم

هظمني وخصمي يضحك
بعد ساعه ونذبحك
ويصيحون بگفاي الگوم

اگعد عباس سكت الموت والشمات
يمك والجيش كلها تصيح حيلك مات
هم يله تگوم دربك صار بس عثرات

غمض عينه وگتله امروتك ارحم گلبي
ما تعبني بگدك واحد منك تعبي

گمت بس شگمت .. خطوتين ومتت
من جدمه الدم للراس
ماظل كلشي بعباس
زينب خويه .. زينب خويه
~~~
گلتله امشينه يله
بجه وحلفني بالله
تخليني بمجاني هنا

ألتفت للخيمه واشر
رفع زنده وتطشر
انكسر يختي وحرت وياه

لميت هواي بس الطاح منه هواي
ظل من عباس بس الموت يختي وياي
لا انه من اخوان لا صحبان لا من ماي

اجيتج منه بظيم افراگه آخ من الطف
وصليني الخيمه وگعديني ما بيه اوگف

كسر ظهر اخوي .. اندبنه بيبوي
باجر غربه الحراس
ماظل كلشي بعباس
زينب خويه .. زينب خويه
°°°°°°°°°°°°°°°°°°°°°°°°°°°°°°°°°°

📜 القصيدة: صيح حيهم للحرب
🎤 أداء: مسلم الوائلي
🖋 كلمات: حمزة الحسناوي
~~
علي بويه علي بويه صيح حيهم للحرب
~~~~
صيح حيهم صول بيهم وانته گد الملحمه
كون ملك الموت يتعب جثث ينگل للسمه
كون گاع الطف اريدن تمطر اعظام ودمه
كون عفيه ابني تصيحلك من گبرها فاطمه

وسحگ اطراف الشريعه وخلها بيهم تنگلب
~~
صوتهم للخيمه واصل هد ابن هاشم الحيد
ما يحط درع اعله صدره يخسف بصدره الحديد
ايس الواگف اگبالك گالك اخذ شتريد
ليش من گدامك اشرد وانته تكتل من بعيد

وين جا عن سيفك اشرد إلا جوه الگاع اطب
~~
ناس فوگ الماي تركض ناس تركض ليوره
صاحوا اعله الروس نعبر المن انحط گنطره
عطوه راد الجيش منك ضاگت عليه الثره
بالسره اذبحنه اعله كيفك محد يخرب السره

وين ما تفتر رگبنه علي انشوفه بكل درب
~~
للحرب وعيون زينب شيلة امك تنعگد
قل هو الله اعله وجهك قرن خافن تنحسد
يبن الثگال الهواشم يبن ابوك الما يرد
مثل جدك ما انذبحه انگسمه نصين اليهد

والنهر ما ردنه مايه ماي وجهك ينشرب
~~~
ناس تسحگ ناس گامت تركض اركاض نينوى
انصيح بس بروح ابوك نريد نشتم الهوه
يا ضوه وتخطف علينه وبيمن انكض الضوه
جيشهم يتعب بكبره ويوگف ويركض سوه

وانته عود بطرگ سيفك واحد وكلش صعب
°°°°°°°°°°°°°°°°°°°°°°°°°°°°°°°

ارجوا اخوتي المشتركين مشاركه الفيديو بجميع التواصل الاجتماعي حتى يوصل صوتنا.

اخوكم عباس الوائلي

مداشوف الفيديو منشور انشروو لجعلها حسنه في ميزان حسناتكم اريد الفيديو يوصل لوزاره التربيه همتكم بالنشر اخوتي الكرام ❤️

#تأجيل_الامتحانات_مطلبنا
🔴وزارة التربية تقف ضد الزيارة الاربعينية بتحديد موعد امتحانات الدور الثاني للمراحل الغير المنتهية حيث تبدأ (يوم ٧صفر وتنتهي يوم ١٨صفر) وهم يعلمون بأن هذه الايام تحتاج الى وقفة من صغارنا وكبارنا لخدمة زوار الامام الحسين عليه السلام وبهذا قرارهم يريدون ان يمنعوا التلاميذ والطلبة واهاليهم والكوادر التدريسية من المشاركة في الزيارة الاربعينية وخدمة الزوار

🔴هل يعلمون ان بعض الدول تقوم بغلق دوائرها من اجل زيارة الاربعين هل يعلمون بأن جميع محافظات العراق تغلق ابوابها ودوائرها وتتجه الى زيارة الامام الحسين عليه السلام...... نعم يعلمون لكنهم يقفون ضد زيارة الاربعين

🔴اولياء امور الطلبة والطلبة يناشدون وزارة التربية بتأجيل امتحانات الدور الثاني الى مابعد الزيارة الاربعينية

🔵لابد من تغيير الموعد وجعله بعد الزيارة بعدة ايام

📜 القصيدة: هاي زينب جا شصاير بيها
🎤 أداء: مسلم الوائلي
🖋 كلمات: علي مالك الموسوي
~
هاي زينب جا شصاير بيها
هاي زينب جا شصاير بيها
~~~
طايحه ومن عمت عيني عليها
كلشي بالطف زينب مبجيها
شبت النار وكلت رجليها
غير هو الجابها يوديها
وكت يا ناس الشمر يحديها
هيبة الله انحط حبل بيديها
وصله وصله تعاين الواليها
تحجي بس محد تره يحاجيها
~~
كلها دارت بالطفوف عليها
تحجي بس محد تره يحاجيها
بجت زينب والشتم ماذيها
وين يگضيها التموت اعزازه 
وآخ لو لعيونهم يتوازه
والله يا ناس الأخو نعتازه
جنازه عدله وكاتلتها جنازه
وبجوا زينب لازم نواسيها
~~
كلشي مر بزينب بليل اهدعش
حرگ وصياح وگطع روس وعطش
وسهم ما يستحي العبد الله غبش
والحسين بكبره للخيل انفرش
شمعه شمعه الوكت ضل يطفيها
~
ركضوا وركضت وطاحت خايفه
حرمه ليش عليها هدوا طايفه
ضلوع شتريدون زينب شايفه
جفوف روس وحته خنصر عايفه
وفوگ كل هذا النذل سابيها
~~
تعبوا زينب وعدمن تشتكي
حته بالطف منعوا عليها البجي
ماكو واحد عدهه خاطر تنتجي
ضاله وحيده المره بطرگ البجي
وطيحوا جفين من راعيها
~~~~
عفيه زينب عالصبر گلبج حنين
شلون طلعت خويه جلمه رايحين
وادري شنهي الهاضمج وشهل ونين
لمت حسين واجوا طشوا حسين
زينب انشوف الدمع حاميها
~~~
جابونه اعله درب الماي ودافعوا ويانه
يحسين الملاگه شلون زلمه بوجه علويه
اجلب بالعبايه احتار كلهن جلبن بيه
والخيل اجت لينه   گوم الحگ علينه
°°°°°°°°°°°°°°°°°°°°°°°°°°°°°