تخيل وياي هالموقف:⭐️
⭐️ أكو دكتور أسنان يقلع سن العقل بـ25 ألف، بس العملية تاخذ من نص ساعة إلى ساعة.
⭐️ ودكتور ثاني ياخذ 50 ألف، لكن القلع ما يطول أكثر من 5 دقايق!

⭐️ إنت حر تختار تروح للي يناسبك، بس ما تكدر تروح للدكتور الثاني وتكله: "سويلياهه بـ25"
لأن هذا مو حقك، ولا هو مجبور يتنازل عن تعبه.
الاثنين تعبوا، درسوا، واخذوا خبرة. الفرق؟
واحد طور من نفسه، اتعلم تقنيات أسرع وأفضل، فصارت شغلته أنظف وأسرع.
وهذا يبرر فرق السعر.
⭐️
نفس الشي يصير ويه الدورات التعليمية.
يؤسفني أسمع من البعض إنو سعر الدورة "مبالغ بي" وكأنو اللي أقدمه ينقاس بالأرقام!
وراء كل محاضرة ⏰ ساعات من التحضير، المتابعة، الدراسة، والإخلاص حتى أوصل المعلومة بأفضل صورة تليق بأبنائكم.

واللي يقهر أكثر إنو البعض ما يتردد يصرف فلوسه على
مطاعم 🍔، طلعات 🚗، وسفرات ✈️،
بس يتردد من يوصل الأمر لتعليم ابنه أو بنته!

ويوصل بيهم يقارنوني بغيري ويكول: "ذاك الأستاذ ياخذ أقل!"
أوك، روح لذاك الأستاذ،
بس ليش الانتقاص؟!
همه اختاروا يقللون من قيمة تعبهم، وأنا احترم اختيارهم،
بس مو من حق أحد يفرض قناعاته ع غيره!

لا أنت مجبور تشترك عندي، ولا أني مجبورة أستقبلك.

أني خلف الكواليس أدرس، أختصر، أتعب، أتابع دورات مع أجانب
(أقل محاضرة عندهم تاخذ 15 دولار للساعة!)
عدا التعب الصحي:
سويت عملية عيوني بسبب التدريس
من ورا اللابتوب والتلفون 💻📱
وتجي تستهين بتعبي؟ ع أي أساس؟

بالنسبة إلي، النوعية أهم من الكمية.
يكفيني أدرّس 10 طلاب يعرفون شنو يعني تعب "عبير السعداوي"
ولا أستقبل 50 طالب ما يقدّر ولا يحس.

مثل ما أنت دا تدرس وتتعب لأن هدفك توصل لمجموعة طبية وتضمن راتب ومستقبل،
أنا هم عندي هدف:
أعلّم، أقدّم محتوى نظيف، وأنجح... مو أشتغل ببلاش!

⭐️⭐️⭐️أتمنى يكون عدكم وعي كافي تفرقون بين السعر والقيمة، بين التعب الحقيقي والتقليد.

كل احترامي وتقديري لكل الزملاء،
بس خلو المقارنات بناءة، مو هدامة.

وشكرًا من القلب لكل شخص داعم، ويعرف شكد الجهد يتعب صاحبه.
شكراً لكل من يختار يقدّر، بدل ما يستهين. ❤️

قررت ما يلي 🙂
دورة المراجعة للغة الفرنسية
للصف الثالث متوسط
راح تكون ⭐️⭐️⭐️ مجانية ⭐️⭐️⭐️
شروط الاشتراك تدزلي ع الخاص
1️⃣صورة للبطاقة الامتحانية (اذا ما متوفره صوره للبطاقة الموحدة)
2️⃣شهادتك مال سعيات (اذا ما مستلمه ف عادي شهادة اخر مرحلة)
3️⃣رقم ولي الامر:
4️⃣رقم الطالب (ان وجد)
رتبهن بالتسلسل ودزلياهن ع الخاص واضيفكم للكروب
اي معلومات ناقصة تُهمل الرسالة

الجدول:
📅 الاثنين – ٦/٢:
🕒 الساعة 3 ظهراً (ساعتين)
🕗 الساعة 8 مساءً (ساعتين)
📅 الثلاثاء – ٦/٣:
🕙 الساعة 10 صباحاً (ساعتين)
🕒 الساعة 3 ظهراً (ساعتين)
🕖 الساعة 7 مساءً (ساعتين)

https://t.me/+9647822438609
ملاحظة: الدورة الكترونية ع منصة كوكل ميت

مواعيد دورات اللغة الفرنسية 🇫🇷
1️⃣ الأول متوسط: (يُحدد لاحقًا)

2️⃣ الثاني متوسط: يبدأ ٦/٣٠
➖كل اثنين وخميس الساعة ٩ مساءً 🕘

3️⃣ الثالث متوسط: يبدأ ٥/٢٧
➖كل ثلاثاء وأحد الساعة ٨ مساءً 🕘

4️⃣ الرابع إعدادي: يبدأ ٧/٢٠
➖(تُحدد الأيام لاحقًا)

5️⃣😀6️⃣ الخامس + السادس إعدادي (منهج قديم)
الوجبة الثانية: تبدأ ٨/١
(العدد محدود فقط ١٠ طلاب)

3️⃣ الثالث متوسط – دفعة ٢٠٢٤ (مراجعة مجانية): ٦/٢

⭐️⭐️ ملاحظة: كل الدورات تبدأ من الصفر
جميع الدورات الكترونية ع منصة zoom