‏تحت دبرة الله ماعلينا خلاف وخوف
‏تمر السنين وتمشي إن سرّت وضرّت .

‏حمدتك على خير وحمدتك على مكروه
وسبحانك اللي لا التجأ عبدك أنصفته .

‏جعلني مثل إستقامة أصبعي وانا أتشهد
‏في دروب العالم الفاني وزحمة مغرياته .

‏يالله أنا طالبك خاطرٍ سمح وطول بال
يسعفني أساير زماني وأقوى بلاويه .

لو تجوب البسيطة وتعبر ما بين دار ودار
‏ما تلقى مثل قلبي لو تشوف عيونك أشباهي .

‏توني صغيرة السّن والعمر ما شاب
‏وان فات شيء اليوم بكره اجيبه .

‏عسانا لاخسرنا مانخسر الا ضعيف الراس
‏و عسانا لا ربحنا نربح اللي ذايعٍ صيته .

عسى الدنيا تشمّر لي سواعدها بليـا حدود
‏وعسى كل فرحة ي قلبي تناديها تلبي لك .

‏تراني هادي وطيب وأحافظ على مرباي
‏ولكن من رماني بطلقه رميته ميه مره .

لا ينثني عزمك بكلمه مايصير
دور على اللي مايصير وعانده .

من اللي علمك لامن رحلت تهمش الأحباب
و تغيب عن الوجود ولا تمر الا على بالي .

قدم الموادع نحسب انا قوييّن
وعند الوداع اثر اضعف الناس حنا .

غرورك تمتع به على اللاش والمسكين
اما انا؟ . . نظام الغطرسه مايناسبني

يكسبني الكلام الواقعي والجناب الزين
و ردي العقل بالذات ماهوب كاسبني .

أنتي غلاي ورغبتي والغلا كاس
‏لو أنثره يملا بطن كل وادي .

وعيونها .. اللي رماح الموت حرَّاسها
‏تقدر تسولف على الواحد وهي تذبحه .

تقولين الديار بعيده واقول القلوب اقراب
يسافر لك خيالي وين ما رحتّي وسافرتي .

من عرفتها و أيديني عليها ظلال
أغطيها عن الناس لا تنعجب فيها .

Ror.

قطعت الرجا من قربك وشوفك ولقياك
يا شين الظروف اللي على مواصلك عيّت

أقلّب صورك في خيالي .. بعد فرقاك
تقول اني أقلّب صور .. واحدٍ ميّت .