ممكن ابعث رابط تعليق تتفاعلولي عليه ؟

#هل_الحياة_عادلة!؟
سؤال يبرق في ضيق العتمة،
ويقضّ مضاجع الأسئلة حين تصطدم أشرعة الأماني بصخور الواقع.

هل الحياة عادلة!؟
لو سألت الطفل الذي يحمل على كتفيه الصغيرين أوزار سنين لم يعشها بعد، لقال لك بصوت خافت يعبث به الريح:
كلا.
ولو سألت الكادح الذي ينحت في صخر الأيام لعله يَجد قوتاً يُقيم بعائلته:
لملأ الفضاء زفيراً.
نحن نعيش في عالم يحب الأرقام الجافة، ويزن السعادة بميزان الذهب،
ويقيس الأقدار بمسطرة الحظوظ الجاهزة.

قد ترى أن الحياة تمنحك رغيفاً يابساً، وتفتح لغيرك موائد النعيم، ثم تطالبك أن تبتسم وأنت تبتلع غصة الطريق.
او أنها تمنح العُمر لأناس لا يقدرون معناه، وتسرقه بغتة من عيون تعلقت بالحياة وكانت تملك من الشغف ما يكفي لإنارة مدينة.

لكن الحقيقة هنا...
هل العدل الإلهي يُقاس بلحظة نعيشها، أم بمجموع الرحلة؟

السر يكمن في أننا ننظر إلى العنوان ونظن أننا قرأنا الرواية كلها.
الحياة ليست عادلة بمعاييرنا القاصرة؛
فهي لا توزع الأوجاع بالتساوي، ولا تمنح الفرص على ميزان الذهب.
لكنها عادلة بطريقتها العميقة والبعيدة عن إدراكنا العاجل؛
تمنح الصابرين قوةً لا تُباع ولا تُشترى، وتزرع في صدر المظلوم يقيناً يطفئ حرقة الظلم، وتضع في طريق التائهين إشارات خفية لا يرى نورها إلا من أرهقه التعب فسلّمَ قلبه لبارئه.
العدل الحقيقي ليس في أن تتساوى الخُطى، بل في أن يجد كل ذي قلب طمأنينةً تليق بقلبه الأبيض.
الحياة قد تبدو قاسية، ظالمة، وعابرة بثقلها،
لكنها في أعمق نقاط عتمتها... تخلق منا أشخاصاً لم نكن نحلم أن نكونهم يوماً.
وفي نهاية المطاف،
لعلها ليست سوى ممرّ ضيق، جئنا إليه لنختبر أيقونة الصبر، ونترك خلفنا أثراً لا يُمحى.
فلا تقف طويلاً عند محطات الظلم العابر، ولا ترهق روحك بسؤال العدالة المفقودة هنا؛
فكل عوجٍ في هذه الأرض، سيستقيم تماماً، في محكمة السماء.

#في_محكمة_السماء
#في_محكمة_السماء
#في_محكمة_السماء.


#أيهم_العيسى.
#خاطرة.

اليوم عمري ٢٢ سنة...
بكتب من لما كان عمري ٧....
هي من اجمل ما كتبت🤷‍♂🤷‍♂🤷‍♂❤️
سكارة وكاسة مته ونغمة حزينة ريمكس حصرا🤣🤣🤣

ما بحثت بحياتي غير عن الأثر الطيب🤷💙
#الحمدلله💙
وشكرا لكل حرف موجود بهالرساله وشكرا لصاحب الرساله اللطيف💙

#بري_12.
بداية خفيفه.

#كلشي_بحياتك_ترتيبات_من_ربك 🩵
#أيهم_العيسى. 🩵

من بعد اذنكم اذا فيكم تشاركوه لبري 12 بكون ممنون🩵

هاد البوت ل صديقي...
فيه شحن للتيلجرام او ل تطبيقات تانيه....او توثيق....او شحن ألعاب انت بتلعبا....يلي بدو يشحن يقلو عن طريقي هوي بالحاله الطبيعيه اسعارو مرتبه ورخيصه❤️

#الغلط_مو_بالحب
#هنن_شوهو_الحب_وشكلو_ومفهومو.

بالبداية خليني احكي عن الحب بالذات:
إذا سألت أي حدا عن الحب ممكن تلاقي الجواب عبارة عن قصة وجع أو ممكن غصة قديمة....وممكن بشخص ٱخر يوصف الحب ع انو أعظم شيئ وُجد بهي الحياة (وهي الحقيقة)....

#الحب يُشكل 10 بالميه من العلاقه ع فكره!!!!!!
45 صدق (يلي رح يسبب امان واستقرار وحنان وثقة عمياء اكيد لانو ما في كذب)
45 احترام (وسط زمن ٩٩ بالميه من العلاقات خاليه من الاحترام وصدقني اغلبها للهاويه وعندي مثال حدا من اصدقائي ضل بعلاقتو ٧ سنين وتركو بسبب الاحترام قبل خطوبتن)

الاحترام والصدق شرطين غير قابلين للنقاش ولا قابلين للجدال ولا للنقصان

التعريف الحقيقي أبسط وأنقى بكتير من كل هالكراكيب يلي بتعرفوها او عشتوها او حتى سمعتوها....
الحب مو خنقة ولا هو تحكم ولا هو تعلق مريض بيسرق منك ضحكتك وراحة بالك.

الحب الحقيقي ببساطة هو "أمان".
#قيل قديماً: "القلب إذا اطمأن، استوطن."
وهيك هوي الحب..
المكان يلي بتلاقي فيه حالك وبتكون قدام الشخص الثاني على طبيعتك بدون ما تحسب حساب لأي قناع.....

بالقرآن الكريم، الوصف الإلهي أعمق اختصار لسر العلاقة:
{وَجَعَلَ بَيْنَكُم مَّوَدَّةً وَرَحْمَةً}
حطيت الٱيه لاني عم احكي عن حب نقي شريف عم يقاتلوا التنين ل يحصلوا ع ثمرة حبهن وتكون الزواج
المودة أفعال بتفرح القلب والرحمة هي الحنية واللين وقت الغلط والعتب.
يعني بالمختصر: الحب رحمة ومودة، مو معركة ولا اختبار قدرة تحمل.
لما تحب صح:
ما بتخاف تفقد حالك بالعكس بتلاقي حالك عم تكبر وتزهر.

ما بتستنى المقابل بحسابات دقيقة لأن العطاء بصير هوي بحد ذاتو متعة.
وما بتنام وبقلبك حرقة لأنك بتعرف تماماً إنك بـ "المكان الآمن".
الحب شعور عظيم نضيف وبيرفع الروح للسما....
مو متل الحب يلي عم تشوفوه ع المواقع...ولا متل التفاهات يلي انتشرت...
الحب مو غريزة مو استغلال ولا استعطاف....
الحب غيرة واستقلال وتضحيات....
مو بالشكل القبيح المؤذي يلي منشوفو...
انا انسان بيعرف الحب.....وبيعرف حالو تماما شو عم يحكي
الحب هوي انك تبزل اقصى طاقتك كرمال راحة الشخص المقابل....
وبالمقابل كمان ....يشوف شريك حياتك اقل فعل انت بتعملو هوي شيئ عظيم الو❤️🤝

الحب مو قبيح مو غلط مو حرام....
القباحه والحماقه والغلط والحرام هنن بالطريقه يلي عم ينعاش فيها الحب...

لا تشوهو الحب بصورة انتوا زرعتوها ببالكم بسبب شخص سيئ مرق....بسبب تجربه فاشله عشتوها....بسبب قصه سمعتوها او شفتوها وكانت قبيحه...
الحب اجمل شعور خلقوا الله على وجه الارض وهوي الN.1 بكلشي....
بس على شرط يكون بالشكل الصح....

#انتبه
الحب افعال....متل ما قلت بكتابي كلنا منعرف نحكي اقوال مأثورة ونتغزل ببعض للصبح....
بس مو كلنا منعرف نفعل اشياء توضح انو حبنا حقيقي..❤️
الحب قدسية....قدسية داخليه بتخليك تصون الشخص يلي مقابيلك حتى وهوي غايب ❤️
الحب رائع صدقني....
بس صار نادر!!!!!

ختاما:
الحب نقاش طويل....
انتظروني بكتابي الجاي رح يكون عن هيك شي❤️

#كلشي_بحياتك_ترتيبات_من_ربك ❤️
#أيهم_العيسى. ❤️

#قال_الحب_غلط_قال
اذا هنن مو فهمانين شو يعني حب 🤷‍♂🩵
الرساله طويلة رغم اني ما حكيت شي
اقرأها ع مهلك وبتمنى توصلكم الفكره منيح....❤️❤️
وانا عالبوت بالمثبتة بانتظار رأيكم 😍😍😍😍

خبروني شو وضعكن باك ٢٦؟
@Ayham_Alessa_10

رديت ع الكل خاص وبوت....بس بتعرفوا ما برد غير فويسات والنت ضعيف بيوصلوا شوي شوي...
ما نايم منيح بس سهرت كرمالكن🩵

هي القناة فيها شرح عن كل فرع بالجامعه موجود بالمثبته❤️

ممكن من صاحب المصارحه الٱخيره تبع العاطفه بالنجاح....
يرجع يبعتا ويفتح الرد ويكتبلي شو عم يدرس💔🙂

خلونا متفقين انو طريق التحضيرية طريق جدا شاق...
واول قاعده لازم تفهمها هيي انك بمارثون مو بسباق ١٠٠ متر!!
طيب شو هوي سباق المارثون!؟
هوي عباره عن سباق طويل جدااااا جدااااا بالكيلومترات (ما بعرف قدي بالضبط)
لحتى تقدر تاخد مرتبه بالسباق يا حزرك شو لازم تعمل!؟
لازم تحافظ ع نفسك وتزيد جرعة سرعتك شوي شوي.....
لازم تحافظ ع نفسك ل يقديك لأخر متر من طريق طويل جدا جدا وفيه متسابقين من النخبه....
طيب وكيف بحافظ ع نفسي بالتحضيرية!؟

بتلت نقاط ح كررهن للضرورة!
#سكر_تمك
#سكر_ادنيك
#سكر_عيونك

الاولى اسكت لا تحكي شو عم تعمل شو عم تخطط شو رح تعمل وين صرت شو جبت والخ....لانو هالشي بيستهلك طاقه عالفاضي.

التانيه سكر ادنيك كرمال ما تسمع...فلان سكر الماده كذا فلان خلص كذا وفلان عمل كذا (وطبعا غالبا كذاب) بيحكوا ليشتتوك ويحسسوك انك مقصر وكانك الٱخير بهالمارثون!!!!
عدا عن كلام بقول:
انت ما خرجك....انت ما فيك....وانت وين طاحش....وانت ما بيطلع معك!
هدول كلمات بتجي من غريزة البشر النجسه...تذكر هالشي وما تعتب ولا تزعل وتفكر...
لانو تفكيرك بحكين ح يمتص طاقه سلبيه ويقلل من جهدك المبزول...وبالتالي رح تقصر وكتير....في طاقه عم تضيع وكرمال مين!؟
ناس ما بتفهم!

فدير بالك تصدقن ودير بالك تسمع غير لحالك....انك بطل وانت بالمكان الصح وبين النخبه!!!!

سكر عيونك وما تخليهن غير عالهدف...لا تشوف الصعوبات العقبات كرمال ما تقول مستحيل...امشي وعينك ع هدفك ...اوقع عينك ع هدفك...قوم وعينك ع هدفك❤️
صدقني طالما تركيزك بس عالهدف....ف هاد بيعني انك بكل سقوط وعثره وفشل ح تلاقي متعه....لانك رح تشوف حالك عم تقرب من هدفك❤️

تاني قاعده وجدا مهم انك ترسخها بذهنك...

الطاقه والوقت مو ببلاش ف انتبه وين عم تضيعن....
شفت الانستغرام عم يضيع وقت عالفاضي!؟
احذفو
شفت لعبه عم تستغل وقتك!؟
احذفا....كلو لاحق عليه
شفت انسان سلبي عم يأذيك...دوس عليه وامشي....مستقبلك اهم من صحتك🤷‍♂🩵

اياك تترك اي شي يستغل طاقتك ووقتك عالهامش بدون فوائد.

القاعده التالته هي باسمي اكتبها وخليها قدامك ع ورقه:
....I Don't lose
....كلشي بحياتك ترتيبات من ربك....

الاولى بتذكرك انك ربحان ع طول...طول ما انت عم تحاول ف انت ما خسران...وانت اكتر انسان ناجح...

التانيه بتذكرك انو مهما مرقت بظروف صعبه اتذكر انو رب العالمين حطك فيها لانك قادر عليها❤️

بكفي هلق.

#كلشي_بحياتك_ترتيبات_من_ربك ❤️
#أيهم_العيسى ❤️

اذا في حدا هون بيدرس
علوم صحيه_تغذيه
او بيعرف حدا هيك
@Ayham_Alessa_10
يحاكيني بدي خدمه صغيره 🩵

ستُزهر بما يَشبه المعجزة... أعدك❤️