نعي
زينب اتودع ابا الفضل ((ع)) مفجع


ما اگـعـدك  يالنـمـت  بالعافيه
جيتك اركض للوداع وحافيه


افراگك شلون ابغربتي اتحملهه
والله لـوبيـدي  امـوت  بكربله


هاي ما جتني وحسبت احسابهه
زينبك شـمـر الـیـگـود ارچـابهـه


تـدري  بـخـتـگ  ماتغمظ  عيونهه
وناگتي شفت العده ايحضرونهه


مـو هذيچ النـاگـه والهودج تره
مـا تـلـوگ الهاي  تصعدهه  مره


بـاچـر  اتـسـوي  العده اليحلالهه
واختك اتشوف الشماته اخيالهه


عمت عين المشرعه وجروفهه
الخلت ازنودك تطيح اچفوفهه


هاي قسمه امفصله ومقسومه
انسبي ونـايـم تضل  بالحومه


انـت لـو موجود مـا واحـد  دنه
ولا تشوف العين خيمه امدخّنه


خويه مجبوره  اودعك  رايحه
ماتت احلامي وقريت الفاتحه

*------------------------*------------------*
✍بقلم خادم الحسين ع
     الشاعر رعد الچريخي

نعي مفجع


تـصـعـب عـلـيّـه امشي بـالـبـر
وكـلـهـا الـهـزل عـرجـه اتـعَـثّـر
مــاكــو غـَيـور الـگــام يـنـغـــر
خــلـصـوا هـلـي الـلـهُ أكــبـــر


عـگـب السبـي للسـوگ طـبـيت
مـيـتـه گــبــل طـبـتـه تـمـنـيت
وشـگـد شـتـم يـاناس سمعيت
راح الـدلال الـچـان والـصـيـت


هظمه اشكبرهه هظـمت الـشـام
يــنــزف جــرحهـه طــول الأيـام
اذكــر وكـــفـــتـي بــيــن ضـلّام
عــادوا عــليــه حــرگ الـخـيـام

*---—-------------------*-------------------*
خادم زينب ع
الشاعر رعد الجريخي

ابوذيات

مـــثـــل دور الـــرحـــه يــانــاس.. در باي
دهـــري . ومـــا اوچـــد گـــمـــت.. دربـاي
دريــت بــهــاذ حـــالــي الــگـمــر .. دربـاي

ودريـت ابـــروحـتـــه مـــابـــيـــه جـــيّـــه

                    *---------------*---------------*

تــجــيــنــي إلــمــن بـعـد عــبــاس.. لاضل
لا خـيــمــه الــبــگــتــلــي إفــيــاي.. لاضل
اجـــــروح إتــحــمّــلــت وســيــاط.. لاضل

حـچـي مـــا مـــار گــــام أيـــمـــر عـلـــيّـــه

                    *---------------*---------------*

✍خـادم زيـنـب ((ع))
الشاعر رعد الجريخي

وسفه بعد اخواني نعشي تشيلة غربة
نعش مابي عرف ويشيعونه صعبة
جان حلمي بدنيتي تشيل اخوتي جنازتي
@@@@@@@@

صدك يل خوان عازتكم يعازة
جان حلمي انتم تشيلون الجنازة
كلمن يموت تودعه اهلة وأعزازة
ليش بس وياي جنازي توازة
***
ابموتتي كون اخوتي اجنازتي يشيلوهة
يافرحتي ويا راحتي جثتي يدفنوهة
***
أمنيتي بيد اخواني لحدي كون اطبن
مو بموتي وحتة بية جروحي يسبن
جنت اضن ابموتتي تشيل اخوتي جنازتي

@@@@@@@@

ابكربلة ياناس كون هناك موتي
هنآك اموتن يم الحسين وتجوتي
نعشي يمهم كون ويشيعوني اخوتي
همة كلشي بدنيتي وذخري وسلوتي
***
والدنيته ابلا اخوتة ابدمعته اتضل لوعه
أه الكلب ينبض صعب حسراتة بضلوعه
***
ويبقة بس بجروحة ياكل كلبة همة
الراحو اخوانه يضل كلشي يلجمة
اخواني مسند خيمتي اتشيل اخوتي جنازتي

@@@@@@@@

خلصو اخواني ذبح بين الشماته
الينذبح اخته يضلموهة جزاته
الشاف بس القهر شنهية حياته
الراحو اعزازة يضل همة بمماته
***
ابموتته اتضل دمعته اجنازته اتضل تالي
اوينتضر رايد خبر هلبت يمر غالي
***
شمحلة الجنازة اذا يمهة التحبهم
تشوف يم تابوتك أمن يصب دمعهم
صدك ترجع فرحتي تشيل اخوتي جنازتي

@@@@@@@@

شمحلة لو عباس جان أمن اليشيعون
وبدال الغربة كون يشيع امعون
مو شماته اخواني كون بنعشي يمشون
محد ابموتي حضر ياوادم شلون
***
حلم العمر كون الكمر وكت لفجر يم نعشي
أوخوتي يافرحتي بجنازتي هم تمشي
***
اخواني يم نعشي اشحلات الحضة هاية
عمري خلص وانه اكول أحلامي جاية
حلمي صاير حسرتي اتشيل اخوتي جنازتي

@@@@@@@@

تكشخ اجنازت الميت بل يشيعون
وكشخت أبين الشماته اجنازت امعون
هل جنازة أسرار بيهة امحيرة الكون
من هاذاك اليوم لسة وبيهة يحجون
***
وعدهةسر شيب قهر من النهر ضل بيهة
من سهم ماتت ألم موت شهم ياذيهة
***
زينب ابهمهة تموت وعدهة زينه
التوجع العباس ضل ممرودة عينه
مني سلبو راحتي تشيل اخوتي جنازتي

@@@@@@@@@@@@@@@@@@@@@@@@@@@@@@@@@@@@ لخادم اهل البيت عباس عبد الأمام الزيرجاوي

خلصت روحي بس ماخلص الشام
دخلت اللـحدي بس الغربة لـلهام
قبل لاطب للكبور.  ضل تابوتي مشمور
......... ـــــــــــ.........
الحمدلله عمري خلص كلت من يومي قرب
وشنهي شايفتا ابحياتي عمري خلص بل درب
كلت ارتاح امن اموتن واخلص اني امن الغرب
تالي نعشي جتوف مابي واني بت شيخ العرب

موجودة الجنازة وماكو جناز
هاذ اول نعش مافوكة العزاز
ابنعشي وضهري مكسور.  ضل تابوتي مشمور
......... ـــــــــــ.........
هاية يعني اول جنازة بيها ميت منشمر
خلصت الدنية وحياتي وماخلصت امن القهر
بل نعش واسمي الغريبة لا اخو يمي ولا كمر
چنت اضن ابموتي اخوتي تحضر لكبري تمر

تالي خواني ماتو واني بل شام
واحد بل رمح والثاني بسهام
او واحد باقي منحور. ضل تابوتي مشمور
......... ـــــــــــ.........

الشام اه الشام يلجم ياغربتة الماتحن
كلت ارتاح امن اموتن تالي بل شام اندفن
يامصايبنة الجبيرة وياجروحي الماتحن
ردت عيني تشوف اخيي تالي بل غربة غفن

بل غربة غفن ماشفن حسين
هاي اجروحي بلة الكاهن منين
عفت ابكربلة النور. ضل تابوتي مشمور
......... ـــــــــــ.........
ادخلت لحدي ودخلتني جفوف مو مالت كمر
مو أبو فاضل دفني وهاية لچمة امن العمر
لو يجي ويشوف ايدية امن الحبل صارن سمر
چان خلة الشام احمر ريجهم وبسيفة بمر

چا كصص ركب ويشكك الحلوك
ويخلي المكابر تترس السوك
سيفة ابطكتة بي دور. ضل تابوتي مشمور
......... ـــــــــــ.........
ذبو اتراب اعل كبري ذبت احجار الغرب
ماكو دفان المكابر دفان احداي الترب
دخلوني بكاع تلجم كاع تعشكهة الحرب
كاع متشبعة بشماتة ماكو شي بيها اسمة حب

بيها اشكد شماتة اتشمر احجار
مابيهم برائة ازغار واكبار
حقد والضيم چن سور. ضل تابوتي مشمور
......... ـــــــــــ.........
لخادم اهل البيت عباس عبد الامام الزيرجاوي

المايعرف الغربة احجولة عن حالي
انة البل خرايب ضاعت احوالي

انة الماكعد حضهة ابكلشي مجروحة
انة الخلصو اخوتهة ابهيمة مذبحوة
انة المن القهر مايمر بيها النوم
افرش بل خرايب وابقة مطروحة

بالي كلة بكربلة مشغول بالي
غالي عندي ابكربلة مذبوح غالي

عندي غالي امفرهدتة الخيل والناس
غالي من عندة صفالي اعل رمح راس
امن الحوافر ضلعة طر اجفوف عباس

ما عولت اخلص من الشام او امشي
طر حيلي السوك وهدني وشيب رمشي
تالي ارجعلة ومكسور امحضر نعشي
ـــــــــــــــــــــــ
خلصنة السبي.  ومن ضيم العبي
وبجفوف اجنبي. ردينة الغرب

ردينة القهر.  والصوط الشمر
وجفوفي سمر  من طول الدرب

ردينة الاهل.  بس ضعني وصل
مافك الحبل.  ورجعنة الضرب

ماعولنة احنة انخلص من الناكة
رحنة امن الشام اخلصنة اشمحلة فراكة
فترة وردينة الشام وهم نتلاكة
ــــــــــــــــــــــــــ
السًبي الاولي.   اهون حيل الي
لوفارك هلي.  بلكي احد يحن

طرينة الفلة.  ضعني اني انولة
اعلي خادم علة.   ياضيم المحن

بل صحرة ودرب.   تمشيلة الغرب
من صار الحرب. شعليه الضعن

شعليها الحرمة اتولت ضيم شامت
مات حسين وعدواني ابهزل كامت
مامش خيمة واطفال ابهودج نامت
ــــــــــــــــــــــــــ
كربت ساعتي.  وحفرو حفرتي
وماهمة اخوتي.  يشيلون النعش

اجنازة ابلا اهل.    امصيبة ابلاية حل
شنهوة الخلل.     فرشوهة فرش

انة ام الخدر.    بل غربة انكسر
مايمي الكمر.   لا شيخ العطش

ماهمة اخواني ابنعشي وهاية الصعبة
ياهو اليحمل ياوادم ضيم الغربة
وياهو اليتحمل ضيم الشام ودربة
ــــــــــــــــــــــــــ
لذت موتيي.  لو يمي اخوتي
اتشيل اجنازتي   وتصب دمع

وعباس الكمر.  يحفر بل كبر
لحدي لو حفر.    يشعلي شمع

بس عكس الحصل   ماجوني الاهل
عباس انكتل.     حسين بلا ضلع

واحد مكطوعة جفوفة ونبلة ابعينة
واحد بل حافر طشرو كل اسنينة
واني اشرح حالي ابدمع اون سكينة
ــــــــــــــــــــــــــ
هاذ البية مر.   من ضيم وقهر
ومن صوط وشمر.   او كلشي شفت

ايهون ابهل جرح.  من رد الرمح
يم المنذبح.      ضليت التفت

جانو بل سرة.  ارماح امصطرة
وما غربت مرة.  ولا اني خفت

من رد الراس وضليت اني ابحسرة
ضليت الوحدي ومحد ضل هل مرة
لا راس ولا كفال وماهي الغترة
ــــــــــــــــــــــــــ
ــــــــــــــــــــــــــ
لخادم اهل البيت عباس عبد الامام الزيرجاوي

السيدة زينب تحاجي شمس طف

ياشمس غيبي أمن الصحاري
عفت الحسين وجسمة عاري
حار الرمل ولخيل طبكت جسمة بل كاع
بين الحوافر جسمة راح وبل ترب ضاع
ياشمس غيبي ياشمس غيبي
@@@@@@@@@@@@@@@@
ياشمس الله..غيبي اشوية..موجويتي خدود حسين
هوة اشضل بي..كلة امسلب ..ابحرج بضلوعة اتلجمين
الخيل اتكفي..ابجسمة اسوت..موفوك اجروحة اتزيدين

غيبي اشوية نريد افياي
لوسالفتج مثل الماي
وية حسين اهداي اهداي

الرمل حار ابجسمة يجوي
اشعندج اويا عيفيلي عمري
ولو غبتي طولي وموتطلعين انتي آلة بساع
بين الحوافر جسمة راح وبل ترب ضاع
ياشمس غيبي ياشمس غيبي
@@@@@@@@@@@@@@@@
شمس الهيمة ..اتأذي النايم..وحسين ابلا ملبس نام
صح امسلب..ثوبة بهل حر..بس متغطي بكومة اسهام
تجوي صفاحة،شمس البطف..ومجوي كليبة بنار خيام

مو بس جسمة المملي جروح
جرح اكليبة أمأذي الروح
بآلة اعل الخيمة ومطروح

يم الخيم بآلة ابن الفخول
ماكدر يرجع داستة اخيول
حاول يكوم وطيحتة اجروحة واوجاع
بين الحوافر جسمة راح وبل ترب ضاع
ياشمس غيبي ياشمس غيبي
@@@@@@@@@@@@@@@@
فوك الحافر..سلبو هدمة..ومنج بل طف ماكو فياي
لاضل كافل..لاحيل الضل.. ضلت بس اجروحي وياي
منهم لاضل..فيي الجسمه..لا من عدهم ضاك الماي

طحنه ابوادم كلهة اذنوب
من عدهم ماسالم ثوب
خيي وبلطف ضل مسلوب

طحنه بخلك جثتة رموهة
ابسروالة تجه واسلبوهة
ماخلة بي ماسلبة وسلابة بالطف حيل طماع
بين الحوافر جسمة راح وبل ترب ضاع
ياشمس غيبي ياشمس غيبي
@@@@@@@@@@@@@@@@
هيبة الله..جسمه اتطشر..الجان ابروحة يروي الكاع
منه اعيوني..لا ماشبعت..راح أمن ايدي ابساع ابساع
طف اشكبرة..بي متوذر.. بين الطف والحافر ضاع

بل طف ضل ولطف جبير
بين الحافر راح الخير
تالي حسين اوذار يصير

تالي الحسين ابحومه باقي
كلها شماته ومالة ساقي
عطشان ضامي وبل ترب ضل حلو الطباع
بين الحوافر جسمة راح وبل ترب ضاع
ياشمس غيبي ياشمس غيبي
@@@@@@@@@@@@@@@@
اشمحلا أطباعه..ذيج الحلوة..ياوسفه وماتن من راح
موقف يوجع..من ضل وحدة..ويضحك يم راسة الذباح
بين الوادم ..ضل متحير..وتمنى الكافل ما طاح

بين الوادم شاف الويل
بحسين وماضل الحيل
حيلة اطشر وية الخيل

ياحيل يبقى أمن الحوافر
ذبحو ويستر الله باجر
وأيست من الدنية يوم الصار الوداع
بين الحوافر جسمه راح وبل ترب ضاع
ياشمس غيبي ياشمس غيبي
@@@@@@@@@@@@@@@@
لخادم اهل البيت عباس عبد الأمام الزيرجاوي

.                      
.                      (كعدة نجفية )


                              ورداه

.               اصيحن والدليل نكطع ورداه
.                ياغصن الرسول الذبل ورداه
             سكوه السم بني العباس وارداه
                وكظه مسموم ابن سيد البريه
----------
شفت النعش

.          عالجسر شفت النعش ونهد حيلي
                وتصورت جن النعش يوميلي
           ويكلي وفيتك .... واعله الوعد جيتك
................
ذاك يوم انه بحياتي       بيه سمعت انه احلى كلمه
من زرت موسى ابن جعفر         بالطوامير المظلمه
وشفت القيود واثرها    شلون مشدوده اعله جسمه
                 ياناس شفته بالسجن
              ابكثر المصايب ممتحن
             كتله شوكت دهر الحزن
                  هالشمل يمك يلمه

          كلي الوعد تلكاني يوم الجمعه .
           عالجسر نتلاكه وتحله الجمعه
        واهتف تعنيتك ----- واعله الوعد جيتك
*
اليوم موعدنه ويريته           لاجره وصار بحياتي
وريت كبل الساعه هذي          ساعة البيها مماتي
ولاشفت هاي المصيبة        الاشد من كل نايباتي
                خلصت كل ليلي انتظر
                    ياساعه ينطر الفجر
               مواعد الكاظم عالجسر
                 اروي من جدمه شفاتي

               لميت الاحباب انه وتعنيته
           للجسر ياشيعه ولجن شالكيته
            اينادي كصديتك ... واعله الوعد جيتك
*
الشيعه تدري حشمتها        وللجسر جيت انه مهتم
وحين شفت النعش ماشي    طاح كل حيلي وتهدم
تصورت جن يومي اليه        يكلي انه الكاظم اعلم
                 شفت النعش ياشيعته
                  والجفن صبت دمعته
                    والصدر زادت ونته
                   ونعصر كلبي وتكلم
        
          هالصوره حد كبري تضل تبرالي
              اكبال عيني النعش يتراوالي
      ويكلي وفيتك .... واعله الوعد جيتك
*
واسمعت ناده المنادي             هذا امام الرافضيه
واسمعت صوته يشيعه  محني طحت اعله الوطيه
احفن تراب اعله راسي          والطمت باثنين اديه
                        بالنوح همت وبالطم
                       وناديت لاوين الظلم
                     وللنعش صديت بهظم
                       وشفت امام الجعفريه

                   شفت البدر ذاك نطفت انواره
                 وبجسمه مطبوع الحديد اثاره
            بهالحاله الكيتك ..... وعاللوعد جيتك
*
عالنعش تهمل دموعي        والحكيم بصدفه مرني
بالمسيح اعليك كتله         عن سبب موته اخبرني
حين صد وشاف حاله           دارلي بعينه ونظرلي
                      بعين الالم ليه يصد
                    وحاير بجلماته شيرد
                   كتله بسكوتك ياقصد
                   جاوب لجنه زاد وني

                    كلي بثاره خل تطلب اهله
            كتله اهله ضلوا بالطف اعله الرمله
          وتدري الجره ريتك ... واعله الوعد جيتك
***
كتله جده حسين جثه        سيوف اميه كطعتها
وعالرمل ضلت ثلاثه          وتربة الطف جفنتها
وكون اله ضلت عشيره     جان رحت وحشمتها

                              واهله
                للكاظم الدمع اجريه واهله
           ودمعي شمايجر حسرات واهله
                بثاره من يطالب بعد واهله
               ضحايه اعله الثره بالغاضريه

كون اله ضلت عشيره       جان رحت وحشمتها
                  من سمع سلمان الخبر
                  ناده اعله غلمانه وامر
               شيعوا الجنازه بكل فخر
                  والناس ملهوفه اعتنتها

                 كاللهم تكصدون وتشيعونه
                والطيب ابن الطيب تنادونه
.          نادوا اوناديتك .... واعله الوعد جيتك
*
انجمعت الاف التشيعه      وكلبي يشكي من عذابه
مره للكاظم ونينه               ومره لحسين ومصابه
وعين لارض الغاضريه            وللنعش عين اترابه
                      نار المصاب موجره
                    وللكاظم المدمع جره
                  وللظل صريع اعله الثره
ماسكت ساعه دمعنه .... يجري لحسين ومصابه



#سيد #اياد #الغالبي





@HxzEU1
https://t.me/hxzeu1
قناه نشر القصائد المنبريه

جينه ننشد عن سجن طاموره
اِو ليش مشكاة الله بي مكسوره


جينه ننشد وين محبوس البعيد
او ليش شَدوه اِبسلاسل مِن حديد
او ليش مربوطه الرِجل وْايد اعله ايد
اِوْ هَذي يا ظلمه التغطي نوره 

جينه ننشد عالسبب سِجنه الامام
وليش كلما يخلص يزيدونه عام
ما صحه عقل الذي شاف الحمام
على شباجه الطيور اتزوره

جينه ننشد وين امام الشيعه صار
وليش مايعرف الليل من النهار
والله ملينه حياة الأنتظار
ويدري بينه اگلوبنه معصوره

جينه ننشد عن حبل الله المتين
ضاعة اخباره علينه مِن سنين
او لو نشوفه نذر يا ام البنين
عليج نقره الفاتحه مشكوره

جينه ننشد عالوجه تجري الدموع
صاحب السجدة الطويله بي رجوع
اِتْكَزبُر الحيطان من ذاك الخشوع
حلو صوته من يرتل السوره

جينه ننشد والبشاره من الحبيب
گالو الجمعه تره الموعد قريب
ما عرفنه الجرح ياجمعه يطيب
والله كل مهجه تره مفطوره

جينه ننشد هالجنازه المن تميل
خبر بس هذا الخبر وقعه ثگيل
هذا امام الرافضه اصبح قتيل
واالله كل الدنيا مامعذوره

#للشاعر #محمد #الظالمي

@HxzEU1
https://t.me/hxzeu1
قناه نشر القصائد المنبريه

أُمنيت الجفن .. من گلبك يون
يمك بالسجن .. گمر هاشم حاظر
****
نفترض لو ابو فاضل حضر يمك عونك
مثل هارون ويه موسى صار الك هارونك
ماگدر واحد يمسك فنهم يسجنونك
ياابو السجده الطويله دخيل صبر عيونك

ما شفت الهظم .. ما عشت الظلم
من ضيم الحكم .. بالسجون اتساهر
****
يالشبابك علي الاكبر والسجون اطفوفك
وگيدك مگيد حياتك من تموت يعوفك
لو اجه العباس عينه بهيچ حال تشوفك
چان چفينه گطعها تزيح گيد اچفوفك

يحضرلك ذخر .. يفديك العمر
يمحي اهل الكفر .. والك يفزع ناصر
****
بيتك ايحرسه ابو فاضل وانت شوف اشلونه
گنطرت صفيّن احسبه اسباع اليعبرونه
وعلي مو بس وحدة ينطي اثنين من اعيونه
و مو سجن عالگاع تگعد تگعد اعله امتونه
وياك الگمر .. يهديك النظر
يا راعي الفخر .. الظهر خصمك كاسر
****
اتجسدن طف وشريعة بيومك الما صاير
العلگمي جسر الائمة الجمعة يوم العاشر
كون يمك عم رقية وشاف گلبك حاير
دولة عباسية ماكو وانت تبقة الآمر

أُمنيّة عشگ .. ردناها صدگ
بس ماتت سحگ .. چن سحگها الحافر
****
‏مارضيت بجربه مايك خاف غيرك راده
الكاظم انطه السجن حقه وراد منه امراده
خيرك مغطي الثگيله العفو عندك عاده
عالجسر نعش الروافض وين عنه اولاده

يومك والامس .. بي موت الشمس
يالسجنك درس .. يبقه ماضي وحاضر
****
كعبة الناس بضريحك يا عشگ هالوادم
باب عباس وي بابك كلشي ينطي الخادم
كل حوائجنه بيمينك ياهو يرجع نادم
خير كل الدنيا عندك حيل بيكم عازم‏

چفك مايرد .. ما تعرف حقد
يالذكرك ورد .. يا غريب وصابر
****
#هشام #الشيباني





@HxzEU1
https://t.me/hxzeu1
قناه نشر القصائد المنبريه

ياغيرة الله وحكمتة وناموسة
ألسجن ظلمة وشيبتك فانوسة
عند الله ياموسى مقامك عالي
خلي الزمن يدوي ويدگ ناقوسة
بس الجسد مسجون عند الطاغي
فكرك وروحك أبد ما محبوسة
هارون كل ما راد يخمد نورك
ترجع تشع مثل الگمر يا موسى

يا ظلمة تحجب نورك
بسجنك وحي الله أيزورك
أبطن السجن والغربة
چم ملك ياخذ شورك

ياراهب ياغالب ياشيخ الزلم
ياواحد يا صامد صعبة تنهزم


محد گدر يطفي وهج برهانة
أول سجين أوراهب السجانة
حتى السجن لحظة سجودك يسجد
وترجف مثل رجفة سعف حيطانة
لحضة قنوتك كلشي يسكت لازم
بكلمة السجن تگدر تفك بيبانة
السندي ذليتة بصمود أيمانك
وندحر هوة وزمرتة وشيطانة

شاف العجب سجانك
الگيد أنطوى بذرعانك
لان الحديد أبچفك
ياابو الرضا سبحانك

ياقادر ضل حاير سجانك ترا
شد عزمك يل عمك سبع الگنطرة

حيل الله حيلك وانت خلفة هاشم
جدك علي ما خلة واحد سالم
غيرة وشرار أتجادحن من عينك
حي الله المخوف السجن والوادم
تنطي اليچهبك ياابو طلبة ازيادة
بصبرك محيت بوكتك شچم ظالم
هوة الله رادك ع الارض سلطانة
منهة وصرت أنة بغرامك هايم

دمي ورفيف الراية
يمشن مع المشاية
والمعتني تشد حيلة
وتنطي طلبتة كفاية

يا راية ويا أية من الله أنزلت
بلساني ووجداني غيرة أترتلت
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
✍️حسين حمدان الدلفي

قبر ألاحياء السجن… ماتندفن… بتراب
يختلف عن الگبر… من تنعصر… بيه باب

هم حياطين اربعة… والسجن اكبر سعة

قبر ألاحياء
ــــــــــــ ــــــــــــ  ــــــــــــ
هوة السجن ثاني گبر
من تطب روحك تنعصر
مايمك احباب
لٱ هلك لٱ صاحب تظل
وشلون اذا شفتة انغفل
بعيونك الباب

تحتار حيرة وتلتفت بس الحياطين
والهظمة اذا جان السجن مابيه مساجين
تظل تفرك أبأيدك ودمعك تارس العين
موسى ابن جعفر هيج ظل اسنين وسنين

بالسجن گضة العمر… بس الصبر… مريود
ينزل أيزورة الوحي… جان الوحي… موجود

ݘتفو بالجامعة… والسجن اكبر سعة
قبر الاحياء
ــــــــــــ ــــــــــــ ــــــــــــ
ياويلي اذا ظلمة السجن
أتظل للضوة روحك تحن
وتشابح العين
حسرة عليه حتة الهوة
والكاظم ايدور ضوة
ماكو راوزين

يوسف لمن طب للسجن ماطبلة محتار
جدامة ناس شكد ڵڱة صاحبهم وصار
بس موسى ويلي الوحدة مايمة انصار
الليل اذا جل جل عليه حسبالة النهار

مات موسى بالأسر… ظل عالجسر… مشمور
يوسف وبعد العسر… رد للقصر… والنور

ياهي منهن فاجعة… والسجن اكبر سعة
قبر الاحياء
ــــــــــــ ــــــــــــ ــــــــــــ
يوسف رجع صاحب شأن
بس موسى مات ومطمئن
للجنة الاثنين
يوسف نبي جان وأأبي
ݘا موسى معصوم ونبي
شوف الفرق وين

موسى ابن جعفر ياخلگ للأمة قرأن
يوسف عزيز بدولتة بس بمصر جان
الكاظم عزيز بكل وكت وبكل الأوطان
موش بقميصة بتربتة تتشافة عميان

وبرغم جور الزمن… صار الوطن… للناس
اتراب كبرة بيه عجب… سعر الذهب.. ينقاس

كبّر الربة ودعة… والسجن اكبر سعة
قبر الاحياء
ــــــــــــ ــــــــــــ ــــــــــــ ----------------------
أدري السجن مابيه لحد
موسى أحتمل حر وبرد
وگيود وسياط
چم لوعة شاف شچم جرح
وعيونة ما شافت صبح
من الألم شاط

شمسوي من سجن السجن كل عمرة گظاه
لو صاح آه من الصدى تسمع ألف آه
بطامورة وحدة ينتحب ولا واحد وياه
مابين حيطان أربعة مشبوحة عيناه

وگيودة حزن بالعظم،،من الهظم،، موجوع
والسم يمزق چبدتة،،، وبغربتة ،،، ويلوع

يون محد يسمّعة،،،والسجن أكبر سعة
قبر الأحياء
--------------------------------------------------
✍️حسين حمدان الدلفي

ابو ذيات للإمام الكاظم //ع//
على لسان الزهراء //ع//


أنــه الـزهره وزمــاني ويــاي  .. عاده
وصفتلي اويه الحزن والنوح ..  عاده
فــگــد مــوسـى عليــه الباب .. عاده

لــچــم ضلعي وســرت نيران بــيــه

                    *---------------*----------------*

بقضاء الـبــاري اسلّم  دوم ..  ورضه
وبچه الحالي سمه المعبود ..  ورضه
الــربط سـاگ الغريب بگيد ..  ورضه

عــاد امصيبة المــحــسـن عــلــيــه

                    *---------------*----------------*

اشوكت تظهر يمهدي امك ..  يسرها
روحــي الــفــرح ما لحظه ..  يسرها
الــرصــافـــه يجرح بگلبي ..  يسرها

العلّي خلوا نــعــش موسى رمــيــه

                    *---------------*----------------*

✍ بقلم خادم الحسين ع
     الشاعر رعد الچريخي

الرادود : مسلم الوائلي
كلمات : حسن الترابي

الثار الثار ابو صالح
===============
الثار.. الثار ..ابو صالح الثار..الثار
===============
اقسم بعباس راعي الشيمة يعاون الحرة عله طفهة وضيمهة
يجي يترسهة خضار الهيمة ويجيب نهر العلكمي للخيمة
وماتظل عطشانة عندة يتيمة
================
اتشوفة واقع كون موش بطيفة ياحسين يصيح ويسل سيفة
براية العباس ياخذ حيفة ويحكم الدنية عله راية وكيفة
ابن ذاك المايرجع ضيفة
================
ويرجع العبدالله جايب ماية وفوك كاع الطف يمد افياية
ويوكف بنص كربلة يدك ثاية وتلتم العيلة ويسوي قراية
يطير الهامة ويطيب دايه
================
ويلحك النوك بعباية زينب وفوك عرش يحطهة وينحب
يكلهة ياعمة اجيت بمطلب اطول اغيابي العذر يازينب
شما بعد يوسف يجي ليعكوبة ويمسح اثار النهار غروبة
المهدي ثار الطف يجي مطلوبة يلطم اعله حسين ويشك ثوبة
وترجع هدومة الامس مسلوبة
=================
جيب صينية وشمع لام جاسم يسوي حنة وبيهة تحضر هاشم
وتعلة هلهولة عرس للقاسم
يحضر العباس بيدة الصارم يهوس ويتلاكة وي القائم
=================
ويروح للزهرة بعلم عباسة يكلهة يايمة ويفيض احساسة
الكسر ضلعج الة اكسر راسة
الحرك بابج الة احرك ساسة
=================