الله يخليكم،
صحتكم ونفسيتكم خلوها فوگ كلشي،
فوگ السادس وحچي الأهل والمقارنة،
محد يعوضكم إذا لا سامح الله فقدتوا صحتكم،
محد يعيش الّي تحسّوا من تنتكس نفسيتكم،
هونوها علىٰ نفسكم،
وخلوها علىٰ الله،
الودائع الّي عند ربّ العالمين دائمًا بعناية خاصة،
وحقكم السادس مجرد محطة من كومة محطات تصادفكم، لا تخلوها تأثر عليكم وأدمركم،
مو نهاية الدنيا إذا ما طلعت معدل،
مو نهاية الفرص إذا ما وصلت للي تريده،
لا تخلّي عينك بس علىٰ الباب الّي أنسد، وتنسىٰ مية ألف الباب موجود الك وينفتحلك بأي وقت مجرد أدگه،
ميادين الحياة واسعة،
وفرص الإنسان هواي،
العثرة بدرب واحد،
والفشل بمرحلة،
مو نهاية سعي وعطاء الإنسان،
كلّ واحد يگدر يقدم لنفسه الّي يحتاجه،
إذا فعلًا چان هوَ رايد يقدم،
بالأخير كلّ واحد يعيش لنفسه،
محد عايش وياك لو راح يعيشلك،
أعرف البعض مقهور لأن تعب وقدم،
بس الّي صار صار،
شنو تسوي؟ تكتل نفسك؟
وحقكم دولة إمام زمانا محتاجة الكلّ وكلّ الأختصاصات،
ماكو تحيز ولا أفضلية،
تريد الكلّ،
لا تحصر نفسك بشي وتأذي نفسك علموده لأن ما صار، حكمة الله ومشيئته أجت هيچ، أدعي بالصبر والتوكّل وكمل،
صحتك ونفسيتك أمانة، ووحدة تأثر علىٰ الثانية، دير بالك علىٰ نفسك لُطفًا.

اِسمَهُ "انتِصار" أرتفع المُعدّل أم إنخفض، أنت الآن مُنتَصِر بنجاحك، أمّا الأرقام فلا تساوي شيئًا أمام لَمسَتَك الواقعيّة لها، إذ إنَّ هذه هي نُقطة إنطلاقِكَ الأولىٰ، سيُقال عنك ناجِح في حياته بعد أعوام و لكِن هذه المرّة ليس السبب في مُعدّلك بل اجتهادك في التخصُّص الّذي بَدَأت مِنه.

-هالة الجبوري

قصتي وي المعدل

( وإن يردكَ بخيرٍ فلا رادَّ لفضله ) كلُّ العوائق ، والمسافات ، والقيود ، والقوى ، لن تصمد أمامَ خيرٍ ساقهُ الله لك اِستودع الله مطالبك .. واطمئن

رب العالمين لطيف خبير
مرات من تخطيطاتنا وتوقعاتنا نحسبها حساب عرب واذا صارت لمشكلة بمخططاتنا وحساباتنا متنحل بس رب العالمين من يشاء يلطف بحالنا يغير الخطط والموازين رغم كل شي ويجعلها بصالحنا ويمكن يغير الطريق الي جنا راسمي لهدف معين ويرزقنا نفس الهدف بس بطريقة ثانية رغم كل الاسباب والمعطيات وحتلو لو جانت اكو عوائق اذا كاتب هل هدف يكون من نصيبنا فراح يصير غصبًا علي كل العوائق
ويمكن مو من البداية راح نعرف حكمة تغير الطريقة بس لابد بعدين نفهم ليش بعد عنا كذا خطة لان ببساطة متناسبنا واكو حكمة وغايه ورب العالمين احن من اهلنا علينا حاشا يعوفنا او يحرمنا من الاشياء النريدها الا مايعوضنا افضل منها وانسب ف اي
على گولتهم

" لو تركض ركض الوحوش غير رزقك ماتحوش"