المهم البنت بيزيد وعيا من الناحية الجنسية وصارت تعرف تمام كيف بتخلي يقرب منا وتقوم بحركات تثيرو فيها وهوه نفس الشي
#مرة كانو قاعدين بالمكتب عم يحكيها ومعم بترد علي
كانت مشغولة بالصور يلي عهاتفا
يوميتا كان عيد ميلاد اختا ومو عارفة شو تنزل صور
قرب منا وباسا ل لحظة فقدت وعيا بعدين بعدتو عنا بكل هدوء وقالت شبك كنان هلق بيفوت حدا وبيشوفنا وانا مو حابة انحط بهيك موقف ابدا"
#كنان:انا اسف معك حق ،بس انا مشتقتلك كتير شو رأيك تجي تنامي عندي اليوم ومنشوف فيلم سوا
#هند:بس لازم خبر البنات انو رح نام برا البيت
#كنان:خلصنا شو البنات وصايا عليكي،فهمنا بيخافوا على حالن بس ازا نمتي برا البيت فهميني هنن شو الن علاقة
......اقتنعت هند وصار كل شي متل مابدو كنان وقضو الليل سوا ومانامت الا بساعات متأخرة
--------------------------------

بتزيد طلعاتا وتأخرا ونوما برا البيت وهيك لتكبر الخناقات وتصارحا سنا لتدور عبيت تاني بعد ماتكبر المشاكل بيناتن
#هون بتصير تدور عبيت لتعيش في لوحدا لتقدر تشوف كنان وقت بدا وبتضطر تنام بالمكتبة بعد ماتاخذ الازن من انس وتخبرو عالشي يلي صار معا وهوه بيتفهم وضعا وبيقبل 
 #وبعد مرور تقريب الاسبوع بيمشي الحال وبتبلش تنقل غراضا
--------------------------------

يوم جمعة يعني يوم عطلتا
بتكون هند عم بتنظف البيت مشان تروح تشوف كنان متل مانن متفقين
#بيدقلا الساعة 1وبيقلا ليكي حبيبي لا تجي في خبر مو منيح
هلق كان عندي شريكي بالمكتب وخبرني انو البناية مشتكية بانو في صبية عم تجي آخر الليل وهنن مانن رضيانين عن الوضع وقلي كمان سمعة المكتب اهم شي ومابدو يصل الخبر لخطيبتي وانا مابدي يصير مشاكل وتكبر
#هند مرعوبة:لك كيف هيك مو قلتلي ماحدا الو علاقة بحدا،طيب خبرني تعرفوا مين هيه البنت شي
#كنان:لا اتطمني بس حبيت حطك بالصورة
#هند:وكيف رح صير شوفك
#كنان :رح اجي لعندك انا وقت خلص شغلي
الساعة 12كل العالم ببيوتا وبطلع عالهدا
بس بعتيلي موقع البيت بالتفصيل
#هند :ماشي لا تتاخر ناطرتك عأعصابي
--------------------------------

(وبيصيروا يلتقوا عندا بالبيت وتتعلق في اكتر واكتر )
#مرة من المرات بتكون قاعدة بشغلا وبيجي انس و بيدردشوا سوا ومن ضمن الحكي يلي بيقلا يا انا هلق كنت عند كنان بالمكتب واجت خطيبتو وبما انو معي وقت فمريت لهون اتطمن عالوضع
#هند :بلله يعني كانو متفقين يشوفوا بعض
#أنس:بصراحة ماعرفت بس يمكن بدن يجيبوا غراض او هيك شي
#هند:مممم الله يهنيهن
#أنس:يلا هند بدك شي انا صار لازم روح،ازا احتجتي شي حكيني
#هند:تمام ،الله معك
--------------------------------

#هند هون مابتصدق الحكي يلي انقلا وفورا بتتصل ب كنان بس هوه بيفصلا
#بتبعتلو مسج جاوبني هلق سلام عندك؟
كمان مابيرد
#توترت اعصابا 
بتصير الساعة 8ونص بيفتح الباب وبيكون كنان
اتطلعت في هيك وعيونا محمرين من البكي وعم ترجف
بس ماحكت ولا كلمة
#بيبلش الحكي وبيقلا بعرف انك مزعوجة مني ومعصبة
بس صدقيني انو ماقدرت رد ماكان بدي انحط بموقف ضعيف ،اتطلعي فيني انا مابدي اطلع الظالم فهمتي عليي(بيبكي)هند انا مابكيت من قلبي الا وقت مات بابا
ومعك انتي
بابا مات بضروف غامضة كان طالع يشوف الارض ومعو سلاحو وتأخر يوميتا
انا وماما زاد خوفنا ورحنا لنشوف شو صار معو
انا بس شفت هداك المنظر غطيتلا عيونا لامي
(عم يبكي ويتنهنه)الظاهر ضاغط عالزناد والطلقة اجت بالقلب ماقدرنا نأنقذو
يلي بدي تفهمي انو انتي كتير غالية عقلبي والشي يلي عم بيصير صدقيني مو بايدي ابدا
بتمنى تسامحيني
#هند بعد يلي سمعتو مجبورة تسامح وتتحمل وهاد يلي صار
يتبع....
#Tämärä
#Étoile

الجزء الخامس والأخير من قصة ضياع كمبوديا💜🌸
--------------------------------
بتذكر آخر مرة شو قلتلّي
بدّك ضلّي بدّك فيكي تفلّي،زعلت بوقتا
وما حلّلتا،إنو إنت هيدا إنت🌸🌸
--------------------------------
#البنت بعد ماوثقت في وسلمتو حالا قلبا بطل ملكا وخسرتو
(هون هوه ضمن وجودا )
#الايام عم تمرق وهنن على هالحالة تشتقلو وتحبو
،يزعلا ويراضيها،يخلقلا جناحات من الحب بعدين يبترن....
--------------------------------
#يوم الجمعة وكان المفروض يلتقوا
بيجي وبيفتحوا مواضيع كتيرة وفجأة بيسكت كنان
#هند: خير حبيبي فيك شي
#كنان بنبرة هادية وحنونة: شو رأيك نشتغل شغل بيجبلنا مصاري كتير الي والك ويلي بيطلعلنا منتقاسمو؟
#هند:مصاري كتير قديش يعني
#كنان:يعني حصتك بتطلع شي مليون ليرة سورية،والشغل كتير بسيط وسهل
#هند:وشو هوه،احكي
--------------------------------

#كنان:اول شي بتجيبي بطاقة جديدة
#هند:اي كفي
#كنان:وبعدين بتنزلي عموبايلك برنامج شات مع جنسيات مختلفة
بس بتحددي موقعك علي مثلا" دبي
#هند:تمام وبعدين
#كنان:بتضيفي اصدقاء من البلد يلي قريبة منك بالموقع يلي حددتي على التطبيق،وبتحطي صورتك بس مو كتير واضحة يعني مايقدر حدا يتعرف عليكي والاسم يلي بدك يا
#هند:طيب؟؟
--------------------------------

#كنان:انا رح يكون معي نفس التطبيق عموبايلي
#هند:وشو مهمتي بقا، مافهمت
#كنان:رح تبلشي تستجريهن جنسيا،لحتى الشخص يلي عم تحكي معو يفتح كاميرة ويكون عاري ،هون بيجي دوري لحتى سجل فيديو وبعدا ابتزو في ورح هددو اني حملو يوتيوب هيك لاحصل عالشي يلي بدي يا وهوه المصاري
#هند:تمام
#كنان:يعني موافقة ؟
#هند:اي موافقة
--------------------------------

#يوم ورا يوم وهند عم بتحاول
تشوف مناظر مقرفة ومانا متعودة عليها
كلو كرمال المصاري
يلي كانت مفكرة بسبب حكي كنان ووعيدو انو شي سهل
بس طلعت القصة اخطر واصعب من ما كانت بتتخيلو
#وللأسف محاولاتن وتعبا كانت صدمتن الفشل وماقدروا يوقعوا حدا بشباكن
--------------------------------

#استمر هيك الوضع لحتى اجت ازمة مرض سريع الانتشار وهوه (كوفيد19) عالعالم وتحركت لوصلت لعندن
هاد المرض ماكان الو لقاح او حتى حل الا التباعد المكاني
#وهون الشي يلي انفرض عليهن
حجر صحي شامل يعني ممنوع الاختلاط او الطلعة خارج البيوت
#اضطر كنان يسكر المكتب ويروح على منطقتو الاساسية وكمان هند راحت عبيت اهلا بين مايخلص الحجر وتقدر ترجع عشغلا
#طبعا ودعوا بعض بشكل رائع ووعدا يرجع ويشوفا بأقرب فرصة ممكنة
-------------------------------

# المؤسف انو هالحادثة كانت فرصة كتير قوية وممتعة لكنان
#بلش يخف الاهتمام ويزيد اهمالو وبرودو ودائما عندو حجج وأعذار وأساليب لترضا
#بعدين شوي شوي تطورت هالحالة
لدرجة انو مايدقلا ابدا
او تدقلو ومايرد حتى مسجاتا ماكان يفتحن
(اهمال بشكل كامل)
-----------------------------
#كان يوم بارد كتير وهيه كتير مشتاقتلو وحابة تسمع صوتو
دقتلو مارد عليها وبعدين صار الخط مغلق
#وبعد ساعتين بيبعتلا انو انا عند سلام ابوها تعبان كتير وبكرة بحكيكي،انتبهي على حالك
--------------------------------

#نطرت كتير و ما حكاها
#الشي الوحيد المنيح بهند انو كانت تعرف منيح كيف تحافظ على قوتا ومايتغير شي قدام الناس
#ايام واسابيع عم تمرق وماوفا هاك الشب بوعدو
--------------------------------
#رجعت هند على جامعتا بعد مابلش الدوام وتركت الشغل يلي تعودت علي وصار جزء منا
#يلي صار انو بالجامعة تعرفت على صبية وصارت صحبتن كتير قوية
بيوم من هالايام بتحكيها وكان اسما ياسمين
#بتقلا هنودتي شو رأيك تجي بكرة على عرس اختي
#هند:الف مبروك ياعيوني،مين رح تتزوج
#ياسمين:صهري اسمو كنان ،بعد خطبة اربع سنين
الله جمعن ووفق قلوبن ،عقبالك ياعمري
نفرح فيكي مع شب بيستاهلك وعلى قياسات مخك
--------------------------------

#انصدمت صدمة عمرا
ومتل ماتوقعت بالبداية
#الشب يلي عم تحكي عنو رفيقتا هوه نفسو حبيبا يلي وهبتو كل روحا وثقتا
#هند مبتورة الجناح مافيها تحكي أي شي
كان السكوت هوه الملجئ الوحيد يلي رح يطلعا
 كانت تعرف انو و بمجرد ماحكت أي شي رح تنفضح ورح تخسر أكتر من يلي خسرتو وهنن اهلا والناس القريبين منا
#كفت حياتا بشكل طبيعي وتعدت هي الازمة يلي صارت معا ومع انو أذتا بشكل كتير بشع
فهيه وبسبب ردة فعلا نجحت نجاح كتير حلو بجامعتا وزادوا الناس يلي بيحبوها
#بس قلبا وقف عن الحب وانملا خوف وحذر
-------------------------------------

#يلي بدي قولو لاي صبية...
لا تكوني طرف ثالث بأي علاقة
رح تدمري حالك
#وكمان لا تمشي من غير تفكير،مو كل الشغلات لازم نجربا
في شغلات بتضرنا وخاصة يلي بتجي عن طريق الحب
#Tämärä
#Étoile

#بالحياة ما بيبين معدن الانسان بشكل تلقائي وأحيانا منحتاج فترة طويلة لنكتشف جوهر هالناس
وبهالمعركة الحكي مابيفيد والمواقف هيه الوحيدة يلي ممكن تكشف الصديق والعدو
#بهالزمن طيبة القلب صارت غباء والشراسة رح تكون ملجأك لتحافظ عوجودك
#سرك ملكك دفنو جواتك،لا تأمن بحدا عابر بسرعة كرمال ماتندم بلحظة وتسترجع كل ألمك
#Tämärä
#Ètoile

يسعد اوقاتكن.. رح نبدا بقصة جديدة كالعادة بعنوان "مرام"
#الجزء_الأول
صار معي شي كتير غريب بعد ماانتقلنا على بيتنا الجديد بحكم انو شغل بابا كان متنقل وكنا مضطرين ننتقل معو وهالحكي تقريبا من سنتين بالزبط ولهلق وبعمري هاد بخاف نام والاضوية مطفاية مع انو مضي وقت طويل وكل هالشي كان سببو شخص يمكن غريب الأطوار
صعب عليي كتير حدد حالتو أو مشكلتو مع الناس وقصتي رح خبركن ياها بعد ماتشجعت لحتى عبر عن مخاوفي بالكتابة
---------------------
انا مرام عمري17سنة ماعندي غير أخ واحد اسمو كرم أكبر مني ب5 سنين
كرم بيميل لأفلام الرعب والأكشن متلو متل أي شب يعني ب عكسنا نحنا الجنس اللطيف متل مابيقولوها #أخي اللئيم كان يتمسخر دائما على مشكلتي و يهددني بصور اخدلي ياها وانا مو منتبهة تعلى صواتنا
مايبقبل يمحيهون غير بالرشوة
يااا شو كنت اتمرمط ليصير متل مابدي
#كرومة كان يعمل دورات تقوية برمجة و الكترونيات هيك لحتى صار هالمجال من اختصاصو بالاضافة لانو كان يترغل ترغلة انكلش هالشي ساعدو لينمي قدراتو
#بعد فترة ومن شطارتو وسمعتو الطيبة بين الناس
اجا شغل بشركة فخمة بس مو بسوريا يعني بعيد عننا
------------------------
كان القرار كتير صعب بالنسبة الو
بس كمان يشتغل بس بلا نتيجة لتعبو اي الله ماقالا
حكيتو وتناقشنا ولاقيتنا انو الأحسن يشتغل فترة بهي الشركة ويرجع
#وبعد ما فل كرم وطبعا الله يسعدو انا استوليت عغرفتنا وسميتا غرفة الأميرة مرام بس الصراحة استوحشت بعد ماراح وبقيت لوحدي وندمت عكل تصرفاتي المزعجة يلي عملتا معو
#لانو أنا وحيدة كرم وقطعة من روحو وهوه نفس الشي بالنسبة لإلي بس هوه ماقطعنا ،كنا كل يوم نحكي مكالمة اتصال أو فيديو ويضل يبعتلي صور ومو مقصر معي بشي أبدا
يبعتلي مصروفي كل اخر شهر
#وأنا طبعا ما حرمت حالي من شي اكل ولبس ومكياج عندي و خزانتي صارت بدا تقلب من الكمية الهائلة😂
-------------
#أمي متوفية من لما كان عمري عشر سنين بسبب السرطان يلي انتشر بسرعة ومالاقولو علاج
#أبي ضابط وكان يغيب عن البيت فترات طويلة بس مكان شغلو مو بعيد كتير يعني سري مري لعندو
السر ب بابا انو انسان وفي مابيخون الوعد
لدرجة انو عايش وحيد وماهان علي يجبلنا مرة أب #كنزو بهالحياة وكفايتو انا وكرم
#هي هيه عيلتي المتواضعة يلي بحبا كتير
--------
#بيتنا ماكان كبير غرفتين ومطبخ وحمام
# بغرفتي في صورة بتجمعني انا وبابا وكرم وصورة لأمي الله يرحما بحكي معا وكأنو عايشة وهيه أكيد بتسمعني وبتحميني بدعواتا مابروح على مدرستي بلا مااحكي معا ع يلي بقلبي
------------
المهم كان يوم ثلاثا شهر أيلول #المدرسة كانت بأولتا فقت متأخرة يادوب غسلت وجهي ومشطت شعراتي ،لبست بسرعة وحكيت ماما شوي وبعد ماأمنت بوبي عالبيت طبعا😂 ركضت لوصل عالوقت
------------
قصتي مع بوبي طويلة بس المختصر انو كنت مرة مكتأبة ورحت عالحديقة ف هوه ماتركني ولحقني وضل ينام عالباب لحد ما انتبهلو كرم وصار متلو متلنا بالبيت نفس الحقوق😂
...وصلت على مدرستي وسلمت ع رفيقتي سلمى
طبعا هيه أنتيمتي
#سلمى:بتعرفي انو الانسة سناء اخدت اجازة ورح تكون اليوم انسة جديدة مكانا
#مرام:لا ولو انا بحب الانسة سناء
#سلمى:الله يمضي هالسنة ع خير
مرام:اي والله
...رن الجرس
......كان اول حصة رياضيات وبعدا حصة الانسة سناء وعلى اعتبار هيه مانا موجودة رح تكون بديلتا
...الوقت عم يمضى وراح ربع ساعة من الدرس
....صوت طقطقة كعب وكلنا تحمسنا لنشوف الانسة الجديدة
.....وأخيرا بتجي
......مو معقول هي الانسة يلي رح تعطينا شو هااااد
......كان منظرا مرعب كل لبسا أسود
وجها شاحب أسمر في بثور كبيرة وعيونا جاحظين
شفايفا لونن مايل للبياض
....تأملت فيها وماقدرت شيل عيوني عنا
......بس هيه فورا وبصوت أجش قالت كل طالب يطالع كتابو لنبدا الدرس
-------------
يتبع....

#Tamara🦋
#Étoile🌟