ما تنوصف بجفاك حیرتنه ذيچه
مثل البديهه يموت بزر الشريجه

کل ساعه گام جفاك يتخوصرلنه
ومغندبین تگول میتین اهلنه

كبحيه هاي الناس وجو دليلي
زفوها والجكليت كله بشليلي

جروحي ماغفن ساعه ويهدان
الك يلهسه تتمشه ويهدان
علوك الساده اليشورن ويهدن
الخبل جا ماهدنك يوم اليه

ردت مره علكيفي من اكبسل
وتالي طلعت روحي من اكبسل
تدري شراح اسوي من اكبسل
ادج روحي واكلهم عال بيه

اضيع بيوم رايه لو مرايه
صوره بيوم يوكف لو مرايه
شني كرتساله وجهك لو مرايه
من اباوعله اشوفن كلشي بيه

ما نمت واسم النوم من بالي شلته
بصفي حطو ذيب نام وندهته

شد عصبه ابوه وياي ولغيري فله
وصب استكان الجاي بيده لرجله

الما اخذ واختار ولفه اليريده
من يمشي خلي يشيل كافوره بيده

مو جنه متفقين لو عرس لو موت
جربايه تالي تنام وتكلي تابوت

من درت وجهي عليك والوليت الصفاح
لوما هلك صاحوك فص عيني چا طاح

وينك يملج الموت مر اعله بابي
ما شفت بس الضيم واني بشبابي

اضن الله بگذلتك.... بده ليله
يخلي وڰلبي يمك.... بده ليله
اذا قيس عله ربعه.... بده ليله
ابديك عله اخوي اوالديه

اجاني بليلة منهن.... مرة خلي
واكلت شفافة بالعض.... مرة خلي
تدنة وكال بسك.... مرة خلي
ارد لهلي واثر مامش علية

جبتلك روحي رحبلها.... واهلها
لزعلك دمعتي اجفيها.... واهلها
اغثلك شيخ ديرتنه.... واهلها
المهم كلبك يضل راضي عليه

اجزعت يوميه احدك.... وابرداك
العواطف ماتن بهجرك.... وابرداك
عطر شميت بجفوفگ.... وابرداك
منو جاسك گبل جيتك عليه

دلیل ایام شوكك.... مرضنه
بحوافر خیل هجرك.... مرضنه
امس بالطيف شخصك.... مر اضنه
اهومش چن خبل بثنين اديه

استعجل بالجفن يا ولف.... لاطم
روحي ولجلك جم حلگ.... لاطم
شني بجفاك انه بكل عزه.... لاطم
وگولن صدك راعي المروه حمل وشال

ياهو المثلي أبزغره .... ربعله
الهظم والعوز ما خله .... ربعله
يجيني مجدي ما عندي.... ربع له
القحط مر بمصر ونووب بيه

رفع جن جنة الله.... مو شليله
شيقنعه القيس ياخذ.... موش لیلی
وعلي ليلة رحيله.... موش ليله
الشمس لليوم ما طلعت عليه