Кеча телеграмдан биттаси ёзибди. Мана шу постни чиқариб беринг, Тошкент вилоят Адлия бошқармасида ишлайман, адолатсизлик бўляпти, коррупция жуда авж олган деб. Постни кўрсангиз, ичи тўла туҳмат, бўҳтон. Тошкент вилоят Адлия бошқармаси бошлиғини (танишмасаканман) қасддан обрўсизлантириш мақсад қилинган. Бирор далил билан асослантирилмаган қуруқ гаплар.

Кейин унга савол бердим. Шу гапларингизга далил борми? У жим. Ҳўп, шу гапларни ўз юзингиз билан, видео орқали гапириб беринг, жиноят ҳақида хабар беряпти, ўрганиб кўринглар деб чиқараман, бу постни далилсиз чиқарсам, ўзим жавобгарликка тортиламан, "биз сиз биланмиз, олға" деб, қамалиб қолсам орқамдан дуо қиладиганларга ишонадиган ёшдан ўтганман дедим. У ёзишмани ўчирдида, йўқ бўлиб қолди.

Ушбу ҳолатда фақат бир нарсани ўйлаб қолдим. Аноним профил, ҳеч қандай маълумот йўқ у ҳақда. Қўрқоқлиги алоҳида мавзу. Лекин Адлияда ишлашини айтяпти. Юридик мутахассислиги бўлган исталган юрист кимгадир айб қўйишда сўзларига далил келтиради. Бўлмаса жавобгарлик бўлишини билади. Бунақа инсон Адлияга қандай кириб қолганикин, гаплари рост бўлса. Шу ҳақда ўйлаб қолдим. Балки нодонлиги учун ишдан ҳайдалаётган бўлса, шу каби энг паст йўлгаям ўтгандир. Бугун журналист ва блогерлар байрами дўстлар, муборак бўлсин! Шу каби ҳолатлардан ўзингизни асрашингизни тилайман.

👉 @Zafarbek_Solijonov

Фалсафа доктори Набижон Нарзиев ёзмоқда:

"Қадимда куёв-салом деган урф-одат ҳақиқатдан бўлган. Баъзида ижтимоий тармоқларда бу масала кўтарилса одамларда ғалати кайфият пайдо бўлади. Лекин бу шоу эмас. Мазкур анъана замирида нуроний ёшдаги одамлар ва ота-онага ҳурмат кўрсатиш маъноси яширинган".

Ҳар қандай ҳолатдаям саломлашиш контактга кириш учун биринчи қадам. Ҳаммаси шундан бошланади. Суҳбат давомийлигиям шунга боғлиқ. Қурултойнинг ушбу сонида шу ҳақда суҳбатлашилган.

👉 https://www.youtube.com/watch?v=MyJO0IoogPM

@Zafarbek_Solijonov

01 347 DAV. Зўр-ку а? Ҳам қарама-қарши ҳаракат, ҳам қизил чироқ, ҳам иккита чизиқ босилган, ҳам пиёда хавф остида қолган. Кимдир автомобилсиз кун деганмиди?) ИИБ чора кўришини сўраймиз.

👉 @Zafarbek_Solijonov

Жавобгарликка тортилибди. Лекин машина ҳайдовчисига унда юрадиган давлат хизматчиси танбеҳ бериши керак эди. Бу биринчиси бўлмаса керак. Чунки бунақа маданиятсизлик бирдан шаклланмайди.

👉 @Zafarbek_Solijonov

5 йил олдин бир тадбиркор акамиздан ғоя эшитгандим. Ўшанда у "яқин йилларда талабалар кўпайгани сабаб мутахассислар сониям ортади. Иш берувчи ва уларни боғловчи кўприк керак. Буни сайт кўринишида қилса бўлади" деганди. Танишимнинг ўзи бу ғояни амалга оширмади. Бошқа соҳада кетди.

Бугунга келиб анча йиллар олдин ALPHA EDUCATION бизнес мактабини ишга туширган тадбиркорлар таълим бозорида янги "Osnova" лойиҳасини ишга туширди. Бу ерда касбга йўналтириласиз, замонавий касблар бўйича курсларни ўқийсиз ва иш берувчингизни топишингиз мумкин.

Компания асосчиларидан бири Камила Узақовага кўра, лойиҳанинг асосий мақсади иш тажриба бериб, иш берувчи билан учраштириб қўйиш. Сал кам ўн йиллик меҳнат тажрибаси асосида иш берувчи ва иш излаётган ёшларнинг малакаси ўртасида катта тафовут кўрилган. Айнан шу ушбу платформани ишга туширишга мотив бўлган. Кўп гапирмай, сайтга кириб кўринг. Карьерага илк қадам курсига бепул эшик очилган. Тақиллатманг кираверинглар.

Шу ердан👉 https://osnovaedu.uz/

@Zafarbek_Solijonov

Бир дўстим бор. Тамаки истеъмол қилади. Бир куни иккита бир хил сигарет қутисини кўрсатди. Фарқла деди. Фарқлолмадим. Кейин у нархи арзон бўлишидан бошлаб, қолган деталларигача кўрсатиб берди. Кеча шу мавзу атрофида мана бу мақолани ўқиб қолдим. Тамаки ва алкогол маҳсулотлари дунёдаги топ-3 бизнеслар тоифасига кираркан. Соққа катта экан. Шу сабаб ноқонуний ишлаб чиқиш даражасиям юқори бўларкан.

Масалан йилига таҳминан 5 триллионга яқин сигарет маҳсулотлари, 42.3 миллион гектолитр соф спирт истеъмол қилинади. Биргина ноқонуний алкоголли ичимликлар ҳажми умумий миқдорнинг 25.8 фоизини ташкил қилади. Тасаввур қиляпсизми? Тамаки ва алкогол ишлаб чиқариш билан боғлиқ қонунбузилишлари кўп. Божхона янгиликларидаям доим шу ҳақда гапиришади.

Яхшики бизникилар соҳани тартибга солишда ташаббуслар кўрсатяпти. Ташаббус билан чиққанда ҳам ҳамманинг манйаатини ҳисобга олишяпти. Масалан яқинда мажбурий рақамли маркировкалаш бўйича президент ҳужжати қабул қилинди. Эндиликда тадбиркорлар учун маркировкани ўқиш қурилмаларидан мажбурий фойдаланиш талаби қўйилди. Қурилмадан фойдаланмасангиз, лицензиянгиз бекор қилинади. Яхши тарафи, шу йил 1 июндан 2027 йил 1 июнигача маркировкалаш ускуналарини импорт қилишингизда сиздан бож ундирилмайди, имтиёзли давр.

Яна алкогол ва тамаки маҳсулотлари бозорини тартибга солиш бўйича бошқа президент ҳужжатиям эълон қилинди. Униям мақола ёки видеодан билиб олсангиз бўлади. Ўзи лицензияли маҳсулотни истеъмол қилишдаги энг муҳим жойларидан бири бу — эртага сиз қайсидир сигарет ёки алкогол маҳсулотидан кутилмаган зарар кўрсангиз, уни судга бериб, моддий зарарам ундира оласиз.

🎥 Батафсил видеода

👉 @Zafarbek_Solijonov

Емаган сомсага пул тўлаш ҳақида

Кеча ижтимоий тармоқларда бир видео тарқалди. Унда 347 DAV рақамли Малибу ҳайдовчиси йўл ҳаракати қоидаларини қўпол равишда бузиб ҳаракатлангани акс этган. Ҳолат бўйича тегишли тартибда ҳужжатлар расмийлаштирилиб, жазо чоралари қўлланилган.

Машина Ёшлар ишлари агентлиги балансидаги автоулов бўлган. Айримлар буни агентлик директорининг биринчи ўринбосари Дилнозахон Каттахановага бириктирилган машина, деб ёлғон маълумот тарқатди. Аслида бундай эмаслиги ҳақида расмий муносабат ҳам билдирилибди. Хабарни тарқатаётганда доим текшириш керак, битта ёлғон гап билан кимгадир зиён бериб қўйиш ҳеч гапмас.

Д.Каттаханова 2020 йилдан бери Ёшлар ишлари агентлиги директорининг ўринбосари лавозимида ишлаган. Унга 345 DAV рақамли Малибу бириктирилган, 347 DAV эмас. 2023 йил декабрда эса у агентлик директорининг биринчи ўринбосари этиб тайинланади ва ўзига бириктирилган машина – 345 DAV’дан фойдаланишда давом этади, 347 DAV’га эса унинг ҳеч қандай алоқаси бўлмайди.

👉 @Zafarbek_Solijonov

⚡️Сусамбилнинг мазкур видеосида “Узуклар ҳукмдори” оламининг энг қудратли афсунгарлари ва табиийки Гендалф Куранг ҳақида батафсил маълумот берилган. Бу видеода орқали Ўртадунёга сеҳргарлар қаердан ва ким томонидан юборилганлиги, Гендалф қаҳармон ўлароқ қандай пайдо бўлганлиги ва ўзи умуман бошқа кўплаб қизиқарли саволларга жавоб беришга топса бўлади. Профессор Толкин ижодига бефарқ бўлмаганларга кўришни тавсия қиламан.

👉 https://youtu.be/y9x8RmhnHVc

@Zafarbek_Solijonov