Эрталабда скриндаги ёзувларни ўқигандим. Унда Кремлнинг навбатдаги итлари сайрагани ҳақида ёзилганди. Кейин қуйидаги хабарлар қаторлашиб чиқди. Гўё Тошкент дарвозасини қайта очишни бошлашаётгандек. Биз нафратланадиган ўша қора тарих такрорланмаслигини хоҳлаймиз холос...

Ўзбекистон газ масаласида Россия билан "Йўл харитаси"ни имзолади. Унда нима ёзилгани, қандай келишувга келишаётгани, миллатни нима кутаётгани ва бошқалар ҳозирча номаълум ва у доимгидек сирлигича қолса керак.

Руслар "Қамбар ота-1" қурилишида ҳам иштирок этмоқчи. Қўшнимизда қурилиши режаланган ГЭС аслида 3 девор қўшни: Қирғизистон, Ўзбекистон ва Қозоғистон иштирокида қурилиши керак бўлган лойиҳа эди.

👉 @Zafarbek_Solijonov

Газимизни Россияга тортиқ қилсак, ҳаммамиз қийналамизми? Йўқ, фақат эрксеварлар қийналади холос. Кучишлатарлар уларни битта-битта қамаб юбориши ҳам ҳеч гап эмас. Ва бу энг енгили бўлади.

Хоинлар ва қулларгина қийналмайди. Улар таракан каби исталган тузумга мослашиб кетаверади. Омонликда яшайди. Тепани қўрқоқлар эгалласа, пастда мардлар сазойи қилинади. Буни тарих кўп бора исботлаган.

👉 @Zafarbek_Solijonov

Энергетика вазири Жўрабек Турсунпулатович!

Солиқ тўловчилар олдига чиқиб гапиринг, Россия билан имзоланган йўл харитаси ҳақида. Оммани хабардор қилиш сизнинг функциянгиз эмасми? "Айтишларича, пайтишларича" деган гапларнинг даври ўтди. Биз сизни кутяпмиз. Жасоратли бўлинг, сал.

👉 @Zafarbek_Solijonov

Энергетика вазирлиги: “Газпром” билан шартномада газ транспорт тизими кимгадир берилиши ёки суверенитетимизга қандайдир таҳдид умуман йўқ.

Жорий йил 24 январ куни Ўзбекистон Республикаси Энергетика вазирлиги ва “Газпром” компанияси ўртасида газ соҳасида ҳамкорлик бўйича музокаралар ўтказилди ва унда Россиядан Ўзбекистонга табиий газ етказиб беришнинг техник имкониятлари муҳокама қилинди.

Имзоланган “Йўл харита”га мувофиқ томонлар ўртасида тузилган Ишчи гуруҳ Қозоғистон ва Ўзбекистон ҳудудидан ўтувчи “Ўрта Осиё – Марказ” газ қувури орқали газ транзитини амалга ошириш учун зарур бўладиган техник чора-тадбирларни ва ўрганишни келишиб олинди.

Ишчи гуруҳ техник жиҳатдан барча ишларни якунлагандан сўнг, табиий газни етказиб бериш бўйича асосий шартларни муҳокама қилинади.

Шуни алоҳида таъкидаш лозимки, олиб борилган музокаралар ҳамда “Йўл харитаси”да Ўзбекистон Республикасининг мавжуд газ транспорти тизимига эгалик ҳуқуқини тўлиқ сақлаган ҳолда ички бозорга табиий газ зарур миқдорларда етказиб бериш мақсад қилинган. Бунда газ транспорт тизими кимгадир берилиши ёки суверенитетимизга қандайдир таҳдид умуман йўқ.

Келгусида ушбу йўналишдаги барча ишлар Ўзбекистон Республикасининг миллий манфаатларини тўлиқ ҳимоя қилган ҳолда амалга оширилиб, натижалари юзасидан доимий равишда жамоатчиликка маълум қилиб борилади.

👉 @Zafarbek_Solijonov

"Машраб" охири гапиришни бошлади.

👉 @Zafarbek_Solijonov

Энергетика вазирлиги муносабатидан сўнг кўнгил бироз тинчланди. Энди Амир Темур руҳи ҳам безовта бўлмаса керак. Муқаддас тупроқнинг муқаддас газига эгалиги ўзида қолиши керак. Бошқа саволларимизни кейинроқ берамиз. Ҳозирча укамиз Умид Нормуратов ижодидан баҳра олинг. Сокин Шаҳрисабз. Сўзларсиз мусиқа ва кўриниш...

👉 @Zafarbek_Solijonov

Битта заправка билан 1 000 км.дан ортиқ масофа!

Ўзбекистонда электромобилларни ишлаб чиқариш ва сотиш бўйича “BYD Uzbekistan Factory” қўшма корхонаси расман рўйхатдан ўтказилди. Корхона Ўзбекистон бозорига BYD брендининг энг оммабоп plug-in гибрид электромобилини (PHEV) олиб киришни режалаштирмоқда.

Тез орада BYD электромобилларнинг биринчи партияси мижозларга тақдим этилади.

🔺 BYD Chazor 05 DMi (гибрид)
🔺 BYD Song Plus DMi (гибрид ва электромобил)
🔺 BYD Han (электромобил)

Реклама

👉 @Zafarbek_Solijonov

Архив: 2021 йил 4 май куни ёзган эканман.

Мен узоқ йил қотил тизимда юқори лавозимда ишласам, тирик қолиш учун ҳамма билан келишишим керак бўлади. Айниқса мендан юқорироқ турган лавозимдаги шахслар билан. Бусиз иложим йўқ. Улар билан ҳиссадош бўлишим ҳам мумкин. Ва албатта бу ҳақда қаерлардадир "папкалар"им бўлади. Вақт ўтиб тақдири тақозоси ва катта оғамнинг марҳамати ила ўша ҳудудда биринчи рақамли шахсга айлансам, истакларимни тўлиқ амалга оширишга қийналаман, иложсиз бўлади кўп ҳолларда.

Катта оғам марҳамати шартлар устига берилгани аниқ. Шартларнинг бажариш муддати эса келади. Камига ўлгур "папкалар" бор, қаерлардадир, кимлардадир. Бу тарафда халқ учун катта ваъдалар бериб қўйганман. Асосий ваъдаларимни бажаришга эса катта оғамнинг шартлари, "папкалар" ҳалал бераверади. Кичикроқларини бажара тураман. Менга жуда қийин, ўртадаман. Камига бир вақтлари ёнимда бўлган, садоқатини кўрсатганларга арзимас "эркалиги" учун пичоқ отолмайман. Яхши кўраманда, нима қилай? Қолганларга ишонмайман. Камига тизим йўқ, инсон фактори кўп нарсага боғлиқ.

Лекин дўстлар мен бундай яшолмайман! Мақсадларимни амалга оширгим келяпти. Хоҳишларимнинг ўзи етарли бўлсайди... Агар мен ҳозирги тузумни парчаламасам, олдинги раҳбариятнинг авлодлари бошига тушган бало меникиларни ҳам ютиб юбормай қўймайди. Атрофим тўла чиябўрилар. Кутишаётгани аниқ. Сиёсий рақибларимни йўқотиш чоғида анча-мунча душман орттирдим ахир. Нима мен катта режаларимни амалга ошира олмайманми?

Бажарай десам, қўрқаман, бажармасам, мен тарихда ваъдавоз сифатида қолишим мумкин. Менда муддат бор. Балки йўли чиқар. Балки бирор кун мард бўлиб, шарт тозароғига ҳаммасини топширарман. Билмадим, ҳозирча...

👉 @Zafarbek_Solijonov

"Ижтимоий тармоқларда Ортиқхўжаев ҳақида негатив материаллар кўпайди, тез орада жавобгарликка тортилармикин?" деган саволларга кўзим тушди. Йўқ, уни қамашмайди. Бунинг эҳтимоли деярли нолга тенг. Чунки у хиёнат қилмаган.

Бу тизимда хиёнатдан бошқа барчасига кўз юмилиши, кечирилиши мумкин. Садоқат устига қурилган бу тизимда ҳаммасига қонун эмас, хиёнат тирқиши орқали қаралади. Хиёнат қилмадингми, умидсизланма, қолганини эпласа бўлади.

👉 @Zafarbek_Solijonov

Фарғона вилоят ҳокими Хайрулла Бозоровнинг фармойиши. Референдум яқин шекилли. Қишдан эсон-омон чиқсак бўлди.

👉 @Zafarbek_Solijonov

Ижтимоий тармоқларда “Ёшлар – келажагимиз” жамғармаси Қашқадарё вилояти филиали собиқ раҳбари ва МЧЖ раҳбари пулларни талон-торож қилишда гумонланиб, қамоққа олингани ҳақида хабарлар тарқалди.

Бу хабарларга аниқлик киритилишича, ҳолатни жамғарма марказий аппаратининг ўзи аниқлаган ва 2022 йил 16 декабрда қонуний чора кўрилиши юзасидан тўплаган ҳужжатлар вилоят прокуратурасига тақдим қилинган.

👉 @Zafarbek_Solijonov

2011-2012 талабалик йилларимни яхши эслайман. Одамлар анча қийин иқтисодий аҳволга келиб қолганди. Контракт пулини тўлаш анча-мунча талабани стрессга соларди. "Part-time job"да пул топишнинг имкони ҳам йўқ эди. ОТМларнинг аксари қайсидир вазирлик-идорага бириктирилганди. Лекин уларнинг кўпи ўзининг бўлажак кадрларини қўлламасди.

Кеча томонидан Россия давлат нефть ва газ университети Тошкент филиалининг 116 нафар талабасига контракт суммасини тўлангани ҳақидаги хабарни ўқиб қолдим. Бир тарафдан ёшлар ўқиш пулини ўйламай фақат илм излайди. Ўз устида ишлайди. Бошқа томондан кадрлар ўзимизники, куни келиб соҳа ривожига ватанпарварлигидан келиб чиқиб ҳисса қўшади.

ташаббуси билан 600 дан ортиқ талаба компания объектларида амалиёт ўтаган. Ўтган 3 йил ичида ушбу даргоҳни битирган 220 нафар битирувчиларни иш билан таъминлаган. Давлатнинг бандлик сиёсатига ўз ҳиссасини қўшган. Шунингдек, компания Тошкент техника универи, Турин, Бухоро ва Қаршидаги муҳандис-технология олийгоҳлари билан ҳамкорликни ҳам йўлга қўйганакан.

👉 @Zafarbek_Solijonov

Ўтган ҳафта қизимни боғчасига олиб кетаётсам, таксичи амаки "шу Агробанкам анча кучайиб кетди, оммалашди, яқинда 30 миллион микроқарз олгандим, инсофликан, жаа безовта қилавермади, узвордим вақтида" деб қолди. Эээ амаки бунинг ортида тоғдек меҳнат ётибдида, деб кулиб қўйдим.

Банкда коррупционерларга қарши курашиш ҳам давом этмоқда. Барчаси Мирзиёевнинг ҳалоллик вакцинаси бўйича кетяпти. Бош офис ва Тошкент шаҳар филиали "CERT International" халқаро аудиторлик ташкилоти томонидан ISO 37001:2016 халқаро стандарти бўйича мувофиқлик сертификатига эга бўлди.

Бу нима учун керак? Эртага банкка четдан инвестор келса, биринчилар қаторида шу ҳужжатни сўрайди. Тоза тизим хоҳлайди улар ҳам. Иккинчидан, ўғри-порахўрларга тешиклар ёпиляпти. Ўша гап, бу ишлар орқасида катта жамоанинг улкан меҳнати ётибди.

👉 @Zafarbek_Solijonov

Алишер Саъдуллаев зўр имконият ҳақида ёзганини ўқиб қолдим. Ёшлар YouTube платформасида “Ибрат фарзандлари” лойиҳасини бошлаб, малакали устозлардан хорижий тилларни нолдан бошлаб, мутлақо бепул ўрганиш имкониятини йўлга қўйишибди.

Дарслар:
• Инглиз тили
• Немис тили
• Испан тили
• Турк тили
• Рус тили
• Ўзбек тили (хорижликлар учун)

👉 Кузатиб боринг: @ibratfarzandlari
👉 YouTube: youtube.com/@ibratfarzandlari

Human.uz сайти директори Хуршид Далиев ва сайт бош муҳаррири Муслим Мирзажонов номаълум жойга олиб кетилгани ва таҳририят тинтув қилингани, офисга бостириб киришгани ва тинтув қилинаётгани айтиляпти.

👉 @Zafarbek_Solijonov

Хуршид Далиев ва Муслим Мирзажонов билан боғланишга ҳаракат қиляпман. Мобил қурилмалари ўчиқ. Улар билан гаплашишнинг иложи бўлмаяпти.

Расмий муносабат кутамиз.

👉 @Zafarbek_Solijonov

Human.uz сайти ҳам ишламай қолди. 404.

👉 @Zafarbek_Solijonov

Офиси ҳам муҳрлангани айтиляпти.

👉 @Zafarbek_Solijonov

Обуначиларимиз rost24.uz сайтига ҳам кириб бўлмай қолгани ҳақида ёзишмоқда. Текшириб кўрдим, киролмадим. Техник сабабмикин ёки?

👉 @Zafarbek_Solijonov