اكبر خطأ تسوي بحياتك من تستحي وتتردد ومتعرف تحجي عن نفسك
وتخلي غيرك هو يقيمك وانت تتصور راح ينصفك وينطيك حقك.
الناس تحكم عليك من خلال عقدها النفسية ومشاكلها ومزاجها اليومي ، من خلال غيرتها وحقدها وثقافتها المحدودة
الحد ماتشوف نفسك واكف بمنطقة رمادية ماعندك قدرة تكول انت اكبر من هالشي وبنفس الوكت مامقتنع بالمكان الحطوك بي ، فتبدي بمرحلة من الصراع وجلد الذات بتحطيم كل شي
وترجع لنقطة الصفر من جديد.

الإمام عَلي "عليه السَلام" يكول
لاتدع جهل الناس يغلب علمَك بنفسَك.

لا تتمَسكين بأي شخص رايد يروح
ويطلع من حيَاتج ولا تبجين عليه لانُ
صدكي وثقي الي يحبج عمره ماراح
يفكر بفراگج عنه لو باذيتَج ولمن تشوفين
الي عندَج مو شخص يستاهل حُبج
واهـتمامَج وتضحيتج له وحتى لهفتج عليه
انتِ فتحيله الباب بيتج وكليله الله ومحمد
وعلي وياك تروح انتِ ويجي الي يستاهَلني
وتأكدي عمره ماراح يهون عليه يعوفِج
زعلانه لو مقهورة منه لانُ الي يحبك
لو سهم يتلگاك وهاي ارجعي اقريها الف
مره لحد ما تسَتوعبين ..
لا تستهانين بمشاعرج وحافظي على
نفسَج مو الكُل يفكر مثلج بحنان وطيبة
مو الكُل مهتم مثلج ولا يحب مثلج
خلي نفسج عزيزة وكرامتج اعز خليج
قوية وصعبة والي راح يحبج ويستاهـل
تعب عيونج علمودَه حيكون
انسان شجاع يفتخر بيج بكل خطوة يخطيها .

الأسِتغلال مَن ابشع الأشِـياء الي نواجها
يدخل انسان بحَياتكم ويحاول يملي فراغه
بَيكم ويسَتغلكُم ومن يشِافي غليله
ودِاخله من هل مَرض وشعور الوحَـده
يبدَي تدِريچَياً يتغير عليكم واسَلوبه
يصير اسِتحقاري ويَـاكم ويحسسكُم معندَه
وقت الكُمَ عكس اول ما دخِل بحياتكُمَ
چَانت كلماته غيَـر اسِلوبه غيَره ..
لذالك خلي بالكُمَ من هيچ نوعية مَن
الأشِخاص احَياناً حتى الغلط منهُم يخلوَن
الصٌوج بيكُم على سِبيل يرضوَن أنفسِهُم
وميهتمون بمشِاعركُمَ
فّ دائماً خليكُمَ سِطحَين ويا الكُل ولا
تمَيزون احدَ لانُ متعرفون شنوَ باطن هَذا
الشِخص حتى لو تعَاشرونه ألف سِنة .

مفهوم رجولة شكلاً وكلاماً ! عند البعض .

الرجولة ليست مجرد صفات جسدية أو مظهر خارجي ، بل هي مزيج من القيم والمبادئ التي تظهر في التصرفات والمواقف. إليك بعض التصرفات التي تعكس الرجولة الحقيقية:

¹ - الالتزام بالمسؤولية:
الرجل الحقيقي يتحمل مسؤولية أفعاله وقراراته، سواء كانت صغيرة أو كبيرة، ويعمل بجد لتحقيق أهدافه.

² - الاحترام للجميع:
يعامل الآخرين باحترام بغض النظر عن أعمارهم، جنسهم، أو مكانتهم، خاصة النساء وكبار السن.

³ - الصدق والأمانة:
يكون صادقًا في كلامه وأفعاله، ولا يخشى قول الحقيقة حتى لو كانت صعبة.

⁴ - الشجاعة في المواقف الصعبة:
يواجه التحديات بشجاعة ولا يهرب من المشاكل، بل يعمل على إيجاد حلول لها.

⁵ - الكرم والعطاء:
يشارك الآخرين بما يستطيع، سواء كان مالًا، وقتًا، أو دعمًا معنويًا.

⁶ - التواضع والوقار:
يتصرف بتواضع دون تكبر أو استعراض، ويحترم نفسه دون أن يقلل من الآخرين.

⁷ - الدفاع عن الحق:
يقف بجانب الحق ويناصر المظلوم، حتى لو كان ذلك على حساب مصلحته الشخصية.

⁸ - التوازن في المشاعر:
يتحكم في غضبه ويعبر عن مشاعره بطريقة ناضجة، ويظهر تعاطفه وحبه لمن حوله.

⁹ - الاهتمام بنفسه وبمن يحب:
يهتم بمظهره ونظافته الشخصية، كما يهتم بأسرته وأصدقائه.

¹⁰ - الالتزام بكلمته:
إذا وعد بشيء يفي به، فالرجل الحقيقي معروف بمصداقيته وثباته على كلمته.

الشخص الأناني هو شخص مايريدك، بس رايدك تريده
الشخص هذا إستغلال، ما يعرف يحب بس يعرف يستغل، وجودك بالنسبة إله عباره عن سد إحتياج للنقص مالته فقط،
اذا ما كدرت تسد هذا النقص راح يتركك بسرعة وتفقد قيمتك بحياته، كل متطلباته بالعلاقة مرهونة بإحتياجك إله فقط، هو رايد يحس إنك متكدر تعيش بدونه ويريد يزرع بداخلك هذا المفهوم المؤذي

عدنا بالطرف الآخر أصحاب النوايا الصادقة ينبهرون بالبداية بالشخص هذا ويفرحون بالمشاعر الوهمية ال يبينها الهم
هذا الأناني سعادته الوحيدة لمن تحسسه إنهُ هو محور حياتك وأنت طفل صغير حتضيع بدونه،
الي يحبك ماراح يفرح أنك تكون معتمد عليه أو يوصلك صورة بأن سعادته راح تكون بهذه الطريقة،. إنما رايدك حر مو مُقيّد بشيء ،
تكبر وتنضج بحبه مو تكون مربوط ومدمن بي.

عندي قناعة مرتبطة بين الفكر والملامح، من شخص تعجبني أفكاره أرتاح لملامحة وأحس بيها إنعكاس للفكر الراقي،
اكو إنسان تشوف ملامحة حلوه وشكله مقبول لكن تتفاجئ بعقله الصغيّر وشخصيته تعبانه، فتلقائيًا راح يختفي إعجابك بشكله لو جان ملك جمال، وكذلك نفس الشي ينطبق على البنية.

صح للجمال سطوة، بس سطوة الفكر والروح أكبر وأرقى.

كل علاقة بالدنيا تمر بلحظات صعبة، اَي علاقة بالكون اطرافها يرتكبون اخطاء تنهي كل محبة وأيام عاشوها، العلاقات الحقيقية هي التستمر وتبقى أصلب، المزيفة تنهار لأن ماتحتمل الاختبارات، المشاكل ما مرغوبة بس حكمة وجودها تنطيك يقين مادام كادر تكمل بيها فأنت صح بصحبة الإنسان الردته
الإنسان اليستحق الواحد يصبر علموده.

أحسم الموضوع بالمواقف والاختبارات ولتغرك الألوان البراقة والصوت الناعم والوعود، الرحلة شاقة مو مال حمل زايد
واليكمل وياك راح يبين
واحد يخبل اسمه "ابن الأصول"

نسبة جبيرة من العالم بمجتمعنا مدري منين جابوا هالثقة بالتصنع والتكلف حتى تكتمل شخصيتهم
ترى الموضوع مو هيج، والثكل شي اصيل بالإنسان ميجي من النقص والتصرفات الطفولية، انت عايش بعذاب حتى ضحكتك مو هي ولا ردة فعلك نفسها، تحسب للحجاية شلون تنحجي والخاشوكة شلون تنلزم، والجرأة المفرطة قلة ذوق واخلاق مو شغلة حميده وانجاز ينحسبلك بالعكس
هواي عالم تضحك عليك وانت تتصوره اعجاب وهنيال الكون بوجودك بس الكون يشوفك عبارة عن جيس حب.
ماكو مخلوق يكدر يسعى للكمال بس الله وانتَ انسان مخلوق من نطفة الك عمر محدد وتموت تاليتك تصير جيفة وياكلك الدود، الله منطيك مزيج من الطيبة ومزيج من الغضب والكدامك مو معصوم هم مثلك فأذا ردت شخصية قوية تنال اعجاب انسان ويصير شريك حياتك أبقى على طبيعتك وحدود قابليتك ليش ياخذك وبعدين ينصدم بيك او انت تنصدم بي اذا طلع هو اضرب منك.

عيشوا حياتكم بهدوء لتقيدون الروح، هو الطبيعي ويضحك بهل بلد ممتحمل نفسه، شلون تتحملون نفسكم بالتصنّع ماادري.

من اباوع على نفاق الناس وعلى جذبهم وعلى الأخلاق التعبانه، الحقد والنميمة والتنمر ، كره الخير للمقابل والحسد التارسهم، احتراف الجذب والخيانة وسرقة الأمانة وسوء المعاملة وغيرهن العشرات من الصفات الخبيثة.
مو غرور ولا تكبر من اكول شكد مختلف اني لعد، شكد نقي من الداخل، شكد فعلًا إنسان"حقيقي" بعيد كل البعد عن تزيفهم، ومرات افكّر ، ليش اني هيج؟
ما جربت ابد احجي على احد بالسوء حتى عن الأشخاص الأذوني، ما جربت ربع من الديسوونه الناس الذكرتهم فوك.
هل الموضوع نعمة وتوفيق من الله فقط! أم انهُ إجتهاد شخصي مبني على حسن التربية، وهل نحنُ مخيرين أم مسيرين أمام فعل الخير او الشر ؟

شكد صعبه من تكون انت انسان نظيف، كلبك ابيض، داخلك طيب ماعندك شر وآذيه ع احد ابد، وتشوف الناس الحولك كلها تحبك وتريدلك الخير: بس يجيك يوم، تكوم تعرف شغلات انته مو داري عنها شي، تشوف الناس الي جانت تحبك جانت مجرد تجاملك وتضحك بوجهك بس همة بداخلهم غير شي،ويوم بعد يوم يبدون يضهرون ع حقيقتهم، شکد صعبه من تشوف اقرب الناس الك هو الي جان سبب بأذيتك هنا انت راح تصفن ویه نفسك، تبدي تعيد حساباتك ويه الكل، راح تحس بتفاهة شعورك، وتبقى هواي اسئله ببالك مراح تلگه الها اي جواب... ابد لتأمن بأحد وخلي ثقتك محدودة ويه الكل،
حتى اقرب الناس الك!
ممكن يجي يوم ويخذلك،لذلك لتعتبون ع احد اذا شفتو ع لحظة متغير علیکم، ممکن مو انتو السبب، ممكن الايام والضروف والناس والمواقف الي يمر بيها هية الي غيرته عليكم.

من تشتري اكلة نفسك بيها ميهمك شكد راح تدفع فلوس بس المفاجئة من تنصدم ويطلع طعمها عادي او اقل من العادي بس تكمل اكلها استخسارًا بالشي الدفعته
والمده البقيت منتظر علمودها واستهانه بالضرر الممكن يصير بيك من وراها.

اكو علاقات حب هيج بالضبط، شكد ماتدفع بيها مشاعر ووكت وصبر واحلام وتوقعات بالنهاية تكتشف هية متناسبك ومراح تناسبك شمتسوي، وضررها اكثر من نفعها وفوكاها تكمل بيها استخسارًا للايام العشتها حته لو جانت غلط.

بس خلي ابالك الاكل الفاسد بي غسل معده بس الحب المعيوب مابي غسل گلوب.

مهما تحاول تبذل جهد حتى تقدّم نفسك للعالم بصورة معيّنة، او تحاول تبرر لفكرة إنفهمت خطأ عنّك، فكل واحد راح يشوفك بقناعتة وعلى مزاجة ومثل ميريد هوَ، كلامك لا يقدم ولا يأخر، لأن هالموضوع للمقابل تحكمة عدّة عوامل نفسية، فلتموّت نفسك حتى ترضي فلان واحد او تتمنى ينعجب بيك علّان واحد، إتصرف على طبيعتك وفطرتك الإنسانية الخلوقة وبدون تكلّف، حتى لو تستعجل وتغلط مرة ومرتين،
خليهم يحسبون حسابهم مثل ميردون، وعيش انتَ حياتك مثل ما تريد والله يريد.
ورة فترة راح تكتشف المكسب الحقيقي مو كلمة إطراء ولا ضحكة أحد
المكسب الحقيقي أنُ تعرف شلون تكسب روحك.

اكو إقبال مخيف للبنات على مراكز التجميل بالسنين الأخيرة
والعجيب كل سبوع ألكه 3 مراكز تجميل على الأقل مفتحات جديد، ومقاطع الفيديو لذني ليشرحن على طريقة التاتو واللينسز وفاونديشن،

الصراحة كل انسان يحب يهتم بنفسه بس اكو شي معقول واكو شي مبالغ بي، اني كرجل يهمني الجمال بس تهمني تربيتها وشخصيتها قبل جمالها
باجر التحبي لحيته توكع وبطنه المقسمة تصير كرش نازل من قميصة، رموشج راح ترجع طبيعية وحواجبج ترجع نفسها وجفنج يهدّل والهالات مبينه، واهسة يقل كبال المراية وتگومين يادوب تستخدمين الغسول.

باجر راح تبقون انتي وياه كبال صينية تاكلون كباب عروگ وطمامه، وقوري چاي فوك الصوبة ديحمه
وميبقى من البشر غير الأصل والمعدن الطيّب.

أتمنى وصلت.

كل إنسان يعتقد انه أشقى من غيره أو أنه مبتلى أكثر من غيره ولكن الحقيقة ان كل منا لديه مايعانيه ويعكر صفوه لكننا نختلف في الرضا بقضاء الله وقدره فمن يملك الصحة قد لا يملك المال ومن يملك المال قد لا يملك الذريه الصالحه ومن يملك الصحه والمال والذرية قد لا يرزق برهم ومن رزق برهم عاش يتيمآ ومن عاش في حضن والديه قد لا يرزق حياه زوجيه مستقره وهادئه لايوجد شيء كامل وإنما تكتمل سعادتنا بالرضا فالحمدلله شكرآ وامتنانا وإقرارأ بفضله واعترافآ بعظيم كرمه.

ممكن تعيش العمر كله ويه وحده جمالها عادي بس تطلع بنت أوادم ومثقفه وتعنيلك وتساعدك وتستحملك وممكن تعيش ويه وحده ملكه جمال بس تطلع انانيه وسطحيه وتفكيرها ما ناضج الجمال حلو بس ينتهي وتبقى الروح الحلوه واذ اجتك لحظه اختيار الي تستاهلك مو تستهلكك

الله لم يحرم شيئآ ألا وفيه مضرة لنا...
والعلاقات هذه بين الولد والبنت ليست إلا مضيعة للوقت
ومشاكل وألم وبعد كل هذا تنتهي العلاقه بالأنفصال
والاكتئاب والعزله وحتى الصحة النفسية تتراجع بسبب هذا الأمر والغريب في الأمر انه يوجد في الوسط كلام محرم لن يرضاه الولد ان يقال لأخته او ابنته مستقبلا ولكن يقوله لأخت وابنه شخص اخر تناقض وانانيه

الشخص من تنكسر أيدة راح يصبر عليهآ لحد
ما يلتئم الكسر ليش لأنه متأكد منهآ راح تطيب بضبط بحياتك هيج اللي تمر بيه من ظروف ومشاكل وتوكع بأيام صعبه وتحس نفسك ضايع لازم تصبر وتتحمل كلشي الأيام الصعبه تعدي والمشاكل تنحل لان خلف الصبر فرج عظيم

دائماً حاولوا تكونون ناس
نظيفه من الخارج والداخل بكد متهتمون بلمظهر الخارجي
اهتمو لنفوسكم من الداخل ونواياكم تجاه الناس
ولا تأذون شخص وهوه بعيد عنكم كونوا متصالحين ويه الكل وكونوا على يقين دائما ان رب العالمين يرزقنه مو بس على افعالنا الخارجيه إنما على نوايانا ونفوسنه من الداخل تجاه الناس لا تخلون حقد ع موقف تجاه الشخص
نفسه يزرع الحقد بداخلكم وتشوهون صورته كدام الأخرين وشكد متحبون الخير والنجاح اللاخرين
الله يرزقكم اضعاف هلشي

مو صدفه انو رب العالمين يختبرك بالصعب
فتدعي هواي حتى يهونها ، ولا صدفه انك تضيع شغله معينه لان رب العالمين كاتبلك الاحسن منها ، ولا صدفه لمن وكعت بورطه كشفت الك الناس الحواليك وخيبوا ظنك ، رسائل رب العالمين الغير مباشره الي دكلك انو رب العالمين وياك بس اصبر .. هاي مواعيد ربك قدرها مو صدف
حتى تلجأ اله وتكون واثق ان هو راح ينجيك ويعوضك خير .

لا تدعي على شخص ابد
حتى لو هذا الشخص مأذيك لاتدعي عليه
دائما رددوا
اللهم ارزقهم بسعاده كبيره تلهيهم عن حياتي
اعرف حركه القلب من شخص ينظلم
ومن يحجي على شخص بس مراح تنزل لمستواهم وتدعي عليهم وتصير مثلهم خليك اعلى منهم حتى
لو اخذوا فرحتك حتى لو اخذوا شي من حياتك
كول الله يهنيهم بيه والله يرزقني بالأفضل منه