Google AI Pro for Students

هذا اشتراك سنة كاملة مجاناً بمجموعة خدمات من گوگل سعرها الاصلي ٢٠$ بالشهر، يگدرون طلاب الجامعات العراقية يحصلوه هسة اذا يقدمون من هذا الرابط:

gemini.google/students

الاشتراك بيه كومة شغلات هذول كم وحدة منهم الي داستعملهم هالفترة:

- Gemeni 2.5 Pro
هذا الـ ai chat bot من گوگل (يشبه chat gpt من open ai) بس شفت ميزته انُ كل قوي بالـ research

- NoteBookLM
هاي ai tool ميزتها انُ مخصصة للدراسة والشرح، احسن شي بيها انُ تگدر تنطيها المصادر والملازم مالتك وحتى الفيديوات والمقالات كـ روابط وتصير تشرحلك على اساسهم وترفرنس كلامها حتى تگلك هذا الجواب جبته من هاي الصفحة بالملزمة الي انت دازها، كلش مفيدة بالدراسة للجامعة حتى الـ ai ما يگوم يهلوس. تگدر تسوي بيها حتى فيديوات تشرحلك المادة الي تريدها، واكيد هم تسوي ملفات واسئلة وخطط دراسة ومراجعة وكلشي

- 2 TB storage on Google Drive

- AI tools in many services from google like gmail, docs, drive

راح تحتاجون بطاقة دفع الكتروني شغالة حتى تحصلون الـ offer، ما يستقطع شي منها بس يسجلها بحسابك حتى تاخذ الخصم، بس تنتبهون انُ ورة سنة بالضبط يبلش يستقطع من هاي البطاقة ٢٠$ بالشهر فـ اذا تحبون تلغون الاشتراك سوو تذكير او شي، هو يدزلكم ايميل ويذكركم قبل ٧ ايام همين

شغلة حلوة هم بهذا الـ offer انُ تگدرون تضيفون ٥ اشخاص وياكم من الـ family members حتى يستفادون من كل الاشياء الي گلتها فوگ، حتى لو ما چانت عدهم ايميلات جامعية بس الـ usage مالتكم راح تكون shared لخدمات مثل gemeni و google drive storage

فد شغلة هم، اذا ما محتاج كل هذا تگدر مجرد تفتح gemeni من ايميل جامعي هم تحصل مودل الـ 2.5 pro مباشرة بدون تقديم او ايشي

بالشغل همين داستعمل gemeni بس للـ research لان الاكسز الي عنده على الداتا الاونلاين كلش جيد ويگدر يجيبلي احدث معلومات بين باقي المودلز الموجودة

بس من تجي لكتابة الكود فـ بالشركة عندي اشتراك claude code من anthropic واستعمل بيه اكثر شي مودل claude sonnet 4.5، الفرق بينه وبين باقي المودلز الي من گوگل و open ai كلش چبير ماكو مقارنة حتى، الي يكتب كود لازم يستعمل claude

ها وصارلي شهرين من صرت فل ستاك بالشركة (داشتغل فرونت وباك) وبعدني متعاجز اغير لنكدن وبايو القناة

كورس عصام عبد النبي كلش هواي ساعدني من بلشت بالباك ايند (بعدني ما كملته وصلت للاخير وگمت اسخت) بس رجعت فوگاه تعلمت اضعاف من دخلت على مشروع حقيقي بالشغل وبلشت اكتب كود ببيئة production وي تيم

الشهر هذا هم قريت كتابين على الفرونت

Refactoring UI
Published 2018, Pages: 218

جزء من مراجعة واحد للكتاب على goodreads واشوفه احسن وصف، الكتاب ضروري يقراه اي مبرمج ويب لان راح ينقل شغله لمستوى كلش مختلف

هذا عظيم، الردي واني اقراه چنت اطبق الي داتعلمه بمشروع فريلانس لازمه هالفترة وبديت اشوف فرق على شغلي، لازم مبرمجين الويب يقروه كلش مفيد

Vue Tips Collection ⭐️⭐️⭐️
Published 2022, Pages: 212

هذا امانةً هواي من الي تعلمته بيه شفت استعمالاته قليلة ومو كلش عملي ومفيد، بس چانت قراءة مفيدة، الي مخلص قراية الـ documentation الرسمية مال فريمورك خلي يقراه بس الي ما مخلصهم فـ خلي يقراهم اول لان راح يستفاد منهم هواي اكثر من هذا الكتاب

شباب احد گدر يستعمل n8n بشي معقد؟ ما اقصد الـ automations البسيطة الي دنشوفها على x وباقي منصات التواصل

مطلوب مني بالشركة automation و ai features بسستم چبير ومفكر استعمل n8n بس ما شفت احد مسويلها integration بـ production environment كل الي داشوفه ناس يستعملون الـ ai حتى يرتبلهم ايميلاتهم ويلخصها وهيچ اشياء بسيطة، مع انُ n8n نفسها كـ tool كلش capable

الي مسوي هيچ شي ياريت يفيدنا لان شوي ضايع 🙏🏻

*موضوع الـ integration كلش مهم، ماريد استعمل n8n وحدها اريدها داخل مشروع موجود*

هاي شوي مقالات مفيدة قريتها الفترة الفاتت بالـ software projects management، مبادئ اساسية

https://www.geeksforgeeks.org/software-engineering/mvp-in-software-development-a-complete-overview/

https://www.geeksforgeeks.org/software-engineering/waterfall-model/

https://www.geeksforgeeks.org/software-engineering/software-development-life-cycle-sdlc/

اريد اقرة عن ادارة المشاريع التقنية اكثر، گاعد ادور كتب بهذا المجال اذا لگيت شي مفيد هم انشره ان شاء الله

كـ جانب تقني صرت زين الحمدلله فـ الفترة الجاية اريد اطب بالادارة اكثر

حتى اطب للـ MBA جاهز 😆

محتاج شخص يشتغل بالـ copywriting ويفهم بيه ويحب شغله اگعد اسولف وياه لان عندي اسئلة عن شلون تعلم، حصل فرصة الشغل، طبيعة الشغل، شگد اكو فرص للـ copywriters هالفترة، الشغل وي agency او الشغل لشركة نفسها، الرواتب، شلون يتطور بهذا الاختصاص، وهيچ اسئلة بعد فـ اريد واحد بنص الفيلد واله خلگ يسولف

اذا احد مهتم يساعد هذا حسابي @YousifVN واكون ممنون 🙏🏻

Asking for a friend who wants to shift from the medical field to copywriting with zero to very limited experience!