شلونها العطلة وياكم؟ شنو دتتعلمون شنو دتسوون؟

اني مستمر بالشغل بنفس الشركة بعدني فرونت ايند، وحددت اهداف هاي العطلة:

- اكو اشياء بالفرونت اريد اضبطها اكثر، واكو اشياء اريد اتعلمها

- واريد اتعلم باك ايند، اختاريت لغة c# وفريم وورك dotnet وراح احچي هالفترة ليش اختاريتهم وشنو المصادر الي داستعملها حتى اتعلمهم

صارت عندي خوش فكرة عن حياة ما بعد التخرج: كود وكافيين

مثل هيچ ايام السنة الفاتت چنت هسة داتعلم فرونت وانشر هنا المشاريع والكورسات والشهادات الي اخذهم، بوكتها چنت شايفهم كلش معقدات وفرحان بيهم بس هسة يبينون كلش كلاوات وبسيطات 😂😂😂

هذا المشروع كلش چنت احبه بوكتها اصدقائي انطوني الـ quotes الي استعملتهم بيه، لحد هسة بعده شغال لايڤ

هنا سويت موقع لاكثر كتاب احبه

موقع الـ todo المعوق 😂😂😂، بوكتها خبلني علما كملته

فـ هسة بلكت ان شاء الله هاي العطلة اگدر اتعلم الباك ايند حتى اصير full stack بنفس الشركة الي داشتغل بيها او ممكن اصير بس باك ايند واعوف الفرونت

گاعد ارتب الـ road map مال باك ايند الي دامشي عليها حتى انشرها هنا، بس من هسة اتمنى اذا احد من اهل الاختصاص شافني اهبد غلط ما يضوج ترة هي الفكرة انُ داتعلم وافكر هنا بصوت عالي فـ الي عنده اي اضافة او تعليق اكيف اذا يگللنا

بوكتها من چنت اتعلم فرونت هواي سويت اغلاط ودرست اشياء مو مفيدة او من مصادر غلط او بطريقة غلط، وچانو اصدقائي او الناس الي هنا بالقناة يصححولي ويساعدوني، وحتى حچيت هنا وگلت ترة فلان كورس اخذته وطلع مو زين ورجعت اخذت هذا الكورس احسن منه

فـ هي مسألة تحسين مستمر للاغلاط الي تسويها، تجرب وتغلط وتحسن وتستمر الى ان توصل لنتيجة زينة

And for the boys, مواصفات حاسبتي بالشركة:
- OS: Windows 10 Pro
- CPU: 12 Gen Intel Core i7, 2.10 GHz
- GPU: Intel (R) UHD Graphics 770, 16 GB
- Ram: 32 GB
- Storage: 1 TB SSD, 512 GB SSD, 256 GB SSD
- الشاشات ثنينهم من samsung، كل وحدة ٢٧ انج والرفرش ريت ١٦٠ هرتز
- الكيبورد والماوس من Glorious بس نسيت اسماء المودلز بالضبط، والسماعة هم نسيت بس جيدة

بس داحاول اقنعهم يجيبولي ماك