DIQQAT! DIQQAT!
“Innovatsiya-Ziyo” nashriyoti yosh ijodkorlar uchun tanlov e’lon qiladi!

She’rlaringiz, hikoyalaringiz, publitsistik maqolalaringiz respublikamizning eng sara yosh ijodkorlari to‘plamidan mutlaqo bepul joy olishini xohlaysizmi? 

Ko‘p yillik tajribaga ega “Innovatsiya-Ziyo” nashriyoti mamlakatimiz yosh ijodkorlarini qo‘llab-quvvatlash, ularning ijodiy salohiyatlarini ro‘yobga chiqarish maqsadida “Biz bir bo‘lsak – yagona xalqmiz, birlashsak – Vatanmiz” shiori ostida “Pillapoya” loyihasini e’lon qiladi.

Loyihamizning maqsadi: yosh ijodkorlarning ijodiy ishlarini saralash va kitob holida nashr qilish, bu orqali ulardagi adabiyotga bo‘lgan muhabbatni shakllantirishdan iboratdir.

Loyihani amalga oshirish tartibi: “Pillapoya” loyihasi doirasida yosh ijodkorlarning bayozlari bosqichma-bosqich nashr qilinib boriladi.

Dastlabki kitobga 100 nafar eng faol, tashabbuskor va ijodiy salohiyati mavjud yoshlarni qamrab olishni rejalashtirganmiz.

Buning uchun quyida ko‘rsatilgan manzil: @Innovatsiya_ziyo_tanlov (mas'ul)ga
beshta ijodiy ish yuborasiz.

Shuningdek, sifatli surat va tarjimayi holingiz ham ilova qilinishi shart.

Agar sizning yozganlaringiz loyiha komissiyasi tomonidan ma’qullansa, sizga “Qabul qilindi” yoki aksincha "Rad etildi” degan javob beriladi.
Ijobiy javob olganlarning barchasi kitobga kiritilib, respublika darajasidagi to‘plamdan o‘rin oladi.

Loyihaning moliyalashtirilishi: Kitobdan o‘rin egallash, ijodiy ishlarni e’lon qilish mutlaqo bepul hisoblanadi. Barchasi nashriyot tomonidan qo‘llab-quvvatlanadi.
Shuningdek, kitobdan ijodiy ishlari o‘rin olgan yoshlardan eng yaxshilari nashriyot tomonidan diplom va esdalik sovg‘alari bilan taqdirlanadi.
Shoshiling, imkoniyatni qo‘ldan boy bermang!

Ijodiy ishlar 21-oktyabr 21:00gacha qabul qilinadi.

Imkoniyat har doim ham berilmaydi. Lekin berilganida undan foydalanish kerak. Marhamat, foydalanib ko'ring. 🤝