ሌላውን አልወቅስም
ሌላውን አልከስም
በሤራ በሥራ ፣ ቢፋጠን ውርደቴ
በየደረስኩበት ፣ ቢደገስም ሞቴ
አንድ አለመሆን ነው ፣ ዋነኛ ጠላቴ!!!

belay bekele weya

http://T.me/Newetmusic

ቢጠፋ ብርሀን
ሰማይ እና ምድር ፣ ቢጋጠሙ አንድላይ
ፀሀይዋም ብትጠልቅ ፣ እኔ አንችን እንዳላይ
ጨረቃም ብትጠፋ ፣ ከኮከቦች ጋራ
አለም ብትጨልም ፣ ቢታጣ ሚያበራ
የትም ብትሆኝ ፣ ከማይታወቅ ስፍራ
በምንም ሁኔታ ፣ አለው ካንቺ ጋራ
ስለዚህ ፍቅሬ ሆይ ፣ እንዳትፈሪ አደራ


ያሬድ ግርማ

http://T.me/Newetmusic

አሁን እኔ ብሞት ፣ ከኔ ምን ይቀራል?
ስኖር "ክፉ" ያለኝ
"ደግ ሰው ነበረ " ፣ እያለ ያወራል።
።።።
"እሱ ሰው አይደለም" ፣ ሰይጣን ነው መሠሪ"
ሲለኝ የከረመ ፣
"መልካም ሰው ነበረ ፣ መልአክ መሥሎ ኗሪ
ብሎ ቀብሬ ላይ ፣ እንባውን ይዘራል
መቼም በዚህ ሀገር
ሲኖር የተናቀ ፣ ሲሞት ይከበራል ።
* * * *
የሚጠላኝ ሁላ
ተወዳጅነቴን ፣ ቀብሬ ላይ ያወሳል
መቼም በዚህ ሀገር
ሲኖር የሚነቀፍ ፣ ሲሞት ይወደሳል
ሲኖር የተረሳ ፣ ሲሞት ይታወሳል!!!
።።።

Belay bekele weya


http://T.me/Newetmusic

ላ’ንዲት የገጠር ሴት…



ስትፈጭ የኖረች ሴት፣
መጁ በመጠኗ፣ ወፍጮውም በልኳ፣
ጓያ ትፈጫለች
ጓያ ሽሮ ሲሆን ያበቃል ታሪኳ !!
.
.
አስባው አታውቅም…
ወደ ኦናው ምድር ለምን እንደመጣች፣
ከ’ለታት አንድ ቀን፣ ከና’ቷ ሆድ ወጣች፣
ከ’ለታት አንድ ቀን፣ ጡት አጎጠጎጠች፣
ከ’ለታት አንድ ቀን፣ ለባሏ ተሰጠች……
.
ተዚያን ቀን ጀምራ፣
ተዚያን ቀን ጀምሮ፣
ድንግል ድንጋይ ወቅራ፣
ትፈጫለች ሽሮ……
.
.
አታውቅም፣
ማን እንደሚባሉ፣ ጠቅላይ ሚኒስትሩ፣
አታውቅም፣
ሹማምንት በ’ሷ ስም፣ ምን እንደሚሠሩ፣
አነሳኹት ‘ንጂ፣ እኔም ለነገሩ፣
ፖለቲካ ጥበብ ራስን ማራቀቅ፣
ምን ይጠቅማትና ጓያዋን ለማድቀቅ…
.
.
ከቶ ማንም የለ, አበባ ‘ሚሰጣት፣
ከቶ ማንም የለ፣ ከተማ ‘ሚያወጣት፣
ከቶ ማንም የለ ፣ በዳንኪራ መላ፣ ወገቧን የሚያቅፋት፣
ልፋቷም፣ ዕረፍቷም፣
ወደዚህ መጅ መሳብ
ወደዚያ መጅ መግፋት……
እንደ ዓባይ ፏፏቴ፣
ሽሕ ዓመት ቢንጣለል፣
ቢጎርፍም ዱቄቱ፣
እንደ ሲኦል ወለል፣ ጫፍ የለውም ቋቱ !
.
.
ከዘመናት ባንዱ
መስተዋት ፊት ቆማ፣ በተወለወለው፣
ራሷን ለማዬት፣
ከጸጉራ ላይ ያለው
ዱቄት ይኹን ሽበት ሲያቅታት መለዬት፣
ያኔ ይገባታል
የተሰጣት ዕጣ፣
ከማድቀቅ ቀጥሎ፣ መድቀቅ እንዲመጣ…
.
.
የመጅ አጋፋፏ - አምሳለ ሲሲፈስ፣
ከቋት ሥስት እንጅ፣ ሢሳይ አይታፈስ፣
ትቢያ ‘ሚተነብይ ዱቄት በዙሪያዋ፣
ከባርኔጣ አይሰፋም፣ የኑሮ ጣሪያዋ፣
.
.
‹‹ስትፈጭ የኖረች ሴት››
.
.
ይህ ነው መጠሪያዋ !!


።

Bewketu seyoum


http://T.me/Newetmusic

ሀይሌ  
ሰፊ እና ጠንካራ ፣ ባይኖረኝም ደረት
ምጋፋበት እንኳ ፣ ቢያንሰኝም ጉልበት
ጉልበት ሀይሉ ሆኖ ፣ ቢጫነኝ ጠንካራው
ከአንተ እና አንተ ውጭ ፣ የለም የማመልከው

Yared Girma

http://T.me/Newetmusic

የማለዳ ራእይ!
(በእውቀቱ ስዩም)

ናፍቆትሽ ፀናብኝ
ብየ ስልክልሽ
‘አይዞህ ' አይባልም
መከሰት ነው እንጂ በገሀድ ወይ በህልም !
ካጨሽ አሰናብቺ
ትዳር ካለሽ ፍቺ
ለኔ ለምመኝሽ ሁሉን ነገር ስጪ
የህሊና ቀጪ
የልቦና ስሜት
ይሉንታና ሀሜት
ያገር ሰው ሽሙጥም
ከምኞቴ አይበልጥም ::
ተሊቀመላኩ
ክንፍ ተበድረሽ
ነፋስ ቀድመሽ በረሽ
ባለሁበት አገር
እንደ ሸዋዚንገር
ብረት ለበስ ጡንቻ
ባንድ ርግጫ ብቻ
የቤቴን በር ሰብረሽ
ዐይነ ርግብሽ ወድያ
ቀሚስሽ ወደ ላይ
ወደኔ በጥድፍያ
ወዳልጋው በዝላይ
በጀርባየ ሁኘ
ከእግሮቼ መካከል የጠላ ምልክት
አንቺ ጆሮ ሆነሽ
እኔ ሎቲ ሆኘ-ተጣጥሞ ስክት !
እንዲህ እያሰበ ገላየ ሲቸገር
መጣሁ ትያለሽ ስል
“አይዞህ “ ብሎ ነገር፤
የማለዳ ራእይ፤ ምኞቴን በማመን
በገሀድም ይሁን፤ ወይም በሰመመን
አሳትፊኝ አልሁ እንጂ
ከገላሽ በረከት፤ ከሙቀት ከለዛው
የቃል ምፅዋትማ ሞልቷል በየታዛው!



t.me/Yoppoem

የውበት ጀርባው
(በእውቀቱ ስዩም)

   ላንተ የሚታይህ፤ የሚያምር ፈገግታ
ያበባ  ጉትቻ
ላንተ እሚታይህ ውብ ገፅታ ብቻ
ጥርሷን ጉራማይሌ፤ የተነቀሰች ቀን
ያየቺው መከራ፤ ያየቺው ሰቀቀን
የጆሮዋን ጫፉን ፤ በሾህ  ስትበሳ
የበላችው ፍዳ ፤ ያየቺው አበሳ
የዋጠችው ህመም፤  ከሬት የመረረ
የቀመሰው ማነው፤ከሷ በስተቀረ?  
ከያንዳንዱ ታላቅ ፤ ውበት በስተጀርባ
  ሲንዠቀዠቅ ኑሯል ፤ ብዙ ደምና እንባ
ይሄም ታላቅ ዜማ
ይሄም ታላቅ ስእል
ይሄም ታላቅ ተረት
ይሄም ታላቅ ድርሰት
ከፊትህ አልቆመም፤ እንደመና ወርዶ 
ስቃይ ያቃልላል፤ ከስቃይ ተወልዶ ፤ 👍


|በዕውቀቱ ስዪም|

t.me/Yoppoem

እስቲ ቻናላችንን እናሳድግ 😄😄
#የሼር_ዘመቻ



@Yoppoem

"ሆጵላስ..!"

ይህ ቃል የተፈጠረበት አጋጣሚ  አንድ ፈረንጅ በሀገራችን የድንጋይ ናዳ መንገድ ይዘጋበታል..!

ከኢትዮጵያውያን ጋር በመሆን ድንጋዩን ከዘጋው መንገድ ለማስወጣት አብሮ መግፋት ይጀምራል..!

እየገፋም "hopeless..!" (ተስፋ የለሽ..!) ይላል..!
ይህንን በሰሙት የአበሻይቱ ልጆች አማካኝነት "ሆጵላስ..!" ማበረታቻ ሆና በቋንቋችን ውስጥ ተፈጠረች..!

©ዘነበ ወላ ፣ መልህቅ

t.me/Yoppoem

ተአምር ፈልቋል በየመንገዱ

💥💥💥💥💥💥💥💥💥

  ዐይኔን ጨፍኜ -እስከምከፍተው
ስንቱ ታሪክ ነው- የተከሰተው
አፌ ላይ ሳይደርስ -  ያፈስኩት ቆሎ
ስንቱ ተተክሏል- ስንቱ ተነቅሎ  
በፊት በር ሲዘልቅ -ብስራት አብሳሪ
በጉዋሮ ገብቱዋል- መርዶ ነጋሪ ::

እባብ በረረ- ያለ ልማዱ
ርግብ መሬት ላይ -ሲሳብ በሆዱ
ተአምር ሞልቷል-  በየ ሰከንዱ
ተአምር ፈልቋል- በየመንገዱ
አንዴ ከመላክ- አንዴ ከሰይጣን
ለመደነቂያ ጊዜ ነው  ያጣን


t.me/Yoppoem