يوم الدفن
نصاري
~
وصل زين العباد الغاظريـــــه
يدفن جسم ابوه هاي المسيه
___________
صاح ابصوت والمدمع يسيله
اجيــت الكربله روحي نحيلــــه
اوچدمي ياهلي كوه اشيلـــه
اوياكم ريت وافتني المنيـــــه
_______

عل الدنيا العفئ بعــدك يــوالــي
صفيت الوحدي أ ودمعي سالـــي
يربي اصبر عالصار وجـــرالــي
غميجه جروح گلبي ياهو أليـــــه

اخاف الچم يبويه جرح نحرك
وعبد الله اوسدنه على صدرك
بدمع العين والونه اچفنك
زادت علتي وهمي عليه

حرت يابوي گلي شلون أدفنك
صعب كلش ألم بالگاع جسمك
حوافر خيل مطبوعه بجــسـمك
بطيت بدفنتك بويه شــبـديـه


بگيت الوحدي وماليه ديـــره
ابد ماتنحمل فجتك چبــــيــره
يبويه اشلون أدفنك بالحصيــــره
شفت بكربله اعظــــم رزيـــــه

علي السجاد رد و خبر عمتــــه
اوزينب شافته يجري دمعتـــه
يگله عودي ياعمه دفنتــــه
اوحضرت للدفن امه الزچیــه


https://t.me/Yazahraaa655

زينب والسجاد
تجليبه
~~~
يـــدفان الولــي عينــك علئ نحـــره
لاتلـچم اجروحـه وسـحگ الـبصـدره


اگصـد كربــلـــــــه وتعــنه للــسـاده
ولـم اجـٰساد اخــوتـي كلـهم حـياده
ولحـسـين الــولـي لــتـخلـي وساده
ادفــن بس جسد مطروح عالغبــــره


يــادفـان جــر الــسـهم من گـــلبــــه
ولمه بالحــصــيره اوســده بالتربـــه
بهیده ويه الجسم الهدومـه متسـلبه
وحط ويــاه أولاده ادفنٌٌـــهم بگـبـره


اعتني صوب الـشـريعـه روح للعباس
گلـه اخــتك بحيره بين هالارجاس
غريبه بلا ولـي متشمته بيها الناس
صفيت بلا ضعن بس الدمع یجـره

وصــله ســلامي وقـــبل چفـوفـــه
وزينب خـبـٰره بااحبــال مچتـوفـــه
جرح زينب غميج ويا هو الي يروفه
مصــاب البـاب چنه نعاد والــطبـره

يگللها اجيت من الدفن عمـــــــــــه
وابوي البالحد من نزلت جسمــــــه
عبد الله على صدره ادفنت يمــــه
وابگلبـــــــــــي يعمه مية الف جمره


اسمعت من النحر عودي جذب ونه
جنه يريد مني اعضيده ادفننـــــــه
والصوب الشريعه عمي اگصدنـــــه
تعنيتـه دفنتـــــــــــه واسچب العبره

https://t.me/Yazahraaa655

محنت زينب
تجليبه
~
زينب من مشت باليسر يخوتها
مااگدر اوصف ذيج محنتــــــها
____
محتـــــــــاره ابحرم واطفال ترعاهم
من ســـــــوط الشمر بالمتن تحماهم
يبو فاضـــــــل يريتك چنـت وياهــم

زينب مابگه والـــــــــــــــي النصرتها
__________
ونـيران الگــلب بالروح لـــهابــــــــه
تصيح احاه يبن امـي عالمصابــــــه
ودموع الحزن من من بعده سچابـه
صفـت زينب غريـٰبـه مـحد يزتــهــا

تنــدب يــاكفيلي خــويـه يالــوالــي
ترضـاهه الشــمـر ويــاي يبــرالـــــي
مسبــيـه صفــيـت واسـحل اذيـالــي
ياعــظم المـصيـبه ونــار دمـعتـــهــا

گلب عنــدج يزيـنب للصـبـر عنــوان
عجيبه من المصايب يلـتـهب نيـران
شلون اتروح ايسـيره بوليـة العدوان
وحيده بلا ولي وچبيــــره حيــــرتــها

زيــنب حـايره بأطــفــــال والــخــدر
بعد اخــوانــهـا بيــش الگلـب يجبــر
بعــد عيـن الكفـيل ابـولـــية العسـكر
لأرض الــٰشام تمــٰشي يامـٰصيـبــتـها

يـاهــو الــگال زيـنب مشت مسـٰبيه
عاالناگات والعـــسكر قيـــاديــــــــه
على خشـوم العدى سحگت العلويه
مچتوفه بحبـل ولا طاحت عبايتـها

تــمــت بــعــون الله
✍🏻 #نور _الظهور المقدس(ام ليث المالكي)
❌لاإجيــز حــذف الأســم❌

https://t.me/Yazahraaa655

✦•┈•✦✦•┈•✦✦•┈•✦✦•┈•✦ ✦•

زينب المسبيه
تجليبه
~~
للكوفـــــــه خذوها عالهزل زينب
ونيران الخيم وسط لبگلب تلهب
_________
من الطف خذوها بت علــــي الكرار
مسبيــــــه اوعليها شاخصه الأنظار
بت المرتضــــــى بيها تشب چم نار
عافت عالنهر جسم الأخو امخضب

قائد عالخدر زينب اخت عبـــــاس
بت اهل العلــم تعرفهـــا كل الناس
وطبـت للمجالس ذلت إلأ رجــاس
ابوهه المرتضى السيف المـجــرب


ابـد ماذلت عاالنـــوگ لا بحــــبــال
مچتوفه تمشــي بكل فخر واجلال
خدر زينب طاح شلون ياهو الـگـال
ستر الكون زينـٰب حاشــه يتـٰسلـب

على اسـنان الرماح الروس ويــٰاهـٰه
عين حسين مفتوحه علـى بـت طه
يانار الــشـمـاته الــحرگت احشاهـه
درب الـشام تمـشـي بگيد الـمچـلب

تصعب حيـل كـلفـه طبت المجلـس
صده حسـچ يزينب بالزلـم يـخـلس
نضرات الشماته عليچ بس تــنـٰدس
كد كيدك صحتـي وگلــبچ معـــذب

ظلت وكفتـــــــج يازينب امخــلـده
منــــو مثلج الطاغي الشـــام اتـــحـــده
وماخليــتي هيبــــــه اومرجله عنــــده
من گلتيــلــه كيد الكيدك أتعجــــب

نفس حيدر البيج اوگلبـــه حـــاملــتــه
ويزيــد ابن الخبيثه الحقد راضعــــتـه
هاذه من آ ل اميه وهي ناجبتـــــــه

اميه الحــقد عدهم والظــلم مكسب

تــمــت بــعــون الله
✍🏻 #نور _الظهور المقدس(ام ليث المالكي)
❌لاإجيــز حــذف الأســم❌

https://t.me/Yazahraaa655

✦•┈•✦✦•┈•✦✦•┈•✦✦•┈•✦ ✦•✦•

السبايه والسبي

~~
من بعدك يخوها زينب سلبوها
_______
اختك من عفتها ياكافل خدرها
عدوانك ولوها والحسره تجرها
بحبال اجتفوها بأيام يسرها
للشام الخذوها محتاره بامرها
اعليها جارت الناس من بعدك ولوها

ماتنهض ياكافل وتنشف دمعها
عن زينب اخبرك چتالك صفعها
ابسوطه ضربها وابچفه دفعها
كلفتوها بيتام اودهور وضعها
يالكافل يعباس زينب روعوها


للكوفه خذوها بت حامي الحميه
اعليها تنظر الناس گبعت بالرزيه
تنادي اشلون احبال خلوها بديه
عفت احسين مسلوب والجثه رميه
وعليه ال اميه اخيامي احرگوها

امشـي ويه الروس اخوتي عالارماح
من بعد عباس مني الخدر راح
وابگلبي ياهالناس ماتنعد لجــــــــــراح
واتعاله ونينــــــــي اصفـــــگ اعله الراح
والتفگد الوليان اشكبره صبرها

مشيت مجتوفه عگب عين احسين
انـــــــــــه من بعده انطي الوجه وين
اسمـــــــع الأطفال اتنادي بالونين
عمـــــــــــــه يزينب كافـــــي لاتنوحين
اوياج نتحده الشــــــام اوغدرها


اتناديني يعمه وين خذونــــه
ياذنب عدنه ابحبل اچتفونـــــــه
احنه سلبونه. اوچتلو ابونــــــــه
عمه ال اميه ثار اطلبونــــــــــه
تكلهم الثارات منه خذوها
___
تــمــت بــعــون الله
✍🏻 #نور _الظهور المقدس(ام ليث المالكي)
❌لاإجيــز حــذف الأســم❌

https://t.me/Yazahraaa655

✦•┈•✦✦•┈•✦✦•┈•✦✦•┈•✦ ✦•✦•

غربة زينب
تجليبه
~
زينب هالمسيه بگت وحدهه
لا عباس لاوالي الذي عدهه
________
بعد عباس اخوها صاحــب الغــيره
الف ياحيف زينب تمشـــي ايســيـره
مچتوفه ابحبل من ديره الديــــره
العدو والشامت ابعينــنه يشــاهـدهه

________
يـانـار الشــماتـه ويــا هـضم زيــنب
عثــر درب الــسٰبـي بيه المشي يصعب
وحــداي الضعـن من زينـب تعــجــب
طف ثـــانـي بــده شكبـــر مصــيـبتهــه


خــذت دور الكفل زينــب لأرض الشــام
الروس على الرمـــاح تمشـي لليــجــدام
زيــنـب بألأراده محـــزمــه احـــــزام
سـبــيه شلـٰون والجـيش بقــيادتـــهه


الدرب ماينحـٰمل تمشيــن ويـٰه شمـــات
عگب عيـــن اخوتچ شفت شكثر ويـــلات
يســب بيـچ العدو يصيح حسيـنچ مــات
بت حـــيدر غـــريبــه بغيـــر اخــوتــه

هــٰيــبه وهــاشــميـه وللخــدر عنــٰوان
گضيتيه العمــر عشـتـي بهضم وأحزان
تالـي الكربـله مـذبــحـه الولـــيــان
غريبـه ام عــون بس وياهـــه دمعــتــه

ابد مــاتنطـفـي هيهات هالجمـــره
عهــــد بــالدم نكـــتــبـه بدمنه للزهــره
ماننســى ابنــهه الــي انــگـطع نــحـــره

الضلع والـــباب والــشــام شلون جرعــتهه

تــمــت بــعــون الله
✍🏻 #نور _الظهور المقدس(ام ليث المالكي)
❌لاإجيــز حــذف الأســم❌

https://t.me/Yazahraaa655

✦•┈•✦✦•┈•✦✦•┈•✦✦•┈•✦ ✦•✦•

المسير الى الشام
نعي مجاريد
~~
تعد خطوات زينب ويــه ناگتها
وتفت الصخــــر لمن تجر ونتها
حرگت للجفن ياويلـــي دمعتها
لعنان السمـه مسموعه صرختها
هاذه حالها من فگدت اخـــوتها
ماتنوصف ام الخدر حالتـــــــها
________

يـهـل زيــنب عليــهه مـاتـنشـدون
مشــت للـشام تجــري دم العـــيون
توجــع حيــل ياضربــات المتـــــون
مــره اطـيـح مـــره تــلــم بالــضـعون
تـٰصيح اخـــوانـي كون اليوم يـدرون
زينــبــكم غريــبه اويه الــيشمتــون

صــاحت يـم حـسن يـمـه تعـالـــي
ولســع الــسـوط غيـر يمـي حــالـي
امـــشي ويــه الــشـمر بغــير والــي
بــنات حســـين تتصارخ اگبــــالـــي
ماظـل مــن اخوتــي واحد بــگالــــي
الحـــبل والـــگـيد والسوط الصفالــي


ســتر الكــون يازينــب حجــابـــچ
مشــيتــيه الدرب كـــله بـعبـاتــچ
وبكتـــرچ تــلـــوذ مـــدللاتـــــچ
عـــين اعلى الضعــن عين الخواتــچ
مــاتخــلص يزيــنــب نايبــــاتـچ
العــفـه والــصــبر زيـنـــب صفــاتـچ


خلـص طف كربــله وبالشـام طـفـچ
صــعبـه الوحــدچ محــد ابصــفچ
والشامت يسب شلـــون بأهلـٌــچ
اهــل الشــام فرحـانــه وتــصفـــج
ابن مــرجـانه صحــتي ولا يـــهمـــچ
بت المــرتـٰضى وحيــدر معــلمــــچ

تــمــت بــعــون الله
✍🏻 #نور _الظهور المقدس(ام ليث المالكي)
❌لاإجيــز حــذف الأســم❌

https://t.me/Yazahraaa655

✦•┈•✦✦•┈•✦✦•┈•✦✦•┈•✦ ✦•✦•

زياره بالنيابه
تجليبه
~~
يهلي ارد اوصيكم اسمعوني
بأزيـــات ابو اليمه اذكرونــــي
_____
گضيت العمر انه عاشگ اطفوفـــــه
چنت لزيارته الروح ملهوفـــــــــــــه
اوهسه باللحــد والعين مكفوفـــــــــه
يم احسين بزياره لتنسونـــــــــــــي

وبيوم اربعينه من تكصدونـــــــــــه
اريد اسمي عله اعتابه تكتبونـــــــه
واتــرابـٰه ابمكاني من تشمونــــــــــه
اذكرو ابهل التراب امكحله اعيوني

كل جمعـه ابمچـــاني يهلي زورولي
وركعتين الصلاه من الحرم اهدولي
يهلي ابهل الوصيــــه بالله اعملولي
امشـــــــــي اعليكم الله لاتخيبوني

اريد بهالزيــــاره هـــــواي تقرولـــي
وآه يٰـاحسين ومصـــابه تنـــعــولي
شـٰـمعـه بحضـٰرته هناك اشــعلـولــي

خادمـٰهم جــنت هم يعـــرفــونـي


يهـٰلــــي لوتـٰشوفون النفس يخــمـد
يجــينٰي الليل وانـٰـه بلحدي متوســـد
ماعنــدي بس دمــعي يكت عالخـــد

زيــارة عاشــــــر بعـاشور فرحــونٰي


يهلي صـــوب سبـــع الـگـنطـره ترحــون
والگبتــــــه اوضــريـحه لمن تنظــــرون
اريدن فاتحــــــه الروحـــي ترســلـون

وانا بالگبر يهلــــــــــــــي تــدفنـونــي


تضل يحـٰسـين الك وسط الگلب جمـٰره
مانــنسٰى الطفــــــوف ونلــطم بعبــــٰره
مذخــوره الدمــوع تلــمهه الزهــــره
ریيت بدال صـــدرك انــه سحگًونــي


تــمــت بــعــون الله
✍🏻 #نور _الظهور المقدس(ام ليث المالكي)
❌لاإجيــز حــذف الأســم❌

https://t.me/Yazahraaa655

✦•┈•✦✦•┈•✦✦•┈•✦✦•┈•✦ ✦•✦•

مصرع الحسن
فائزي
~~
هالليـــله بفراش الأجل شبل الزچیــــه
وحــســبن عد راسه گعد ونته شجـــيه

الله يمصاب الجره بأرض المدينــه
احسين ودع للأخو ابروحــه الحزينه
ينظر لخيه ابمصرعه يجذب ونينه
حلت عليه هاذه المسه اعظم رزيه

حسين يم راسه گعد يودع عضيده
صعبه اوصف حالتـــه ونتــه شديده
اوزينب لخوها تنظره لازمه أيـــده
حســـبن فگده الأخو ادموعه جريه

يگله يبو محمد. رحــت وحدي عفتني
وياك اريدن للگبر ريتـك خذتني
وياريتك ابطف كربلــــه خوه احضرتني
واتشوف جثتي امسلبه فوگ الوطيه

ريتك يخويه للخيـــــــم اتطفيــــــها بيدك
وتحامـــي عن ام الخدر وتحمـي عضيدك
ومثل ابو فاضل بالحرب يتعالـــــه ويدك
واتجيب مـــاي من الننهر السكنـــه هديه

لبنك القاســــــــــم تنظره صاحب الغيره
من يلبس اهدوم الحــرب يعرف مصيـره
من يفدي دمه ابكربلــــــه لحسين اميره
ويه انصــــاري اهل اشيم وهل الحميـــه

يالحسن خويـه انتظــــــــر مو وكت روحه
لبنك اريد ابكربلــــــــــــه اتلملم اجروحه
وابحضنك القاســــم ردت اتفيض روحه
صعبه يخويه وحدتـــــــــي بالغاظريــــــه
_____

تــمــت بــعــون الله
✍🏻 #نور _الظهور المقدس(ام ليث المالكي)
❌لاإجيــز حــذف الأســم❌

https://t.me/Yazahraaa655

✦•┈•✦✦•┈•✦✦•┈•✦✦•┈•✦ ✦•✦•

امال شاعر
تجليبه
~~
خلصــت اربعينك يابو السجــاد
نجــدد الك عهد بكل سنه تنعاد


خلصت اربعينك بالحزن والنـــــــوح
كل خادم بگى منــــه الگلب مجروح
گبل نحرك من عدنا النحـــــر مذبوح

حــزنــــه عليـك يتجــدد ابد مـــاهاد

تـظل يحســين دوم انـت بضمايرنــه
جــنـــه زيارتـك بيهه تبــشـرنـــــــه
على دربك نمــوت بكل فخــر صحنه

بكل عاشـــور نخـدم والفخــر يـــزداد

إذا عــام اليــجي بالدنيــه ماموجـــود
على گبــري اكتبـــــــو خــادم بكل زود
دمعــــي عليك دم يجــري بلايه حدود

وليوم القــيامــــــه اعلن عليـك حـــداد

اريــد بكـل زيــاره هناك ذكـرونـــــــــي
چم خطـــوه بدرب حســين اهدونــــي
تشــبح عينــي ليـكـم لاتــخلــونــــــــي

بهالخطوات ابد لنــــــــــــار مــاأنگــــاد

جهــنم لا ابد لامـــا تمس جسمـــــــــــي
حب حسيــن يسري بـلحمـي اودمـــــي
لو مــــــره زاير ينكتب اسمــــــــــــــي

ادخل للجنان وتنظــــر الأشهــــــــــاد

لبو السجاد يهلـــــــــــــي من تگصدوله
ابيوم اربعينـــــــه ممشــــــــــه ترحوله
السنــــــــه الخادم ماجاكـــم تـــگلوله

درب الجنـه حبك غيره ابد مافــــاد

تــمــت بــعــون الله
✍🏻 #نور _الظهور المقدس(ام ليث المالكي)
❌لاإجيــز حــذف الأســم❌

https://t.me/Yazahraaa655

✦•┈•✦✦•┈•✦✦•┈•✦✦•┈•✦ ✦•✦•