ህይወት ማለት በአላህ መንገድ ላይ የተኖረው ብቻ ነው። ከዚያ ውጭ ያለው ሁሉ ቅጽበታዊ ከሆነው በቀር እርካታ ቢስና ትርጉም አልባ ነው..!

በተለያዩ ምክንያት ወደ የትኛውም ሀገር መጓዝ ካሰቡ እና የበረራ ትኬት ከፈለጉ ፈሲሩ ጋ ደውሉላቸው፣ ትኬት በተመጣጣኝና በአነስተኛ ዋጋ ከነሱ ጋ ታገኛላችሁ። በአጭር ሰአት የዱባይ ቪዛም ያወጡላችኃል።

- የበረራ ትኬቱን በየትም ቦታ ሆናችሁ ማስቆረጥ ትችላላችሁ።

▣ ፈሲሩ ትራቭልና ትኬት ኦፊስ

0911273017
0907710101

"አውልቀው ይማሩ"

እንደ ሙስሊም አንድ ሰው በአንድ አስተምህሮ ዙሪያ የተለያየ አቋም ሊኖረው ይችላል። ለአብነት ኒቃብን በተመለከተ "ኒቃብ ፈርድ ነው" ብሎ የሚያስብ ሊኖር ይችላል። አልያም "ሙስተሀብ ነው" ብሎ የሚያምንም ሊኖር ይችላል። ነጥቡ ግን እሱ አይደለም፤ ዋናው ነገር እንደ አንድ የሀገሪቱ ዜጋ "ፍላጎታችን ኒቃብ ለብሶ መማር ነው" ብለው የሚያምኑ ሰዎች መብታቸው እስከምን ድረስ ነው? የሚለው ይመስለኛል።

"ኒቃብ እለብሳለሁ" የምትል እንስት ተማሪ ሀገሪቱ እሷን ያማከለ የመብት ማዕቀፍ የለውም?እንደ ዜጋ ለእሷ የሚሰጥ የመብት ከለላ የለም? ይህንን ጥያቄ የጠየቀ ሰው ሁሌም እንደ ባዕድ ዜጋ ምርጫ አልባ የሚሆንበት ምክንያት ምንድን ነው? ለዚህ ጥያቄ "ኒቃብ አውልቃ ትማር" የሚለው መልስ እስከመቸ ነው ብቸኛ ምርጫዋ ሊደረግ የሚገባው?

ኒቃቧን ለብሳ መማር የምትችልበትን የአሰራር ማዕቀፍ ማዘጋጀት ምን ያክል ከብዶ ነው ለዘመናት ሙስሊም ሴቶች በዚህ ጥያቄ መከራቸውን የሚያዩት?የቀናነት ችግር ከሌለ በስተቀር በጣም ኢምንት የሙስሊም ቁጥር ያለባቸው ሀገራት ሳይቀር አመቻምቸውና መብታቸውን ሳይጨፈልቁ የሚፈጽሙትን ቀላል ተግባር በዚህ ደረጃ የትውልድ መከራ አናደርገውም ነበር።

በመጅሊሱም በኩል ይሁን በምሁራኑ በኩል ትኩረት መደረግ ያለበት ይህ ይመስለኛል። ዘላቂ የህግ ማዕቀፍና የአሰራር ሒደት እንዲዘጋጅለት ግፊት ማድረግ ያስፈልጋል። የዛሬ 30 አመት የነበረ ችግር ላይ ዘንድሮም መከራከር አድካሚና ጉልበት ጨራሽ ነው።

▶ https://t.me/Yahyanuhe

ከዚህ በፊት የተለቀቀው ፖስት ላይ የነበረው ሊንክ ስላስቸገረ ተቀይሯል፣ አዲሱን ይጠቀሙ..!

እስልምና ላይ ጥያቄ ያጫረባችሁ ጉዳይ ኑሮ ጥያቄ መጠየቅና መልሱን ማግኘት ለምትፈልጉ ሁሉ ከዚህ በታች በተቀመጠው ቡት ጥያቄዎቻችሁን ማቅረብ ትችላላችሁ።

ጥያቄ ስትጠይቁ ግን የሚከተሉትን ከግምት አስገቡ፦

❐ በተቻለ መጠን ጥያቄያችሁ ረጅም ጹሁፍ ፍርዋርድ ከማድረግ በዘለለ ስፔስፊካሊ ጥያቄ የፈጠረባችሁን ክፍል ብቻ አጭር አድርጎ ማስቀመጥ ላይ ያተኩር።

❐ ቮይስ ሪከርድ ወይንም ቪዲዮ ሪከርድ ከሆነም ከ1 ደቂቃ ያልበለጠ ይሁን፣ በተቻለ መጠን ጥያቄውን አጭርና ግልጽ በሆነ መልኩ ለማቅረብ ሞክሩ።

❐ ፈትዋ ነክ ጉዳዮችን አትጠይቁ፣ እነሱን በተለያዩ መንገዶች ምላሽ የሚሰጡ ዑለሞች ስላሉ ለነሱ አቅርቡ። በዚህ ክፍል ንጽጽር ላይ ያተኮሩ ጥያቄዎችን ብቻ ለመጠየቅ ሞክሩ።

❐ ጥያቄዎችን የምመልሰው በቅደሞ ተከተል ስለሆነ በትዕግስት መጠበቅ ላይ አደራ እላችኃለው። በቻልኩት ልክ ሁሉንም በተራ ለመመለስ ስለምሞክር በመሀል እየመጣችሁ "የኔ ለምን አልተመለሰም" በሚል ወቀሳና ስድብ አትሰንዝሩ። በአላህ ﷻ ፍቃድ ሆንብየ የምተወው ምንም ጥያቄ አይኖርም። ስለዚህ በዚያ መልኩ ለመጠባበቅ ሞክሩ ኢንሻአላህ።

▣ ከጥያቄ በተጨማሪ አስተያየት ካላችሁም ማስቀመጥ ትችላላችሁ።

https://t.me/Yahyanuhe1

ዶ/ር ቶማስ ላምቤ አንድ ግለሰብ ናቸው። ከ100 አመት በፊት የተከበረ የህክምና ሙያቸውንና የሞቀ ኑሯቸውን ጥለው የጅማ ህዝብ "ኢየሱስን ሳያውቅ ሊሞት ነው" በሚል ቁጭት ክርስቲያን ሊያደርጉት አዲስ አበባ ገቡ። በወቅቱ በነበረው የኦርቶዶክስ ሀገረ መንግስት ምክንያት "ወንጌል ለመስበክ" ፍቃድ ማግኘት አልቻሉምና በብላቴ ጌታ ህሩይ ምክርና እገዛ "ለመዝናናት" በሚል ሰበብ አስፈቅደው የጅማ ጉዟቸውን ጀመሩ።

ጉዞው በእግር ስለነበርና መንገዱም በደንብ ግልጽ ስላልነበረ ጅማ ያሰቡት ሰው መንገድ በመሳሳታቸው ምክንያት ራሳቸውን ሀድያ ሆሳዕና አገኙት። በወቅቱ በሆሳዕና ደጃዝማች መሸሻን አገኟቸው፣ በህክምና ስራቸው ቀድመው ይተዋወቁ ነበርና ደጃዝማቹ ሀገረ ግዛቱ ላይ የጤና ተቋምና መሠል የማኅበራዊ ግልጋሎት ቦታዎችን እንዲሰሩላቸው ተማጸኗቸው። አስከትለውም የወላይታና የሲዳማ ሀገረ ገዥዎችም "ለእኛም እባክዎትን" ሲሉ ተማጸኗቸው።

ጅማን በልባቸው ቢያረግዙም "እዚህም ለጊዜው ወንጌል መስራት ጥሩ ነው" በሚል ሀሳብ በሶስቱ አካባቢዎች "Instititional model" ተብሎ በሚጠራው መንገድ እየተዘዋወሩ ህክምናና ሰበካውን ተያያዙት። በኃላም እሳቸው ያቋቋሙት "አቢሲኒያ ፍሮንቲየር ሚሽን" እና በወቅቱ ስመ ጥር የነበረው "ሱዳን ኢንቲርየር ሚሽን" በጋራ በመጣመር ሶስቱን አካባቢዎች ከሞላ ጎደል ፕሮቴስታንት ማድረግ ቻሉ።

ልብ ብላችኃል?ዶ/ር ቶማስ አንድ ሰው ናቸው፣ ብቻቸውን ሶስት ሰፋፊ አካባቢዎችን በጽናት "ማክፈር" ቻሉ። በዚያ የመኪና መንገድ እንኳን በሌለበት አስቸጋሪ ጊዜ በትጋት ስራቸውን ሰሩ። አንድ ሰው ቢሆኑም ማስተባበር የሚችሉበት እድል፣ ገንዘብ እና በስልጣን ካሉ ሰዎች ጋ ያለ ቅርበትን፤ ሁሉኑም በሚገባ ተጠቅመውበት ዘመን መሻገር የሚችል ስራ ሰሩ።

እኛ አሁን ላይ ስንት "አንድ ሰው" አለን?ጥቂት ያልሆኑ በርካታ "አንድ ሰዎች" አሉን። ሰውን ማስተባበር፣ ገንዘብ የማዘጋጀት፣ ዳዒውን በተቋም በኩል ሰፊ ስራ እንዲሰራ ለማድረግ ወራት እንኳን የማይፈጅባቸው ጥቂት የማይባሉ "አንድ ሰዎች" አሉን። ለምን አልተሰራም?አላውቅም፣ ምናልባት እድሉ ካለፈ በኃላ በየፊናው እንወቃቀስ ይሆናል..! አላህ ግን ይጠይቀናል፣ የሰጠን እድልና አቅም ባለመጠቀማችንና በማባከናችን እያንዳንዳችንን ያለ ጥርጥር ይጠይቀናል።

https://t.me/Yahyanuhe

በኢት/ኦ/ተ/ቤ/ክርስቲያን ውስጥ ከመነሻው ጀምሮ እንደ ማኅበረ ቅዱሳን የተተቸ፣ የተወገዘ ከዚያም አልፎ በጠቅላይ ሚንስትር ደረጃ ሳይቀር ስሙ በክፉ ተነስቶ "የተወነጀለ" ተቋም ኦርቶዶክስ ውስጥ አላውቅም። ድኅረ ደርግ ድርጀቱ ከተመሰረተ ጀምሮ ያሳለፋቸውን ሒደቶች ማጥናት ለሚፈልግ ብዙው መረጃ ለማግኘት ምቹ ነበርና ከጓደኞቼ ጋር በቅርበት ለማየት ችለናል። ከድርጅቱ ቀደምት መስራቾች ጀምሮ አሁን እስካሉት ድረስ ለእስልምና ያላቸው አሉታዊ አመለካከት የሚታወቅ ቢሆንም ድርጅቱን ለማቆም የከፈሉት መስዋዕትነት ግን የሚካድ አይደለም።

ተቋሙ እንዲበረታ የግል ኢጓቸውን ከማፈን ጀምሮ ግለሰቦች ያልገነኑበት ተቋም እንዲሆን በሲኖዶሱ አጋዥነት (ኃላ ተቃርኖ ውስጥ ቢገቡም) ሰፊ ስራ ለመስራት ሞክረዋል። ሰንበት ት/ቤቶችን ማደራጀት፣ የግቢ ጉባኤዎችን መምራትና ማገዝ፣ ኦርቶዶክስ ገጥሟት የነበረውን የተሀድሶ ፈተና በመታገል ረገድ የሰሩት ስራ ቀላል አልነበረም። አሁን ላይ በተለያዩ የፖለቲካ አመለካከት የምታዮቸው ታዋቂ ግለሰቦች ሁሉ በአንድ ወቅት በአንድ ላይ የተሰባሰቡበትና በሙያቸው ድርጅቱን ያገዙበት ነበር።

በመዋቅር ደረጃ እንደ ኢትዮጵያ ሰፊ ቅርንጫፍ በመክፈት፣ ከፍተኛ ፋይናንስ በማንቀሳቀስ፣ ሰፊ የሰው ኃይል በመምራትና የተደራጀ የሚዲያና ኮሚንኬሽን በማዋቀር ከሲኖዶሱ ያልተናነሰ ኔትዎርክ በመላ ሀገሪቱ መፍጠር ችለዋል። እንደ አንድ ተቋም በተለይም ለእምነቱ ሰዎች ሞዴል መሆን የሚችል የተቋም ግንባታን ሰርተው አሳይተዋል።

የዛሬ 10 አመት ገደማ የሙስሊሙ የዳዕዋ እንቅስቃሴ ከወትሮው ከፍ ያለበት ጊዜ ነበር። በመሀል የመጡት የመንግስት ጭቆናዎች መነቃቃቱ ላይ ውሀ ቢቸልሱበትም ባልታሰበ መልኩ ደግሞ ለጭቆናው የተሰጠው ግብረ መልስም ሌላ የመነቃቃት ምዕራፍን የፈጠረ ነበር። ያንን ጥንካሬና አንድነት እንዲሁም መስዋዕትነት ለተመለከተ ሰው ከጥያቄው መልስ በኃላ ሁሉም ነገር ይቀዛቀዛል ብሎ የጠበቀ ያለ አይመስለኝም።

መሪዎቹም ሆኑ ከጀርባ የነበሩ አስተባባሪዎች ያንን ህዝባዊ እንቅስቃሴ ወደ ተቋም ለማምጣት የተሻለ እድሉም አቅሙም ነበራቸው። ተቋም መገንባቱን መጅሊሱ ላይ ብቻ ተውነውና አጋዥ ተቋማትን የመፍጠሩ ሒደት ላይ ተዘናጋን። ለዚህ በርካታ የግል ምክንያቶች/ኡዝሮች ሊነሱ ይችላሉ፣ እድሉን በማባከን በኩል ግን የሚለውጡት ነገር የለም። በተበታተነ መልኩ ከሚደረጉ ያልጠረቁ ስራዎች በተሻለ ግለሰብ ያልገነነባቸው አሰባሳቢ ድርጅቶች እውን ቢሆኑ መልካም ነበር። ዘመንም ትውልድም መሻገር የሚችሉት "ተቋም" ሲሆኑ ነው። መጭው ጊዜም አንዳለፉት አመታት እንዳይባክን ዱዓ እናድርግ.! አንዳንድ የሚባክኑ እድሎች ድጋሚ በቀላሉ አይገኙም።

ሰሜን ሸዋ ደራ ላይ ታላቅ አሊም ከ12 ቤተሰቦቻቸው ጋር ተገድለዋል። አጋች ታጣቂዎች ከአንድ ወር በፊት አግተዋቸው 2 ሚሊየን ብር ጠይቀው 1.4 ተከፍሏቸው ነበር፣ ቀሪው እስኪከፈል ግን አልጠበቁም። ሙሉ ቤተሰብ ጨፈጨፉ፣ ያውም አሊምና የአሊም ቤተሰብ..! እጅግ በጣም ያሳዝናል። ኢናሊላህ ወኢና ኢለይሂ ራጂዑን፣ አላህ ይዘንላቸው፣ ለቤተሰባቸውም ሰብሩን ይወፍቅ። ፍትሕን የምንጠይቀው ከአላህ ነውና የግፋችሁን ውጤት ሳይውል ሳያድር ያሳየን..!

ዑለሞች የነብያት ወራሾች ናቸው። እነዚህን ዑለሞች መግደል እስልምናን የማጥቃት ምልክት ነው፣ ሰሜን ሸዋ ላይ የተገደሉት ዓሊምና ቤተሰባቸው የዚህ ተግባር ማሳያ ነው..!

❝....ላለፉት 3 ዓመታት ወንጌላውያን የቢዝነስ መሪዎችን ሲያሠለጥን፣ ሲያስታጥቅና የኅብረት ጊዜዎችን ሲያዘጋጅ የቆየው ኅብረታችን በክርስቲያኑ ነጋዴ ማኅበረሰብ መካከል የበለጠ ኅብረት፣ ትስስር እና ልቀት እንዲኖር ተግተን ልንሠራ ቆርጠን ተነሥተናል...❞

- ከኅብረቱ መግለጫ የተወሰደ

ሪፐብሊካኖች ሙስሊሞችን ይጠላሉ፣ ዲሞክሮቶች ደግሞ እስልምናን ይጠላሉ። They are the same.

ሻውዚን ነፋሕነ
..
በነገራችን ላይ ይህንን ቃል በቪዲዮ ላይ ሲናገር የነበረው ሰባኪው የፈጠረው ቃል አይደለም። ሰባኪው ከሰሞኑ በቲክቶክ ሲጠይቁትም የእሱ ቃል አለመሆኑን ተናግሯል። ልክ ነው፣ አልተሳሳተም። ንግግሩ በተዓምረ ጽዮን ማርያም ድርሳን ውስጥ የሚገኝ ቃል ነው..! ድርሳኑ እስልምናን በመሳደብ የሚታወቅ ሲሆን በምስሉ ላይ እንደምትመለከቱት ነብዩ ሙሐመድን "ﷺ" ዲያቢሎስ አዘዛቸው በሚል የቀረበ ቃል ነው። መጽሀፉ በቤተ ክርስቲያን ዘንድ ይታመንበታል ወይ? የሚል ጥያቄ ካላችሁ መልሱ "አዎ" ነው።

📎 https://t.me/Yahyanuhe

እዚህ ላይ መርከዛችሁን ከሞላችሁ ውስጥ ስልክ ቁጥር የተሳሳታችሁ አላችሁ። በዚህ ምክንያት ልናገኛችሁ አልቻልንም። ስለዚህም በተቻለ መጠን በሁለት ቀናት ውስጥ ፎርሙን እንደ አዲስ አስተካክላችሁ ለመሙላት ሞክሩ።

እ.ኤ.አ. በ1962 የኦርቶዶክስ ቤተክርስቲያን አማኝ የሆኑ ወጣት የሁለተኛ ደረጃ ተማሪዎች አንድ ፍላጎት አሳደሩ። ይኸውም እንግሊዘኛ የሚያስተምር መምህር ፈልገው ወደ ዶ/ር ሮህሬር እሸልማን መጡ። ዶክተሩ ሚሽነሪ ነበረና እንግሊዝኛ ለማስተማር አንድ መስፈርት አስቀመጠላቸው። ይኸውም የዮሐንስ ወንጌልን እንደ መማሪያ መጽሐፋቸው/Text book/ እስከተጠቀሙ ድረስ እንግሊዝኛ ሊያስተምራቸው ተስማማ። ተማሪዎቹ ተስማሙ፣ ትምህርቱም ተጀመረ። እንደ አናባፕቲስት ገለጻ ከሆነ ብዙም ሳይቆይ ከእንግሊዝኛው ትምህርት ይልቅ ለወንጌል የበለጠ ፍላጎት ተፈጠረባቸው። ❝..ምንም እንኳን ቅዱሳት መጻሕፍት የመጨረሻ ሥልጣን እንዳላቸው ቢገነዘቡም፣ እነዚህ ተማሪዎች በኦርቶዶክስ ቤተ ክርስቲያን ውስጥ ለመቆየት ይፈልጉ ነበር። ምክንያቱም በወቅቱ ወንጌላውያን ከውጭ አገር ሚስዮናውያን ጋር ተያይዞ በአሉታዊ መልኩ ይገለጹ ስለነበር እነሱን መቀላቀል ትክክል ነው ብለው አላመኑም❞

ተማሪዎቹ ይህን በማሰብ መሠረተ ክርስቶስን ሳይቀላቀሉ የራሳቸውን ቤተ ክርስቲያን መስርተው ሰማያዊ ብርሃን ወይም ሰማያዊ ፀሐይ” ብለው ሰየሙት። መሠረተ ክርስቶስ ግን ከእነዚህ ተማሪዎች ጋር ያለውን ግንኙነት ጠብቆ ነበር እና መርዳት በሚችልበት ጊዜ ረድቷቸዋል። በኃላም የሙሉ ወንጌል እንቅስቃሴ እንዲመሠረት መሠረት ጥለው እንቅስቃሴውን በዩንቨርሲቲ ደረጃ ጭምር እንዳሰፉት ይነገርላቸዋል።
.
.
እያለ ታሪኩ ይቀጥላል...

ምንጩ፦

Global Anabaptist Mennonite Encyclopedia Online. March 2010. Web.

መሳሳት የማይደክማቸው ሰዎች!


ቁርዓን 3:44

ይኸ ወደ አንተ የምናወርደው የኾነ ከሩቅ ወሬዎች ነው፡፡ መርየምንም ማን እንደሚያሳድግ ብርኦቻቸውን (ለዕጣ) በጣሉ ጊዜ እነሱ ዘንድ አልነበርክም፡፡ በሚከራከሩም ጊዜ እነሱ ዘንድ አልነበርክም፡፡


ذَٰلِكَ مِنْ أَنۢبَآءِ ٱلْغَيْبِ نُوحِيهِ إِلَيْكَۚ وَمَا كُنتَ لَدَيْهِمْ إِذْ يُلْقُونَ أَقْلَٰمَهُمْ أَيُّهُمْ يَكْفُلُ مَرْيَمَ وَمَا كُنتَ لَدَيْهِمْ إِذْ يَخْتَصِمُونَ

የኢየሱስ እናት መርየም (ዐ.ሰ) በቁርኣን ውስጥ በስሟ የተሰየመ ምእራፍ መኖሩን አስመልክቶ "ይሄ ምን ያስገርማል ታዲያ? ቁርኣን እኮ ብዙ አስገራሚ እና አስቂኝ የምእራፍ ስሞች የያዘ መፅሀፍ ነው" በማለት አንዳንድ ክርስቲያኖች ሲሳለቁ ከርመዋል።

ከዚህ በፊት የኢየሱስ (ዐ.ሰ) ስም   ከነብዩ ሙሐመድ (ዐ.ሰ.ወ) ስም ይበልጥ በቁርኣናችሁ ተጠቅሷል፣ ነብያችሁ ግን በስም ከ 4 ግዜ በላይ አልተጠቀሰም እያሉ ሲያደርቁን የነበሩ ሰዎች ዛሬ ተገልብጠው የማርያምን ስም መጠቀስ ለማንቋሸሽ የሄዱበት ርቀት ይገርማል።

የኢየሱስ እናት ስሟ መጠቀሱ እንዲሁ ትርጉም አልባ ገለጻም አልነበረም። ከዚህ ጋ ተያይዞ ለየት የሚያደርገውን ሁለት ምክንያቶችን ልጥቀስ።

① በአረቦች  እና በእስራኤላያውያን  መካከል ያለው አለመግባባት ዘመናትን የዘለቀ እንደሆነ ሁላችንም እናውቃለን። ነብዩ (አሰወ) በነበሩበት ዘመን ጥላቻውም በግልፅ ይንፀባረቅ ነበር። ታዲያ በዚሁ ነባራዊ ሁኔታ ውስጥ ነብዩ (ዐ.ሰ.ወ) በዚያ ዘመን ከምዕተ አመታት በፊት የነበረችውንና አይሁዳዊቷን ማርያምን እንዴት ሊያሞግሷት ቻሉ?


② ነብዩ (ዐ.ሰ.ወ) በአጠገባቸው ሚስቶቻቸው ወይንም ሴት ልጆቻቸው እያሉ እንዴት ቢያንስ አንድ ምእራፍ እንኳን በነሱ ስም አልሰየሙም? ከዚያም በተጨማሪ በቁርኣኑ ውስጥ ስማቸውን እንኳን ገልጸው ለማሞገስ እንዴት አልሞከሩም?

ዋናው ነጥብ በምእራፍ ስም መሰየሙ አለመሰየሙ አይደለም፣ መሠረታዊ መልዕክቱ ቁርኣን የሰጣት ክብር ነው። ይህ ደግሞ ከመለኮታዊ መልዕክት የወጣና የግል ዝንባሌ የተጨመረበት ቢሆን ፈጽሞ ሊደረግ የሚችል አልነበረም።

https://t.me/Abuyusra3

ወንድማችን ኡስታዝ አቡ ዩስራ በዋናነት የንጽጽር ትምህርቶችን የሚያቀርብበት ቻናል ይህ ነው። ጆይን በማድረግ ተጠቃሚ ሁኑ፦

https://t.me/Abuyusra3

መሠረተ ክርስቶስ ቤተ ክርስቲያን በደርግ ዘመን በገጠማት ፈተና ከእስር ጀምሮ ከፍተኛ መስዋዕትነት በመክፈል ያስቀጠሏት መሪዎቿ 6 እንደሆኑ የመሠረተ ክርስቶስ ኢንሳይክሎፒዲያ ይገልጻል። ከነዚህ ውስጥ 2ቱ፣ ኸሊፋ ዓሊ እና ሸምሰዲን አብዶ የተሰኙ የከፈሩ ሰዎች ነበሩ።

በዛሬው አጭር የኦዲዮ መልዕክታችን የኦሮሞ ህዝብን በተለይም የጅማን ሙስሊም ለማክፈር በማሰብ ጉዞ ጀምረው በመሀል ሀድያ ስለቀሩት ምዕራባውያን ሚሽነሪዎች ከታሪክ ምዕራፋቸው የተወሰነ እናወሳለን።

https://t.me/Yahyanuhe