أنت مدهال الأماني وميزان الشعور
‏معك أواجه سُود الأيام و أغني لها

حبيبتي بهجة الدنيا ومحفلها
‏قلب ٍ خذيتيه مني تستحقينه

‏الحب رتب تفاصيلي وجمّلها
‏واضفى عليها السكينه والطمأنينه

‏خلاني اعمل عمايل ما اتخيلها
‏واكبر دليل الهيام اللي تشوفينه

‏من خاف لا يقطف الزهره ويقتلها
‏هو نفسه اللي قطف لك زهرة سنينه

ماحسدت المطر على مكان النزول
‏لين بلّل جدايلها وهي ضاحكه

‏كانت كفوفنا ملامح مْن الذهول
‏مدري كفوف ولّا ارواح متشابكه !

‏جعل غيمٍ يوسّع خاطرك ، ما يزول
‏وجعل كل الليالي فيك متباركه

انت الوحيد اللي لك الباب مفتوح
‏يبقى غلاك بداخل القلب ماراح

‏عالم تجي وتروح ماهزت الروح
‏وعالم غلاها ساكن بوسط الارواح

أنثى ولا مثلك أنثى في نسا العالمين
‏لو تنجب الحور حور فـ كل مطلع شهر

‏إن قلت فيك القصيد الزين ، تستاهلين
‏حقّك وحق الجمال الباهر المزدهر

‏إن جاز لك غايتي وإن كان ماجاز شين
‏والناس ماهمّني من ذمّ .. ومن أنبهر

‏تمشين وتطيح خلق الله يسار و يمين
‏هذا يبايعك خل .. وذا يقدّم مهر

عطّ الليل فرصة من جديلك ياروح الروح
‏معك ودّي إن الشمس تشرق بعد بكره

‏أنا اشفق على "لبّيه" من صوتك المبحوح
‏لا حلّ الظلام وعوّد الطير في وكره

‏تحت عنقك الفارع ورى زرارك المفتوح
‏ما باقي عليّ إلّا ألحق السكره السكره

‏يغني على شباك دارك : حمام الدوح
‏وأغني عليك : البيت والقاف والفكره .

تمرين واشوف الجمال الباذخ الجبّار
‏"وقالوا تغاضى بس ماني بـ متغاضي"

‏تعالي وفجّي صدري بـ رمشك البتار
‏"من يموت من سلهامتك قانع وراضي"

‏تعالي ترى ما أخترت غيرك ولا بختار
‏"انا واحدٍ ما عاد يغريني الماضي"

‏انا الصادق اللي جابتك صوبه الاقدار
‏"محبتك صدق وحب غيرك على الفاضي"

طرقني غرامك يا جميل الحلايا طرق
‏كما يطرق الحداد صيخٍ غدا جمره

‏معاد اعرف لاشفت زولك جنوب وشرق
‏اضيّع دليلي مثل شرابة الخمره

‏ترى الحب يسرق حال راع المحبه سرق
‏شويه شويه لين يقضي على عمره

‏جمالك طبيعي بينه وبين غيره فرق
‏عليه أحسدوك أهل المساحيق والحمره

لاجت صباح العيد والغيد جلاّس
‏والله ما يجلس من الغيد غاده

‏لا لبست أزهد لبس صار أجمل لباس
‏لها على البيض بغنجها سياده

‏ما هي بـ حاجة لعقد من ألماس
‏يبرق معنّقها بليّا قلاده

لقاها يخلّي خاطر المكتئب مسرور
ونداها يخلي كل رشّة مطر تغري

تمنيت لو عطري من الجاعد المنثور
ومن خدها قوتي ومن ريقها خمري

لا صار مالي حظ فيك انت بالذات
‏ماعاد ابي غيرك لو يزين حظي

سيدة سدرة الوادي ودمث الجناب
‏رجلها فوق الأرض وعينها فالسما

‏ما تبع دربها غير المطر و السحاب
‏ولا شلع قلبها اللي صاد واللي رما

‏ترفةٍ تلبس الماء مثل لبس الثياب
‏جادك الغيث.. ياغيثٍ عليها هما

‏أرهف من الحديد اللي ثعى فالرقاب
‏وأجفل من الغزال اللي رعى فالحما

على راسك الطربوش وأنتي عباة المجد
‏ما تختار غير أنتي للأمجاد لبّاسة

‏تلوق المعالي لك مثل ماتلوق لنجد
‏سلامي على من جابك، وحبي لراسه

‏ليا غنّوا الشعّار وا وجد عيني وجد
‏وجودٍ بخيسٍ ما يلاحيك يا ألماسة

‏أنا أغني لعينك طروقٍ لعينك سجد
‏جدادٍ على الجمهور والشعر وإحساسه