Bilaluna Edris

“ሱብሃነላሂ ዓል-ዓዚም ወቢሃምዲህ ያለ በጀነት ውስጥ የተምር ዛፍ ይተከልለታል።”
ረሱል ﷺ

112 viewsBilal Edris, 16:02

110 viewsBilal Edris, 16:05

ያለ አንዳች ተጨማሪ ማብራሪያ ሰይዳችንﷺ "እንደኛው ሰው ናቸው!" ማለቱ በአንዳንድ ሰዎች አስተሳሰብ ላይ ስሁት ግንዛቤን ሲፈጥር ይታያል።ይህ ንግግር የቀደምት ህዝቦች ለነቢያቶቻቸው ካቀረቡት መሞገቻ ጋር ተመሳሳይ ሆኖ እናገኘዋለን።

قَالُوا مَا أَنتُمْ إِلَّا بَشَرٌ مِّثْلُنَا
"እናንተ መሰላችን ሰዎች እንጂ ሌላ አይደላችሁም፡፡"

አሏህ የሰይዳችንንﷺ ሰውነት ሲገልፅ በሱረቱል-ከህፍ እንዲህ ይላል:-

قُلْ إِنَّمَا أَنَا بَشَرٌ مِّثْلُكُمْ يُوحَىٰ إِلَيَّ

« ወደኔ ራዕይ የሚወረድልኝ ቢጤያችሁ ሰው ብቻ ነኝ።"

አንቀፁን በማስተዋል የተመለከተ አሏህ ሰውነታቸውን እንዲሁ ያለ አንዳች የተለየ ማሰሪያ አልገለፀውም።እሱም "ወደኔ ራዕይ የሚወርድልኝ!" የሚል ቃል ነው።ይህ የሳቸውና የመሰል ወንድሞቻቸው ከሌሎች ሰዎች መለያ ባህሪይ ነው።ስለዚህ አንድ ሰው እንዲሁ ተነስቶ "ሰይዳችን እንደኛው ሰው ናቸው!" ማለቱ " لا تقربوا الصلاة" የሚለውን አንቀፅ ሳያሟላ እንደማንበብ ነው።
"እኔ አምሳያቹህ ሰው ነኝ" የሚለውን ሰውነት ከሚያስፈርደው ነገራት ጋር መስክሮ፤"ወደኔ ራዕይ የሚውርድልኝ" የሚለውን የሳተ ከባድ በሆነ የመታወር ግርዶ ይሸፈናል።

"እኔ አምሳያቹህ ሰው ነኝ" በሚለው የተፈለገው አምላካዊ ባህሪን የተላበስኩ አይደለሁም፤መልአክም አይደለሁም።እንደናንተው የተወለድኩ፣የማገባ፣የምመገብ፣የምጠጣ እንዲሁም የምሞት፤ከናንተው ዘር የሆንኩ ሰው ነኝ ለማለት ነው።
ይህ ማለት ግን በሁሉም ሰዋዊ መገለጫ እንደናንተ ነኝ ማለት አይደለም።ይህን ለማረጋገጥ የተወሰኑ አሓዲሶችን እንመልከት።

1.ሰይዳችንﷺ ሁለት ቀናትን በማከታተል ይፆሙ ነበር።ይህ ፆም "ዊሳል" በመባል ይጠራል።ሰሐቦቹ ይህን ፆም ለመፆም ሲሞክሩም ሰይዳችንንﷺ
ከልክለዋቸው የሚከተለውን ብለዋል:-
"እኔ እንደናንተ አምሳል አይደለሁም።እኔ ጌታዬ እያበላኝና እያጠጣኝ ነው የማድረው።"
ቡኻሪና ሙስሊም የዘገቡት።

2.ከኃላቸው ተከትለው ለሚሰግዱ ሰሐቦች እንዲህ ብለዋል:-
"ወላህ! ኹሹዓቹና ሩኩዓቹህ ከኔ አይሰወርም።እኔ በጀርባዬ እመለከታቹሃለሁ።"
ቡኻሪ የዘገቡት።

3.አሏህ እስከለተ ትንሳኤ ድረስ ለኡመታቸው የገባላቸውን ቃል አይተዋል።
"አሏህ ለናንተ ቃል የገባው አንዳች ነገር ሳይቀር በዚህ ሰላቴ ውስጥ አይቼዋለሁ።"
በዚህ ውስጥ ጀነትና እሳትን ማየታቸውንም መክተት እንችላለን።

4."አይኔ ይተኛል፤ልቤ ግን አይተኛም።"

እነዚህና መሰል ሐዲሶች ሰይዳችን እንደማንኛውም ሰዎች፤"ሰው" ብቻ ተብለው የሚገለፁ እንዳልሆነ የሚያሳዩ ናቸው።እሳቸው በምሽት ጉዞ ሰውም ሆነ መልዐክ ያልደረሰበት ስፍራ የደረሱ ናቸው፤እሳቸው ማንም ያላየወን ታላቁን የአሏህ ተዓምር ያዩ ናቸው።እሳቸው የታላቁ ምልጃ ባለቤት ናቸው።እሳቸው የምስጋና ሰንደቅ አውለብላቢ ናቸው።እሳቸው የጀነት በር ከፋች ናቸው።እሳቸው የሰዎች አይነታ የፍጡራን ሁሉ እንቁ ናቸው።እሳቸው በመጨረሻው መለኮታዊ ራዕይ እስከተለ-ትንሳኤ ድረሰ የሚቆይ ህግን አንግበው የመጡ ናቸው።
ኢማም አል-ቡሲሪይ አሳቸውን የገለፁበት መንገድ እጅግ ድንቅ ነው:-

مُنَـزَّهٌ عـن شـريكٍ في محاسِــنِهِ .. فجَـوهَرُ الحُسـنِ فيه غيرُ منقَسِـمِ

ያልተከፈለን የውበት እንቁ ከላይ ችሯቸው
በምግባር ውበት...
እንኳን ሊመስል የቀረበ እንኳን አጣንላቸው።

اللهم صل على سيدنا ومولانا محمد وآله وسلم

✨የቴሌግራም ቻናሌን follow በማድረግ ቤተሰብ ይሁኑ
@ https://t.me/Xuqal