የሚሽነሪዉ አካል ሙሀመድ ሱሩር  ማን ነዉ ?!!

ቢስሚላህ  !
ክፍል 1 እና 2👇
ከ 25 አመት በሗላ የጠፋኝን ሰዉ ወንድሜ የህያ ኢብኑ ኑህ ማህበራዊ ሚዲያ ላይ ለጥፎት ባይ ገረመኝ !!

የዛን ዘመን አፍላ የቁርአንና የዳዕዋ ንቅናቄን ከየት እንደመጣ ሳናዉቅ ነበር የተቀላቀለን ።

ፂሙ ያደገ የፓኪስታን ልብስ የለበሰ በቀኝ እጁ ሲዋክ በግራ እጁ ሙስበሃ ይዞ የፈጅርን ሰላት ለመስገድ የሂፍዝ ተማሪዎች ዉዱእ ማድረጊያ ላይ በዛ ብርድ ወቅት እንጣደፋለን ። ከመሀላችን ሞቅ ባለ ከፍ ባለ ድምፅ “ እናንተ ወጣቶች በናንተ ጊዜ ዲን ሲደፈር ነብያችን ሰ.ዐ.ወ ክብራቸዉ ሲነካ እናንተ እያላችሁ እንዴት ይሆን ለጅሀድ ተነስ እኔ አሰለጥንሀለሁ !” የሚል የወጣቱን ስሜት በሚቀሰቅስ መልኩ በቁጣ ንግግር አደረገ ። ብዙዎቻችን ሙሀመድ ሱሩር በሚል የቀረበንን ሰዉ ያኔ ተዋወቅነዉ ከፈጅር ሰላት በሓላ የቁርአን ሀለቃ ላይ አብሮን ተቀመጠ ። መስጅድ ላይ በተበላሸ ምላስ የቁርአን አያቶችን እየሰባበረ ዳዕዋ ማድረግ ጀመረ የዋሁ ማህበረሰባችን እና ወጣቱ ተከተለዉ ። በጣም የሚገርሙ ሊታመኑ የማይችሉ ለሀገር ሲል ከኤርትራ ጋር በተደረገ ጦርነት መሳተፉንና ለኢስላም ሲል አፍጋኒስታን ድረስ ዘልቆ የተዋጋበትን ባዶ ታሪክ ለወጣቱ ይግተዉ ጀመር አንዳንዱ በየት ብለን ጅሀድ በወጣን እስኪል ድረስ ፣

የማልረሳዉ ሁሌ ግን ጥያቄ የሚሆንብኝ የነበረዉ ጠዋት ከሀለቃ በሗላ ከቁርስ በፊት ወደ ዉጭ እንዳንወጣ እንከለከል ነበር ። ለምን አትሉም ?
ሙሀመድ ሱሩር ካራቴ እየሰራ ጩሀቱን እንጅ ስራዉን ማየት እንዳንችል ምክኒያቱም በጩሀቱ ብቻ ካራቲስት እንደሆነ እንድንመሰክር ።

ማህበረሰባችን በዚህ ብቻ አልቆመም በዲኗ ጠንካራ የሆነች ልጅ ተፈልጋ ተዳረ ። ከዛን ጊዜ ጀምሮ የሙሀመድ ሱሩር ማንነት ይጋለጥ ጀመረ ።
ከላይ እንደተገለፀው  ሙሀመድ ሱሩር ቤተሰቦቹ የጁ ዉስጥ እንደ ሆኑ ያወራል ( በርግጥ አንዳቸዉም ቤተሰቡ ነኝ ብሎ የመጣ አላዉቅም ) ሰዉየዉ በአንድ ወቅት መርሳ ከተማ ላይ ለትልቅ እስላማዊ ዝግጅት ስንጓዝ ከፊት ወንበር ጋቢና ላይ ተቀምጧል ታላላቅ ዓሊሞችና ጎደኞቼ ከሓላ ተቀምጠን ከካራቲስትነት ከፍ ብሎ በሆነ ጦርነት ( ስሙን ረሳሁት ሀገር ዉስጥ በተደረገ ) ላይ ከሄሊኮብተር ሲወርድ እንደተጎዳ አገግሞ እንደ ዳነ ያወራል ።

ይህ ሰዉ በማበረሰብ ዘንድ ተቀባይነት አገኘ የቁርአን ሂፍዝ ማእከሉ አድራጊ ፈጣሪ ሆነ ሚስትም አገባ ትንሽ ቆይቶ ሀኪም ነኝ የህክምና ት/ት መማር አለባችሁ ብሎ ከመርከዝ ልጆች አምስት ሰዉ መርጦ በጊዜዉ እኔ አብዱራህማን ሱልጧን ዶ/ር አህመድ ኑርየ ኢንጂነር ሙሀመድ ጀዉሀር ( አሏህ ይማረዉ ሁላችሁም ዱዓ አድርጉለት ) ሌሎች ሁለት ወንድሞቼ ረሳሃቸዉ ሁነን ለአንድ ሳምንት መርፌ እንዴት እንሚሰጥ አስተማረን እኔም በሳምንት የመርከዙ ሀኪም ሆኜ እርፍ !።

በጊዜዉ ለህክምና ብዙ ትልልቅ ሰዎች ይመጡ ነበር ቪ B2 ወግቶ በጊዜዉ የማይታመን ብር ነበር የሚጠይቀዉ ለምን የሚለዉም አልነበረም ።

ሚስት የሓላ ሓላ ስቃዪ በዛ ከአንድ የዲን መምህር ነኝ ከሚል ሰዉ የማይጠበቁ ነገሮችን ስታይ ለማን ትናገር ማንስ ያምናታል ።

የመርከዝ ልጆችም ለሁለት መከፈል ጀመሩ የተለያዩ ወንጀሎችን ሲፈፅም ያዮትንና የጠረጠሩትን ልጆች የኢማን ድክመት አለባቸዉ ፡ ጅሀድ ይጠላሉ የተለያዮ ስም እየለጠፈ የመርከዙ ልጆችን ከፋፈላቸዉ በመሀባ እንባ ይራጩ የነበሩ ወንድማማቾች ተኮራረፉ ።

ባጭሩ የወልዲያ ሰዉ ዳዒ አለመሆኑን እየተረዳ ይመስላል ስለዚህ ክትትል ጀምሯል ።

የሚገርሙ ታሪኮች ይቀጥላሉ ወልዲያ የጀመዓዉና የሚስቱ ታሪክ ከቆቦ እስከ ኮምቦልቻ  …..።

© Abdurahman Sultan

የቴሌግራም ቻናሌን በመቀላቀል ቤተሰብ ይሁኑ
@ https://t.me/Xuqal

በህንድ የአእምሮ ጤና እክል ያለባት ወጣት መለኮታዊ ኃይል አላት በሚል በመመለክ ላይ ትገኛለች

በታሚል ናዱ ግዛት የሂንዱ ከተማ በሆነችው ቲሩቫናማላይ ውስር ሚስጥራዊ ኃይል አላት የተባለችው ግለሰብ የአእምሮ የጤና ችግር ላይ ብትሆንም የሕንድ ማህበረሰብን ግን እያመለካት ይገኛል።

ህንዳውያን በርከት ያሉ አምላክ እና አማልክቶች ያሏቸው ሲሆን የሂንዱ አማልክቶች ሚስጥሮች እና እውነተኛ ህይወት ላይ በርካታ አወዛጋቢ ጉዳዮች ይነሳሉ። ከነዚህ መካከል ቶፒ አማ የምትባለው ኮፍያ የምታደርገው ሴት ብዙ ጊዜ ‘ሲድዳ’ እየተባለች በቅፅል ስም ትጠራለች። ይህችው ግለሰብ አዳኛችን ናት በማለት መመለክ ላይ ትገኛለች። አማኞች ፍፁም የሆነች ብሩህ ፍጡር ናት ይሏታል። ነገር ግን ዓለማዊ አመለካከት ላላቸው ሰዎች የህክምና እርዳታ የምትፈልግ የአእምሮ እክል ያለባት ሴት ናት።

ለአማኞች የሚታየቸው በቲሩቫናማላይ ጎዳናዎች ውስጥ ስትንቀሳቀስ ማንም በማይረዳው ጥንታዊ የታሚልኛ ቋንቋ ስትናገር ሲያዩ፣ ሌሎች ደግሞ ቤት የሌላት ምስኪን ሴት ያለ አላማ ስትቅበዘበዝ እና ስታጉረመርም ትውላለች ይላሉ። ሁሉም ነገር የአመለካከት ጉዳይ በመሆኑ ልዩነቶች መስተናገዳቸው ግድ ሆኗል።ቶፒ አማ የቲሩቫናማላይ ምልክት ከመሆኗ እና ብዙ ተከታዮችን ከመሳቧ በፊት የነበራት ህይወት እንቆቅልሽ ሆኖ በመቆየቱ ለታዋቂነቷ ትልቅ አስተዋፅኦ አበርክቷል።

ሁለት ወጥ ቃላቶችን እንኳን በአንድ ላይ አሰካክታ መናገር አለመቻሏን መለኮታዊ ኃይል ቢኖራት ነው ብለው ህንዳውያኑ እንዲያስቡ አስገዷቸዋል። በህንዳውያኑ የማህበራዊ ድህረ ገፅ ተጠቃሚዎች ዘንድ ቶፒ አማ ከተማዋን እየዞረች የጠጣችውን የቡና ትራፊ የተባረከ መስዋዕት ነው በማለት ሰዎች አንስተው ሲቀምሱ ይታያል። በሌላ በኩል ይህችኑ ሴት የአዕምሮ ጤና ችግር ያለባት ፣ የቆሸሸ ልብስ የለበሰች ፣ ሰውነቷ ከመታጠብ የራቀ እና በአንዳች እክል ውስጥ እንዳለች ማስተዋል ይችላል።

አንድ የኤክስ ተጠቃሚ ባጋራው ፅሁፍ አንዳንዶች በአእምሮ ህመም እየተሰቃየች ነው ብለው የሚያስቡ እና እርዳታ ትሻለች የሚል ሰዎች ቢኖሩም ስለ እርሷ ውዳሴ የሚያቀርቡና የሚዘምሩ በርካቶች መሆናቸውን ፅፏል።ጥልቅ የሆነ መንፈሳዊ ጥበቧ ካልተገለጠልህ እሷን ማግኘት የሚችሉት የታደሉት ብቻ ናቸው ሲሉም አማኞች ይደመጣሉ።

አስደናቂው ጉዳይ የአእምሮ እክል ላይ የምትገኘው ቶፒ አማ በአብዛኛው አምላኪዎቿን ችላ ብላ የእለት ውሎዋብ ስታሳልፍ አንዳች ምስጢራዊ ኃይል እየተገለጠላት ነው ብለው የሚያስቡ አሉ። በዚህም የተነሳ በሄደችበት ቦታ ሁሉ በርካቶች ይከተሏታል።

በስምኦን ደረጄ
#ዳጉ_ጆርናል

የቴሌግራም ቻናሌን በመቀላቀል ቤተሰብ ይሁኑ
@ https://t.me/Xuqal

የ1445/2016/2024..ሀጅ ስነስርአት ክንውን 30 ቀናት ብቻ ቀርተውታል

ኢላሂ እኛንም ወፍቀን 🥹 🤲

#Hajj #Hajj1445 #Hajj2024

የደጋጎች እናት፣ የኡሑድ ዘመቻ ዕለት የረሱሉ (ሰዐወ) ጋሻ፣ ኑሰይባ አል-ማዚኒያ ኡሙ ዑማራ (ረዐ)

ጊዜው መካ ውስጥ ኢስላም ላይ የጦር ፍላፃ በተመዘዘበት ነበር፡፡ ከመዲና አንድ ልዑክ አስራ ሁለት ሰዎችን አካቶ ለሐጅ ስርዓት ወደ መካ ይንቀሳቀሳል፡፡ እግረ-መንገድም አላህን በማምለክና በርሱም ማጋራትን በመተው፣ እርሳቸውን ልጆቻቸውንና ሴቶቻቸውን ከሚከላከሉት አደጋ ሊከላከሏቸው ለመልዕክተኛው (ሰዐወ) የመጀመሪያውን የዓቀባ ቃል-ኪዳን ይፈፅማሉ፡፡

በሚቀጥለው የሐጅ ዓመት የዓቀባ ቃል-ኪዳን ላይ ደግሞ አንድ ሕፃን ልጅ ያለበት ሰባ ሁለት ወንዶችና ሁለት እንሰቶች ያሉበት ልዑክ መካን ረፈጠ፡፡ አንደኛዋ ሴት የዛሬዋ እንግዳችን ኑሰይባ ቢንት ከዕብ አል-ማዚኒያ አል-አንሷሪያ ናት፡፡ እነሆ ከመዲና ነዋሪዎች ወደ ኢስላም ከገቡት የቀደምቶቹን ማዕረግ ልታገኝ፣ በሕይወትም እስካለች ድረስ ከኢስላምና ነብያችን እየተከላከለች ልትኖር የሴቶች ዝንተ-ዓለማዊ ናሙና ለመሆን በቃች፡፡

የኡሑድ ዘመቻ ዕለት ከባለቤቷና ልጆቿ ጋር ዘማቾችን ልታበረታታና ቁስላቸውን ለማከም ነይታ ወጣች፡፡ እንደሚታወቀው ኡሑድ የሙሽሪኮች አሸናፊነት የታየበት፣ ብዙ ሶሐባ ሸሂድ የሆነበትና የድል ሚዛኑ ወደነርሱ ያጋደለበት ዕለት ነበር፡፡ በዚህ መሃልም ‹‹ሙሐመድ ተገደለ›› የሚለው ጩኸት ወደ ኑሰይባ ጆሮ ደረሰ፡፡ ከተቀመጠችበት ተነሳች፣ የውሃ ኮዳዋንና ቦርሳዋን ወርውራ ሰይፏን አነገበች፡፡ ልጆችና ባሏን ጠርታ ሕይወትን ከአንዲት ትንኝ ክንፍ አሳንሰው ያዩ አማኞችን አስከትላ ነብያችንን (ሰዐወ) በጀግና ሞገስ ለመጠበቅና ለመከላለከል ትፈልጋቸው ገባች፡፡ አግኝታቸውም ስትከላከልና ስትዋጋ ወደርሳቸው ከተወረወሩት ቀስቶች እንዲሁም ከሚቃጡ ሰይፎች ገላዋ ላይ አስራ ሶስት ያህሉ አረፉባት፡፡ ትከሻዋ ላይም ከባድ ጉዳት ስለደረሰባት እጇ ፓራላይዝ ሆነ፡፡

ነብያችን (ሰዐወ) ሰለርሷ አንዲህ ብለው ነበር ‹‹ወደ ቀኝም ይሁን ግራ ስዞር ከኔ ስትከላከልና ስትጋደል ነበር የማያት፡፡›› ታዲያ ነብያችንም (ሰዐወ) በግርምት ‹ምንኛ የተባረከ ቤተሰብ ነው፤ አላህ በረከትን ያውርድላችሁ› ብለው ዱዓ አደረጉላቸው፡፡ ኑሰይባም ‹የአላህ መልዕክተኛ ሆይ በጀነትም አንድንጎራበቶት ዱዓ አድርጉልን› አለቻቸው፡፡ ለርሷና ለቤተሰቦቿ የሚከተለውን ዱዓ አደረጉ ‹‹ አላህ ሆይ በጀነት ጎረቤቶቼ አድርግልኝ፡፡››

ለነገሩ ቤተሰቧ አስገራሚ ነበር፡፡ ከላይ ሰባ ሁለት ሆነው የሁለተኛውን ዐቀባ ቃል ኪዳን ከገቡት ውስጥ አንድ ህፃን ያልነውና በጥንጥዬ እጁ ለረሱሉ(ሰዐወ) ቃሉን ያሳለፈው ልጅ ዛሬ ጎርምሷል፡፡ ያኔ በሕፃንነቱ ወደ ኢስላም ለመግባት በአባቱ እቅፍ ትላልቆቹን እንደተስተካከለው ዛሬ ደግሞ ወደ ሐሰተኛው ሙሰይለማ ቀዬ የነብያችንን (ሰዐወ) ማስጠንቀቂያ ያዘለ ደብዳቤ ይዞ የሚሄድ መልዕክተኛ ሊሆን ነው፡፡ የኑሰይባ ልጅ ሲሆን ስሙም ሐቢብ ቢን ዘይድ አል-አንሷሪ (ረዐ) ነው፡፡ ምን ይገጥመው ይሆን?

ሐሰተኛው ሙሰይለማ ፊት ምን ሊያደርገኝ ይችላል የሚል ስጋት ሳያሳስበው ደብዳቤውን ይዞ በሙስሊም ወጣት ሞገስ ቆመ፡፡ ሙሰይለማም ብዙ ሰው በተሰበሰበበት ይህ ወጣት በከባድ ሰንሰለት ታስሮ ይቀርብ ዘንድ አዘዘ፡፡ አስከትሎም ‹‹ ሙሐመድ የአላህ መልዕክተኛ እንደሆነ ትመሰክራለህ?›› አለው፡፡ ሐቢብም ‹‹አዎ እመሰክራለሁ›› አለው፡፡ ‹‹እኔስ የአላህ መልዕክተኛ እንደሆንኩ ትመሰክራለህ?›› አለው፡፡ ‹‹ጆሮዬ የምትለውን ለመስማት አይችልም፡፡ ደንቆሮ ነኝ፡፡›› አለው፡፡ ያ ውሸታም ሙሰይለማ ቁጣው ገነፈለ፡፡ ስጋውን እየቆረጠ እንዲቀጣው ገራፊውን አዘዘው፡፡ ከሰውነቱ ላይ ስጋ እየተቆረጠ መሬት ላይ ወደቀ፡፡

ሙሰይለማ ጥያቄውን ደጋገመ፡፡ ያ ወጣትም መልሱን ያለምንም መለሳለስ ደጋገመለት፡፡ ገራፊውም በተመሳሳይ ስጋውን አየቦጫጨቀ መሬት ላይ ይጥል ነበር፡፡ ያ ለጋ ወጣት በአላህ መንገድ፣ በረሱሉ ክብር መንገድ ላይ በምላስና ልቡ ስማቸውን እየደጋገመ ሰማዕት ሆነ፡፡

የሞቱ ዜና ለዚያች የኢስላምና መልዕክተኛው (ሰዐወ) ደጀን ለፅኑዋ አንዲሁም ለትዕግስት ተምሳሌቷ ኑሰይባ ደረሳት፡፡ ጉንጮቿን አልቧጠጠችም፣ በቁጭትና ሐዘን ተኮራምታ አልተበሰከሰከችም፡፡ አንደውም በኩራት ‹‹ ለዚህ መሰል ቀን ነው ያዘጋጀሁት፡፡ አላህ ዘንድም እተሳሰበዋለሁ፡፡ በአላህ ይሁንብኝ ሙሰይለማን ባገኘውና መግደል ብችል ሴት ልጆቹን ጉንጭ አስቧጥጣቸው ነበር፡፡›› አለች፡፡

የየማማ ዘመቻ ቀን እንደ ተቆጣ አንበሳ የአላህን ጠላት ሙሰይለማን ፍለጋ ሰልፎችን አየሰነጣጠቀች ትሄዳለች፡፡ ነገርግን ቀደም ብሎ በወሕሺይ ተገድሎ ስለነበር በደም ተነክሮ አገኘቺው፡፡ ምን ሊሰማት አንደሚችል ገምቱ፡፡

የቴሌግራም ቻናሌን በመቀላቀል ቤተሰብ ይሁኑ
@ https://t.me/Xuqal

የሚሽነሪዉ ሙሀመድ ሱሩር ማን ነዉ ?

ቢስሚላህ !

ክፍል 3

ሙሀመድ ሱሩር WAMI የሚባል ድርጅት ሀላፊ የነበረዉ አል-አሚን ዛይድን የህክምና መሳሪያ እንዲሟላለት በጠየቀዉ መሰረት ሌሎች አባቶችም ተባብረዉ አስፈላጊ የተባሉት ነገሮች ተሟሉለት ።

ህዝቡ በህክምና ክፍያዉ ማማረር ጀምሯል ሚስቱ ዘይነባ ( ስሟን ካልተሳሳትኩ ) ዉጭ ባለዉ ስብእናና ቤት ዉስት በምታየዉ ነገር በጣም ተጎድታለች ለምታዉቀዉ ሰዉ ሁኔታዉን ብታማክርም ለጊዜዉ ሰሚ አላገኘችም ።

የመርከዝ ተማሪዎች ዉስጥ የሙሀመድ ሱሩርን አስመሳይነት በድፍረት ያጋለጠዉ ወንድሜ አህመድ ሙሀመድ ሳኒ ነበር ለሱ ምስክር የሆንኩት እኔ ነበርኩ ።
ከዛም የጀመዓዉ መከፋፈል አንድ መስመር ያዘ እሱም ማስረጃ አምጡ የሚል ነበር ሁሉም በዚህ ተስማማ ወንድሜ አህመድ ሙሀመድ ሳኒም ማስረጃ ይዞ ቀረበ ምስክርነት ተሰማ ( ያዉ መለስተኛ ፍርድ ቤት በሉት ) የሚስቱ አቤቱታ ፣ የመርከዝ ልጆችም ፣ በህክምና ተበደልኩ የሚሉት የከተማዉ ሰዎችም ወደ አንድ ምእራፍ ላይ ደረሱ ።

እስካሁን የሰራቸዉን ወንጀሎች አንድ ባንድ አልጠቀስኩም የዚህ ፅሁፍ አላማ አጠቃላይ ማንነቱን ማሳየትና ወደፊት በሀሩን ሚዲያ እንደ አስፈላጊነቱ ስለሚቀርብ ።

በመጨረሻም ሙሀመድ ሱሩር በወልዲያ ህዝብ እንኳን ዳዒ ሊሆን ቁርአን እንዳልቀራ ተረጋገጠ ህክምናም መርፌ ከመዉጋት የዘለለ እዉቀት እንደሌለዉም አረጋገጥን ።

ለእስልምና ብየ በሁስኒ ሙባረክ ( በጊዜዉ የግብፅ መሪ ) የነበሩትን የመግደል ሙከራ አድርገሃል ተብየ ታስሬ ነበር በሚል ከእስር ቤት ነፃ የተባልኩበት ወረቀት ብሎ ያሳየን ወረቀት የሌላ ሰዉ ስም መሆኑን ያጋለጠዉ አህመድ ሙሀመድ ሳኒ ነበር እሱም ይሀ ሌላ መጠሪያ ስሜ ነዉ ብሎ ያታለለንን አስታዉሳለሁ ።
ሚስቱ ዘይነባ የዲን ሰዉ እንዳልሆነና አጭበርባሪ መሆኑን ሁሉም ሰዉ ሲረዳ ከብዙ ስቃይና በደል ትምህርቷን አቋርጣ ከዚህ ዉርደት አድስ አበባ ሄዳ የቤት ሰራተኛ ሆና መግባቷን ሰምቻለሁ ከዛ በሗላ ያለችበትን ሁኔታ አላዉቅም ። ስለሁኔታዋ የሚያዉቅ ካለ በዉስጥ መስመር ይፃፍልኝ ።

ሚሽነሪዉ ሙሀመድ ሱሩር የወልዲያ ጊዜዉን ጨረሰ አሁን ከወልዲያ 50 ኪ.ሜ የምትርቀዉ የዉቦች ሀገር ቆቦ ከተማ በተለየ ማጭበርበሪያ ገባ የታላላቅ ሸኾችን አጠማጠም ጠምጥሞ ፉቅራነትን ተላብሶ ማምታታት ጀመረ ። የማስታዉሰዉ ወልድያ መጀመሪያ የመጣ አካባቢ እኔንና ወንድሜ ኢንጅነር ሙሀመድ ጀዉሀርን ቆቦ ከተማ ይዞን ሄዶ ነበር ለምሳ አንድ ምግብ ቤት ይዞን ገባ ።

አስተናጋጅ ፣- ምን ልታዘዝ
እኔና ወንድሜ ፣- ፓስታ መኮረኒ ( ለኛ ብርቅ ነበር )
አስተናጋጅ ፣- የፆም ነዉ የፍስግ
ሚሽነሪዉ ፣- የፍስግ አድርጊላቸዉ ( በጊዜዉ የፆምና የፍስግ አናዉቅም የተህፊዝ ቅጥቅጦች ዉጭ የማናዉቅ ነበርን ) ። ምግቡ ቀረበ መብላት እንደጀመርን ስጋዉ ሰተት ብሎ ወደ ጉሮሮ እኛም ደነገጥን ሊያረጋጋን ሞከረ አንደኛችን አስታወክን ። ከባድ ወንጀል እንተፈፀመብን ተናገርን ።

ቆቦ ለወልዲያ ቅርብ ስለነበር በወሬ ወሬ የቆቦ ሰዉ ትንሽ ጊዜ ቢጭበረበርም በጊዜ አሰናበተዉ ።

ከትንሽ ጊዜ በሓላ ኮምቦልቻ ገብቶ ተመሳሳይ ማጭበርበር እየሰራ በህክምናዉ ላይ ስህተት ሰራ በዚህም ምክኒያት ታስሮ ነበር የሚል ሰምቻለሁ ። ኮምቦልቻ ለሚሽነሪዉ ሙሀመድ ሱሩር ከወሎ ምድር የመጨረሻዉ ሆነች ከዛም ተረኛዋ አድስ አበባ ላይ የሆነዉን አሏህ ይወቅ ።

ለመሆኑ ሚሽነሪዉ ሙሀመድ ሱሩር ተልእኮዉ ምን ነበር እንደ ተባለዉ የገንዘብ ፍላጎት ወይንስ ተልእኮ ነበር የፈፀመዉ የሚለዉ ከተቻለ በሀሩን ሚዲያ ከሌሎች ወንድሞች ጋር እመለስበታለሁ ።

ሙሀመድ ሱሩር የየጁ ተወላጅ ነዉ ቤተሰቦቹን መጥቀስ አልፈለኩም ምናልባት አካባቢዉን ከማወቁ አንፃር ተመልሶ በግልፅ የሚሽነሪ ስራ ይሰራ ይሆን ? አሏሁ አዕለም ።

የቴሌግራም ቻናሌን በመቀላቀል ቤተሰብ ይሁኑ
@ https://t.me/Xuqal

«አላህ ሆይ! መንገዳችንን ምሪት ወዳለበት፣ ጓደኝነታችንን ውዴታ ወዳለበት፣ ልባችንንም ደስታ ወዳለበት አድርግልን!»

አላህ ሆይ በየቀኑ ራሣቸዉን ገምግመው ከሚታረሙት አድርገን። ከነፍሳችን ተንኮል ባንተ እንጠበቃለን።ከባህሪያችን ክፋትም አንተው ጠብቀን 🤲

የሀገራዊ ምክክር ኮሚሽን በጎንደር ከተማ እየሰጠ ባለው ስልጠና ላይ ሙስሊሞች እንዳይሳተፉ መከልከሉ ተገለፀ!
...
(ሀሩን ሚዲያ፦ግንቦት 9/2016)
…
የኢትዮጵያ ሀገራዊ ምክክር ኮሚሽን በጎንደር ክላስተር በአጀንዳ ማሰባሰብና ምክክር ላይ የሚሳተፉ የማህበረሰብ አባላትን ለመመልመል የሚያግዙ ተባባሪ አካላት ስልጠና እየሰጠ ሲሆን በጉባኤው ላይ ለመሳተፍ የመጡ ሙስሊሞችን እንዳይገቡ መከልከሉን የሀሩን ሚድያ ምንጮች ገልፀውልናል፡፡
…
የሀገራዊ ምክክር ኮሚሽን በጎንደር ከተማ እየሰጠ ባለው ስልጠና አስመልክቶ "ሀሩን ሚድያ" ጉዳዩን አስመልክቶ ስልክ ደውልን ባጣራነው መረጃ መሠረት የደቡብ ጎንደር ደብረታቦር ከተማ መጅሊስ አመራሮች ስልጠናው ላይ ለመሳተፍ ወደቦታው ቢያቀኑም ከበር እንዳይገቡ እንደተከለከሉ አንስተዋል።
...
ስልጠናውን እየሰጡ ያሉት የሀገራዊ ምክክር ኮሚሽን አመራሮች ምልመላ ያደረጉት ከክልሉ የሀይማኖት ተቋማት ጉባኤ እንደሆነ በመግለፅ የክልሉ መጅሊስ ወክሏቸው ለመሳተፍ የመጡ ሙስሊሞችን አናስገባም ማለታቸውን ለሀሩን ሚድያ ተናግረዋል።
…
በጎንደር ከተማ እየተሰጠ በሚገኘው የጎንደር ክላስተር ተባባሪ አካላት ስልጠና ከ75 ወረዳዎች የተውጣጡ ከ500 በላይ ሰልጣኞች እየተሳተፉ መሆኑ የተገለፀ ሲሆን ነገር ግን የሙስሊሙ ቁጥር አነሳ መሆኑን እና የክልሉ መጅሊስ ባላወቀው መልኩ እንደተደረገ ተገልጿል፡፡
…
ሀሩን ሚድያ ያነጋገራቸው አካላት እንደገለፁት ሙስሊሙን ያላሳተፈ ምክክር ውጤታማ አይሆንም በማለት ሀገራዊ ምክክር ኮሚሽኑ እየሄደበት ያለው መንገድ አግባብ ባለመሆኑ ሙስሊሙን እንዲያካትት ጥሪ አቅርበዋል።
…
©ሀሩን ሚድያ
የቴሌግራም ቻናሌን በመቀላቀል ቤተሰብ ይሁኑ
@ https://t.me/Xuqal

ሀገራዊ ምክክሩ ሙስሊሙን ያገለለ የተሳታፊ ልየታ እንደተደረገበት ተገለፀ!
…
(ሀሩን ሚድያ፦ግንቦት8/2016፤ አዲስ አበባ )
…
በኢትዮጲያ በመጪው ለሚካሄደው ሀገራዊ ምክክር የሙስሊሙ ቁጥር አነሳ በመሆኑ የተሳታፊዎች ልየታ  በድጋሚ እንዲካሄድ እና በሙስሊሙ በኩል የቀረቡ አጀንዳዎች በሀገራዊ ምክክሩ እንዲካተቱ  የኢትዮጲያ እስልምና ጉዳዮች ጠቅላይ ምክር ቤት ጥሪ አቀረበ።
…
ጠቅላይ ምክር ቤቱ ባቀረበው ጥያቄ የሙስሊሞች ተሳትፎ በሕዝባችን ቁጥር ልክ መሆን ያለበት በመሆኑ የተሳታፊዎችና የአወያዮች ቁጥር በዚሁ መሠረት በኮሚሽኑ "የአካታችነት መርህ መሠረት ጠ/ም/ቤቱ ያቀረበውን የሕዝበ ሙስሊሙ የምክክር እጀንዳዎች ለጉባኤው ለማሰማት፤ ለማብራራት የሚችሉ ተገቢ ቁጥር ያላቸው ሙስሊም ተወካዮች እንዲካተቱ ይቻል ዘንድ የህዝብ ጥያቄዎች ከፍተኛ እየሆነብን በመምጣቱ ሥብጥሩ በፍትሃዊነት እንደገና እንዲቃኝ ለሀገራዊ ምክክር ኮሚሽኑ የበላይ ጠባቂ ለሆኑት  ለፕሮፌሰር መስፍን አርአያ በፃፈው ደብዳቤ ጠይቋል።
…
በኢትዮጵያ የተለያዩ አገራዊ ጉዳዮች ላይ መግባባት ለመፍጠር ይችላል የተባለው የሀገራዊ ምክክር ኮሚሽን በአዋጅ ተቋቁሞ የተለያዩ ተግባራትን ሲያከናውን መቆየቱ የሚታወስ ሲሆን  ኮሚሽኑ ከትግራይ ክልል ውጪ እና ግጭት ባለባቸው የአማራ እና የኦሮሚያ ክልልች አንዳንድ አካባቢዎችን ሳያካትት በ10 ክልሎችን እና የከተማ አስተዳደሮች ለምክክሩ የሚሳተፉ አካላትን ልየታ ቢያካሂድም የሙስሊሙ ቁጥር አነስተኛ መሆኑ ተገልጿል፡፡
…
የኢትዮጵያ እስልምና ጉዳዮች ጠቅላይ ም/ቤት ተወካዮች ከሀገራዊ ምክክሩ "3"ኮሚሽነሮች ጋር  ውይይት ማድረጋቸው የተገለፀ ሲሆን በባለሙያ በተሰጠ መግለጫ ላይም  በተሳታፊና በአወያይ ደረጃ የሙስሊሞችን ተሳትፎ እንዲነገረን ብንጠይቅም ከምክክር ኮሚሽኑ ምላሽ እንዳልተሰጠ በሰጠው መግለጫ ላይ አስታውቋል፡፡
…
ሀገራዊ ምክክር ኮሚሽኑ ውሳኔውን በድጋሚ እንዲያጤነው እና
በኢትዮጲያ እስልምና ጉዳዮች ጠቅላይ ምክር ቤት አማካኝነት የቀረቡ የመስሊሙ አጃንዳዋች እንዲካተቱ እና ህዝበ ሙስሊሙም በቁጥሩ ልክ ተሳታፊ እንዲሆን ጥሪ ቀርቧል።
…
©ሀሩን ሚድያ
የቴሌግራም ቻናሌን በመቀላቀል ቤተሰብ ይሁኑ
@ https://t.me/Xuqal

ኢና ሊላህ ወኢና ኢለይሂ ራጂዑን !

ከጎንደር ከተማ ወደ መተማ ስንሄድ በማእከላዊ ጎንደር ደንቢያ ወረዳ አየንባ ቀበሌ ሸኽ ሲራጅ የመስጅዱ ኢማም መግሪብ ሰላት ሰግደዉ ሲወጡ በታጣቂዎች ተይዘዉ ከሄዱ በሃላ በአሰቃቂ ሁኔታ በጥይት ደብድበዉ ገድለዋቸዋል ።

ሸኽ ሲራጅ በዛዉ መስጅ ለረጅም አመት ደረሳዎችን እስከዛሬዋ እለት ያቀሩ የነበሩ ሲሆን መግሪብን አሰግደዉ ሲወጡ ታጣቂዎቹ እየጎተቱ የወሰዷቸዉ መሆኑና ይህን የሀገር ሽማግሌ የሁሉ አባት የሆኑት የመስጅድ ታላቁን ሸኽ ገድለዉ ጥለዋቸዉ እንደሄዱ ሰማን ።

በተፈጠረዉ ነገር በጣም እያዘንኩ ሸኻችን አሏህ ከሸሂዶች ተርታ እንዲያደርጋቸዉ እየለመንኩ ለቤተሰቦቻቸዉ መፅናናትን እመኛለሁ ።
©Abdurahman Sultan

የቴሌግራም ቻናሌን በመቀላቀል ቤተሰብ ይሁኑ
@ https://t.me/Xuqal