MAXAAD SUGAYSAA?

Ma in mucjiso dhacdo oo murugooyinkaagu qarsoomaan noloshuna noqoto mid xasilloon?

Ma in dagaaladu dhammaadaan oo soomaalidu adduunka la tartanto, ma in caqliga la isticmaalo oo dadku noqdaan kuwo ka fakaraya maxaa inoo dan ah in ka badan inta ay ka fakaraan maxaa aniga ii dan ah ?

Ma in gabadhii aad jeclayd ku tiraahdo ninkii aan guursaday waan ka shallaayay adigaa ahaa qofka igu habboon ma ahayn in aan kaa wareego?

Ma in Aabbahaa ku soo waco oo ku yiraahdo iga raalli noqo Aabbe waan kaa khaldanaa ma ahayn in aan arrimahaaga shakhsiga ah galo noloshaada go'aanadeeda adigaa xor u ah?

Ma in fursaduhu ku sugaan oo wax walba isku toosaan marka aad usoo diyaar garowdo?

Waxba ha sugin wax isbaddalaya ma jiraan kaliya waxaa isbaddalaya wixii aad adigu gacantaada ku keensato.

Goordhaw waxaa soo bixi doono Major oo ah barnaamij ay shirkada Telegramka iska leedahay oo ay ku bixin doonto stars ama xidigo xidigahaasna la isugu qiimeyn doono lacag hadaba ka faaideyso

https://t.me/major/start?startapp=698885938

Bacdan dheecanka madow ku jiro waxa laga soo dhuray Sambabada qof muddo dheer cabayay sigaarka, oo uu ku sababay Kansar waliba heerkii u dambeeyay maraya (last stage). doorashada ah inaad joojiso iyo inaad sii waddaba imikay kula gudboon tahay, inta aanay iman wakhti ay isugu kaa mid yihiin.

~Sultan Sitiin~

𝐁𝐮𝐬𝐡𝐫𝐚 𝐢𝐲𝐨 𝐁𝐢𝐥𝐚𝐚𝐥 𝐐𝐚𝐲𝐛𝐭𝐚 𝟖𝐚𝐚𝐝

Qeybtaan sheekada waxa ay ka sheekaynaysaa xiriir adag oo u dhexeeya afar qof oo kala ah Bilaal, Bushra, Burhaan, iyo Barwaaqo. Kulanka Bilaal iyo Bushra waxa uu muujinayaa dareen jacayl iyo ismoogsiis ay isku qarinayaan, halka Burhaan uu la daalaa dhacayo xanuunka jacaylka iyo sida ay wax walba gacantiisa uga baxeen. Barwaaqo waxay la nool tahay niyad-jabka xiriirka ka daalay oo ay ku qasban tahay inay runta waajahdo. Burhaan iyo Barwaaqo ayaa si lama filaan ah isku arkaya goob cunto oo ay kulan kula leeyihiin asxaabtooda, halkaas oo xog cusub lagu ogaado, taas oo Burhaan u iftiiminaysa sababta mashquulka Bushra.

Waxay sheekadu ka tarjumaysaa dareen, xanuun, iyo geeddi-socodka isku dayga in jacayl loo ilaaliyo, iyadoo qof walba naftiisa la daalayo inuu xal u helo qalbi jab iyo khiyaano aan muuqan.

Hadaba sheekada qaybtaan oo aad uga xiiso badan qaybihii hore waxaad ka aqrisan kartaa halkaan hoose ee linkga waxaana ka codsanayaa inaad LIKE saarto si meel fog u gaarto mahadsanid.

https://uukow.com/2024/11/03/bushra-iyo-bilaal-qaybta-8aad/

🦋ilintu waa hadal ku qarsoon qalbiga balsee aan afka soo mari karin🤐

Ma ogtahay haddii aad 100 qudhaanjada madow ah iyo 100 qudhaanjada cas ah aad geliso weel, in aysan waxba dhexdooda ka dhacayn oo ay heshiish kuwada joogayaan? Laakiin haddii aad si xoog ah u ruxdo weelka, qudhaanjadani waxay bilaabayaan inay is-dilaan. Qudhaanjada-casi waxa ay qudhaanjada-madow u aqoonsanaysaa inay cadaw ku tahay, halka qudhaanjada madowguna ay ta cas u qaadanayso mid cadaw ku ah. Balse cadawga dhabta ahi waa qofka ruxaya weelka. Isla sidaas oo kale ayaa in badan ku dhacda bulshada aaddamaha. Ka hor intaan midiba midkeenna kale weerarin, aynu arrimaha dhexda inoo ah sal iyo baar u baadhno inay bal yihiin kuwa ka unkamay dhexdeena, iyo inay yihiin kuwa la inoo soo waariday.

~Sultan Sitiin~

𝐁𝐮𝐬𝐡𝐫𝐚 𝐢𝐲𝐨 𝐁𝐢𝐥𝐚𝐚𝐥 𝐐𝐚𝐲𝐛𝐭𝐚 𝟗𝐚𝐚𝐝

Bushra iyo Bilaal ayaa ku jira xaalad cusub oo jacayl ah, halka Burhaan uu la tacaalayo dareenka jacaylka lumay iyo khasaaraha uu dareemayo. Barwaaqo ayaa ah qof ay Burhaan isku dayayo inuu la hadlo, si uu uga dhaadhiciyo in jacaylka u dhexeeya iyaga aan macno lahayn, halka Bushra ay go’aankeeda ku adkeysatay, oo ay u sheegtay Burhaan in ay jeceshahay Bilaal oo ay isaga xiriirka u jartay. Ugu dambeyntii, Barwaaqo waxay go’aansatay inay Bilaal ka tagto, iyada oo aan cadho muujin balse ay digniin ku siisay inuu Burhaan noqon doono ninka guusha helaya. Sheekadu waxay tilmaamaysaa sida jacaylka iyo khayaanku u saameeyaan nolosha iyo xiriirka dadka, iyo sida dadku mararka qaar ugu soo laabtaan dariiqyada ay isaga tageen.

Waa qayb kale oo aad u xiiso badan oo ku saabsan taxanaheenii halkaan hoose ka aqriso adiga oo mahadsan waxaan kaa codsanayaa inaad Like saarto si meel fog u gaarto mahadsanid.

https://uukow.com/2024/11/04/bushra-iyo-bilaal-qaybta-9aad/

Joojinta cabista sigaarku waa mid ka mid ah go'aannada ugu wanaagsan ee uu qofku u qaadan karo caafimaadkiisa. Marka uu qofku joojiyo qiijinta sigaarka, waxaa jira kabasho iyo faa'iidooyin badan oo isla markiiba u bilaabmaya qofka. Waa kuwan isbeddellada kabasho ee uu jidhka qofku maro marka uu ka soo kabanayo nicotine-ta iyo sumaha kale ee khatarta ah ee ku jirta sigaarka:

-20 Daqiiqo ka dib: Garaaca wadnahaagu wuxuu ku soo noqonayaa heer caadi ah.

-12-24 Saac ka dib: Kaarboon moonaaksaydka (Carbon monoxide), oo ah sun khatar ah ee ku jirta sigaarka, waxay ka baxaysaa dhiiggaaga, taasoo u oggolaanaysa heerarka ogsijiinta inay xasisho. Khatartii wadne xanuunka aad ugu jirtayna hoos ayay dhacaysaa.

-2 Toddobaad ilaa 3 Bilood: Shaqada sambabbada ayaa soo hagaagaya, taasoo kuu fududaynaysa neefsashada. Wareegga dhiigguna wuxuu noqona mid xasilloon.

-1 ilaa 12 Bilood: Qufaca iyo neefsashadii kugu adkayd ayaa si tartiib ah u yaraanaya, maaddaama sambabbadaadu bilaabeen inay bogsadaan.

-5 ilaa 10 Sano: Khatartii aad ugu jirtay kansarrada ku dhaca afka, dhuunta, iyo doobta ayaa hoos u dhacaya kala badh marka loo eego markii horre ee aad sigaarka cabi jirtay.

-5 ilaa 15 Sano: Khatarta istaroogga (stroke) ayaa hoos u dhacaya ila heer qof aan waligii sigaarka cabin oo kale, taasoo kor u qaadaysa nidaamka habdhiska dhiig wareegga ee jidhkaaga.

-15 Sano: Khatarta cudurrada wadnaha ku dhaca sida (Coronary heart disease) ayaad ula mid noqonaysaa sidii qof aan abid sigaarka cabin oo kale, taasoo calaamad u ah soo kabasho buuxda oo wadnahaaga ah.

Jadwalkani wuxuu ku salaysan yahay xog laga soo ururiyey daraasado caafimaad oo ku saabsan bogsashada iyo soo kabashada jirka ee dadka joojiyey cabista sigaarka. In kasta oo ay jiri karaan kala duwanaansho yar oo qof waliba si gaar ah u leeyahay, xogtan waxay si guud u metelaysaa isbeddelka wanaagsan ee ay helaan inta badan dadka sigaarka iska daaya.

~Sultan Sitiin~

Dhulalkii Ilbaxnimada Ee Mesopotamia, Dooxada Indus iyo Boqortooyadii Rooma.

𝟏. 𝐌𝐞𝐬𝐨𝐩𝐨𝐭𝐚𝐦𝐢𝐚 --- 𝐈𝐫𝐚𝐪
Mesopotamia, oo loo yaqaanay "Cradle Civilization," waxay ku taalay dhulkii u dhexeeyay webiyada Tigris iyo Euphrates, oo hadda ah dalka Ciraaq. Waxay hoy u ahayd qaar ka mid ah xaddaaradihii ugu horreeyay ee bini’aadamka, sida Sumerians, Akkadians, Babylonians iyo Assyrians. Gobolkani wuxuu ahaa mid lagu yaqaanay horumarinta qoraalka, magaaleynta, iyo bulshooyin isku dhaf ah. Waqti ka dib, dhulkani wuxuu ka mid noqday boqortooyin kale sida Boqortooyadii Persia. Magaca "Ciraaq" wuxuu soo bilaabmay in la isticmaalo qarnigii 6aad intii lagu jiray Boqortooyadii Sassanid, waxaana loo aqoonsaday magac rasmiga ah ka dib markii ay burburtay Boqortooyadii Cusmaaniyiinta ee qarnigii 20aad.

𝟐. 𝐈𝐧𝐝𝐮𝐬 𝐕𝐚𝐥𝐥𝐞𝐲 --- 𝐏𝐚𝐤𝐢𝐬𝐭𝐚𝐧.
Ilbaxnimadii Dooxada Indus waxay ahayd mid ka mid ah dhaqamadii iyo magaalooyinkii ugu horreeyay ee adduunka, waxayna jirtay qiyaastii intii u dhaxaysay 2600-1900 BCE, halkaas oo hadda ah Pakistan iyo waqooyi-galbeed Hindiya. Magaalooyinkoodii waaweynaa sida Mohenjo-Daro iyo Harappa waxay caan ku ahaayeen qoraalka, dhismaha, iyo ururro bulsho oo ka jiray. Markii ay hoos u dhacday ilbaxnimadii Dooxada Indus, gobolka waxaa soo maray boqortooyin iyo duulaanno kala duwan, oo ay ku jiraan Boqortooyadii Maurya iyo Gupta. Sannadkii 1947, ka dib markii uu dhammaaday xukunkii Ingiriiska ee Hindiya, goobtani wxay u noqotay dawladda madaxa bannaan ee Pakistan.

𝟑. 𝐈𝐦𝐛𝐢𝐫𝐚𝐝𝐨𝐨𝐫𝐢𝐲𝐚𝐝𝐢𝐢 𝐑𝐨𝐨𝐦𝐚𝐧𝐢𝐲𝐚 --- 𝐈𝐭𝐚𝐥𝐢𝐲𝐚.
Boqortooyadii Rooma oo xilligii ay ugu xoogga badnayd ahayd sannadkii 117 AD, taas oo ku fiday qaybo badan oo ka mid ah Yurub, Waqooyiga Afrika, iyo Bariga Dhexe. Waxay ahayd mid ka midda boqortooyadii ugu awoodda badnayd ee taariikhda soo mara. Magaalada Rooma waxay ahayd wadnaha boqortooyadan, taas oo ka tagtay dhaxal waara oo ah dhinaca qaannuunka, dowladnimada, dhismaha, iyo luuqaddahaba. Ka dib markii ay burburtay Boqortooyadii Rooma ee galbeed sannadkii 476 AD, ilbaxnimadan ayaa u kala go'day boqortooyooyin iyo dawladdo yar-yar oo kala duwan. Qarankan casriga ah ee Talyaaniga ayaa tirsada dhaqan fog iyo ilbaxnimo qadiimi ah, oo si qoto dheer ula xidhiidha Roomaanka.

~Turjumid.
~Sultan Sitiin~

Sufyaan Al-thawri waxa uu ahaa imaaam aad loogu yaqaanay suhdiga, waxa uuna kamid ahaa culimada muslimiinta kuwii ugu waaweynaa dhan walba, waxaa lagu magacaabi jiray amiirka mu’miniinta ee cilmiga xadiiska sida uu xadiiska u xifdiyay una ilaalin jiray darteed, sidoo kale waxa uu kamid ahaa culimada cibaadada badan, habeenkii oo dhan ayuu Alle u istaagi jiray, arday kamid ah ardaydiisa ayaa waxa uu yiri:

Waxa aan arkay sufyaan oo xaramka joogo salaadda maqrib siduu u sujuuday lagu adimay salaada cishaha, laakiin sidaas ay tahay waxa uu ahaa nin uu Alle hanti badan siiyay, nin ayaa isku dayay in uu ku ceebeeyo hantidiisa badan markaas ayuu yiri: side suhdi iyo hantidaan badan u kulmaayaan?

Waxa uu yiri Sufyaan: aamus.! hantida haddii aysan ahaan laheyn, Boqorrada waxa ay aqoonyahaannada ka dhigan lahaayeen istiraasho, kadibne waxa uu yiri: suhdigu ma’ahan cunto qalalan in la cuno ama dhar duluf ah in lagu labisto laakiin suhdiga waa in aad adduunyada gacantaada ku heyso oo aysan qalbigaaga u gudbin, oo aadna u aabbayeelin in aad hesho ama in aad weydo.
Cumar Binu Khaddaab rc ayaa markii uu arkay nin masaajidka iska fadhiyo oo cibaado u go’ay meelna aan aadeynin, dadka ayuu weydiiyay xaaladdiisa waxaana loo sheegay in uu yahay saahid cibaadada u go’ay, waxa uu yiri: yaa wax siiyo?, waxaa ay dhaheen dadkii: annaga ayaa wax iskugu dardarno, waxa uu yiri -Cumar: adinka ayaa ka cibaado badan asaga.
Nin saahid iska dhigaayay ayaa waxa uu damcay in uu ceebeeyo imaamka lagu magacaabo Abuu Al-Xasan Al-Shaadili oo dhar qaali ah ku tukanaayay salaadda, si la yaab leh ayuu u yiri: oo dharkaan miyaa Alle lagu caabudaa?!
Abuu Al-Xasan waxa uu ugu jawaabay: dharkaan aan wato waxa ay cadeynaayaan dadka in aan ka kaaftoomay, balse adiga dharka aad wadato waxa ay tilmaamaayan in aad wali dadka u baahan tahay!

Waa sidaas suhdigu waa mid kamid ah acmaasha qalbiga, waa cibaado u gaar ah, waxba kama galin xaaladaadda iyo jirkaaga sida uu yahay, waxaa laga yaabaa adiga oo waxwalba heysto in aad Alle agtiisa saahid ka tahay waayoo qalbigaaga ayaa rabbiga abuurtay ku xiran, sidoo kale waxaa macquul ah adiga oo aan waxba heysan in aad Alle agtiisa ka tahay qof aan la mahdinin, waayoo qalbigaaga ayaa rabbigiis u careysan, suhdiga ma’ahan in aadan waxba heysan, balse suhdigu waa in aysan adiga waxba ku heysanin!
Sidaas darteed ayaa ay dadkii wanaagsan ugu duceysan jireen: ilaahoow adduunyada innaga dhowr oo inagaga filnaaw
Sheekooyinkooda miyaadan maqlin… kaalay aan kaaga sheekeeyee!

Iyagu waa hantiileyaasha jannada!!
Buugga Sahay
Tarjume: Muhammad Bin Farah
Ka dalbo maktabadda Bayaan Books

Maal qabeen Isidor Straus iyo xaaskiisa Inda istraus waxay ku halaag sameen dhacdadii marakabkii qarqoomay ee titanic lakiin xaaska maal qabeen kan ayaa samaysay dhacdo ilaa hada Samayn ku leh qalbiyada dadka Aaminsan jacaylka iyo xidhiidh dhex mara qalbiyada

Markii uu qarqoomay markabka titanic doomaha dadka bad baadiya oo tiro yaraa awgeed waxa la go,aan saday in dumarka iyo caruurta la horumariyo Ragana Nasiibkoda sugaan kadib shaqalaha bad baadada ayaa usheegay Marwo Inda Straus inay fursad ka heshay doomaha bad baadinta ayna soo fuusho markaasay eegtay Ninkeedii Isidor istraus kadib

Waxayna iska diiday fursadii bad baadada waxanay go,aan satay inay garabkiisa ahaato ninkeeda Waxana ay tidhi eray si wayn u caanbaxay oo ahaa

( meeshii aad tagayso ayaan aniguna tagaya Halkii aad ku dambayso ayaan ana ku dambaynaya 😭)

Labadoodaba shilkaas ayay ku naf wayeen Dhacdadan ayaa dad badan ku qeexen inay Muujinayso daacadnimada iyo jacaylka ay gabdhu u qaadi karto ninkeeda in ay gaari karto inay nafteeda u hurto

9-Qodob Oo Kugu Khasbaya In Akhrinta Buugtu Ka Mid Ahaadaan Noloshaada.

1. Iba furka Waddo Aqooneed: Buugaagtu waxay bixiyaan aqoon ballaadhan oo ku saabsan mowduucyo kala duwan. Waxaad si qoto dheer ugu baran kartaa taariikhda, sayniska, falsafadda, ama hiwaayado kale oocusub.

2. Eray bixintaada Oo Korodha: Akhrinta joogtada ahi waxay kaa saacidaysaa ereyo badan oo cusub, taasoo hagaajinaysa fahamkaaga iyo xirfadahaaga isgaadhsiineed.

3. Xusuustaada oo Xoogaysata: Daraasado badan ayaa muujinaya in akhrinta buugtu ay xoojin karto xusuustaada iyo shaqada maskaxdaadaba, taas oo kaa caawinaysa inaad maskax ahaan firfircoonaato.

4. Yareynta Walbahaarka: Buug wanaagsan oo aad ku nasato ayaa kaa caawin kartaa in maskaxdaadu ka nasato oo aad joojiso walwalka maalinlaha ah.

5. Hal-abuurnimadaada oo Korodha: Akhrintu waxay maskaxdaada soo galinaysaa fikrado cusub oo dhallin kara hal-abuur iyo xalinta dhibaatooyinka kugu hareeraysnaa.

6. Xirfadaada Qoraal oo Fiicnaata: la falgalka qoraal wanaagsani wuxuu kaa caawinayaa in qaab qoraalkaagu uu fiicnaado.

7. Hurdadaada oo Fiicnaata: Buug akhrintu intaanad seexan waxay kaa caawin kartaa inaad si fiican u nasato, taas oo hagaajinaysa tayada hurdadaada.

8. Xirfaddaada Falanqaynta oo Korodha: Akhrinta sheekooyinka xiisaha leh waxay kaa caawin karaan inaad falanqayso iyo inaad faahfaahin ka bixin karto fikradaha ka dhalan kara shayga aad akhriday.

9. Maskaxdaada oo aanu gabowgu ku soo deg-degin: Akhrinta joogtada ahi waxay kaa caawinaysaa in ay maskaxdaadu caafimaad qabto oo ay firfircoonaato, taasoo yareyn karta astaamaha cudurada la xidhiidha maskaxda, ee yimaada marka la waynaado.

Akhrinta buugta ku dar nolol maalmeedkaaga si aad u hesho faa’iidooyinkan cajiibka ah! 📖✨


~Turjumid.
Sultan Sitiin.

Qof asiga oo aan xummaan ku dareemin sidee lo dhihi karaa is caateey😂

"Nololeey maxaad sidan oo dhan iigu adag tahay?" ayaa uu waydiiyey?

Iyada oo dhoolacadayn digasho u eeggi ka muuqato, ayaa ay ku tidhi:- "Ma ogtahay in aaddanuhu waxa uu sida fudud ku helo aanu ka mahadnaqin".

Horumarka Beeraha iyo Koboca Dhaqaalaha ee Waddanka Tansaaniya 2023

Tansaaniya waxa ay sannadkii 2023-kii ku guulleysatay horumar la taaban karo oo dhanka beeraha ah, waxayna gaadhay isku filnaansho dhan 128% oo dhanka cuntada ah, taas oo ka caawisay inay wax-soosaarkii dheeraadka ahaa u dhoofiso dalalka deriska la ah. Dhoofinta wax-soosaarka beeraha ee Tansaaniya ayaa gaadhay qiime dhan $2.3 bilyan, taas oo ka dhigan 9.5% korodh ah marka loo eego 2022-kii. Kaalinta Tansaaniya ee dhinaca dhoofinta wax-soosaarka beeraha ayaa ah mid sareysa, iyada oo dalkani uu kaalinta 8-aad kaga jiro Afrika marka la eego qiimaha dhoofinta dalagga beeraha.

Dhoofinta ugu weyn ee wax-soosaarka beeraha Tansaaniya waxay ka kooban yihiin lawska (cashew nuts) iyo bariiska, iyada oo suuqyada ugu weyn ee loo dhoofiyo dalagyadani ay ku jiraan dalalka India, Netherlands, iyo UK. Tani waxay dalka siisay faa'iido ganacsi oo lagu qiyaasay $1.2 bilyan, taas oo Tansaaniya ka dhigtay dalka saddexaad ee Afrika ugu faa'idada badan dhinaca ganacsiga beeraha, kaliya dalalka South Afrika iyo Ivory Coast ayaa ka horreeya. Faa’iidadan ayaa sidoo kale timid iyadoo baahida wax-soo-dejinta Tansaaniya ay tahay mid aad u hoosaysa, qamadiga ayaana ah badeecadda ugu weyn ee dalka laga soo dejiyo.

Horumarkan la taaban karo ee waddankani ku tallaabsaday waxaa taageeray oo ka dambeeya dadaalka dowladda, ee ku aaddan dhinaca wax-soosaarka dalka, iyada oo ujeedadu ahayd sidii kor loogu qaadi lahaa ganacsiga iyo nolosha beeraleyda. Taageeradaas ayaa sidoo kale qayb ka qaadatay in dalka laga hirgeliyo shaqo abuur loogu talagalay dhalinyarada iyo haweenka, taas oo kor u qaaday heerka nolosha bulshada iyo kobcinta dhaqaalaha ee dalka.

~Sultan Sitiin

𝐁𝐮𝐬𝐡𝐫𝐚 𝐢𝐲𝐨 𝐁𝐢𝐥𝐚𝐚𝐥 𝐐𝐚𝐲𝐛𝐭𝐚 𝟏𝟎𝐚𝐚𝐝

Sheekadani waxay soo bandhigeysaa burburka jacaylka iyo saameynta aargudashada. Bushra ayaa la baxday Bilaal si ay uga aarsato Burhaan, laakiin ugu dambeyn waxay xaqiiqsatay in Bilaal uusan ahayn qofka ay rajeyneysay. Markii Burhaan arkay jacaylka dhabta ah ee Barwaaqo, wuxuu si lama filaan ah go’aansaday inuu guursado iyada. Bushra waxay ku noqatay mid qalbi jab ah markii ay ogaatay Burhaan inuu guursaday Barwaaqo, iyadoo ku jaha wareertay dareenkeeda aargoosi iyo murugo. Markii dambe, nolosha Bilaal iyo Bushra waxay ka madowday jacayl la’aan iyo xiiso-beel, maadaama ay ku dhaqmeen waddadii khaladka iyo jacaylka been abuurka ah.

Waa sheekadii taxanaha ahayd ee noo socotay sheekada qaybtan oo ah qaybtii u dambaysay waa qaybta ugu xiisaha badan waxayna guud ahaan soo af jareysaa sheekadii taxanaha ahayd ee noo socotay. ayada oo faahfaahsan halkaan hoose ka aqriso mahadsanid.

https://uukow.com/2024/11/11/bushra-iyo-bilaal-qaybta-10aad/

"Haddii aysan Jirin fadliga Illaahay iyo naxariistiisu waxaad raaci lahaydeen Shaydaanka in yar mooyee"❤️❤️

~Sultan Sitiin

"Maahmaahyo xamari ah"

1-Jinni iyo jinkaaga jidka ay kaa dhumiyaan

2-Been haddii sheegasid been dacas qabto aa la sheegaa

3- I jiid iyo aan ku jiido aan isjiidno lee ma'ahinoo

4-Balaayo ku haysato aboow aboow ma kaaga harto!

5-Cimrigaagoo weynaado caqligaadaas caawihaa!

6-Lax waa qufacdaa balse xaako ma tufto

7-Haddii guuleheey kudaayo gugaagaa garuun kuu wata

8-Nimaan jiifka kuxaarin jira maheyso

9-Nin daad qaadi waa ku daayay

10-Musbax minankaa ubaahan minan dadow laguma daaro

11-Yaanyo bushbushtay(baqbaqday) waqtigeedaa dhamaaday.

12-Ninkii Waaw Dhaho Asaa laga war Sugaaa

13-Sac madoow caanihiisa wixii cadeeyay cibaaro lee maahinoo

14-Nin aad xantiisa u jeedid Dagaalkiisa maxaa ku falee

15-Deeq isii kii kugu kurbeeyo dayn aa la siiyaa

16- Aduunyo Baabahaa Ha Ku Jillciyo Adne Ku Joog joogso

17-Banaan dheer marow Maradiis Geed Ma qabsato

18-Xaaraan xushmeeye xabaal ma xasuusto

19-Mindi Daab lahayn Madax Dooro Magooyso

20-Yuumbi oo joogo yaxaas hadii yimaad aw-yuumbi maxaa u yaal