اثارِي مِن اشتكيلك چنت اسَليك
واسولف مُوتِي گدام الكتلنِي .

مِنو بگدي فِتح صفحَه جَديدة
ومِنو تندم الحد مَا خلصت ايده..

خِلصت صَلاحيتك بعَد
مَا أشوف أبد ترهَملي
أهتملي وانت منشغل
مو تفرغ وتهتملي ..

عيش وحدك كلها منتظره الرحيل
وكلها تصعد لو يناسبها القطار

اقرر نبتعد ترجع ترد وياي
معيشني بقلق چنك مرض معدي

أِعرفك مَا تـرد بس ما طبگت الباب
مثل ميت عِـزيزه يعُود ينتظره .

مِثل ضلك چنت بالخطوه نمشي اثنين
وَمشيت أنتَ بظلام وَضيعت ضلك .

ما تنكر فضل وما ننسى خذلان
وشم ب كلوبنه تبقى المواقف؟

سّبحَة مگَطعة
ما تَعجب الشّراي
لَميتَك بـ إيديه
و صَعدت سوگَك

ما لاگي اليفهموني
عشت م​بهم
وَرد ذبلان يم عاگول
لا ينسگي ولا ينشم!

بَعد ذاك الموَادع گلبي بي غَصة
أريد أعرف الليل ويَامن تخَلصة

مليت عيني ولك لو
عين صابتنه ؟
للموت كتلي سوه
وعدلين وتغيرت
همزين مامتنه .!

خلص ذاك التعلق
وانتهى الشوگ
دونك مامتت
هذا اني وحدي
تكبر ،تعلـه،تغله،
تصير أحوال
هم تبقى فلس
عندي متسوه

أبد ماجاي أسيطر من احس مشتاگ
وأكبر غلطه من إشتاگ للغلطه•

ليّش ما مَليت منهُم ؟
وليّش ما مَات الحنيّن
شِعاجبك باقَي بدربهُم
عاجبك هَذا الونيّن ؟
عِيش يا گلبي مثلهُم
هُم طيّن وإنت طيّن.

چنت وياك صدكي بكل الحچايات
وچنت وياي حتى بدمعك تچذب .

انه مو بارد مشاعر انه ضليت
احترك حد ماطفيت .

الشص بـ لهاتي
وشايغ من العض
ويگلي الشفيه
المنتجي المرتاح
تتعوض !؟

علئ طاري المواقف
خلي
اسولفلك
حايط بيتكك
مو مثلي واكفلك