سمعنا ... و إقتنعنا 😎

أكيد أول حاجة حتيجى فى دماغك هى 👈🏻 إن أنا كان قصدى أكتب ( سمعنا و أطعنا )

ﻻ .. فى الحقيقة أنا المرة دى عاوزة أتكلم فى موضوع معين 👌🏻يخص بعض الناس اللى أهم حاجة عندهم إنهم يقتنعوا الأول علشان ينفذوا أى أمر من أوامر ربنا ◀️

فيه ناس عندهم مش كفاية إنك تقوللهم إن الآية أو الحديث ده بيقول كذا ⛔️ ﻻ المهم إنك بعدها تقنعيهم بقى ليه ربنا أمرنا بالحاجة دى .. لإنهم لو مقتنعوش مش حيطيعوا

و موضوع الإقتناع ده نفسه درجات و أشكال 📶 علشان كدة أنا عاوزة أتكلم فيه و أعرضه و نقول آراء العلماء فيه

أول حاجة مشهورة و متكررة هى :

1⃣ عدم الإقتناع بالمعلومات الدينية الجديدة الغير مستساغة بالنسبة لنا حتى لو ثبت صحتها

بسبب إن المعلومات الدينية عند أغلبنا بسيطة 👈🏻 فساعات ممكن تظهر مسائل دينية جديدة مكناش نعرفها ✋🏻 ناخد مثال :

إن مثلا واحدة و صاحبتها بيتكلموا فجت سيرة عالم مشهور ميت من غير المسلمين 👈🏻 فهى لقت صاحبتها بتقول عليه : " الله يرحمه " راحت قالت لها : على فكرة حرام تدعى لحد ميت كافر أو تقولى عليه " الله يرحمه " لإن ربنا نهانا عن كدة ⛔️

اللى حصل إن التانية دى بدأت تستغرب و تكشر 😟 و تقول لصاحبتها : إيه الحرام فى كدة❗️ ده الميت ميجوزش عليه إلا الرحمة

تقولها ﻻ ده حرام و الدليل من القرآن كذا و من السنة كذا 🔸🔹 باردو تﻻقيها تقول طب إزاى يعنى❗️ طب ده عمل كمية أعمال خير و نفع ناس كتير ⁉️ و بعدين ده إحنا بندعى لربنا هو إحنا بنعمل حاجة غلط 😒

طب هو كان المفروض فى المثال ده إيه الصح إنه يتعمل❗️

هل أى حد يقولنا معلومة غريبة علينا فى الدين نصدقها لمجرد إننا معندناش علم كافى❗️

طب هل أنحى عقلى جانبا و ﻻ المفروض أفكر فى كل كلمة بتتقالى سواء فى الدين أو غير الدين❗️

طب هل يجوز إنى أقول مش مقتنعة على أمر من أمور الدين الصحيحة الثابتة❗️

يتبع إن شاء الله 🔜

#مفاهيم 🕯
#سمعنا_و_أطعنا 1⃣

https://t.me/ew3ey 🎯

#قصص_الأنبياء(٢)
#السيرة_النبوية
#الحلقة_مائة_وثلاثة_وخمسون
#أحداث_السنة_الثامنة_من_الهجرة
#التجهيز_لمعركة_مؤتة

اتكلمنا المرة إللي فاتت عن الأحداث إللي حصلت بين المسلمين وبين قبائل شمال شبه الجزيرة العربية،
وقلنا إن رسول الله ﷺ بيواجه مشكلتين لازم ياخد منهم موقف حاسم، الأولى: هي مشكلة قبيلة قُضاعة إللي قتلت أربعة عشرة رجل من المسلمين، والثانية: مشكلة القبائل النصرانية المتحالفة مع الدولة الرومانية،
رسول الله ﷺ شاف إنه يعالج واحدة ورا التانية وميواجهش الاتنين مع بعض،
لأن مش صح إن رسول الله ﷺ يفتح على نفسه جبهتين للقتال مع قبائل قوية كده وكمان القبائل التانية مسنودة من الدولة الرومانية،
وخصوصا إن دولة الإسلام أه بقت قوية دلوقتي، لكن لسه في البداية برده، مينفعش نفتح جبهات كتير للقتال👌
فاختار رسول الله ﷺ إنه الأول يواجه مشكلة القبائل العربية المُتنصّرة المتحالفة مع الدولة الرومانية في الشَّمال،
لأن المناطق دي خطيرة جدا وأعداد القبائل هناك كبيرة ومن المُتوقع إن الدولة الرومانية ممكن تساعد القبائل دي،
ورسول الله ﷺ كان من عادته إن هو إللي يبدأ بالهجوم عشان عنصر المفاجأة له عامل كبير في النصر،
ده غير إنهم لما يخرجوا لهم عشان يقاتلوهم أفضل من إنهم ييجوا ويحاصروا المدينة، واحنا مش عايزين موقف الأخزاب يتكرر تاني 👌
وكمان في الموقف إللي احنا فيه ده القبائل دي مش هتبقى متوقعة إن رسول الله ﷺ يهجم عليهم لأنهم قبائل قوية ومعاهم الدولة الرومانية بتساعدهم،
فكده فكده مش هيلحقوا يجمعوا أعداد كبيرة أوي يعني، طبعا كل ده من خلال تحليل الأمور على الأرض الواقع ساعتها،
ورسول الله ﷺ عارف كويس قوة القبائل العربية دي وعارف قوة الدولة الرومانية، عشان كده كان حريص جدا على تكوين جيش قوي يقدر يقوم بالمهمة دي على أكمل وجه👌
عمل إيه بقى رسول الله ﷺ عشان يقدر يكوّن الجيش القوي ده🤔

◇أولاً: العدد
كوّن رسول الله ﷺ أكبر جيش إسلامي خرج من المدينة لحد اللحظة دي، وكان عدد الجيش ثلاثة آلاف مقاتل وهو أكبر رقم يخرج للحرب في التاريخ الإسلامي لحد اللحظة دي.
◇ثانياً: اختيار القائد
خلى قائد الجيش ده الصحابي زيد بن حارثة رضي الله عنه، ولو تفتكروا، زيد بن حارثة كان قعد زي فترة تدريبية كده في السنة السادسة من الهجرة كان رسول الله ﷺ أخرجه
في ست سرايا ورا بعض وكان هو قائد السرايا دي،
ومننساش إن زيد بن حارسة كان قائد سرية 《حَسمى》 لقبيلة جُزام يعني هو كان عارف المنطقة أصلا وجاء فيها قبل كده👌
ورسول الله ﷺ مجعلش قائد واحد للسرية دي، جعل لها ثلاثة قادة ، يعني الأول زيد بن حارثة، وقال ﷺ لو قُتل زيد يتولى القيادة جعفر بن أبي طالب،
ولو قُتل جعفر يتولى القيادة عبد الله بن رواحة، ودي المرة الأولى والوحيدة إللي ولّى فيها رسول الله ﷺ ثلاثة أمراء على جيش واحد،
ولعل تولية الأمراء الثلاثة كان بوحي من الله،
بس بصفة عامة كان واضح إن رسول الله ﷺ يتوقع حرب شديدة بين المسلمين وبين الجيش إللي هيقابلهم في الشمال👌
◇ثالثاً: إشراك خالد بن الوليد في الجيش.
خالد بن الوليد قائد عبقري وكان قائد فرسان قريش، وعمره ما دخل معركة وانهزم سواء قبل إسلامه أو بعده،
فلأن المعركة دي مش سهلة وهتبقى معركة شديدة أخرجه رسول الله ﷺ مع الجيش.

☆ممكن ح يسأل يقول، طيب لما خالد بالقوة العسكرية دي ليه رسول الله ﷺ مخلهوش هو قائد الجيش🤔

خالد أسلم في شهر صفر، والجيش خرج في شهر جمادى الأولى، يعني خالد عمره في الإسلام ثلاثة أشهر فقط،
وبالتالي هو ميعرفش جنود المسلمين وميعرفش طاقتهم إيه، ودي أول معركة له معاهم والمعركة دي مش سهلة،
فكان لازم القائد يكون عنده خلفية إزاي يقاتل مع المسلمين وطريقة قتالهم إزاي وإيه هي قوانينهم،
ده غير إن خالد كان بقاله عشرين سنة بيقاتل في صفوف المشركين، فكان لازم يكون قائد الجيش له تاريخ مأمون مع المسلمين عشان يثقوا فيه وفي قراراته،
والثلاثة أمراء إللي اختارهم رسول الله ﷺ كلهم من السابقين الأولين للإسلام ولهم خبرة في القتال وكل المسلمين عارفينهم وعارفين فضلهم،
فكان القرار الأمثل إن رسول الله ﷺ يُشرك خالد في القتال عشان يستفيد من خبراته القتالية من غير ما يكون هو القائد👌
تجهز جيش المسلمين للخروج لمدينة مَعَان في الأردن،
ومع إن مهمتهم صعبة وهيقاتلوا عدو قوي وهيمشوا أكثر من ألف كيلو في صحراء والجو كان حر لأن خروجهم كان في شهر أغسطس إلا إن الجيش كانت معنوياته عالية👌
وعلى فكرة سفر ألف كيلو في الصحراء ده مش حاجة سهلة إطلاقا😬
تخيلوا دلوقتي في عصرنا سفر ألف كيلو بعربية في طريق سهل ومتسفلت بيحتاج حوالي من عشر ساعات لاثنا عشر ساعة للوصول،
والسفر بيكون مرهق جدا أنا نفسي جربته، مع إني كنت في عربية مكيفة وقاعدة مرتاحة،
فلكم أن تتخيلوا بقى دول هيمشوا في الصحراء في الحر ده من غير تكييف ولا مراوح وراكبين على جمال وخيول😶
أنا بصراحة مش قادة أتصور كمية المشقة والتعب إللي كانوا فيها عشان يوصلوا للمكان ده😓

وياريتهم مثلا هيوصلوا ويريحوا، لأ ده هيوصلوا ويحاربوا بالسيوف والرماح ويِجروا وهيبذلوا مجهود شديد جدا، وكل ده للدفاع عن الإسلام وعن دولة الإسلام في المدينة،
وبعد كل ده يطلع لنا واحد يقول وهم الصحابة دول عملوا إيه يعني ويقعد يشتم فيهم ويقلل من شأنهم ومن مجهودهم😑
المهم،
الجيش الخارج ده له مهمتين:
◇المهمة الأولى:
دعوة قبائل شمال شبه الجزيرة العربية للإسلام، فالهدف الرئيسي من كل الغزوات والسرايا هي نشر الإسلام،
ييجي بعدها بقى التأديب والدفاع عن دولة الإسلام أو الاقتصاص للصحابة إللي قُتلوا غدرا في معركة من المعارك،
لكن الأصل هو الدعوة للإسلام.
◇المهمة الثانية:
قتال شُرحبيل بن عمرو الغساني وإللي عاونوه؛ لأنهم قتلوا رسول رسول الله ﷺ الحارث بن عمير رضي الله عنه زي ماقلنا.
خرج رسول الله ﷺ بنفسه لثنية الوداع عشان يودع الجيش، وكان من عادة رسول الله ﷺ إنه يُوصي قائد الجيش إللي خارج لأي سرية بتقوى الله في نفسه وفي أصحابه إللي معاه ويوصيهم إنهم لا يقتلوا شيخ كبير في السن لو كان منعزل عن القتال،
ولا يقتلوا طفل ولا امرأة مُسالمة لا تقاتل، ولا يقطعوا الشجر، ولو قتلوا المقاتلين لا يُمثلوا بجثثهم، يعني بعد ما يموتوا ميقطعوش أي حاجة من أجسادهم،
زي ما المشركين عملوا كده في شهداء أحد بعد المعركة، وقال لهم يجمعوا الغنائم ومحدش يَغُل منها حاجة يعني محدش ياخد حاجة من الغنائم ولا يخبيها قبل ما تتوزع👌
الوصايا دي رسول الله ﷺ كان دايما يوصيها لأي قائد يخرج في سرية من السرايا،
مع إن الحرب معروف فيها قتل الكبير والصغير والحرق والهدم، لكن الإسلام منع الكلام ده،
الحرب كانت بتبقى بين الجيوش فقط مكنوش بيقتلوا أي حد ملوش علاقة بالقتال، وبالأخلاق دي الملسمين مَلكوا قلوب الناس،
لأن الناس كانوا بيشوفوا نموذج من المقاتلين مشفهوش قبل كده👌
انتم عارفين السبايا من النساء لما كان مثلا حد من قومهم ييجي يفديهم عشان يرجعهم لقومهم، وكان رسول الله ﷺ يسألهم ترجعوا لقومكم ولا تفضلوا مع المسلمين؟
كانوا يرفضوا الرجوع لقومهم وكل واحدة تختار إنها تفضل مع سيدها😮
فرسول الله ﷺ والصحابة ملكوا قلوب الناس بحُسن الخلق،
والتمكين في القلوب ييجي بعده التمكين في الأرض،
يعني إللي عايز يدعي الناس والناس تستجيب له لازم يملك قلوبهم الأول، يعني يخليهم يحبوه👌
وأقرب طريق لكسب قلوب الناس هو حسن الخُلق معاهم، وحسن الخلق يعني الواحد يتحمل أذاهم ويساعدهم ويخفف عنهم ويعاملهم معاملة حسنة من غير ما يستنى منهم أي مقابل،
ومهما الواحد تعرّض للأذى منهم يُقابل الأذى ده بإحسان ومعاملة طيبة ،زي ما كان رسول الله ﷺ بيعمل بالضبط👌

يعني مرة رسول الله ﷺ كان ماشي في المدينة مع أنس بن مالك وكان رسول الله ﷺ لابس رداء غليظ،
فجاءه واحد من الأعراب وشده من رداءه بقوة لدرجة إن ردائه أثّر في رقبته، يعني من قوة الشدة رقبة رسول الله ﷺ احمرت،
فالأعرابي شد رسول الله ﷺ وقال له:
" يا محمَّد! مُرْ لي مِن مال الله الذي عندك"
يعني هو جاي يطلب صدقة، فبيقول لرسول الله ﷺ إن المال إللي هتدهولي ده مش مالك ده بتاع ربنا يعني انتي مش بتتفضل عليّ بحاجة،
تخيلوا كده لو حد فينا حصل معاه الموقف ده، حد شدنا في الشارع وطلب صدقة بالأسلوب ده، يا ترى هيكون رد فعلنا إيه؟!
أقل شيء خالص إننا هنتضايق من أسلوب الطلب 🤷‍♂️
لكن رسول الله ﷺ كان رد فعله مختلف تماما👌
رسول الله ﷺ التفت للأعرابي وضحك له وأمر له بعطاء، كده بكل بساطة من غير عتاب ولا زعل ولا حتى ظهر على وجهه ﷺ أي علامة من علامات الغضب😮
عشان كده رسول الله ﷺ كان بيأسر قلب أي حد يتعامل معاه، ولأن هو القدوة فمحتاجين نتعلم ده منه ﷺ😊
المهم،
الجيش تجهز ورسول الله ﷺ أوصى القائد بالوصايا وخلاص خارجين، وفجأة القائد الثالث للجيش عبد الله بن رواحة بدأ يبكي بكاء شديد😳
فالناس فكروا إنه بيبكي عشان خايف من الموت، فسألوه:
ما يُبكِيك يا ابن رواحة؟🤨
فقال لهم:
"والله ما بي حبُّ الدنيا ولا صَبابَةً بكم، ولكني سمعت رسول الله ﷺ يقرأ آية من كتاب الله يذكر فيها النار"
يعني بيقول لهم أنا مش خايف من الموت، ولا خايف من البعد عنكم، لكن أنا خايف إن يكون مصيري النار،
يقول عبد الله بن بن رواحة : ولكني سمعت سمع رسول الله ﷺ يقرأ قول الله عز وجل:
"وَإِنْ مِنْكُمْ إِلَّا وَارِدُهَا كَانَ عَلَى رَبِّكَ حَتْمًا مَقْضِيًّا"

☆خلونا نعرف معنى الآية عشان نفهم ليه عبد الله بن رواحة كان خايف👌
الآية معناها إن كل من ينتسب للإسلام هيعدي على النار، طبعا المشركين والكفار هيكونوا في النار أصلا مش محتاجين يعدوا على النار،
لكن كل واحد ينتسب للإسلام هيعدي على الصراط إللي هيكون فوق جهنم حتى الأنبياء والرسل هيعدوا من على الصراط ده،
ففي إللي هيعدي على الصراط كلمح البصر، وفي إللي هيعدي بسرعة البرق وفي إللي هيعدي زي الريح وفي إللي هيجري بيه عمله زي إللي راكب على حصان سريع،
وفي بقى إللي هيقع في النار لشدة وكثرة معاصيه، فكلنا كده بلا

استثناء هنعدي على النار،
أهل الإيمان والتقوى هيعدوا عليها من غير ما تؤذيهم ولا تضرهم، وربنا هيننجيهم منها، زي ما قال في الآية إللي بعدها:
"ثُمَّ نُنَجِّي الَّذِينَ اتَّقَوا وَّنَذَرُ الظَّالِمِينَ فِيهَا جِثِيًّا"

فعبد الله بن رواحة تذكر الآية وقعد يبكي وخايف إنه لما يموت ويعدي على جهنم يقع فيها وميخرجش منها،
قال:
"فلستُ أدري كيف لي بالصّدُور بعد الورود"
تخيلوا إن إللي بيقول كده واحد من أصحاب بيعة العقبة الثانية، واحد جاهد مع رسول الله ﷺ وحضر معاه كل الغزوات، بدر وأحد والأحزاب وكمان من أهل بيعة الرضوان إللي رسول الله ﷺ شهد لهم بالجنة،
ومش بس كده ده كان بيدافع بشعره عن الإسلام، يعني مجاهد باللسان وبالسيف ومع كل ده خايف إنه يقع في النار وميخرجش منها👌

☆ممكن حد هنا يسأل سؤال ويقول، طب ليه هو خايف مع إن ربنا كريم وبيضاعف الحسنات، ولا يضيع أجر المحسنين،
فليه يخاف الخوف ده كله😕

إللي يجاوبنا على السؤال ده الحوار إللي حصل بين السيدة عائشة رضي الله عنها ورسول الله ﷺ،
السيدة عائشة سألت رسول الله ﷺ عن آية:
"وَالَّذِينَ يُؤْتُونَ مَا آتَوْا وَقُلُوبُهُمْ وَجِلَةٌ"
أَهُمْ الَّذِينَ يَشْرَبُونَ الْخَمْرَ وَيَسْرِقُونَ؟!!
يعني الناس إللي خايفة وقلقانة دي هم أصحاب المعاصي زي إللي بيشربوا الخمر ويسرقوا،
فبسبب ذنوبهم إللي بيعملوها دي بقى في قلوبهم خوف من ربنا؟!
فرسول الله ﷺ رد عليها وقال لها:
"لَا يَا بِنْتَ الصِّدِّيقِ !
وَلَكِنَّهُمْ الَّذِينَ يَصُومُونَ وَيُصَلُّونَ وَيَتَصَدَّقُونَ وَهُمْ يَخَافُونَ أَنْ لَا يُقْبَلَ مِنْهُمْ أُولَئِكَ الَّذِينَ يُسَارِعُونَ فِي الْخَيْرَاتِ"
يعني الناس إللي خايفة دي هم الطائعون إللي بيصوموا ويتصدقوا ويعملوا الصالحات وبيسابقوا في عمل الخير لكن خايفين من إن ربنا ميتقبلش عملهم،
وهي عادة الصالحين، كل ما كان الإنسان طائع كل ما كان خوفه من ربنا ومن سوء الحساب يوم القيامة أكثر👌
لأنه بيكون عارف عظمة ربنا وعارف إنه مهما عبد ربنا وعمل الصالحات فمش هيوفي نعمة واحدة بس من نِعم ربنا عليه،
وطبعا يا جماعة المقصود بالخوف هنا هو الخوف إللي يدفع الإنسان للعمل الصالح مش الخوف إللي يوصل الإنسان إنه يقنط من رحمة ربنا ويُوقفه عن العمل😅

يعني عبد الله بن رواحة رضي الله عنه كان خايف من ربنا بس في نفس الوقت خوفه ده مخلاهوش يتوقف عن الأعمال الصالحة زي خروجه للجهاد في سبيل الله مثلا،
فالإنسان مطلوب منه إنه يخاف من ربنا ويخاف من عذابه لكن يبقى في نفس الوقت عنده حسن ظن بالله إن ربنا هيتقبل حسناته وأعماله الصالحة،
ولأنه مش عارف بالضبط أنهو عمل صالح إللي ربنا هيتقبله منه فهو بيعمل أعمال صالحة كتييير👌
وزي ما قال الفُضَيْل بن عِيَاض:
"من خاف الله دلَّه الخوفُ على كل خير"
يعني إللي بيخاف ربنا بجد هو ده إللي خوفه هيساعده ويدله لعمل كل خير،
أما بقى الناس إللي غرقانة في المعاصي ومستمرين فيها ولا يُلقوا لها بالا ومش في دماغهم وبالنسبة لهم دي حاجة عادية وربنا غفور رحيم بقى واحنا كفاية إننا مسلمين والكلام ده، فللأسف الناس دي عايشة في غرور ووهم😶
عايزين كده حد يقولهم على فكرة الجنة هيدخلها المتقون، وإللي هيقدر يعدي على الصراط هم إللي بيتقوا ربنا وبيخافوا من عذابه وبيسارعوا في عمل الصالحات👌

بعد ما عبد الله بن رواحة قال لهم على سبب بكائه الناس الحاضرين وكانوا بيودعوا الجيش مع رسول الله ﷺ قالوا له:
" صَحِبَكم الله ودفع عنكم، وردّكم إلينا صَالِحين غانمين"
لكن دي مكنتش أمنية عبد الله بن رواحة، هو مكنش عايز يرجع سالم غانم، هو كان عايز يموت شهيد في سبيل الله،
فقال أبيات شعر تعبر عن أمنيته:
لَكِنَّنِي أَسْأَلُ الرَّحْمَنَ مَغْفِرَةً **وَضَرْبَةً ذَاتَ فَرْعٍ تَقْذِفُ الزَّبَدَا
يعني بيدعي ويتمنى من ربنا إنه يغفر له ويرزقه بواحد يضربه بالسيف ضربة شديدة جدا تُفجّر الدم من جسمه ويموت شهيد،
خرج الجيش باتجاه مدينة مَعَان في الأردن، طبعا قعدوا وقت طويل على ما وصلوا والرحلة كانت شاقة عليهم،
لما وصلوا لقوا قصادهم مفاجأة غير متوقعة😬
القبائل في شمال الجزيرة العربية جمعت مائة ألف مقاتل لحرب المسلمين😶
ومش كده وبس، ده الدولة الرومانية أرسلت هي كمان مائة ألف مقاتل عشان يساعدوا القبائل العربية المُتنصرة الحليفة لهم،
يعني بقى عندنا دلوقتي جيش مكون من مائتين ألف مقاتل من المشركين، وجيش المسلمين ثلاثة ألاف بس🙊

☆ثواني كده هو إزاي رسول الله ﷺ يُخرج جيش صغير كده لقتال مئتين ألف؟ مش المفروض إنه كان يعمل حسابه؟ وكمان مش كده يُعتبر إلقاء بالنفس للتهلكة😳

هو الجيش الإسلامي إللي كان خارج ده مكنش هدفه قتال الدولة الرومانية أصلا،
وكمان كان من المتوقع إسلام الدولة الرومانية أو على الأقل هيكونوا على الحياد ومش هيشاركوا في قتال المسلمين،
أيوة كان احتمال مساعدة منهم بس مش بالصورة دي،
والكلام ده كان على أساس المعاملة الطيبة إللي هرقل عاملها لدحية الكلبي رسول رسول

الله ﷺ لما جاءه برسالته ﷺ وكمان هرقل أظهر اقتناعه بالإسلام،
فكانت كل المؤشرات بتقول إن الدولة الرومانية مش هتتدخل في القتال بين المسلمين وبين القبائل العربية في الشمال،
فالجيش ده كان متوجه لحرب مجموعة معينة بقيادة شرحبيل بن عمرو الغساني،
ومكنش من عادة القبائل العربية إنهم يتحدوا ويقاتلوا مع بعض في أعداد كبيرة من الأساس، العرب كانوا قبائل متفرقة كلهم بيهجموا على بعض،
فجيش المسلمين يعتبر جيش كبير أصلا في الفترة الزمنية دي، ومكنش من المتوقع إن الجيش الإسلامي هيواجه جيش أكبر منه أوي في العدد، وخصوصا إنهم تغلبوا قبل كده على عشرة آلاف في غزوة الأحزاب،
فطبعا العدد ده مكنش متوقع أبدا لا من رسول الله ﷺ ولا من الصحابة😕

طبعا محدش يسأل ويقول طيب وهو ليه ربنا مأخبرش رسول الله ﷺ بالأعداد دي عن طريق الوحي قبل ما المسلمين يخرجوا 😅
لأن لو ربنا أخبر رسول الله ﷺ عن طريق الوحي دلوقتي، المسلمين هيعملوا إيه بعد كده لما يتحطوا في نفس الموقف ده ومفيش وحي🤷‍♂️
وحصل فعلا في فتوحات فارس والروم إن أعداد الجيش الفارسي والروماني كامت أضعاف أضعاف المسلمين،
فكان لازم المسلمين يخوضوا التجربة دي دلوقتي ورسول الله ﷺ موجود عشان يعرفوا إزاي هيتصرفوا ورسول الله ﷺ هيقرهم على فعلهم ده ولاّ لأ👌

طيب إزاي بقى الصحابة اتصرفوا في الموقف ده، وإيه القرار إللي أخدوه؟
ده إللي هنعرفه الجزء الجاي إن شاء الله 😁

☆ملحوظة:
أي حد عايز يأخذ القصص وينشرها يتفضل أنا معنديش مانع نهائي😊



#Eman_Shalapy

⭐المصادر⭐

https://audio.islamweb.net/audio/index.php?page=FullContent&audioid=208183

https://binbaz.org.sa/fatwas/14939/تفسير-قوله-تعالى-وان-منكم-الا-واردها

https://dorar.net/akhlaq/495/نماذج-من-حلم-النبي-صلى-الله-عليه-وسلم

http://www.sahaba.rasoolona.com/Ghazawat/13/معركة-مؤته/سبب-معركة-مؤتة

https://www.google.com/amp/s/islamqa.info/amp/ar/answers/152304

🔸 البنات فاضية في البيت وعندها وقت وفراغ أنها تدرس علم شرعي..

🔸 الشباب مطحون في الشارع علشان يوفر لنفسه حياة طيبة ومعيشة عفيفة، فمطحون في شغله..

🔸 البنات بيشحنوا أنفسهن أنهن مصلحات وصاحبات مشروعات إصلاحية ولازم تتزوج شاب من نفس عينتها..

🔸 يتقدم إليها من ترضى دينه وخلقه ولكنه ليس على درجة التزامها "العلمي"، فترفضه "ومتسألونيش ليه :)"

🔸 يضطر الشاب أنه يدور على بديل، فيسيب صاحبة الدين وياخد واحدة أقل التزاما، فتتزوجه ويُكوِن عيلة أقل من المطلوب في نظره بس دا المتاح..

🔸 البنات اللي بتطلب علم شرعي تكبر سنها وتتأخر في الزواج ولا يتقدم إلا من لا يناسبها "في طموحاتها" فتضطر تقبل، وتعيش حياة بائسة وتفضل تتمنى طالب العلم الفلاني والشيخ الفلاني وتقصر في حق زوجها اللي ملوش ذنب في طموحتها العلمية خالص..

ويفضل الشباب والبنات في الحلقة المفرغة دي كتير جداً جداً جداً!

🔸 السيناريو دا مش معمم، لكن بيحصل كل يوم، وبشكل متواتر..
🔸 السيناريو دا بيحصل علشان البنات بترفع طموحاتها (جامد جداً) في الشباب اللي هو أصلاً بيطلع عينه علشان يوفر الحد الأدنى من الاحتياجات المادية لأجل إقامة بيت وزواج، وهي في بيت والدها بيتصرف عليها ومش شايلة هم نفقات مادية (ودا حقيقي وبيحصل)

🔸 السيناريو دا هيفضل يحصل لحد ما البنات تعقل شوية وتفهم حقيقة الواقع اللي حواليها، وتختار كما قال النبي صلى الله عليه وسلم "من ترضون دينه وخلقه" مش من ترضى متونه وإجازاته (وإن كان دا الأفضل، لكن الأفضل مش دايماً متاح)

🔸السيناريو دا هيفضل يحصل لحد ما الشباب يتمسك بدينه ويحرص على طلب العلم ولو بالقليل (رغم المشقة المادية اللي هم فيها والله يعينهم بجد) ويحرصوا على أنفسهم مش علشان يعجبوا الأخوات الملتزمات ولكن علشان يعرفوا يربوا أولادهم صح على توحيد وعقيدة وفقه ومعاملات، ومياخدش أي واحدة والسلام لمجرد أنه اترفض من أخوات علشان هو "أقل التزاما".

دا الواقع دلوقت، دا الموجود في عالمنا دلوقت، دا مش سيناريو معمم لكنه موجود، وبكثرة..
فأتمنى تفهموا السوق والدنيا ماشية ازاي وتنزلوا لأرض الواقع شوية (كلامي للطرفين المقبلين على الزواج)

"اقرأوا الكلام أكثر من مرة لأجل الفهم، اللي هيدخل لي البوت يقول لي يعني آخد غير ملتزم/ملتزمة؟، هطُخه :) "

نافع | Nafe3

من أعظم المشاعر التي أجد لها نبلا يسرق القلب بنوره وجماله: ذلك الذي يفرح لغيره، وبحب ستر عيبه، ورحمتَه إذا تعثر، يستر ولا يعير، ويسبل على غيره رداء حبه وصفائه.
انظر إلى سيدي ﷺ تبرق أساريره وينير وجهه الأكرم المبارك في مواطن الفرح لأصحابه ولأمته.
يقول سيدنا كعب رضي الله عنه لما تاب الله تعالى عليه وعلى صاحبيه:

: فلما سلمتُ على رسول الله صلى الله عليه وسلم قال رسول الله صلى الله عليه وسلم وهو يبرُقُ وجهه من السرور : " أبشِر بخير يوم مر عليك منذ ولدتك أمك ".
قال : قلت : أمِن عندك يا رسول الله، أم من عند الله ؟
قال : " لا، بل من عند الله ".
وكان رسول الله صلى الله عليه وسلم إذا سُرَّ استنار وجهه حتى كأنه قطعةُ قمر، (وكنا نعرف ذلك منه ﷺ ).

وهذا هو الجمال المنير، والجنة العاجلة، أن يهبك الله قلبًا يفرح لغيرك، ويبسط عليه ظلال الستر حين تطالع عيبًا فيه، وتحب له الخير في الدنيا والآخرة.

‏
🌑🌕 أذكار المساء الصحيحة🌕🌑
‏ ࿐༜.. ࿐༜.. ࿐༜


🌕 - *((أمْسَيْنَا وَأَمْسَى الْمُلْكُ للهِ، وَالْحَمْدُ للهِ، وَلاَ إِلَـهَ إِلاَّ اللهُ وَحْدَهُ لاَ شَرِيكَ لَه, لَهُ الْمُلْكُ وَلَهُ الْحَمْدُ وَهُوَ عَلَى كُلِّ شَيْءٍ قَدِيرٌ، رَبِّ أَسْأَلُكَ خَيرَ مَا فِي هَذِهِ اللَّيلَةِ وَخَيْرَ مَا بَعْدَهَا، وَأَعُوذُ بِكَ مِنْ شَرِّ هَذِهِ اللَّيلَةِ وَشرِّ مَا بَعْدَهَا، رَبِّ أَعُوذُ بِكَ مِنَ الْكَسَلِ وَسُوءِ الْكِبَْرِ، رَبِّ أَعُوذُ بِكَ مِنَ عَذَابٍ فِي النَّارِ وَعَذَابٍ فِي الْقَبْرِ).*

📚(مختصر مسلم: 1894)

🌕 - *((إذا أمسى فليقل: اللَّهُمَّ بِكَ أَمْسَيْنَا وَبِكَ أَصْبَحْنَا، وَبِكَ نَحْيَا وَبِكَ نَمُوتُ، وَإِلَيْكَ الْمَصِيرُ))*

📚(الصحيحة: 262) .

🌕 - *((اللَّهُمَّ أَنْتَ رَبِّي، لاَ إِلَـهَ إِلاَّ أَنْتَ، خَلَقْتَنِي وَأَنَا عَبْدُكَ، وَأَنَا عَلَى عَهْدِكَ وَوَعْدِكَ مَا اسْتَطَعْتُ، أَعُوذُ بِكَ مِنْ شَرِّ مَا صَنَعْتُ, أَبُوءُ لَكَ بِنِعْمَتِكَ عَلَيَّ، وَأَبُوءُ لَكَ بِذَنْبِي، فَاغْفِرْ لِي؛ فَإِنَّهُ لاَ يَغْفِرُ الذُّنُوبَ إلاَّ أَنْتَ)).*

📚(مختصر البخاري: 2420)

🌕 - *((يَا حَيُّ يَا قَيُّومُ بِرَحْمَتِكَ أَسْتَغِيثُ, أَصْلِحْ لِي شَأْنِي كُلَّهُ, وَلاَ تَكِلْنِي إِلَى نَفْسِي طَرْفَةَ عَيْنٍ))*

📚(صحيح الترغيب: 661)

🌕 - *((اللَّهُمّ عَالِمَ الْغَيْبِ وَالشَّهَادَةِ, فَاطِرَ السَّمَوَاتِ وَالأَرْضِ, رَبَّ كُلِّ شَيْءٍ وَمَلِيكَهُ، أشهد أن لا إله إلا أنت, أَعُوذُ بِكَ مِنْ شَرِّ نَفْسِي، وَشَرِّ الشَّيْطَانِ وَشَِرَْكِهِ, وَأَنْ أَقْتَرِفَ عَلَى نَفْسِي سُوءًا أَوْ أَجُرَّهُ إِلَى مُسْلِمٍ)).*

📚(صحيح الكلم: 21)

🌕 - *((اللَّهُمَّ إِنِّي أَسْأَلُكَ الْعَافِيَةَ فِي الدُّنْيَا وَالآخِرَةِ, اللَّهُمَّ إِنِّي أَسْأَلُكَ الْعَفْوَ وَالْعَافِيَةَ فِي دِينِي, وَدُنْيَايَ, وَأَهْلِي, وَمَالِي, اللَّهُمَّ اسْتُرْ عَوْرَاتِي وَآمِن رَّوْعَاتِي, اللَّهُمَّ احْفَظْنِي مِنْ بَيْنِ يَدَيَّ, وَمِن ْ خَلْفِي, وَعَنْ يَمِينِي, وَعَنْ شِمَالِي, وَمِنْ فَوْقِي، وَأَعُوذُ بِعَظَمَتِكَ أَنْ أُغْتَالَ مِنْ تَحْتِي)).*

📚(صحيح الكلم: 23),
(صحيح ابن ماجه: 3135)


🌕 *أمسينا على فطرة الاسلام وعلى كلمة الاخلاص وعلى دين نبينا محمد صلى الله عليه وسلم وعلى ملة ابينا ابراهيم حنيفا مسلما وما كان من المشركين*


🌕 - *((أَعُوذُ بِكَلِمَاتِ اللهِ التَّامَّاتِ مِنْ شَرِّ مَا خَلَقَ)).*
ثلاث مرات

📚(مختصر مسلم: 1453),(صحيح الترمذي: 3604/م

🌕- *((سُبْحَانَ اللهِ وبحمده عَدَدَ خَلْقِهِ, وَرِضَا نَفْسِهِ, وَزِنَةَ عَرْشِهِ, وَمِدَادَ كَلِمَاتِهِ))*

ثلاث مرات
📚(الصحيحة: 2156)

🌕 - *((بِسْمِ اللهِ الَّذِي لاَ يَضُرُّ مَعَ اسْمِهِ شَيْءٌ؛ فِي الأَرْضِ وَلاَ فِي السَّمَاءِ وَهُوَ السَّمِيعُ الْعَلِيمُ)).*
ثلاث مرات

📚(صحيح الترمذي: 3388)


🌕 - *((سُبْحَانَ اللهِ وَبِحَمْدِهِ)).*
مائة مرة

📚(مختصر مسلم: 1903)
,(صحيح أبي داود: 5091)

🌕 *(لاَ إِلَـهَ إِلاَّ اَللهُ وَحْدَهُ لاَ شَرِيكَ لَهُ, لَهُ الْمُلْكُ, وَلَهُ الْحَمْدُ, وَهُوَ عَلَى كُلِّ شَيْءٍ قَدِيرٌ).*
مائة مرة

📚(صحيح الترغيب: 658)

🌕 - (قُلْ : *" قُلْ هُوَ اللَّهُ أَحَدُ والمعوذتين* حين تصبح وحين تمسى ثَلاَثَ مَرَّاتٍ ، تَكْفِيكَ مِنْ كُلِّ شَيْءٍ)

📚(صحيح الترمذي ).
(وأبو داود )رقم/5082

#أذكار_المساء

لو مرة فيه بنت واقفة مع تلاتة من زميلاتها فى المدرسة 🏣 و فجأة راحت قايلالهم : أنا سمعت إن الأسبوع الجاى كله أجازة ⚠️

فالبنات لما سمعوا الخبر ده كل واحدة عطت رد فعل مختلف 👇🏻

الأولى قالتلها : إنتى كذابة مفيش إجازة و ﻻ حاجة دى إشاعة ⛔️

الثانية قالتلها : إيه ده بجد يا حﻻوة 😄 أخيرا أجازة❣الحمد لله الأسبوع الجاى كله نوم 💤

الثالثة قالتلها : طيب أنا حدخل دلوقتى حالا أسئل الوكيلة علشان اتأكد من الخبر ده ✅

تفتكرى مين فيهم اللى إتصرفت التصرف الأمثل❗️

أكيد أغلبنا حيقول إن الثالثة هى اللى إتصرفت صح ✔️ لإنها مخسرتش حاجة هى حتتأكد من الخبر من مكانه الصح و خﻻص

هو ده بالضبط اللى أنا عاوزة أقولهولك 👌🏻

من حقك إنك تستغربى من أى حاجة جديدة تسمعيها 👂🏻 خصوصا فى الدين اللى كلنا بنقدسه و بنعتبر الفتى فيه غير مسموح ❌

بس فيه حاجة بسيطة أوى عاوزة أقولهالك 🔔 إحنا للأسف أغلبنا متعلمناش علم شرعى و فيه حاجات كتييييير جدا إحنا منعرفهاش و اللى حتبدأ تدرس علم شرعى حتحس بكدة أوى

فلو حد من الناس اللى تحسبيهم على خير قالك معلومة بس غريبة عليكى سيبى لنفسك فرصة إنك تعرفى الحق فين ⁉️ عن طريق سؤال المختصين 👌🏻 مش يمكن المعلومة الجديدة دى تكون صح .. يا ستى و لو طلعت غلط أو عليها إختلاف أديكى عرفتى معلومة جديدة و مخسرتيش حاجة

قال الله تعالى :《فَاسْأَلُوا أَهْلَ الذِّكْرِ إِنْ كُنْتُمْ لَا تَعْلَمُونَ 》▫️سورة النحل

الموضوع بسيط جدا جدا .. يعنى لو مثلا واحدة قالتلك إنه ينفع إنك تصلى و إنتى لابسة الحذاء

مع إن طول عمرك عارفة إن دى حاجة حرام و غلط جدا 🔸🔹 بس خﻻص مفيش مشكلة قوللها طيب أنا حبحث فى الموضوع ده لإنى بصراحة أول مرة أسمع إنه ينفع

و فعلا أول ما تقدرى اسألى شيخ ثقة أو إبحثى عالنت فى المواقع الموثوقة 👌🏻

يبقى تقريبا فيه قاعدتين غلط عند معظمنا ✌️🏻 و لازم نحطمهم 🔨

الأولى 📌 إن مش معنى إن المعلومة قديمة عندنا يبقى كدة خﻻص هى صحيحة ⚠️

و الثانية 📌 إن أمور كتير جدا فى الدين مينفعش تتاخد بالرأى و التفكير ✋🏻 ﻻ لازم الرجوع للكتاب و السنة و آراء أهل العلم فيها

ده حتى سيدنا على رضى الله عنه كان بيقول : ( لو كان الدين بالرأي لكان أسفل الخف أولى بالمسح من أعلاه )

يتبع إن شاء الله 🔜

#مفاهيم 🕯
#سمعنا_و_أطعنا 2⃣

https://t.me/ew3ey 🎯

مهم ⭕️

#قصص_الأنبياء(٢)
#السيرة_النبوية
#الحلقة_مائة_وأربعة_وخمسون
#أحداث_السنة_الثامنة_من_الهجرة
#أحداث_معركة_مؤتة

وقفنا المرة إللي فاتت عند وصول جيش المسلمين لمدينة مَعَان الأردنية إللي لقوا متجمع فيها حوالي مائتين ألف مقاتل من قبائل العرب في شمال الجزيرة العربية ومن الدولة الرومانية،
الصحابة اتفاجؤوا بالعدد الكبير إللي مكنوش متوقعينه، فعملوا زي مجلس استشاري كده عشان يشوفوا إيه أفضل حل ممكن يعملوه،
قبل ما نعرف الحلول إللي الصحابة اقترحوها عايزين نعرف ليه الرومان جمعوا الأعداد دي كلها لقتال المسلمين🤔

قلنا المرة إللي فاتت إن العرب مكنش من عادتهم إنهم يتجمعوا ولا يتوحدوا ويقاتلوا تحت راية واحدة ده بالعكس كانوا بيقاتلوا بعض،
لكن معنى إنهم يتجمعوا ويكوّنوا جيش من مائة ألف مقاتل فده أكيد بأمر من هرقل ملك الروم،
لأن القبائل والدول العربية مش بتتحرك وقت القتال إلا لما تاخد الإذن من القائد الأعظم للدولة الأولى في العالم،
ساعتها الكل يتجمع👌
فكان الهدف من التجميع الكبير ده إنهم يقضوا على الإسلام تماما، يعني مش مجرد إنهم يكسبوا معركة وخلاص، لأ، ده عايزين يُبيدوا جيش المسلمين تماما،
يعني هرقل عارف كويس جدا إنه بيحارب نبي، ففكر إنه لما يجمع جيش بقوة خارقة وبأعداد كبيرة ممكن يغلب جيش النبي ده،
ده غير إنهم مكنوش عارفين عدد جيش المسلمين بالضبط أد إيه فكوّنوا جيش كبير جدا مهما المسلمين جمّعوا من أعداد فمش هييجي حاجة جنب الجيش إللي الدولة الرومانية جمعته👌

نشوف بقى إيه الآراء إللي الصحابة اقترحوها عشان يخرجوا من الأزمة دي:
◇الرأي الأول:
إن المسلمين يرسلوا رسالة لرسول الله ﷺ في المدينة يخبروه بأن الأعداد كبيرة جدا، وهو إللي يحدد بقى يعملوا إيه، هل يُرسل لهم مدد ولاّ يأمرهم بالقتال،ولاّ يأمرهم بالانسحاب،
لكن الرأي ده مكنش واقعي وكان صعب تنفيذه؛ لأن عشان واحد يروح لرسول الله ﷺ في المدينة يخبره بالرسالة محتاج إسبوعين رايح وأسبوعين جاي،
يعني الجيش هيستنى شهر كامل قبل ما ياخدوا أي قرار وده مستحيل طبعا، يعني لو جيش المسلمين استنى، فجيش الكفار مش هيستناهم😅
◇الرأي الثاني:
إن زيد بن حارثة رضي الله عنه قائد الجيش ينسحب بالجيش وميدخلش في أي قتال، وأصحاب الرأي دول قالوا لزيد بن حارثة:
"قد وطِئت البلاد وأخفت أهلها فانصرف، فإنه لا يعدل العافية شيء"
يعني هم شايفين إن الحرب دي مُهلكة لهم، وجيش المسلمين سمّع الناس عنه وعن الإسلام فخلاص خلينا ننسحب🤷‍♂️
◇الرأي الثالث:
إنهم يدخلوا المعركة بدون أي تردد ويواجهوا الأعداد كلها،
وكان صاحب الرأي ده هو عبد الله بن رواحة رضي الله عنه،
وقالهم بكل وضوح:
يا قوم!
"والله إن التي تكرهون لَلّتي خرجتم تطلبون،
وما نقاتل الناس بعدد ولا قوة ولا كثرة، ما نقاتلهم إلا بهذا الدين الذي أكرمنا الله به، فانطلقوا، فإنما هي إحدى الحُسْنيين: إما ظهور، وإما شهادة"
يعني هو انتم خرجتم للجهاد ليه، مش عشان عايزين الشهادة في سبيل الله؟ طيب لما الشهادة جت لكم لحد عندكم بقيتم كارهينها؟! ده هي دي إللي احنا خارجين عشانها أصلا👌
واحنا مش بنقاتل الناس بالعدد ولا بالقوة ولا بالكثرة لكن بنقاتلهم بالعقيدة وقوة تمسكنا بالدين،
فخلونا نقاتل والنتيجة هتكون حاجة من اتنين نتمناهم إما النصر أو الشهادة👌
طبعا مش معنى الكلام إن المسلمين يتركوا الاستعداد للمعركة 😅
لأ، هم يعملوا ويقدموا إللي يقدروا عليه وربنا هينصرهم، وربنا قال:
"وَأَعِدُّوا لَهُمْ مَا اسْتَطَعْتُمْ مِنْ قُوَّةٍ وَمِنْ رِبَاطِ الْخَيْلِ تُرْهِبُونَ بِهِ عَدُوَّ اللَّهِ وَعَدُوَّكُمْ "
فلما عبد الله بن رواحة قال كلامه ده كل الصحابة قالوا:
صَدق والله ابن رواحة👌
وأجمعوا كلهم على القتال والدخول في المعركة.

☆سؤال بقى: هل قرار الحرب إللي الصحابة أخدوه ده كان قرار صحيح ولاّ لأ🤔
قرارهم كان صحيح تماما👌
بدليل إن بعد ما الجيش رجع بعد المعركة رسول الله ﷺ معاتبهمش ومعلقش أي تعليق سلبي على قرار حربهم ده ،
ولا قالهم إنه كان الأولى والأحسن إنهم ميقاتلوش،
ورسول الله ﷺ لا يسكت عن منكر أبدا وكل حاجة هو بيشوفها وبيُقرها فهي سنة ومن الدين👌
ومننساش إنه كان في جيش المسلمين عقليات حربية كبيرة زي خالد بن الوليد رضي الله عنه،
وهو عبقري أصلا فلو كان شاف إن قرار الحرب هيهلك الجيش كله كان هيعترض ويتكلم ويقول وجهة نظره، وخصوصا إن الكل عارف إن الجيش الإسلامي ده مش مِلك لأفراد بعينهم يضحوا بيه زي ما هم عايزين، ده ملك للدولة الإسلامية لازم القادة يحافظوا عليه👌
وأه الشهادة شرف وأجرها عظيم لكن لو غلب على ظن قائد الجيش إن جيشه هيَهلك كله لو دخل في معركة يبقى مينفعش يدخل المعركة دي بالعكس ده يبقى دخوله فيه مفسدة، ومينفعش شرعا ،لأن إزاي يضحي القائد بثلاثة آلاف مقاتل هم عمود الدولة الإسلامية في الوقت ده🤷‍♂️

☆سؤال تاني، إزاي الصحابة شافوا إنهم عادي كده يواجهوا مائتين ألف، وشافوا إن الجيش فعلا مش هيَهلك،
يعني هم إيه إلل

ي خلاهم يفكروا كده🤔
عندنا احتمالين
◇ الاحتمال الأول:
إن المسلمين مكنوش يعرفوا بالضبط عدد الجيش إللي هيقاتلوه ده أد إيه، يعني هم شافوا أعداد كبيرة فقدّروهم بإنهم خمسة أو عشرة أضعافهم أو أكثر أو أقل بحاجة بسيطة، فلقوا إن القتال مع الأعداد دي هيبقى صعب لكنه مش مستحيل، وربنا قال لهم في القرآن:
"كَمْ مِنْ فِئَةٍ قَلِيلَةٍ غَلَبَتْ فِئَةً كَثِيرَةً بِإِذْنِ اللَّهِ"
والآية دي لو تفتكروا في قصص الأنبياء كانت بتتكلم عن أتباع طالوت إللي قاتلوا معاه الجبابرة وانتصروا عليهم في الآخر مع إن عددهم كان أقل بكثير من الجبابرة وقوتهم كانت أقل،
فالصحابة كانوا بيحولوا القرآن لواقع عملي، هم عارفين قصة طالوت وهم بنفسهم جربوا لما كانوا في غزوة بدر وغزوة أحد قبل معصية الرماة لأمر رسول الله ﷺ،
وجربوا كذلك في الأحزاب، ده غير إن ربنا قال لهم في سورة الأنفال إللي نزلت بعد غزوة بدر إن الجيش المؤمن قادر على مواجهة عشرة أضعافه لو كان قوي الإيمان بجد👌
"إِنْ يَكُنْ مِنْكُمْ عِشْرُونَ صَابِرُونَ يَغْلِبُوا مِائَتَيْنِ وَإِنْ يَكُنْ مِنْكُمْ مِائَةٌ يَغْلِبُوا أَلْفًا مِنَ الَّذِينَ كَفَرُوا"
فهم عارفين إن الموضوع مش بالعدد لكن بقوة الإيمان👌

◇الاحتمال الثاني:
هو إن قادة المسلمين شافوا إن الانسحاب مش هينجيهم من جيوش التحالف الرومانية العربية،
وإن الجيش الإسلامي لو بدأ ينسحب ويتراجع فممكن جيش الكفار يحاصره من كل الجهات، وفي الحالة دي هتبقى مجزرة فعلا في جيش المسلمين😶
في حين بقى إن الثبات والمقاومة هم الأفضل💁‍♂️
ليه😁
لأن ده هيُعطي دَفعة نفسية إيجابية للجيش المسلم في إنه يهاجم ويخطط لهزيمة جيش الكفار بدل من إنه يفكر في الهرب والدفاع فقط،
وأفضل طريقة للدفاع هي الهجوم👌
فهم شافوا إن مفيش أي أمل ولا نجاة لو انسحبوا، ولازم مواجهة عشان يخرجوا من القتال ده بأقل الخسائر الممكنة،
ومش بس كده، ده قوات التحالف الرومانية العربية هيتفاجؤوا وتهتز معنوياتهم لما يشوفوا جيش بيطلب الموت ومش فارق معاه حاجة، بعكس جيش التحالف العربي الروماني إللي حريص جدا على الحياة لأنه شايف إن هي دي الحياة بتاعته ومش هيعيش غيرها👌

بعد ما أخذ المسلمون قرار الحرب، اتوجهوا لاختيار أرض المعركة عشان يكون الاختيار في صالحهم مش في صالح جيش الكفار،
جيش المسلمين توجه ناحية 《مُؤْتَة》، ومنطقة مؤتة في الأردن جنوب محافظة الكَرك في زماننا دلوقتي،

☆اشمعنى بقى الصحابة اختاروا المكان ده بالذاااات😁
ماحنا قلنا إن الجيش كان فيه عقليات حربية كبيرة، فالعقليات دي مش هتختار أي مكان كده وخلاص 💁‍♂️
شوفوا بقى،
مكان معركة مؤتة عبارة عن سهل مُنبسط مفهوش جبال ولا عوائق طبيعية من مياه أو أشجار أو أي شيء، وفيه مزايا هتسهل على المسلمين عملية القتال👌
إزاي🤔
◇أولا:
كون إن المكان سهل ومُنبسط ده هيحرم الفريقين من المُناورة أو المراوغة يعني محدش يلف من وراهم مثلا ويهجم عليهم، وكمان بيمنع الفريقين إنهم يعملوا كمائن، وإلا لو استطاع الرومان إنهم يعملوا كمائن كانت هتبقى مصيبة على جيش المسلمين😬

◇ثانياً:
منطقة مؤتة عبارة عن أرض صحراوية، والعرب متعودين على القتال في الأرض الصحراوية، بخلاف الجيوش الرومانية التي متعودة على القتال في الأراضي الخضراء في الشام وفي تركيا وفي الأراضي كثيرة الأشجار.

◇ثالثاً:
السهل مفتوح من جنوبه على الصحراء الواسعة، فالرومان مش هيقدروا يتجرؤوا على التوغل في الصحراء دي، وبكده يقدر الجيش الإسلامي إنه ينسحب إذا أراد الانسحاب.

◇رابعاً:
في جنوب السهل خلف الجيش الإسلامي في بعض التلال، فممكن الجيش الإسلامي يستغل التلال دي في إخفاء نفسه وراءها لو أراد الانسحاب في الليل.

◇خامساً:
لأن السهل ده مفهوش أي عوائق طبيعية فمفيش أي نوع من الحماية للجندي إلا إنه يحتمي وراء سيفه ودرعه، وبالتالي المكان المفتوح ده هيظهر أثر الشجاعة والإقدام، والنقطة دي بالذات يتفوق فيها الصحابة على غيرهم بدون أي شك👌
لأن المسلمين بيقاتلوا لقضية مهمة وهدفهم هدف نبيل وهو الدفاع عن الإسلام ونشره أو الشهادة في سبيل الله،
بعكس الجيش الروماني إللي جاي عشان بس ينفذ أمر الحاكم بتاعه، وهم مش هيستفيدوا أي حاجة،
هم إللي هيدفعوا أرواحهم تمن الهزيمة، أما لو انتصروا فاللي هيسعد بالنصر ده هو الحاكم والقادة بتوعه💁‍♂️

استقر المسلمون في منطقة مؤتة وبدأت أمواج بشرية من الرومان والعرب تدخل أرض المعركة،
وبدأ القتال بين الفريقين بقيادة حامل الراية زيد بن حارثة رضي الله عنه،
في الوقت ده في المدينة كان رسول الله ﷺ نادى في الناس عشان يجتمعوا،
فلما اجتمع الناس بدأ رسول الله ﷺ يحكي للناس إللي بيحصل في أرض المعركة، وده من معجزات رسول الله ﷺ،
كان في المدينة وبيحكي إللي بيحصل في أرض المعركة إللي على مسافة أسبوعين👌
قال لهم إن زيد حمل الراية وانطلق للقتال،
وكان زيد فعلا انطلق ناحية الجيش الروماني والمسلمين وراءه وفي ثواني الدنيا اتملت غبار ومبقاش مسموع في أرض

المعركة إلا أصوات السيوف أو صرخات الألم، ويتخلل الأصوات دي صوت تكبيرات المسلمين أو بعض الأبيات الشعرية إللي بتحمس المسلمين للقتال والثبات،
وبدأ المسلمون يقتلوا في الروم، واشتد القتال بين الفريقين وكان ده أشد قتال مر على المسلمين لحد اللحظة دي👌
وسقط أول شهيد في أرض المعركة وهو زيد بن حارثة رضي الله عنه، حامل الراية وحِب رسول الله ﷺ،
سقط بعد رحلة طويلة مع الإسلام ومع الصبر على الأذى وعلى الجهاد في سبيل الله، فهو كان أوائل المسلمين لو تفتكروا كان هو أول من أسلم من الموالي،
وكان هو إللي راح مع رسول الله ﷺ للطائف، أنا عايزاكم تتخيلوا التاريخ ده كله والمشاعر دي كلها ورسول الله ﷺ بيشوفه وهو بيُقتل قصاد عينه😞
ما هو رسول الله ﷺ شايف أحداث المعركة وشايفه وهو عمال بياخد الطعنات في جسمه لحد ما سقط شهيد،
ورسول الله ﷺ بيقول لأهل المدينة إن زيد استشهد ودموعه ﷺ تنزل على خده😞
مهما حاولنا نوصف مشاعر الحزن إللي كان رسول الله ﷺ بيحس بيها في اللحظة دي مش هنقدر بجد😔
والألم موقفش عند النقطة دي، بعد ما سقط زيد شهيدا أخذ الراية جعفر بن أبي طالب رضي الله عنه القائد الثاني للجيش وانطلق يُقاتل في الجيش الروماني وهو كمان بدأت تنزل عليه الطعنات،
ومن شدة القتال نزل من على فرسه وقتلها عشان الفرس ميهربش وهو راكب عليه ،وانطلق يقاتل في الروم لحد ما اتصاب بأكثر من خمسين طعنة سيف ورمح، وكان يحمل الراية بإيده اليمين فضربه واحد من جيش الكفار على إيده اليمين فقطعها،
فمسك الراية بإيده الشمال، فقُطعت فمسك الراية بعضديه، يعني الحتة إللي عند الكتف من فوق دي، فاجتمعوا عليه وقتلوه رضي الله عنه وهو ماسك الراية عشان يحميها من إنها تقع،
كل ده ورسول الله ﷺ شايف وبيحكي للناس في المدينة وهو يبكي ﷺ 😞
ربنا أبدل يدي جعفر رضي الله عنه إللي اتقطعت دي بجناحين في الجنة يطير بيها حيث يشاء👌
أيوة في آلام في الدنيا لكن كل ده هيتعوض في الآخرة للي يصبر على الابتلاء والألم مش يستسلم لأي ابتلاء وقع له،
وغمسة واحدة في الجنة تُنسى أشد الناس بُؤسا في الدنيا أي شدة أو بؤس شافها، لكن الصبر يا جماعة الصبر، الدنيا دي ساعة بالنسبة للآخرة نستحملها لحد ما الدنيا تعدي👌
بعد ما قُتل جعفر، أخذ الراية القائد الثالث عبد الله بن رواحة رضي الله عنه إللي كان بيحمّس المسلمين لمواجهة الكفار، وانطلق يقاتل في الرومان زي جعفر وزيد رضي الله عنهم أجمعين،
واستمر يقاتل رضي الله عنه لحد ما قُتل شهيد هو كمان، والناس تسمع من رسول الله ﷺ إللي بيحصل وبيبكوا على قتل إخوانهم،
طبعا يا جماعة الحزن والبكاء لا يتعارض مع الإيمان ولا الصبر، الحزن على فراق حد بنحبه ده شيء طبيعي وعادي،
لكن مينفعش نتسخط زلا نعترض على قضاء ربنا وإللي يصبرنا على فراق مَن نحب إننا نتذكر إن إللي عند ربنا خير وأبقى وإن الحياة الآخرة هي فعلا الحياة الحقيقية👌

☆في هنا ملحوظة مهمة :
في رواية بتقول إن عبد الله بن رواحة رضي الله عنه لما أخذ الراية تردد في القتال، يعني مبقاش عايز يكمل القتال وخاف، وبعدين شجع نفسه وقعد يقاتل لحد ما قُتل،
وإن بسبب التردد بتاعه ده منزلته في الجنة أقل من منزلة جعفر وزيد رضي الله عنهم جميعا،
لكن الكلام ده غير صحيح نهائي، والرواية دي منقطعة ولا تصح❌🙅‍♂️
وحتى بالعقل يعني الرواية دي بتتعارض مع روايات تانية صحيحة في إنه كان بيتمنى الشهادة وهو إللي حمس الجيش لعدم الانسحاب والتقدم للقتال👌
طبعا النقطة دي فيها تفصيل وإللي عايز يعرف الرواية بالأسانيد وليه الرواية ضعيفة يراجع كتاب :
《ما شاع ولم يثبت في السيرة النبوية》أو يشوف الرابط في التعليقات👇

بعد استشهاد عبد الله بن رواحة سقطت راية المسلمين، ماهو رسول الله ﷺ مسماش مين إللي يكون القائد بعد عبد الله بن رواحة، فلما قُتل سقطت منه الراية،
انطلق نحو الراية واحد من المسلمين ورفعها👌

مين إللي أخذ الراية وياترى موقف المسلمين هيكون إيه بعد هزيمة القادة الثلاثة،
ده إللي هنعرفه الجزء الجاي إن شاء الله 😊

☆ملحوظة:
أي حد عايز يأخذ القصص وينشرها يتفضل أنا معنديش مانع نهائي😊



#Eman_Shalapy

⭐ المصادر ⭐

https://www.google.com/amp/s/www.withprophet.com/ar/amp/%25D9%2585%25D8%25B9%25D8%25B1%25D9%2583%25D8%25A9-%25D9%2585%25D8%25A4%25D8%25AA%25D8%25A9-8-%25D9%2587%25D9%2580

https://islamstory.com/ar/artical/20928/ما-شاع-ولم-يثبت-فى-غزوه-مؤته

https://audio.islamweb.net/audio/index.php?page=FullContent&audioid=208183