ن التحول إللي حصل😅

فقال له رسول الله ﷺ: متخليش حد ييجي ورانا🤚
فرجع سراقة وأول ميشوف حد رايح في اتجاه طريق رسول الله ﷺ يقول له:
خلاص محدش يروح الطريق ده أنا فتشت فيه، روحوا دوروا في مكان تاني😒

☆ وبما إننا بنتكلم عن سراقة فقصة إن رسول الله ﷺ وعد سراقة بسواري كسرى قصة ضعيفة لا تصح عن رسول الله ﷺ هي كمان😅
الواحد عمال ياخد صدمات عجب😶

استمر رسول الله ﷺ في رحلته، فوهو ماشي قابل في الصحراء دي بدون أي ميعاد سابق ابن عمته الزبير بن العوام كان راجع من الشام في قافلة مع بعض المسلمين،
وكان مع الزبير ملابس جاي بها من الشام فأعطى ثوبان أبيضان لرسول الله ﷺ وأبو بكر الصديق رضي الله عنه،
واستكمل رسول الله ﷺ رحلته،
لحد ما وصلوا خيمة لامرأة في الصحراء وكان لها مع رسول الله ﷺ قصة😊
قصتها إيه مع رسول الله ﷺ 😁
ده إللي هنعرفه الجزء الجاي إن شاء الله😉


#Eman_Shalapy

لعدد ده،
فكأن الله عز وجل بيقول لنا إن احنا المطلوب نعمل إللي نقدر عليه فقط،
الهداية والتوفيق وتقليب القلوب دي حاجة بتاعة ربنا👌

كان خبر خروج رسول الله ﷺ من مكة وصل للأنصار في المدينة، فكانوا بيخرجوا ينتظروه على أبواب يثرب،
لأنهم مكنوش عارفين الوقت المحدد إللي هيوصل فيه رسول الله ﷺ ،لأنه كان ماشي من طريق غير الطريق المعروف، وكان بيخرج معاهم اليهود إللي كانوا ساكنين في يثرب،

نشوف كده عالسريع اليهود دول جاءوا منين أصلا لأن هيكون في احتكاك بينهم وبين المسلمين وبين رسول الله ﷺ كثير، وخصوصا إننا كنا سايبينهم في الشام بعد رفع عيسى عليه السلام فإيه إللي جابهم يثرب🤨
اليهود كانوا بيطاردوا أتباع عيسى عليه السلام وبيعذبوهم وبيحرضوا عليهم الملوك وخصوصا الحواريين،
فربنا سلط عليهم إللي يقتلهم ويعذبهم، في قصة طويلة ملك من ملوك الرومان حاصر اليهود في القدس وصمم إنهم ينزلوا على حكمه،
ولما استسلموا له أمرهم إنهم يقتلوا بعض، كل رجل يقتل أهله وإللي هيتبقى في النهاية هيسيبه يعيش،
وفعلا اليهود بدأوا يقتلوا بعض الرجل يقتل زوجته وأولاده مجزرة بشعة😑
فهرب إللي عرف يهرب وقُتل إللي قُتل، ولم ينجوا من المجزرة دي إلا الشريد ، يعني إللي كان برة البلد أصلا في مكان بعيد،
فبدأ يتجمع اليهود المشردين على هيئة مجموعات وسكنوا يثرب واستقروا بها واختاروا أخصب الأماكن وسكنوا فيها وبنوا الحصون،
ومن هذه المجموعات:
يهود بني قَيْنُقاع، ويهود بني النُّضِير، ويهود بني قُرَيْظة وغيرهم، وكانوا بالمئات، وكان عندهم خبرات بالزراعة والصناعة وبناء الحصون،
وده كان سبب ازدهار الزراعة وانتشار البساتين في يثرب،
بعد انهيار سد مأرب وحصول السيل هاجرت القبائل اليمنية ومنها قبيلة الأَزْد إللي كان منها الأوس والخزرج،
فجاءوا ليثرب بعد اليهود فاضطروا إنهم يسكنوا الأماكن المهجورة في يثرب، لأن الأماكن الخصبة سكنها اليهود،
وطبعا اليهود خافوا على نفسهم💁‍♀️
فقعدوا يوقعوا بين الأوس والخزرج عشان ميتحدوش ضدهم، نظام فرّق تَسُد🙄
وفعلا قامت بينهم الحروب وكان آخرها يوم بُعاث إللي كان قبل الهجرة بفترة،
فلما فهم العرب خطة اليهود بعد سنين طويلة من القتال وإنهم كده هيفنوا بعض والمستفيد من الموضوع هم اليهود فعملوا صُلح واتفقوا على رجل اسمه عبد الله بن أُبَي بن سلول يكون هو حاكم المدينة،
لكن حصلت بيعة الأنصار وكل الأمور اتغيرت👌

وصل رسول الله ﷺ وأبو بكر الصديق رضي الله عنه لحدود يثرب إللي هيكون اسمها المدينة النبوية بعد ما رسول الله ﷺ هيدخلها،
وبكده انتهت فترة الدعوة في مكة، انتهت ثلاثة عشرة سنة من البناء والتأسيس لعقيدة المسلمين، وبناء أخلاقهم،
انتهت مرحلة التعذيب والسخرية والتعدي على رسول الله ﷺ والمسلمين،
واتعلم الصحابة درس مهم جدا في السنين دي وهو إن الطريق إلى الله مش مفروش بالورود،
وإن المسلم ربنا لن يُمكّن له في الأرض إلا لما يُبتلى ويواجه الابتلاء بالصبر والثبات👌
أيوة كانت فترة صعبة لكن برده كان فيها إيمانيات وسعادة عاشها الصحابة مع رسول الله ﷺ،
ودي رسالة من ربنا إن مفيش حاجة بتستمر، كل بلاء هيعدي،
لكن يا ترى لما يعدي هيأخذ معاه إيه لربنا،
هل هيأخذ معاه الصبر والثبات ولا هيأخذ معاه التسّخط وعدم الرضا والجزع😓
هنشوف إن شاء الله أثر تربية رسول الله ﷺ للصحابة خلال الثلاثة عشرة سنة دي هتكون عاملة إزاي،
انتهت فترة العهد المكي وهتبدأ فترة العهد المدني😉

إزاي رسول الله ﷺ بدأ حياته في المدينة النبوية، وإيه الأُسس إللي وضعها في المدينة ؟
ده إللي هنعرفه الجزء الجاي إن شاء الله 😊

#Eman_Shalapy

ت المسلمين المستضعفين في مكة إللي معرفوش يهاجروا،

المجموعة الثانية : طائفة المشركين من الأوس والخزرج، كان في لسه ناس من الأوس والخزرج على شركهم،
والمشركين من الأعراب إللي حول المدينة، ودول كانوا عايشين على السرقة والنخب وقطع الطريق،
فإزاي رسول الله ﷺ هيتعامل مع الناس دي😕
ولسه كمان المشركين من قريش، ماهم مش هيسيبوا رسول الله ﷺ والمسلمين في حالهم 😅

المجموعة الثالثة : مجموعة اليهود بمختلف قبائلهم، واليهود معروف عنهم الغدر والهيانة وهم في الوقت ده كانوا أقوياء وعندهم الأموال والسلاح،

وفي مجموعة رابعة هتظهر بس مش دلوقتي لما يظهروا هنتكلم عنهم إن شاء الله،

فتخيلوا إن رسول الله ﷺ مطلوب منه يكون دولة يجمع فيها طوائف المسلمين المختلفة ، وإللي كل واحد منهم عاش في بيئة مختلفة عن التاني،
ومش بس كده ، ده مطلوب منه إنه يشوف حلول وطرق في التعامل مع أصناف الناس إللي قلناهم دول😶
أنا شخصيا دماغي لفت من شرح المشاكل إللي واجهها رسول الله ﷺ ، فما بالكم به هو كان وضعه إيه😅
عشان تعرفوا بس إن الدين إللي الناس بتفرط فيه بكل سهولة ده موصلناش على طبق من فضة، ده كان في مشاكل وحوارات وخطط وتفكير،
رسول الله ﷺ مكنش معاه عصا موسى يضرب بها المشكلة فتنفلق عن حل😓

وكمان فوق ده كله حصلت أزمة في المدينة🙊
المسلمين المهاجرين أصابتهم الحمى، بسبب اختلاف طبيعة الجو، في المدينة عن مكة😮
فتحرك الحنين بداخلهم لمكة، فرسول الله ﷺ دعا الله عز وجل أن يحبب المدينة لنفوس المهاجرين كحب مكة بل أشد،
ودعا إنه يرفع عن أصحابه الحمى، فاستجاب الله دعاء رسول الله ﷺ وأصبح الصحابة يحبون المدينة أكثر من حبهم لمكة، ورفع الله عنهم الحمى.

إيه بقى الخطوات إللي رسول الله ﷺ عملها عشان يعالج المشاكل إللي واجهته في بداية بناء الدولة الإسلامية🤔

ده إللي هنعرفه الجزء الجاي إن شاء الله😊


#Eman_Shalapy

وخصوصا إن الطبائع مختلفة، يعني المهاجرين غير الأنصار فلازم يكون في قانون يمشي على الجميع👌

إيه هو الدستور إللي رسول الله ﷺ وضعه للمسلمين، ومين الرجل إللي جاء لرسول الله ﷺ وأسلم بعد رحلة طويييلة من البحث عن الحق،
ده إللي هنعرفه الجزء الجاي إن شاء الله😊


#Eman_Shalapy

وغُنيمة، غنمة صغيرة يعني😉
فجاءه الموت، فسألته : توصيني أروح لمين ، وأنا كنت جايلك من طرف فلان وفلان وفلان 😥
فقال :........
هنعرف الجزء الجاي إن شاء الله قال إيه😅

#Eman_Shalapy

والصحابة هيعيشوا مع اليهود في المدينة، يبقى احنا محتاجين قوانين تنظم الأمور البلد،
عشان محدش يظلم الثاني 🤷‍♀️
نشوف القوانين أو خلينا نقول المعاهدة إللي حصلت بين رسول الله ﷺ وبين اليهود😉

◇أولا:
اليهود بقائلهم المختلفة هيعيشوا مع المؤمنين في المدينة لكل واحد دينه الخاص،
"لَا إِكْرَاهَ فِي الدِّين"
◇ثانيا:
المسلمين لهم اقتصادهم الإسلامي وذمتهم المالية الخاصة بهم، واليهود لهم ذمتهم المالية الخاصة،
فمش معنى إن الرئاسة في الدولة للمسلمين يبقى نظلمهم ونأخذ حقهم أو ناخذ ممتلكاتهم👌

◇ثالثا:
لو حصل حرب أو حصار على المدينة فيجب على الجميع المسلمون واليهود الدفاع عن المدينة يدا بيد👌
◇رابعا:
إذا حصل حرب الكل يساهم بأمواله عشان يدافع عن البلد، ويكون بينهم النصح والبر، وينصروا المظلوم👌
◇خامسا:
لا تُجَار قريش ولا من ناصرها، بند واضح وصريح، عشان محدش ييجي بعدين من اليهود الماكرين إللي بيتحايلوا على كل الأوامر ويقولوا لرسول الله ﷺ أصل إنت مقلتش😒
أهه بيقولها لهم واضحة وصريحة :
تقطعوا علاقتكم بقريش، ولا تُجيروا ولا تحموا أي احد من قريش ولا أي أحد يناصر قريش👌
ولو قريش هجمت على المسلمين في المدينة يجب على اليهود إنهم يساعدوا المسلمين في حربهم ضد قريش،
مش العكس👌
◇سادسا:
مفيش أي أحد من اليهود يخرج من المدينة إلا بإذن رسول الله ﷺ، زي نظام الجوازات كده،
يعني عايز تطلع برة المدينة تروح لرسول الله ﷺ تأخذ منه تأشيرة الخروج😅
ليه طيب التضييق ده 🤔
لأن اليهود ممكن يشعلوا نار الفتنة برة المدينة فيدخلوا المدينة في مشاكل ملهاش لازمة😑
◇سابعا:
أي خلاف أو مشكلة بين اليهود والمسلمين فالحكم فيها لله ولرسوله👌

الناس إللي بتقعد تقول ده الرسول عمل معاهدات مع اليهود، فاحنا كمان نعمل عادي 😤
حلو أوي مفيش مشاكل، لكن هل المعاهدة إللي رسول الله ﷺ عملها مع اليهود فيها أي مخالفة لشرع ربنا؟
هو احنا مش شايفين إللي بيحصل بين المسلمين وبين اليهود دلوقتي؟
هل اليهود المعتدين الظلمة دول ينفع معاهم عهد؟
هل اليهود لما بيحصل بينهم وبين المسلمين خلاف بيرجعوا لشريعة الإسلام هي إللي تحكم؟
هل اليهود لما بيكونوا عايزين يخرجوا برة البلد بيرجعوا للمسلمين ويأخذوا منهم الإذن، ولا العكس هو إللي حاصل؟
اعرفوا وعرفوا الناس إن رسول الله ﷺ لما عمل المعاهدة مع اليهود كانت اليد العليا للإسلام والمسلمين،
مكنتش بالذل والإمتهان إللي احنا عايشين فيهم دول😡
وهنشوف لما اليهود هيخالفوا شروط الإتفاق رسول الله ﷺ هيعمل فيهم إيه👌
¤قال يقولوا احنا عملنا معاهدة مع اليهود زي ما رسول الله عمل معاهدات مع اليهود قال😏

إيه بقى موقف اليهود من شروط المعاهدة إللي رسول الله ﷺ حطها دي،
يعني هل وافقوا ولا اعترضوا ولا عملوا إيه🤔
المفاجأة إنهم وافقوا ومحدش فيهم اعترض على حاجة، مع إن أعدادهم كبيرة ومعاهم السلاح والأموال يعني هم يعتبروا دولة مستقرة،
بعكس الدولة الإسلامية إللي لسه في بدايتها وتعتبر ضعيفة ومحدش معترف بيها،
فليه بقى اليهود سلموا كده لرسول الله ﷺ 🤨
ده إللي هنعرفه الجزء الجاي إن شاء الله😊

#Eman_Shalapy

لعشاء هيبقوا أربع ركعات والمغرب ثلاثة لكن الصبح هيفضل ركعتين زي ما هو 😉

طيب إزاي المسلمين هيجتمعوا للصلاة🤔
بدأ المسلمون يتشاوروا ، فريق قال :نحط راية لما ييجي وقت الصلاة والناس تقول لبعضها، في ناس قالت طيب نسعتمل البوق، وكان اليهود بينادوا يه لصلاتهم،
فكرهه رسول الله ﷺ،
فقالوا ممكن نستعمل الناقوس، جرس النصارى يعني، فكرهه برده رسول الله ﷺ،
فقام واحد من الصحابة اسمه عبد الله بن زيد ومشي وهو عمال يفكر في حل،
فلما رجع بيته ونام شاف رؤيا، إن في رجل بيقول له لما يأتي وقت الصلاة قل:
الله أكبر الله أكبر ....إلى نهاية الأذان، فصحِي من النوم وراح لرسول الله ﷺ وحكى له على الرؤيا فاستبشر بها رسول الله وقال له إنها لرؤيا حق👌
وقال له علمها لبلال فهو صوته أحلى من صوتك،
فلما أذن بلال سمعه عمر بن الخطاب وجاء لرسول الله ﷺ وقال له والله يارسول الله أنا شفت الأذان ده في رؤيا رأيتها😮
فقال له رسول الله ﷺ : الحمد لله.
وبقى الأذان المعروف هو النداء للصلاة😉
من الأحداث إللي حصلت إرسال رسول الله ﷺ حمزة بن عبد المطلب في سرية من المهاجرين عشان يرصدوا قافلة لقريش،
إيه إللي حصل مع السرية وهل نجحت في مهمتها ولا لأ،
ده إللي هنعرفه الجزء الجاي إن شاء الله😊


#Eman_Shalapy

جديدة، أول مرة المسلمين هيطلعوا يجاهدوا في سبيل الله🙊
القتال دلوقتي مختلف، محتاجين نعرف احنا بنقاتل ليه، ولو حد فينا مات في المعركة وضعه هيكون إيه،
طيب لو انتصر😕
فبدأ رسول الله ﷺ يعلمهم العبادة الجديدة، عبادة الجهاد في سبيل الله،
علمهم إن القتال يكون في سبيل الله فقط، عشان كلمة الله تكون هي العُليا، مش عشان ينصر قائد، ولا ينصر بلد على بلد ولا عشان السلطة، ولا خوف من القائد ولا بيقاتل عشان متحمس لقضية ، القتال فقط في سبيل الله👌
وهنلاقي دايما في القرآن كلمة الجهاد لازم بييجي معاها في سبيل الله،
"إِنَّ اللَّهَ اشْتَرَىٰ مِنَ الْمُؤْمِنِينَ أَنفُسَهُمْ وَأَمْوَالَهُم بِأَنَّ لَهُمُ الْجَنَّةَ ۚ يُقَاتِلُونَ فِي سَبِيلِ اللَّهِ فَيَقْتُلُونَ وَيُقْتَلُونَ"

حتى في أعرابي بعدين جاء لرسول الله ﷺ وسأله :
" يَا رسولَ اللهِ؛ الرَّجُلُ يُقَاتِلُ لِلْمَغْنَمِ، وَالرَّجُلُ يُقَاتِلُ لِيُذْكَرَ، وَالرَّجُلُ يُقَاتِلُ ليُرَى مَكَانُهُ؟
وفي رواية: يُقَاتِلُ شَجَاعَةً وَيُقَاتِلُ حَمِيَّةً ـ
وفي رواية: وَيُقَاتِلُ غَضَباً، فَمَنْ في سبيل الله؟
فقالَ رسولُ اللهِ: مَنْ قَاتَلَ لِتَكُونَ كَلِمَةُ اللهِ هِيَ العُلْيَا، فَهُوَ في سَبيلِ اللهِ."
يبقى الهدف بتاعنا واضح، جهاد في سبيل الله، لرفع الظلم الواقع على المسلمين👌
وزي ما اتعودنا من رسول الله ﷺ ميعملش حاجة إلا بتخطيط وترتيب😉
اختار رسول الله ﷺ المهاجرين عشان يطلعوا في السرايا إللي هيرسلها لمهاجمة قوافل قريش، والسبب في اختيار المهاجرين إنهم :
◇أولا :
عشان يثبتوا للجميع إن الحرب مش حرب قبلية، يعني مش إن قبيلة بتهجم على قبيلة تانية زي قبل الإسلام👌
◇ثانيا:
المهاجرون هم إللي وقع عليهم الظلم من قريش، فحربهم مع قريش هتبقى حرب مفهومة عند كل أهل الجزيرة العربية، فهيعذروا المسلمين في حربهم ضد قريش،
وبكده محدش هيفهم صورة الإسلام بطريقة خاطئة 💁‍♀️

◇ثالثا:
المهاجرون هيكونوا أكثر حمية وأشد قوة في حربهم مع قريش؛ لأنهم بيحاولوا يسترجعوا حقهم إللي قريش أخذته منهم ظلما وعدوانا👌

◇رابعا:
المهاجرون يعرفوا أهل قريش، ويعرفوا طُرق حربهم وطُرق قتالهم، لأنهم عاشوا معاهم فترة طويلة جدا، وعارفين القادة، وعارفين إمكانياتهم العسكرية بكل التفاصيل، وبالتالي فرصتهم في النصر أكبر 😉

◇خامسا:
رسول الله ﷺ محبش إنه يحرج الأنصار بإنه يطلب منهم الخروج للقتال ضد قريش خارج المدينة؛
لأن الأنصار لما بايعوا بيعة العقبة الثانية بايعوا على أن ينصروا رسول الله ﷺ داخل المدينة المنورة لما يهاجر لهم، ولم يبايعوه على الحرب خارج المدينة،
هو لو أمرهم مش هيعترضوا ولا هيرفضوا أمره، لكن هو مش عايز يسبب لهم الإحراج، فهو كان وفياً في كل عهوده، مش بيحرج حد عشان يعمل له إللي هو عايزه ﷺ 😊

أول لواء أو أول راية عَقدها رسول الله ﷺ في الإسلام كان لعمه حمزة بن عبد المطلب، وكان لونها أبيض في شهر رمضان من السنة الأولى للهجرة،

☆ملحوظة: لحد دلوقتي لم يُفرض على المسلمين صيام شهر رمضان😉

بعث رسول الله ﷺ مع حمزة ثلاثين رجل عشان يعترضوا قوافلة من قوافل قريش،
وكان على رأس القافلة دي أبو جهل ومعاه ثلاثمائة رجل في القافلة،
وخرجت السرية من المدية لحد ما وصلوا سِيف البحر أو ساحل البحر، فتقابل الفريقان🙊
لكن قبل ما يحصل أي اشتباك بينهم تدخل واحد اسمه مجديُّ بن عمرو الجُهَني وكان حليف من حلفاء قريش،
وكان عامل معاهدة مع رسول الله ﷺ،
وقف بينهم وقال لهم : ميحصلش قتال في أرضي، ومنع القتال بين الفريقين، ورجع حمزة للمدينة ورجع أبو جهل لمكة،
هو أه المسلمين مقدروش يغنموا من القافلة دي، لكن الكفار وصل لهم رسالة مهمة😈
وهي إن المهاجرين إللي خرجوا من مكة هربانين مضطهدين مش ضعفاء ولا منكسرين،
دول أقوياء ومش هيسيبوهم، ولازم يعملوا لهم ألف حساب قبل ما يفكروا في مواجهتهم👌

بعدها بشهر، وتحديدا في شهر شوال جهز رسول الله ﷺ سرية بقيادة الصحابي عُبيْدة بن الحارث بن عبد المطلب ومعاه ستين صحابي كلهم من المهاجرين عشان يعترضوا قافلة ثانية من قوافل قريش،
والقافلة المرة دي كان قائدها أبو سفيان بن حرب ومعاه مائتين رجل في القافلة،
ومحصلش بينهم أي قتال فقط مناوشات، وكان سعد بن أبي وقاص موجود في السرية فرمى القافلة بسهم، وكان هو أول من رمى بسهم في سبيل الله،
واستطاعت القافلة إنها تهرب من غير ما يغنم منها المسلمون شيء،
وحصلت كمان سريتين وأربع غزوات، هنتكلم عنهم المرة الجاية إن شاء الله 😊


#Eman_Shalapy


ده 👇رابط قناة التليجرام، هتلاقوا فيها قصص الأنبياء والسيرة النبوية وبينزل فيها كل يوم الجزء الجديد😊

https://t.me/joinchat/AAAAAEhulzm7RmVxsli1pQ

لكن مش بعيد ترد رد قاسي على المسلمين،
هننتظر ونشوف الوضع هيوصل مع قريش لإيه،
لكن قبل ما تعمل قريش أي حاجة حصل في المدينة حدث قلب الدنيا كلها 🙊

إيه إللي حصل خلى المشركين واليهود يشمتوا في المسلمين؟
ده إللي هنعرفوا الجزء الجاي إن شاء الله😊



#Eman_Shalapy

ﷺ المرة دي حوالي ثلاثمائة وثلاثة عشر أو أربعة عشر أو سبعة عشر صحابي،
كان المهاجرين ثلاثة وثمانون، وكان الأنصار مائتين وواحد وثلاثين،
يعني ثُلثين الجيش تقريبا كان من الأنصار،
بدأ رسول الله ﷺ يجهز ويرتب الجيش عشان يطلع يعترض قافلة أبو سفيان،

هل هيقدر رسول الله ﷺ إنه يأخذ القافلة ويعوض المهاجرين عن خسارتهم؟
ده إللي هنعرفه الجزء الجاي إن شاء الله 😊


#Eman_Shalapy