تخيلى واحد قاعد بيتفرج على برنامج عن الرفق بالحيوان 🐶 راح متأثر أوى و بدأ يعيط 😣 شوية راح فاتح النت لقى فيديو لناس بيعذبوا قطة 🔨 🐈 راح انبسط اوى و قعد يضحك 😁 أكيد حنقول على الراجل ده مش طبيعى لإن الشئ و نقيضه مينفعش يجتمعوا أبدا ⛔️

مينفعش أشغل مثلا سورة النور و أسمع آية《قُلْ لِلْمُؤْمِنِينَ يَغُضُّوا مِنْ أَبْصَارِهِمْ 》و اتأثر جدا و أخشع مع تلاوة الشيخ 🙁 و بعد كام ساعة أروح مشغلة أغنية 🎼 كلماتها بتدور حوالين واحد أول ما عينه جت فى عين البنت اللى معجب بيها مش عارفة حصله إيه 👀 و بدأ قلبه يدق إزاى 💕 و قرر يروح يصارحها و بعد شوية راح يلمس إيديها 😬 و باردو لما أسمع الأغنية دى تعجبنى و اتأثر بيها عادى .

كدة فيه حاجة غلط ⚠️ لإن يا إما القرآن هو اللى حيأثر فيا يا إما الأغانى هى اللى حتأثر ✔️ لازم حد فيهم حيغطى عالتانى و يزيل تأثيره ، يا إما القرآن حيكرهنا فى الأغانى و فى أفكارها و موضوعاتها و أهلها يا إما الأغانى حتمنع القلب من التأثر بمعانى القرآن .

فيه واحدة حتقول لا أنا بسمع القرآن عادى و بتأثر بيه و لما بسمع الأغانى بسمعها بس للتسلية و مش بتأثر بأفكارها ⛔️ و لا عمرى حعمل حاجة من الكلام اللى فيها ده ✋🏻 أحب أقولك الكلام ده غلط عارفة ليه❗️لإن مجرد رضاكى بسماع المعاصى اللى فى الأغانى و التسلية بيها و عدم إنكارها بقلبك ده فى حد ذاته معصية

اللى بتسمع أغانى و فى نفس الوقت بتسمع و بتحفظ قرآن و فاكرة إنها بكدة حققت التوازن فى الحياة 👌🏻 عاوزة أقولك إن الكلام ده مستحيل يتحقق ❌ لإن لو القرآن اللى بتحفظيه و بتقريه ده دخل قلبك بجد 👈🏻 مش حتلاقى مكان فى قلبك للأغانى

حتيجى تسمعى أى أغنية تلاقى نفسك بدأتى تقرفى من كلماتها و نفسك تشمئز 🤢 تقولى إيه ده إزاى أنا أشغل حاجة فيها كل كمية المخالفات الشرعية دى 😢 إزاى أنا أستمتع بحاجة عارفة إنها 🚫 بتغضب ربنا 🚫 يعنى بإختصار شديد القرآن بيزرع فى القلب غيرة عالدين و كره للمعاصى .

قال إبن القيم - رحمه الله - : " إن القرآن والغناء لا يجتمعان في القلب أبدا لما بينهما من التضاد ، فإن القرآن ينهى عن اتباع الهوى ويأمر بالعفـّة ومجانبة شهوات النفس وأسباب الغي وينهى عن اتباع خطوات الشيطان والغناء يأمر بضدّ ذلك كله ويحسنه "

#مفاهيم 🕯
#القرآن_VS_الأغانى

🎯 https://t.me/ew3ey 👈🏻 للإشتراك بالقناة

كلنا عارفين خطورة المعاصى 🚫 لكن بسبب ضعفنا للأسف بنعصى كتير ، ربنا يتوب عننا جميعا و يعافينا .

لكن أنا عاوزة أتكلم على نوع تانى من المعاصى ✌️🏻 مختلف عن المعاصى اللى بتتعمل بسبب الشهوات و الفتن ، معاصى صاحبها بيعملها لإن عنده مبرر لكدة و نفسه بتزينها فى عينه و بتشجعه عليها كمان 👏🏻 يعنى لما بيعملها مش بيحس إنه بيعمل حاجة غلط أصلا

زى مثلا إن واحدة تلبس بنطلون 👖و إيشارب صغنن و تقول ده حجاب عملى مناسب للعصر ده لإن الحجاب الشرعى و العبايات دى هدوم مش عملية أبدا و بتعوق الحركة و بتدى إنطباع إن المسلمة مش شيك 😕

أو إن البنت تتساهل فى التعامل مع الرجال غير المحارم بحجة التحضر و عدم الإنغلاق ✋🏻 لإنها لو صدت كل حد ييجى يكلمها أو يهزر معاها تحت مسمى الدين حتكون المسلمة دى شخصية منفرة و منعزلة

أو إن عدم الإحتفال بعيد بدعى مثلا زى عيد الأم ده يكسر بخاطر أمهاتنا و يخليهم يفتكروا إننا نسيناهم ☹️ و هكذا فى بعض المعاصى اللى بيكون الإنسان عاوز يعملها يبدأ يلاقى ألف مبرر لفعلها بدون أى وجع ضمير ..

طب الحل إيه علشان الإنسان ينجى بنفسه و يفوق من غفلته 👊🏻 إزاى اتأكد إنى مش على النوع ده من المعاصى❗️

لو عرفتى إن فيه تصرف معين بيندرج تحت كلمة ( معصية ) و عرفتى إن فيه شيوخ ثقات كتير أفتوا بحرمتها و إن ناس كتير مش بيرضوا يعملوها خوفا من الله 👆🏻 لكن لاقيتى إنك من جواكى مش مقتنعة 😕 و نفسك بتزينهالك و بتشجعك عليها 💪🏻 إفتكرى إن الشيطان باردو كان عنده مبرر قوى جدا لما عصى ربنا و مرضاش يسجد لسيدنا آدم ⛔️ فمش معنى إن عندك مبرر مقنع و منطقى لعمل الذنب إنه خلاص مبقاش ذنب

و خافى أوى ليكون بين جنبيك نفس ( أمارة بالسوء ) بتزينلك الباطل و بتعميكى عن الحق بمبررات و حجج ظاهرها مقنع لكن جوهرها باطل ⚠️ خلى وجهتك فى الحياة هى أوامر ربنا ، طبقيها زى ما هو أمرك و إبعدى عن وجهة نظرك الشخصية و توجيه نفسك لإن النفس ساعات بتوجه الإنسان فى طريق يضيعه و هو مش حاسس

يعنى مثلا السامرى مكنش يتخيل إن ممكن ( نفسه ) تضيعه و توصله للمصير اللى وصله ده ساعة ما إنقاد لها و إقتنع بمبرراتها لصنع عجل 🐂 يعبد من دون الله ، و هو بنفسه فى الآخر إعترف و قال 👈🏻 《وَكَذَٰلِكَ سَوَّلَتْ لِي نَفْسِي》▫️سورة طه

و لما قابيل قتل أخوه 🚷 باردو وساوس ( نفسه ) كانت هى السبب ، قال الله تعالى :《فَطَوَّعَتْ لَهُ نَفْسُهُ قَتْلَ أَخِيهِ فَقَتَلَهُ فَأَصْبَحَ منَ الْخَاسِرِينَ 》▫️سورة المائدة

و امرأة العزيز بعد مراودتها لسيدنا يوسف عليه السلام عن نفسه قالت : (وَمَا أُبَرِّئُ نَفْسِي ۚ إِنَّ النَّفْسَ لَأَمَّارَةٌ بِالسُّوءِ》 ▫️سورة يوسف

فلازم نخلى بالنا أوى من نقطة ( تزيين النفس للمعصية ) و باردو نحذر من تغيير مسميات بعض المعاصى للتخفيف منها ♻️ يعنى لازم نعرف إن التبرج هو التبرج حتى لو سموه 👈🏻 ( الحجاب العصرى ) و الربا إعلان لحرب مع الله و رسوله ﷺ حتى لو سموه 👈🏻 ( فوائد و أرباح ) زى كدة ما الخمر هى الخمر 🍾حتى بعد ما سموها ( مشروبات روحية ) 😒

#مفاهيم 🕯
#النفس_الأمارة_بالسوء

🎯 https://t.me/ew3ey 👈🏻 للإشتراك بالقناة

إتعودنا من وإحنا صغيرين 👶🏻 إن إحنا و معارفنا سواء قرايبنا أو أصدقاء العيلة من وقت للتانى نتجمع كلنا مع بعض و كل واحد يجيب أسرته معاه 👨‍👩‍👧‍👦 و تتفتح مواضيع ونتناقش فيها ونهزر و نضحك وناكل .... كل ده فى عرفنا وفى عادتنا عادى مش غلط 🙂

وممكن لو واحدة زعلانة من جوزها تروح تشتكيه لأخوه 🤷🏻‍♀ أو هو الراجل ممكن يكلم أخت مراته أو صحبتها يشتكى منها ويقولها وصيها عليا شوية 🙋🏻‍♂ لإنه بيعتبرها زى أخته 

أو إن الأب يبقى عارف إن بنته بتحضر دروس مختلطة فى ثانوى 👱🏻‍♀👱🏻 أو إن لها زمايل شباب فى الجامعة عادى و ميقلش لا

طب معلش سؤال ✋🏻 لو مش هو ده الإختلاط أومال الإختلاط يبقى إيه❗️

مش بنشوف ونسمع كل شوية مشاكل من نوع إن واحدة شاكة إن جوزها بيبص لمرات صاحبه 👀 أو إنها قفشت جوزها بيتكلم مع صاحبتها أو إن الأب لقى بنته بتكلم واحد فى التليفون 📞

طب كل ده من إيه❗️مش كل ده بسبب البعد عن أحكام ربنا بالإختلاط المحرم

مفيش حد زى أخوكى غير أخوكى ✋🏻 ومفيش حد زى أبوكى غير أبوكى ومحارمك ⛔️

مينفعش تسلمى على صحاب جوزك وﻻ حتى أخوه ❌ و لا هو له دعوة بأختك و حتى لو فرق السن كبير

محدش يقولى ما ياما ناس بيقعدوا قعدات عائلية بشكل محترم ولائق ومبيحصلش مشاكل 👈🏻 لا بيحصل بس المشاكل ساعات مش كلها بتكون ظاهرة

يعنى فيه مشاكل تانية من نوع إنها متعلقة من جواها بحد غير جوزها 😣 فبقت ليل نهار متعصبة و ناقمة على عيشتها لإنها مش طايقة جوزها و حاسة بالذنب

و للأسف ⛔️ الشيطان بيدخل خصوصا مع وجود مشاكل مع زوجها أو إن زوجها شكلا مش حلو أو مبيعرفش يتكلم كلام حلو أو أو أو

غصب عنهم بيحصل مقارنات سواء من ناحية الزوجة أو الزوج ..... 

بتلاقى الزوج يقارن مراته بالستات التانيين 👈🏻 هى ليه مراتى مش دلوعة زى أختها و مش أمورة زى صحبتها ..... و يفضل قلبه فى حالة مرض من الطمع 💔 و بيتهم يتشقلب من قلة الرضا وممكن توصل ساعات لحدوث طﻻق أو حاجات حرام 🚫

البعد عن دين ربنا كله مشاكل و كدر ❌ ربنا اللى خلقنا هو أعلم بمصلحتنا إستحالة حيحرم علينا حاجة إلا و ده الخير لينا

والأدلة على تحريم الاختلاط في الكتاب والسنّة كتير 

منها قوله سبحانه وتعالى :《 وَإِذَا سَأَلْتُمُوهُنَّ مَتَاعًا فَاسْأَلُوهُنَّ مِنْ وَرَاءِ حِجَابٍ ۚذَٰلِكُمْ أَطْهَرُ لِقُلُوبِكُمْ وَقُلُوبِهِنَّ 》

يعنى ربنا أمر أتقى الرجال 👈🏻 ( اللى هما الصحابة ) بعدم الإختلاط مع أطهر النساء 👈🏻 ( اللى هما أمهات المؤمنين ) ما بالكم بقى إحنا و إحنا قلوبنا مليااااانة أمراض وبلاوى ✖️

وحتى فى المساجد 🕌 اللى هى أطهر بقاع الأرض والناس فيها بتبقى أبعد ما يكون عن التفكير فى الشهوات 🔹 إلا إن النبي ﷺ منع اختلاط الرجال بالنساء فيها

يعنى متقوليش أنا عارفة نفسى كويس ✋🏻 إنتى مهما كنتى تقية مش حتبقى زى زوجات الرسول ﷺ ⛔️ إعملى الصح وقولى 👇🏻

✨ سمعنا وأطعنا ✨

و إفصلى من أى لقاء فيه إختلاط ومن أى إحتكاك بالرجال الأجانب عنك ده أعف و أطهر ليكى 👍🏻 و مش معنى إن الحاجة على مستوى المجتمع مش غلط إنها خلاص بقت حلال .. الحرام حاجة والعيب حاجة تانية .. و رضا ربنا أهم من أى مجاملات

#مفاهيم 🕯
#كفاية_إختلاط_بقى

🎯 https://t.me/ew3ey 👈🏻 للإشتراك بقناة إوعى تضيعيها

سؤال شفته فى موقع للفتاوى و لفت نظرى جدا 👇🏻

{ هل قلب المسلم يُطبع عليه كما يطبع على قلب الكافر ؟ }

القلب أهم جزء فى جسم الإنسان ، العضو اللى الرسول ﷺ قال عنه : " أَلَا وَإِنَّ فِي الْجَسَدِ مُضْغَةً إِذَا صَلَحَتْ صَلَحَ الْجَسَدُ كُلُّه ُ، وَإِذَا فَسَدَتْ فَسَدَ الْجَسَدُ كُلُّهُ، أَلَا وَهِيَ الْقَلْب " ُ 📚 رواه البخارى

لو عرفنا إن إجابة السؤال ده 👆🏻 كانت إن أيوة الأدلة فى القرآن و السنة بتثبت إن قلب المسلم هو كمان ممكن ( يطبع عليه ) 🙈 يعنى فيه حاجات معينة لو عملناها حتى و إحنا موحدين بالله ممكن يطبع على قلوبنا و نكتب من الغافلين 😣

فيه حد أول ما يقرأ الكلام ده حيقول : أعوذ بالله قلب حد من المسلمين يتطبع عليه 😳 ده أكيد بقى قتل و لا زنا و لا ولع فى أمه و أبوه و لا الله أعلم عمل مصيبة إيه تخلى قلبه يوصل للدرجة دى .......❗️

لكن الحقيقة ✋🏻 إن حكاية الطبع على القلب دى طلعت ممكن تحصل لأى حد فينا 😟 الموضوع ده متلخص فى حديث الرسول ﷺ ده 👈🏻 : ( إِنَّ العَبْدَ إِذَا أَخْطَأَ خَطِيئَةً نُكِتَتْ فِي قَلْبِهِ نُكْتَةٌ سَوْدَاءُ ، فَإِذَا هُوَ نَزَعَ وَاسْتَغْفَرَ وَتَابَ سُقِلَ قَلْبُهُ ، وَإِنْ عَادَ زِيدَ فِيهَا حَتَّى تَعْلُوَ قَلْبَهُ ، وَهُوَ الرَّانُ الَّذِي ذَكَرَ اللَّهُ ( كَلاَّ بَلْ رَانَ عَلَى قُلُوبِهِمْ مَا كَانُوا يَكْسِبُونَ ) 📚 رواه الترمذى ( و الريْن هو الطبع )

يعنى بإختصار أى حد فينا عرضة إنه يتطبع على قلبه ، بسبب العدو الأكبر فى حياتنا كلنا اللى هى ( المعاصى )

كل مرة بتعملى فيها معصية لازم تبقى عارفة كويس إن قلبك ( إسودت ) فيه حتة 🖤 يعنى قلبك قبل أى معصية غير قلبك بعدها ⚠️ كام واحدة فينا من كتر ما بتعمل معاصى يمكن تكون نست أصلا إن فيه بين جنباتها قلب حتتسأل عليه و إنها مش حتدخل الجنة غير لو كان قلبها ده قلب سليم

لما حد فينا يعمل ذنب و يقول عادى ده ذنب بسيط أنا أحسن من غيرى كتير ، الحمد للـہ بصلى و بصوم و بحاول أتجنب الكبائر و مين فينا مش بيذنب ⛔️ و يعمل ذنب تانى و ذنب تالت و رابع و عاشر و كلهم فى نظره ذنوب بسيييييطة متستاهلش القلق .

( الذنوب الصغننة دى ) أو بمعنى أصح 👈🏻 (( محقرات الذنوب )) اللى معظمنا بينسى إنها ذنوب تستحق التوبة ، و اللى بعضنا كمان إعتاد عليها كسلوكيات يومية الرسول ﷺ حذرنا منـہا و قال " إِيَّاكُمْ وَمُحَقَّرَاتِ الذُّنُوبِ فَإِنَّهُنَّ يَجْتَمِعْنَ عَلَى الرَّجُلِ حَتَّى يُهْلِكْنَهُ " 📚 متفقٌ عليـہ

قبل كل مرة تمسكى الريموت تشغلى فيلم 🎞 قبل كل مرة تمسكى مكياج تحطيه و إنتى نازلة 💅 قبل كل مرة تشغلى أغنية تسمعيها 🎻 قبل كل مرة تتكلمى عن حد 🗣 قبل أى معصية تهمى إنك ترتكبيها إفتكرى حديث النكت السوداء و إفتكرى إنك بتعرضى قلبك للطبع و بتعرضى نفسك للهلاك .

#مفاهيم
#نكت_سوداء ⚫️

🎯 https://t.me/ew3ey 👈🏻 للإشتراك بقناة إوعى تضيعيها

نسبة كبيرة أوى فى مجتماعتنا 👈🏻 ( متيمة ) بالفرجة عالأفلام و المسلسلات و الأغانى و البرامج الفنية 🎞 أنا عارفة إنك سمعتى قبل كدة كتير إن الحاجات دى حرام و إنها بتحتوى على مخالفات شرعية و كدة ⚠️ و أنا مش حابة إنى أكرر كلام إنتى عرفاه ، يمكن تكونى مقتنعة إن الفرجة عالحاجات دى عادى و إنها مجرد تسلية و ترويح عن النفس ✋🏻 و يمكن تكونى عارفة إنها حرام بس مش قادرة تبطلى .

عموما إيه رأيك لو إننا نبص للموضوع من زاوية تانية 👀 بنظرة متجردة من هوى النفس ، تخيلى إننا لو جينا فتحنا أى فيلم أو مسلسل و وطينا الصوت 🔇 و حبينا نحلله كمَشاهد بس بغض النظر عن موضوعه 👈🏻 حنلاقى فيه شوية عوامل مشتركة بين معظم الأفلام دى زى مثلا : ( بنت و شاب بيحبوا بعض و بينهم بعض الكلمات و المشاهد اللى المفروض متكونش بتتعمل إلا بين المتجوزين بجد ، أغانى و غالبا بيصحبها رقص ، بنات غالبا بيكونوا لابسين هدوم مش مظبوطة اللى هو التبرج )

أنا مش حناقشك فى إن المسلسل و لا الفيلم ده ممكن يكون إجتماعى و هادف و لا إنه قد يكون بيعلم البنات خبرات و بيناقش قضايا مهمة و لا أى حاجة من الحاجات دى ✋🏻 أنا مجرد إنى بحلل تكوينه و المشاهد بتاعته ، لو سألتك بقى إنتى إيه رأيك فى الحاجات دى 👆🏻 هل هى تندرج تحت مسمى المباح و لا المنكر❗️حتقولى إيه

أكيد قلتى المنكر صح ‼️ بس ممكن واحدة تقول منكرات آه بس أنا مالى هو أنا اللى بمثل المشاهد دى 🤨 أنا بتفرج و بسلى نفسي و بس 😒 طيب حسألك سؤال تانى : تعرفى إن الرسول ﷺ قال : " من رأى منكم منكرا فليغيره بيده ، فإن لم يستطع فبلسانه فإن لم يستطع فبقلبه وذلك أضعف الإيمان - وفي الحديث الآخر - ليس وراء ذلك من الإيمان مثقال حبة خردل " 📚 صحيح مسلم

الكلام اللى الرسول ﷺ قاله ده معناه إنى لو شفت المنكر و قلبى مزعلش بسببه و إتمنيت إنه يتغير ده قلة إيمان 😳 يعنى ممكن الواحد يوم القيامة يلاقى ربنا بيحاسبه هو ليه مأنكرش المنكر ⁉️ يعنى إنكار المنكر مطلعش بس مجرد إن الشيوخ و الدعاة يطلعوا يوعظوا العصاة و يذكروهم بربنا ✋🏻 لا ده طلع إنه واجب عليكى لما تشوفى المعصية قلبك ينكرها و يشمئز منها و يتمنى زوالها .

قبل كل مرة تفكرى تشغلى فيلم أو مسلسل فكرى الأول إزاى أنا عارفة إن الحاجات اللى هما بيعملوها دى تغضب ربنا و أنا أعدة مستمتعة بيها عادى 😔 إزاى أشوف ربنا بيُعصى و محارمه بتُنتهك و أنا راضية و قلبى مش بينكر فعل الحاجات دى❗️

يتبع إن شاء الله 🔜

#مفاهيم 🕯
#أضعف_الإيمان

🎯 https://t.me/ew3ey 👈🏻 للإشتراك بقناة حياتك فرصة إوعى تضيعيها

بعد ما إتكلمنا المرة اللى فاتت عن موضوع حرمانية مشاهدة الأفلام و المسلسلات ، و لما الموضوع ده يتبادر للذهن بيرتبط بيه كدة كام سؤال 👇🏻

1⃣ أول سؤال : أتوب إزاى❗️

2⃣ ثانى سؤال : أبطلها إزاى و أنا مدمناها❗️

3⃣ ثالث سؤال : إيه البديل❗️

أول حاجة بالنسبة للتوبة 👈🏻 أغلب اللى أعرفهم من الملتزمين بيبطلوا الذنوب المعصلجة معاهم بطريقتين مشهورين ✌️🏻 : الأولى إنهم يتفرجوا على مقاطع مؤثرة عن الموت و القبر و كدة فيبدأوا يخافوا و يقولوا إيه ده هو أنا لما أموت ربنا حيسألنى عن الحاجات دى و ممكن أتعذب فى القبر و كدة فيبطلوا ⛔️ و السبب التانى إن حد من أصحابهم أو أقاربهم يموت فجآة فيبدأوا يفكروا فى موضوع حسن و سوء الخاتمة 🚧

مفيش واحدة فينا أكيد تتمنى تموت و هى بتتفرج على فيلم ⚠️ مفيش واحدة تتمنى إن ملك الموت لما ييجى عندها يلاقيها مشغلة أغانى و لا بتتفرج على مشهد غرامى 💑 طيب ما دام إحنا عارفين إن الرسول قال ﷺ : " يبعث كل عبد على ما مات عليه " 📚 صحيح مسلم ، يبقى لازم تدركى إن الحاجة اللى بتقضى فيها أغلب يومك إحتمال كبييييير لحظة خاتمتك تيجى و إنتى بتعملى ( الحاجة دى ) و تبعثى أودام ربنا و إنتى بتعمليها .

أنا بجد عاوزاكى تقعدى لوحدك و تغمضى عينيكى و تستحضرى اللحظة دى 😞 مش معنى إنك بتتجنبى التفكير فى الموت إن الموت مش حييجى أو إنه اللحظة دى حتكون مش صعبة أو حتفضل تتأخر ⚠️ فكرى فيها و إستعدى لها ، لقيتى قلبك معصلج شوية خوفى نفسك 👈🏻 نزلى صور عن القبر ، شغلى مقاطع عن الموت ، فوقى نفسك المهم متسيبهاش كدة من غير تذكير .

السؤال التانى : أبطلها إزاى و أنا مدمناها❗️الإجابة : لو بمقدورك تمسحى القنوات اللى بتجيب الحاجات دى من الرسيفر إمسحيها 📡 و كلمى أسرتك و أصحابك عن حرمانيتها ، يعنى خدى حد معاكى يشجعك إنكم تسيبوها سوا 💪🏻 من أكتر الحاجات اللى بتخلى الإنسان ينفر من المعصية إنه يدعو حد تانى لتركها ، غير إنه بياخد ثواب الأمر بالمعروف و النهى عن المنكر لا ده كمان بيثبت نفسه أول واحد .

ثالث سؤال إيه البدايل❗️: البديل عن المعصية هى ( الجنة ) و ده اللى لازم تبقى فاهماه كويس أوى 👌🏻 حتى لو ملقتيش حاجة ممتعة فى نفس مستوى متعة الأفلام مش مهم ، نتعب شوية لوجه الله ، حُفت الجنة بالمكاره ⛔️ تعالى على نفسك شوية علشان تنقذيها بكرة ، و بالتوازى جربى تشغلى القنوات اللى بتجيب أفلام عن الحياة البرية و عن الظواهر الطبيعية 🏔 و الحاجات الوثائقية و الكارتون بس إنتبهى باردو للموسيقى و لأى مخالفات شرعية فيها 🚫

و ممكن كمان تجيبى فيديوهات من عاليوتيوب تناسب إهتماماتك و ميولك 🎥 مثلا عن طرائف الحيوانات الأليفة 🐈 ... أو عن ناس عملوا ريجيم و خسوا جامد 🏋‍♀... أو ناس عندهم قدرات خارقة ... أو البرامج بتاعة المواقف المضحكة و الكاميرا المنزلية ... إلخ و فيه بدايل للأغانى 👈🏻 اللى هو إنك تسمعى أناشيد ، فيه أناشيد جميلة جدا و الله مش خنيقة و لا حاجة جربى بس 👍🏻 و لو حتسألينى عن نصيحتى أنا ⚠️ أقولك أكتر حاجة بتسلى و بتشغل وقت الإنسان هى ( سماع الدروس ) 🎧 عاااالم تانى و الله أقسملك بالله إن فيها متعة و راحة تفوق متعة مشاهدة أو سماع ما سواها ده غير ثواب تزكية النفس 🌱 ده غير سماع القرآن كمان .

أنا معرفش إذا كان فيه أسئلة تانية بتدور فى ذهنك و لا إيه لكن عموما لو كنتى عاوزة تسألى أى سؤال تانى أو فيه شبهة معينة فى بالك أو عاوزة مقاطع أو دروس أو أو أو إبعتيلى على @Hedaya83

#مفاهيم 🕯
#أضعف_الإيمان 2⃣

🎯 https://t.me/ew3ey 👈🏻 للإشتراك بقناة حياتك فرصة إوعى تضيعيها

معروف إن من شروط التوبة النصوح إن الإنسان يحس بالندم على إنه كان بيعصى ⚠️ لكن ساعات بيحصل إن الإنسان يبطل المعصية فعلا علشان عرف إنها حرام و خايف لحسن يغضب ربنا لكن ميلاقيش فى قلبه إحساس بالندم على المعصية اللى هو تاب عنها دى 🤔

طيب .. إزاى أحقق إحساس الندم ده ⁉️

📌 أولا : إنك تفتكرى إن كل مرة كنتى بتعملى فيها المعصية دى كنتى بتغضبى ربنا ، عارفة يعنى إيه ( بتغضبى ربنا ) يعنى ربنا كان بيرزقك و بيحفظك و إنتى كنتى بتبارزيه بالمعصية و بتتجرأى على حدوده .

📌 ثانيا : تندمى لما تفكرى يا ترى المعصية دى كانت مانعة عنك بركة و رزق فى حياتك قد إيه ، و كانت بتحضرك الشياطين بسببها قد إيه❗️

📌 ثالثا : تندمى على الوقت اللى ضاع فى المعصية دى و غيرك كان بيستغل الوقت ده فى إنه يتقرب لربنا و أكيد قطع أشواط فى طريق ربنا أكتر منك .

📌 رابعا : تندمى إن أكيد الذنب ده عمل أثر جوا قلبك يمكن تقعدى سنين تعالجى فيه ، و ده اللى بنسميه ( رواسب الجاهلية ) زى مثلا الأفكار الفاسدة اللى إتزرعت فى عقولنا ساعة ما كنا بنتفرج على الأفلام ، أو إستمرار تذكر كلمات الأغانى و التأثر بيها لفترة حتى بعد ترك سماعها .

📌 خامسا : تخيلى يوم ما تقفى و تمسكى كتابك بإيدك تقرأيه أودام ربنا ، و ييجى الدور على الذنوب القديمة دى فى تسلسل حياتك ، يا ترى حتحسى بالخجل قد إيه من ربنا إن صحيفتك كان فيها المعصية دى ، يبقى الذنب ده يستحق الندم قد إيه .

📌 سادسا : لما تفتكرى فضل ربنا عليكى إنه فى عز ما إنتى كنتى بتعصيه هو رزقك الهداية و فتح عليكى بإنه وراكى طريق التوبة يخليكى تحسى بالندم إن هو كان يريد بيكى خير فى الوقت اللى إنتى كنتى بتعصيه فيه و مش مهتمة أصلا .

و إلى جانب كل ده عاوزة أنبهك على حاجة مهمة جدااااا ⛔️ فيه ناس ممكن الشيطان يدخلها من الباب ده و يوهمها بإن توبتها مش حتتقبل لإنها لسة مندمتش بصدق ، إنتبهى لحسن الموضوع يقلب معاكى وساوس . يعنى مش شرط إنك تعيطى و تحسى بحرقة فى قلبك على المعصية ، لكن شعورك بالكره للمعصية دى و عدم رغبتك فى الرجوع لها تانى بإذن الله يكون ندم كافى لإستكمال شروط التوبة .

#مفاهيم 🕯
#ندم_التوبة

🎯 https://t.me/ew3ey 👈🏻 للإشتراك بقناة حياتك فرصة إوعى تضيعيها على تليجرام

صفحة الفيس بوك 👈🏻 https://web.facebook.com/asmaa.moussa.1671

فيه ناس لما بيلاقوا حد بيحتفل بعيد الأم 🎉 أو عيد الميلاد 🎂 أو عيد الجواز 💍 ... نسمعهم بيقولوا ﻻ الإحتفال بالأعياد دى لا يجوز لإنها ( بدعة ) ❌

و لو لقوا حد بيقول ذكر بشكل معين و يكون مش ثابت عن الرسول ﷺ يقولوا لا دى بدعة 🚫 يا ترى إيه هى البدعة❗️و هل فيه بدعة حسنة و بدعة سيئة 🤔 و هل كل حاجة كانت مش موجودة أيام الرسول ﷺ تبقى بدعة ⁉️ يعنى الأباجورة بدعة و العربيات بدعة 🚘

الموضوع ده من المواضيع اللى عليه كلام كتييييير ⚔ مع إنه واضح و بسيط جدا طيب إيه هو تعريف البدعة❗️تعريف البدعة واضح جدا فى الحديثين دول 👈🏻 قال رسول الله ﷺ " إياكم ومحدثات الأمور ؛ فإن كل محدثة بدعة ، وكل بدعة ضلالة " 📚 أخرجه أبو داود ، و قال ﷺ : " مَنْ أَحْدَثَ فِي أَمْرِنَا هَذَا مَا لَيْسَ فِيهِ فَهُوَ رَدٌّ " 📚 رواه البخاري

يبقى البدعة هى الحاجة اللى بتستحدث و تتألف فى الدين اللى هو 👈🏻 ( أمرنا هذا ) يعنى مش فى الدنيا ، يبقى الإستحداث فى الأمور الدنيوية ملهوش علاقة بالبدعة المقصودة فى الحديث 🚫 زى العربيات و الموبايلات ......

طيب هى الناس بتستحدث حاجة جديدة فى الدين ليه ⁉️ ليه يخترعوا شئ جديد فى الدين و ميلتزموش بمنهج و سنة الرسول ﷺ زى ما هو و بس 🤔 فيه ناس بتعمل كدة ظنا منها إنها بالطريقة دى بتتقرب لربنا أكتر 🔺 زى مثلا قراءة الفاتحة على روح الميت وﻻ ساعة الإتفاق على الخطوبة 💍

أو مثلا زى الصوفيين ما بيزعموا إن فيه بعض الأوراد و الأذكار و السور لما نقولها بعدد معين و بكيفية معينة بناخد ثواب كبير 🔹🔸 مع إنها لم ترد لا فى القرآن و ﻻ فى السنة النبوية ، ممكن حد يسأل .. طب إيه المشكلة لما أقول أدعية و أذكار و قرآن على مزاجى على غير السنة هو أنا بقول حاجة حرام ‼️

الحرمانية هنا مش فى قراءة القرآن وﻻ فى ذكر الله أكيد ✋🏻 إنما لإن الفكر ده منافى للدين ⛔️ اللى بيعملوا كدة دول كإنهم بيقولوا إنهم عرفوا حاجات ترضى ربنا مكنش الرسول ﷺ عارفها 😳 أو كان عارفها لكن خباها عننا 😱 يعنى الشئ الجديد اللى ( المبتدع ) ده إكتشفه فات على الرسول ﷺ و فات الصحابة و فات التابعين و هو بس اللى وصله هو و اللى حيتبعوه 😏

حاشاه ﷺ لقوله : " مَا تَرَكْتُ مِن شَيءٍ يُقَرِّبُكُمْ إِلى الجَنَّةِ إِلاَّ أَمَرْتُكُمْ بِهِ، وَلاَ مِن شيءٍ يُبعدُكُمْ عَنِ النَّارِ إِلاَّ نَهَيْتُكُمْ عَنْهُ " 📚 صححه الألباني ..

المشكلة التانية باردو خطيرة جدا 🚫 إن لو كل واحد بعد الرسول ﷺ ما مات إستحدث حاجة بسيطة جدا فى الدين يبقى بعد فترة حتختفى معالم الدين أصلا

حنقول مثال 👇🏻

لو جه واحد فى الآذان 📢 قال الله أكبر الله أكبر و أكرم و أعظم .. أشهد أن ﻻ إله إلا الله ......

هل هو قال حاجة غلط❗️ما هو ربنا فعلا أكرم و أعظم ✔️ إنما المشكلة إنه لو جه واحد زود حتة وواحد عدل حتة وواحد إختصر حتة 👈🏻 يبقى بعد فترة الآذان الحقيقى حيبقى غير آذاننا ده خاااالص و حيتغير جزء من شرائع الدين ✖️ طبقى المثال ده بقى على كل حاجة فى الشرع زى أذكار الصباح و المساء مثلاً ☀️ أو خطبة الجمعة أو عقد الجواز او أو أو ... 🔹🔸 لذلك الرسول ﷺ قفل علينا باب الإستحداث فى الدين تماما و ربنا مقبضهوش إلا بعد ما نزلت آية👇🏻

《 الْيَوْمَ أَكْمَلْتُ لَكُمْ دِينَكُمْ وَأَتْمَمْتُ عَلَيْكُمْ نِعْمَتِي وَرَضِيتُ لَكُمُ الْإِسْلَامَ دِينًا ۚ 》

و خدى بالك إن البدعة عكس السنة يعنى كل بدعة بتتعمل بتشيل بدلها سنة ثابتة عن رسولنا ﷺ و هو حذرنا من الحكاية دى فى الحديث ده 👇🏻

" ما أحدث قوم بدعة إلا رفع مثلها من السنة فتمسك بسنة خير من إحداث بدعة " 📚 رواه أحمد

يعنى هما مش خلاص خلصوا سنة الرسول ﷺ كلها و عاوزين يستزيدوا فى العبادة ﻻﻻﻻﻻ ❌ دول أصلا بتلاقيهم بيتعبدوا لربنا بالبدع الجديدة بتاعتهم و بيسيبوا الأشياء الثابتة فى سنة الرسول ﷺ و يزهدوا فيها ، تمام كدة .. طب أومال ليه الأعياد المستحدثة بدعة مع إن إحنا مش بنتعبد لربنا بيها أصلا ⁉️ مش إحنا قلنا المحدثة فى الدين بس❗️طب هل فيه بدعة حسنة و بدعة سيئة ‼️

يتبع إن شاء الله 🔜

#مفاهيم
#هى_ليه_بدعة 🤔

🎯 https://t.me/ew3ey 👈🏻 للإشتراك بقناة حياتك فرصة إوعى تضيعيها على تليجرام

صفحة الفيس بوك 👈🏻 https://web.facebook.com/asmaa.moussa.1671

ناس كتير بتسأل هو إيه علاقة الأعياد الإجتماعية بالدين❗️إحنا لا بنصلى فيهم صلاة معينة و لا بنعمل أى بدع ليه بتبدعوها ؟؟

تعرفى إن لما الرسول ﷺ دخل المدينة و لقى ناس بيحتفلوا بأعياد قالهم : 👈🏻 " قدمت عليكم و لكم يومان تلعبون فيهما فى الجاهلية و قد أبدلكم الله بهما خيرا منهما يوم النحر و يوم الفطر " 📚 صححه الألبانى

مع إنه مكنش عيد دينى و ﻻ كان فيه أى طقوس تعبدية ⚠️ كان زى ما هما قالوا كدة كانوا بيلعبوا و يفرحوا فيه بس .. ترفيه يعنى و مع ذلك الرسول ﷺ وضحلنا إن المسلمين معندهمش غير عيدين إتنين بس ⛔️

يا ترى ده معناه إيه 🤔

معناه إن الرسول ﷺ علمنا إن الأعياد دى جزء من الدين و شعيرة فيه كما فى قول الله تعالى《 لِكُلِّ أُمَّةٍ جَعَلْنَا مَنْسَكًا هُمْ نَاسِكُوهُ ۖ 》

العيد جزء من الدين مش أمر دنيوى بدليل إن عمر ما اليهود و لا النصارى يرضوا إنهم يحتفلوا معانا مثلا بعيد الفطر على سبيل الفرحة و البهجة و بس 🎉 لإن مفهوم إن الأعياد مرتبطة تماما بالدين .

و لو أسقطنا مفهوم البدعة على الجزء ده من الدين اللى هو (( الإستحداث فى الدين )) حنلاقى إن أى عيد جديد يستحدث غير الفطر و الأضحى يعتبر بدعة فى صميم الدين سواء عيد إجتماعى أو وطنى أو ...... و زى ما هو واضح فى الحديث إنهم قالوا 👈🏻 " يومين " مقالوش عيدين .. يعنى العبرة بالمعنى مش بالمسمى ⛔️ يعنى يوم الأم هو هو بالضبط نفس بدعة عيد الأم 😊 العبرة بإنه يوم بيتعاد كل سنة .

طيب ولو بنحتفل بعيد الأم أو عيد الجواز بس قبلها بيوم وﻻ بعدها بيومين 📆 يبقى كدة خلاص المشكلة إتحلت 🤤 أكيد طبعا لا ده تحايل زى ما أصحاب السبت عملوا 🦈 مدام عرفنا إن حاجة معينة حرام يبقى خلاص سمعنا و أطعنا بدون فصال 🤐

و الحمد لله ديننا مسبش حاجة محتاجة إختراع يعنى مثلا وصى الأبناء بإنهم يلزموا قدم أمهم طول السنة مش يوم 21 مارس بس 👩‍👧‍👦 ووصى المجتمع كله بإحتضان و رعاية اليتيم طول السنة مش هى حفلة نعملها لهم يوم واحد كل سنة نفكرهم بيتمهم و نتصور معاهم سيلفى 🤳🏻 و باقى السنة كلها ننساهم .

و هكذا .. إحنا بس اللى من بعدنا عن ديننا بقينا بنقلد و إحنا مش فاهمين ظنا مننا إن ده خير و بر 🕊 ومنعرفش إننا بكدة بنعمل بدعة يعنى بنعمل كارثة 🔥

يتبع إن شاء الله 🔜

#مفاهيم
#هى_ليه_بدعة 🤔

🎯 https://t.me/ew3ey 👈🏻 للإشتراك بقناة حياتك فرصة إوعى تضيعيها على تليجرام

صفحة الفيس بوك 👈🏻 https://web.facebook.com/asmaa.moussa.1671

" بدعة حسنة "

كلمة شكلها يبدو جميل ✔️ إنما هى كلمة فى الحقيقة وحشة أوى أوى ✖️ إزاى الرسول ﷺ يقول كل بدعة ضلالة و أنا أقول بدعة بس ( حسنة ) 😱

الشيخ بن عثيمين كان بيقول مينفعش نقول بدعة حسنة ⛔️ إنما يا إما هى بدعة فهى منكرة يا إما هى أصلا مش بدعة ..

زى مثلا تشكيل المصحف و تنقيطه 📖 ده فعل حسن إتعمل بعد وفاة الرسول ﷺ للحفاظ على القرآن ☑️ لكن مينفعش نقول عليه بدعة حسنة .. وهكذا

دورنا إننا نفهم و نفهم اللى حوالينا خطورة البدعة 📛 لما نعرف إن كل بدعة فى النار يبقى دى حاجة لازم نترعب منها 🔥

يبقى مفيش حاجة إسمها كنت خايفة لحسن مجبش هدية لأمى يوم 21 مارس لحسن تزعل ✋🏻 وﻻ معملش حفلة عيد ميلاد جوزى ليفتكرنى نسيته 🎂 لازم نرتب أولوياتنا ، مينفعش نختار رضا الناس على حساب رضا ربنا أبدا ⚠️ مينفعش نبارز ربنا بالمعصية فى صميم النعمة اللى هو اللى رزقهالنا أصلا سواء زوج أو أبناء أو أم .....

راضى كل حبايبك و تهادى معاهم طول الوقت إنما فى الأعياد البدعية ﻻ ✋🏻 قبل المناسبة بفترة ممكن أروح اشرح انى عرفت ان الحاجة الفلانية دى حرام ❌ فتعالوا كلنا نساعد بعض و نمتثل لأمر الله و نتركها .. و ربنا يرزقنا جميعا إتباع سنة الرسول ﷺ و مرافقته فى الجنة يارب .

#مفاهيم
#هى_ليه_بدعة 🤔

🎯 https://t.me/ew3ey 👈🏻 للإشتراك بقناة حياتك فرصة إوعى تضيعيها على تليجرام

صفحة الفيس بوك 👈🏻 https://web.facebook.com/asmaa.moussa.1671