ليهم وفي مقدمتهم جمل أسود عليه متاع أسود،
زي ما وصف رسول الله ﷺ بالضبط، يعني كل حاجة طلبوها منه أهه وكمان زادهم بدليل الطبيعي وإللي عنده أي ذرة عقل يؤمن،
دول بقى ولا الهوى، قالوا احنا مش مصدقين الكلام إللي بيقوله محمد 😒

☆والله يا جماعة بنقابل الناس دي 😑
بتبقى دماغهم حاجة كده عجيبة ربنا يعافينا🤦‍♀️
تقولك هاتيلي دليل من القرآن أو السنة على كذا وتجيبي وتقول لأ، الكلام ده مش صح😒

بعد ده كله وميؤمنوش، فطبيعي إنه يحزن ﷺ 🤷‍♀️
شوفوا ربنا قال له إيه عشان يهون عليه وعلينا احنا كمان طبعا👌
" قَدْ نَعْلَمُ إِنَّهُ لَيَحْزُنُكَ الَّذِي يَقُولُونَ فَإِنَّهُمْ لا يُكَذِّبُونَكَ وَلَكِنَّ الظَّالِمِينَ بِآيَاتِ اللَّهِ يَجْحَدُونَ "
يعني هم مش بيكذبوك هم مصدقينك لكن دي ناس جاحدة، عرفوا الحق وجحدوه👌
مش يسكتوا بقى ، لأ ده قعدوا يتكلموا في الموضوع ده أيام كثيرة،
كان المسلمون بيقعدوا مع رسول الله ﷺ كل يوم بيسألوه عن الحاجات إللي شافها وكان بيشرح لهم،
فكانوا عايشين جو إيماني جميل ، زي إللي عشنا زيه في الأجزاء إللي فاتت
بس تخيلوا بقى لما يكون رسول الله ﷺ إللي بيحكي،
نحس إن الجنة نزلت للأرض😊

◇عندنا سؤال مهم😁
هو ليه رسول الله ﷺ أخبر المشركين عن رحلته لبيت المقدس ولم يخبرهم عن رحلة المعراج للسماء🤨

بكل بساطة عشان يقدر يجيب دليل على إنه راح بيت المقدس، يعني وصف لهم المسجد الأقصى وقال لهم على القافلة، وكمان كذبوه🤦‍♀️
لكن هيجيب دليل إزاي إنه طلع السماء😶
دول كفار هيكذبوه، لكن المسلمين المؤمنين بمجرد ما هيقول لهم عن المعراج هيؤمنوا على طول👌
والإسلام لا يشوش على العقول، يعني حدثوا الناس بما يعرفون وحدثوا الناس بما يعقلون،
مينفعش نقعد نكلم الناس كلام هم مش فاهمينه وعقولهم مش مستوعبه، كده نفتنهم😶
وطبعا ده لا يتعارض مع إللي قلناه من شوية إننا لازم نقول الحق،
احنا نقول الحق إللي نقدر نثبته، رسول الله ﷺ قال الحق إللي يقدر يقبته بالدليل،
وفاكرين في قصة يوسف عليه السلام لما دخل معاه الفتيان وطلبوا تفسير الرؤيا ،
قبل ما يتكلم جاب لهم دليل على صدق الكلام إللي هيقوله فأثبت لهم بالدليل إنه بيفهم في تأويل الرؤى، قال لهم:

"قَالَ لا يَأْتِيكُمَا طَعَامٌ تُرْزَقَانِهِ إِلا نَبَّأْتُكُمَا بِتَأْوِيلِهِ قَبْلَ أَنْ يَأْتِيَكُمَا"
فعروج رسول الله ﷺ للسماء محتاج إيمان بالغيب، والكفار معندهمش إيمان بالغيب، دي بتاعة المسلمين الموحدين 😊
فده يعلمنا إننا لما نيجي نكلم الناس في مسألة شرعية يبقى معانا أدلتها وقناعتها وإيماننا بها والإثبات إنها حق👌

هيرجع رسول الله ﷺ للدعوة مرة ثانية، وهتاخد الدعوة منحنى مختلف، لأن الوضع في مكة دلوقتي بعد كل ده لا يبشر إن مكة هتكون مركز لإنطلاق الإسلام للعالم👌

عمل إيه رسول الله ﷺ عشان يتجه بدعوة الإسلام لمنحنى جديد ، ده إللي هنعرفه الجزء الجاي إن شاء الله 😉

#Eman_Shalapy

وا رسول الله ﷺ ومن أمثلة الجدال بتاعتهم،
إن العاص بن وائل وهو سيد من سادات مكة جاء لرسول الله ﷺ وكان في إيده عظم بالي قديم وراح مفتته قصاد رسول الله ﷺ وبقى تراب وقال له : بقى ربنا هيُحيي التراب ده بعد ما اتفتت كده😏
فقال له رسول الله ﷺ:
أيوة هيبعثه.. ثم يميتك ثم يحييك ثم يُدخلك نار جهنم👌
فنزلت فيه :
"أَوَلَمْ يَرَ الْإِنسَانُ أَنَّا خَلَقْنَاهُ مِن نُّطْفَةٍ فَإِذَا هُوَ خَصِيمٌ مُّبِينٌ *
وَضَرَبَ لَنَا مَثَلًا وَنَسِيَ خَلْقَهُ ۖ قَالَ مَن يُحْيِي الْعِظَامَ وَهِيَ رَمِيمٌ*
قُلْ يُحْيِيهَا الَّذِي أَنشَأَهَا أَوَّلَ مَرَّةٍ ۖ وَهُوَ بِكُلِّ خَلْقٍ عَلِيمٌ"

استمر الوضع كده خلال السنة الحادية عشرة لحد ما جاء موسم الحج،
وبدأ رسول الله ﷺ يعرض نفسه على القبائل مرة ثانية،
لكن المرة دي رسول الله ﷺ غير من خطته،
يعني هو كان بيروح يعرض نفسه على القبائل في النهار وكان أبو لهب يشوفه ويكذبه، أبو جهل يعطل عليه ويسخر منه🙄
المهم يعني إن الدعوة كانت بتوصل للناس مشوشة وفيها قلق،
لكن السنة دي رسول الله ﷺ عمل خطة جديدة،
لأن المطالب السنة دي أقوى، رسول الله ﷺ هيطلب من الناس الإسلام وكمان الدفاع عنه وعن المؤمنين ومواجهة قريش،
وقريش لو عرفت المطالب دي هتبقى مشكلة جامدة🙊
فاحنا محتاجين سرية تامة👌
والسرية دي أنسب وقت لها في الليل، ولأن رسول الله ﷺ ميعرفش القبائل القوية من الضعيفة ولا تاريخ زعماء القبائل ولا أنسابهم،
فهو محتاج لواحد خبير في الأنساب، يبقى مفيش أحسن من أبي بكر الصديق خبير الأنساب 💁‍♀️
فبدأ رسول الله ﷺ يزور القبائل في مخيماتهم خارج مكة في الليل،
وكده ضربنا عصفورين بحجر، الدعوة هتوصل للناس بدون تشويش وعلى روقان،
ولو في قبيلة وافقت إنها تنصر رسول الله ﷺ محدش من أهل مكة هيعرف هي مين🤭
رسول الله ﷺ مع إنه مُؤيد من ربنا لكن بيعلمنا الأخذ بالأسباب وإننا نخطط عشان مهمتنا تنجح👌

كان رسول الله ﷺ بيقابل القبائل فلما أبو بكر الصديق رضي الله عنه يقول له إن القبيلة دي ضعيفة كان يعرض عليهم الإسلام من غير ما يطلب منهم نُصرة،
ولو القبيلة قوية بيعرض عليهم الإسلام ويطلب منهم النصرة،
ذهب رسول الله ﷺ لقبائل كثيرة ومحدش منهم استجاب لرسول الله ﷺ، محدش آمن😑

☆وهنا نتعلم نقطة مهمة وهي إن احنا علينا البلاغ فقط🤚
يعني يا جماعة احنا علينا توصيل الدين مش إننا نلزم الناس بيه😅
يعني لما تقولي لواحدة إن النمص حرام مثلا وهي لا تستجيب خلاص إنتي عملتي إللي عليكي، إنتي ملكيش إنك تلزميها ولا تغصبي عليها،
من الأمور إللي بتخلي الناس تنفر إنهم يحسوا إننا بنلزمهم وإنهم لازم يسمعوا كلامنا،
احنا بنعرض عليهم الدين، والله قبلوا فلله الحمد مقبلوش خلاص مش بإيدنا إننا نلزمهم،
"فَإِنْ أَعْرَضُوا فَمَا أَرْسَلْنَاكَ عَلَيْهِمْ حَفِيظًا"
المشكلة بقى إننا لما منلاقيش الناس استجابت لنا نتعصب ونتضايق وممكن نتهم الناس بكلام مش ظريف😬
لا يا جماعة رسول الله ﷺ وهو رسول الله مألزمش أي حد بالدين، هو كان بيبلغ وخلاص، وهي دي وظيفته ووظيفتنا من بعده👌
"إِنْ عَلَيْكَ إِلَّا الْبَلَاغُ"

من القبائل إللي رسول الله ﷺ دعاهم كانت قبيلة بني شيبان، كان أبو بكر الصديق رضي الله عنه بيسأل : مَن القوم فيردوا ويقولوا بني فلان،
فلما سأل القبيلة وقالوا له إنهم بني شيبان بن ثعلبة، قال أبو بكر لرسول الله ﷺ :
يارسول الله بأبي انت وأمي، الناس دي من أعظم القبائل قبيلة كبيرة وعزيزة 😯
ولما سأل عن أساميهم لقى أشراف بني شيبان موجودين : مفروق بن عامر وهانئ بن قُبيصة والنّعمان بن شُرَيك والمثنى بن حارثة😁

هيبدأ الحوار وأبو بكر الصديق رضي الله عنه هيسأل بني شيبان،
هيسألهم عن إيه؟
وهل هيؤمنوا ولا هيكونوا زي غيرهم من القبائل؟
ده إللي هنعرفه الجزء الجاي إن شاء الله 😊



#Eman_Shalapy

أ عليهم القرآن،
فآمن الستة كلهم مرة واحدة في نفس اللحظة😳

☆إيه ده مين الناس دي إللي آمنوا كلهم بدون أي تردد كده😮
الخَزْرج دول قبيلة مشهورة في يثرب، وفي قبيلة تانية معاهم في نفس البلد اسمهم الأوس،
وكان بيسكن معاهم اليهود وكانوا حلفاء للأوس والخزرج ويثرب بعيد عن مكة حوالي خمسمائة كيلو متر،
وده يوضح لنا أد إيه رسول الله ﷺ كان مُطلع على أحوال زمانه وعنده معلومات عن القبائل بصفة عامة،

اليهود إللي كانوا عايشين في يثرب مع الأَوْس والخَزْرج، كانوا كل ما يحصل خلاف بينهم يقولوا للأوس والخزرج :
الزمن ده زمن نبي وأول ما يظهر هنتبعه ونقتلكم قتل عاد 😈
فمن كثرة ما اليهود بيقولوا كده الأوس والخزرج كرهوا اليهود، وفي نفس الوقت كانوا خايفين منهم ومع اتحادهم مع النبي إللي يظهر ده،
الفكرة إنهم كانوا مصدقين أصلا إن في حاجة اسمها نبي،
غير أهل مكة إللي كانوا رافضين الفكرة😮
فلما سمعوا كلام رسول الله ﷺ قالوا لبعض قصاد رسول الله ﷺ:
الحقوا 😲 ده إللي اليهود بيهددوكم به ، اوعوا يسبقوكم إليه👌
فكان ده سبب رئيسي في إسلامهم، سبب ثاني في سرعة إسلام الوفد الخزرجي إن قبل كم شهر كان في حرب أهلية قبلية بين الأوس وبين الخزرج،
ولسه من كم شهر بس كان في حرب بينهم وكانوا هيفنوا بعض،
فوفد الخزرج فكروا إن رسول الله ﷺ بكلامه المعجز وأسلوبه في التعامل يقدر يجمع بين القبيلتين،
فقالوا لرسول الله ﷺ:
احنا تركنا قومنا وبينهم من الشر إللي بينهم ، فيمكن ربنا يجعلك سبب في الجمع بينهم👌
قالوا لرسول الله ﷺ: احنا هنرجع لقومنا وندعوهم ونعرض عليهم إللي احنا آمنا به، فلو قبلوا فمحدش هيكون أعز علينا منك😊
والستة إللي آمنوا من الخزرج دول كانوا :
《أسعد بن زُرَارة وجابر بن عبد الله، وقطبة بن عامر وعوف بن الحارث ورافع بن مالك وعقبة بن عامر》
ورجع الستة فعلا ليثرب وبدأوا يدعوا قبيلتهم الخزرج ومش بس كده ده دعوا كمان الأوس للدخول في الإسلام ونسيوا الحرب إللي كانت بينهم ،ودخل في الإسلام اثنين من الأوس:
الهيثم بن التيّهان وعُويْم بن ساعدة، بمعلومات بسيطة جدا عرفوها عن الإسلام انطلقوا يدعوا الناس باللي هم عارفينه،
رسول الله ﷺ مكنش مخطط للقاء الستة دول،
ولا كان متوقع أنه هيقابلهم ، لكن لما الإنسان بيسعى ربنا بيكافؤه ويرتب له الأسباب إللي تخليه يوصل لهدفه👌
عشان كده احنا علينا السعي وإننا نعمل إللي نقدر عليه والنتائج بتاعة ربنا 😉
استمر الستة يدعون في قومهم سنة كاملة،
لحد ما رجعوا في العام التالي إللي هو العام الثاني عشر للبعثة في موسم الحج عشان يقابلوا رسول الله ﷺ بعشرة من الخزرج واثنين من الأوس،
هنعرف أحداث المقابلة إن شاء الله بس قبل كده محتاجين نعرف الحادثة العجيبة إللي حصلت قبل السنة الثالثة عشرة للبعثة 😮
المشركين كانوا عايزين معجزة من رسول الله ﷺ عشان يثبت لهم إنه رسول من عند الله،
☆قال يعني بعد ده كله ورسول الله مجبش معجزات🙄

بس هم كده أهل الباطل يقعدوا يجادلوا ويطلبوا أمور تعجيزية عشان يحاربوا الدين😑
فقالوا لرسول الله ﷺ احنا عايزين نشوف معجزة،
إنت مجبتش ولا معجزة،
رسول الله مقعدش يجادلهم ويقولهم مانا قلتلكم حادثة الإسراء وجبتلكم الدليل،
وقلت لكم على حادثة الصحيفة إللي أكلتها دودة الأرض و..و..
هو مقعدش يعدد لهم ، قال لهم لو أنا خليت القمر ينشق نصفين تؤمنوا؟
وكان الليلة دي القمر بدر، فقالوا له: أه طبعا نؤمن😲
فدعا ربنا إنه يشق له القمر فانشق القمر نصفين 🌜🗻🌛
وكان جبل أبي قبيس بينهم😮
فلما شافوا المنظر قالوا : سحرنا محمد😑
وكذبوا بالمعجزة إللي شافوها قصاد عينهم، فقال واحد فيهم طيب لو هو سحرنا فأكيد مش هيقدر يسحر إللي برة مكة،
خلونا نسأل الناس إللي جايين من السفر عن إيه أكثر حاجة عجيبة شوفتوها في سفركم ده،
فلما جاء الناس من السفر سألوهم قالوا لهم : في ليلة شفنا فيها القمر مقسوم نصين😳
فراح أهل مكة قالوا : ده سحره وصل لخارج مكة ، وسحر الناس😲
☆طبعا لا تعليق🤐
ربنا انزل :
"اقْتَرَبَتِ السَّاعَةُ وَانْشَقَّ الْقَمَرُ * وَإِنْ يَرَوْا آيَةً يُعْرِضُوا وَيَقُولُوا سِحْرٌ مُسْتَمِرٌّ * وَكَذَّبُوا وَاتَّبَعُوا أَهْوَاءَهُمْ وَكُلُّ أَمْرٍ مُسْتَقِرٌّ"

وأكيد السؤال إللي بيفرض نفسه هنا 😅
هو ليه ربنا لم يُهلك أهل مكة بعد ما طلبوا معجزة ولم يؤمنوا بها زي ما أهلك الأمم السابقة،
وخصوصا إن احنا قلنا قبل كده إن جبريل عليه السلام جاء قبل كده لما طلبوا إن مكة يبقى فيها أنهار ويحولها لأرض خضراء،
وكانوا طلبوا برده إنه يحول لهم جبل الصفا لذهب،
فقال جبريل لرسول الله ﷺ إن ربنا بيقول لو أعطاهم إللي طلبوه وكذبوا هيهلك مكة،
إيه الفرق بقى في الموقفين🤔

سؤال مهم جدا عشان كده هنجاوب عليه المرة الجاية إن شاء الله 😁


#Eman_Shalapy

ة ونعالجها ، احنا بنبني دولة دلوقتي فمفيش أي مجال للخطأ👌

مين بقى أكثر واحد ملائم للمهمة دي...مفيش غير مصعب بن عُمير😁
فاكرين مصعب وإللي أمه عملته معاه لما أسلم وكان إزاي هو أكثر شباب مكة ترفا ومع ذلك ساب كل حاجة من أجل الإسلام😊
طيب ليه رسول الله ﷺ اختار مصعب بالذات ، أكيد في أسباب،
احنا اتعودنا من رسول الله ﷺ إنه مش بيعمل حاجة ولا ياخد قرار إلا وله حكمة في قراره وله بُعد نظر😉

خلونا نشوف الأسباب إللي خلت رسول الله ﷺ يختار مصعب بن عمير بالذات دونا عن أي واحد تاني من الصحابة 👌
♡أولا:
مصعب من أوائل الناس إللي أسلمت وبالتالي هو من أعلم الصحابة وكان بيحفظ كل ما ينزل من القرآن،
وعارف إمتى نزلت الآيات ومعناها يعني خاض التجربة الإسلامية من البداية👌
وطبعا لازم يكون على علم واسع، لأن مش هينفع لما تحصل حاجة يروح يسأل رسول الله ﷺ لأن هيكون بينه وبين رسول الله ﷺ مسافة خمسمائة كيلو،
يعني حوالي خمس ساعات بالعربية لو ماشي على سرعة مائة كيلو متر😶
فهناك مكنش فيه عربيات فتخيلوا الوقت إللي هيحتاجه عشان يوصل لرسول الله ﷺ 😕

♡ثانيا:
كان من صفة مصعب رضي الله عنه إنه هادئ وصبور وعنده لباقة في الكلام وذكي وعنده سعة صدر وحليم وده صفات أساسية لازم تكون في الداعية، وكمان مصعب كان إنسان رقيق ومتواضع، يعني داعية مثالي😅

♡ثالثا:
مصعب من أشراف مكة فلما يروح لهم واحد شريف في النسب أكيد هيسمع له أشراف أهل يثرب ،بعكس لو راح لهم عبد ضعيف أو إنسان مجهول🤷‍♀️

♡رابعا:
مصعب كان من أغنياء مكة المشهورين، وترك الغنى والأموال عشان الإسلام،
فهيكون قدوة لأغنياء يثرب إللي عايزين يدخلوا في الإسلام وبيترددوا بسبب أموالهم او ملكهم،
فهو مثال عملي لرجل استطاع إنه يسيب المال من أجل الإسلام💁‍♀️
وكمان دليل واقعي إن دين الإسلام مش دين ثورة من الفقراء على الأغنياء ، ولا هو ظهر بسبب عوامل اقتصادية زي ما في ناس بتقول 🙄

♡خامسا:
السفير المنعزل عن مكة وعايش في أمان ممكن يُفتن بالدنيا والعيشة المريحة بعد ما كان شُعلة في الدعوة،
لكن مصعب نجح في اختبار أصعب، وهو إنه كان عايش أصلا وسط العيشة المريحة دي،
وإللي يخليه يرفض الدنيا من يد أمه إللي كانت موفرة له كل سُبل الراحة أكيد هيرفضها من يد أي حد تاني😊
ونقطة تانية مهمة إن السفير الإسلامي ممكن يُفتن بفتنة الزعامة والرئاسة وإن الناس بتمشي وراه،
لكن مصعب كان وضعه مختلف لأنه كان هيبقى زعيم في قبيلته بني عبد الدار إللي معاهم مفتاح الكعبة وبيتوارثوه،
فكان المفتاح هيبقى في إيده ويكون هو الزعيم لولا دخوله في الإسلام👌

♡سادسا:
مصعب بن عمير كان من المهاجرين للحبشة في الهجرة الأولى والثانية، فأكيد هجرته خلته يكتسب خبرة في التعامل مع الأغراب ومع عادات وتقاليد مختلفة،
فاللي يخليه يقدر يتعامل مع ناس غير عرب ولغتهم ودينهم مختلف عنه،
يخليه يقدر تعامل مع عرب زيه، يعني التعامل هيكون أسهل😉

♡سابعا:
هجرة مصعب للحبشة خلت عنده القدرة إنه يسيب بلده وأحبابه، واحنا مش عارفين مهمته في يثرب هتقعد كم سنة،
فمادام هو صبر السنين دي في الحبشة يبقى يقدر يصبر زيهم في مكان تاني💁‍♀️

♡ثامنا:
مصعب كان عمره في الوقت ده خمسة وثلاثين عام، وده سن مناسب جدا للعمل في الدعوة،
يعني لا هو شاب في بداية سن الشباب فيتهور في أخذ القرار بسبب حماسه،
ولا هو شيخ كبير في السن صعب يتحرك وتكون مهمة الدعوة شاقة عليه👌

كانوا بيحفظونا واحنا صغيرين إن أول سفير في الإسلام هو مصعب بن عمير،
لكن محدش كان بيقول لنا هو ليه كان هو السفير، مكنش حد بيقول لنا إن رسول الله ﷺ كان بيخطط وبيختار الناس المناسبة لكل حدث،
وإنه كان بيختار الأشخاص بعناية، ومش بيختار اختيار عشوائي كده وخلاص،
دولة الإسلام والصحابة متبنوش في لحظة، رسول الله ﷺ مكنش معاه عصا موسى بيحقق بها المعجزات
رسول الله ﷺ كان بيفكر ويخطط ويأخذ بالأسباب وكان بيتعب وبيتأذى في سبيل الله،
أي حد يقدر يعمل إللي رسول الله ﷺ عمله ويبني دولة ويربي ناس زي الصحابة،
وإللي يمشي على نفس منهج رسول الله ﷺ ومنهج الصحابة هيوصل أكييييد للي هم وصلوا له،
غير كده يبقى بنضيع وقتنا وبنضيع نفسنا ربنا قال:
"وَأَنَّ هَذَا صِرَاطِي مُسْتَقِيمًا فَاتَّبِعُوهُ وَلا تَتَّبِعُوا السُّبُلَ فَتَفَرَّقَ بِكُمْ عَنْ سَبِيلِهِ "
هو طريق واحد مستقيم... طريق رسول الله وصحابته،
أي حد هياخد طريق مختصر هيضيع ويضل👌

رجع مصعب بن عمير مع وفد الأوس والخزرج ليثرب عشان يبتدي مهمته،
وهناك حصلت أحداث هتغير مجرى الدعوة الإسلامية للأبد🙊
مين إللي دخل في الإسلام وأدخل معه قبيلته كلها في يوم واحد😁
هنعرف إن شاء الله الجزء الجاي 😉


#Eman_Shalapy

كن يقولوا له خلاص مش عايزينك هنجيب غيرك مش صعبة هي، إنت بتهددنا،😒
هو فعلا أد كلمته، هو عنده استعداد يتنازل عن أي شيء في الدنيا في مقابل الإسلام، فعلا مش فارق معاه أي حاجة👌
وإللي بيَصدق مع ربنا وبيكون همه رضا الله فقط ربنا بيجمع له شمله ويحقق له أكثر مما يتمنى😊

النتيجة كانت مُبْهرة، كل قبيلة سعد بن معاذ أسلمت ماعدا رجل واحد تأخر إسلامه أسلم بعد أربع سنين😮
احنا مش بنقول عشرة ولا عشرين احنا بنقول قبيلة كاملة تسلم في لحظة واحدة،
ده احنا كنا لسه عدد بسيط وضعفاء مستضعفين معذبين،
في لحظة بقينا مئات🙊
قبيلة كاملة برجالها ونسائها وأطفالها وسلاحها وخيولها وأموالها بقت تحت تصرف الإسلام😮
هل مصعب كان يتوقع ولا يحلم وهو معذب في مكة ولا مطارد في الحبشة إن هتيجي اللحظة إللي تدخل فيها قبيلة قوية زي قبيلة الأوس في الإسلام🤷‍♀️
ربنا بيعلما إن التمكين بإيده هو، احنا علينا بذل الأسباب فقط،
مطلوب نعمل إللي في إيدنا ونقدر عليه، سواء شفنا النتيجة ولا لأ، مصعب شاف نتيجة دعوته،
لكن سمية وياسر مشفوش نتيجة تضحيتهم، ربنا هيسألنا عن إللي احنا قدمناه وإللي احنا نقدر عليه، مش هيسألنا عن النتائج أبدا👌
نتعلم من قصص النهاردة إن الصدق مع الله وإخلاص النية مع بذل المجهود، يعني نعمل إللي نقدر عليه... هو السبيل الوحيد لنصرة الإسلام😊

الوضع اتغير في المدينة، كله بقى شغال في الدعوة ونشر الإسلام، وصل الإسلام لكل بيت في يثرب مفيش بيت إلا ودخل بعض أفراده الإسلام،
كل ده خلال سنة واحدة وهي السنة الثالثة عشرة للبعثة،
قبل موسم الحج رجع مصعب بن عمير لرسول الله ﷺ في مكة عشان يشرح له الوضع في يثرب بقى عامل إزاي بعد إسلام الناس،
شرح له الوضع في المدينة ، ووضح له قوة رجال أهل يثرب وكرمهم،
شرح مصعب لرسول الله ﷺ كل شيء كأنه كان معاهم السنة دي كلها👌

برغم إن دعوة مصعب بن عمير كانت علانية والناس كلها سمعت عن الإسلام حتى اليهود إللي كانوا ساكنين في يثرب، إلا إن إللي كان بيُسلم مكنش بيعلن إسلامه،
يعني عشان ظروف يثرب ووجود مشركين فيها لسه وكمان اليهود،
فكانوا مراعين لظروف البلد، الدعوة كانت علنية لكن التربية وتعلم الدين كان سري🤫
والسرية في الوقت ده مطلوبة، احنا لسه مش عارفين إيه إللي ممكن يحصل، فكل ماكانت الأمور مخفية كل ماكان ده في صالحنا😉
وعلى فكرة النقطة دي مهمة حتى في أمورنا الحياتية،
طول ما الإنسان محافظ على أسرار نفسه، هيحمي نفسه من حاجات كتير أوي،
هيحمي نفسه من نظرة حاسد، من كلام الناس عليه،
من مشاكل ممكن يضع نفسه فيها،
حتى رسول الله ﷺ قال:
"استعينوا على إنجاح الحوائج بالكتمان فإن كل ذي نعمة محسود"
《الحديث صححه الألباني》
وطبعا ده لا يتعارض مع أما بنعمة ربك فحدث😉
فالمقصود منها إن القيام بشكر النعمة وإظهار أثارها، يعني لو الإنسان ربنا رزقه بأموال يشكر ربنا عالنعمة دي،
ويتصدق كثير ويكون كريم مع الناس،
مش إنه يروح يقول للناس انا عندي وعندي 🤓
رسول الله ﷺ معملش كده👌
فكل ما كان الإنسان يخفي أموره عن الناس كل ما كان في مأمن😉
تخيلي لو حصلت مشكلة مع واحدة وإنتي كنتي قايلة لها على أسرارك وهي من غيظها منك راحت فاضحاكي،
موقفك هيبقى إيه ساعتها😑
وحصلت وأكيد شوفتم مثال ولا اثنين قصادكم، فنصيحة اكتموا من أموركم على أد ما تقدروا عشان متعرفوش المستقبل فيه إيه🤫

واحنا هنشوف نتيجة كتمان المسلمين إسلامهم ساعدهم إزاي لما اتقابلوا مع رسول الله ﷺ في بيعة العقبة الثانية 😉

جاء موسم الحج من السنة الثالثة عشرة للبعثة ،وسافر من يثرب لمكة وفد عشان يحجوا وكان عددهم ثلاثمائة إنسان،
كان في الوفد ده خمسة وسبعون مسلم،
ثلاثة وسبعون رجل وامرأتان، ومكنش حد من المشركين إللي كانوا في الوفد يعرفوا المسلمين إللي معاهم🤭
والسبب إللي خلى الخمسة وسبعين مسلم دول يروحوا يقابلوا رسول الله ﷺ،
إن جابر بن عبد الله وكان واحد من الستة إللي أسلموا في البداية قال لأصحابه :
هو احنا هنفضل سايبين رسول الله ﷺ يطرد في جبال مكة والناس تؤذيه لحد امتى😑
فجمعوا بعض وراحوا عشان يقابلوه عشان ينصروه ويقنعوه إنه يروح معاهم ليثرب، يعني هم إللي سعوا في نصرة رسول الله ﷺ قبل ما هو يطلب منهم🙊
فرق كبير بين إللي بيبحث عن الدعوة ونصرة الدين، وبين إللي الناس بتدور عليه عشان ينصر الدين👌

رتب الوفد المسلم مع رسول الله ﷺ مكان و ميعاد عشان يتقابلوا فيه ويتكلموا،

هيتقابلوا فين وإيه الحوار إللي دار بينهم، ده إللي هنعرفه الجزء الجاي إن شاء الله😊



#Eman_Shalapy

لا أي حاجة،
النصر والتمكين هييجي في يوم من الأيام، لكن إنت ممكن تموت قبلها 🤷‍♀️
فمفيش جزاء لكم غير الجنة👌
أول ما سمع المسلمين كلام رسول الله ﷺ قالوا:
رضينا، لا نقيل ولا نستقيل🤚
يعني يا رسول الله لا احنا هنرجع في كلامنا ونندم، ولا إنت تطلب إلغاء الإتفاق👌
فنزلت آية:
"إِنَّ اللَّهَ اشْتَرَىٰ مِنَ الْمُؤْمِنِينَ أَنفُسَهُمْ وَأَمْوَالَهُم بِأَنَّ لَهُمُ الْجَنَّةَ ۚ يُقَاتِلُونَ فِي سَبِيلِ اللَّهِ فَيَقْتُلُونَ وَيُقْتَلُونَ ۖ
وَعْدًا عَلَيْهِ حَقًّا فِي التَّوْرَاةِ وَالْإِنجِيلِ وَالْقُرْآنِ ۚ
وَمَنْ أَوْفَىٰ بِعَهْدِهِ مِنَ اللَّهِ ۚ فَاسْتَبْشِرُوا بِبَيْعِكُمُ الَّذِي بَايَعْتُم بِهِ ۚ وَذَٰلِكَ هُوَ الْفَوْزُ الْعَظِيمُ"

رسول الله ﷺ طلب من الوفد الإسلامي إنهم يتفقوا ويختاروا من بينهم مجموعة يقدر رسول الله ﷺ يتعامل معاهم ويتكلم معاهم،
لأنه صعب إنه يكلم السبعين مرة واحدة😅
فقال لهم من كل ستة طلعوا لي واحد، مع إن رسول الله ﷺ كان ممكن هو إللي يختارهم، لكنه بيعلم الصحابة واحنا من بعدهم إن الناس من حقها تختار إللي يمثلها،
لأن لما الناس هي إللي تختار هيسمعوا ويطيعوا للي اختاروهم،
تخيلوا لما يكون الشخص مفروض عليكي ويقول لك اعملي ومتعمليش، أقل كلمة هنقولها وإنت أصلا مين إداك الحق إنك تاخذ قرار بدالي ولا تقولي اعمل ومتعمليش😤
فرسول الله ﷺ بيعلمهم من أول يوم التعاون وإزاي يتفقوا وإزاي يختاروا صح👌

قعد الأوس والخزرج مع بعض لأول مرة بعد قتال سنين، عشان يختاروا من يمثلهم أمام رسول الله ﷺ،
بعد مبايعة الإثنا عشر نقيب لرسول الله ﷺ سمعوا صرخة عظيمة😳

مين إللي صرخ ده ، وقال إيه 🙊
ده إللي هنعرفه الجزء الجاي إن شاء الله 😁


#Eman_Shalapy

ن بعد بيعة العقبة الثانية لحد ما كل المسلمين إللي يقدروا يخرجوا من مكة خرجوا وهاجروا ليثرب،
احنا دلوقتي في شهر صفر من السنة الرابعة عشرة من البعثة ،
اتبقى في مكة ثلاثة فقط من إللي يقدروا يهاجروا وهم :
أبو بكر الصديق وأهل بيته وعلي بن أبي طالب ورسول الله ﷺ،
وسبب وجود أبو بكر وعلي في مكة لحد دلوقتي كان بأمر من رسول الله ﷺ لأن كل واحد فيهم له دور هيؤديه بعدين زي ما هنشوف إن شاء الله 😉

طبعا كلكم مستنيين أحكي قصة هجرة عمر بن الخطاب وإزاي إن هو الوحيد إللي هاجر علانية وراح لأهل مكة وقال لهم: من أراد أن تَثْكله أمه أو يُيَتم ولده فليتبعني خلف هذا الوادي فإني مهاجر 💁‍♀️

◇لكن للأسف القصة طلعت ضعيفة لا تصح عن عمر بن الخطاب🙊

القصة الصحيحة إنه اتفق مع ثلاثة من أصحابه المسلمين إنهم يتقابلوا في مكان برة مكة وقالوا :
أي واحد فينا ميجيش المكان ده الباقي هيعرف إنه اتحبس ومقدرش ييجي، فالباقي يمشي ويهاجروا👌
وفعلا جاء عمر بن الخطاب للمكان وجاء صاحب له والثالث مجاش، فهاجر عمر وصاحبه وهم في الطريق قابلوا عشرين واحد من الصحابة فدخلوا يثرب مع بعض،
وكان سابقهم مصعب بن عمير ومعاه عبد الله بن أم مكتوم الأعمى 😉
وجاء بعدهما عمار بن ياسر، وبلال بن رباح وسعد بن أبي وقاص رضي الله عنهم أجمعين😊
مصدر كلامي كتاب:
《ما شاع ولم يثبت في السيرة النبوية》

☆ممكن حد يسأل طيب هو ليه الشيوخ بتحكي الروايات الضعيفة 😑
لأن السّيَر لا تُعامل معاملة الأحاديث الصحيحة، يعني بيذكروها من باب الاستئناس مادام مش بيتبنى عليه أحكام شرعية وده جائز وكان السلف بيعملوا كده،
لكن أنا في السلسة دي ببعد عن أي حديث في ضعف وبنقل القصة الصحيحة فقط 👌

إزاي رسول الله ﷺ هاجر وإيه الخطة إللي حطها عشان يقدر يهاجر بسلام،
ده إللي هنعرفه الجزء إللي بعد الجاي تقريبا، لأن الجزء الجاي هنتكلم عن.....
هنتكلم عن إيه😁
تابعوا معانا وإن شاء الله هتعرفوا 🤭


#Eman_Shalapy

هدوم ضيقة مفصلة أجسامهن ولا ستر وجه😓
ورسول الله ﷺ مأنكرش على أم سلمة وهي بتقول له يارسول النساء رجلها تتكشف💁‍♀️
يعني مقلهاش وإيه يعني رجلها تتكشف هو الراجل هيسيب كل حاجة فيها ويبص على رجلها،
بلاش تنطع وتشدد يا أم سلمة الدين يسر 🙄
مش بقولكم لو رسول الله ﷺ كان معانا كان زمانه شاف وسمع العجب😞

☆هتلاقوا إن شاء الله في التعليقات الروابط تفصيل كلامي ده 👆 بالتفصيل عشان إللي عايز يتأكد ويعرف أكثر😊👇

ومن الأخلاق إللي نصح لقمان ابنه بها إنه يوطي صوته لما ييجي يتكلم لأن أعلى صوت وأنكرها والناس بتكرهه هو صوت الحمير ،
فمادام هو مش محتاج إنه يعلي صوته ومفيش مناسبة لتعلية الصوت زي رفع الأذان مثلا يبقى يحافظ على توطية صوته👌
طبعا البنات إللي صوتها عالي هتزعل دلوقتي 😅
شوفوا...حاولوا بقدر الإمكان إنكم متضحكوش بصوت عالي في الشارع ولا تتكلموا بصوت عالي،
ولو حصل منكم سهوا وبدون قصد إن صوتكم عِلي فإن شاء الله ربنا يتجاوز عنها،
لأن صوت المرأة في الأصل مش عورة إلا لو اتكلمت بطريقة فيها دلع أو ميوعة، أو صوتها نفسه فتنة،
غير كده فمباح إن المرأة تتكلم عادي 😉

إن شاء الله في الجزء بتاع يوم السبت هنرجع لرسول الله ﷺ عشان نشوف خطته للهجرة ونعرف الأحداث الصحيحة للهجرة😉


#Eman_Shalapy

نَفْسَكَ ثَلَاثَ مَرَّاتٍ الْبِرُّ مَا اطْمَأَنَّتْ إِلَيْهِ النَّفْسُ "

جهز رسول الله ﷺ نفسه مع أبي بكر الصديق وخرجوا وبدأو رحلتهم ،
هل هتنجح خطة رسول الله ﷺ في تضليل المشركين ولا إيه إللي هيحصل ؟
ده إللي هنعرفه الجزء الجاي إن شاء الله 😊


#Eman_Shalapy

ن التحول إللي حصل😅

فقال له رسول الله ﷺ: متخليش حد ييجي ورانا🤚
فرجع سراقة وأول ميشوف حد رايح في اتجاه طريق رسول الله ﷺ يقول له:
خلاص محدش يروح الطريق ده أنا فتشت فيه، روحوا دوروا في مكان تاني😒

☆ وبما إننا بنتكلم عن سراقة فقصة إن رسول الله ﷺ وعد سراقة بسواري كسرى قصة ضعيفة لا تصح عن رسول الله ﷺ هي كمان😅
الواحد عمال ياخد صدمات عجب😶

استمر رسول الله ﷺ في رحلته، فوهو ماشي قابل في الصحراء دي بدون أي ميعاد سابق ابن عمته الزبير بن العوام كان راجع من الشام في قافلة مع بعض المسلمين،
وكان مع الزبير ملابس جاي بها من الشام فأعطى ثوبان أبيضان لرسول الله ﷺ وأبو بكر الصديق رضي الله عنه،
واستكمل رسول الله ﷺ رحلته،
لحد ما وصلوا خيمة لامرأة في الصحراء وكان لها مع رسول الله ﷺ قصة😊
قصتها إيه مع رسول الله ﷺ 😁
ده إللي هنعرفه الجزء الجاي إن شاء الله😉


#Eman_Shalapy