_*📲 شفيقة دوت كوم Shafika . com📲*_

*🧐📖🖊️الغش الجماعي 🧐📖🖊️*

📛 بطة متوترة ورايحة جاية تبص في تليفونها وتقول كانوا خلوا الامتحان إلكتروني أحسن زي الأول والمستر يحل لنا كلنا 👨🏻‍💻 ... هعمل إيه دلوقتي في الامتحان الورقي ده 📃⁉️ هحل ازاي دانا مذاكرتش ولا كلمة 😫

📛 فجاتها رسالة من جروب الدرس بتاعها شافتها صرخت وقعدت تتنطط 💃 👏🏻👏🏻
شفيقة قالت لها خير يا بطة متفرحيني معاكي 😃
قالت لها ده المستر بتاع الدرس يا ماما بعتلنا على الواتس دلوقتي تسريب الامتحان بتاع بكرة بالحل بتاعه ... يعني ضمنت المادة دي في جيبي الحمدلله 🤗👍

📛 قالت لها ألف بركة يابطة ... إلهي يكسب ويربح الأستاذ بتاعك ... وعقبال باقي الامتحانات 🤲🏻

📛 بطة قالت لها المشكلة في المستر بتاع الانجليزي مقفلها عالآخر ومش عايز يساعدنا خالص🙄 حتى اتفقنا نلم قرشين ونديهومله عشان يسرب لنا الامتحان قام هب في وشنا وطردنا 😩
شفيقة قالت لها إلهي يقفلها في وشه البعيد ويوقف له المراكب السايرة 😬

📛 وفي وسط اللجنة قضوها برشام، واللي يسرب تليفون من ورا المراقب واللي حطة سماعات تحت الطرحة والغش للركب ☹️
وشفيقة موصية بطة تلقط اللي تقدر عليه المهم تنجح وتعدي السنة 👌🏻

ليه كدة يا شفيقة 🙄
♨️ تحرضي بنتك على الغش وانتي وغيرك حافظين حديث النبي صلى الله عليه وسلم *" من غشنا فليس منا "* فليس منا يعني مش من معشر المسلمين ... ومع ذلك محدش همه🚫

♨️ وياريته غش في الدِرى واللي بيغش حاسس إنه بياخد حاجة مش من حقه ... لأ ده غش جماعي وبقى سمة المجتمع من غير أي استنكار وعادي جدا المجاهرة بالمعصية❌

♨️ وكمان صاحب المبدأ اللي بيخاف من ربنا ويتقيه بقينا ندعي عليه ونشتمه ويبقى مقفل ودقة قديمة❌

♨️ كل غشاش مجرم في حق نفسه أولا لأنه هيهلكها بغشه ده في الدنيا والآخرة 🚫

وفي حق المجتمع كمان لما خد حق مش حقه وخرج ناجح بالاسم وهو فاشل في الحقيقة ... وخرجنا للمجتمع نماذج مشوهة أخلاقيا ومشوهة علميا وعمليا 🚫

♨️ أصبحنا مجتمع متعلمينه جهلة 🚫 شفنا الدكتور الفاشل❌ والمهندس اللي بيبني عماره تقع تاني شهر❌ وخريجي الكليات اللي ميعرفوش يكتبوا ولا يقولوا كلمتين على بعض❌

♨️ وكمان العلماء قالوا إن اللي ينجح بالغش ويترتب على النجاح ده تخرج ووظيفة، يبقى فلوس الوظيفة دي حرام لأن الشخص حصل عليها من طريق حرام واتحط في مكان لا يستحقه وما بني على باطل فهو باطل 🚫

♨️ لكل طالب وطالبة ⬅️ هتستفيدوا إيه لما تنجحوا نجاح شكلي وانتوا عارفين إنكم متستحقوش ⁉️..
هتستفيدوا إيه وانتوا بتضحكوا على نفسكم قبل ما تضحكوا على الناس اللي ربنا هيظهر فشلكم قدامهم آجلا أو عاجل 🚫

اتقوا الله واتعبوا وذاكروا عشان رزقكم بعد كدة يبقى حلال وتكونوا على الأقل راضيين عن نفسكم ✅

شفيقة : أستغفر الله العظيم 😖
يارب يفتحها في وشك يا مدرس الانجليزي وتساعد العيال خليهم يعدوا السنة دي على خير 😇

يارب يعيني عليكي يا شفيقة🤕

ونشوفكم بكرة إن شاء الله 👋

#شفيقة_دوت_كوم

_*📲 شفيقة دوت كوم Shafika . com📲*_

*🧕🏻حجاب آخر زمن🧕🏻*

📛 شفيقة بتنادي على بطة بتكلمي مين في التليفون بقالك ساعة يا بطة وسايبة المطبخ يضرب يقلب
قالت لها دي فايزة صحبتي يا ماما متضايقة شوية بس خلاص قفلت معاها ☎️
قالت لها كان مالها فيه إيه ⁉️
قالت لها واحدة جارتها كل م تشوفها تعمل عليها ستنا الشيخة وتقعد تقولها نص شعرك طالع من الطرحة وبنطلونك ضيق وقصير ليه ‼️ وحاشرة مناخيرها في كل حاجتها 🤥 وقاعدة بس تعدل عليها😏
زي م يكون شوية الشعر اللي طالعين من الطرحة ولا الخمسة سنتي اللي باينين من رجل البنطلون هما اللي عملوا أزمة 🙄 مش كفاية إنها محجبة ومش عايزة تخلع الطرحة😑

📛 شفيقة قالت لها ياختي البسوا واتبسطوا وعيشوا حياتكو ...تكسر بخاطرها ليه كدة⁉️ ده أنا لما كنت أدكو كنت أمشي اتمختر في نص الشارع أقول يا أرض اتهدي ما عليكي أدي وشباب الشارع كلهم يقفوا على رجل 😌
بس النصيب حكم ووقع حظي في أبوكي 🥸

📛 قالت لها عموما يا ماما هي مسكتتلهاش وكتبت على حالتها على الفيس والواتس حسبي الله ونعم الوكيل فيها وقعدت تلقح عليها بالكلام وفشت غلها منها وشردتها 🤭
قالت لها يسلم فمها 👍🏻 متخليهاش تسيب حقها 👌🏻

ليه كدة يا شفيقة 😔

♨️ يعني لما حد يخاف عليكم وينصحكم لوجه الله تقوموا تشردوه بالشكل ده ‼️وتاخدكم العزة بالإثم زي م يكون ناصحكم هو الغلطان 🚫
افتكروا قول الله تعالى : *(وَإِذَا قِیلَ لَهُ ٱتَّقِ ٱللَّهَ أَخَذَتۡهُ ٱلۡعِزَّةُ بِٱلۡإِثۡمِۚ فَحَسۡبُهُۥ جَهَنَّمُۖ وَلَبِئۡسَ ٱلۡمِهَادُ)*

♨️ ولعلمك يا شفيقة ياللي فرحانة انك كنتي بتمشي تتمختري، الصحابيات زمان كانوا بيمشوا يلزقوا في الحيطان عشان ميمشوش في نص الشارع قدام الرجالة ❌
المفروض النساء ميمشوش في نص الطريق يمشوا على الجوانب غضين بصرهم ومحتشمين وبعاد عن الرجالة .. هو ده شرع ربنا ✅

♨️ الحاجة التانية لازم تعلمي بنتك إن البنت أول م تبلغ ( يعني تقريبا في سن ١٢ ولا ١٣ سنة ) بتتحاسب على كل تصرفاتها وبتتحاسب على لبسها ... وللأسف بنلاقي أمهات ملتزمة جدا لكن سايبين بناتهم بلبس ميرضيش ربنا بحجة إنه الجيل كله بقى كدة وده سنهم ... وبكرة لما تكبر هتفهم أكتر وتتغير ❌

♨️ لبس البنات بقى حاجة تحزن والله 😟
بتتزيني لمين في الشارع ‼️ حتى المحجبة منهم بقت تحط الطرحة على نص شعرها وتلبس البنطلون ضيق وقصير وتبين رجليها ... حجاب إيه ده اللي جسمك باين منه‼️‼️ ده غير الإكسسوارات الملفتة جدا والمانيكير والذي منه❌
وفي الآخر نزعل من انتشار التحرش ونقول الشباب هما اللي مش محترمين برغم إن البنات بلبسهم ومظهرهم هما سبب الفتنة كلها والإغراء ❌

الهدف من الحجاب هو إخفاء الزينة مش إظهارها
قال تعالى : *(وَقُل لِّلۡمُؤۡمِنَـٰتِ یَغۡضُضۡنَ مِنۡ أَبۡصَـٰرِهِنَّ وَیَحۡفَظۡنَ فُرُوجَهُنَّ وَلَا یُبۡدِینَ زِینَتَهُنَّ إِلَّا مَا ظَهَرَ مِنۡهَاۖ وَلۡیَضۡرِبۡنَ بِخُمُرِهِنَّ عَلَىٰ جُیُوبِهِنَّۖ وَلَا یُبۡدِینَ زِینَتَهُنَّ)*
والمقصود بما ظهر منها يعني اللي باين من اللبس الخارجي زي الطول والعرض مثلا اللي الواحد مش هيقدر يخبيه ✅

♨️ وعلى فكرة الملتزمات عايشين سنهم وعايشين حياتهم ومبسوطين بس برضا ربنا ... مش لبس العريان ولا الموضة هو اللي هيخليكي عايشة حياتك ... بالعكس انتي بترخصي نفسك وبتهلكيها ... اعملى حساب آخرتك الباقية 🚫

شفيقة : خلاص يا بطة دخلي شعرك من تحت الطرحة وامشي جمب الحيط ... بس على الله حظك ميطلعش زي حظ أمك 🥸

ونشوفكم بكرة إن شاء الله 👋🏻

#شفيقة_دوت_كوم

_*📲 شفيقة دوت كوم Shafika . com 📲*_

*🆙🤕🤲🏻 مليونية رفع البلاء 🤲🏻🤕🆙*

📛 شفيقة بتنادي على بطة ... خلصي يا بطة هتتأخري على الامتحان .. قالت لها بدور على الكمامة يا ماما مش لاقياها 😷
قالت لها ولزمتها إيه تكتمي نفسك في الحر ده 🥵
قالت لها أصله ممنوع ندخل لجنة الامتحان من غيرها 😕
قالت لها طب خدي كمامة إبراهيم أخوكي كانت مرمية جمب الكنبة برة 🥴

📛 فجأة سمعوا صويت وصريخ عالي في الشارع ... بصت شفيقة من البلكونة وقالت للجيران فيه إيه ⁉️
قالوا لها أم حماصة بتاعت الجرجير ماتت بكورونا 😟
شفيقة قالت لهم ياعيني أصلها كانت كبيرة في السن وعندها السكر عشان كدة ماتت 😣

📛 بعد شوية دخل إبراهيم من برة وشه مخطوف وعنيه حمرة .. أمه قالت له مالك يا إبراهيم إيه حصل 😧
قال لها عماد صاحبي مات 🤧
قالت له مات ازاي ‼️عمل حادثة ولا كان عيان 🤔
قال لها أبدا ده كان زي الحصان ومن اسبوع بس تعب فكشف طلع عنده كورونا ... حجزوه في المستشفي كام يوم ومات ☹️

📛 قالت له الشر برة وبعيد يا خويا 😖
طب انت بتغير وخارج تاني رايح فين دلوقتي⁉️ شكلك تعبان 🥺

قال لها هنروح ندفن الميت وبعدين أنا وزمايلي هنتجمع وكل واحد يقرأ سورة النصر ميت مرة 💯 ونعمل مليونية لرفع البلاء 😶 عشان ربنا
يحوش عننا الوباء ده 🤲🏻
وفيه مجموعة على الفيس اتفقوا يصلوا ركعتين الساعة ١٢ بالليل بنية رفع البلاء 🤲🏻
تالت واحد من أصحابي يموت الشهر ده ... ده غير اللي حوالينا في كل حتة 🥺

طب لحظة شوية ☹️
يعني برده عاملين تجمع للعزا ومتقابل انت وأصحابك برغم إنه أكيد حد اتعدى من صاحبكم قبل م يموت 😒

♨️ فيروس كورونا منتشر بشكل كبير جدا في العالم كله ... وللأسف احنا أكتر الناس استخفافا بالموضوع برغم الحالات والوفيات اللي بنشوفها كل يوم حوالينا كبار وشباب وفي عز صحتهم 💪🏻

♨️ مع ذلك الموضوع مش فارق معانا خالص ... خروج ومقابلات وعزومات وأفراح وعزا وتجمعات على ودنه👌🏻
واستهتار من الكل والناس تقول لك كله قدر واللي له نصيب في حاجة هيشوفها 🚫
طبعا كل شيء بيد الله وقدر ونصيب بس ربنا قال : *( وَلَا تُلۡقُوا۟ بِأَیۡدِیكُمۡ إِلَى ٱلتَّهۡلُكَةِ )* يعني مرميش نفسي تحت قطر وأقول كله قدر ونصيب 🚫

♨️ حتى اللي يتعب بيقولك ده برد عادي مفيش حاجة ، كلها يومين وهخف ويقعد في وسط الناس يعدي ده وده وممكن يطلع هو منها سليم ويعدي غيره ويموت ☹️

♨️ ده بلاء وابتلاء كبير من ربنا ومع ذلك محدش فينا بياخد بالأسباب ... لا بناخد بأسباب الدنيا ونهتم بالكمامة والتعقيم والتباعد ونبطل تجمعات ولا بناخد بأسباب الدين ونرجع لربنا بالطاعة والعبادة والدعاء والتضرع إنه يرفع عنا الوباء 🚫

♨️ ويوم م تلاقي حد طالع ينصح الناس وملتزم بالاحتياطات يتريقوا عليه ... وانت إزاي لابس كمامة ... انت أكيد تعبان ، ويقلبوا الموضوع بالعكس
أوتلاقي الأفكار اللي كلها بدع ومحرمات زي المليونيات الجماعية لقراءة سورة معينة أو ذكر معين أو اختراع صلاة في وقت معين بنية رفع البلاء وغيره ❌
كل ده من البدع المحرمة ولا تجوز ❌
اللي عايز يصلي لله يصلي لوحده ويدعي ويبتهل ويتضرع لوحده ✅

اللي عايز ينصح الناس ويذكرهم ده شيء جميل ومطلوب ✅
لكن بدون تحديد أوقات معينة ولا أرقام معينة ولا تحديد سور معينه للناس تقرأها ❌

♨️ ياريت الناس متستخفش وتستهون بالموضوع ونكون سبب في هلاك بعضنا وأهلنا وأولادنا
إنت ممكن تكون مصاب ومش عندك أعراض وطبعا علشان مبتاخدش بالأسباب ممكن تعدي أعز الناس ليك وتكون سبب في موته وانت ولا حاسس...😔
يا ريت ناخد بأسباب الدين والدنيا ، ندعي ربنا ونترجاه إنه يرفع مقته وغضبه عنا وناخد بالاحتياطات علشان ربنا يرفع عنا الغمة دي على خير 👍🏻

شفيقة : عندك حق ... طب إيه رأيك بقى يا عبده مفيش عزومات لاخواتك في رمضان ☝🏻 مش هيبقى موت وخراب ديار 🤕

ربنا يحفظكم ويرفع عنا البلاء 🤲🏻

#شفيقة_دوت_كوم

_*📲 شفيقة دوت كوم Shafika . com📲*_

*🧕🏻🎧 الصوت الملائكي 🎧🧕🏻*


📛 شفيقة شايفة إبراهيم ابنها حاطط سماعات الصوت ومتمزك على الآخر 🎧😇... قالت له بتسمع إيه يا إبراهيم ⁉️
قال لها ده أنا كنت بقلب في اليوتيوب ولقيت بنات بتقرا قرآن بصوت حلو أوي زي الملايكة 🙂... وفيه منهم لابسين نقاب ... يا ترى شكلهم حلو زي صوتهم كدة 🤔‼️

📛 بطة قاعدة قالت له أيوة بنت خالة عزة صحبتي بت زي فلقة القمر🌝 لابسة خمار ، وبتاعت ربنا أوي مبيفوتهاش فرض
وليها قناة مشهورة ومتابعين على اليوتيوب بتقرأ قرآن وصوتها زي الملاك 🚫 وأناشيد إسلامية وبتنزل عليها فيديوهات ... وبتتكلم عن قصة التزامها أو مواقف بتحصل معاها ... وكمان بتقول تكبيرات العيد بصوتها وأصحابنا كانوا منزلينها على تليفوناتهم العيد اللي فات👍

شفيقة قالت لها يا صلاة النبي عليها 🥰
إبراهيم قال لها طب اديني اسم القناة بتاعتها عشان أسمع الاناشيد 🙂 ...
قالت له اناشيد 😏
أنا عارفة .. إنت عايز تبصبص عشان قلت لك إنها حلوة 😒 قال لها إنتي تسكتي خالص ملكيش دعوة 😬

شفيقة قالت لهم بس اسكتوا كفاية مناقرة ... دانتوا فوق روس بعض صحيح 🙁

🔊🔊 اسكتوا انتوا كلكوا واسمعوني 🤫

♨️ شيء جميل نلاقي بنات ملتزمة وصوتها جميل في القرآن وبتقول أناشيد إسلامية 👍🏻

♨️ لكن ليه البنات تنشر صوتها وهي بتقرأ القرآن أو تنشد وتنزل فيديو ليها على مواقع التواصل أو قنوات اليوتيوب المفتوحة للكل يسمعها ❌
اللي بيقرأ بيبقى غرضه الثواب من عند ربنا مش المنظرة والشهرة 🚫

♨️ كمان اللي بترتل القرآن بيكون صوتها ناعم وجميل وممكن جدا الشباب تتفتن بصوتها وهي بتقرأ أو بتنشد وتقعد تتخيل في شكلها لو منتقبة وتعجب بيها زيها زي اللي بتغني بالظبط 🚫

♨️ يبقى بدل م تاخد ثواب على قرائتها تاخد ذنب الشباب اللي بيتفتن بيها 😕

♨️ مفيش مانع إنك تقرئى وتعلمي البنات وتنشدي كمان براحتك لكن تكون قنوات خاصة ميدخلهاش غير النساء علشان نأمن الفتنة✅

♨️ راجعي نفسك وصححي نيتك وادعي انك تكوني سبب في هداية الناس مش فتنتهم 🚫


شفيقة : ايوة مينفعش الرجالة الغريبة تسمعها بس إبراهيم مش غريب ده أخو صحبة بنت خالتها 😇

😅 نشوفكم بكرة إن شاء الله 👋🏻

#شفيقة_دوت_كوم

_*📲 شفيقة دوت كوم Shafika . com 📲*_

*💪🏻🦸🏻‍♀️الفيمنست🦸🏻‍♀️💪🏻*

📛 فلة بنت أخت شفيقة جاية تزورهم فلقت بطة بتكلم سيد خطيبها في التليفون وهي متعصبة وبتقوله لأ هروح يعني هروح وانت متحكمش عليا وقفلت السكة 😬

📛 فلة قالت لها مالك متعصبة يا بطة كدة ⁉️ قالت لها أصل أنا واصحابي بنعمل رمضان نايتس نسهر نتسلى وندردش سوا طول الليل على النت ، فاتفقوا المرة دي السهرة تكون في كافيه وعايزة اروح معاهم وخطيبي مش راضي وعايز يعمل عليا سي السيد من أولها 🙄

📛 قالت لها اوعى يا بطة ☝🏻أنا بقولك من أولها أهو ... متخيبيش خيبتي وتعملي زيي زمان مع جوزي ، اوعي تقولي حاضر ونعم وتعوديه على كدة 😕
بس أنا خلاص فقت لنفسي بعد م واحدة صحبتي دخلتني في جروب الاسترونج إندبندنت وومن 😌

📛 خالتها شفيقة قالت لها ويطلع إيه السونج دندنت ده يا فلة 🤔

📛 قالت لها ده يا خالتي جروب نسائي مستقل معتمد على نفسه ، بس إيه على كيفك ... الواحدة منهم بميت راجل 💯💪🏻

📛 اتعلمت يعني ايه فيمنست وإني مش جارية عنده🤨
أطبخ له واغسل له ويجي هو يتأمر عليا ويشخط وينطر ولا همه‼️
اتعلمت إن لازم تبقى راسي براسه في كل حاجة ... ويشارك شغل البيت زيه زيي ... واخرج براحتي زي م بيخرج لا يقولي رايحة فين ولا جاية منين 🧐

📛 شفيقة قالت لها يا حسرة عليا راحت صحتي وشبابي هدر في خدمته هو والعيال ☹️

🔊🔊لأ استني عندك انتي وهي ✋🏻✋🏻

♨️ أولا يا بطة ليالي رمضان بتكون للتعبد وقراءة القرآن والصلاة مش للتسالي والغيبة على النت ولا التسكع في الكافيهات 🚫
متضيعيش أهم أيام السنه وشهر المغفرة اللي عمرك ما هتعوضي أيامه
*خاب وخسر من أدرك رمضان فلم يغفر له*🚫🚫

♨️ الحاجة التانية يا شفيقة خدمتك لبيتك وجوزك وأولادك مبتروحش هدر أبدا وليها أجر وثواب كبير لو أخلصتي النية لله 👍🏻

♨️ تعرفي ان طاعة الزوجة لزوجها سبب في دخولها الجنة

*قال النبي صلى الله عليه وسلم: " إذا صلت المرأة خمسها و صامت شهرها و حصنت فرجها و أطاعت زوجها قيل لها : ادخلي الجنة من أي أبواب الجنة شئت*

♨️ الفيمنست أو النسوية هي حركة بتدعو لمساواة المرأة بالرجل في كل شيء لدرجة إنهم بيقولوا ليه الست تاخد نص ميراث الراجل ‼️لازم تاخد زيه 😕
وبيعترضوا على شرع ربنا❌
وليه الست هي اللي تتحجب والراجل لأ‼️ 🙄
وطبعا كل دي دعوات من أعداء الإسلام اللي عايزين يهدموا الأسرة والمجتمع عن طريق المرأة فاحذري واوعي تصدقي كلامهم ❌

♨️ ربنا سبحانه وتعالى هو اللي خلقنا وأعلم بنفسيتنا واحتياجاتنا وحدد مهام للراجل والست ... لو كل واحد قام بدوره وعمل المطلوب منه هتستقيم الحياة ونعيش في سعادة وراحة بال ✅

♨️ صحيح فيه رجالة كتير بتقصر في واجباتها وحقوق الزوجة ...لكن ده مش عيب الشرع ، ده عيبهم هما ... فاحنا منعالجش غلطهم بغلط أكبر ❌

♨️ الحياة زمان كانت بسيطة وهادية وسعيدة لأن كل واحد كان قايم بدوره وسعيد بيه بدون ميحس إنه مظلوم أو مضغوط ... ولو الظروف اضطرتنا للخروج والشغل عشان نساعد في أعباء المعيشة يبقى نحتسب ان خروجنا ده عباده لله ومنمنش على حد ونضيع ثواب عملنا 🚫
ونرجع من شغلنا نهتم ببيوتنا وأولادنا وربنا هيباركلنا في حياتنا كلها✅

♨️ ولو عرفنا حقيقة النساء اللي بيقولوا انهم مستقلين وسترونج هنلاقيهم أكتر ناس ضعيفة وتعبانة نفسيا وتعيسة ، لأنهم خالفوا فطرة ربنا وشالوا شيلة مش قدها❌

♨️ الحل هو الرجوع لشرع الله والفطرة السليمة اللي ربنا خلقنا عليها والتسليم لأمر الله في كل شيء وهنبقى أسعد ناس في الدنيا والآخرة ✅✅

شفيقة: صحيح كلام من دهب👍🏻 ... هتخليني ارجع في كلامي كنت ناوية أسيب شغل البيت لعبده يعمله بعد م يرجع من الورشة🧹 😁

كل سنة وانتي طيبة يا شفيقة 👋🏻
#شفيقة_دوت_كوم

_📲 *شفيقة دوت كوم Shafika . com*_ 📲

🎵🎧🎤 *التيك توك* 🎤🎧🎵

📛 شفيقة نادت على بطة بنتها تعالي يا بطة اغسلي الطبقين اللي في الحوض بدل م انتي واقفة تترقصي كدة وعاملة لك زيطة
بطة قالت لها مواعين ايه يا ماما دلوقتي 😫 أنا بعمل *تيك توك* 🎤
شفيقة قالت لها توكتوك ‼️ انتي هتشتغلي على توكتوك ولا ايه يا بطة⁉️ 🤔 لااا معنديش بنات تسوق تكاتك🛺🛺 آه أمال ايه☝🏻

📛 بطة قالت لها توكتوك ايه بس يا ماما بقولك *تيك توك* يعني أسجل فيديو على أغنية كأن أنا اللي بغنيها وانشرها على النت وأصحابي ومعارفي يشوفوها ... شوفي زي ده كدة 📱
شفيقة قالت لها يا حلاوة يا بطة 😃 ده كأن انتي اللي بتغني بالظبط .. لأ وحلوة الرقصة اللي عاملاها دي يا مضروبة 💃

📛 بطة قالت لها ده أنا بتحدى كل أصحابي ونشوف مين أكتر واحدة هتجيب لايكات وتعمل مشاهدات كتير 🤗
شفيقة قالت لها أنا عايزاكي تغلبيهم كلهم ... دانتي بنت شفيقة ... آه أمال ايه 😌

♨️ استني عندك يا شفيقة انتي وكل أم 😠✋
بناتنا أمانة عندنا وهنتسأل ونتحاسب عليهم🚫
لازم نعلمهم الحلال من الحرام 🚫
ونربيهم على الأدب والحشمة والحياء

نفهم بناتنا إن التنافس الحقيقي يكون في الطاعات والتقرب لله✅ مش في الأغاني والرقص❎ ، نعلمهم يدوروا على صحبة البنات المتربية المحترمة اللي عندهم حياء وأدب ✅
مش البنات التافهة اللي معندهمش لا حياء ولا تربية❎
وأهم حاجه نعرفهم إن اللي عند ربنا خير وأبقى✅

♨️ ولكل بنت 👈🏻 متنسيش إنك هتتحاسبي على كل تصرفاتك، وإن الموت مش بعيد وممكن يجي في لحظة 🔜
بصي لنفسك وانتي بتسجلي *التيك توك* 🎙️
هل راضية عن نفسك⁉️
شوفي وضعك ده يرضي ربنا ولا لأ ⁉️
شوفي كام شخص افتتن بيكي⁉️
وكام واحدة قلدتك وخدتي ذنبهم مع ذنبك⁉️

قال تعالى: *(وَلَیَحۡمِلُنَّ أَثۡقَالَهُمۡ وَأَثۡقَالࣰا مَّعَ أَثۡقَالِهِمۡۖ وَلَیُسۡـَٔلُنَّ یَوۡمَ ٱلۡقِیَـٰمَةِ عَمَّا كَانُوا۟ یَفۡتَرُونَ)*

♨️ التكنولوجيا مهمة ومطلوبة لكن ناخد منها اللي ينفعنا ويفيدنا في دينّا ودنيتنا مش نستعين بيها على معصية ربنا 🚫

*شفيقة:* يا ندامتي😖
عندك حق الرقص والتنطيط في التليفونات ده قلة حيا... هكلم البت بطة متعملش التوكتوك ده تاني 🚫
وبالمرة تلغي لي الفيديو اللي كنت هنزله أنا كمان 😁🤭

انتي كمان😳 ⁉️
الله يهديكي يا شفيقة😅

يلا نشوفك في الحلقة الجاية 👋🏻

#شفيقة_دوت_كوم

_*📲 شفيقة دوت كوم Shafika . com 📲*_

*🔠 تعليقات الفيسبوك 🔠*

📛 فلة قاعدة ماسكة تليفونها تكتب وتضحك 🤣 ... بطة بنت خالتها شفيقة قالت لها بتكلمي مين يا فلة كدة متضحكينا معاكي😃
قالت لها ده أنا بعلق على منشور عالفيس يا بطة وواحد عجبه تعليقي وبيكلمني😌
بطة قالت يعني مين الواحد ده⁉️ 🤔
قالت لها واحد معرفهوش .. بس إيه يابت كلامه كله ذوق ورئة مش زي جوزي المدب اللي مبيقولش كلمة تبل الريق ولا شفت معاه يوم حلو 🙄
بطة قالت لها طب هاتي كدة أكلمه أنا كمان😁
📛 دخلت شفيقة قالت لها لا يا بطة بلاش لحسن سيد خطيبك يزعل😕 وإبراهيم اخوكي يرنك علقة 😠

📛 فلة قالت لها يزعل ليه يا خالتي ده تعارف وكلام عادي مفيهوش حاجة وحشة لا سمح الله ، وكله بالأدب .. بس الواحد يفك عن نفسه شوية، وبعدين ماهو المعدول جوزي قاعد ليل ونهار على التليفون يكلم في دي ودي وانا ساكتة له ... ولا هو حلال عليهم وحرام علينا⁉️🤨

📛 شوفي يا فلة انتي وبطة 👉🏻

♨️ المقياس اللي الواحد يقيس عليه تصرفاته هو الدين والشرع يعني أشوف هل ده يرضى ربنا ولا لأ بغض النظر اللي حوالينا بيعمل إيه ✅
مش معنى ان حد قدامك بيعمل حاجة حرام يبقى مبرر إني أعمل زيه ❎

♨️ التساهل في الكلام مع غير المحارم بدون مبرر حرام ❎
وياما بيوت خربت بسبب كلام النساء مع الرجال اللي ممكن بعد كدة يوصل لعلاقات محرمة وياما سمعنا ❎

♨️ كلام النساء وهزارهم مع غير المحارم بيضيع حياء البنت وعفتها .. قال تعالى: *(فَلَا تَخۡضَعۡنَ بِٱلۡقَوۡلِ فَیَطۡمَعَ ٱلَّذِی فِی قَلۡبِهِۦ مَرَضࣱ وَقُلۡنَ قَوۡلࣰا مَّعۡرُوفࣰا)*

♨️ وبعدين يا شفيقة لما تقولي لبنتك متكلمش راجل غريب ميكونش عشان خطيبها ميزعلش ولا عشان أخوها ميضربهاش لأنهم ممكن ميعرفوش أصلا ❎
لازم تعرفيها إن ربنا الرقيب السميع البصير اللي هيحاسبها على كل حاجه بتعملها و لازم تخاف ربنا قبل ما تخاف من خطيبها ولا أخوها وتحافظ على نفسها من الفتن ، محدش كبير على الفتنة ✅

♨️ لكل بنت أو زوجة 👈🏻 كلامك مع الرجاله على الفيس وغيره ده خيانة وعدم احترام للأب والزوج اللي مستأمنينك ❎ فمتعمليش أي حاجة تنتقص من قدرهم وخلي دايما راسهم مرفوعة بأخلاقك وأدبك ✅

♨️ وكمان يا فلة متقوليش إنك مشفتيش مع جوزك يوم حلو لأن ده بيسمى كفران العشير ( يعني الواحدة متفتكرش أي حسنة جوزها عملها معاها ومتفتكرلوش إلا الوحش) وده سبب في دخول النار والعياذ بالله 🚫

♨️ التكنولوجيا مهمة ومطلوبة ناخد منها اللي ينفعنا في دينا ودنيتنا مش نستعين بيها على معصية ربنا ✅

*شفيقة:* يا عيب الشوم☹️
أنا كنت حاسة، مبقاش إلا الكلام مع الرجالة الغريبة ولا إيه ‼️
احترمي نفسك يابت انتي وهيه لحسن أقول لجوزك وأخوكي انتي كمان☹️

برده يا شفيقة مفيش فايدة 🙄

😊 نتقابل الحلقة الجاية بإذن الله 👍🏻

#شفيقة_دوت_كوم

_*📲 شفيقة دوت كوم Shafika . Com 📲*_

*📸📱هَوَس السيلفي📱📸*

📛 بطة واقفة تتخانق مع إخواتها الصغيرين ... انتي مش قلت لك بصي للكاميرا ‼️ وانتي اعملي بوز البطة😙 ... يوووه زهقتوني مش عارفه آخد صورة سيلفي معاكو 😬
ولما خلصت نشرت الصورة وكتبت تحتها أنا وإخواتي الكتاكيت حبايبى 😁👩‍👩‍👧‍👧❤️

📛 شفيقة دخلت المطبخ على صوت بطة ... قالت لها فيه إيه يا بطة مالك ⁉️ قالت لها اتلسعت ياماما وانا باخد سيلفي مع الكيكة اللي انتي عاملاها 😭🔥،
مش كفاية النسكافيه وقع على بلوزتي وانا باخد السيلفي بتاع الفطار 😖
ونشرت الصورة وكتبت أحلى كيكه دي ولا ايه👐🏻🥮😌

📛 إبراهيم ابن شفيقة جاله تليفون، نزل بسرعة وشفيقة نادته إيه اللي حصل يا إبراهيم ⁉️
قال لها حودة ابن خالتي رجله اتكسرت، خبطه موتوسيكل 🏍️ وهو بياخد صورة سيلفي قدام المحل الجديد بتاعه ☹️
قالت له يا لهوي ... طب خدني معاك نروح له بسرعة🏃🏻‍♂️🏃‍♀️

📛 عبده قال لإبراهيم بعد م رجع تعالى معايا نفرق شنط رمضان اللي الحاج درويش صاحب الورشة باعتهم معايا وبالمرة تصورني كام صورة حلوة كدة واحنا بنفرقهم، وناولني السبحة والطاقية البيضا لزوم الصورة 📿 😁


♨️ 🔊🔊الجماعة المهووسين بالسيلفي

♨️ ربنا رزقكم صحة ووقت عشان تستغلوهم في اللي ينفعكم في دينكم ودنياكم ... وقتكم اللي مضيعينه على التصوير هتتحاسبوا عليه قدام ربنا لأن ربنا خلقنا للعبادة وعمارة الأرض مش علشان نتصور رايحين جايين ❎

قال رسول الله صلى الله عليه وسلم: *" نعمتان مغبون فيهما كثير من الناس : الصحة والفراغ"* يعني نعمتان محدش حاسس بيهم وبيضيعوهم وهيتحاسبوا عليهم 🚫

♨️ 🔊🔊 لكل بنت ليل ونهار موراهاش إلا التصوير 👈🏻 فيه بنات صورها بتقع في إيد ناس متخافش ربنا، وممكن يسببولهم فضايح وتهديدات وابتزاز ... وده اتكرر قدامنا كتير للأسف
يبقى الاحتياط واجب متخليش على التليفون صورك خصوصا لو متصورة بدون حجاب أو لابسة ملابس مكشوفة 🚫

♨️ الموضوع وصل للحوادث بسبب السيلفي ... اللي يقع من البلكونة وهو بيتصور واللي تخبطه عربيه والأمثلة كتير ... فاتقوا الله في أنفسكم 🚫

♨️ والأكتر من كدة الناس اللي بتصور نفسها سيلفي جمب حادثة أو حريقة أو خناقة بدون أي تعاطف ولا إحساس 🙁... انتوا مش في حفلة ولا فرح علشان تقفوا تتصوروا اتقوا الله ومتستخفوش بالمصايب وآلام الناس 🚫

♨️ ووصل الأمر للعبادات .. اللي يتصور وهو بيتصدق أو بيعمل عمل خير أو رايح العمرة أو حتى بيصلي .. ياريت نتحرى الإخلاص في العبادة ونبعد فيها عن موضوع التصوير بقدر الإمكان علشان أعمالنا ميكونش فيها شبهة رياء وتكون مقبولة ✅

شفيقة: يادي الخيبة🙁
عندك حق والله سيلفي إيه ونيلة إيه اللي بيعملوه ... استنى لما أروح أحذف السيلفي اللي خدتها مع حودة في المستشفي 🥺

الله يهديكي يا شفيقة 🤭

نشوفك الحلقة الجاية 👋🏻

#شفيقة_دوت_كوم

_*📲 شفيقة دوت كوم Shafika . Com 📲*_

*💅🏻💄 الميكب أرتيست💄💅🏻*

📛 شفيقة رايحة هي وبطة مع بنت خالتها للكوافير عشان خطوبتها النهاردة📱

📛 شفيقة قالت للكوافيرة موصكيش، لازم تطلع أحلى من نعمة بنت أم عباس يوم فرحها، وقالولي مفيش كوافيرة أحسن من زوبة 👌🏻
زوبة قالت لها ميكب أرتيست لو سمحتي مش كوافيرة 😌
شفيقة قالت لها تست تست المهم تظبطيها😁
زوبة قالت عموما متخافيش تسيب لي نفسها بس وانا هعمل لها أحلى شغل، ده لعبتي💄👁️☺️

📛 واشتغلت بقى نمص ورسم حواجب وعدسات ملونه ورموش صناعية و توصيل شعر وتاتو وفيلر ومكياج وكل الذي منه، وطلعت زوبة فعلا لهلوبة وخلت البوصة بقت عروسة🧖🏼‍♀️😚

📛 أما بطة فمشغولة بالصور📱 والفيديوهات قبل وبعد وفي وسط الشغل وأصحابهم مستنيين الصور على النت بفارغ الصبر، والقعدة مشعللة بعود البطل ملفوف🙁
وشفيقة نازلة سقف وزغاريط
أما العروسة فمش مصدقة شكلها😳😃
ونازلة رقص معاهم وتقول لهم صوروا كويس علشان خطيبي يشوف👏🏻💃🎼

📛 وطبعاً زوبة وصتهم ينزلوا رقمها مع الصور عشان يجيبولها زباين، وهي هتنزل صور العروسة وفيديوهاتها على الصفحة بتاعتها على الفيس قبل وبعد ( 👩🏿‍🦱↩️👩🏼)

ستووووب🚫🚫 كفاية كده 😠

♨️ شوفي يا زوبة انتي والعروسة
*النمص* ( أخد بعض شعر الحواجب) *والوشم* ( التاتو الثابت) *والوصل* ( وصل الشعر بشعر تاني اكستنشن وداخل فيه الرموش الصناعية ) كل ده حرام وطرد من رحمة ربنا كمان
عَنْ عَبْدِ اللَّهِ قَالَ: *"لَعَنَ اللَّهُ الْوَاشِمَاتِ وَالْمُسْتَوْشِمَاتِ وَالنَّامِصَاتِ وَالْمُتَنَمِّصَاتِ وَالْمُتَفَلِّجَاتِ لِلْحُسْنِ الْمُغَيِّرَاتِ خَلْقَ اللَّهِ"* يعني اللعنة للي بتعمل واللي بيتعمل لها كمان🚫

♨️ أما بقى تصوير العروسة وهي في قمة زينتها وبترقص كمان☹️
و تروح تنشرها على الفيس وكل الناس تشوفها، ده كله ميرضيش ربنا وسبب في مصايب في الدنيا وسيئات جارية مستنياها في الآخرة لأن كل واحد هيتفتن بيها ولا واحدة هتقلدها هيكون في ميزانها سواء العروسة اللي رقصت ولا اللي صورتها ولا اللي نشرت الفيديوهات 🚫

♨️ مفيش مانع إننا نفرح ونحتفل ونهيص بس من غير م نغضب ربنا ونقل قيمتنا 🚫

ونحاول نمنع أذية غيرنا بنشر معاصينا علناً كده🚫


شفيقة: عندك حق دانتي لو شفتي بنت أم عباس في فرحها ... هتلاقي عود البطل بقى منفوخ مش ملفوف😁🤭

استنونا بقى لما العريس يجي الحلقة الجاية🙄😅

#شفيقة_دوت_كوم

_*📲 شفيقة دوت كوم Shafika . com 📲*_

*📹📸الفوتوسيشن📸📹*

📛 شفيقة وبطة والعروسة في الكوافير مستنيين العريس يجي ياخدها 👩‍❤️‍👨 ، وبطة طبعا موصياها تقف بالعكس وضهرها للعريس🔙

📛 وجت اللحظة الحاسمة🥁🥁
دخل العريس وفي ايده بوكيه الورد🤵🏻‍♂🌼 وهو يلف وهي تلف 🔄
ولما شافها مبقاش مصدق جمالها 😃والمقابلة الحارة بالأحضان🫂 ومفيش مانع لو شالها ولف بيها شوية🙄
وبطة واقفة تصور اللقطة الحلوة وشفيقة تزغرط وأخوها وأبوها بيصقفوا ومبسوطين 😈

📛 بعد كدة طلعوا على المكان اللي متفقين عليه مع المصور عشان يعملوا الفوتوسيشن( جلسة التصوير )📸
المصور قال لهم اعملوا بس اللي أقول عليه وانا هظبط لكم صور محصلتش👌🏻😈

📛 مرة راسها على كتفه ومرة ايده على كتفها ومرة كدة ومرة كدة ، ومفيش مانع المصور يجي يمسكها عشان الصورة تبقى مظبوطة😏🚫

📛 وشفيقة تقول لهم صوروني أنا كمان مع عبده كام صورة حلوة كدة ننزلها على الفيس ولا احنا ملناش نفس😕

📛 أما بطة وأصحابهم بيتسابقوا مين هتنزل الصور الأول ومين هتجيب أحلى اللقطات للعروسين ده غير الضحك والهزار مع شباب العيلة طول الفرح 😏🚫

📛 لما رجعوا من الفرح بطه اتصلت بخطيبها واتخانقت معاه عشان معملش يوم خطوبتهم فوتوسيشن زي ده وهددته بفسخ الخطوبة لو مش ناوي يعمل لهم جلسة تصوير زيها في الفرح😬

انتبااااه📣📣

♨️ أكيد إبليس أسعد واحد النهاردة بكمية الذنوب والمعاصي دي👹

♨️ اللي بيحصل ده والله شيء فوق التحمل 🤦‍♀️

♨️ الخاطب أجنبى زي أي راجل غريب ملهوش حق يلمسك مش يحضن ويشيل 🙁

...افتكري إن ده خطيبك مش جوزك ويوم م يحصل خلاف أو عدم توافق تخيلي هتندمي أد إيه على الصور والفيديوهات دي🚫

♨️ بعد م كانت البنت بتستحي لما تسمع انها هتتخطب ووشها يحمر ، بقى عادي إنها تتحضن وتتشال ويمسكها المصور كمان ما هي هيصة😒
وضاعت القيم والمبادئ اللي اتربينا عليها ومبقاش فيه حياء ولا حشمة ولا أدب 🚫

♨️ الأب والأخ بقوا عادي يشوفوا بناتهم في الوضع ده بدون أي نخوة أو غيرة
ونسيوا قول النبي صلى الله عليه وسلم : *"ثلاثة لا ينظر الله عز وجل إليهم يوم القيامة : العاق لوالديه ، والمرأة المترجلة ، والديوث"* والديوث هو الذي لا يغار على عرضه وأهله 🚫
ده غير إنه هيتحاسب قدام ربنا على أهل بيته وموافقته على المهازل دي (كلكم راع وكلكم مسؤول عن رعيته) 🚫

♨️ عمل الفوتوسيشن اللي كله مخالفات شرعية (خصوصا بين المخطوبين ) ونشره على مواقع التواصل بيزيد من انتشار المنكر والناس تقلده ويكتر وكأنه بقى شيء عادي🚫

♨️ ده غير إن تكاليف الفوتوسيشن ممكن تتوفر وينتفع بيها العروسين خصوصا إن تجهيزات الزواج بقت غالية جدا وده بيقلل إقبال الشباب على الزواج وطبعا ده هيسهل انتشار الفواحش في المجتمع🚫

شفيقة: يانهار أبيض إيه ده كله 🥺
طب بلاها أنزل صوري أنا وعبده ... لحسن أخاف على الشباب والبنات من الفتنة 🥸

نشوفكم الحلقة الجاية بإذن الله 👋🏻

#شفيقة_دوت_كوم

_*📲 شفيقة دوت كوم Shafika . Com 📲*_

*📿📿حملات الاستغفار 📿📿*

📛 شفيقة بتنادي على بطة بنتها وهي ماسكة التليفون ومركزه اوي ومش سامعاها📱
شفيقة سألتها بتعملي ايه يا بطة انتي مش سامعاني‼️ قالت لها ده أنا ببعت بوست ديني يا ماما لأصحابي 📃

شفيقة قالت لها يعني فيها إيه البوسطة دي 🤔

قالت بوسطة ايه يا ماما😅
بوست يعني منشور مكتوب فيه حاجات دين وكدة، وجتلي رسالة إني لو بعته ل ١٠ من أصحابي هسمع خبر حلو النهاردة 😃 لكن لو مبعتهوش يبقى الشيطان منعني 😧 وهتحصل لي حاجات وحشة 😩

شفيقة قالت لها روحي ابعتيه بسرعة🏃‍♀️

📛 دخلت شفيقة لقيت إبراهيم قاعد يهمس ويعد على إيده🖐🏻 قالت له بتعد فلوس ولا إيه يا إبراهيم ⁉️
قال لها لأ فلوس ايه أنا بعدّ 💯 استغفار 🔢 قالت له استغفار😳 ليه يا منيل عملت ايه 🤔
قال لها معملتش حاجه ده أصحابي عاملين حملة استغفار جماعي ... نستغفر مع بعض كل واحد ١٠٠ مرة، وحلفوني بالغالي
ولو معملتش كده يبقى الشيطان ضحك عليا وهخش النار🙁


📛 خرجت شفيقه لقت عبده داخل مبتسم وبيقولها كل سنة وانتي طيبة يا شفيقة قالتله بمناسبة ايه يا خويا 🤓
قال لها بمناسبة رمضان 🥸
شفيقة قالت فيه إيه يا عبده‼️ م رمضان عدى عليه كام يوم ... إيه اللي فكرك دلوقتي😬 ⁉️
قال لها أصل الواد جمعة الصبي بتاعي في الورشة قال إنه جت له رسالة إن اللي يهني الناس بدخول رمضان يتحرم على النار... فقلت أهنيكي .. وانتي روحي هني أي حد علشان تتحرمي على النار 🧐
... هاتي لي بؤ مية بقى، ريقي ناشف مش قادر أكمل صيام ☹️


♨️ شوفوا يا جماعة
شيء جميل إننا ندور على طريق ناخد منه حسنات وننشر الخير للناس
لكن مش أي رسايل بتوصلنا على وسائل التواصل بتكون صحيحة ولازم نتأكد منها قبل ما ننشرها...
انتشرت جدا المنشورات الدينية اللي كلها معلومات خاطئة وأحاديث مكذوبه أو ضعيفة واحنا بغرض إننا ناخد ثواب نروح ننشرها علطول من غير ما نتأكد من صحتها ...
لكن للأسف (النية الصالحة لا تصلح العمل الفاسد)
يعني ببساطة نيتك الكويسه مش هتنفعك🚫
إحنا كدة بنساعد على ضياع السنة الصحيحة وبنسهل على أعداء الدين مهمتهم❌...
ده غير أن نشر الأحاديث الغير صحيحة سبب في دخول النار 😕
قال رَسُولَ اللَّهِ صَلَّى اللَّهُ عَلَيْهِ وَسَلَّمَ *(مَنْ كَذَبَ عَلَىَّ مُتَعَمِّدًا فَلْيَتَبَوَّأْ مَقْعَدَهُ مِنَ النَّارِ)* ومعنى الكذب على النبي صلى الله عليه وسلم إننا ننشر كلام مقالوش🚫
يبقى مش أي حاجة توصلنا ننشرها طالما مش متأكدين من صحتها ✅
طيب نتأكد إزاي ⁉️
يا إما نسأل حد من المختصين أو نتاكد من صحة الحديث من بعض المواقع الموثوقة على النت اللي بتعرفنا الحديث ده صحيح ولا لأ ✅

♨️ موضوع الحملات الجماعية للاستغفار ولا الصلاة على النبي صلى الله عليه وسلم ولا أي ذكر ده غلط وبدعه معملهاش الصحابه بعد النبي صلى الله عليه وسلم
. الصح إني أبعت رسالة فيها ذكر أو موعظة آخد عليها أجر أنا وكل اللي قرأها وعمل بيها ... لكن إننا نتفق على عدد معين في وقت معين هو ده اللي غير مشروع ❎

♨️ مفيش حاجة اسمها الشيطان منعك أو هتسمع خبر حلو لو نشرت أو هتحصل لك حاجة وحشة لو منشرتش❌ ...
إنت كده بتشرك بالله (لا نافع ولا ضار الا الله) 🚫 ربنا سبحانه وتعالى بس هو عالم الغيب مش الناس ✅

♨️ إحنا بندور على الطبيب الشاطر المختص لما نتعب، وبندور على الشيف الشاطر لما نحتاج طريقة طبخة جديدة أو خياطة كويسة لما نفصل فستان ... طيب ليه في اللي يخص الدين بنتساهل وناخد اي كلام واصل لنا من غير مندور على المصدر الصحيح والكلام الصحيح‼️

شفيقة : استنى يا بطة إوعي تنشري حاجه

بس كان نفسي أعرف إيه الخبر الحلو اللي هنسمعه النهاردة😐⁉️

برده يا شفيقة 😫😅
نقابلك بكرة إن شاء الله 👋🏻

#شفيقة_دوت_كوم

_*📲 شفيقة دوت كوم Shafika . Com📲*_

*📤الاستوري📤*

📛 بطة ماسكة تليفونها وفجأة نطت وقالت وااااو 😯🤤
شفيقة قالت لها يادي التليفون اللي جننك يا بطة ... بتفطي كدة ليه⁉️ فيه إيه ⁉️

قالت لها أصل سومة صحبتي يا ماما اللي اتجوزت امبارح نزلت النهاردة صور جديدة على الاستوري بتاعتها وانا واصحابي كنا قاعدين مستيينها 🤗 احنا موصينها تصور كل حاجة 😁

شفيقة قالت ستوري🙁‼️ طب فرجيني معاكي كدة منزلة إيه👀

📛 وقعدت بطة وشفيقة يتفرجوا على صور العريس والعروسة في شقتهم الجديدة وعفشهم وعربيتهم 🧐
والعروسة منزلة ( أول طبخة ليا ... وأحلى خروجة مع عريسي .... وكل شوية صورة شكل )🥴

📛 وشفيقة تقول إيه ده كله يا بطة 😲 ... أهي دي الشقق ولا بلاش ... شايفة يابت الشاشة مالية الحيطة ازاي 🧐 ولا السجاد والنيش ، حاجة آخر ألاجة 👌🏻
يا عيني عليكي يا بطة يا بنتي، بختك من بخت أمك 😖
خطيبك جايب شقة أد العلبة ، ويا عالم هيجيب العفش شكله إيه🤔
جاتنا نيلة في حظنا الهباب☹️😏

📛 بعد كام يوم العروسة نزلت صور جديدة ليها في المستشفى 🤕 وكاتبة تحتها خمسة وخميسة في عين كل اللي شافني ومصلاش على النبي ... العين صابتني ورب العرش نجاني👁️🤧

📛 بعد أسبوع نزلت ستوري جديدة، العروسة زعلانة من جوزها عشان مرضيش يخليها تزور أهلها قبل أهله ... وكل واحدة من البنات تبعت لها رأيها ‼️

اللي تقولها سيبيله البيت عشان تعرفي تمشيه من أولها... واللي تقولها حرام متزعليهوش من أولها كدة وكل واحدة برأي شكل🚫

🔊🔊 *انتباه*

♨️ .... الاستوري والحالة بقوا شاشة عرض لتفاصيل حياتنا لكل الناس تشوفها ☹️

♨️ ميخفاش علينا أد إيه بيوت خربت بسبب نشر كل صغيرة وكبيرة لكل الناس، وبعد م كانت البيوت مستورة بقى اللي ما يشتري يتفرج😕

🚫ونرجع نشتكي احنا محسودين والمصايب نزله ترف علينا ليه‼️

♨️ مفيش مانع يبقى عندنا أصدقاء قريبين بنحبهم ناخد رأيهم في بعض الحاجات... لكن مش نصورلهم تفاصيل حياتنا ونشركهم فيها
علمونا زمان إن البيوت أسرار ... والمثل بيقول داري على شمعتك تقيد🕯️

ياريت نستخدم وسائل التواصل في اللي يفيدنا ونفكر، ومنقلدش الأخطاء المنتشرة علشان احنا اول ناس هنتأذي 🚫

شفيقة:عندك حق يا ختي اوعي يا بطة تصوري شقتك لحسن تتحسدي عليها😏

الله يهديكي يا شفيقة😁

نشوفكم الحلقة الجاية بإذن الله ✋🏻

#شفيقة_دوت_كوم

*📲 شفيقة دوت كوم Shafika . Com 📲*

*🆒👁️‍🗨️نقاب فاشون👁️‍🗨️🆒*

📛 بطة وهي راجعة من المعهد ركبت الميكروباص ، قعدت جمبها واحدة منتقبة واتعرفوا على بعض وطلعت معاها كمان في المعهد 🤝🏻

📛 وقعدوا يتكلموا عن الدكاترة والإمتحانات وفي وسط الكلام بطة قالت لها بصراحة مكنتش أعرف إن اللي لابسين نقاب عادي كدة زينا 😁... بحسبهم معقدين ومش بيحبوا يكلموا حد 🚫

📛 بس انتي نقابك شيك أوي وألوان لبسك تحفة وعلى الموضة مش زي اللي بيلبسوا أسود في أسود وشكلهم يخض 🙁

📛 قالت لها لأ أسود ايه هو أنا عجوزة‼️ أنا صحيح منتقبة بس بحب الألوان والإكسسوارات وبهتم بشياكتي ومظهري 😌
ادخلي صفحتي وشوفي عدد الليكات على صوري ولبسي اد ايه وانتي تعرفي☺️

📛 وكل واحدة ادت للتانية رقم تليفونها وحسابها على الفيسبوك عشان يتابعوا بعض🔁

📛 لما رجعت البيت حكت لشفيقة على زميلتها الجديدة، وفتحت الفيس عشان تشوف صفحتها👀
شوفي يا ماما الصور دي ...حلوة أوي الصورة أم طوق ورد فوشيا دي🏵️ ... وشوفي كمان رسمة عنيها من تحت النقاب 👁️ ... ياااه السيلفي دي تجنن ... تصدقي غيرت نظرتي للمنتقبات المعقدين🥺

📛 شفيقة قالت لها خليها تعيش حياتها دي صغيرة أنا عارفة إيه اللي يخليها تكتم نفسها كدة 🤔

♨️ أولا يا شفيقة مفيش حاجه اسمها خليها تعيش حياتها الكلمة دي اللي ودتنا ورا
البنت طالما بلغت تبقى مكلفة وهتتحاسب على كل صغيرة وكبيرة ،
كمان لو عودنا البنات على الحشمة من صغرهم هيحبوا الحجاب وهما اللي هيلبسوه لوحدهم
أما بقى لو عودناهم على الكت والاسترتش فصعب اوي التزامهم بالحجاب وياما أهالي ندمت بعد ما بناتهم كبروا ورفضوا الحجاب والحشمة🚫

ونداء لكل منتقبة📣📣
♨️ ربنا أنعم عليكي بنعمة عظيمة ولبستي النقاب تشبها بأمهات المؤمنين وبغرض التعفف والحشمة وزيادة الأجر والثواب من ربنا فإياكي والإساءة للنعمة اللي ربنا أنعم بيها عليكي❌

♨️ الحجاب الشرعي بشكل عام له مواصفات لازم يكون فضفاض وساتر للبدن ومش شفاف ولا ضيق وميكونش زينه في نفسه علشان ميلفتش النظر ✅

♨️ اللي بنشوفوه دلوقتي ملوش علاقة بالنقاب الشرعي ... النقاب أبو قُصه ولا اللي مبين نص الوش اللي مليان مكياج طبعا 😕
ده غير النقاب اللي على لبس ضيق وألوان ملفتة وإكسسوار وضاع الهدف من لبسها للنقاب أصلا 🚫

♨️ اللبس الغامق الفضفاض ستر للبنت وطاعة لله .... والواحدة جوة بيتها ومع محارمها تلبس اللي نفسها فيه لكن تخرج كده⁉️
بتنزل صورها وعنيها مرسومة وصور مع صاحبتها بيلعبوا ويتنططوا وتقول علشان يعرفوا إن النقاب حرية☹️
ده مش حرية ده فتنة وسيئات جارية ❎

♨️ حبيبتي المنتقبة انتي بلبسك للنقاب بقيتي داعية لدينك وكتير هيقلدوكي فخليه يكون شاهد ليكي مش عليكي✅

شفيقة: زي بعضه ياختي ... بس نفسي أعرف هي بتخرج القُصة ازاي من البتاع ده 🤔

روحي يا شفيقه الله يهديكي😅

#شفيقة_دوت_كوم

_*📲 شفيقة دوت كوم Shafika . Com📲*_

*🤗🧔🏻 الشيخ الكيوت رزق 🧔🏻🤗*

📛 شفيقة قالت لبطة خدي بالك من البيت على م أروح عند أم فوزي جارتنا آخد منها فلوس الجمعية ... بطة قالت لها استني آجي معاكي يا ماما عشان أشوف وردة بنتها بقالي زمان مشفتهاش 🏃‍♀️
هي صحيح مش صاحبتي .. بس هاجي وخلاص عشان زهقانة ومش لاقية حاجة أعملها 😑

📛 بطة دخلت لقت وردة حطة سماعات 🎧 سلمت عليها وقالت لها بتسمعي إيه ياوردة ⁉️
قالت لها ده درس ديني للشيخ هادي المحبوب 😍 بطة قالت لها مش ده أبو دقن بيضا اللي بيجي في التليفزيون ‼️🤔
وردة قالت دقن بيضا إيه 😒 ده صغير في السن وزي القمر 😍 ده أنا بقالي فترة بسمع كل دروسه ... وكل م اتضايق من حاجة ببعت له وهو يرد عليا وببقى مبسوطة خالص ☺️ ده بقى أكتر حد بيفهمني واستريح في الكلام معاه 😌 ... وهو سبب إني بقيت أصلي كمان 😍

📛 تعالي شوفي صفحته على الفيس وكم المعجبين بيه 👀⁉️

فتحت الصفحه وكذا واحده كتباله جزاك الله خيرا يا شيخ ... فتحت قلبي ... وقلوب كتير ❤️❤️❤️
وغيرها كتباله أحبك في الله يا شيخ ... إنت أكتر حاجة حلوة عرفتها في حياتي😍😍

واللي كاتبة أنا نفسي أرتبط بواحد زيك يا شيخ 🥰

والشيخ ما شاء مبسوط أوي وبيرد عليهم بوردة وقلب أحمر كمان😬❤️

بطة استغربت هي ده تعليقات لشيخ ولا لعمرو دياب🙁

مالكم يا بناااات📣

♨️ الشيوخ دول رجالة مش ملايكة معصومين 🤨

ولا هما من بقيت محارمكم علشان تتساهلوا معاهم في الكلام بالشكل ده 😒

♨️ كل البنات اللي بتابع الدعاة خصوصا الشباب منهم ... الغرض من المتابعة هو الاستفادة من علم الشيخ وإنه يساعدك تقربي من ربنا مش يبقى سبب في زيادة الذنوب والمعاصي🥺 ...
فرقتي إيه عن اللي متابعة ممثل ولا مطرب ومهووسة بيه❌

♨️ بحبك في الله دي تقوليها لواحدة صحبتك مش لراجل غريب حتى ولو كان شيخ 🚫

♨️ ارحموا الدعاة والشباب منهم خاصة ، اللي ممكن يقعوا في الفتنة من كتر إعجاب البنات والنساء بيهم، دول مش معصومين دول بشر 🚫

🚫 أخواتنا الملتزمات، متعرضيش نفسك للفتنة وفاكره إنك أدها .... غيرك فتحت الباب ومعرفتش تقفله وكان سبب انتكاسها
وافتكري قول النبي صلى الله عليه وسلم *(وَيْحَكَ لا تَفْتَحْهُ ، فإِنَّكَ إِنْ تَفْتَحْهُ تَلِجْهُ)* يعني متقربش من باب مش هتقدر تسده بعد كدة 🚫

وفي الأول والآخر نتقي ربنا في نفسنا وفي غيرنا ومنستخدمش وسائل التواصل في نشر الفتن والبدع المحدثة✅

شفيقة : يلا يا بطة هي زيارة باينة من أولها بتقولك معيش فلوس الجمعية😒‼️


جمعية ‼️ الله يهديكي يا شفيقة🤭

ونشوفكم بكرة ان شاء الله

#شفيقة_دوت_كوم

*حلقة استثنائية*

_*📲 شفيقة دوت كوم Shafika . com 📲*_

*🇵🇸🕌 الأقصى في قلوبنا🕌🇵🇸*

📛 بطة فاتحة الفيسبوك 📱 وبتقول يوووه إيه المناظر دي ... شفيقة قالت لها فيه إيه يا بطة بتتفرجي على إيه ⁉️
قالت لها ده أنا فاتحة الفيسبوك يا ماما وكل شوية ألاقي صور عند الجامع أبو قبة ده والناس قاعدين يحدفوا بالطوب على العساكر يا حرام☹️
وبيقولوا فيه صواريخ وضرب نار مش عارفة مين بيضرب مين وليه ‼️ أنا خايفة يا ماما الصواريخ دي تيجي علينا 😫

📛 إبراهيم قاعد قال لها يا جاهلة الصواريخ دي في دولة إسرائيل بعيد عننا 🚫

📛 شفيقة قالت لهم احنا مالنا ومال الكلام ده خلينا في حالنا طالما الضرب في حتة بعيدة عن حارتنا ... شغل المسلسل بتاع الظابط يا إبراهيم 🚫

🧐🧐 لا يا شفيقة ده مالنا ونص ☝🏻
اسمعي يا بطة انتي وإبراهيم 👂🏻
♨️ العساكر اللي بيتحدفوا بالطوب دول جنود محتلين غاصبين معتدين مسلحين بأحدث وأقوى أسلحة ... يعني يا حرام دي تتقال للمساكين اللي مقدامهومش الا الحجارة يدافعوا بيها عن نفسهم 🚫

♨️ وانت يا إبراهيم مسمهاش دولة إسرائيل ❌❌
اسمها دولة فلسطين ✅✅

♨️ وانتي يا شفيقة انتي وولادك وكل مسلم 👈🏻 مينفعش نقول احنا مالنا طالما بعيد عننا 🚫

♨️ لازم كلنا نفهم ونعلم عيالنا لأن الجيل اللي طالع معندهوش هوية ولا انتماء
مش همه غير نفسه وبس ومش مهم اخواتنا المسلمين بيحصل لهم ايه 👇🏻

♨️ فهموهم إن إسرائيل دي دولة اليهود ، العدو الأول للمسلمين ...
دولة احتلال وعدوان على أراضي عربية إسلامية...
دولة مش هتبقى عمرها دولة لأنهم تايهين في الأرض بأمر ربنا سبحانه وتعالى فبيحاولوا يغتصبوا أي مكان ويقوموا عليه دولتهم المزعومة 🚫

♨️ ولازم نعرف ولادنا مكانة فلسطين وإنها أرض الرسالات والأنبياء .. وفيها مدينة القدس المحتلة والمسجد الأقصي أول قبلة للمسلمين وثاني مسجد بني في الأرض بعد الكعبة ... و مسرى رسول الله صلى الله عليه وسلم للسماء ليلة الإسراء والمعراج
مكان معظم زي ده بيحصل فيه انتهاكات ويدنسوا المسجد ويعتدوا على المصلين ويمنعوهم من الصلاة فيه❌

♨️ لازم نفهم ولادنا إن اللي بيقاوموا بالحجارة دول أبطال بيدافعوا عن أرضهم ودينهم وأهلهم واحنا لازم ندعمهم ونقف جمبهم بكل ما نستطيع وعلى الأقل خالص بالدعاء لهم ✅
وبتوضيح الصورة الصحيحة للعالم عن طريق مواقع التواصل الاجتماعي والهاشتاجات ✅
والمقاطعة للبضائع الإسرائيلية ✅
ورفض التطبيع مع دولة المحتل الغاشم ( التطبيع معناها إن العلاقات بين البلاد تبقى طبيعية وفيه تبادل تجاري وعلاقات سياسية وغيره) ✅

♨️ لازم نحط في اعتبارنا ونزرع في أولادنا إنه هيجي اليوم اللي هنحرر فيه المسجد الأقصى من إيد اليهود بوعد من ربنا سبحانه وتعالى ، ونحببهم في الجهاد في سبيل الله ، ونعرفهم قصص الصحابة الأبطال اللي ضحوا بنفسهم علشان الدين يوصلنا ونحافظ على مقدساتنا 👍🏻
بدل م نطلع أجيال تافهة مغيبة همها بس الأفلام والمسلسلات اللي كلها بلطجة وغش وتزوير ❌
دول هيخرج منهم حد صالح يفيد المسلمين ازاي ⁉️


شفيقة: يا ندامتي 😕
كل ده بيحصل واحنا نايمين على ودانا😳
اقفل يا إبراهيم التليفزيون وبلاها مسلسل الظابط ويلا بينا ندعي على اليهود ونقف جمب إخواتنا الفلسطينين 💪🏻

برافو عليكي يا شفيقة👏🏻👏🏻👏🏻

نشوفك على خير واحنا منتصرين إن شاء الله ✌🏻

#شفيقة_دوت_كوم