នៅថ្ងៃសុក្រ ទី១០ ខែមេសា ឆ្នាំ២០២៦ យានអវកាស Artemis II Orion នឹងជ្រៀតចូលបរិយាកាសផែនដីវិញ ក្នុងល្បឿនប្រមាណ ៣៨ ៣៦៧ គីឡូម៉ែត្រក្នុងមួយម៉ោង (ឬកៀកនឹង ៣៨ ៦២៤ គីឡូម៉ែត្រក្នុងមួយម៉ោង)។ ដំណើរជ្រៀតចូលក្នុងល្បឿនដ៏លឿននេះ ត្រូវបានគ្រោងទុកថានឹងចាប់ផ្តើមនៅម៉ោង ៧:៥៣ នាទីយប់ (ម៉ោងនៅតំបន់ EDT) ហើយនឹងបញ្ចប់ដោយការចុះចតលើផ្ទៃទឹកក្នុងមហាសមុទ្រប៉ាស៊ីហ្វិក ក្បែរឆ្នេរ San Diego ក្នុងរយៈពេលត្រឹមតែ ១៤ នាទីក្រោយមក ពោលគឺនៅម៉ោង ៨:០៧ នាទីយប់ (ម៉ោង EDT)។

ដើម្បីការពារអវកាសយានិកទាំងបួនរូបពីសីតុណ្ហភាពដែលអាចកើនឡើងដល់ ២ ៧៦០ អង្សាសេ (2,760°C) អង្គការ NASA បានកែសម្រួលគន្លងហោះហើររបស់យានអវកាសនេះឱ្យមានមុំកាន់តែចោតជាងមុន។ ការកែសម្រួលនេះអាចជួយគ្រប់គ្រងកម្តៅ និងសម្ពាធដ៏ខ្លាំងក្លាទៅលើរបាំងការពារកម្តៅ (Heat shield) បានយ៉ាងមានប្រសិទ្ធភាព។

ការវិលត្រឡប់មកកាន់មាតុភូមិផែនដីវិញនេះ គឺជាការបិទបញ្ចប់ដោយជោគជ័យនូវបេសកកម្មបំបែកកំណត់ត្រា ដែលបាននាំមនុស្សជាតិធ្វើដំណើរទៅកាន់ទីអវកាសបានឆ្ងាយជាងពេលណាៗទាំងអស់ក្នុងប្រវត្តិសាស្ត្រ។

🇨🇳🇹🇼 ប្រធានាធិបតីចិន លោក ស៊ី ជីនពីង បានជួបពិភាក្សាការងារជាមួយមេដឹកនាំគណបក្សប្រឆាំងតៃវ៉ាន់ នៅទីក្រុងប៉េកាំង។

ប្រមុខរបបយោធាមីយ៉ាន់ម៉ា លោក មីន អ៊ុងឡាំង (Min Aung Hlaing) បានស្បថចូលកាន់តំណែងជាប្រធានាធិបតី ដោយបន្តការគ្រប់គ្រងរបស់លោកពីតំណែងស៊ីវិល រយៈពេល ៥ ឆ្នាំបន្ទាប់ពីបានដណ្តើមអំណាចនៅក្នុងរដ្ឋប្រហារយោធា។

រុស្ស៊ី និងអ៊ុយក្រែន ឯកភាពគ្នាលើបទឈប់បាញ់រយៈពេល ៣២ម៉ោង ក្នុងឱកាសបុណ្យ Easter របស់សាសនាគ្រិស្តអូស្សូដក់

នៅថ្ងៃទី១១ ខែមេសា ឆ្នាំ១៩៧០ យាន Apollo 13 ដែល ជាបេសកកម្មចុះចតលើព្រះចន្ទទីបី ត្រូវបានបាញ់បង្ហោះដោយជោគជ័យពី ទីតាំង Cape Canaveral រដ្ឋ Florida ដោយដឹកអ្នកអវកាស James A. Lovell, John L. Swigert និង Fred W. Haise ។ 

គោលដៅរបស់ Apollo 13 គឺនៅតំបន់ខ្ពង់រាប Fra Mauro របស់ព្រះច័ន្ទ ប៉ុន្តែបន្ទាប់ពីធុងអុកស៊ីហ្សែនបានផ្ទុះនៅល្ងាចថ្ងៃទី១៣ ខែមេសា គោលដៅទៅជាន់ដីព្រះចន្ទត្រូវបានរលាយ ហើយបេសកកម្មថ្មីគឺការធ្វើឱ្យនាវិក Apollo 13 ទាំង៣មកឋានផែនដីដោយសុវត្ថិភាព។

បេសកកម្មនេះ ត្រូវបានគេហៅថា Successful Failure។ #Space

© ប្រវត្តិសាស្ត្រពិភពលោក
https://t.me/WorldHistoryDaily

អនុប្រធានាធិបតីសហរដ្ឋអាមេរិក លោក JD Vance បានដឹកនាំគណៈប្រតិភូទៅជួបពិភាក្សាជាមួយភាគីអុីរ៉ង់ នៅទីក្រុងអ៊ីស្លាម៉ាបាដ ប្រទេសប៉ាគីស្ថាន។ ទោះបីជាកិច្ចចរចាបានអូសបន្លាយពេលរហូតដល់ ២១ ម៉ោង ក៏ដោយ ក៏ភាគីទាំងពីរមិនទាន់អាចឈានដល់កិច្ចព្រមព្រៀងណាមួយឡើយ។

មូលហេតុចម្បងនៃភាពទាល់ច្រក
លោក Vance បានបញ្ជាក់ថា ចំណុចសំខាន់ដែលធ្វើឱ្យកិច្ចចរចាមិនអាចទៅមុខរួច គឺដោយសារសហរដ្ឋអាមេរិកត្រូវការការប្តេជ្ញាចិត្តយ៉ាងមុតមាំពីអុីរ៉ង់ថា ពួកគេនឹងមិនស្វែងរក ឬផលិតអាវុធនុយក្លេអ៊ែរជាដាច់ខាត។

​"ព័ត៌មានអាក្រក់នោះគឺថា យើងមិនទាន់បានឈានដល់កិច្ចព្រមព្រៀងណាមួយឡើយ។ ហើយខ្ញុំគិតថា វាគឺជាព័ត៌មានអាក្រក់សម្រាប់អុីរ៉ង់ ច្រើនជាងព័ត៌មានអាក្រក់សម្រាប់សហរដ្ឋអាមេរិកអាមេរិក។"
— JD Vance

នៅថ្ងៃទី១២ ខែមេសា ឆ្នាំ១៩៦១ លោក យូរី ហ្គាហ្គារីន (Yuri Gagarin) ដែលជាពលរដ្ឋសូវៀត បានក្លាយជាមនុស្សដំបូងគេបង្អស់ដែលបានធ្វើដំណើរទៅកាន់ទីអវកាស។ សមិទ្ធផលជាប្រវត្តិសាស្ត្រនេះ បានបើកទ្វារឆ្ពោះទៅរកការរុករកទីអវកាស ដើម្បីជាប្រយោជន៍ដល់មនុស្សជាតិទាំងមូល។

🚀ថ្ងៃនេះ ៦៥ ឆ្នាំក្រោយមក យើងអបអរសាទរព្រឹត្តិការណ៍ដ៏សំខាន់គួរឱ្យកត់សម្គាល់មួយទៀត៖ បេសកកម្ម Artemis II បាននាំមនុស្សឱ្យធ្វើដំណើរទៅឆ្ងាយពីផែនដីជាងពេលណាៗទាំងអស់។ 🌍👨🏻‍🚀

ស្របពេលដែលយើងប្រារព្ធខួបនេះ យើងត្រូវបានរំលឹកថា ការរុករកទីអវកាសនៅតែបន្តជំរុញឱ្យមានការបង្កើតថ្មី កិច្ចសហប្រតិបត្តិការ និងរបកគំហើញនានាដោយមិនមានព្រំដែនឡើយ។

https://t.me/WorldHistoryDaily

#Breaking@WorldHistoryDaily យោធាអាមេរិកបានប្រកាសថា ខ្លួននឹងចាប់ផ្តើមការបិទខ្ទប់នាវាទាំងអស់ ដែលធ្វើដំណើរចេញ និងចូលប្រទេសអ៊ីរ៉ង់ នៅថ្ងៃចន្ទ។

#Breaking@WorldHistoryDaily នាយករដ្ឋមន្ត្រីហុងគ្រី លោក វិចទ័រ អ័រប៊ន (Viktor Orbán) ដែលជាសម្ព័ន្ធមិត្តជិតស្និទ្ធរបស់ប្រធានាធិបតី ត្រាំ និងប្រធានាធិបតីរុស្ស៊ី លោក វ្ល៉ាឌីមៀ ពូទីន បានទទួលស្គាល់ការបរាជ័យ បន្ទាប់ពីបានកាន់អំណាចអស់រយៈពេល ១៦ ឆ្នាំ ខណៈដែលអ្នកប្រកួតប្រជែងវ័យក្មេងជាងលោក គឺលោក ភីធឺ ម៉ាហ្កា (Péter Magyar) បានឈ្នះអាសនៈភាគច្រើនយ៉ាងដាច់ស្រឡះនៅក្នុងសភាជាតិ។

#Breaking@WorldHistoryDaily កងឆ្មាំបដិវត្តន៍អុីរ៉ង់បានបញ្ជាក់យ៉ាងច្បាស់ថា រាល់នាវាចរណ៍យោធាណាដែលព្យាយាមចូលទៅជិត ច្រកសមុទ្រហូមូស (Strait of Hormuz) នឹងត្រូវចាត់ទុកថាជាការរំលោភលើបទឈប់បាញ់រយៈពេល ២ សប្តាហ៍ជាមួយសហរដ្ឋអាមេរិក។ ពួកគេបានព្រមានថានឹងមានការឆ្លើយតបវិញយ៉ាង "ចាស់ដៃ និងដាច់ខាត"។

នៅថ្ងៃទី១៣ ខែមេសា ឆ្នាំ២០១៧ កងកម្លាំងអាមេរិកនៅអាហ្វហ្គានីស្ថានបានទម្លាក់អាវុធមិនមែននុយក្លេអ៊ែរដ៏ធំបំផុតមួយដែលមិនធ្លាប់មានដោយយោធាអាមេរិក។

អាវុធនេះមានឈ្មោះថា GBU-43/B ឬ“ម្តាយនៃគ្រាប់បែកទាំងអស់” ដោយបានវាយប្រហារលើផ្លូវរូងក្រោមដីរបស់ក្រុមរដ្ឋអ៊ីស្លាម ដែលមានថាមពលស្មើនឹងគ្រឿងផ្ទុះ ១១តោន TNT។ #War

© ប្រវត្តិសាស្ត្រពិភពលោក
https://t.me/WorldHistoryDaily

រដ្ឋាភិបាលអូស្ត្រាលីបានប្រកាសជាផ្លូវការនៅថ្ងៃទី ១៣ ខែមេសា ឆ្នាំ ២០២៦ នេះ នូវការតែងតាំងលោកស្រីឧត្តមសេនីយ៍ឯក Susan Coyle ឱ្យកាន់តំណែងជា មេបញ្ជាការកងទ័ពជើងគោក។

នេះគឺជាលើកដំបូងបង្អស់ក្នុងរយៈពេល ១២៥ ឆ្នាំ នៃប្រវត្តិសាស្ត្រយោធាអូស្ត្រាលី ដែលមានស្ត្រីត្រូវបានជ្រើសរើសឱ្យដឹកនាំកងទ័ព។

កាលពីថ្ងៃទី១២ ខែមេសា ឆ្នាំ២០២៦ លោក Trump បានបង្ហោះរូបភាពដែលបង្កើតដោយ AI នៅលើបណ្តាញសង្គម Truth Social ដែលបង្ហាញរូបលោកមានលក្ខណៈស្រដៀងនឹងព្រះយេស៊ូវ។ ប៉ុន្តែលោកបានលុបរូបភាពនោះវិញនៅថ្ងៃបន្ទាប់ បន្ទាប់ពីមានការរិះគន់យ៉ាងខ្លាំងពីសំណាក់ថ្នាក់ដឹកនាំសាសនា និងអ្នកនយោបាយ។

ក្រោយពេលលុបរូបភាពនោះ លោក Trump បានប្រាប់អ្នកកាសែតថា៖
"ខ្ញុំពិតជាបានបង្ហោះវា មែន ប៉ុន្តែខ្ញុំស្មានថាវាជារូបខ្ញុំក្នុងតួនាទីជាគ្រូពេទ្យ... ជាបុគ្គលិកកាកបាទក្រហមដែលយើងតែងតែគាំទ្រ។ វាគួរតែជារូបខ្ញុំជាគ្រូពេទ្យដែលកំពុងជួយព្យាបាលមនុស្សឱ្យប្រសើរឡើង។"

#Breaking@WorldHistoryDaily សម្ព័ន្ធមិត្ត NATO បដិសេធមិនចូលរួមក្នុងការបិទខ្ទប់កំពង់ផែអុីរ៉ង់របស់លោក Trump

#Breaking@WorldHistoryDaily ចិនដកតំណែងអនុរដ្ឋមន្ត្រីក្រសួងការបរទេស លោក ស៊ុន វៃទុង (Sun Weidong)

នៅថ្ងៃទី១៤ ខែមេសា ឆ្នាំ១៩៨៨ តំណាងសហភាពសូវៀត អាហ្វហ្គានីស្ថាន សហរដ្ឋអាមេរិក និងប៉ាគីស្ថានចុះហត្ថលេខាលើកិច្ចព្រមព្រៀងឱ្យមានការដកកងទ័ពសហភាពសូវៀតចេញពីអាហ្វហ្គានីស្ថាន។

ជាថ្នូរមកវិញសហរដ្ឋអាមេរិកបានយល់ព្រមបញ្ចប់ការគាំទ្រអាវុធរបស់ខ្លួនសម្រាប់ក្រុមប្រឆាំងនឹងសហភាពសូវៀត នៅក្នុងទឹកដីអាហ្វហ្គានីស្ថាន ហើយប្រទេសអាហ្វហ្គានីស្ថាននិងប៉ាគីស្ថានបានយល់ព្រមមិនជ្រៀតជ្រែកកិច្ចការរបស់គ្នាទៅវិញទៅមក។ #War #Afghanistan #USSR #USA

© ប្រវត្តិសាស្ត្រពិភពលោក
https://t.me/WorldHistoryDaily

នៅថ្ងៃទី១៥ ខែមេសា ឆ្នាំ១៩៩៨ ប៉ុល ពត ជាលេខាបក្សកុម្មុយនិស្តកម្ពុជា ដែលជាតំណែងខ្ពស់បំផុតនៅក្នុងបក្ស និងជានាយករដ្ឋមន្រ្តីនៃរបបកម្ពុជាប្រជាធិបតេយ្យ ដែលគេស្គាល់ថាជា “របបខ្មែរក្រហម” ឬ “របបប៉ុលពត” បានទទួលមរណភាព នៅអន្លង់វែង។ #Cambodia #Death

© ប្រវត្តិសាស្ត្រពិភពលោក
https://t.me/WorldHistoryDaily

ប្រទេសកោះដ៏តូចនៅតំបន់ប៉ាស៊ីហ្វិកខាងត្បូង ទូវ៉ាលូ (Tuvalu) បានប្រកាសដាក់ប្រទេសក្នុងភាពអាសន្ន ខណៈដែលវិបត្តិប្រេងឥន្ធនៈកាន់តែអាក្រក់ទៅៗដែលពាក់ព័ន្ធនឹងសង្គ្រាមនៅអ៊ីរ៉ង់ បានធ្វើឱ្យបញ្ហាផ្គត់ផ្គង់អគ្គិសនីកាន់តែធ្ងន់ធ្ងរឡើង និងកំពុងគំរាមកំហែងដល់សេវាកម្មចាំបាច់នានានៅទូទាំងប្រទេស។

នៅថ្ងៃទី១៥ ខែមេសា ឆ្នាំ១៨៦៥ លោក Abraham Lincoln អតីតប្រធានាធិបតីទី១៦ អាមេរិកបានទទួលមរណភាព បន្ទាប់ពីគេបាញ់មួយថ្ងៃមុននៅរោងល្ខោន។ #Death #USA

© ប្រវត្តិសាស្ត្រពិភពលោក
https://t.me/WorldHistoryDaily