នៅថ្ងៃទី១២ ខែមីនា ឆ្នាំ១៩១៨ ម៉ូស្គូបានក្លាយជារដ្ឋធានីជាថ្មីម្ដងទៀតរបស់សូវៀត បន្ទាប់ពីផ្លាស់ប្ដូររដ្ឋធានីនេះមកពីក្រុង Saint Petersburg។ Saint Petersburg ត្រូវបានស្ថាបនាឡើងដោយព្រះចៅអធិរាជ Peter the Great នៅឆ្នាំ១៧០៣ នៅលើដីដែលរុស្ស៊ីបានដណ្តើមយកពីស៊ុយអែតក្នុងអំឡុងសង្គ្រាមខាងជើង (Great Northern War)។

នៅដើមសតវត្សរ៍ទី១៣ ម៉ូស្គូត្រូវបានក្លាយជារាជធានីនៃចក្រភពរុស្ស៊ី ដោយដាក់ឈ្មោះថា Grand Duchy of Moscow ឬ Muscovy រហូតដល់ឆ្នាំ១៧១២ទើបមានការសម្រេចចិត្តផ្លាស់ប្ដូរទីតាំងរាជធានីទៅក្រុង Saint Petersburg វិញ។

បន្ទាប់ពីមានចលនាបដិវត្តន៍ខែកុម្ភៈនៅរុស្ស៊ី លេនីនក៏បានដកខ្លួនពីសង្រ្គាមលោកលើកទី១ ហើយក៏សម្រេចចិត្តរើរដ្ឋធានីពី Saint Petersburg មក ម៉ូស្គូវិញ ដោយខ្លាចក្រែងមានការលុកលុយណាមួយពីបរទេស។ #Russia

© ប្រវត្តិសាស្ត្រពិភពលោក
https://t.me/WorldHistoryDaily

នៅថ្ងៃទី១៣ ខែមីនា ឆ្នាំ១៧៨១ លោក William Herschel បានរកឃើញភពអ៊ុយរ៉ានុស ដែលជាភពទី៧ នៅក្នុងប្រព័ន្ធព្រះអាទិត្យ។

ភពអ៊ុយរ៉ានុស មានចម្ងាយប្រមាណជាង២.៩ពាន់លានគម ពីព្រះអាទិត្យ ដោយមួយថ្ងៃលើភពនេះស្មើនឹង១៧ម៉ោង និងមួយឆ្នាំស្មើ៨៤ឆ្នាំនៃផែនដី។

ភពអ៊ុយរ៉ានុស និងភពសុក្រ គឺជាភពតែ២ គត់ដែលមានគន្លងគោចរខុសគេ គឺវិលជុំវិញព្រះអាទិត្យបញ្រ្ចាសទ្រនិចនាឡិកា តែភពអ៊ុយរ៉ានុសខុសពីភពសុក្រត្រង់ថា វាវិលរមៀលត្រង់ប៉ូលរបស់វា បែទៅព្រះអាទិត្យជាប់រហូត។

រហូតមកដល់សព្វថ្ងៃនេះ មានតែយាន Voyager 2 តែប៉ុណ្ណោះដែលបានទៅដល់ភពនេះក្នុងឆ្នាំ១៩៨៦។ #Space

© ប្រវត្តិសាស្ត្រពិភពលោក
https://t.me/WorldHistoryDaily

#Update លោក បេនចាមីន នេតាន់យ៉ាហ៊ូ បានចេញសារព្រមានសម្លាប់មេដឹកនាំកំពូលថ្មីរបស់អ៊ីរ៉ង់ បើទោះបីជាលោកទទួលស្គាល់ថា សង្គ្រាមផ្លូវអាកាសរវាងអាមេរិក និងអ៊ីស្រាអែល អាចនឹងមិនធ្វើឱ្យរដ្ឋាភិបាលអ៊ីរ៉ង់ដួលរលំក៏ដោយ។

#Update ក្រុមចលនាតស៊ូអ៊ីស្លាមនៅអ៊ីរ៉ាក់ (Islamic Resistance in Iraq) ដែលជាបណ្ដុំក្រុមប្រដាប់អាវុធគាំទ្រដោយទីក្រុងតេហេរ៉ង់ បានអះអាងថា ខ្លួនបានប្រើប្រាស់មីស៊ីល ឬដ្រូន ដើម្បីបាញ់ទម្លាក់យន្តហោះយោធារបស់សហរដ្ឋអាមេរិក ខណៈដែលភាពតានតឹងរវាងអាមេរិក និងអ៊ីរ៉ង់ កំពុងផ្ទុះឡើងខ្លាំង។

មកទល់ពេលនេះ បញ្ជាការដ្ឋានកណ្ដាលរបស់អាមេរិក (CENTCOM) មិនទាន់បានបញ្ជាក់លម្អិតអំពីចំនួនអ្នករងគ្រោះ ឬប្រភេទយន្តហោះដែលត្រូវបានបាញ់ទម្លាក់នៅឡើយទេ ប៉ុន្តែធ្លាប់បានព្រមានថា រាល់ការវាយប្រហារលើកងទ័ពអាមេរិក នឹងត្រូវតបតវិញយ៉ាងធ្ងន់ធ្ងរ។

#Update លោក Emmanuel Macron បានប្រកាសជាផ្លូវការអំពីមរណភាពរបស់កងទ័ពបារាំងម្នាក់ ក្នុងអំឡុងពេលប្រតិបត្តិការប្រឆាំងភេរវកម្ម និងគាំទ្រស្ថិរភាពនៅក្នុងប្រទេសអ៊ីរ៉ាក់។ ក្នុងហេតុការណ៍នោះ ក៏មានកងទ័ពបារាំងមួយចំនួនទៀតបានរងរបួសផងដែរ។

ការវាយប្រហារនេះកើតឡើងចំពេលដែលក្រុមប្រដាប់អាវុធគាំទ្រដោយអ៊ីរ៉ង់នៅក្នុងប្រទេសអ៊ីរ៉ាក់ កំពុងបង្កើនសកម្មភាពវាយប្រហារលើកងកម្លាំងបរទេស (ជាពិសេសកងទ័ពចម្រុះដឹកនាំដោយអាមេរិក និងសម្ព័ន្ធមិត្តណាតូ) ដើម្បីជាការសងសឹកទៅនឹងសង្គ្រាមរវាងអ៊ីស្រាអែល-អាមេរិក និងអ៊ីរ៉ង់។

#Update មនុស្ស២នាក់បានស្លាប់នៅក្នុងប្រទេសអូម៉ង់ដោយសារការវាយប្រហារដោយដ្រូន ខណៈដែលដ្រូនជាច្រើនគ្រឿងទៀតក៏ត្រូវបានបាញ់សំដៅទៅកាន់ប្រទេសអារ៉ាប៊ីសាអូឌីតផងដែរ។

នៅថ្ងៃទី១៣ ខែមីនា ឆ្នាំ១៩៦៩ អាប៉ូឡូទី៩ បានចុះចតប្រកបដោយសុវត្ថិភាពនៅមហាសមុទ្រអាត្លង់ទិកខាងជើង។

អាប៉ូឡូទី៩ បានបាញ់បង្ហោះនៅថ្ងៃទី០៣ មីនា ១៩៦៩ តាមរយៈរ៉ុកកែត Saturn V និងមានអវកាសយានិក ចំនួន ០៣ រូបក្នុងយាននោះផងដែរ។

បេសកកម្មនេះបានចំណាយពេល ១០ថ្ងៃ ០១ម៉ោង និង ៥៤នាទី ក្នុងចម្ងាយប្រមាណ 6,782,649.49 km #Space

© ប្រវត្តិសាស្ត្រពិភពលោក
https://t.me/WorldHistoryDaily

នៅថ្ងៃទី១៤ ខែមីនា ឆ្នាំ១៩៦០ នាយករដ្ឋមន្ត្រីអ៊ីស្រាអែល David Ben-Gurion ពិតជាបានជួបជាមួយអធិការបតីអាល្លឺម៉ង់ខាងលិច Konrad Adenauer នៅទីក្រុងញូវយ៉ក។ កិច្ចប្រជុំនេះជាលើកដំបូងរវាងមេដឹកនាំនៃប្រទេសទាំងពីរ ហើយវាបានកើតឡើង ១៥ ឆ្នាំបន្ទាប់ពីសង្គ្រាមលោកលើកទី២បានបញ្ចប់នៅឆ្នាំ១៩៤៥។ គោលបំណងនៃជំនួបនេះគឺដើម្បីពិភាក្សាអំពីការខិតខំប្រឹងប្រែងទៅវិញទៅមក និងការកសាងទំនាក់ទំនងរវាងអ៊ីស្រាអែល និងសាធារណរដ្ឋសហព័ន្ធអាល្លឺម៉ង់ (អាល្លឺម៉ង់ខាងលិច) ដែលជាជំហានដ៏សំខាន់មួយក្នុងការផ្សះផ្សា និងកិច្ចសហប្រតិបត្តិការបន្ទាប់ពីភាពរន្ធត់នៃ

ហូឡូខូស្ត។

ហូឡូខូស្ត (Holocaust) គឺជាការប្រល័យពូជសាសន៍ដែលរៀបចំឡើងដោយរដ្ឋ និងអនុវត្តដោយរបបណាស៊ីអាល្លឺម៉ង់ក្រោមការដឹកនាំរបស់ អាដុល ហ៊ីត្លែរ ក្នុងអំឡុងសង្គ្រាមលោកលើកទី២ (១៩៣៩-១៩៤៥)។ វាជាព្រឹត្តិការណ៍ដ៏គួរឱ្យរន្ធត់បំផុតមួយក្នុងប្រវត្តិសាស្ត្រមនុស្សជាតិ ដែលបានសម្លាប់មនុស្សប្រមាណ ៦ លាននាក់នៃជនជាតិជ្វីហ្វ (Jews) ព្រមទាំងជនជាតិរ៉ូម៉ានី (Romani) ជនពិការ អ្នកបដិសេធនយោបាយ និងក្រុមជនជាតិភាគតិចផ្សេងទៀត ដែលត្រូវបានចាត់ទុកថា "មិនសក្តិសម" ដោយណាស៊ី។
#Germany #Israel

© ប្រវត្តិសាស្ត្រពិភពលោក
https://t.me/WorldHistoryDaily

#Update លោក ដូណាល់ ត្រាំ បានបង្ហោះវីដេអូស្តីពីការវាយប្រហារតាមអាកាស ក្នុងរយៈពេលប៉ុន្មានម៉ោង បន្ទាប់ពីលោកបានមានប្រសាសន៍ថា សហរដ្ឋអាមេរិកបានបើក "ប្រតិបត្តិការទម្លាក់គ្រាប់បែកយ៉ាងខ្លាំងក្លា" ទៅលើកោះ ខាក (Kharg Island) ដែលជាមជ្ឈមណ្ឌលប្រេងកាតរបស់អ៊ីរ៉ង់។

លោកបានបញ្ជាក់ថា សហរដ្ឋអាមេរិកបានវាយប្រហារចំគោលដៅយោធា ប៉ុន្តែលោកក៏បានគំរាមកំហែងថានឹងកម្ទេចទីតាំងប្រេងកាតផងដែរ ប្រសិនបើអ៊ីរ៉ង់ហ៊ានបិទច្រកសមុទ្រ Hormuz។

កោះ Kharg ជាចំណុចយុទ្ធសាស្ត្រដ៏សំខាន់បំផុតរបស់អ៊ីរ៉ង់ ដែលដោះស្រាយការនាំចេញប្រេងឆៅប្រមាណ ៩០% របស់ប្រទេសនេះ។

នៅថ្ងៃទី១៤ ខែមីនា ឆ្នាំ១៨៧៩ ជាថ្ងៃខែឆ្នាំកំណើតរបស់កំពូលអ្នកប្រាជ្ញ Albert Einstein។ #Birthday

© ប្រវត្តិសាស្ត្រពិភពលោក
https://t.me/WorldHistoryDaily

នៅថ្ងៃទី១៤ ខែមីនា ឆ្នាំ២០១៨ លោក Stephen William Hawking ដែលជារូបវិទូ តារាវិទូ និងជាអ្នកនិពន្ធផងនោះ បានទទួលមរណភាពក្នុងជន្មាយុ៧៦ឆ្នាំ នៅក្រុង Cambridge ប្រទេសអង់គ្លេស។

ស្នាដៃសំខាន់ៗរបស់លោក គឺទាក់ទងនឹងប្រហោងខ្មៅ និងពេលវេលា ក្នុងចក្រវាឡ។
#Death

© ប្រវត្តិសាស្ត្រពិភពលោក
https://t.me/WorldHistoryDaily

#Update ទីភ្នាក់ងារសារព័ត៌មាន AP រាយការណ៍ថា មានការវាយប្រហារដោយមីស៊ីលចំចំណតឧទ្ធម្ភាគចក្រ ក្នុងបរិវេណស្ថានទូតអាមេរិកនៅអ៊ីរ៉ាក់។

Hawking, Einstein និង Galilei គឺជាអ្នកប្រាជ្ញខាងរូបវិទ្យា តារាវិទូ និងជាអ្នករកឃើញអាថ៌កំបាំងជាច្រើនរបស់ចក្រវាល ប៉ុន្តែទោះបីជាជនជាតិផ្សេងគ្នាក៏ដោយ ក៏មានរឿងចៃដន្យដែលពាក់ព័ន្ធនឹងអ្នកទាំង៣ដែរ។

Stephen Hawking បានកើតនៅថ្ងៃទី 8 ខែមករា ឆ្នាំ 1942 ដែលជាកាលបរិច្ឆេទនៃការស្លាប់របស់ Galileo Galilei ប៉ុន្តែនៅឆ្នាំ 1642 (300 ឆ្នាំខុសគ្នា) ។

ក្រៅពីនោះមានភាពចៃដន្យដ៏ធំមួយ ដោយលោក Hawking បានស្លាប់នៅថ្ងៃទី 14 ខែមីនា ឆ្នាំ2018 ជាពិសេសនៅថ្ងៃតែមួយដែលអ្នកវិទ្យាសាស្ត្រដ៏ល្បីល្បាញបំផុតគឺ Albert Einstein ថ្ងៃទី 14 ខែមីនា ឆ្នាំ1879 បានកើតមក។ Albert Einstein និង Hawking ទាំងពីរបានស្លាប់នៅអាយុ 76 ឆ្នាំដូចគ្នា។

ថ្ងៃកំណើតរបស់លោក Albert Einstein និង ថ្ងៃមរណភាពរបស់លោក Hawking ចំថ្ងៃកំណើត របស់ចំនួន π = 3.14

(3 = ខែមីនា ឯ 14 = ទី១៤)

© ប្រវត្តិសាស្ត្រពិភពលោក
https://t.me/WorldHistoryDaily
Support Channel ABA :500 578 666

#Update យោធាកូរ៉េខាងត្បូងបានឲ្យដឹងថា កូរ៉េខាងជើងបានបាញ់មីស៊ីលផ្លោងជាង ១០ គ្រាប់ចូលទៅក្នុងសមុទ្រកាលពីថ្ងៃសៅរ៍ ស្របពេលដែលកងកម្លាំងសហរដ្ឋអាមេរិក និងកូរ៉េខាងត្បូងកំពុងធ្វើសមយុទ្ធយោធា ហើយប្រធានាធិបតីអាមេរិក លោក ដូណាល់ ត្រាំ បានបង្ហាញបំណងជាថ្មីក្នុងការបើកផ្លូវស្វែងរកកិច្ចសន្ទនាជាមួយទីក្រុងព្យុងយ៉ាងឡើងវិញ។

#Update អតីតប្រធានាធិបតីប្រេស៊ីលដែលកំពុងជាប់ពន្ធនាគារ លោក Bolsonaro ត្រូវបានបញ្ជូនទៅមន្ទីរពេទ្យដោយសារជំងឺឆ្លងសួត។

គ្រូពេទ្យបានរកឃើញថា លោកមានជំងឺ រលាកសួត (Bronchopneumonia) ដែលបណ្ដាលឱ្យមានអាការៈក្ដៅខ្លួនខ្លាំង រងាញាក់ និងកម្រិតអុកស៊ីសែនក្នុងឈាមធ្លាក់ចុះ។ ក្រៅពីនេះ របាយការណ៍ចុងក្រោយបង្ហាញថា មុខងារតម្រងនោមរបស់លោកក៏មានសភាពចុះខ្សោយផងដែរ។

លោក Bolsonaro កំពុងអនុវត្តទោសជាប់ពន្ធនាគាររយៈពេល ២៧ ឆ្នាំ ពីបទរៀបចំផែនការធ្វើរដ្ឋប្រហារ ដើម្បីក្រាញក្នុងអំណាចក្រោយចាញ់ឆ្នោតកាលពីឆ្នាំ ២០២២។

#Update ប្រធានាធិបតីសហរដ្ឋអាមេរិកបានអំពាវនាវឱ្យមានកងនាវាចម្រុះអន្តរជាតិឆ្ពោះទៅកាន់តំបន់ឈូងសមុទ្រ ដើម្បីបង្ខំឱ្យបើកផ្លូវនាវាចរណ៍ដ៏សំខាន់ ខណៈដែលមានការព្រួយបារម្ភកាន់តែកើនឡើងថា ការឡើងថ្លៃប្រេងឥន្ធនៈអាចនឹងបង្កឱ្យមានវិបត្តិសេដ្ឋកិច្ចពិភពលោក។

#Update លោក ម៉ាក្រុង បានស្នើឱ្យប្រទេសលីបង់ធ្វើការទទួលស្គាល់រដ្ឋអ៊ីស្រាអែលជាផ្លូវការ ដើម្បីជាថ្នូរនឹងការទទួលបានសន្តិភាព និងការបញ្ចប់អរិភាព។

#Update ក្រុម Kataib Hezbollah របស់អ៊ីរ៉ាក់ ដែលគាំទ្រដោយអ៊ីរ៉ង់ បានបញ្ចេញវីដេអូពីដ្រូននៃការវាយប្រហារលើមូលដ្ឋាន Victory របស់សហរដ្ឋអាមេរិក នៅក្បែរអាកាសយានដ្ឋានអន្តរជាតិបាកដាដ។ គេជឿថា នេះគឺជាលើកដំបូងហើយដែលក្រុមនេះបានប្រើប្រាស់ដ្រូនវាយប្រហារប្រភេទ FPV ដោយជោគជ័យ ដើម្បីគេចផុតពីប្រព័ន្ធការពាររបស់សហរដ្ឋអាមេរិក។

បច្ចេកវិទ្យា FPV ជាប្រភេទដ្រូនដែលអ្នកបញ្ជាអាចមើលឃើញរូបភាពផ្ទាល់ពីកាមេរ៉ារបស់ដ្រូន ដែលធ្វើឱ្យវាមានភាពរហ័សរហួន និងពិបាកក្នុងការស្ទាក់ចាប់ដោយប្រព័ន្ធការពារអាកាសធម្មតា។

ថ្ងៃ​ទី១៥ ខែមីនា ឆ្នាំ​១៩១៧ ស្តេចត្សារ៍ នីកូឡា​ទី២ បាន​ដាក់រាជ្យ ដែល​នាំ​ទៅ​ដល់​ការ​ដួលរលំ​ជា​ស្ថាពរ នៃ​របបរាជានិយម​រុស្ស៊ី។ #Russia

© ប្រវត្តិសាស្ត្រពិភពលោក
https://t.me/WorldHistoryDaily

នៅថ្ងៃទី១៥ ខែមីនា ឆ្នាំ១៩៩០ លោក Mikhail Gorbachev ក្លាយជាប្រធានាធិបតីនៃសហភាពសូវៀត។

លោកជាមនុស្សដំបូង និងជាមនុស្សតែម្នាក់គត់ដែលបានកាន់តំណែងនេះ ដែលត្រូវបានបង្កើតឡើងជាផ្នែកមួយនៃកំណែទម្រង់នយោបាយនៅក្នុងសហភាពសូវៀត។ តំណែងប្រធានាធិបតីនេះបានផ្តល់ឱ្យលោកនូវអំណាចប្រតិបត្តិកាន់តែច្រើន ប៉ុន្តែការដឹកនាំរបស់គាត់ក៏បានកើតឡើងនៅចំពេលដែលសហភាពសូវៀតជួបប្រទះនឹងវិបត្តិសេដ្ឋកិច្ច និងនយោបាយ ដែលនៅទីបំផុតនាំទៅដល់ការរំលាយរបស់ខ្លួននៅឆ្នាំ១៩៩១។ #USSR

© ប្រវត្តិសាស្ត្រពិភពលោក
https://t.me/WorldHistoryDaily