ប្រធានាធិបតីសហរដ្ឋអាមេរិក លោក Donald Trump បានសង្កត់ធ្ងន់ជាថ្មីនូវការអះអាងរបស់លោកថា បច្ចុប្បន្ន សហរដ្ឋអាមេរិកគឺជាអ្នក "គ្រប់គ្រង" លើប្រទេសវ៉េណេស៊ុយអេឡា។

ផ្ទុយពីការប្រើវោហារសាស្ត្រវាយប្រហារ ដូចកាលពីសម័យលោក Maduro អ្នកស្រី Delcy Rodríguez ដែលបច្ចុប្បន្នជាប្រធានាធិបតីស្តីទី បានបង្ហាញជំហរការទូតបែបថ្មី ដោយអ្នកស្រីបានប្រកាសថា រដ្ឋាភិបាលបណ្តោះអាសន្នរបស់វ៉េណេស៊ុយអេឡា "ត្រៀមខ្លួនជាស្រេចដើម្បីធ្វើការជាមួយរដ្ឋបាលលោក Trump"។

អ្នកស្រីបានអំពាវនាវឱ្យសហរដ្ឋអាមេរិកកសាងទំនាក់ទំនងមួយដែលមាន "តុល្យភាព និងការគោរពគ្នាទៅវិញទៅមក"

មាសហក់ឡើង ខណៈអាមេរិកកាប់វ៉េណេស៊ុយអេឡា។

នៅថ្ងៃទី០៥ ខែមករា ឆ្នាំ២០០៥ កូនភព Eris ត្រូវបានគេរកឃើញ ដោយមន្ទីរស្រាវជ្រាវតារាសាស្ត្រ Palomar Observatory ដែលដឹកនាំដោយលោក Mike Brown។

Eris គឺជាសមាជិកនៃក្រុមវត្ថុដែលធ្វើគន្លងនៅតំបន់ដូចឌីស មួយហួសពីគន្លងនៃភពណិបទូន ហៅថាខ្សែក្រវាត់ Kuiper ។ អាណាចក្រដ៏ឆ្ងាយនេះសម្បូរទៅដោយពិភពទឹកកកតូចៗរាប់ពាន់ ដែលត្រូវបានបង្កើតឡើងក្នុងពេលដើមដំបូងៗនៃប្រព័ន្ធព្រះអាទិត្យរបស់យើងប្រហែល ៤.៥ពាន់លានឆ្នាំមុន។

ការរកឃើញ Eris នេះបានធ្វើឱ្យតារាវិទូពិចារណាលើនិយមន័យភពឡើងវិញ និងបានទម្លាក់កម្រិតភ្លុយតូ មកជាកូនភពដូច Eris និង Ceres វិញ ហេតុដូច្នេះហើយបានធ្វើឱ្យប្រព័ន្ធព្រះអាទិត្យមានភពពី៩ មក៨ នោះ។

ព័ត៌មានខ្លី:
* មួយថ្ងៃលើ Eris ស្មើនឹង២៥.៩ ម៉ោង ហើយ១ឆ្នាំ ស្មើនឹង ៥៥៧ ឆ្នាំរបស់ផែនដី។
* មានចម្ងាយ ៦៨ AU ពីព្រះអាទិត្យ
* មានកាំ ១,១៦៣ គម
* មានព្រះចន្ទមួយឈ្មោះ Dysnomia ដែលគោចរជុំវិញ Eris ត្រឹមតែ១៦ថ្ងៃ។ #Space

© ប្រវត្តិសាស្ត្រពិភពលោក
https://t.me/WorldHistoryDaily
Support Channel ABA :500 578 666 🙏

ការគំរាមកំហែងរបស់ប្រធានាធិបតី Donald Trump មកលើប្រទេសកូឡុំប៊ី បានធ្វើឱ្យប្រធានាធិបតី Gustavo Petro ចេញមុខឆ្លើយតបយ៉ាងក្តៅគគុក និងម៉ឺងម៉ាត់បំផុត។ នៅថ្ងៃទី៥ ខែមករា ឆ្នាំ២០២៦ លោក Petro បានប្រកាសជំហរការពារមាតុភូមិរបស់លោក។

លោក Petro បានអំពាវនាវដល់ប្រទេសនានានៅអាមេរិកឡាទីន ឱ្យរួបរួមគ្នាប្រឆាំងនឹងអ្វីដែលលោកហៅថាជា "លទ្ធិចក្រពត្តិនិយមថ្មី"។ លោកបាននិយាយថា៖ "អាមេរិកឡាទីនត្រូវតែរួបរួមគ្នា បើមិនដូច្នេះទេ យើងនឹងត្រូវគេចាត់ទុកជាអ្នកបម្រើ និងជាទាសកររហូត"។

ការចាប់ខ្លួន និងការទម្លាក់លោក Nicolás Maduro ដោយកងកម្លាំងសហរដ្ឋអាមេរិកនៅដើមខែមករា ឆ្នាំ២០២៦ គឺជាការផ្លាស់ប្តូរភូមិសាស្ត្រនយោបាយដ៏ធំមួយ ដែលមានផលប៉ះពាល់យ៉ាងខ្លាំងដល់ទីក្រុងប៉េកាំង។ ក្នុងនាមជាម្ចាស់បំណុលធំជាងគេ និងជាអ្នកទិញប្រេងឆៅឈានមុខគេរបស់វេណេស៊ុយអេឡា ប្រទេសចិនឥឡូវនេះកំពុងប្រឈមមុខនឹងភាពមិនច្បាស់លាស់យ៉ាងខ្លាំងទាក់ទងនឹងការវិនិយោគរយៈពេលវែង និងឥទ្ធិពលរបស់ខ្លួននៅក្នុងតំបន់។

ចិនគឺជាម្ចាស់បំណុលធំជាងគេរបស់វេណេស៊ុយអេឡា ដោយមានបំណុលដែលមិនទាន់ទូទាត់ចន្លោះពី ១០ ទៅ ១៥ ពាន់លានដុល្លារ (ធ្លាក់ចុះពីចំនួនខ្ពស់បំផុត ៥០ ពាន់លានដុល្លារ)។

ក្តីបារម្ភចម្បងរបស់ទីក្រុងប៉េកាំង គឺថាតើរដ្ឋាភិបាលអន្តរកាលថ្មីដែលគាំទ្រដោយសហរដ្ឋអាមេរិក នឹងគោរពតាមកិច្ចសន្យាបំណុលទាំងនេះដែរឬទេ។ ជាប្រវត្តិសាស្ត្រ តួអង្គប្រឆាំងរបស់វេណេស៊ុយអេឡាបានលើកឡើងថា "បំណុលមិនស្របច្បាប់" ដែលកើតឡើងក្រោមរដ្ឋបាលលោក Maduro គួរតែត្រូវបានចរចាឡើងវិញ ឬលុបចោល។

នៅថ្ងៃទី០៦ ខែមករា ឆ្នាំ១៩១២ New Mexico បានក្លាយជារដ្ឋទី៤៧ របស់សហរដ្ឋអាមេរិក។ #USA

© ប្រវត្តិសាស្ត្រពិភពលោក
https://t.me/WorldHistoryDaily
Support Channel ABA :500 578 666 🙏

នៅថ្ងៃទី០៦ ខែមករា ឆ្នាំ១៩៥០ ចក្រភពអង់គ្លេស ក្រោមការដឹកនាំរបស់លោក នាយករដ្ឋមន្ត្រី Clement Attlee បានទទួលស្គាល់សាធារណរដ្ឋប្រជាមានិតចិន និងស្នើសុំអោយមានការតាំងស្ថានទូតរាងខ្លួន ប៉ុន្តែសំណើនេះត្រូវបានចិនកុម្មុយនីស្តបដិសេធ។

អង់គ្លេសបានបង្កើតទំនាក់ទំនងការទូតជាមួយចិនប្រជាមានិត ត្រឹមតែ កម្រិត ភារៈធារី នៅ១៧ មិថុនា ១៩៥៤ ហើយរហូតដល់១៣ មិនា ១៩៧២ ទើបមានការផ្លាស់ប្តូររដ្ឋទូតរាងខ្លួន។

© ប្រវត្តិសាស្ត្រពិភពលោក
https://t.me/WorldHistoryDaily
Support Channel ABA :500 578 666 🙏

នៅថ្ងៃទី០៧ ខែមករា ឆ្នាំ១៩៧៩ ក្រោមជំនួយការប្រយុទ្ធរបស់កងទ័ពវៀតណាម រណសិរ្សសាមគ្គីសង្គ្រោះជាតិកម្ពុជា បានសម្រុកចូលកាន់កាប់ក្រុងភ្នំពេញ យកឈ្នះលើពួកខ្មែរក្រហម។ #Cambodia

© ប្រវត្តិសាស្ត្រពិភពលោក
https://t.me/WorldHistoryDaily
Support Channel ABA :500 578 666 🙏

យោងតាមទិន្នន័យគយ និងរបាយការណ៍ស៊ើបអង្កេត ក្នុងអាណត្តិដឹកនាំរបស់លោក នីកូឡាស់ ម៉ាឌូរ៉ូ (Nicolas Maduro) ប្រទេសវ៉េណេស៊ុយអេឡាបានបញ្ជូនមាសដែលមានតម្លៃសរុបប្រមាណ ៥,២ ពាន់លានដុល្លារ ទៅកាន់ប្រទេសស្វីស។

នៅថ្ងៃទី ៥ ខែមករា ឆ្នាំ ២០២៦ រដ្ឋាភិបាលស្វីសបានសម្រេច បង្កកទ្រព្យសម្បត្តិ ទាំងអស់របស់លោក ម៉ាឌូរ៉ូ និងបក្សពួកចំនួន ៣៦ នាក់ផ្សេងទៀត ដើម្បីការពារកុំឱ្យមានការផ្ទេរប្រាក់ដែលបានមកពីអំពើខុសច្បាប់ចេញពីប្រទេស។

នៅថ្ងៃទី០៧ ខែមករា ឆ្នាំ១៦១០ លោក កាលីឡេ តារាវិទូអ៊ីតាលីបានរកឃើញព្រះចន្ទធំៗទាំងបួនរបស់ភពព្រហស្បតិ៍ ដែលក្នុងនោះមាន ព្រះចន្ទអាយអូ ព្រះចន្ទយូរ៉ូប៉ា ព្រះចន្ទហ្កានីម៉េដ និងព្រះចន្ទកាលីស្តូ។ #Space

១. ព្រះចន្ទអាយអូ (Io):
ជាអង្គធាតុដែលមាន សកម្មភាពភ្នំភ្លើងខ្លាំងបំផុត នៅក្នុងប្រព័ន្ធព្រះអាទិត្យ។ វាមានភ្នំភ្លើងរាប់រយដែលកំពុងផ្ទុះឡាវ៉ាឡើងខ្ពស់ទៅក្នុងលំហអាកាស។

២. ព្រះចន្ទយូរ៉ូប៉ា (Europa):
មានផ្ទៃខាងលើក្របដណ្តប់ដោយទឹកកកយ៉ាងក្រាស់។ អ្នកវិទ្យាសាស្ត្រជឿថា នៅពីក្រោមទឹកកកនោះអាចមាន មហាសមុទ្រទឹកប្រៃ ដែលអាចមានលក្ខណៈអំណោយផលដល់ជីវិត។

៣. ព្រះចន្ទហ្កានីម៉េដ (Ganymede):
វាគឺជា ព្រះចន្ទដែលធំជាងគេបំផុត នៅក្នុងប្រព័ន្ធព្រះអាទិត្យ (ធំជាងភពពុធទៅទៀត)។ វាក៏ជាព្រះចន្ទតែមួយគត់ដែលត្រូវបានគេដឹងថាមានដែនម៉ាញ៉េទិចផ្ទាល់ខ្លួន។

៤. ព្រះចន្ទកាលីស្តូ (Callisto):
ជាព្រះចន្ទដែលមាន ក្រហូង (Craters) ច្រើនជាងគេបំផុត ដែលបង្ហាញថាវាមានអាយុកាលចាស់ខ្លាំង និងមិនសូវមានសកម្មភាពផ្លាស់ប្តូរភូមិសាស្ត្រតាមរយៈកម្តៅខាងក្នុងនោះទេ។

© ប្រវត្តិសាស្ត្រពិភពលោក
https://t.me/WorldHistoryDaily
Support Channel ABA :500 578 666

នៅថ្ងៃទី០៧ ខែមករា ឆ្នាំ១៩៨៩ ព្រះចៅអធិរាជជប៉ុន Akihito បានស្បថចូលស្នងរាជ្យ ជាព្រះចៅអធិរាជទី១២៥ ក្រោយពីព្រះបិតារបស់ព្រះអង្គ Hirohito បានសោយទិវង្គតនៅថ្ងៃនោះដែរ។ ប្រទេសជប៉ុនបានប្តូរទៅស័ករាជ Heisei។

ព្រះចៅអធិរាជជប៉ុន Akihito បានគ្រងរាជ្យរហូតដល់ ៣០ មេសា ២០១៩ ដោយរាជបល្ល័ង្កបានបន្តឱ្យ ព្រះរាជបុត្រស្នងរាជ្យ Naruhito។

ក្នងរាជព្រះចៅអធិរាជ Akihito មាននាយករដ្ឋមន្ត្រី ជប៉ុន ចំនួន២១ រូបបានកាន់កាប់រដ្ឋាភិបាល។ #Japan

© ប្រវត្តិសាស្ត្រពិភពលោក
https://t.me/WorldHistoryDaily
Support Channel ABA :500 578 666 🙏

ថ្ងៃទី០៧ ខែមករា ឆ្នាំ១៩៥៩ គឺជាចំណុចរបត់ប្រវត្តិសាស្ត្រដ៏សំខាន់មួយក្នុងទំនាក់ទំនងរវាងសហរដ្ឋអាមេរិក និងគុយបា។ នៅពេលនោះ រដ្ឋាភិបាលក្រុងវ៉ាស៊ីនតោនបានសម្រេចចិត្តទទួលស្គាល់រដ្ឋាភិបាលបដិវត្តន៍របស់លោក ហ្វីដែល កាស្ត្រូ (Fidel Castro) ត្រឹមតែមួយសប្តាហ៍ប៉ុណ្ណោះ បន្ទាប់ពីលោក ហ្វុលហ្សេនស៊ីយ៉ូ បាទីស្តា (Fulgencio Batista) បានរត់ភៀសខ្លួនចេញពីប្រទេស។

នៅពេលនោះ ក្រុមហ៊ុនអាមេរិកបានគ្រប់គ្រងវិស័យសេដ្ឋកិច្ចសំខាន់ៗជាច្រើននៅគុយបា ដូចជា ស្ករស អគ្គិសនី និងទូរស័ព្ទ។ ការទទួលស្គាល់រដ្ឋាភិបាលថ្មី គឺជាយុទ្ធសាស្ត្រមួយដើម្បីធានាថា ផលប្រយោជន៍សេដ្ឋកិច្ចទាំងនោះនឹងមិនត្រូវបានប៉ះពាល់ ឬរឹបអូស។ #USA #Cuba

© ប្រវត្តិសាស្ត្រពិភពលោក
https://t.me/WorldHistoryDaily
Support Channel ABA :500 578 666 🙏

ក្នុងចំណាត់ការការទូតដ៏សំខាន់មួយនាថ្ងៃនេះ ថ្ងៃទី៧ ខែមករា ឆ្នាំ២០២៦ ប្រធានាធិបតីកូរ៉េខាងត្បូង លោក លី ជេម្យុង (Lee Jae-myung) បានបញ្ជាក់ថា លោកបានស្នើជាផ្លូវការទៅកាន់ប្រធានាធិបតីចិន លោក ស៊ី ជិនពីង (Xi Jinping) ឱ្យដើរតួជា "អ្នកសម្របសម្រួលដើម្បីសន្តិភាព" ដើម្បីជួយដោះស្រាយភាពជាប់គាំងជាមួយកូរ៉េខាងជើង។

លោកប្រធានាធិបតី Lee បានថ្លែងបែបនេះក្នុងអំឡុងសន្និសីទសារព័ត៌មាននៅទីក្រុងស៊ាងហៃ ខណៈដែលលោកបានបញ្ចប់ដំណើរទស្សនកិច្ចផ្លូវរដ្ឋរយៈពេល ៤ ថ្ងៃនៅក្នុងប្រទេសចិន ដែលជាដំណើរទស្សនកិច្ចលើកដំបូងរបស់មេដឹកនាំកូរ៉េខាងត្បូងក្នុងរយៈពេល ៦ ឆ្នាំមកនេះ។

លោក Xi បានសង្កត់ធ្ងន់ថា ដោយសារទំនាក់ទំនងរវាងកូរ៉េទាំងពីរមានភាពល្អក់កករខ្លាំង ការសម្រេចបាននូវរបកគំហើញថ្មី នឹងត្រូវការពេលវេលា និងការអត់ធ្មត់។

ក្រសួងការបរទេសចិនបានបញ្ជាក់ជាថ្មីអំពី "តួនាទីប្រកបដោយស្ថាបនា" របស់ខ្លួនក្នុងការរក្សាស្ថិរភាព ប៉ុន្តែមិនទាន់បានប្តេជ្ញាចិត្តចំពោះទម្រង់នៃការសម្របសម្រួលជាក់លាក់ណាមួយនៅឡើយទេ។

នៅថ្ងៃទី៧ ខែមករា ឆ្នាំ១៩៤៣ នីកូឡា តេស្លា បានទទួលមរណភាពក្នុងវ័យ៨៦ឆ្នាំ នៅសហរដ្ឋអាម៉េរិក។

នីកូឡា តេស្លា (Nikola Tesla) ដែលជាអ្នកប្រាជ្ញ និងជាអ្នកបង្កើតថ្មីដ៏អស្ចារ្យបំផុតម្នាក់ក្នុងប្រវត្តិសាស្ត្រពិភពលោក។

ថ្វីត្បិតតែលោកបានលាចាកលោកក្នុងភាពឯកោ និងភាពក្រីក្រនៅសណ្ឋាគារ New Yorker ក៏ដោយ ប៉ុន្តែកេរដំណែល និងការរកឃើញរបស់លោកបានផ្លាស់ប្តូរជីវភាពរស់នៅរបស់មនុស្សជាតិរហូតមកដល់សព្វថ្ងៃ។

© ប្រវត្តិសាស្ត្រពិភពលោក
https://t.me/WorldHistoryDaily
Support Channel ABA :500 578 666

កាលពីថ្ងៃទី ៧ ខែមករា ឆ្នាំ ២០២៦ ប្រធានាធិបតី ដូណាល់ ត្រាំ បានចុះហត្ថលេខាលើក្រឹត្យប្រធានាធិបតីមួយ ដើម្បីដកសហរដ្ឋអាមេរិកចេញពីអង្គការ និងសន្ធិសញ្ញាអន្តរជាតិចំនួន ៦៦ ដែលលោកចាត់ទុកថា "ផ្ទុយនឹងផលប្រយោជន៍របស់អាមេរិក"។

ការសម្រេចចិត្តនេះរួមមានស្ថាប័នសំខាន់ៗដូចជា៖

- សន្ធិសញ្ញាអាកាសធាតុ (UNFCCC): នេះគឺជាសន្ធិសញ្ញាមេនៃកិច្ចព្រមព្រៀងអាកាសធាតុទីក្រុងប៉ារីស។

- ក្រុមអ្នកវិទ្យាសាស្ត្រអាកាសធាតុ (IPCC): ស្ថាប័នឈានមុខគេក្នុងការស្រាវជ្រាវការប្រែប្រួលអាកាសធាតុពិភពលោក។

- អង្គការសហប្រជាជាតិសម្រាប់ស្ត្រី (UN Women): ស្ថាប័នលើកកម្ពស់សមភាពយេនឌ័រ។

- មូលនិធិអង្គការសហប្រជាជាតិសម្រាប់ប្រជាជន (UNFPA): ផ្តោតលើសុខភាពមាតា និងទារក។

- អង្គការផ្សេងៗទៀត៖ រួមមាន UNESCO, អង្គការសុខភាពពិភពលោក (WHO), និងក្រុមប្រឹក្សាសិទ្ធិមនុស្ស UN ជាដើម។

អ្នកជំនាញព្រមានថា ការដកខ្លួននេះនឹងធ្វើឱ្យអាមេរិកបាត់បង់ឥទ្ធិពលលើឆាកអន្តរជាតិ និងបន្សល់ទុកនូវចន្លោះប្រហោងដែលប្រទេសគូប្រជែង (ដូចជាចិន) អាចចូលមកជំនួស។

នៅថ្ងៃទី០៨ ខែមករា ឆ្នាំ១៩៥៩ លោកឧត្តមសេនីយ៍ Charles de Gaulle បានក្លាយជាប្រធានាធិបតីទី១ នៃសាធារណរដ្ឋទី៥ របស់សាធារណរដ្ឋបារាំង។ #France

លោកឧត្តមសេនីយ៍ Charles de Gaulle មិនត្រឹមតែជាវីរបុរសក្នុងសម័យសង្គ្រាមលោកលើកទី២ ប៉ុណ្ណោះទេ ប៉ុន្តែលោកគឺជាអ្នកដែលបានរៀបចំរចនាសម្ព័ន្ធនយោបាយថ្មីសម្រាប់បារាំង បន្ទាប់ពីឆ្លងកាត់វិបត្តិនយោបាយយ៉ាងធ្ងន់ធ្ងរនៅអាល់ហ្សេរី។

លោកបានធ្វើឱ្យបារាំងក្លាយជាមហាអំណាចនុយក្លេអ៊ែរ និងពង្រឹងឯករាជ្យភាពរបស់បារាំងនៅលើឆាកអន្តរជាតិ (ជាពិសេសការដកខ្លួនចេញពីបញ្ជាការដ្ឋានយោធារបស់ NATO នៅពេលនោះ)។

© ប្រវត្តិសាស្ត្រពិភពលោក
https://t.me/WorldHistoryDaily
Support Channel ABA :500 578 666

ថ្ងៃទី​៨ ខែមករា ឆ្នាំ​១៩៤២ ជាថ្ងៃខែឆ្នាំកំណើតរបស់ លោក Stephen Hawking អ្នកប្រាជ្ញខាងរូបវិទ្យាមួយរូបរបស់អង់គ្លេស។

នៅ​ក្នុង​ទសវត្សរ៍​ឆ្នាំ​១៩៧០ លោក​បាន​អភិវឌ្ឍន៍​ទ្រឹស្តី ស្តីពី​ ភាព​ងងឹត ប្រហោងខ្មៅ និង​ពន្លឺ ព្រមទាំង​កាំរស្មី ដែលពេល​នេះ​ជាប់​ជា​ក្បួន​សិក្សា​​ឈ្មោះ​ថា កាំរស្មី​ Hawking។ លោក​គឺ​ជា​ជន​ទី​មួយ ដែល​សិក្សា​ពន្យល់​អំពី​​ដំណើរការ​នៃ​ចក្រវាឡ អំពី យន្តការ​កង់ទិច និង​ដែល​គួរ​តែ​អាច​បាន​ទទួលពាន​រង្វាន់​ណូបែល​រូបវិទ្យា​ផង ប្រសិន​បើ​មាន​ពិសោធន៍​បង្ហាញ។

លោក​បាន​ខិត​ខំ​ស្រាវជ្រាវ​ ទម្លាយ​អាថ៌កំបាំង​របស់​ចក្រវាឡ ទាំង​ខ្លួន​លោក​មាន​ជំងឺ ធ្លាក់​ខ្លួន​ពិការ និយាយ​មិន​ចេញ កម្រើក​បាន​តែ​ម្រាម​ដៃ​មួយ សម្រាប់​វាយ​អក្សរ។

លោក Stephen Hawking បាន​ទទួល​មរណភាព​ នៅ​ថ្ងៃពុធ​ទី ១៤ មីនា ២០១៨ ក្នុង​ជន្មាយុ ៧៦​ឆ្នាំ។ #Birthday #UK

© ប្រវត្តិសាស្ត្រពិភពលោក
https://t.me/WorldHistoryDaily
Support Channel ABA :500 578 666

ប្រសិនបើលោក លោកស្រីចង់ឧបត្ថម្ភកិច្ចការរបស់យើងខ្ញុំ លោក លោកស្រីអាចបរិច្ចាគមកខាងយើងខ្ញុំបានតាមរយៈ ABA account

Account number: 500 578 666

សូមអរគុណ

លោកប្រធានាធិបតីកូឡុំប៊ី Gustavo Petro បានប្រកាសថា លោកបានយល់ព្រមតាមសំណើរបស់ប្រធានាធិបតីសហរដ្ឋអាមេរិក លោក Donald Trump ដើម្បីជួបគ្នានៅទីក្រុងវ៉ាស៊ីនតោន បន្ទាប់ពីកិច្ចសន្ទនាតាមទូរស័ព្ទលើកដំបូងរបស់ពួកគេ ដែលមានរយៈពេលជាងមួយម៉ោង និងបានជួយសម្របសម្រួលភាពតានតឹងដែលកំពុងកើនឡើងរវាងប្រទេសទាំងពីរ។

ថ្ងៃទី​៨ ខែមករា ឆ្នាំ​១៦៤២ លោក កាលីឡេអូ កាលីឡេ បិតាខាងតារាវិទូជនជាតិអ៊ីតាលីបានទទួលមរណភាព។ #Death

© ប្រវត្តិសាស្ត្រពិភពលោក
https://t.me/WorldHistoryDaily
Support Channel ABA :500 578 666