لـولاء الكريـم ورحمته ما اخضـر الـعـود
ولولاء الحسد فألٱرض ماضاقت الطرق

قلـوب بعـض الناس مـن حسدها سـود
حتى الحـرامي يحسدونه على السـرق

#بوح_القصيد

لغز قلبي من يحله يستحله
ويتصرف به تصاريف المفوض

المكابر نقص والرحمه جبله
والعناد ابليس والصده تروض

انتبه لي وانتبه لك والله الله
احتمال اكون فرصه ماتعوض

ركز مع اللي يسولف لك من اعماقه
تراك عارف وانا عارف نهايتها

اسمع بجوفي مثل مرجاف طقاقه
اخشى على النفس تبلاها قرادها

ابطى علينا المطر ماشع براقه
وين انت يامعشم النفس بسعادتها

مهاوي النوق مايبغى ولا ناقه
احتار في عيشته من قبل عيشتها

ماعاد فينا على كتم الالم طاقه
الناس عجزت تحمل فوق طاقتها

ما ازين من الكلمه الزينه على فاقه
والحاجه اللي تجي في وقت حاجتها

ترى اكرم الناس من يكرمك بأخلاقه
لذا ارخص الناس من يرخص كرامتها

من يحرق اعصابك من الباب للطاقه
والله يابكره ان يعرف حرارتها

ياويش حدك ياخشير الدم تجعلني خصيم
وتجيب علـــــــم ماتضويه المره وهي مره

لازلت احبك وكنك فرض والزامي
محبة ديار مالي صدة منها

بادلني الوصل وصلك يقطع خرامي
لعذار كثرت ولاكثرت مانضمنها

لي فتره اشوف تقصيرك متعمامي
غيبتك زله وبصرف نضرتي عنها

ماكل زله عليها اشمر اكمامي
يامخبلك ياللي الهزله تسمنها

ليام ماقصرت تضرب على الحامي
والناس من تالي اتشكك معادنها!

لا عاد تومي بشلفا الهجر قدامي
اطعن بها زين ولا فكـني منهــا
@MHMDALGBR

الشاعر محمد الغبر
https://t.me/MHMDALGBR

القلب مجروح والشكوى كوتني كوي
الله يساعد على الدنيا وعثراتها

مـاعـاد يلـزمـني وفا بعض الوجيه
الـبـايـره تــلـحـق ركـايـب ربــعـهـا

خـلّـونـي آسـجّ القـدم مـن غير ليه
ولّا عطـونـي مـن حـيـاتـي ربـعـهـا

الارض في عيني كبر حجمْ الجنيه
والـنـفـس مـن تـالـي تغـثرب نبعها

نـاسٍ مـاهـي تـنـقـاد للراي الوجيه
مـاهـيـب تـبـعٍ لـي ، ولانـي تـبـعـها

من خلقت الدنـيا علـى ماهي عليه
الـنـاس هـيّ اللـي تـغـيّـر طـبـعـهـا

انت يا فخر الصناعة ويا زين الصفات
وجهك يثير الاحاسيس ويثير اللغط

ودي اكتب لك من الشعر.. عشر معلقات
فوق جيدك خمس فصحى وخمس من النبط

ان بغيت اعيش.. سولف واخذ مني وهات
وان بغيت اموت سلهم بنظراتك فقط

انت تفعل ما بدى لك بدون مبررات
الغلط لا صرت راعيه ما كنه غلط

بين طيّات الوجيه الضاحكه والمسفهلّه
ما عرفت أكتم هواي، ولا عرفت أخفي مرادي

مرحبا، ما مالت غصون الشجر وأشتاق ظلّه
للحميميّه تحته، وللقصيد، وللتهادي

بـ القبال اللي تعجز الناس عن خالي محلّه
والحضور اللي بَعدْه حضور خلق الله عادي

تشتهيك الأرض، وغيوم السماء، والكون كلّه
والذهول في وجهٍ أبطى يشتهي طلّتك هادي

في مراتع -معشر الشعّار- ما دوّرت حلّه
قبْل أهيم في لِبّتك وأضيع ما دوّرت وادي

ما على وجه البسيطه بنتٍ تضاهيك لِلّه
قولي لـ من يبغى مثيلك: لا حياة لمن تنادي

جيتي أشهى من كلامٍ ساقه الطاري لـ حلّه
وأشهى من "لبيّه" لامن جاوبت صوت المنادي

تعرف عيونك رهيف الحب فـ الصدر وتدّله
لين بعدك صرت أشوف الغيد باللون الرمادي

أقبلي والريح تجمع شعرك شوي وتفلّه
كم عطى ربي يدين الريح من حظ الأيادي

منتظر مثل الكريم اللي ما ردّه يوم قِلّه
لا معي قلبٍ يبور، ولا معي صبر المهادي

لا انسدل فستانك اللي يعقد الحبل ويحلّه
فوق لينٍ يشتهيه العطر مانيب متحادي

« أقبلي والعيد عيدك والشِّعر دقّه وجلّه
معك صار العيد غير وفيك توّ العيد بادي »

يارب وجهني طريق الصالحين
بدايته ونهايته ، سترة نجاه

رفعت نفسي عن دروب التافهين
اللي ولا دربٍ يشد الانتباه

اما حياة الطيبين الغانمين
ولا حياةٍ ماوراها من غناه

اللي حسبته من قروم الطيبين
الوقت ماقصر وبين لي خفاه

يزين طبع الناس ، ولا مايزين
كلٍ على حسب العمل يلقى جزاه

فيـه امور مايجـوز العـذر فيها والتغاضي
لا وصلنا عندها حطيت قلبي تحت رجلي