ሰላም

ከይቅርታ ጋር ነገ ረቡዕ (16/04/2017 ዓ.ል) ከኔ ጋር ክላስ አይኖራችሁም።

.
Main Channel
https://t.me/Werabesps
.
Tutorial Channel
https://t.me/WSPSTutorial
.
DM
@itutor_w
.

ሰላም

ከይቅርታ ጋር ነገ ሐሙስ (17/04/2017 ዓ.ል) ከኔ ጋር ክላስ አይኖራችሁም።

.
Main Channel
https://t.me/Werabesps
.
Tutorial Channel
https://t.me/WSPSTutorial
.
DM
@itutor_w
.

ሰላም

ከይቅርታ ጋር በግል ጉዳይ በዚህ ሳምንት ከኔ ጋር ክላስ አይኖራችሁም።

.
Main Channel
https://t.me/Werabesps
.
Tutorial Channel
https://t.me/WSPSTutorial
.
DM
@itutor_w
.

እንኳን ለአንደኛው መንፈቀ-ዓመት ማጠቃለያ ፈተና በሰላም አደረሳችሁ።

ለማጠቃለያ ፈተና እንደደረሳችሁ ፈተናውን በሰላም አስጨርሶ ለመልካም ውጤት ያብቃችሁ።
በፈተና ወቅት የፈተና ደንብ ከማያሟላ ተግባር ተቆጥባችሁ ፈተናችሁን እንድትጨርሱ እመኛለሁ።

ለሁላችሁም መልካም ፈተና!

ክብር ለመምህሮቻችን!
ለኛ ማለፍ ወድቀው ለቀሩ
ለኛ መፍካት የኮሰመኑ
ለኛ ማደግ ለወደቁ

ከክብርና ምስጋና ውጭ ምንም ላላደረግንላቸው መምህራን ክብር ለነርሱ ይሁን።

የሳቀ ሁሉ ደስተኛ አይደለም !!

(ዶክተር ኃይለልዑል መኮንን)

ሁሌም ስታገኙት ደስተኛና ሳቂታ የነበረ ሰው በድንገት ራሱን አጥፍቶ ሞተ ሲባል ሰምታችሁ ታዉቃላቹ ?

ብዙ ሰዉ የድብርት ህመም ደስተኛ አለመሆን ፣ የሀዘን ስሜት ፣ ተስፋ መቁረጥ እና የመሳሰሉት ብቻ ይመስለዋል። አንዳዴ እየሳቁ እና እየተጫወቱ በከባድ የድብርት ህመም የሚሰቃዩ ሰዎች አሉ። በህክምናዉ (atypical depression) ይባላል።

- አብዛኛዉን ጊዜ ደስ የሚያሰኝ ነገር ሲያገኙ ለተወሰነ ጊዜ መደሰት ከዛም መልሶ የሀዘን እና የባዶነት ስሜት ዉስጥ መግባት፣
- ምግብ ፍላጎት እና ክብደት መጨመር፣
- ከሳምንታት በላይ ቀኑን ሙሉ መድከም እና እንቅልፍ ማብዛት፣
- በትንንሽ አስተያየቶች እና ትችቶች መሰበር፣
- የዘወትር ተግባራትን ለመከወን መቸገር የድብርት በሽታ ሌላኛዉ መልክ ሊሆን ይችላል።

ስለዚህ የሳቀ ሁሉ ደስተኛ አይደለም፤ ምናልባት ከሳቁ ጀርባ የተደበቀ የባዶነት እና የሀዘን ስሜት ይኖራልና እርስ በእርስ እንጠያየቅ።

(ይህ የግንቦት ወር በዓለም አቀፍ ደረጃ የአዕምሮ ጤና ግንዛቤ ወር ነው)

#የአዕምሮ_ጤና_ግንዛቤ_ወር
#ዶክተር_ኃይለልዑል_መኮንን
#MentalHealthAwarenessMonth

#TikvahEthiopiaFamily

@tikvahethiopia

<< የሳቀ ሁሉ ደስተኛ አይደለም! >>

ብንተዋወቅም ባንተዋወቅም ይህ መልዕክት ለሁላችሁም ነው።

ልባችሁ ውስጥ ታፍኖ የተቀመጠ፣ ለማን ብነግር ያዳምጠኛል፣ ማን የመፍትሔ ሐሳብ ይሰጠኛል፣ እንደው ሐሳብ ባይሰጠኝ እንኳ የልቤን ተናግሬ የምተነፍስበትን ሰው ከየት ላግኝ፣ ጭንቀትና ድባቴ ሊጨርሰኝ ነው...... ብላችሁ ያሰባችሁ ሰዎች በዱዐ ለአላህ ከመንገር ባሻገር ልታማክሩት የፈለጋችሁት ሰው ካለ እኔን ማናገር ትችላላችሁ። ፈራጅም ወቃሽም ሳልሆን ለመፍትሔ እስከመጨረሻው ከጎናችሁ ነኝ።

ችግራችሁ ችግሬ ነው። ጭንቀታችሁ ጭንቀቴ ነው። የፈለጋችሁትን ነገር ልታወያዩኝ ትችላላችሁ። መፍትሔ ባናገኝ እንኳ ሐሳብ በመለዋወጣችን ብቻ እረፍት እናገኝበታለን።

ነቢዩላህ ዩሱፍ (ዐለይሂ ሰላም) ጉድጓድ ውስጥ የተወረወረው፣ ባሪያ ሆኖ ተሽጦ በባርነት ያደገው ከአመታት በኋላ የገዢዎቹ ንጉስ ሊሆን ነውና የታገሰ የትዕግስቱን ጣፋጭ ፍሬ ይቀምሳል። አንተም አብሽር። አንቺም አብሽሪ።

ሐሳብ ለመለዋወጥ፦ @Abboud1088

ለ12ኛ ክፍል መልቀቂያ ፈተና ይዘጋጁ!

የ2017 ዓ.ም የ12ኛ ክፍል መልቀቂያ ፈተና ከሰኔ 23 እስከ ሐምሌ 8/2017 ዓ.ም እንደሚሰጥ መገለፁ ይታወቃል፡፡

ለሀገር አቀፍ ፈተናው እየተዘጋጁ ነው?
ተፈታኝ ተማሪ ከሆኑ ከታች የተቀመጠውን ሊንክ በመጫን ለፈተናው በቂ ዝግጅት ለማድረግ የሚያስችሉ ትምህርቶችን ማግኘት ይችላሉ።

በትምህርት ሚኒስቴር የተዘጋጁ የቲቶርያል ቪዲዮዎችን ለማግኘት 👇
https://examinfo.moe.gov.et/guides

@tikvahuniversity

ሰላም ለሁላችሁም

ከ4 ቀናት በፊት በተባባልነው መሠረት አሁን 10ኛ ክፍል ያላችሁ ቀጣይ አመት 2018 እ.ኢ.አ. 11ኛ ክፍል የምትቀላቀሉ ተማሪዎች ሰፋ ያለ ውይይት እናካሂዳለን። በውስጥ መስመር ስትጠይቁኝ ለነበራችሁና እንዲሁ ስለምትቀላቀሉት stream ለማወቅ ጥሩ ግንዛቤ እንደምታገኙበት ተስፋ አደርጋለሁ። ቢረዝምም ታግሳችሁ አንብቡት።

በመጀመሪያ ደረጃ ለዚህ ላበቃችሁ አላህ ምስጋና ይድረሰው። በመቀጠል ለዚህ ለበቃችሁ ወንድምና እህቶቼ እንኳን ለዚህ በቃችሁ። በቀጣይ ለምትቀጥሉት የ11ኛ እና 12ኛ ክፍል ጊዜያችሁ መልካም ጊዜ እመኝላችኋለሁ።

ወደ ሐሳባችን ስንመለስ..

ይህን ሐሳብ ስትጠይቁና ስትወያዩ ሁላችንም የምንገነዘበው ነገር አለ። እርሱም ይህ ምርጫችሁ አዲስ ወደሆነ ምዕራፍ መግቢያችሁ መሆኑንና እንደ ቀልድ የምትወስኑት ውሳኔ እንዳልሆነ ነው።

ይህ ምርጫችሁ ወደፊት የምትማሩትን ብቻ አይደለም የሚወስነው፤ ሙሉ አስተሳሰባችሁንና ማንነታችሁን የሚቀይር ውሳኔ ነው። ወደ ስራ አለም ስትቀላቀሉም በተማራችሁት የምትሰሩ ከሆናችሁ ስራችሁንም ይወስናል። ስለዚህ ሐሳብ ቢገባችሁ አይገርምም።

በተፈጥሮ ሳይንስ እና ማኅበራዊ ሳይንስ መሀል ያለውን ልዩነት ከሞላ ጎደል ታውቁታላችሁ ተብሎ ቢታሰብም በትምህርት ደረጃ ያለውን ልዩነትና ወደ ዩኒቨርሲቲ ስትቀላቀሉ ያለውን ልዩነት ትንሽ ልበላችሁ። ከትምህርት አይነቶቹ እንጀምር።

#Natural_Science (የተፈጥሮ ሳይንስ)
Biology
Chemistry
Physics
በዋናነት ሜዳው ላይ የሚጫወቱ ተሰላፊዎች ናቸው።

#Social_Science (ማኅበራዊ ሳይንስ)
History
Geography
Economics
በዋናነት የተሰለፉ ተጫዋቾች ናቸው።

በሁለቱም ምድብ በኩል ያሉ ተጫዋች የትምህርት አይነቶች ቀላል የሚባሉ ባይሆኑም በተፈጥሮ ሳይንስ በኩል ያሉት ግን ትንሽ ከበድ ያለ አስተላለፍ የሚጠቀሙ ተጫዋቾች ናቸው። እንዴት እንደሆነ በሚቀጥሉ አንቀጾች እናነብባለን።

-> Maths & English በሁለቱም በኩል የሚጫወቱ 'ጆከሮች' በመሆናቸው አንድ ተማሪ 'ናቹራል'ም 'ሶሻል'ም ቢቀላቀል የሚቀሩለት አይሆንም። ለዚህ ነው ከላይ ካሉት ጋር የለያየኋቸው።

"የቱን ምድብ ልምረጥ?" ብላችሁ ስታስቡ ታሳቢ ማድረግ ያሉባችሁን ነጥቦች እንመልከት።

1. ፍላጎት እና ጠንካራ ጎን
አንድ ተማሪ የተፈጥሮ ሳይንስ ምድብ ለመግባት Maths, Chemistry, Physics and Biology ላይ ጎበዝ መሆን ይጠበቅበታል። ነገሮች እንዴት እንደሚሰሩ ማወቅ የሚፈልግ እና ነገሮችን መሞካከር የሚፈልግ ተማሪ የተፈጥሮ ሳይንስ ቢገባ የተዋጣለት ይሆናል።

በተቃራኒው አንድ ተማሪ ወደ ማኅበራዊ ሳይንስ ለመግባት language, History, Geography, Economics ላይ ጎበዝ መሆን ይጠበቅበታል። ረጅም ሰዓት ማንበብ የሚወድ፣ መጻፍ የሚወድ፣ ክርክር/ውይይት የሚወድ፣ የሚመራ እና በነዚህም የተካነ ከሆነ ማኅበራዊ ሳይንስ መንገዱ ነው።

ከላይ ከተጠቀሱት 6 የትምህርት አይነቶች ስትማሩት ድካም የማይፈጥርባችሁ፣ ደስታ የሚሰጣችሁ፣ ቶሎ ለመረዳት አጭር ጊዜ የሚፈልግባችሁ የትምህርት አይነት የቱ ነው? ይህንን ለይታችሁ እወቁ።

2. ወደፊት መሆን ከምትፈልጉት አንጻር መመልከት
አንድ ተማሪ እስከ 10ኛ ክፍል ሲማር ወደፊት ምን መሆን እንደሚፈልግ በራሱ ፍላጎት አቅጣጫ እንዲይዝ እየተቀረጸ ነው የሚሄደው። ልጆች ሳለን ምን መሆን እንደምንፈልግ ስንጠየቅ "ዶክተር፣ ፓይለት፣ ኢንጂነር፣ መምህር፣ ነርስ፣ ሹፌር፣ ፕሬዘደንት..." እያልን ነበር የምንመልሰው። ይህ መልሳችን የተጠና መልስ ሆኖ አይደለም። ከጓደኞቻችን ሰምተን፣ በቤተሰብ ፍላጎት 'እንዲህ ነው የምትሆንልኝ/የምትሆኚሊኝ' ተብለን፣ መልስ የለንም ላለመባል እና የመሳሰሉ ውሃ የማይቋጥሩ ምክንያቶችን ይዘን ነበር የምንመልሰው።

ነገር ግን በሂደት እስከ 10ኛ ክፍል ስንደርስ በልጅነት ከተመኘነው ይልቅ ፍላጎታችንን ያገናዘበ ምርጫ ለመምረጥ እንወስናለን። ዶክተር እሆናለሁ እያለ ያደገ ተማሪ የታሪክ ተመራማሪ መሆን ይፈልግና ያርፈዋል። ምናልባትም እየተመከረ ኢንጂነር መሆን ይፈልግ የነበረው ተማሪ ለአቅመ-ውሳኔ ሲደርስ ሰዎች ይመክሩት ከነበረው ባሻገር ፍላጎቱም ከኢንጂነሪንግ ትምህርቶች አንዱ እንደሆነ ተረድቶ የዩኒቨርሲቲ ትምህርቱን በዚያው ዘርፍ የሚከታተል ይኖራል።

ስለዚህ ወደፊት መሆን ከምትፈልጉት ነገር አንጻር ነው ዛሬ ላይ የተፈጥሮ ሳይንስ ወይም የማኅበራዊ ሳይንስ መምረጥ ያለባችሁ።

----
የተፈጥሮ ሳይንስ የመረጠ ተማሪ
በሁሉም #የጤና_ዘርፍ መማር ይችላል።
Doctor, Nurse, Pharmacist, Medical Lab, HO...

አጠቃላይ የምህንድስና/ኢንጂነሪንግ ትምህርቶች
Mechanical Engineering
Civil Engineering
Electrical Engineering
Chemical Engineering
Biomedical Engineering
Biotechnology Engineering
Software Engineering ...

ቴክኖሎጂ ነክ ትምህርቶች
Software engineering
Computer Scientist
Architect

በመምህርነት የሳይንስ መምህር መሆን ይችላል።

----
ማኅበራዊ ሳይንስ የመረጠ ተማሪ

የህግ ባለሞያ
ጠበቃ
ዳኛ...

ቴክኖሎጂ ላይ
IT
Tech Marketing...

Business ላይ
Economist (Economics)
Marketer (Marketing)
Manager (Management)
Accountant (Accounting)
Diplomat...

በመምህርነት
History/Civics/Language teacher መሆን ይችላል።

3. የስራ ጫና እና ጭንቀት መቋቋም መቻል
እንደ አጠቃላይ የተፈጥሮ ሳይንስ ከማኅበራዊ ሳይንስ የበለጠ የትምህርት ጫና አለው።
ቶሎ የመድከምና የመሰላቸት ባህሪ ያለበት ተማሪ ተዕግስትን የሚፈታተኑ ትምህርቶችን የያዘ ዘርፍ ነው። ትዕግስት ይጠይቃል።

በዩኒቨርሲቲ አለም ረጅሙ የትምህርት ጉዞ ያለው በህክምናው/Medicine አለም ነው። 7 አመታትን የሚረዝም ጊዜ ይፈልጋል። ሌሎች የጤና ዘርፎች እንኳ ሁሉም ማለት በሚያስችል መልኩ 5 አመታትን ነው የሚፈልጉት።

ማኅበራዊ ሳይንስ በአንጻራዊነት አጭር የትምህርት ጊዜ የሚወስድ ነው። እንደ የህግ ትምህርት እና ኢኮኖሚክስ ረጅሙን አመት የሚፈልጉ ከመሆን ባለፈ የህግ ትምህርት ከህክምናው ትምህርት ባልተናነሰ እጅግ በጣም ረጅም የንባብ እና የሽምደዳ ጊዜ የሚጠይቅ ትምህርት ነው።

ስለዚህ የተፈጥሮ ሳይንስ የመቀላቀል ፍላጎት ካላችሁ ጫናን ለመቋቋም ትከሻችሁን ጠንከር አድርጉ። ውጤታችሁም አሪፍ ይሆናል። ከከባድ ጫና ነጻ ሆናችሁ መማር ካሰባችሁ ማኅበራዊ ሳይንስን ተቀላቀሉ።

መገንዘብ ያለብን ዋና ነጥብ፡ በሁለቱም ምድብ ብትሄዱ ሁሉም የትምህርት መስኮች ማንበብን የሚፈልጉ፣ የእንግሊዘኛ እውቀትን የሚጠይቁ፣ ቢያንስ የ4 አመታት ቢበዛ የ7 አመታትን ትዕግስት የሚጠይቁ ናቸው። አቋራጭ የሚባል መንገድ የለም!

እድሜ ለፕሮፌሰሩ ዛሬ ዛሬ አንድ ተማሪ ትምህርት ቤትም ዩኒቨርሲቲም የሚገባው የመማር ፍላጎት ካለው ብቻ ነው። ለቀልድ የሚመጣ ተማሪ በገባበት በር ተመልሶ ይወጣል። በየእርከኑ ጥብቅ ቁጥጥር ስላለ 'ቀልጄ እመረቃለሁ' የለም። Exit Exam ስለሚጠብቃችሁ በደንብ ማንበብ ይኖርባችኋል።

ከላይ ካሉ የምርጫ አመክንዮዎች ባሻገር ጫናን የመቋቋም አቅማችሁን ማገናዘብ ይኖርባችኋል።

ክፍል ሁለት ይቀጥላል።

ክፍል ሁለት



4. ተፎካካሪ የሚበዛባቸው ትምህርቶች

በሁሉም አገራት ያሉ ሰዎች የየራሳቸው ተወዳጅ የትምህርት መስኮች አሏቸው። ወደ አፍሪካ በተለይም ኢትዮጵያ ስንመጣ እንደ ህክምና፣ የህግ ባለሞያነት እና ምህንድስና ቦታ የሚሰጣቸው ትምህርቶች የሉም። ይህ በተማሪዎችም በተማሪዎቹ ወላጆችም ዘንድ የሚታይ እውነታ ነው።

በዚህ ጫና ምክንያት ተማሪዎች በጣም ጎበዝ ከሆኑ እና ውጤታቸው አሪፍ ከሆነ ህክምና እና ምህንድስና የመማር ፍላጎታቸው ከፍ ያለ ይሆናል። በዚህም ዘርፍ የተመረቁ ተማሪዎች ከሌሎች ምሩቃን የተሻሉ እንደሆኑ ተደርገው ይታያሉ። ይህ አስተሳሰብ ሁሌ ትክክል ነው ማለት አይቻልም። አንድ ተማሪ ጎበዝ ስለሆነ ብቻ ሐኪም መሆን አለበት የሚባለው እሳቤም የተሳሳተ ነው።

ወደ ዩኒቨርሲቲም ስትገቡ ፉክክሩ ስለሚከር እነዚህን ትምህርቶች በቀላሉ ማግኘት ከባድ ይሆናል። ስለዚህ ከአሁኑ ዶክተር፣ ኢንጂነር እና የህግ ባለሞያ የመሆን ህልም ያላችሁ ተማሪዎች ከሌሎቹ የትምህርት መስኮች የበለጠ መልፋት እንዳለባችሁ ተገንዘቡ። ካልሆነ በተፈጥሮ ሳይንስም በማኅበራዊ ሳይንስም ጫና የሌለባቸውን ከህልማችሁ ጋር የሚቆራኘውን በማሰብ መምረጥ ትችላላችሁ።

5. የቤተሰብና የኅብረተሰብ ጫና
ከ4ኛው ጋር ተቀራራቢ ሐሳብ የያዘ ነጥብ ነው። ቤተሰብም ይሁን ኅብረተሰቡ ቅድም ለተገለጹ ሶስት የትምህርት መስኮች የሚሰጠው ቦታ ከፍ ያለ ነው። ብዙ ወላጆች የልጆቻቸውን ህልም ሳይሆን የራሳቸውን ህልም ነው በልጆቻቸው ላይ የሚጭኑት። በዚህም ብዙ ስኬት የራቃቸውን ሰዎች በየአካባቢያችን እንመለከታለን።

ወልደው በልፋት ላሳደጉን ወላጆች ምርጫቸውን ብንከተል ክፋት የለውም። ነገር ግን ይህ የወላጆች ስህተት ብዙ ባለ ተሰጥኦ አዕምሮን ገድሏል። ሊስተካከልም ይገባዋል። ወላጆች ልጆቻቸው ደስተኛ ሆነው የሚፈልጉትን ትምህርት ተምረው በዚያም ስኬታማ እንዲሆኑ አስተዋጽኦ ቢያበረክቱ የተሻለ ነገን መመልከት እንችላለን።

በተፈጥሮ ሳይንስም በማኅበራዊ ሳይንስም ተምረው ስኬታማ የሆኑ ሰዎች አሉ። "ዶክተር ስለሆነ ስኬታማ ይሆናል። አካውንታንት ስለሆነ ስኬታማ አይሆንም።" የሚባል ነገር የለም። ስኬቱ የሚወሰነው በተማሪው ያላሰለሰ ጥረት ብቻ ነው። የህክምና ትምህርት ጀምረው ያቋረጡ ሰነፎችን አይተናል። አካውንቲንግ ተምረው ቆራጥ በመሆን ሰርተውበት ስኬት በራቸውን ያንኳኳላቸውን ጎበዞች አይተናል። የትም መሄድ ሳይጠበቅብን እዚሁ ከተማችን ላይ በቂ ምሳሌዎች አሉን። ስም አልጠራም።

ለናንተ የማስቀምጠው ምክረ-ሐሳብ፡
የወላጆቻችሁ ምርጫ ከናንተ ምርጫ ከተጣጣመ እንኳን ደስ አላችሁ። ነገር ግን ምርጫቸው ከምርጫችሁ ከተለያየ ሁለት መንገድ አላችሁ።
አንደኛ- ፍላጎታችሁን ገድባችሁ ፍላጎታቸውን ማሟላት። የመረጡላችሁን የማትፈልጉትን ትምህርት ለመውደድ እና እየተላመዳችሁት መሄድ። በዚህም ቢያንስ የነርሱን ደስታ ታገኛላችሁ።
ሁለተኛ- ይህን ትምህርት የምትማሩት እናንተ እንጂ ወላጆቻችሁ ወይም ኅብረተሰቦቻችሁ አይደሉም። የናንተ አዕምሮ የትኛውን ቢቀበል እንደማይከብደው የምታውቁት እናንተ ናችሁ። በትምህርቱ አለም ማሳካት የምትፈልጉትን ህልም የምታውቁት እናንተ ናችሁ። የራሳችሁን ህልም እንጂ ሰው የቀረጸላችሁን ህልም መኖር ግዴታችሁ አይደለም።

ስለዚህ እንደተማረ ወጣት ወላጆቻችሁን ቁጭ አድርጋችሁ ለወላጅ በሚገባው ክብር አሳማኝ ነጥቦቻችሁን በማንሳት ማወያየት። ባይቀበሏችሁ ሁሌም ቢሆን ሁሉንም ማስደሰት አይቻልምና የራሳችሁን ውሳኔ መወሰን።

ክፍል ሶስት በቅርብ ደቂቃዎች ይለቀቃል።