"سأزرع الحب في بيداء قاحلة
‏لربما جاد بالسقيا الذي عبرا

‏مسافر أنت واﻵثار باقية
‏فاترك لعمرك ماتحيي به اﻷثرا".

"شخص مثلي فقد إيمانه بالجميع يحتاج دائمًا بأن تذكّره أنك تحبه .. دائمًا ياحبيبي".

شخصياتي الكريمة مجتمعة الليلة تتسائل رغم إختلافها ..

عن طبيعة الشخص اللي خدش القلب عمدًا !

عن الإرهاق الروحي والتعب اللي خلفه بمروره !

عن الندبة اللي وصمنا فيها للأبد عن لمعة الحزن بعيوننا !

عن مسؤوليته في كسر ثقتنا بكل الخلق وتشوش رؤيتنا للغد الأفضل !

عن تحطمنا من جوا بصمت موحش وهو مشغول بصخب العالم !

عن العمر اللي إختلفت طريقتنا في عبوره بحيث نجر خطانا مترددة خايفة تائهه !

عن القلب اللي تفنن في خدشه وأصاب الأذى في منتصفه تحديدًا ولونه بالكدمات !

تعتقدون هالشخص ينام طبيعي ؟

في حال إنه ينام طبيعي هل ياترى ضميره يسبب له أرق لو ليلة وحده !

ياترى يعني هل دموعنا تبلله ؟

ياليت تغرقه مره وحده

هل الخوف اللي خلفه فينا ينطلق كسهام ويبعثر طمأنينته !

شلون الضماد يصير جرح !

شلون الكل شيء يصير ولاشيء !

شلون البلاد تصير غربة !

‏رب السعة والإتساع ضعني حيثُ أحب و انتمي..