في فمي أشهى قصيدة من نهارك
طاعن في الحب فمي
شارب ٍ صوتك بدمي شارب ٍ حتى خضارك

بتمرك الذكرى بِـ طارف لياليك
‏و تعلمك معنى القلوب العظيمة

‏لحظةٍ ما تدري تسعدك او تبكيك
‏بس الأكيد أن المشاعر أليمه

‏فرصة محبةٍ يوم ضاعت من يديك
‏الحين تسأل وينها دون قيّـمة

‏أصعب شعور أن تدعي الله ينسيك
‏من كنت تدعي يا عسى الله يديمه .

‏" انا من يوم شفته يبطي و ياتي على مشهاه
‏ عرفت إن نجمة الفرقى علينا هلّت و طاحت "

يقولون مافيه قمّه تستوي بالقاع ،
وانا على القاع لكن ودعت لي قمة ..

"‏حلّيت ليل، وعشت متبعثر شعور
‏ماجيتني عادي ولا رحت عادي

‏تيْه الدروب، أمرها ستة شهور
‏وأوجست بي غربة وطن في بلادي !

‏ماعاد تاسعني من الضيقه صْدور
‏لو كنت أجر خْطاي في كل وادي

‏حبيبي الغايب، سنا كل ديجور
‏في غيبتك دلّ الوهم جوف غادي".

"يانديمه" جادت اللقيا سلام
يوم صبري في تناهيدي شَرق

عشت أنا لا طارت أسراب الحمام
في رجاء غيمه، وبارق مابرق !

كان قلبي في دهاليز الظلام
شاعر وغاوي، تدَثره الأرق

وكانت أقلامي إذا كَبْر الملام
تشكي "آثار الثماله" للورق

وأكتبك، وأعانق حدود الغمام
وأرتوي، وأظماك، وأهوى، وأغرق".

"عن ضيعة اللي "ماله الا وقوفه"
وأن طاح مايبكي، وإذا قام مابان

من يسند لـ راسي دماثة كتوفه ؟
من المحبه، أو من باب الإحسان

تملأ عظامي حاجتي للمروفه
ماني معرّض للبكاء مثلي الآن

اللي حسبت أني قوي يوم أطوفه
جردني من أبسط أحاسيس الإنسان

الا من إحساس الترقّب وخوفه
وْدموعه اللي مالها داعي أحيان

الخوف تحديدًا لا يمكن تشوفه
لكن له مخلب، وله عين، ولسان

ينهش ظنوني قبل يملي ظروفه
وْيدور الفرصه علي قدر الإمكان

وأن أضمر إحساس التربّص بـ جوفه
لا قلت له: كيف الهرب؟ قال: سيّان

مع أن لـ أحزاني وجيه مْعروفه
الا أن لي فتره في حالة تَوهان

يملاني إحساس البكاء لين أشوفه
وأن جيت ببكي كل "داعي بكاء" هان

ماكل حاجه هينّه ومْخلوفه
لكن القلب أن قسى جد ما لان

اللي حسبت أني قوي يوم أطوفه
جردني من أبسط أحاسيس الإنسان".

"اللي تركني ماحسب شيء لرضاي
بكيته .. الين الحزن فات آوانه

من كبر تقديره، ومن كبر بلواي
مافي عيوني لـ أزر الدمع خانه

ماودي أذكر مامضى لي بدنياي
كانت ليالي سيئه "لـ الأمانه"

اليوم ضحكي مايفارق محياي
ماعاد باقي شيء أحزن عشانه".

"أوضح مْن الحزين اللي سرى ليله
لا طوته المسافه والدجى ظافي

تعتعة صوتي اللي مالها حيله
أسحب الحرف كنّه قِيدٍ خلافي

لي سنه والحزن يحمس معاميله
فوق كبدي ولا قهويته بـ قافي !

لين حن الصدر وأمسيت أهادي له
من بقايا الوهم عزيت ميقافي

لـ أتلع الجيد مات الصمت تأويله
وأنتخيت السهر يستنطق الخافي

شاعرك كانت أوراقه مناديله
ربّعت في ذرى طاريّك الدافي

لي معك: قلبي اللي من تعاليله
كن فيه الرعود تْصحي الغافي

أحفظه، لين راسي يحترق هيله
ويبرك الكبرياء خاذل له سْنافي

العمر: وجهك وضيّعته فـ ليله
كنت فيها نصير الحزن وأعرافي

أشتياقي نسى بـ أنك مداهيله
تكسره خيبته ماقدّر اللافي !

أهزمي ميّس الراحه ونادي له
مثل مايهزم التعبان متشافي !

وأرجعي لي تجاه أعشق تفاصيله
وأتبعك عَيّل أستبشر بـ ميلافي !

مايموت الظلام إلا بْـ قناديله
بك يطيح التعب من نايف أكتافي

لا تخلين قلبي في غرابيله
أشرقي وأنطقي لفراقنا: كافي".

‏أحسب أني يوم أعدي على الضلع المنيف
‏قلبي بـ يبرى صوابه و تركد ونّته

‏واقف مثل " المعزّب " على باب المضيف
‏بيت شعر كل ما قلت بنسى غنّته

‏( علموها ) لا تسامر ببعدي كل طيف
‏في رجا " ليل رسمته " و " صبح ظنّته "

‏مابقى لـ أنصاف الاحلام في صدري مصيف
‏صدري أنهكته دروب الحياة و عنّته !

‏يوم : عاد البال ممطور و الخاطر مريف
‏قلت ما تبديه عيني و نفسي كنّته

‏الليالي وقعها في النشاما وقع سيف
‏و البشاير في هماليلها ، متعنّته

‏القوي يضحك على طيحة دموع الضعيف
‏و البشر من طاح بيدينها ما حنّته !

‏لو تعلمنا نصايح " بركات الشريف "
‏( كان مندوب المحاكم قصرنا منّته )

‏واهني اللي توفّى على الدين الحنيف
‏ما بعد خالف نبيه و بدل سنّته

‏جعلني لا جيت في بيته المعمور ضيف
‏أخسر الدنيا و أهلها و أفوز " بجنّته "

القصيدة اللي من احد امنياتي انها انكتبت لي :

"حادي الصمت ماعندي لصمتي بديل
وأنت ليله تغافلها الجفا مادرت

وين أوديك ياهمٍ بقلبي ثقيل ؟
جعل تسري بك الليله ليا من سرت

أيه خايف على دمعة عيوني تسيل
ماقدرت أتجاهلها وهي ما أقدرت

كانت أصعب على نفسي من المستحيل
لين سالت على شان الغلا وأعبرت

عزتي تطلب الفرقا بيوم الرحيل
لو جروحي على طول العمر مابرت

جيت عابر سبيل ورحت عابر سبيل
والمحبه ربت في داخلي وأكبرت

أنت ياللي ليا مالت جروحك تميل
الليالي خذت مني وماقصرّت !

لا تسولف ترا ليل المفارق طويل
كل كلمه على بالك فبالي طرت

شوف عيني وتلقى للمحبه دليل
مير نفسي لتقليب المواجع ضرت

طوّل الصمت وأربكت الشعور الجميل
قلت أببعد مدام أن الجروح أكثرت

خل دمعك يسولف للموادع ويسيل
ولا أنا دمعتي طاحت وهي مادرت".

‏ما للنشايب ، غير فكاك الأنشاب
‏برقع ( قرانيسك ) و نوّخ ركايبـك
‏.
‏حول عن الطاره و خلك على الباب
‏جا راعي المركاض يا راعي الدبك
‏.
‏أنا صريح ، و ذا بلا أبوك يا عقاب
‏ناسبك وضعي عاد ، و إلا ما ناسبك
‏.
‏جاين ، تبي تطلق بـ وقفتك الأرقاب
‏و وقفتك ، ما تطلق طليّين من شبك

‏عبدالرحمن بن جزا

﴿فَلَا تُزَكُّوا أَنفُسَكُمْ هُوَ أَعْلَمُ بِمَنِ اتَّقَى﴾.

«اللَّهُمَّ آتِ نُفُوسَنَا تَقْوَاهَا ، وَزَكِّهَا أنْتَ خَيْرُ مَنْ زَكَّاهَا ، أنْتَ وَلِيُّهَا وَمَوْلَاهَا».

‏دعوة اليوم :

‏يا مسكّن الروعات / في قلب مرتاع
‏عبدك على درب الهداية .. تدلّه .

اذكروني بصادق دعواتكم في هاليوم الفضيل لعل احدكم اقرب لله مني فتقبل دعوته❤️