هويتك غصب، وأسكنتك غلا في محجر الأجفان
ولقيتك خنجرٍ يطعن بظهري من ورا كتوفي!

تهاوت أكبر أحلامي ومات الصبر والنسيان
وملامح خيبتي ضاعت ما بين الوجه وحروفي

تعلمت أن أصدق حب يخفي خلفه الحرمان
وتعلمت أن أجمل وجه يخفي خلفه حتوفي

عزاي أني وفيت وكنت في وجه الجفا إنسان
وأحبك رغم هذا والوجع مستوطن بجوفي

وأخيرًا
والسلام اللي بعد حرب وبعد ميدان
هجرت الأرض بآلامي وطاحت مني سيوفي .

كل عام وانتم لله اقرب ..
نلتقي بإذن الله بعد رمضان 🌙♥️.

يلحقني عتب ومشاريه لو اعايدكم اللحين ؟

كل عام وانتم بخير وعااافية يامساحتي الآمنة 💞

اف من المشاعر 😔♥️♥️♥️♥️

مامر النوم عيني من كثر الزعل !

يزعلوني وانا اللي يحارب النوم اهدابي وهم ينامون !
عجيييبب !!

" من كثير الجرح قلي وش لقيت
سالمٍ منه مثل سلم العَطـب

تجرح الجرح وتحسب اني نسيت
ومن يحبك حيل وش منك كسب ؟

لاتظن اني بعد مُدة .. نسيت
وانت تدري الجرح بيورّث عتب !

ولا تكلمني تحسب اني نسيت
والله انه مابعد طَـاح الحطب ! "

بين صدفه جابها العمر ووداع بـ إختياري
ما عرف قلبي يطيع الواقع أو يرضي غروره

كنت أظن أن مرّت الأيام بـ يجف إنتظاري
ما هقيت أن الأمل يستمطر إليا جف بيره!

ودي أقسى ودي أنسى ودي أرسى في مساري
وأمسك يدين اليقين اللي تخافه كل حيره

العمر ما هو مشاورني ولا رهن لـ قراري
العمر يمضي وسيف الوقت ما يحضن جفيره

لا تداوين الجروح ولا تمرين إنكساري
وجهك أنتي له ملامح تبري الجرح وتثيره

كنت داري بالرحيل المرّ والله كنت داري
وكنت داري أن الوداع أقسى من الدرب وهجيره .

تنهدتّك البارح، وهزّ الحنين القاف
وجبت الورق ما بين ودّي ولا ودّي

وعين الشعر تتغورق فـ قلبي الشفّاف
كرهته كثر ما بحت في مرقبه سدّي

وأنا منك - يا مرباع قلبي - عليّ خلاف
لي أيام والسبحه تحسْب أنها يدّي

أشوفك عذاب وعذب يا حيرة المزهاف
وأنا قبل أهيمك ما خبرت العقل ضدّي!

"ماتركني عن شعاع النور هارب
غير وجهٍ لا ضوى نوره سرحته

من مساء البارح وأنا أسدد وأقارب
في حدود المجلس اللي مابرحته

تاركٍ خلفي مزارات ومضارب
باعثٍ لله بثي ماشرحته

للنفوس اللي بطيها مئآرب
واليدين اللي عطاها ما أسترحته

وأنت بارد مبسم وعاذي مشارب
توجد أسباب الفرح لو مافرحته

لا تحسب ضلوع صدري سد مارب
والله أنك لو تبي طرحه طرحته

واحدٍ مايستريح الا محارب
لو تسولف له عن الراحه جرحته".

عطيتك زمام القلب في زحمة الخطار
‏ومن كثر ماهاب الجفى صاير اهابك

‏على نايف الاشواق والليل له سمّار
‏سريت بخيالي لين عانقت مرقابك

‏عطيتك مواثيق الغلا والسلام الحار
‏ولا جابك التقدير والشوق ماجابك

‏حفظت العتب والحب والجرح والاسرار
‏اخاف المشاعر من مفارقك تغتابك

مرّت ثلاث سنين
والمشتاق جاب اللي وراه
والذاكرة نوبٍ يزاولها ونوب يعوفها

الله على ذاك الطريق اللي ما نبغى منتهاه
يا درةٍ ناقشة على صدر القصيد حروفها

رحنا
ولا راح الشعور
ولا أسترحنا من وذاه
الحظ ما يعطي المواليف قلب شفوفها

في بحر عينيك الجميلة ما نفع طوق النجاه
سحرٍ تلحفّه الجفون اللي تشيل سيوفها

لا تلحقيني لوم ف اللي فات يا مال الغناه
أنا شجاعٍ واجه الأيام رغم ظروفها

راضي لو أشوف الهجر
واللوم
وأعوف الحياه
إلا الدموع اللي على خدّك
لا عاد أشوفها .

هالصوتية لها وقع خاص جداً علي ، ياما سمعتها في دروب تتجاوز الـ 1000 كيلو عشان ارضي هوى قلبي .

‏ماحزنت الا على هقواتي وطيبي وظني
‏يوم كنت اظنه اطيب من على الدنيا لقيته

‏كنت اشوفه قطعة من قلبي وروحي ومني
‏وكنت اشوفه كل حلم وكل شي قد بغيته

‏ماهقيت انه ب يحزني وعاده ب يغبني
‏في وفاي الي وفيت وفي غلاي الي عطيته

‏ابتعد عني وهو ناذر نذر مايغيب عني
‏يلعن الله كل عهد وكل طيبٍ قد هقيته

تجاهلت الشعور ولا قدرت أغادر الأطلال
أنا للحين واقف منتظر أرجع من غيابي

يلازمني ظلالي كنه أفكاري ما هو بـ ظلال
وأنا مليت حتى من ظلالي لوّه أولى بي

كثر ما مرني من مجريات الضيق والغربال
ما عاد أعرف أنام إلا وأنا مشدودة أعصابي

سعيت أكافح الدنيا شقي، وساءت الأحوال
ولا زلت أترقب غيث صبري يسقي ركابي

أنا في يدي راحة، وأعتبرها راحةٍ للبال
كثر ما ترتفع لله تعالى تشكي أتعابي

ما عاد الوقت يغري والليالي تسرق الآمال
ليا ضاقت علي الأرض، ما ضاقت بي ثيابي .