سهى بال الزمن عن سيرتك وأسمك نسوه الناس
ولا لك في ملامح ديرتك ذكرى وربع وحيّ

مشيت بحيرتك من دون وجهه وكنّك العساس
تدوّر في مجاديب السنين وقيضها لك فيّ

وحيدٍ ما معك غير الشعر والحبر والقرطاس
ولا لك أنتما.. لا في دروب الخير ولا الغي

غريبٍ لك تحت بشت الليالي طرقه وهوجاس
تغني للبهوت وللظلام ولا تحب الضي

تشوّه كل مابك، ضحكتك والصوت والأحساس
ولا حتى تفاصيلك ولا حتى الملامح هيّ

تمر أيام عمرك دون رغبه، عاث فيك الياس
على ضفّة مشاوير السنين تقول ميت حي

ِ

تساهلت الفراق وتباردته لو إنه حار
ما دام إن الغلا منزوع وماني اخر أحبابك

"أتركوني كلي بـ صوب والعالم بـ صوب
وأرفعوا عن طيش الاقلام والفكر العتب

هاجسي كنه يدور على باب الهروب
مايريّح لين ألقى على المطلع سبب

عاد أنا اللي كل ماطالت طوال الدروب
ماتحد ركاب صبري على ثني الركب

كل ماعيّت تهيّا تباشير النصوب
أتبسّم لـ المقابيل وأصبر وأحتسب

وأتغنى فـ المواعيد ياخضر القلوب
لين أقرّب كل صدفه يميلّها الطرب

ياهنوفٍ دونها العمر ماهو بـ محسوب
الزعل تبّت يدينه وماجابت وتب

أقبلي مثل الهمايل على القاع الجدوب
ووقفي لين أسرق النوم من شطّ الهدب

وأنثني مثل الخزامى ليا هبّت هبوب
وأثبتي مثل المواثيق مابين العرب

وإقلطي لا جابك الشوق فـ الصدر الرحوب
وهزّي جذوع القريحه، تساقط لك كُتب

وعاتبيني كان ما ألبستك من الود ثوب
وأعذريني لو تماديت في ساعة غضب

والله أن ماني على كيّة الحب مغصوب
مير ماعيّنت مثلك الكون الرحب

لك كلامٍ أعذب من الما ولك صوتٍ عذوب
يشهد الله كنّه العافيه عقب التعب

ولي خفوقٍ عن محبتك عيا لا يتوب
وجنته وصلك وفرقاك سوء المنقلب".

‏يا حبيبي يِمرض الشوق في بعض الليال
‏أبعد الله .. عني و عنك " تأثير " المرض

‏ودي أسلى .. لكن شلون والسلوة محال؟
‏بعد زادت حلكة الليل والعارض عرض

‏مكتفي باللي يجي منك من باب الوصال
‏إن عجزت تسوي الصعب سو المفترض

‏أرسل .. إن عيت عليك الظروف الاتصال
‏الرسايل بعض الأحيان .. توفي بـ الغرض

‏كانه سأل قله انا بكل الاحوال
‏طيب عسى ما شافت الهم عينه

‏ولو ما سأل لا تنتظر مني وصال
‏بيعينني ما كان قبلي يعينه

‏من يوم هان الدمع في عين رجال
‏ما عاد للقياء والأحلام زينه

‏ما إخترت نبعد يوم الحق ينقال
‏ما اختار للفرقى دروب ومدينه

قولوله اني ماتكلمت وان طال
‏كل الكلام اللي يعز ويهينه

‏في لحظه ماوافقت حال بحال
‏وكل مشى دربه وقلبه بيدينه

‏لا لا تضيق صدور ولا ينشغل بال
‏راح الزمان ان عاد فيني حنينه

‏ما كان يسوى فراقنا بكل الاحوال
‏لو هو ذبحني دمعه بوسط عينه

‏"يا رب وإن ضاق المدى ما معي باس!
‏وما في سماي.. إلّا مشاريه ظلي

‏في وجهك من الناس واللي ورا الناس
‏ومن ضحكةٍ ما هي على وجه خلي"

"لا تعاتبني ترا .. ماعلى مثلي ملام
والحبيب اللي يغيب مايغيب بْلا سبب

والله أنك لو تحاول أني أحكي ألف عام
بسكت ولو راعد الشوق في قلبي ضرب

والغياب اللي تشوفه ماهو من قل إهتمام
الغياب اللي تشوفه شخص من همَّه تعب".

مهما حمّلك سواد الليل من وحشته الا ان الفجر يمحيها بمجرد شروق الشمس،يالله لك الحمد❤️.

‏الصباح المعتّق ما يجي من فراغ
‏كلّ صبحٍ جميل أنت طير سعده

‏تواريت عن عيني و قفّت بك الأيام
‏عزاي التمس لك عذر وأقول .. يمكنّه

‏اذا أفلست من شوفك تجيبك لي الأحلام
‏الأحلام / ما فيها ، مجامل ولا منّه "

"لو نشعر إن الأرض ضاقت كل مانفقد حبيب
‏اللي تضيق صدورنا والارض تاسع كل شي

‏من غيبتك وأنا انتقل بالأرض وشعوري غريب
‏أحس بأن الناس ماتوا بس — أنا للحين حي"

‏" ما فقدت إلا وليفٍ راح متهاون فراقي
كني اللي فاقدٍ ‏في موقفه خيرة ربوعه "

- ياكبر الخيبة!

‏لي صاحبٍ في تالي الوقت خيّب
‏وقام يتعمد ، بالردى ، ويتحدى

‏كنت أفقده لو راح عني وغيّب
‏وكان الرفيق اللي له القدر جداً

‏ماني بقايل صاحبي كان طيب
‏لو كان طيب صاحبي ماتردّى

وصلتها ❤️❤️❤️❤️.

أضويت لك قمرا وشرّعت لك باب
‏وصبيت لك كأس الهوى من عروقي
‏لا تستريب وخاطر الجرح ما طاب
‏هذي سماء روحي وهذي بروقي
‏كم للسهر يغتاب ليلي ولا تاب
‏وكم للظلام يردني عن شروقي
‏ولا الكلام اللي ربى فيني وشاب
‏ما مر ليل إلا وراود خفوقي
‏عن كل ضحكة ما ملت عين الأحباب
‏وعن كل دمعة ما أزهرت في عذوقي

‏طلّ نجمٍ سطع فالليلة المدلهمه
‏جابه الله لعشاق القوافي دليله

‏شاعرٍ كثر ما تفخر به عيال عمه
‏تفتخر به على الاجيال شعار جيله

‏رغم كل اختلافات الامم والائمه
‏عند شعره يصيرون القبايل قبيله

‏يا جميله من اللي حط للشعر قمه
‏بعد قمة حياة الاكلبي يا جميله

‏غير من حارب استعمارك وضاع دمه
‏ من رماحٍ على هيئة رموشٍ ضليله

‏موت الانسان فالانسان هو المطمه
‏وانا مانيب ميت فيك ميت قليله

‏ابتعدنا ولا زلتي للاحساس يمّه
‏ملهمة كل يوم وسالفة كل ليله

‏انعدام الوصل مايعتبر ضعف همه
‏يعتبر حيلة اللي مامعه فيك حيله

‏قاتل الفارس اللي تربكه دمعة امه
‏وانفلت من يده حتى عنان الكحيله

‏مقتنع بالفراق اللي طواني بهمه
‏اقتناعي بتقصير السنين البخيله

‏ادري ان الزمان يشتت اللي نلمه
‏وادري ان الفرح ماهوب راعي طويله

‏وادري ان قلبي اللي يدري انك مهمه
‏يدري ان المهمه غالبا مستحيله

‏لك علي شعرٍ اللي يفهمه ما يذمه
‏ما تخلّا عن طيوفك ودور خليله

‏جعله يعوضك بمجد تلدين يمه
‏ورايةٍ يستحق يشيلها ما تشيله :)

‏ما بقى شيٍ عن الماضي ما قلته
‏والعرب ما تجهل ألا من جهلها

‏يِعرف التاريخ .. وتميّز شجرته
‏مثل ما يِعرف وعر نجد وسهلها

‏ما تَعلوى قيمتك مهما حفظته
‏حتى لو تاريخ جدك قد دهلها

‏لا تماري غير في فعلٍ فعلته
‏الفعول الاوله .. تبقى لا هلها

‏اغضيت ماكنك تغيث الملاهيف
‏عييت ماكنك كريمٍ رهاوي

‏من صدتك تاكل بعضها التحاسيف
‏من خيبتك طاحن عظام الهقاوي

‏كنك تركت المرحبا تجرح الضيف
‏وكسرت تكفىٰ واذبلنّ النخاوي

‏عبدالله الروسي .

فقدت أكثر من اللازم ..
‏ دموع ، وعافيه
‏ وأحلام !

‏ وشعور
‏ وناس ..
‏ وزهرة شباب " فـ ليلةٍ وحده "

‏أنا ماصرت أخاف الفقد ، وإذا ضاقوا علي مانام
‏ أنا اللي ما فقدته
‏ صرت " أتدرب " على فقده !
‏أنا الليله نتاج الفقد والتصديق والأوهام
‏ وجرحٍ في حياتي ما تخيْطه آسف وورده "‏